ʿniania and Qabin انیانی و قابین

ʿniania and Qabin

Transliterated by: Majid Fandi Al-Mubaraki, Brian Mubaraki 2000

Source: Sidra d Nišmata, ʿniania and Qabin – English Transliteration.

Unicode by: Ibrāhīm Šafiʿī (University of Tehrān)

 

ࡏࡍࡉࡀࡍࡉࡀ

 

ࡌࡀࡓࡀࡉ ࡌࡔࡀࡁࡀ ࡊࡅࡔࡈࡀ ࡀࡎࡉࡍࡊࡅࡍ ࡄࡀࡆࡉࡍ ࡏࡍࡉࡀࡍࡉࡀ

ࡁࡔࡅࡌࡀࡉࡄࡅࡍ ࡖ ࡄࡉࡉࡀ ࡓࡁࡉࡀ ࡒࡀࡃࡌࡀࡉࡉࡀ ࡍࡅࡊࡓࡀࡉࡉࡀ ࡌࡍ ࡀࡋࡌࡉࡀ ࡖ ࡍࡄࡅࡓࡀ ࡉࡀࡕࡉࡓࡉࡀ ࡖ ࡏࡋࡀࡅࡉࡀ ࡅࡊࡅࡋࡄࡅࡍ ࡏࡅࡁࡀࡃࡉࡀ ࡀࡎࡅࡕࡀ ࡅࡆࡀࡊࡅࡕࡀ ࡄࡀࡉࡋࡀ ࡅࡔࡓࡀࡓࡀ ࡅࡏࡌࡓࡀ ࡅࡔࡉࡌࡀ ࡄࡀࡃࡅࡀࡕ ࡋࡉࡁࡀ ࡅࡔࡀࡁࡉࡒ ࡄࡀࡈࡀࡉࡉࡀ ࡍࡉࡄࡅࡉࡋࡉࡀ ࡋࡃࡉࡋࡉࡀ ࡍࡉࡍࡄࡀࡓࡋࡉࡀ

ࡏࡅࡑࡓࡀࡉ ࡅࡌࡀࡃࡀࡉ ࡅࡌࡀࡃࡉࡄࡕࡀࡉ ࡁࡄࡀࡆࡉࡍ ࡂࡉࡍࡆࡀ ࡅࡎࡀࡊࡀ ࡖ ࡓࡀࡄࡌࡉࡀ ࡅࡁࡄࡀࡉࡋࡇ ࡖ ࡉࡀࡅࡀࡓ ࡆࡉࡅࡀ ࡅࡎࡉࡌࡀࡕ ࡄࡉࡉࡀ ࡎࡀ . ࡓࡅࡔࡅࡌࡀ . . ࡁࡓࡀࡊ ࡉࡀࡓࡃࡍࡀ ࡓࡁࡀ ࡖ ࡌࡉࡀ ࡄࡉࡉࡀ . ࡌࡀࡓࡀࡉ ࡌࡔࡀࡁࡀ

104. ࡊࡅࡔࡈࡀ ࡀࡎࡉࡍࡊࡅࡍ ࡁࡔࡅࡌࡀࡉࡄࡅࡍ ࡖ ࡄࡉࡉࡀ ࡓࡁࡉࡀ ࡀࡎࡅࡕࡀ ࡅࡆࡀࡊࡅࡕࡀ ࡍࡉࡄࡅࡉࡋࡀࡊ ࡉࡀ ࡀࡁ ࡀࡁࡅࡄࡅࡍ ࡌࡀࡋࡊࡀ ࡐࡉࡓࡉࡀࡅࡉࡎ ࡉࡀࡓࡃࡍࡀ ࡓࡁࡀ ࡖ ࡌࡉࡀ ࡄࡉࡉࡀ . ࡁࡔࡅࡌࡀࡉࡄࡅࡍ ࡖ ࡄࡉࡉࡀ ࡓࡁࡉࡀ ࡄࡀࡋࡉࡋࡍࡉࡍ ࡏࡃࡀࡍ ࡁࡊࡅࡔࡈࡀ ࡅࡎࡐࡀࡍ ࡁࡄࡀࡉࡌࡀࡍࡅࡕࡀ ࡅࡌࡀࡋࡉࡋࡍࡉࡍ ࡁࡌࡀࡋࡀࡋࡉࡀ ࡖ ࡆࡉࡅࡀ ࡅࡏࡎࡄࡉࡈࡀࡁࡅࡍ ࡁࡏࡅࡑࡓࡀࡉ ࡖ ࡍࡄࡅࡓࡀ . ࡁࡓࡉࡊ ࡔࡅࡌࡀࡊ ࡅࡌࡔࡀࡁࡀ ࡔࡅࡌࡀࡊ ࡌࡀࡓࡀࡉ ࡌࡀࡍࡃࡀ ࡖ ࡄࡉࡉࡀ ࡁࡓࡉࡊ ࡅࡌࡔࡀࡁࡀ ࡄࡀࡊ ࡐࡀࡓࡑࡅࡐࡀ ࡓࡁࡀ ࡖ ࡏࡒࡀࡓࡀ ࡖ ࡌࡍ ࡍࡀࡐࡔࡉࡀ ࡐࡓࡀࡔ . ࡕࡋࡀࡕࡀ ࡆࡉࡁࡍࡉࡀ . ࡀࡍࡀ ࡐࡋࡀࡍ ࡁࡓ ࡐࡋࡀࡍࡉࡕࡀ ࡓࡔࡉࡌࡍࡀ ࡁࡓࡅࡔࡌࡀ ࡖ ࡄࡉࡉࡀ ࡔࡅࡌࡀ ࡖ ࡄࡉࡉࡀ ࡅࡔࡅࡌࡀ ࡖ ࡌࡀࡍࡃࡀ ࡖ ࡄࡉࡉࡀ ࡌࡀࡃࡊࡀࡓ ࡏࡋࡀࡉ . ࡕࡋࡀࡕࡀ ࡆࡉࡁࡍࡉࡀ .

ࡏࡅࡃࡍࡀࡉ ࡔࡀࡌࡅࡍ ࡒࡀࡋࡀ ࡖ ࡄࡉࡉࡀ . ࡕࡋࡀࡕࡀ ࡆࡉࡁࡍࡉࡀ . ࡍࡄࡉࡓࡀࡉ ࡀࡓࡉࡄ ࡓࡉࡄࡀ ࡖ ࡄࡉࡉࡀ . ࡕࡋࡀࡕࡀ ࡆࡉࡁࡍࡉࡀ . ࡓࡅࡔࡅࡌࡀࡉ ࡏࡋࡀࡅࡀࡉ ࡋࡀࡄࡅࡀ ࡁࡍࡅࡓࡀ ࡅࡋࡀࡄࡅࡀ ࡁࡌࡉࡔࡀ ࡅࡋࡀࡄࡅࡀ ࡖ ࡌࡔࡉࡄࡀ ࡌࡔࡀ ࡓࡅࡔࡅࡌࡀࡉ ࡁࡉࡀࡓࡃࡍࡀ ࡓࡁࡀ ࡖ ࡌࡉࡀ ࡄࡉࡉࡀ ࡖ ࡏࡍࡉࡔ ࡁࡄࡀࡉࡋࡉࡀ ࡋࡀࡌࡑࡉࡀ ࡔࡅࡌࡀ ࡖ ࡄࡉࡉࡀ ࡅࡔࡅࡌࡀ ࡖ ࡌࡀࡍࡃࡀ ࡖ ࡄࡉࡉࡀ ࡌࡀࡃࡊࡀࡓ ࡏࡋࡀࡉ . ࡊࡁࡉࡔ ࡄࡔࡅࡊࡀ ࡅࡕࡓࡉࡑ ࡍࡄࡅࡓࡀ ࡔࡅࡌࡀ ࡖ ࡄࡉࡉࡀ ࡅࡔࡅࡌࡀ ࡖ ࡌࡀࡍࡃࡀ ࡖ ࡄࡉࡉࡀ ࡌࡀࡃࡊࡀࡓ ࡏࡋࡀࡉ . ࡐࡅࡌࡀࡉ ࡁࡅࡕࡀ ࡅࡕࡅࡔࡁࡉࡄࡕࡀ ࡌࡋࡀ . ࡕࡋࡀࡕࡀ ࡆࡉࡁࡍࡉࡀ . ࡁࡅࡓࡊࡀࡉ ࡌࡀࡓࡁࡉࡊࡀ ࡅࡎࡀࡂࡃࡀ ࡋࡄࡉࡉࡀ ࡓࡁࡉࡀ . ࡕࡋࡀࡕࡀ ࡆࡉࡁࡍࡉࡀ . ࡋࡉࡂࡓࡀࡉ ࡌࡀࡃࡓࡉࡊࡀ ࡃࡉࡓࡊࡉࡀ ࡖ ࡊࡅࡔࡈࡀ ࡅࡄࡀࡉࡌࡀࡍࡅࡕࡀ . ࡕࡋࡀࡕࡀ ࡆࡉࡁࡍࡉࡀ . ࡀࡍࡀ ࡐࡋࡀࡍ ࡁࡓ ࡐࡋࡀࡍࡉࡕࡀ ࡑࡁࡉࡍࡀ ࡁࡌࡀࡑࡁࡅࡕࡀ ࡖ ࡁࡉࡄࡓࡀࡌ ࡓࡁࡀ ࡁࡓ ࡓࡅࡓࡁࡉࡀ ࡌࡀࡑࡁࡅࡕࡀࡉ ࡕࡉࡍࡀࡈࡓࡀࡉ ࡅࡕࡉࡎࡀࡒ ࡋࡓࡉࡔ ࡔࡅࡌࡀ ࡖ ࡄࡉࡉࡀ ࡅࡔࡅࡌࡀ ࡖ ࡌࡀࡍࡃࡀ ࡖ ࡄࡉࡉࡀ ࡌࡀࡃࡊࡀࡓ ࡏࡋࡀࡉ . ࡕࡋࡀࡕࡀ ࡆࡉࡁࡍࡉࡀ . ࡋࡉࡂࡓࡀࡉ ࡏࡃࡀࡉࡄࡅࡍ ࡖ ࡔࡅࡁࡀ ࡅࡕࡓࡉࡎࡀࡓ ࡋࡀࡕࡉࡔࡕࡀࡋࡀࡈ

ࡏࡋࡀࡉ ࡔࡅࡌࡀ ࡖ ࡄࡉࡉࡀ ࡅࡔࡅࡌࡀ ࡖ ࡌࡀࡍࡃࡀ ࡖ ࡄࡉࡉࡀ ࡌࡀࡃࡊࡀࡓ ࡏࡋࡀࡉ ࡎࡀ .

ࡀࡎࡅࡕ ࡌࡀࡋࡊࡉࡀ . ࡌࡀࡓࡀࡉ ࡌࡔࡀࡁࡀ ࡁࡋࡉࡁࡀ ࡃࡀࡊࡉࡀ . ࡊࡁࡉࡔ ࡄࡔࡅࡊࡀ ࡅࡕࡓࡉࡑ ࡒࡀࡋࡀ ࡍࡄࡅࡓࡀ .

105. ࡏࡊࡀ ࡄࡉࡉࡀ ࡏࡊࡀ ࡌࡀࡓࡀࡉ ࡏࡊࡀ ࡌࡀࡍࡃࡀ ࡖ ࡄࡉࡉࡀ ࡊࡀࡁࡀࡕࡀࡓ ࡍࡄࡅࡓࡀ ࡁࡎࡉࡄࡃࡅࡕࡀ ࡖ ࡄࡉࡉࡀ ࡅࡁࡎࡉࡄࡃࡅࡕࡀ ࡖ ࡌࡀࡋࡊࡀ ࡓࡀࡌࡀ ࡓࡁࡀ ࡖ ࡍࡄࡅࡓࡀ ࡀࡋࡀࡄࡀ ࡓࡁࡀ ࡖ ࡌࡍ ࡍࡀࡐࡔࡉࡀ ࡀࡐࡓࡀࡔ ࡖ ࡋࡀࡁࡀࡈࡉࡋ ࡅࡋࡀࡌࡁࡀࡈࡀࡋ ࡔࡅࡌࡀࡊ ࡉࡀ ࡄࡉࡉࡀ ࡅࡌࡀࡓࡀࡉ ࡅࡌࡀࡍࡃࡀ ࡖ ࡄࡉࡉࡀ . ࡌࡀࡓࡀࡉ ࡌࡔࡀࡁࡀ ࡊࡅࡔࡈࡀ ࡀࡎࡉࡍࡊࡅࡍ ࡁࡔࡅࡌࡀࡉࡄࡅࡍ ࡖ ࡄࡉࡉࡀ ࡓࡁࡉࡀ ࡀࡎࡅࡕࡀ ࡅࡆࡀࡊࡅࡕࡀ ࡍࡉࡄࡅࡉࡋࡀࡊ ࡉࡀ ࡁࡀࡁࡀ ࡓࡁࡀ ࡖ ࡁࡉࡕ ࡓࡀࡄࡌࡉࡀ ࡉࡀࡒࡉࡓࡀ ࡀࡎࡅࡕࡀ ࡅࡆࡀࡊࡅࡕࡀ ࡍࡉࡄࡅࡉࡋࡊࡅࡍ ࡀࡁࡀࡄࡀࡕࡀࡍ ࡒࡀࡃࡌࡀࡉࡉࡀ ࡉࡀࡒࡉࡓࡉࡀ ࡀࡎࡅࡕࡀ ࡅࡆࡀࡊࡅࡕࡀ ࡍࡉࡄࡅࡉࡋࡉࡊ ࡂࡉࡍࡆࡀ ࡖ ࡄࡉࡉࡀ ࡓࡁࡉࡀ ࡒࡀࡃࡌࡀࡉࡉࡀ ࡉࡀࡒࡉࡓࡀ ࡀࡎࡅࡕࡀ ࡅࡆࡀࡊࡅࡕࡀ ࡍࡉࡄࡅࡉࡋࡀࡊ ࡌࡀࡋࡊࡀ ࡌࡀࡓࡀ ࡖ ࡓࡀࡁࡅࡕࡀ ࡏࡋࡀࡉࡕࡀ ࡀࡎࡅࡕࡀ ࡅࡆࡀࡊࡅࡕࡀ ࡍࡉࡄࡅࡉࡋࡀࡊ ࡌࡀࡋࡊࡀ ࡉࡅࡔࡀࡌࡉࡍ ࡃࡀࡊࡉࡀ ࡁࡓ ࡍࡉࡑࡉࡁࡕࡅࡍ ࡀࡎࡅࡕࡀ ࡅࡆࡀࡊࡅࡕࡀ ࡍࡉࡄࡅࡉࡋࡀࡊ ࡌࡀࡋࡊࡀ ࡌࡀࡍࡃࡀ ࡖ ࡄࡉࡉࡀ ࡁࡓ ࡍࡉࡑࡉࡁࡕࡅࡍ ࡀࡎࡅࡕࡀ ࡅࡆࡀࡊࡅࡕࡀ ࡍࡉࡄࡅࡉࡋࡀࡊ ࡌࡀࡋࡊࡀ ࡄࡉࡁࡉࡋ ࡆࡉࡅࡀ ࡀࡎࡅࡕࡀ ࡅࡆࡀࡊࡅࡕࡀ ࡍࡉࡄࡅࡉࡋࡀࡊ ࡌࡀࡋࡊࡀ ࡀࡍࡅࡔ ࡏࡅࡕࡓࡀ ࡀࡎࡅࡕࡀ ࡅࡆࡀࡊࡅࡕࡀ ࡍࡉࡄࡅࡉࡋࡀࡊ ࡌࡀࡋࡊࡀ ࡔࡉࡔࡋࡀࡌ ࡓࡁࡀ ࡀࡎࡅࡕࡀ ࡅࡆࡀࡊࡅࡕࡀ ࡍࡉࡄࡅࡉࡋࡀࡊ ࡌࡀࡋࡊࡀ ࡎࡄࡀࡒ ࡆࡉࡅࡀ ࡓࡁࡀ ࡒࡀࡃࡌࡀࡉࡀ ࡀࡎࡅࡕࡀ ࡅࡆࡀࡊࡅࡕࡀ ࡍࡉࡄࡅࡉࡋࡀࡊ ࡌࡀࡋࡊࡀ ࡎࡀࡌ ࡆࡉࡅࡀ ࡃࡀࡊࡉࡀ ࡁࡅࡊࡓࡀ ࡄࡀࡁࡉࡁࡀ ࡓࡁࡀ ࡒࡀࡃࡌࡀࡉࡀ ࡀࡎࡅࡕࡀ ࡅࡆࡀࡊࡅࡕࡀ ࡍࡉࡄࡅࡉࡋࡊࡅࡍ ࡄࡉࡁࡉࡋ ࡅࡔࡉࡕࡉࡋ ࡅࡀࡍࡅࡔ ࡀࡎࡅࡕࡀ ࡅࡆࡀࡊࡅࡕࡀ ࡍࡉࡄࡅࡉࡋࡊࡅࡍ ࡀࡃࡀࡕࡀࡍ ࡅࡉࡀࡃࡀࡕࡀࡍ ࡀࡎࡅࡕࡀ ࡅࡆࡀࡊࡅࡕࡀ ࡍࡉࡄࡅࡉࡋࡊࡅࡍ ࡔࡉࡋࡌࡀࡉ ࡅࡍࡉࡃࡁࡀࡉ ࡏࡅࡕࡓࡉࡀ ࡍࡀࡈࡓࡉࡀ ࡖ ࡉࡀࡓࡃࡍࡀ ࡀࡎࡅࡕࡀ ࡅࡆࡀࡊࡅࡕࡀ ࡍࡉࡄࡅࡉࡋࡊࡅࡍ ࡎࡓࡉࡍ ࡅࡀࡓࡁࡀ ࡏࡅࡕࡓࡉࡀ ࡁࡍࡉࡀ ࡍࡄࡅࡓࡀ ࡀࡎࡅࡕࡀ ࡅࡆࡀࡊࡅࡕࡀ ࡍࡉࡄࡅࡉࡋࡊࡅࡍ ࡀࡓࡁࡀ ࡂࡅࡁࡓࡉࡀ ࡁࡍࡉࡀ ࡔࡋࡀࡌࡀ ࡀࡎࡅࡕࡀ ࡅࡆࡀࡊࡅࡕࡀ ࡍࡉࡄࡅࡉࡋࡊࡅࡍ ࡍࡑࡀࡁ ࡅࡀࡍࡀࡍ ࡍࡑࡀࡁ ࡀࡎࡅࡕࡀ ࡅࡆࡀࡊࡅࡕࡀ ࡍࡉࡄࡅࡉࡋࡊࡅࡍ ࡎࡀࡓ ࡅࡎࡀࡓࡅࡀࡍ ࡀࡎࡅࡕࡀ ࡅࡆࡀࡊࡅࡕࡀ ࡍࡉࡄࡅࡉࡋࡊࡅࡍ ࡆࡄࡉࡓ ࡅࡆࡉࡄࡓࡅࡍ ࡁࡄࡉࡓ ࡅࡁࡉࡄࡓࡅࡍ ࡅࡕࡀࡓ ࡅࡕࡀࡓࡅࡀࡍ ࡀࡎࡅࡕࡀ ࡅࡆࡀࡊࡅࡕࡀ ࡍࡉࡄࡅࡉࡋࡊࡅࡍ ࡀࡓࡐࡏࡉࡉࡋ ࡅࡌࡀࡓࡐࡏࡉࡉࡋ ࡀࡎࡅࡕࡀ ࡅࡆࡀࡊࡅࡕࡀ ࡍࡉࡄࡅࡉࡋࡊࡅࡍ ࡉࡅࡐࡉࡍ ࡅࡉࡅࡐࡀࡐࡉࡍ ࡀࡎࡅࡕࡀ ࡅࡆࡀࡊࡅࡕࡀ ࡍࡉࡄࡅࡉࡋࡊࡅࡍ ࡄࡀࡁࡔࡀࡁࡀ ࡅࡊࡀࡍࡀ ࡖ ࡆࡉࡃࡒࡀ ࡀࡎࡅࡕࡀ ࡅࡆࡀࡊࡅࡕࡀ ࡍࡉࡄࡅࡉࡋࡊࡅࡍ ࡁࡉࡄࡓࡅࡍ ࡅࡊࡀࡍࡐࡏࡉࡉࡋ ࡀࡎࡅࡕࡀ ࡅࡆࡀࡊࡅࡕࡀ ࡍࡉࡄࡅࡉࡋࡀࡊ ࡌࡀࡋࡊࡀ ࡃࡓࡀࡁࡔࡉࡀ ࡕࡀࡒࡍࡀ ࡀࡎࡅࡕࡀ ࡅࡆࡀࡊࡅࡕࡀ ࡍࡉࡄࡅࡉࡋࡀࡊ ࡌࡀࡋࡊࡀ ࡔࡉࡄࡋࡁࡅࡍ ࡏࡅࡕࡓࡀ ࡀࡎࡅࡕࡀ ࡅࡆࡀࡊࡅࡕࡀ ࡍࡉࡄࡅࡉࡋࡀࡊ ࡌࡀࡋࡊࡀ ࡁࡀࡓࡁࡀࡂ ࡏࡅࡕࡓࡀ ࡀࡎࡅࡕࡀ ࡅࡆࡀࡊࡅࡕࡀ ࡍࡉࡄࡅࡉࡋࡀࡊ ࡌࡀࡋࡊࡀ ࡔࡉࡍࡂࡀࡋࡀࡍ ࡏࡅࡕࡓࡀ ࡀࡎࡅࡕࡀ ࡅࡆࡀࡊࡅࡕࡀ ࡍࡉࡄࡅࡉࡋࡀࡊ ࡌࡀࡋࡊࡀ ࡋࡉࡄࡃࡀࡉࡀ ࡓࡁࡀ ࡆࡀࡃࡉࡒࡀ ࡀࡎࡅࡕࡀ ࡅࡆࡀࡊࡅࡕࡀ ࡍࡉࡄࡅࡉࡋࡀࡊ ࡌࡀࡋࡊࡀ ࡏࡕࡉࡍࡑࡉࡁ ࡆࡉࡅࡀ ࡀࡎࡅࡕࡀ ࡅࡆࡀࡊࡅࡕࡀ ࡍࡉࡄࡅࡉࡋࡀࡊ ࡌࡀࡋࡊࡀ ࡀࡃࡀࡊࡀࡎ ࡌࡀࡍࡀ ࡀࡎࡅࡕࡀ ࡅࡆࡀࡊࡅࡕࡀ ࡍࡉࡄࡅࡉࡋࡀࡊ ࡌࡀࡋࡊࡀ ࡀࡃࡀࡊࡀࡎ ࡌࡀࡋࡀࡋࡀ ࡀࡎࡅࡕࡀ ࡅࡆࡀࡊࡅࡕࡀ ࡍࡉࡄࡅࡉࡋࡀࡊ ࡌࡀࡋࡊࡀ ࡀࡉࡀࡓ ࡃࡀࡊࡉࡀ ࡀࡎࡅࡕࡀ ࡅࡆࡀࡊࡅࡕࡀ ࡍࡉࡄࡅࡉࡋࡀࡊ ࡌࡀࡋࡊࡀ ࡀࡉࡀࡓ ࡎࡀࡂࡉࡀ ࡀࡎࡅࡕࡀ ࡅࡆࡀࡊࡅࡕࡀ ࡍࡉࡄࡅࡉࡋࡀࡊ ࡌࡀࡋࡊࡀ ࡌࡀࡄࡆࡉࡀࡍ ࡌࡀࡋࡀࡋࡀ ࡀࡎࡅࡕࡀ ࡅࡆࡀࡊࡅࡕࡀ ࡍࡉࡄࡅࡉࡋࡀࡊ ࡌࡀࡋࡊࡀ ࡉࡀࡅࡀࡓ ࡊࡁࡀࡓ ࡀࡎࡅࡕࡀ ࡅࡆࡀࡊࡅࡕࡀ ࡍࡉࡄࡅࡉࡋࡀࡊ ࡌࡀࡋࡊࡀ ࡉࡀࡅࡀࡓ ࡓࡁࡀ ࡀࡎࡅࡕࡀ ࡅࡆࡀࡊࡅࡕࡀ ࡍࡉࡄࡅࡉࡋࡀࡊ ࡌࡀࡋࡊࡀ ࡉࡅࡊࡀࡁࡀࡓ ࡓࡁࡀ ࡀࡎࡅࡕࡀ ࡅࡆࡀࡊࡅࡕࡀ ࡍࡉࡄࡅࡉࡋࡀࡊ ࡌࡀࡋࡊࡀ ࡉࡅࡊࡀࡔࡀࡓ ࡊࡀࡍࡀ ࡀࡎࡅࡕࡀ ࡅࡆࡀࡊࡅࡕࡀ ࡍࡉࡄࡉࡋࡀࡊ ࡌࡀࡋࡊࡀ ࡍࡁࡀࡈ ࡆࡉࡅࡀ ࡓࡁࡀ ࡒࡀࡃࡌࡀࡉࡀ ࡀࡎࡅࡕࡀ ࡅࡆࡀࡊࡅࡕࡀ ࡍࡉࡄࡅࡉࡋࡀࡊ ࡌࡀࡋࡊࡀ ࡎࡀࡌ ࡌࡀࡍࡀ ࡎࡌࡉࡓࡀ ࡀࡎࡅࡕࡀ ࡅࡆࡀࡊࡅࡕࡀ ࡍࡉࡄࡅࡉࡋࡀࡊ ࡌࡀࡋࡊࡀ ࡀࡁࡀ ࡓࡁࡀ ࡖ ࡏࡒࡀࡓࡀ ࡀࡎࡅࡕࡀ ࡅࡆࡀࡊࡅࡕࡀ ࡍࡉࡄࡅࡉࡋࡀࡊ ࡌࡀࡋࡊࡀ ࡐࡀࡓࡑࡅࡐࡀ ࡓࡁࡀ ࡖ ࡏࡒࡀࡓࡀ ࡀࡎࡅࡕࡀ ࡅࡆࡀࡊࡅࡕࡀ ࡍࡉࡄࡅࡉࡋࡀࡊ ࡌࡀࡋࡊࡀ ࡀࡃࡀࡌ ࡎࡄࡀࡒ ࡆࡉࡅࡀ ࡀࡎࡅࡕࡀ ࡅࡆࡀࡊࡅࡕࡀ ࡍࡉࡄࡅࡉࡋࡀࡊ ࡌࡀࡋࡊࡀ ࡁࡉࡄࡓࡀࡌ ࡓࡁࡀ ࡀࡎࡅࡕࡀ ࡅࡆࡀࡊࡅࡕࡀ ࡍࡉࡄࡅࡉࡋࡀࡊ ࡌࡀࡋࡊࡀ ࡉࡅࡆࡀࡈࡀࡒ ࡌࡀࡍࡃࡀ ࡖ ࡄࡉࡉࡀ ࡀࡎࡅࡕࡀ ࡅࡆࡀࡊࡅࡕࡀ ࡍࡉࡄࡅࡉࡋࡀࡊ ࡌࡀࡋࡊࡀ ࡉࡀࡅࡀࡓ ࡂࡀࡍࡆࡏࡉࡋ ࡏࡅࡕࡓࡀ ࡀࡎࡅࡕࡀ ࡅࡆࡀࡊࡅࡕࡀ ࡍࡉࡄࡅࡉࡋࡀࡊ ࡌࡀࡋࡊࡀ ࡆࡉࡄࡓࡅࡍ ࡓࡀࡆࡀ ࡊࡀࡎࡉࡀ ࡀࡎࡅࡕࡀ ࡅࡆࡀࡊࡅࡕࡀ ࡍࡉࡄࡅࡉࡋࡀࡊ ࡌࡀࡋࡊࡀ ࡎࡀࡌࡀࡍࡃࡀࡓࡏࡉࡋ ࡏࡅࡕࡓࡀ ࡀࡎࡅࡕࡀ ࡅࡆࡀࡊࡅࡕࡀ ࡍࡉࡄࡅࡉࡋࡀࡊ ࡌࡀࡋࡊࡀ ࡑࡀࡍࡀࡑࡏࡉࡉࡋ ࡏࡅࡕࡓࡀ ࡀࡎࡅࡕࡀ ࡅࡆࡀࡊࡅࡕࡀ ࡍࡉࡄࡅࡉࡋࡀࡊ ࡌࡀࡋࡊࡀ ࡕࡀࡅࡓࡏࡉࡉࡋ ࡏࡅࡕࡓࡀ ࡀࡎࡅࡕࡀ ࡅࡆࡀࡊࡅࡕࡀ ࡍࡉࡄࡅࡉࡋࡀࡊ ࡌࡀࡋࡊࡀ ࡂࡅࡁࡓࡀࡍ ࡏࡅࡕࡓࡀ ࡀࡎࡅࡕࡀ ࡅࡆࡀࡊࡅࡕࡀ ࡍࡉࡄࡅࡉࡋࡉࡊ ࡎࡉࡌࡀࡕ ࡄࡉࡉࡀ ࡀࡎࡅࡕࡀ ࡅࡆࡀࡊࡅࡕࡀ ࡍࡉࡄࡅࡉࡋࡉࡊ ࡏࡆࡋࡀࡕ ࡓࡀࡁࡕࡉࡀ ࡀࡎࡅࡕࡀ ࡅࡆࡀࡊࡅࡕࡀ ࡍࡉࡄࡅࡉࡋࡉࡊ ࡔࡀࡓࡀࡕ ࡍࡉࡈࡅࡐࡕࡀ ࡀࡎࡅࡕࡀ ࡅࡆࡀࡊࡅࡕࡀ ࡍࡉࡄࡅࡉࡋࡉࡊ ࡊࡀࡍࡀࡕ ࡍࡉࡈࡅࡐࡕࡀ ࡀࡎࡅࡕࡀ ࡅࡆࡀࡊࡅࡕࡀ ࡍࡉࡄࡅࡉࡋࡉࡊ ࡁࡉࡄࡓࡀࡕ ࡀࡍࡀࡍࡀ ࡀࡎࡅࡕࡀ ࡅࡆࡀࡊࡅࡕࡀ ࡍࡉࡄࡅࡉࡋࡉࡊ ࡌࡀࡓࡂࡀࡍࡉࡕࡀ ࡃࡀࡊࡉࡕࡀ ࡀࡎࡅࡕࡀ ࡅࡆࡀࡊࡅࡕࡀ ࡍࡉࡄࡅࡉࡋࡀࡊ ࡌࡀࡋࡊࡀ ࡀࡁࡀࡕࡅࡓ ࡓࡀࡌࡀ ࡀࡎࡅࡕࡀ ࡅࡆࡀࡊࡅࡕࡀ ࡍࡉࡄࡅࡉࡋࡀࡊ ࡌࡀࡋࡊࡀ ࡏࡑࡈࡅࡍࡀ ࡓࡁࡀ ࡀࡎࡅࡕࡀ ࡅࡆࡀࡊࡅࡕࡀ ࡍࡉࡄࡅࡉࡋࡀࡊ ࡌࡀࡋࡊࡀ ࡀࡁࡀࡕࡅࡓ ࡌࡅࡆࡀࡍࡉࡀ ࡀࡎࡅࡕࡀ ࡅࡆࡀࡊࡅࡕࡀ ࡍࡉࡄࡅࡉࡋࡀࡊ ࡌࡀࡋࡊࡀ ࡐࡕࡀࡄࡉࡋ ࡁࡓ ࡆࡀࡄࡓࡏࡉࡉࡋ ࡀࡎࡅࡕࡀ ࡅࡆࡀࡊࡅࡕࡀ ࡍࡉࡄࡅࡉࡋࡀࡊ ࡌࡀࡋࡊࡀ ࡉࡀࡄࡉࡀ ࡉࡅࡄࡀࡍࡀ ࡀࡎࡅࡕࡀ ࡅࡆࡀࡊࡅࡕࡀ ࡍࡉࡄࡅࡉࡋࡀࡊ ࡌࡀࡋࡊࡀ ࡀࡃࡀࡌ ࡂࡀࡁࡓࡀ ࡒࡀࡃࡌࡀࡉࡀ ࡀࡎࡅࡕࡀ ࡅࡆࡀࡊࡅࡕࡀ ࡍࡉࡄࡅࡉࡋࡀࡊ ࡌࡀࡋࡊࡀ ࡔࡉࡕࡉࡋ ࡁࡓ ࡀࡃࡀࡌ ࡂࡀࡁࡓࡀ ࡒࡀࡃࡌࡀࡉࡀ ࡀࡎࡅࡕࡀ ࡅࡆࡀࡊࡅࡕࡀ ࡍࡉࡄࡅࡉࡋࡊࡅࡍ ࡉࡀ ࡌࡀࡋࡊࡉࡀ ࡅࡏࡅࡕࡓࡉࡀ ࡅࡌࡀࡔࡊࡍࡉࡀ ࡅࡉࡀࡓࡃࡍࡉࡀ ࡅࡓࡄࡀࡈࡉࡀ ࡅࡔࡊࡉࡍࡀࡕࡀ ࡖ ࡀࡋࡌࡉࡀ ࡖ ࡍࡄࡅࡓࡀ ࡊࡅࡋࡀࡉࡊࡅࡍ ࡀࡎࡅࡕࡀ ࡅࡆࡀࡊࡅࡕࡀ ࡅࡔࡀࡁࡉࡒ ࡄࡀࡈࡀࡉࡉࡀ ࡍࡉࡄࡅࡉࡋࡉࡀ ࡋࡄࡀࡆࡀ ࡍࡉࡔࡉࡌࡕࡀࡉ ࡋࡃࡉࡋࡉࡀ ࡐࡋࡀࡍ ࡁࡓ ࡐࡋࡀࡍࡉࡕࡀ ࡖ ࡄࡀࡆࡀ ࡁࡅࡕࡀ ࡅࡓࡀࡄࡌࡉࡀ ࡁࡉࡕ ࡔࡀࡁࡉࡒ ࡄࡀࡈࡀࡉࡉࡀ ࡍࡉࡄࡅࡉࡋࡉࡀ ࡎࡀ

106. ࡁࡔࡅࡌࡀࡉࡄࡅࡍ ࡖ ࡄࡉࡉࡀ ࡓࡁࡉࡀ ࡒࡅࡌ ࡒࡅࡌ ࡁࡄࡉࡓࡉࡀ ࡆࡉࡃࡒࡀ ࡒࡅࡌ ࡔࡀࡋࡌࡀࡍࡉࡀ ࡅࡌࡄࡀࡉࡌࡍࡉࡀ ࡒࡅࡌ ࡎࡂࡅࡃ ࡅࡔࡀࡁࡀ ࡋࡄࡉࡉࡀ ࡓࡁࡉࡀ ࡅࡔࡀࡁࡀ ࡋࡌࡀࡋࡊࡀ ࡔࡉࡔࡋࡀࡌ ࡓࡁࡀ ࡅࡔࡀࡁࡀ ࡋࡕࡀࡍࡀ ࡊࡀࡎࡉࡀ ࡄࡀࡌ ࡆࡉࡅࡀ ࡅࡔࡀࡁࡀ ࡋࡉࡀࡅࡀࡓ ࡓࡁࡀ ࡅࡏࡆࡋࡀࡕ ࡓࡀࡁࡕࡉࡀ ࡅࡔࡀࡁࡀ ࡋࡎࡉࡌࡀࡕ ࡄࡉࡉࡀ ࡖ ࡌࡉࡍࡀ ࡄࡅࡍ ࡊࡅࡋࡄࡅࡍ ࡀࡋࡌࡉࡀ ࡅࡔࡀࡁࡀ ࡏࡋ ࡀࡉࡍࡀ ࡅࡎࡉࡍࡃࡉࡓࡊࡀ ࡖ ࡀࡁࡀ ࡖ ࡏࡅࡕࡓࡉࡀ ࡖ ࡌࡉࡍࡀ ࡄࡅࡀ ࡀࡍࡀ ࡎࡀࡂࡃࡉࡍࡀࡋࡇ ࡅࡌࡔࡀࡁࡉࡍࡀࡋࡇ ࡋࡄࡀࡄࡅ ࡌࡀࡋࡊࡀ ࡓࡀࡌࡀ ࡓࡁࡀ ࡖ ࡍࡄࡅࡓࡀ ࡄࡀࡉࡀࡎࡀ ࡖ ࡌࡋࡉࡀ ࡓࡀࡄࡌࡉࡀ ࡎࡀ ࡄࡀࡆࡉࡍ ࡁࡅࡕࡀ ࡁࡅࡉࡀ ࡁࡓࡀࡄࡌࡉࡀ ࡖ ࡒࡀࡃࡅࡌࡉࡀ ࡀࡌࡉࡍࡈࡅࡋ ࡖ ࡐࡕࡀࡄࡀ ࡖ ࡓࡀࡄࡌࡉࡀ ࡄࡏ ࡄࡀࡊࡀ ࡒࡓࡉࡀ ࡔࡂࡀࡍࡃࡀࡉ ࡈࡀࡁࡀ ࡅࡋࡄࡉࡉࡀ ࡎࡀࡂࡉࡃࡍࡀ ࡅࡒࡓࡉࡀ ࡁࡔࡅࡌࡀࡉࡄࡅࡍ ࡎࡀ

107. ࡁࡔࡅࡌࡀ ࡖ ࡄࡉࡉࡀ ࡓࡁࡉࡀ ࡔࡂࡀࡍࡃࡀࡉ ࡈࡀࡁࡀ ࡖ ࡍࡄࡅࡓࡀ ࡖ ࡌࡀࡎࡂࡉࡀ ࡋࡁࡉࡕ ࡓࡀࡄࡌࡉࡀ ࡀࡕࡀ ࡅࡕࡓࡀࡑࡋࡉࡀ ࡌࡀࡋࡀࡋࡀࡉ ࡅࡏࡐࡉࡄࡕࡇ ࡋࡐࡅࡌࡀࡉ ࡁࡕࡅࡔࡁࡉࡄࡕࡀ ࡅࡏࡔࡀࡁࡉࡍࡅࡍ ࡋࡄࡉࡉࡀ ࡓࡁࡉࡀ ࡌࡍ ࡓࡉࡔ ࡁࡓࡉࡔ ࡎࡀ

108. ࡁࡔࡅࡌࡀ ࡖ ࡄࡉࡉࡀ ࡓࡁࡉࡀ ࡋࡄࡉࡉࡀ ࡎࡀࡂࡉࡃࡍࡀ ࡅࡋࡌࡀࡓࡀࡉ ࡌࡀࡍࡃࡀ ࡖ ࡄࡉࡉࡀ ࡌࡔࡀࡁࡀࡍࡀ ࡅࡋࡄࡀࡊ ࡐࡀࡓࡑࡅࡐࡀ ࡓࡁࡀ ࡖ ࡏࡒࡀࡓࡀ ࡖ ࡌࡍ ࡍࡀࡐࡔࡉࡇ ࡐࡓࡀࡔ ࡎ ࡀ . ࡄࡀࡋࡉࡍ ࡕࡀࡓࡕࡉࡍ ࡁࡀࡅࡀࡕࡀ ࡁࡉࡍࡅࡍ ࡀࡁࡀࡕࡀࡓ ࡒࡅࡌ ࡒࡅࡌ ࡁࡄࡉࡓࡉࡀ ࡆࡉࡃࡒࡀ ࡁࡓࡀࡄࡌࡉࡀ ࡖ ࡒࡀࡃࡅࡌࡉࡀ ࡄࡀࡉࡆࡀࡊ ࡒࡓࡉࡀ ࡁࡔࡅࡌࡀࡉࡄࡅࡍ ࡅࡁࡔࡅࡌࡀ ࡖ ࡄࡀࡄࡅ ࡂࡀࡁࡓࡀ ࡒࡀࡃࡌࡀࡉࡀ ࡎࡀ

109. ࡁࡔࡅࡌࡀ ࡖ ࡄࡉࡉࡀ ࡓࡁࡉࡀ ࡀࡍࡀ ࡋࡄࡉࡉࡀ ࡒࡀࡃࡌࡀࡉࡉࡀ ࡎࡀࡂࡉࡃࡍࡀ ࡅࡋࡌࡀࡓࡀࡉ ࡌࡀࡍࡃࡀ ࡖ ࡄࡉࡉࡀ ࡌࡔࡀࡁࡀࡍࡀ ࡅࡋࡄࡀࡊ ࡐࡀࡓࡑࡅࡐࡀ ࡓࡁࡀ ࡖ ࡏࡒࡀࡓࡀ ࡖ ࡌࡍ ࡍࡀࡐࡔࡉࡇ ࡐࡓࡀࡔ ࡎ ࡀ ࡄࡀࡆࡉࡍ ࡁࡅࡕࡀ ࡁࡅࡉࡀ ࡁࡓࡀࡄࡌࡉࡀ ࡖ ࡔࡀࡁࡀ ࡔࡀࡉࡉࡀ ࡄࡀࡉࡆࡀࡊ ࡒࡓࡉࡀ ࡁࡔࡅࡌࡀࡉࡄࡅࡍ ࡅࡁࡔࡅࡌࡀ ࡖ ࡄࡀࡄࡅ ࡎࡀ

110. ࡁࡔࡅࡌࡀ ࡖ ࡄࡉࡉࡀ ࡓࡁࡉࡀ ࡏࡃࡀࡍ ࡏࡃࡀࡍ ࡖ ࡓࡀࡄࡌࡉࡀ ࡌࡀࡈࡉࡀ ࡅࡏࡃࡀࡍ ࡖ ࡓࡀࡁ ࡁࡀࡅࡀࡕࡀ ࡌࡈࡀ ࡌࡀࡉࡀࡓࡀࡍࡀࡉ ࡄࡉࡁࡉࡋ ࡅࡃࡀࡓࡅࡔࡀࡉࡀࡉ ࡔࡉࡕࡉࡋ ࡓࡀࡌࡉࡀ ࡏࡍࡉࡀࡍࡉࡀ ࡀࡍࡅࡔ ࡑࡀࡁࡀ ࡁࡌࡀࡑࡁࡅࡕࡀࡉ ࡔࡉࡋࡌࡀࡉ ࡅࡌࡒࡀࡉࡌࡀࡍࡀ ࡖ ࡁࡀࡅࡀࡕࡀ ࡍࡉࡃࡁࡀࡉ ࡎࡀ

111. ࡁࡔࡅࡌࡀ ࡖ ࡄࡉࡉࡀ ࡓࡁࡉࡀ ࡔࡂࡀࡍࡃࡀࡉ ࡈࡀࡁࡀ ࡖ ࡍࡄࡅࡓࡀ ࡖ ࡌࡀࡎࡂࡉࡀ ࡋࡁࡉࡕ ࡓࡀࡄࡌࡉࡀ ࡀࡕࡀ ࡅࡕࡓࡀࡑࡋࡉࡀ ࡌࡀࡋࡀࡋࡀࡉ ࡅࡏࡐࡉࡄࡕࡇ ࡋࡐࡅࡌࡀࡉ ࡁࡕࡅࡔࡁࡉࡄࡕࡀ ࡅࡏࡔࡀࡁࡉࡍࡅࡍ ࡋࡄࡉࡉࡀ ࡓࡁࡉࡀ ࡌࡍ ࡓࡉࡔ ࡁࡓࡉࡔ ࡎࡀ

112. ࡁࡔࡅࡌࡀ ࡖ ࡄࡉࡉࡀ ࡓࡁࡉࡀ ࡋࡄࡉࡉࡀ ࡎࡀࡂࡉࡃࡍࡀ ࡅࡋࡌࡀࡓࡀࡉ ࡌࡀࡍࡃࡀ ࡖ ࡄࡉࡉࡀ ࡌࡔࡀࡁࡀࡍࡀ ࡅࡋࡄࡀࡊ ࡐࡀࡓࡑࡅࡐࡀ ࡓࡁࡀ ࡖ ࡏࡒࡀࡓࡀ ࡖ ࡌࡍ ࡍࡀࡐࡔࡉࡇ ࡐࡓࡀࡔ ࡎ ࡀ ࡄࡀࡆࡉࡍ ࡁࡅࡕࡀ ࡖ ࡏࡃࡀࡍࡀ ࡖ ࡓࡀࡄࡌࡉࡀ ࡄࡏ ࡐࡕࡀࡄࡀ ࡖ ࡓࡀࡄࡌࡉࡀ ࡖ ࡋࡐࡀࡉࡍࡀ ࡄࡀࡉࡆࡀࡊ ࡒࡓࡉࡀ ࡁࡔࡅࡌࡀࡉࡄࡅࡍ ࡅࡁࡔࡅࡌࡀ ࡖ ࡄࡀࡄࡅ ࡅࡕࡓࡅࡑ ࡕࡀࡂࡀࡊ ࡅࡒࡓࡉࡀ ࡏࡋ ࡀࡂࡀࡍࡁࡉࡀ ࡕࡀࡂࡀࡊ ࡄࡉࡉࡀ ࡒࡉࡓࡉࡅࡉࡀ ࡅࡍࡄࡅࡓ ࡍࡄࡅࡓࡀ ࡅࡌࡀࡍࡃࡀ ࡒࡓࡀࡍ ࡄࡀࡉࡆࡀࡊ ࡒࡓࡉࡀ ࡓࡉࡄࡀ ࡖ ࡁࡀࡎࡉࡌ ࡅࡄࡀࡋ ࡄࡉࡉࡀ ࡒࡀࡃࡌࡀࡉࡉࡀ ࡋࡓࡉࡄࡀ ࡅࡓࡌࡉࡀ ࡋࡍࡅࡓࡀ ࡄࡀࡊࡀ ࡒࡓࡉࡀ ࡁࡅࡕࡀ ࡖ ࡄࡀࡁࡔࡀࡁࡀ ࡎࡀ

113. ࡁࡔࡅࡌࡀࡉࡄࡅࡍ ࡖ ࡄࡉࡉࡀ ࡓࡁࡉࡀ ࡀࡎࡅࡕࡀ ࡕࡉࡄࡅࡉࡋࡉࡀ ࡋࡃࡉࡋࡉࡀ ࡁࡄࡀࡆࡀ ࡁࡅࡕࡀ ࡖ ࡄࡀࡁࡔࡀࡁࡀ ࡏࡋ ࡍࡄࡅࡓ ࡀࡉࡀࡓ ࡒࡀࡉࡉࡌࡍࡀ ࡅࡏࡋ ࡍࡄࡅࡓࡀ ࡓࡁࡀ ࡖ ࡁࡆࡀࡊࡅࡀࡕࡇ ࡀࡍࡀ ࡄࡅ ࡌࡀࡍࡃࡀ ࡖ ࡄࡉࡉࡀ ࡁࡓ ࡍࡉࡑࡅࡁࡕࡅࡍ ࡖ ࡄࡉࡉࡀ ࡓࡅࡓࡁࡉࡀ ࡒࡀࡃࡌࡀࡉࡉࡀ ࡒࡓࡉࡕࡉࡋࡇ ࡋࡄࡀࡁࡔࡀࡁࡀ ࡔࡁࡉࡄࡀ ࡍࡀࡈࡓࡀ ࡃࡀࡊࡉࡀ ࡖ ࡍࡄࡅࡓࡀ ࡖ ࡌࡀࡍࡄࡀࡓ ࡏࡅࡕࡓࡉࡀ ࡅࡀࡌࡀࡓࡍࡀࡋࡇ ࡒࡅࡌ ࡀࡎࡂࡉࡀ ࡏࡆࡉࡋ ࡍࡄࡅࡕ ࡋࡀࡓࡒࡀ ࡖ ࡕࡉࡁࡉࡋ ࡋࡀࡋࡌࡀ ࡄࡀࡆࡉࡍ ࡖ ࡊࡅࡋࡇ ࡌࡀࡅࡃࡀࡋࡀ ࡋࡅࡀࡕࡀࡉࡅࡍ ࡖ ࡁࡄࡉࡓࡉࡀ ࡆࡉࡃࡒࡀ ࡂࡅࡁࡓࡉࡀ ࡂࡁࡉࡋࡉࡀ ࡁࡉࡎࡓࡀ ࡅࡆࡌࡀ ࡅࡋࡂࡅࡈࡅࡍࡅࡍ ࡁࡋࡉࡂࡅࡈࡕࡀࡊ ࡅࡀࡔࡀࡓࡁࡅࡍ ࡅࡒࡅࡌࡁࡅࡍ ࡅࡏࡆࡃࡀࡄࡀࡓࡁࡅࡍ ࡅࡏࡄࡀࡁࡋࡅࡍ ࡄࡀࡉࡋࡀ ࡅࡔࡓࡀࡓࡀ ࡖ ࡍࡉࡒࡌࡅࡍ ࡅࡍࡉࡎࡉࡂࡃࡅࡍ ࡅࡍࡉࡔࡀࡁࡅࡍ ࡋࡄࡉࡉࡀ ࡓࡅࡓࡁࡉࡀ ࡍࡅࡊࡓࡀࡉࡉࡀ ࡄࡀࡉࡆࡀࡊ ࡌࡀࡋࡉࡋ ࡄࡀࡁࡔࡀࡁࡀ ࡅࡋࡌࡀࡍࡃࡀ ࡖ ࡄࡉࡉࡀ ࡖ ࡍࡉࡌࡀࡓࡋࡇ ࡄࡀࡉࡆࡉࡍ ࡌࡔࡀࡃࡓࡀࡕࡋࡉࡀ ࡋࡀࡋࡌࡀ ࡄࡀࡆࡉࡍ ࡖ ࡊࡅࡋࡇ ࡌࡀࡅࡃࡀࡋࡀ ࡋࡅࡀࡕࡀࡉࡅࡍ ࡖ ࡁࡄࡉࡓࡉࡀ ࡆࡉࡃࡒࡀ ࡂࡁࡉࡋࡉࡀ ࡁࡉࡎࡓࡀ ࡅࡆࡌࡀ ࡖ ࡋࡀࡌࡀࡅࡒࡉࡓࡉࡋࡉࡀ ࡅࡌࡀࡔࡉࡈࡉࡋࡉࡀ ࡅࡁࡏࡒࡀࡓࡀ ࡓࡁࡀ ࡋࡀࡋࡀࡂࡈࡉࡋࡉࡀ ࡄࡀࡈࡀࡉࡉࡀ ࡅࡄࡀࡅࡁࡀࡉ ࡋࡀࡔࡀࡁࡒࡉࡋࡉࡀ ࡄࡀࡉࡆࡀࡊ ࡌࡀࡋࡉࡋ ࡌࡀࡍࡃࡀ ࡖ ࡄࡉࡉࡀ ࡅࡋࡄࡀࡁࡔࡀࡁࡀ ࡖ ࡍࡉࡌࡀࡓࡋࡇ ࡀࡍࡀࡕ ࡒࡅࡌ ࡀࡎࡂࡉࡀ ࡏࡆࡉࡋ ࡍࡄࡅࡕ ࡋࡀࡓࡒࡀ ࡖ ࡕࡉࡁࡉࡋ ࡋࡀࡋࡌࡀ ࡄࡀࡆࡉࡍ ࡖ ࡊࡅࡋࡇ ࡌࡀࡅࡃࡀࡋࡀ ࡋࡅࡀࡕࡀࡉࡅࡍ ࡖ ࡁࡄࡉࡓࡉࡀ ࡆࡉࡃࡒࡀ ࡂࡅࡁࡓࡉࡀ ࡂࡁࡉࡋࡉࡀ ࡁࡉࡎࡓࡀ ࡅࡆࡌࡀ ࡅࡋࡂࡅࡈࡅࡍࡅࡍ ࡁࡋࡉࡂࡅࡈࡕࡀࡊ ࡅࡀࡔࡀࡓࡁࡅࡍ ࡅࡒࡅࡌࡁࡅࡍ ࡅࡏࡆࡃࡀࡄࡀࡓࡁࡅࡍ ࡊࡓࡅࡊ ࡅࡃࡄࡉࡀ ࡌࡉࡍࡀࡉࡄࡅࡍ ࡔࡅࡁࡀ ࡔࡉࡁࡉࡀࡄࡉࡀ ࡖ ࡄࡉࡍࡅࡍ ࡎࡀࡄࡓࡀࡉࡄࡅࡍ ࡅࡃࡀࡉࡅࡀࡉࡄࡅࡍ ࡅࡄࡅࡌࡓࡀࡉࡄࡅࡍ ࡅࡒࡉࡓࡉࡀࡕࡅࡍ ࡁࡉࡔࡀࡕࡀ ࡖ ࡄࡉࡍࡅࡍ ࡄࡀࡈࡀࡉࡀࡊ ࡅࡄࡀࡅࡁࡀࡊ ࡔࡀࡁࡒࡉࡋࡀࡊ ࡅࡁࡏࡒࡀࡓࡀ ࡓࡁࡀ ࡋࡀࡂࡈࡉࡋࡀࡊ ࡅࡆࡀࡊࡅࡕࡀ ࡋࡅࡀࡕࡀࡍ ࡃࡉࡋࡀࡍ ࡄࡀࡅࡉࡀࡋࡀࡊ ࡄࡀࡉࡆࡀࡊ ࡌࡀࡋࡉࡋ ࡌࡀࡍࡃࡀ ࡖ ࡄࡉࡉࡀ ࡅࡀࡌࡀࡓࡋࡅࡍ ࡏࡋ ࡁࡄࡉࡓࡉࡀ ࡆࡉࡓࡒࡀ ࡏࡆࡃࡀࡄࡓࡅࡋࡉࡀ ࡁࡄࡀࡁࡔࡀࡁࡀ ࡌࡀࡍࡄࡉࡓࡀࡍࡀ ࡖ ࡀࡍࡀ ࡋࡅࡀࡕࡀࡉࡊࡅࡍ ࡃࡉࡋࡊࡅࡍ ࡔࡀࡃࡉࡓࡕࡇ ࡏࡋ ࡌࡀࡍࡄࡉࡓࡉࡍࡊࡅࡍ ࡅࡋࡌࡉࡒࡀࡉࡌࡉࡍࡊࡅࡍ ࡅࡏࡋ ࡌࡉࡕࡓࡉࡑࡉࡍࡊࡅࡍ ࡋࡌࡉࡕࡉࡋࡊࡅࡍ ࡁࡅࡕࡀ ࡅࡕࡅࡔࡁࡉࡄࡕࡀ ࡄࡀࡈࡀࡉࡉࡇ ࡅࡄࡀࡅࡁࡇ ࡔࡁࡉࡒࡅࡋࡇ ࡅࡁࡏࡒࡀࡓࡀ ࡓࡁࡀ ࡋࡅࡂࡈࡅࡉࡀ ࡀࡐࡓࡉࡔ ࡅࡂࡀࡋࡉࡋ ࡅࡀࡌࡀࡓ ࡌࡀࡍࡃࡀ ࡖ ࡄࡉࡉࡀ ࡊࡅࡋࡌࡀࡍ ࡖ ࡋࡀࡔࡀࡁࡉࡒࡋࡇ ࡄࡀࡈࡀࡉࡉࡇ ࡅࡄࡀࡅࡁࡇ ࡋࡄࡀࡁࡔࡀࡁࡀ ࡅࡁࡏࡒࡀࡓࡀ ࡓࡁࡀ ࡋࡀࡋࡀࡂࡉࡈࡋࡇ ࡊࡅࡓࡎࡉࡀ ࡁࡉࡍࡉࡀ ࡏࡅࡕࡓࡉࡀ ࡋࡉࡕࡋࡇ ࡅࡋࡀࡄࡀࡆࡉࡋࡇ ࡋࡐࡀࡓࡑࡅࡐࡀ ࡓࡁࡀ ࡖ ࡏࡒࡀࡓࡀ ࡀࡌࡉࡍࡈࡅࡋ ࡖ ࡄࡀࡁࡔࡀࡁࡀ ࡉࡀࡒࡉࡓ ࡅࡊࡀࡁࡉࡓ ࡅࡉࡀࡉࡉࡀ ࡅࡌࡀࡍࡄࡀࡓ ࡌࡍ ࡊࡅࡋࡄࡅࡍ ࡏࡅࡕࡓࡉࡀ ࡁࡓࡉࡊ ࡅࡌࡔࡀࡁࡀ ࡌࡀࡍࡃࡀ ࡖ ࡄࡉࡉࡀ ࡅࡌࡒࡀࡉࡌࡀࡍࡀ ࡅࡄࡉࡉࡀ ࡆࡀࡊࡏࡉࡍ ࡋࡊࡅࡋࡄࡅࡍ ࡏࡅࡁࡀࡃࡉࡀ ࡎࡀ

114. ࡁࡔࡅࡌࡀࡉࡄࡅࡍ ࡖ ࡄࡉࡉࡀ ࡓࡁࡉࡀ ࡌࡓࡀࡅࡓࡀࡁ ࡍࡄࡅࡓࡀ ࡔࡀࡍࡉࡀ ࡌࡍ ࡔࡉࡍࡕࡀࡉ ࡒࡀࡃࡌࡉࡕ ࡅࡒࡀࡌࡉࡕ ࡁࡆࡉࡅࡀ ࡖ ࡍࡐࡉࡔ ࡄࡆࡉࡕ ࡄࡆࡉࡕ ࡁࡆࡉࡅࡀ ࡖ ࡍࡐࡉࡔ ࡅࡁࡀࡍࡄࡅࡓࡀ ࡖ ࡎࡀࡊࡀ ࡋࡉࡕࡋࡇ ࡗ ࡋࡁࡉࡔ ࡏࡅࡑࡈࡋࡇ ࡖ ࡆࡉࡅࡀ ࡅࡍࡄࡅࡓࡀ ࡌࡓࡀࡌࡀࡉ ࡋࡊࡀࡃࡐࡀࡉ ࡊࡋࡉࡋ ࡀࡉࡀࡓ ࡕࡓࡀࡑࡋࡉࡀ ࡁࡓࡉࡔࡀࡉ ࡅࡕࡓࡀࡑࡋࡉࡀ ࡋࡊࡅࡋࡇ ࡔࡅࡓࡁࡕࡇ ࡃࡀࡓࡉࡔ ࡅࡃࡀࡓࡔࡉࡀ ࡏࡅࡕࡓࡉࡀ ࡋࡅࡀࡕࡇ ࡅࡀࡍࡉࡋࡇ ࡐࡀࡎࡉࡌࡊࡉࡀ ࡋࡒࡀࡋࡇ ࡅࡌࡓࡀࡍࡃࡉࡃ ࡅࡌࡀࡒࡉࡌ ࡔࡀࡊࡁࡉࡀ ࡌࡍ ࡔࡉࡍࡕࡅࡍ ࡀࡌࡀࡓࡋࡅࡍ ࡒࡅࡌ ࡔࡀࡊࡁࡉࡀ ࡖ ࡔࡊࡉࡁࡉࡀ ࡒࡅࡌ ࡀࡊࡔࡉࡋࡉࡀ ࡖ ࡏࡕࡀࡊࡔࡀࡋ ࡒࡅࡌ ࡎࡂࡅࡃ ࡅࡔࡀࡁࡀ ࡋࡄࡉࡉࡀ ࡓࡁࡉࡀ ࡅࡔࡀࡁࡀ ࡋࡃࡌࡅࡕࡇ ࡖ ࡃࡌࡅࡕ ࡄࡉࡉࡀ ࡖ ࡁࡀࡉࡓࡀ ࡅࡌࡉࡕࡀࡐࡓࡉࡔࡀ ࡁࡀࡍࡄࡅࡓࡀ ࡔࡀࡍࡉࡀ ࡅࡌࡔࡀࡁࡉࡍ ࡄࡉࡉࡀ ࡎࡀ

115. ࡁࡔࡅࡌࡀࡉࡄࡅࡍ ࡖ ࡄࡉࡉࡀ ࡓࡁࡉࡀ ࡄࡀࡋࡉࡋࡍࡉࡍ ࡏࡃࡀࡍ ࡁࡊࡅࡔࡈࡀ ࡅࡏࡎࡐࡀࡍ ࡁࡄࡀࡉࡌࡀࡍࡅࡕࡀ ࡅࡌࡀࡋࡉࡋࡍࡉࡍ ࡁࡌࡀࡋࡀࡋࡉࡀ ࡖ ࡆࡉࡅࡀ ࡅࡏࡎࡄࡉࡈࡉࡁࡅࡍ ࡁࡏࡅࡑࡓࡉࡀ ࡖ ࡍࡄࡅࡓࡀ ࡁࡓࡉࡊࡉࡕ ࡅࡌࡔࡀࡁࡉࡕ ࡌࡀࡓࡀࡉ ࡌࡀࡍࡃࡀ ࡖ ࡄࡉࡉࡀ ࡅࡌࡒࡀࡉࡌࡀ ࡕࡅࡔࡁࡉࡄࡕࡀࡊ ࡍࡐࡉࡔ ࡄࡀࡉࡋࡀ ࡖ ࡄࡉࡉࡀ ࡅࡊࡀࡁࡉࡓ ࡆࡉࡅࡀ ࡖ ࡓࡅࡓࡁࡉࡀ ࡔࡓࡉࡀ ࡏࡒࡀࡓࡀ ࡏࡋ ࡏࡅࡕࡓࡉࡀ ࡖ ࡉࡀࡕࡁࡉࡀ ࡁࡏࡒࡀࡓࡀ ࡄࡀࡆࡀ ࡄࡏ ࡁࡅࡕࡀ ࡅࡕࡅࡔࡁࡉࡄࡕࡀ ࡖ ࡀࡕࡀࡕࡀࡋࡉࡍ ࡌࡍ ࡀࡕࡓࡀ ࡓࡁࡀ ࡖ ࡍࡄࡅࡓࡀ ࡅࡃࡀࡅࡓࡀ ࡕࡀࡒࡍࡀ ࡌࡔࡀࡁࡉࡍࡀࡁࡇ ࡗ ࡒࡀࡉࡌࡉࡍࡉࡍ ࡌࡍ ࡔࡉࡍࡕࡀࡍ ࡌࡍ ࡒࡅࡃࡀࡌ ࡖ ࡏࡍࡉࡔ ࡁࡔࡉࡒࡓࡀ ࡍࡉࡔࡕࡀࡉࡉࡀ ࡊࡅࡋ ࡌࡀࡍ ࡖ ࡁࡄࡀࡆࡀ ࡁࡅࡕࡀ ࡍࡉࡁࡉࡀ ࡔࡀࡁࡉࡒ ࡄࡀࡈࡀࡉࡉࡀ ࡅࡄࡀࡅࡁࡉࡀ ࡍࡉࡄࡅࡉࡋࡇ ࡁࡀࡕࡓࡀ ࡓࡁࡀ ࡖ ࡍࡄࡅࡓࡀ ࡅࡃࡀࡅࡓࡀ ࡕࡀࡒࡍࡀ ࡅࡄࡉࡉࡀ ࡆࡀࡊࡏࡉࡍ ࡎࡀ

116. ࡁࡓࡉࡊ ࡔࡅࡌࡀࡊ ࡅࡌࡔࡀࡁࡀ ࡔࡅࡌࡀࡊ ࡌࡀࡓࡀࡉ ࡌࡀࡍࡃࡀ ࡖ ࡄࡉࡉࡀ ࡁࡉࡓࡊࡅࡊ ࡈࡅࡓࡉࡀ ࡃࡀࡊࡉࡉࡀ ࡖ ࡋࡀࡍࡀࡉࡃࡉࡀ ࡅࡏࡅࡐࡀࡍࡉࡀ ࡊࡅࡔࡈࡀ ࡖ ࡋࡀࡌࡉࡔࡕࡀࡍࡉࡀ ࡁࡉࡓࡊࡅࡊ ࡁࡍࡉࡀ ࡔࡋࡀࡌࡀ ࡖ ࡀࡋࡅࡀࡕࡀࡊ ࡉࡀࡕࡁࡉࡀ ࡁࡉࡓࡊࡀࡊ ࡉࡀࡅࡀࡓ ࡆࡉࡅࡀ ࡌࡀࡋࡊࡀ ࡓࡁࡀ ࡖ ࡍࡀࡑࡉࡓࡅࡕࡀ ࡁࡉࡓࡊࡀࡊ ࡀࡉࡀࡓ ࡍࡄࡅࡓࡀ ࡃࡀࡊࡉࡀ ࡐࡀࡓࡅࡀࡍࡒࡀ ࡖ ࡊࡅࡋࡇ ࡆࡉࡃࡒࡀ ࡖ ࡀࡍࡀ ࡎࡀࡂࡃࡉࡍࡀࡋࡇ ࡅࡌࡔࡀࡁࡉࡍࡀࡋࡇ ࡋࡄࡀࡊ ࡀࡂࡉࡀ ࡖ ࡍࡄࡅࡓࡀ ࡅࡋࡔࡂࡀࡍࡃࡀ ࡖ ࡊࡅࡋࡄࡅࡍ ࡐࡀࡎࡉࡌࡊࡉࡀ . ࡁࡓࡉࡊ ࡔࡅࡌࡀࡊ ࡅࡌࡔࡀࡁࡀ ࡔࡅࡌࡀࡊ ࡂࡀࡁࡓࡀ ࡖ ࡏࡋ ࡔࡊࡉࡍࡀࡕࡀ ࡔࡓࡉࡀ ࡅࡏࡋ ࡔࡊࡉࡍࡀࡕࡀ ࡔࡓࡉࡀ ࡔࡅࡌࡇ ࡊࡅࡋ ࡉࡅࡌ ࡅࡊࡅࡋ ࡉࡅࡌࡀ ࡋࡃࡌࡅࡕࡇ ࡄࡀࡆࡉࡋࡇ ࡅࡏࡋ ࡐࡀࡓࡑࡅࡐࡀ ࡓࡁࡀ ࡖ ࡏࡒࡀࡓࡀ ࡌࡔࡀࡁࡉࡋࡇ ࡅࡌࡔࡀࡁࡉࡍ ࡄࡉࡉࡀ ࡎࡀ

ࡄࡀࡋࡉࡍ ࡀࡓࡁࡉࡀ ࡁࡀࡅࡀࡕࡀ ࡁࡀࡉࡍࡅࡍ ࡋࡍࡄࡅࡓ ࡀࡉࡀࡓ ࡒࡀࡉࡀࡌࡍࡀ ࡅࡌࡍ ࡔࡉࡍࡕࡀࡉ ࡒࡀࡃࡌࡉࡕ ࡅࡒࡀࡌࡉࡕ ࡅࡄࡀࡋࡉࡋࡍࡉࡍ ࡏࡃࡀࡍ ࡁࡊࡅࡔࡈࡀ ࡅࡁࡓࡉࡊ ࡔࡅࡌࡀࡊ ࡅࡌࡔࡀࡁࡀ ࡔࡅࡌࡀࡊ ࡒࡓࡉࡍࡅࡍ ࡁࡓࡀࡄࡌࡉࡀ ࡖ ࡐࡉࡓࡔࡀ ࡀࡁࡀࡕࡀࡓ ࡓࡉࡄࡀ ࡎࡀ

117. ࡁࡔࡅࡌࡀࡉࡄࡅࡍ ࡖ ࡄࡉࡉࡀ ࡓࡁࡉࡀ ࡎࡀࡂࡉࡃࡍࡀ ࡔࡀࡄࡀࡁࡀࡍࡀ ࡅࡌࡔࡀࡁࡀࡍࡀ ࡋࡄࡀࡊ ࡔࡓࡀࡓ ࡂࡅࡐࡍࡀ ࡓࡁࡀ ࡊࡀࡎࡉࡀ ࡒࡀࡃࡌࡀࡉࡀ ࡖ ࡀࡋࡉࡐ ࡀࡋࡉࡐ ࡄࡀࡅࡉࡍ ࡏࡁࡉࡁࡇ ࡅࡓࡅࡁࡀࡍ ࡓࡅࡁࡀࡍ ࡄࡀࡅࡉࡍ ࡋࡅࡀࡕࡇ ࡖ ࡒࡓࡉࡋࡇ ࡅࡏࡍࡉࡀࡍ ࡕࡅࡌ ࡖ ࡒࡓࡉࡋࡇ ࡅࡍࡉࡍࡉࡀࡍ ࡖ ࡄࡅ ࡍࡉࡕࡉࡀ ࡅࡍࡀࡎࡉࡀࡍ ࡅࡍࡉࡃࡀࡋࡉࡀࡍ ࡅࡍࡉࡒࡀࡉࡌࡀࡍ ࡅࡍࡉࡕࡉࡓࡑࡀࡍ ࡅࡍࡉࡕࡓࡀࡑࡋࡉࡀ ࡀࡉࡍࡀࡉ ࡁࡉࡍࡄࡅࡓࡀ ࡅࡋࡉࡂࡓࡀࡉ ࡁࡉࡔࡓࡀࡓࡀ ࡅࡐࡅࡌࡀࡉ ࡁࡄࡅࡊࡅࡌࡕࡀ ࡅࡋࡉࡁࡀࡉ ࡁࡏࡓࡅࡕࡀ ࡕࡅࡌ ࡎࡀࡂࡉࡃࡍࡀ ࡔࡀࡄࡀࡁࡀࡍࡀ ࡅࡌࡔࡀࡁࡀࡍࡀ ࡋࡄࡀࡊ ࡔࡊࡉࡍࡕࡀ ࡓࡀࡁࡕࡉࡀ ࡊࡀࡎࡉࡕࡀ ࡒࡀࡃࡌࡀࡉࡕࡀ ࡖ ࡁࡉࡕ ࡉࡅࡓࡉࡀ ࡕࡅࡌ ࡎࡀࡂࡉࡃࡍࡀ ࡔࡀࡄࡀࡁࡀࡍࡀ ࡅࡌࡔࡀࡁࡀࡍࡀ ࡋࡄࡀࡊ ࡔࡊࡉࡍࡕࡀ ࡊࡀࡎࡉࡕࡀ ࡒࡀࡃࡌࡀࡉࡕࡀ ࡖ ࡀࡁࡀࡄࡀࡕࡀࡉ ࡉࡀࡕࡁࡀ ࡕࡅࡌ ࡎࡀࡂࡉࡃࡍࡀ ࡔࡀࡄࡀࡁࡀࡍࡀ ࡅࡌࡔࡀࡁࡀࡍࡀ ࡋࡄࡀࡊ ࡓࡅࡀࡆ ࡂࡅࡐࡍࡀ ࡓࡁࡀ ࡊࡀࡎࡉࡀ ࡒࡀࡃࡌࡀࡉࡀ ࡖ ࡄࡋࡉࡁࡇ ࡌࡉࡀ ࡁࡃࡀࡓࡉࡀ ࡔࡀࡁࡉࡒࡋࡇ ࡕࡅࡌ ࡎࡀࡂࡉࡃࡍࡀ ࡔࡀࡄࡀࡁࡀࡍࡀ ࡅࡌࡔࡀࡁࡀࡍࡀ ࡋࡄࡀࡊ ࡓࡅࡀࡆ ࡍࡄࡅࡓࡀ ࡓࡁࡀ ࡒࡀࡃࡌࡀࡉࡀ ࡖ ࡄࡅ ࡌࡔࡀࡋࡀࡈ ࡋࡊࡅࡋࡄࡅࡍ ࡀࡋࡌࡉࡀ ࡖ ࡍࡄࡅࡓࡀ ࡕࡅࡌ ࡎࡀࡂࡉࡃࡍࡀ ࡔࡀࡄࡀࡁࡀࡍࡀ ࡅࡌࡔࡀࡁࡀࡍࡀ ࡋࡄࡀࡊ ࡔࡊࡉࡍࡕࡀ ࡓࡀࡁࡕࡉࡀ ࡊࡀࡎࡉࡕࡀ ࡒࡀࡃࡌࡀࡉࡕࡀ ࡖ ࡀࡉࡍࡀࡉࡄࡅࡍ ࡖ ࡍࡀࡑࡅࡓࡀࡉࡉࡀ ࡅࡐࡓࡉࡔࡀࡉࡉࡀ ࡅࡁࡄࡉࡓࡉࡀ ࡆࡉࡃࡒࡀ ࡌࡎࡀࡊࡉࡋࡇ ࡋࡌࡉࡎࡀࡒ ࡌࡉࡄࡆࡉࡇ ࡋࡀࡕࡓࡀ ࡓࡁࡀ ࡖ ࡍࡄࡅࡓࡀ ࡅࡃࡀࡅࡓࡀ ࡕࡀࡒࡍࡀ ࡅࡌࡔࡀࡁࡉࡍ ࡄࡉࡉࡀ ࡅࡄࡉࡉࡀ ࡆࡀࡊࡏࡉࡍ ࡎࡀ ࡄࡀࡆࡉࡍ ࡁࡅࡕࡀ ࡁࡅࡉࡀ ࡁࡓࡀࡄࡌࡉࡀ ࡖ ࡔࡀࡁࡀ ࡔࡀࡉࡉࡀ ࡀࡁࡀࡕࡀࡓ ࡓࡉࡄࡀ ࡅࡋࡍࡄࡅࡓ ࡀࡉࡀࡓ ࡒࡀࡉࡉࡌࡍࡀ ࡎࡀ

118. ࡄࡅࡀ ࡆࡉࡁࡍࡀ ࡋࡌࡉࡁࡉࡀ ࡓࡀࡄࡌࡉࡀ ࡅࡏࡃࡀࡍࡀ ࡓࡁࡀ ࡋࡌࡉࡃࡍࡅࡉࡉࡀ ࡌࡉࡕࡉࡍ ࡄࡉࡋࡉࡕࡀ ࡋࡌࡀࡓࡀࡉ ࡌࡀࡍࡃࡀ ࡖ ࡄࡉࡉࡀ ࡋࡌࡉࡕࡉࡀࡉࡅࡓࡉࡀ ࡁࡄࡉࡓࡉࡀ ࡆࡉࡃࡒࡀ ࡀࡌࡓࡉࡋࡇ ࡕࡀࡓࡌࡉࡃࡉࡀ ࡋࡌࡀࡍࡃࡀ ࡖ ࡄࡉࡉࡀ ࡖ ࡏࡕࡋࡀࡍ ࡌࡍ ࡀࡂࡓࡀ ࡅࡌࡍ ࡆࡉࡃࡒࡀ ࡅࡌࡍ ࡈࡀࡁࡅࡕࡀ ࡖ ࡍࡉࡔࡉࡁࡒࡇ ࡋࡀࡋࡀࡄࡅࡕࡀ ࡖ ࡁࡀࡉࡕࡀ ࡅࡍࡉࡕࡉࡀ ࡅࡍࡉࡕࡄࡀࡉࡌࡀࡍ ࡀࡌࡀࡓࡋࡅࡍ ࡌࡀࡍࡃࡀ ࡖ ࡄࡉࡉࡀ ࡋࡕࡀࡓࡌࡉࡃࡉࡀ ࡖ ࡏࡕࡋࡇ ࡋࡀࡁࡅࡄࡊࡅࡍ ࡄࡀࡉࡋࡀ ࡍࡀࡐࡔࡀ ࡖ ࡏࡍࡐࡉࡔ ࡌࡍ ࡎࡀࡊࡀ ࡊࡅࡋࡇ ࡅࡌࡍ ࡏࡅࡑࡓࡉࡀ ࡄࡉࡌࡉࡀ ࡁࡀࡈࡋࡉࡀ ࡅࡌࡍ ࡏࡔࡀࡕࡀ ࡏࡊࡉࡋࡕࡀ ࡄࡅࡍ ࡅࡌࡀࡋࡁࡉࡔࡉࡋࡅࡍ ࡈࡀࡁࡀ ࡋࡁࡍࡇ ࡅࡌࡊࡀࡎࡉࡋࡅࡍ ࡅࡌࡀࡎࡉࡒ ࡅࡌࡀࡄࡅࡉࡋࡅࡍ ࡏࡉࡕ ࡓࡅࡀࡄࡀ ࡓࡁࡀ ࡖ ࡄࡉࡉࡀ ࡅࡓࡀࡅࡆࡉࡍ ࡍࡉࡔࡌࡀࡕࡊࡅࡍ ࡌࡍ ࡀࡍࡀࡍࡉࡀ ࡖ ࡍࡄࡅࡓࡀ ࡅࡌࡀࡉࡕࡀࡍ ࡍࡉࡔࡌࡀࡕࡀ ࡄࡅࡓࡉࡍࡉࡀࡕࡀ ࡅࡄࡀࡅࡉࡀࡍ ࡗ ࡆࡀࡍ ࡖ ࡋࡀࡄࡅࡍ ࡕࡉࡒࡀࡁࡋࡅࡍ ࡏࡅࡑࡈࡋࡀࡉࡊࡅࡍ ࡅࡕࡉࡒࡀࡁࡋࡅࡍ ࡊࡋࡉࡋࡀࡉࡊࡅࡍ ࡒࡅࡃࡀࡌ ࡓࡁࡉࡀ ࡓࡁࡉࡀ ࡕࡉࡄࡅࡍ ࡅࡁࡉࡍࡉࡀ ࡏࡅࡕࡓࡉࡀ ࡏࡅࡕࡓࡉࡀ ࡕࡉࡕࡉࡒࡓࡅࡍ ࡅࡕࡉࡌࡓࡅࡍ ࡒࡀࡉࡀࡌࡉࡍ ࡄࡉࡉࡀ ࡁࡔࡊࡉࡍࡀࡕࡅࡍ ࡅࡄࡉࡉࡀ ࡆࡀࡊࡏࡉࡍ ࡋࡊࡅࡋࡄࡅࡍ ࡏࡅࡁࡀࡃࡉࡀ ࡎ ࡀ ࡄࡀࡆࡉࡍ ࡁࡅࡕࡀ ࡁࡅࡉࡀ ࡁࡓࡀࡄࡌࡉࡀ ࡖ ࡋࡐࡀࡉࡍࡀ ࡀࡁࡀࡕࡀࡓ ࡓࡉࡄࡀ ࡅࡀࡁࡀࡕࡀࡓ ࡋࡍࡄࡅࡓ ࡀࡉࡀࡓ ࡒࡀࡉࡉࡌࡍࡀ ࡎࡀ

119. ࡁࡔࡅࡌࡀࡉࡄࡅࡍ ࡖ ࡄࡉࡉࡀ ࡓࡁࡉࡀ ࡌࡓࡀࡅࡓࡀࡁ ࡍࡄࡅࡓࡀ ࡔࡀࡍࡉࡀ ࡁࡄࡀࡁࡔࡀࡁࡀ ࡁࡓࡉࡔ ࡉࡅࡌࡉࡀ ࡌࡀࡍࡅ ࡄࡆࡀ ࡖ ࡀࡍࡀ ࡄࡆࡉࡕ ࡌࡀࡍ ࡄࡉࡆࡉࡇ ࡋࡌࡀࡍࡃࡀ ࡖ ࡄࡉࡉࡀ ࡖ ࡀࡎࡂࡉࡀ ࡀࡕࡀࡋࡇ ࡋࡀࡋࡌࡀ ࡀࡎࡂࡉࡀ ࡋࡀࡋࡌࡀ ࡀࡕࡀࡋࡇ ࡓࡌࡉࡀ ࡀࡓࡒࡀ ࡅࡔࡕࡀࡓࡄࡆࡀ ࡃࡀࡓࡉࡔ ࡅࡁࡀࡎࡉࡌ ࡒࡀࡋࡇ ࡅࡕࡓࡀࡑࡋࡇ ࡁࡐࡅࡌࡇ ࡌࡀࡌࡋࡀ ࡌࡀࡌࡋࡀ ࡕࡓࡀࡑࡋࡇ ࡁࡐࡅࡌࡇ ࡅࡒࡀࡓࡒࡉࡋ ࡔࡉࡁࡒࡇ ࡋࡀࡋࡌࡀ ࡒࡀࡓࡒࡉࡋ ࡋࡀࡋࡌࡀ ࡔࡉࡁࡒࡇ ࡅࡓࡅࡄࡀ ࡁࡌࡀࡋࡉࡀ ࡉࡀࡕࡁࡀ ࡓࡅࡄࡀ ࡉࡀࡕࡁࡀ ࡁࡌࡀࡋࡉࡀ ࡅࡔࡅࡁࡀ ࡁࡕࡀࡄࡌࡀ ࡉࡀࡕࡁࡉࡀ ࡁࡀࡊࡉࡍ ࡅࡍࡀࡂࡉࡍ ࡏࡁࡋࡀࡉࡄࡅࡍ ࡀࡌࡉࡍࡈࡅࡋ ࡖ ࡓࡀࡆࡀࡉࡄࡅࡍ ࡏࡕࡉࡂࡋࡉࡀ ࡀࡌࡉࡍࡈࡅࡋ ࡖ ࡏࡕࡉࡂࡋࡉࡀ ࡓࡀࡆࡀࡉࡄࡅࡍ ࡌࡉࡎࡀࡐ ࡎࡀࡉࡐࡉࡀ ࡋࡉࡅࡌࡀ ࡓࡁࡀ ࡖ ࡎࡅࡐ ࡄࡀࡒࡀࡕ ࡅࡆࡀࡄࡀࡕ ࡍࡀࡌࡓࡅࡎ ࡆࡀࡉࡍࡀ ࡌࡍ ࡊࡀࡃࡐࡀ ࡍࡐࡀࡋ ࡆࡀࡉࡍࡀ ࡍࡐࡀࡋ ࡌࡍ ࡊࡀࡃࡐࡀ ࡅࡒࡀࡔࡕࡀࡕࡀ ࡌࡍ ࡐࡎࡀࡍ ࡏࡃࡀ ࡓࡅࡄࡀ ࡋࡁࡍࡉࡀ ࡕࡉࡌࡀࡓ ࡋࡌࡀࡔࡕࡅࡑࡉࡀ ࡁࡀࡈࡋࡉࡀ ࡕࡉࡌࡀࡓࡋࡅࡍ ࡁࡍࡀࡉ ࡗ ࡏࡌࡀࡉࡊࡅࡍ ࡄࡀࡅࡒࡀ ࡌࡉࡈࡉࡀ ࡀࡍࡀࡕࡅࡍ ࡔࡅࡁࡀ ࡌࡀࡄࡅ ࡕࡉࡁࡃࡅࡍ ࡗ ࡀࡕࡉࡀ ࡂࡁࡀࡓ ࡍࡅࡊࡓࡀࡉࡀ ࡌࡀࡍ ࡍࡉࡒࡌࡉࡋࡇ ࡏࡋ ࡒࡅࡃࡀࡌࡇ ࡀࡊࡋࡀ ࡖ ࡆࡉࡅࡀ ࡁࡏࡃࡇ ࡖ ࡌࡀࡍࡃࡀ ࡖ ࡄࡉࡉࡀ ࡌࡊࡀࡁࡉࡔ ࡅࡀࡕࡉࡀ ࡌࡀࡓࡃࡉࡀ ࡁࡓ ࡄࡉࡉࡀ ࡕࡉࡓࡑࡇ ࡋࡒࡀࡋࡇ ࡅࡋࡐࡀࡈࡅࡓ ࡔࡅࡁࡀ ࡖ ࡍࡉࡌࡀࡓࡋࡅࡍ ࡀࡍࡀ ࡆࡉࡁࡍࡀ ࡋࡓࡀࡄࡌࡀࡉ ࡀࡕࡉࡕ ࡅࡌࡀࡋࡀࡋࡀࡉ ࡊࡔࡉࡈࡉࡀ ࡋࡌࡄࡀࡉࡌࡍࡉࡀ ࡂࡅࡁࡓࡉࡀ ࡖ ࡆࡀࡁࡍࡉࡀ ࡆࡉࡁࡍࡀࡉ ࡆࡀࡊࡅࡀࡕࡅࡍ ࡁࡓࡉࡔࡀࡉࡄࡅࡍ ࡌࡉࡕࡂࡀࡃࡋࡉࡍ ࡆࡀࡊࡅࡀࡕࡅࡍ ࡅࡒࡀࡓࡍࡀࡉࡄࡅࡍ ࡌࡉࡕࡂࡀࡃࡋࡉࡍ ࡁࡓࡉࡔࡀࡉࡄࡅࡍ ࡅࡎࡀࡋࡒࡉࡀ ࡄࡀࡆࡉࡋࡇ ࡋࡀࡕࡀࡓ ࡍࡄࡅࡓ ࡌࡉࡔࡕࡀࡉࡉࡍ ࡄࡉࡉࡀ ࡆࡀࡊࡉࡍ ࡅࡆࡀࡊࡉࡀ ࡂࡀࡁࡓࡀ ࡖ ࡀࡎࡂࡉࡀ ࡋࡊࡀ ࡎࡀ

120. ࡉࡅࡌࡀࡉ ࡌࡀࡄࡅ ࡁࡉࡅࡌࡉࡀ ࡉࡅࡌࡀ ࡉࡅࡌࡀࡉ ࡌࡀࡄࡅ ࡁࡔࡀࡉࡉࡀ ࡔࡉࡕࡀ ࡄࡃࡀ ࡉࡅࡌࡀࡉ ࡌࡀࡄࡅ ࡁࡉࡅࡌࡉࡀ ࡉࡅࡌࡀ ࡖ ࡆࡉࡅࡇ ࡖ ࡌࡍࡃࡀ ࡖ ࡄࡉࡉࡀ ࡃࡍࡀ ࡉࡅࡌࡀࡉ ࡄࡀࡁࡔࡀࡁࡀ ࡁࡓࡉࡔ ࡉࡅࡌࡉࡀ ࡉࡅࡌࡀ ࡖ ࡆࡉࡅࡇ ࡖ ࡌࡀࡍࡃࡀ ࡖ ࡄࡉࡉࡀ ࡃࡍࡀ ࡉࡅࡌࡀࡉ ࡃࡍࡀ ࡆࡉࡅࡇ ࡖ ࡄࡀࡁࡔࡀࡁࡀ ࡏࡋࡀࡅࡀࡉࡀࡍ ࡅࡀࡍࡄࡀࡓࡉࡍࡀࡍ ࡌࡍ ࡓࡉࡔ ࡁࡓࡉࡔ ࡎࡀ

121. ࡌࡍ ࡒࡀࡃࡌࡅ ࡖ ࡔࡉࡍࡉࡀ ࡀࡉࡍࡉࡀ ࡅࡌࡍ ࡒࡀࡃࡌࡅ ࡖ ࡕࡉࡓࡀࡕࡀ ࡋࡁࡀࡓ ࡌࡍ ࡒࡀࡃࡌࡅ ࡖ ࡀࡍࡀࡕࡅࡍ ࡄࡀࡅࡀࡉࡕࡅࡍ ࡀࡍࡀ ࡄࡅࡉࡕࡉࡁࡇ ࡁࡀࡋࡌࡀ ࡒࡀࡋࡀࡉࡄࡅࡍ ࡖ ࡌࡉࡀ ࡄࡉࡉࡀ ࡖ ࡀࡐࡊࡉࡍ ࡋࡌࡉࡀ ࡕࡀࡄࡌࡉࡀ ࡔࡀࡐࡉࡍ ࡅࡍࡀࡎࡁࡉࡍ ࡕࡅࡒࡍࡀ ࡀࡔࡃࡉࡍ ࡅࡓࡀࡌࡉࡍ ࡃࡅࡓࡃࡉࡀ ࡋࡉࡌࡀࡋࡇ ࡋࡒࡀࡃࡌࡀࡉࡀ ࡖ ࡌࡍ ࡃࡅࡓࡃࡉࡀ ࡁࡀࡉࡉࡀ ࡁࡍࡉࡀ ࡌࡉࡒࡓࡉࡀ ࡒࡓࡏࡉࡉࡀ ࡒࡀࡋࡉࡀ ࡅࡌࡉࡄࡔࡀࡁ ࡄࡔࡉࡁࡉࡀ ࡌࡀࡌࡋࡀࡋࡉࡀ ࡊࡅࡋࡄࡅࡍ ࡀࡕࡉࡀ ࡄࡃࡀ ࡒࡀࡋࡀ ࡅࡌࡀࡐࡓࡉࡔ ࡋࡒࡀࡋࡉࡀ ࡊࡅࡋࡄࡅࡍ ࡀࡕࡉࡀ ࡄࡃࡀ ࡌࡀࡌࡋࡀ ࡅࡌࡀࡐࡓࡉࡔ ࡋࡌࡀࡋࡀࡋࡉࡀ ࡊࡅࡋࡄࡅࡍ ࡀࡕࡉࡀ ࡄࡃࡀ ࡂࡀࡁࡓࡀ ࡅࡌࡀࡐࡓࡉࡔ ࡏࡋ ࡃࡇ ࡅࡃࡇ ࡀࡍࡉࡍ ࡖ ࡌࡔࡀࡁࡉࡍࡉࡍ ࡌࡀࡓࡀࡍ ࡄࡀࡈࡀࡉࡀࡍ ࡅࡄࡀࡅࡁࡀࡍ ࡕࡉࡔࡁࡅࡒࡋࡀࡍ ࡆࡊࡉࡕ ࡌࡀࡍࡃࡀ ࡖ ࡄࡉࡉࡀ ࡅࡆࡀࡊࡉࡕ ࡊࡅࡋࡄࡅࡍ ࡓࡀࡄࡌࡀࡊ ࡅࡄࡉࡉࡀ ࡆࡀࡊࡏࡉࡍ ࡎࡀ

122. ࡉࡀ ࡌࡀࡓࡉࡀ ࡓࡀࡄࡌࡉࡀ ࡉࡀ ࡌࡀࡓࡉࡀ ࡁࡀࡅࡀࡕࡀ ࡅࡃࡓࡀࡔࡉࡀ ࡅࡎࡉࡃࡓࡉࡀ ࡕࡀࡒࡍࡉࡀ ࡉࡀࡌࡀࡓࡉࡀ ࡁࡅࡕࡀ ࡅࡕࡅࡔࡁࡉࡄࡕࡀ ࡔࡅࡌࡇ ࡋࡒࡀࡋࡀࡉ ࡅࡋࡀࡕࡀࡂࡆࡀࡓ ࡏࡋࡀࡉ ࡎࡀ

123. ࡋࡁࡀࡓ ࡌࡍ ࡔࡉࡕ ࡅࡔࡀࡁࡀ ࡀࡌࡀࡌࡉࡀ ࡐࡉࡓࡀ ࡋࡏࡋࡀࡍࡀ ࡕࡓࡉࡑ ࡐࡉࡓࡀ ࡕࡓࡉࡑ ࡋࡏࡋࡀࡍࡀ ࡅࡏࡋࡀࡍࡉࡀ ࡀࡋࡅࡀࡕࡇ ࡊࡀࡍࡐࡉࡀ ࡏࡋࡀࡍࡉࡀ ࡊࡀࡍࡐࡉࡀ ࡀࡋࡅࡀࡕࡇ ࡅࡊࡅࡓࡎࡉࡀ ࡋࡓࡀࡁ ࡆࡉࡅࡉࡀ ࡕࡓࡉࡑ ࡊࡅࡓࡎࡉࡀ ࡕࡓࡉࡑ ࡋࡓࡀࡁ ࡆࡉࡅࡉࡀ ࡅࡓࡀࡁ ࡆࡉࡅࡇ ࡉࡀࡕࡉࡁ ࡏࡋࡇ ࡕࡓࡉࡑ ࡋࡒࡅࡃࡀࡌࡇ ࡕࡅࡔࡋࡉࡌࡉࡀ ࡖ ࡋࡔࡀࡋࡌࡀࡍࡉࡀ ࡌࡔࡀࡋࡉࡌࡋࡅࡍ ࡌࡔࡀࡋࡉࡌࡋࡅࡍ ࡋࡔࡀࡋࡌࡀࡍࡉࡀ ࡅࡀࡌࡀࡓ ࡊࡅࡋ ࡏࡍࡉࡔ ࡀࡊࡅࡀࡕ ࡏࡅࡁࡀࡃࡉࡀ ࡏࡃࡇ ࡉࡀࡄࡉࡁࡋࡇ ࡅࡀࡌࡀࡓ ࡊࡅࡋ ࡌࡀࡍ ࡖ ࡄࡋࡀ ࡅࡏࡕࡀࡍࡂࡀࡓ ࡍࡉࡕࡉࡀ ࡅࡍࡉࡎࡀࡁ ࡁࡕࡀࡓࡕࡉࡍ ࡏࡃࡇ ࡅࡃࡋࡀࡄࡋࡀ ࡅࡋࡀࡏࡕࡀࡍࡂࡀࡓ ࡓࡉࡒࡀࡍ ࡒࡀࡉࡉࡌ ࡁࡉࡕ ࡌࡀࡊࡎࡉࡀ ࡁࡀࡉࡉࡀ ࡅࡋࡀࡌࡀࡔࡊࡀ ࡅࡔࡀࡉࡉࡋ ࡅࡋࡀࡌࡉࡕࡄࡉࡁࡋࡇ ࡀࡌࡉࡍࡈࡅࡋ ࡖ ࡄࡅࡀࡋࡇ ࡁࡏࡃࡇ ࡅࡋࡀࡏࡄࡀࡁ ࡄࡀࡕࡀࡌ ࡁࡀࡄࡉࡔ ࡁࡊࡀࡍࡐࡇ ࡅࡋࡀࡌࡀࡔࡊࡀ ࡌࡔࡀࡁࡉࡕ ࡌࡀࡍࡃࡀ ࡖ ࡄࡉࡉࡀ ࡖ ࡏࡋ ࡓࡀࡄࡌࡀࡊ ࡋࡀࡌࡀࡂࡆࡉࡓࡉࡕ ࡎࡀ

124. ࡀࡍࡀ ࡁࡅࡕࡀ ࡌࡍ ࡄࡉࡉࡀ ࡁࡀࡉࡉࡍࡀ ࡁࡀࡉࡉࡍࡀ ࡌࡉࡍࡀࡉࡊࡅࡍ ࡄࡉࡉࡀ ࡓࡅࡓࡁࡉࡀ ࡀࡍࡀ ࡁࡅࡕࡀ ࡌࡍ ࡄࡉࡉࡀ ࡁࡀࡉࡉࡍࡀ ࡖ ࡕࡉࡕࡓࡉࡑࡅࡍࡀ ࡋࡕࡅࡔࡁࡉࡄࡕࡀࡉࡊࡅࡍ ࡏࡋࡀࡉ ࡎࡀ ࡄࡀࡋࡉࡍ ࡕࡋࡀࡕࡀ ࡏࡍࡉࡀࡍࡉࡀ ࡅࡕࡋࡀࡕࡀ ࡃࡓࡀࡔࡉࡀ ࡉࡅࡌࡀ ࡖ ࡄࡀࡁࡔࡀࡁࡀ ࡄࡉࡍࡅࡍ ࡎࡀ

125. ࡁࡔࡅࡌࡀࡉࡄࡅࡍ ࡖ ࡄࡉࡉࡀ ࡓࡁࡉࡀ ࡌࡓࡀࡅࡓࡀࡁ ࡍࡄࡅࡓࡀ ࡔࡀࡍࡉࡀ ࡌࡍ ࡓࡉࡔ ࡁࡀࡍࡀࡍࡀ ࡍࡉࡐࡒࡉࡕ ࡌࡉࡍࡀࡊ ࡃࡀࡅࡓࡀ ࡕࡀࡒࡍࡀ ࡌࡍ ࡓࡉࡔ ࡁࡀࡍࡀࡍࡀ ࡍࡉࡐࡒࡉࡕ ࡌࡍ ࡁࡀࡍࡀ ࡖ ࡁࡀࡍࡀࡍ ࡓࡁࡉࡀ ࡌࡍ ࡁࡀࡍࡀ ࡖ ࡓࡁࡉࡀ ࡁࡀࡍࡀࡍ ࡀࡕࡉࡕ ࡅࡍࡉࡑࡁࡀࡍ ࡍࡀࡑࡁࡀࡉ ࡀࡕࡉࡕ ࡅࡍࡀࡑࡁࡀࡉ ࡍࡉࡑࡁࡀࡍ ࡁࡌࡉࡋࡊࡀ ࡖ ࡌࡍ ࡓࡁࡉࡀ ࡌࡋࡉࡊ ࡌࡍ ࡌࡀࡋࡊࡀ ࡖ ࡌࡋࡉࡊ ࡌࡍ ࡓࡁࡉࡀ ࡅࡔࡀࡃࡓࡅࡍ ࡖ ࡏࡁࡅࡍ ࡁࡉࡍࡕࡀ ࡁࡉࡍࡕࡀ ࡏࡁࡅࡍ ࡋࡈࡀࡁࡉࡀ ࡋࡂࡅࡁࡓࡉࡀ ࡊࡔࡉࡈࡉࡀ ࡅࡌࡄࡀࡉࡌࡍࡉࡀ ࡁࡀࡍࡕࡀ ࡅࡁࡀࡍࡀࡍࡕࡀ ࡅࡕࡉࡓࡑࡉࡕ ࡁࡓࡉࡔ ࡁࡀࡍࡀࡍࡀ ࡔࡕࡀࡋࡉࡁࡀ ࡔࡉࡕࡋࡉࡀ ࡖ ࡄࡉࡉࡀ ࡂࡅࡁࡓࡉࡀ ࡊࡔࡉࡈࡉࡀ ࡅࡌࡄࡀࡉࡌࡍࡉࡀ ࡀࡍࡀ ࡋࡁࡀࡍࡀࡉ ࡌࡐࡀࡒࡉࡃࡍࡀࡋࡇ ࡖ ࡀࡉࡍࡀࡊ ࡏࡋ ࡔࡉࡕࡋࡀࡉ ࡕࡓࡅࡑ ࡀࡉࡍࡀࡊ ࡕࡓࡅࡑ ࡋࡔࡉࡕࡋࡀࡉ ࡖ ࡏࡃࡉࡋࡌࡀ ࡖ ࡍࡀࡉࡌࡉࡀ ࡅࡔࡀࡊࡁࡉࡀ ࡅࡌࡉࡍࡉࡔࡉࡉࡍ ࡈࡀࡁࡉࡀ ࡖ ࡌࡐࡀࡒࡃࡉࡀ ࡀࡋࡌࡀ ࡖ ࡀࡍࡉࡍࡉࡌࡅࡍ ࡅࡀࡋࡌࡀ ࡖ ࡍࡉࡔࡉࡊࡁࡅࡍ ࡅࡀࡋࡌࡀ ࡍࡉࡍࡉࡔࡉࡅࡍ ࡈࡀࡁࡉࡀ ࡖ ࡌࡐࡀࡒࡃࡉࡀ ࡀࡋࡌࡀ ࡖ ࡍࡉࡍࡉࡔࡉࡅࡍ ࡋࡃࡉࡋࡉࡀ ࡍࡉࡉࡅࡋ ࡏࡋࡀࡅࡀࡉࡄࡅࡍ ࡎࡉࡈࡉࡀ ࡏࡆࡃࡀࡄࡓࡅࡋࡉࡀ ࡀࡄࡀࡉ ࡏࡆࡃࡀࡄࡓࡅࡋࡉࡀ ࡓࡀࡄࡌࡀࡉ ࡏࡆࡃࡀࡄࡓࡅࡋࡉࡀ ࡀࡄࡀࡉ ࡌࡍ ࡏࡔࡅ ࡌࡔࡉࡄࡀ ࡁࡀࡈࡋࡀ ࡅࡌࡍ ࡖ ࡀࡐࡉࡊ ࡃࡌࡀࡅࡀࡕࡀ ࡅࡌࡔࡀࡍࡉࡀ ࡌࡀࡋࡀࡋࡉࡀ ࡖ ࡐࡅࡌ ࡏࡅ ࡕࡉࡆࡃࡀࡄࡓࡅࡋࡉࡀ ࡀࡄࡀࡉ ࡏࡅ ࡕࡉࡆࡃࡀࡄࡓࡅࡋࡉࡀ ࡓࡀࡄࡌࡀࡉ ࡏࡅ ࡕࡉࡆࡃࡀࡄࡓࡅࡋࡉࡀ ࡀࡄࡀࡉ ࡗ ࡕࡉࡐࡒࡅࡍ ࡌࡍ ࡐࡀࡂࡓࡀࡉࡊࡅࡍ ࡀࡍࡀ ࡏࡄࡀࡅࡉࡋࡊࡅࡍ ࡁࡀࡄࡉࡃ ࡏࡃࡀ ࡀࡄࡉࡃ ࡏࡃࡀ ࡅࡎࡉࡌࡀࡊࡀ ࡌࡍ ࡀࡕࡓࡀ ࡖ ࡄࡔࡅࡊ ࡋࡀࡕࡀࡓ ࡍࡄࡅࡓ ࡆࡊࡉࡕ ࡌࡀࡍࡃࡀ ࡖ ࡄࡉࡉࡀ ࡅࡆࡀࡊࡉࡕ ࡊࡅࡋࡄࡅࡍ ࡓࡀࡄࡌࡉࡀ ࡔࡅࡌࡀࡊ ࡎࡀ

126. ࡋࡓࡉࡔ ࡊࡉࡌࡑࡀ ࡃࡀࡊࡉࡀ ࡀࡋࡅࡀࡕࡇ ࡖ ࡐࡀࡎࡉࡌࡊࡀ ࡔࡀࡍࡉࡀ ࡏࡎࡕࡊࡉࡕ ࡄࡆࡀࡉࡕࡇ ࡋࡍࡉࡁࡈࡀ ࡎࡀࡂࡉࡀ ࡌࡍ ࡂࡅ ࡉࡀࡓࡃࡍࡀ ࡓࡁࡀ ࡖ ࡄࡉࡉࡀ ࡒࡀࡃࡌࡀࡉࡉࡀ ࡏࡕࡉࡍࡑࡉࡁ ࡔࡀࡍࡉࡀ ࡒࡀࡋࡇ ࡅࡓࡉࡄࡇ ࡁࡀࡎࡉࡌ ࡅࡃࡌࡅࡕࡇ ࡁࡀࡉࡓࡀ ࡅࡌࡉࡕࡓࡀࡅࡓࡉࡁࡀ ࡅࡄࡉࡉࡀ ࡆࡀࡊࡏࡉࡍ ࡎࡀ

127. ࡂࡀࡁࡓࡀ ࡁࡄࡉࡓ ࡆࡉࡃࡒࡀ ࡍࡁࡀࡈ ࡅࡀࡍࡄࡀࡓ ࡁࡀࡋࡌࡀ ࡍࡁࡀࡈ ࡁࡀࡋࡌࡀ ࡅࡀࡍࡄࡀࡓ ࡅࡌࡀࡋࡉࡋ ࡁࡄࡉࡉࡀ ࡓࡅࡓࡁࡉࡀ ࡁࡄࡉࡉࡀ ࡓࡅࡓࡁࡉࡀ ࡌࡀࡋࡉࡋ ࡅࡂࡀࡋࡉࡋ ࡓࡀࡆࡉࡀ ࡖ ࡌࡎࡀࡕࡓࡉࡀ ࡓࡀࡆࡉࡀ ࡖ ࡌࡎࡀࡕࡓࡉࡀ ࡂࡀࡋࡉࡋ ࡅࡑࡀࡅࡕࡀ ࡔࡀࡓࡉࡀ ࡋࡓࡀࡄࡌࡇ ࡑࡀࡅࡕࡀ ࡋࡓࡀࡄࡌࡇ ࡔࡀࡓࡉࡀ ࡅࡓࡀࡃࡐࡉࡋࡇ ࡊࡅࡋࡄࡅࡍ ࡀࡋࡌࡉࡀ ࡗ ࡄࡀࡆࡀ ࡖ ࡓࡉࡃࡐࡅࡉࡀ ࡀࡋࡌࡉࡀ ࡀࡉࡍࡇ ࡔࡒࡀࡋ ࡋࡀࡕࡀࡓ ࡍࡄࡅࡓ ࡁࡀࡁࡀ ࡖ ࡍࡄࡅࡓࡀ ࡏࡐࡕࡀࡋࡇ ࡅࡀࡎࡉࡒ ࡁࡄࡉࡉࡀ ࡀࡎࡌࡊࡅࡉࡀ ࡄࡉࡉࡀ ࡎࡌࡀࡊ ࡋࡄࡉࡉࡀ ࡄࡉࡉࡀ ࡃࡉࡋࡅࡍ ࡀࡔࡊࡀ ࡄࡉࡉࡀ ࡀࡔࡊࡀ ࡃࡉࡋࡅࡍ ࡅࡀࡔࡊࡉࡕ ࡍࡉࡔࡌࡀࡕ ࡖ ࡌࡎࡀࡊࡉࡀ ࡆࡊࡉࡕ ࡌࡀࡍࡃࡀ ࡖ ࡄࡉࡉࡀ ࡅࡆࡀࡊࡉࡕ ࡊࡅࡋࡄࡅࡍ ࡓࡀࡄࡌࡀࡊ ࡅࡄࡉࡉࡀ ࡆࡀࡊࡏࡉࡍ ࡎࡀ

128. ࡉࡀ ࡂࡀࡁࡓࡀ ࡖ ࡊࡀࡋࡅࡆࡀ ࡁࡄࡉࡓࡀ ࡖ ࡏࡕࡀࡁࡄࡀࡓࡕ ࡌࡉࡍࡇ ࡌࡍ ࡀࡋࡌࡀ ࡍࡉࡍࡄࡀࡓࡅࡋࡀࡊ ࡀࡉࡍࡀࡊ ࡈࡀࡁࡀ ࡖ ࡀࡋࡁࡔࡅࡊ ࡖ ࡉࡀࡉࡉࡀ ࡏࡑࡈࡋࡀࡊ ࡌࡍ ࡒࡀࡋࡀࡊ ࡅࡒࡀࡋ ࡃࡓࡀࡔࡀࡊ ࡄࡉࡉࡀ ࡓࡁࡉࡀ ࡒࡀࡁࡋࡅࡉࡀ ࡋࡁࡅࡕࡀࡊ ࡅࡕࡅࡔࡁࡉࡄࡕࡀࡊ ࡎࡀ

129. ࡋࡉࡀ ࡀࡆࡋࡉࡕ ࡁࡄࡉࡓ ࡆࡉࡃࡒࡀ ࡖ ࡁࡀࡉࡉࡋࡀࡊ ࡊࡅࡋࡄࡅࡍ ࡓࡀࡄࡌࡀࡊ ࡊࡅࡋࡄࡅࡍ ࡓࡀࡄࡌࡀࡊ ࡁࡀࡉࡉࡋࡀࡊ ࡅࡁࡀࡉࡉࡍ ࡃࡌࡅࡕࡀࡊ ࡁࡉࡍࡀࡕࡅࡍ ࡀࡍࡀ ࡏࡆࡋࡉࡕ ࡋࡌࡉࡁࡀࡍ ࡁࡉࡍࡕࡀ ࡋࡄࡉࡋ ࡁࡂࡀࡅࡇ ࡖ ࡀࡋࡌࡀ ࡁࡀࡍࡕࡇ ࡅࡁࡀࡍࡀࡍࡕࡀ ࡅࡕࡉࡓࡑࡉࡕ ࡁࡓࡉࡔ ࡁࡀࡍࡀࡍࡀ ࡔࡕࡀࡋࡉࡁࡇ ࡔࡉࡕࡋࡉࡀ ࡖ ࡄࡉࡉࡀ ࡋࡂࡅࡁࡓࡉࡀ ࡊࡔࡉࡈࡉࡀ ࡅࡌࡄࡀࡉࡌࡍࡉࡀ ࡀࡍࡀ ࡋࡁࡀࡍࡀࡉ ࡌࡐࡀࡒࡃࡉࡍࡀࡋࡇ ࡋࡂࡀࡁࡓࡀ ࡖ ࡍࡀࡈࡀࡓ ࡁࡉࡍࡕࡀ ࡀࡍࡀ ࡋࡁࡀࡍࡀࡉ ࡌࡐࡀࡒࡃࡉࡍࡀࡋࡇ ࡖ ࡀࡉࡍࡀࡊ ࡏࡋ ࡔࡉࡕࡋࡀࡉ ࡕࡓࡅࡑ ࡀࡉࡍࡀࡊ ࡕࡓࡅࡑ ࡋࡔࡉࡕࡋࡀࡉ ࡖ ࡏࡃࡉࡋࡌࡀ ࡖ ࡍࡀࡉࡌࡉࡀ ࡅࡔࡀࡊࡁࡉࡀ ࡅࡌࡉࡍࡉࡔࡉࡉࡍ ࡈࡀࡁࡉࡀ ࡖ ࡌࡐࡀࡒࡃࡉࡀ ࡀࡋࡌࡀ ࡖ ࡍࡉࡍࡉࡌࡅࡍ ࡅࡀࡋࡌࡀ ࡍࡉࡔࡉࡊࡁࡅࡍ ࡅࡀࡋࡌࡀ ࡖ ࡍࡉࡍࡉࡔࡉࡅࡍ ࡈࡀࡁࡉࡀ ࡖ ࡌࡐࡀࡒࡃࡉࡀ ࡂࡀࡁࡓࡀ ࡋࡀࡋࡌࡀ ࡒࡓࡀࡋࡉࡀ ࡌࡍ ࡓࡉࡔࡉࡇ ࡋࡓࡉࡔࡉࡇ ࡖ ࡀࡋࡌࡀ ࡂࡀࡁࡓࡀ ࡖ ࡋࡀࡋࡌࡀ ࡒࡓࡀࡋࡇ ࡅࡀࡌࡀࡓ ࡈࡅࡁࡇ ࡋࡌࡀࡍ ࡖ ࡁࡍࡀࡐࡔࡉࡇ ࡍࡉࡆࡃࡀࡄࡀࡓ ࡂࡀࡁࡓࡀ ࡖ ࡌࡉࡆࡃࡀࡄࡀࡓ ࡁࡍࡀࡐࡔࡉࡇ ࡋࡀࡉࡉࡕ ࡀࡊࡅࡀࡕࡇ ࡁࡀࡋࡌࡀ ࡕࡅࡌ ࡂࡅࡁࡓࡉࡀ ࡖ ࡌࡀࡔࡓࡉࡀ ࡄࡉࡉࡀ ࡌࡉࡎࡀࡐ ࡎࡀࡉࡐࡉࡀ ࡖ ࡀࡐࡊࡉࡀ ࡄࡀࡋࡉࡍ ࡖ ࡀࡐࡊࡉࡀ ࡌࡀࡉࡕࡉࡀ ࡅࡃࡌࡀࡔࡓࡉࡀ ࡔࡓࡀࡓࡀ ࡌࡀࡔࡊࡉࡀ ࡀࡄࡀࡉ ࡀࡔࡀࡓ ࡁࡌࡀࡓࡂࡍࡀࡉࡊࡅࡍ ࡅࡎࡅࡁࡋࡅࡉࡀ ࡋࡓࡉࡃࡐࡀ ࡖ ࡀࡋࡌࡀ ࡋࡓࡉࡃࡐࡀ ࡖ ࡀࡋࡌࡀ ࡎࡅࡁࡋࡅࡉࡀ ࡁࡋࡉࡁࡀ ࡊࡔࡉࡈࡀ ࡅࡌࡄࡀࡉࡌࡍࡀ ࡎࡂࡃࡅࡋࡉࡀ ࡁࡉࡕࡓࡉࡑࡕࡀ ࡖ ࡏࡒࡅࡌ ࡏࡄࡅࡉࡋࡊࡅࡍ ࡁࡀࡄࡉࡃ ࡏࡃࡀ ࡀࡄࡉࡃ ࡏࡃࡀ ࡅࡎࡉࡌࡀࡊࡀ ࡌࡍ ࡀࡕࡓࡀ ࡖ ࡄࡔࡅࡊ ࡋࡀࡕࡀࡓ ࡍࡄࡅࡓ ࡅࡄࡉࡉࡀ ࡆࡀࡊࡏࡉࡍ ࡎࡀ

130. ࡌࡍ ࡉࡅࡌࡀ ࡖ ࡐࡕࡀ ࡁࡀࡁࡀ ࡓࡁࡀ ࡖ ࡄࡉࡋࡁࡅࡍࡉࡀ ࡏࡕࡀࡅࡆࡀࡐ ࡆࡉࡅࡀ ࡖ ࡌࡀࡋࡊࡀ ࡋࡏࡅࡕࡓࡉࡀ ࡉࡀࡒࡓࡉࡀ ࡀࡕࡀࡋࡅࡍ ࡁࡅࡕࡀ ࡅࡕࡅࡔࡁࡉࡄࡕࡀ ࡋࡂࡅࡁࡓࡉࡀ ࡊࡔࡉࡈࡉࡀ ࡅࡌࡄࡀࡉࡌࡍࡉࡀ ࡄࡀࡃࡉࡁࡇ ࡅࡌࡉࡕࡂࡀࡉࡉࡁࡇ ࡅࡌࡀࡎࡒࡉࡍ ࡁࡅࡕࡅࡍ ࡅࡕࡅࡔࡁࡉࡄࡕࡅࡍ ࡋࡀࡕࡀࡓ ࡍࡄࡅࡓ ࡎ ࡀ ࡄࡀࡋࡉࡍ ࡕࡋࡀࡕࡀ ࡏࡍࡉࡀࡍࡉࡀ ࡅࡕࡋࡀࡕࡀ ࡃࡓࡀࡔࡉࡀ ࡉࡅࡌࡀ ࡖ ࡕࡓࡉࡍ ࡄࡀࡁࡔࡀࡁࡀ ࡄࡉࡍࡅࡍ ࡎࡀ

131. ࡁࡔࡅࡌࡀࡉࡄࡅࡍ ࡖ ࡄࡉࡉࡀ ࡓࡁࡉࡀ ࡌࡓࡀࡅࡓࡀࡁ ࡍࡄࡅࡓࡀ ࡔࡀࡍࡉࡀ ࡏࡕࡉࡕ ࡌࡍ ࡁࡉࡕ ࡄࡉࡉࡀ ࡏࡕࡉࡕ ࡌࡀࡄࡅ ࡖ ࡀࡉࡕࡉࡕࡋࡀࡍ ࡀࡉࡕࡉࡕࡋࡊࡅࡍ ࡖ ࡋࡀࡕࡉࡌࡉࡕࡅࡍ ࡅࡋࡀࡕࡉࡎࡕࡀࡊࡓࡀ ࡍࡉࡔࡌࡀࡕࡊࡅࡍ ࡀࡉࡕࡉࡋࡊࡅࡍ ࡋࡉࡅࡌࡀ ࡖ ࡌࡅࡕࡀ ࡄࡉࡉࡀ ࡅࡋࡉࡅࡌࡀ ࡖ ࡍࡎࡉࡎࡀ ࡄࡀࡃࡅࡀ ࡀࡉࡕࡉࡕࡋࡊࡅࡍ ࡍࡉࡄࡅࡕࡀ ࡖ ࡌࡀࡓࡂࡅࡔ ࡖ ࡀࡌࡀࡌࡉࡀ ࡋࡉࡕࡁࡇ ࡄࡀࡃࡀ ࡄࡀࡃࡀ ࡀࡉࡕࡉࡕ ࡈࡀࡁࡀ ࡋࡂࡀࡁࡓࡀ ࡊࡔࡉࡈࡀ ࡌࡀࡄࡅ ࡖ ࡀࡉࡕࡉࡕࡋࡇ ࡂࡀࡍࡆࡉࡁࡓࡀࡉ ࡔࡀࡅࡉࡕࡇ ࡅࡔࡀࡋࡉࡈࡕࡇ ࡏࡋ ࡊࡅࡋ ࡖ ࡏࡕࡋࡉࡀ ࡐࡅࡂࡃࡀࡌࡉࡀ ࡖ ࡊࡅࡔࡈࡀ ࡏࡄࡀࡁࡋࡇ ࡖ ࡀࡉࡉࡋࡁࡅࡍ ࡅࡍࡀࡐࡉࡒࡁࡅࡍ ࡗ ࡂࡀࡁࡓࡀ ࡖ ࡑࡅࡁࡉࡀࡍࡇ ࡋࡂࡀࡈ ࡁࡀࡉࡉࡕࡅࡍ ࡅࡀࡔࡊࡀࡕࡅࡍ ࡁࡄࡉࡓࡀࡉ ࡕࡅࡌ ࡕࡉࡁࡅࡍ ࡅࡕࡀࡔࡊࡅࡍ ࡁࡀࡉࡉࡕࡅࡍ ࡅࡀࡔࡊࡀࡕࡅࡍ ࡁࡄࡉࡓࡀࡉ ࡀࡊࡅࡀࡕ ࡒࡀࡃࡌࡀࡉࡉࡀ ࡁࡅࡍ ࡅࡄࡉࡉࡀ ࡆࡀࡊࡏࡉࡍ ࡎࡀ

132. ࡀࡕࡀ ࡀࡕࡀ ࡌࡀࡋࡊࡀ ࡖ ࡏࡅࡕࡓࡉࡀ ࡔࡂࡀࡍࡃࡀ ࡓࡀࡌࡀ ࡀࡕࡀ ࡌࡍ ࡁࡉࡕ ࡀࡁࡅࡉࡀ ࡀࡕࡀ ࡅࡒࡀࡁࡋࡀ ࡋࡁࡅࡕࡀࡉ ࡅࡕࡅࡔࡁࡉࡄࡕࡀࡉ ࡅࡀࡎࡒࡀ ࡁࡔࡋࡀࡌ ࡋࡀࡕࡀࡓ ࡍࡄࡅࡓ ࡎࡀ

133. ࡏࡕࡉࡕ ࡌࡍ ࡁࡉࡕ ࡈࡀࡁࡉࡀ ࡏࡃࡉࡋࡌࡀ ࡁࡒࡉࡋࡅࡌࡀ ࡏࡕࡉࡕ ࡏࡃࡉࡋࡌࡀ ࡏࡕࡉࡕ ࡁࡒࡉࡋࡅࡌࡀ ࡁࡎࡀࡉࡍࡀ ࡅࡆࡉࡐࡀ ࡖ ࡄࡀࡆࡉࡍ ࡀࡋࡌࡀ ࡏࡃࡉࡋࡌࡀ ࡏࡕࡉࡕ ࡁࡒࡉࡋࡅࡌࡀ ࡏࡃࡉࡋࡌࡀ ࡁࡀࡉࡍࡉࡀ ࡋࡀࡌࡉࡕࡀࡄࡆࡉࡕ ࡄࡉࡍ ࡋࡌࡉࡕࡉࡀ ࡏࡕࡉࡕ ࡄࡉࡍ ࡋࡏࡕࡉࡂࡋࡅࡉࡉࡀ ࡏࡕࡉࡂࡋࡉࡕ ࡀࡉࡍࡀࡊ ࡀࡉࡍࡉࡀ ࡖ ࡔࡉࡒࡓࡀ ࡅࡀࡉࡍࡀࡉ ࡃࡉࡋࡉࡀ ࡖ ࡊࡅࡔࡈࡀ ࡌࡉࡄࡔࡀࡊ ࡄࡀࡔࡊࡉࡀ ࡀࡉࡍࡉࡀ ࡖ ࡔࡉࡒࡓࡀ ࡅࡋࡀࡄࡀࡆࡉࡋࡇ ࡋࡊࡅࡔࡈࡀ ࡏࡅ ࡁࡀࡉࡉࡕ ࡋࡌࡉࡄࡆࡉࡀ ࡋࡓࡅࡄࡀ ࡏࡆࡉࡋ ࡋࡁࡉࡕ ࡉࡀࡃࡀࡉ ࡄࡆࡉࡀ ࡁࡉࡕ ࡉࡀࡃࡀࡉ ࡖ ࡉࡀࡃࡉࡋࡉࡀ ࡖ ࡀࡍࡀ ࡔࡓࡉࡍࡀ ࡁࡉࡍࡀࡕࡀࡉࡄࡅࡍ ࡁࡋࡉࡁࡀࡉࡄࡅࡍ ࡖ ࡓࡀࡄࡌࡀࡉ ࡅࡁࡏࡅࡑࡓࡀࡉࡄࡅࡍ ࡖ ࡕࡀࡓࡌࡉࡃࡀࡉ ࡅࡄࡉࡉࡀ ࡆࡀࡊࡏࡉࡍ ࡎࡀ

134. ࡀࡕࡀ ࡀࡕࡀ ࡌࡀࡋࡊࡀ ࡖ ࡏࡅࡕࡓࡉࡀ ࡔࡂࡀࡍࡃࡀ ࡓࡀࡌࡀ ࡖ ࡀࡉࡍࡀࡉ ࡌࡎࡀࡊࡉࡀࡋࡇ ࡑࡅࡕ ࡅࡔࡅࡌࡀ ࡒࡀࡋࡀࡉ ࡅࡀࡎࡒࡀ ࡋࡁࡅࡕࡀࡉ ࡅࡕࡅࡔࡁࡉࡄࡕࡀࡉ ࡋࡀࡕࡀࡓ ࡍࡄࡅࡓ ࡎࡀ

135. ࡓࡉࡄࡀ ࡀࡕࡀ ࡌࡍ ࡀࡕࡓࡇ ࡀࡕࡀ ࡔࡓࡀࡓࡀ ࡌࡍ ࡃࡅࡊࡕࡇ ࡓࡉࡄࡀ ࡀࡕࡀ ࡌࡍ ࡀࡕࡓࡇ ࡀࡕࡀ ࡁࡂࡅ ࡁࡀࡉࡕࡀ ࡔࡓࡀ ࡒࡀࡓࡉࡀ ࡅࡌࡄࡀࡉࡉࡀ ࡌࡉࡕࡉࡀ ࡅࡌࡓࡀࡍࡃࡉࡃ ࡖ ࡌࡀࡉࡕࡉࡀ ࡅࡔࡀࡊࡁࡉࡀ ࡌࡀࡉࡀࡓࡋࡉࡍ ࡋࡍࡉࡔࡌࡀࡕࡀ ࡖ ࡔࡉࡄࡉࡀ ࡅࡔࡀࡅࡉࡀ ࡋࡀࡕࡀࡓ ࡍࡄࡅࡓ ࡄࡀࡃࡀ ࡄࡀࡃࡀ ࡀࡁࡀࡃ ࡈࡀࡁࡀ ࡅࡕࡓࡀࡑ ࡖ ࡄࡉࡉࡀ ࡓࡅࡔࡅࡌࡀ ࡏࡕࡊࡀࡍࡀࡐ ࡔࡉࡁࡉࡀࡄࡉࡀ ࡀࡆࡀࡋ ࡒࡀࡌࡋࡇ ࡋࡔࡀࡋࡉࡈࡅࡍ ࡀࡌࡓࡉࡋࡇ ࡋࡀࡄࡆࡉࡕ ࡀࡋࡀࡄࡀ ࡀࡋࡉࡄࡅࡍ ࡖ ࡓࡉࡄࡀ ࡌࡍ ࡀࡕࡓࡇ ࡀࡕࡀ ࡓࡉࡄࡀ ࡀࡕࡀ ࡌࡍ ࡀࡕࡓࡇ ࡓࡄࡉࡔ ࡌࡀࡍࡀ ࡌࡍ ࡃࡅࡊࡕࡇ ࡒࡀࡓࡉࡀ ࡅࡌࡄࡀࡉࡉࡀ ࡌࡉࡕࡉࡀ ࡅࡌࡓࡀࡍࡃࡉࡃ ࡌࡉࡕࡉࡀ ࡅࡔࡀࡊࡁࡉࡀ ࡌࡀࡉࡀࡓࡋࡉࡍ ࡋࡍࡉࡔࡌࡀࡕࡀ ࡖ ࡔࡉࡄࡀ ࡅࡔࡀࡅࡉࡀ ࡋࡀࡕࡀࡓ ࡍࡄࡅࡓ ࡄࡀࡃࡀ ࡄࡀࡃࡀ ࡀࡁࡀࡃ ࡈࡀࡁࡀ ࡅࡕࡓࡀࡑ ࡖ ࡄࡉࡉࡀ ࡓࡅࡔࡅࡌࡀ ࡀࡋࡀࡄࡀ ࡀࡋࡉࡄࡅࡍ ࡐࡉࡄࡕࡇ ࡋࡐࡅࡌࡇ ࡅࡋࡁࡍࡇ ࡁࡅࡊࡓࡇ ࡖ ࡍࡉࡌࡀࡓࡋࡅࡍ ࡀࡕࡅࡍ ࡀࡕࡅࡍ ࡁࡍࡀࡉ ࡁࡅࡊࡓࡀࡉ ࡅࡔࡉࡕࡋࡀࡉ ࡌࡉࡍࡃࡀࡌ ࡖ ࡏࡌࡀࡓࡋࡊࡅࡍ ࡔࡅࡌࡀ ࡏࡅ ࡌࡀࡔࡊࡉࡕࡅࡍ ࡂࡀࡁࡓࡀ ࡆࡀࡃࡉࡒࡀ ࡎࡂࡉࡃࡅࡋࡇ ࡖ ࡓࡁࡀ ࡎࡉࡂࡅࡃࡕࡀ ࡄࡃࡀ ࡋࡃࡉࡋࡇ ࡎࡂࡉࡃࡅࡋࡇ ࡅࡕࡀࡓࡕࡉࡍ ࡋࡓࡉࡄࡀ ࡖ ࡄࡉࡉࡀ ࡏࡋࡇ ࡔࡓࡉࡀ ࡄࡆࡅࡍ ࡖ ࡄࡉࡉࡀ ࡆࡀࡊࡉࡍ ࡅࡄࡉࡉࡀ ࡆࡉࡊࡉࡅࡉࡀ ࡋࡄࡀࡆࡉࡍ ࡀࡋࡌࡀ ࡎࡀ

136. ࡀࡕࡀ ࡀࡕࡀ ࡌࡀࡍࡃࡀ ࡖ ࡄࡉࡉࡀ ࡈࡅࡓࡀ ࡖ ࡄࡔࡅࡊࡀ ࡍࡉࡍࡄࡀࡓ ࡍࡉࡍࡄࡀࡓ ࡈࡅࡓࡀ ࡖ ࡄࡔࡅࡊࡀ ࡅࡌࡉࡀ ࡕࡀࡄࡌࡉࡀ ࡍࡉࡓࡉࡅࡆࡀࡍ ࡎࡀ ࡄࡀࡋࡉࡍ ࡕࡋࡀࡕࡀ ࡏࡍࡉࡀࡍࡉࡀ ࡅࡕࡋࡀࡕࡀ ࡃࡓࡀࡔࡉࡀ ࡉࡅࡌࡀ ࡖ ࡕࡋࡀࡕࡀ ࡄࡀࡁࡔࡀࡁࡀ ࡄࡉࡍࡅࡍ ࡎࡀ

137. ࡁࡔࡅࡍࡀࡉࡄࡅࡍ ࡖ ࡄࡉࡉࡀ ࡓࡁࡉࡀ ࡌࡓࡀࡅࡓࡀࡁ ࡍࡄࡅࡓࡀ ࡔࡀࡍࡉࡀ ࡒࡀࡋࡀ ࡄࡅࡀ ࡁࡏࡔࡅࡌࡉࡀ ࡅࡓࡉࡌࡀ ࡄࡅࡀ ࡁࡉࡕ ࡊࡅࡊࡁࡉࡀ ࡓࡅࡄࡀ ࡅࡔࡉࡁࡉࡀࡄࡉࡀ ࡄࡉࡍࡅࡍ ࡁࡌࡀࡋࡉࡀ ࡉࡀࡕࡁࡉࡀ ࡄࡉࡍࡅࡍ ࡉࡀࡕࡁࡉࡀ ࡁࡌࡀࡋࡉࡀ ࡋࡂࡀࡁࡓࡀ ࡖ ࡌࡍ ࡕࡉࡁࡉࡋ ࡔࡅࡀࡓ ࡋࡂࡀࡁࡓࡀ ࡖ ࡔࡅࡀࡓ ࡌࡍ ࡕࡉࡁࡉࡋ ࡅࡐࡓࡀࡈ ࡁࡁࡀࡉࡕࡀ ࡐࡅࡓࡈࡕࡀ ࡐࡅࡓࡈࡕࡀ ࡐࡓࡀࡈ ࡁࡁࡀࡉࡕࡀ ࡅࡓࡌࡀ ࡁࡂࡀࡅࡇ ࡕࡉࡂࡓࡀ ࡕࡉࡂࡓࡀ ࡓࡌࡉࡀ ࡁࡂࡀࡅࡇ ࡋࡃࡀࡓ ࡃࡀࡓࡉࡀ ࡋࡀࡌࡉࡔࡕࡓࡉࡀ ࡏࡋࡇ ࡖ ࡀࡕࡉࡀ ࡌࡀࡍࡃࡀ ࡖ ࡄࡉࡉࡀ ࡅࡕࡋࡀࡕࡀ ࡁࡄࡉࡓࡉࡀ ࡌࡉࡍࡇ ࡍࡀࡎࡁࡉࡀ ࡌࡉࡍࡇ ࡍࡀࡎࡁࡉࡀ ࡕࡋࡀࡕࡀ ࡁࡄࡉࡓࡉࡀ ࡅࡌࡀࡎࡉࡒࡋࡅࡍ ࡋࡃࡀࡅࡓࡀ ࡕࡀࡒࡍࡀ ࡋࡀࡕࡓࡀ ࡖ ࡍࡀࡄࡅࡓ ࡅࡕࡀࡒࡅࡍ ࡒࡓࡏࡉࡀ ࡅࡌࡆࡀࡌࡍࡀ ࡍࡉࡔࡌࡀࡕࡊࡅࡍ ࡅࡍࡉࡔࡌࡀࡕࡀ ࡖ ࡀࡄࡀࡍ ࡈࡀࡁࡉࡀ ࡅࡄࡀࡋࡉࡍ ࡀࡄࡅࡀࡕࡀࡍ ࡖ ࡌࡄࡀࡉࡌࡍࡉࡀ ࡆࡊࡉࡕ ࡌࡀࡍࡃࡀ ࡖ ࡄࡉࡉࡀ ࡈࡀࡁࡀ ࡖ ࡌࡒࡀࡉࡀࡌ ࡓࡀࡄࡌࡇ ࡅࡄࡉࡉࡀ ࡆࡀࡊࡉࡍ ࡎࡀ

138. ࡒࡀࡋࡀ ࡖ ࡍࡉࡁࡈࡀ ࡊࡀࡎࡉࡀ ࡖ ࡌࡀࡋࡉࡋ ࡌࡍ ࡕࡉࡁࡉࡋ ࡅࡃࡓࡀࡔ ࡌࡀࡋࡉࡋ ࡅࡃࡓࡀࡔ ࡌࡍ ࡕࡉࡁࡉࡋ ࡅࡄࡉࡉࡀ ࡓࡁࡉࡀ ࡌࡍ ࡊࡉࡎࡉࡀ ࡏࡍࡉࡅࡉࡀ ࡄࡉࡉࡀ ࡓࡁࡉࡀ ࡏࡍࡉࡅࡉࡀ ࡌࡍ ࡊࡉࡎࡉࡀ ࡅࡍࡑࡀࡁ ࡔࡂࡀࡍࡃࡀ ࡅࡔࡀࡃࡀࡓࡋࡇ ࡔࡂࡀࡍࡃࡀ ࡍࡑࡀࡁ ࡔࡀࡃࡀࡓࡋࡇ ࡅࡌࡊࡀࡁࡉࡔ ࡄࡀࡉࡋࡀࡉࡄࡅࡍ ࡖ ࡌࡀࡓࡃࡉࡀ ࡎࡀ

139. ࡋࡈࡅࡓ ࡊࡀࡓࡉࡌࡋࡀ ࡎࡉࡋࡒࡉࡕ ࡎࡋࡉࡒࡉࡋࡀࡊ ࡈࡅࡓࡀ ࡈࡅࡓ ࡊࡀࡓࡉࡌࡋࡀ ࡋࡈࡅࡓ ࡊࡀࡓࡉࡌࡋࡀ ࡎࡉࡋࡒࡉࡕ ࡏࡎࡕࡀࡊࡅࡍ ࡕࡓࡉࡎࡀࡓ ࡂࡅࡐࡍࡉࡀ ࡄࡉࡆࡉࡅࡍ ࡂࡅࡐࡍࡉࡀ ࡌࡉࡄࡉࡆࡉࡀ ࡖ ࡄࡉࡆࡉࡅࡍ ࡂࡅࡐࡍࡉࡀ ࡍࡐࡉࡔ ࡀࡅࡐࡀࡉࡄࡅࡍ ࡐࡀࡓࡎࡉࡀ ࡍࡐࡉࡔ ࡐࡀࡓࡎࡉࡀ ࡀࡅࡐࡀࡉࡄࡅࡍ ࡅࡍࡐࡉࡔ ࡈࡅࡍࡀࡉࡄࡅࡍ ࡋࡎࡉࡌࡀࡃࡓࡅࡍ ࡋࡀࡏࡃࡅࡍ ࡅࡋࡀࡐࡉࡓࡔࡅࡍ ࡅࡋࡀࡍࡉࡎࡁࡅࡍ ࡋࡁࡀࡋࡅࡍ ࡋࡀࡏࡃࡅࡍ ࡅࡋࡀࡐࡉࡓࡔࡅࡍ ࡖ ࡌࡀࡍ ࡀࡍࡀ ࡅࡁࡓ ࡌࡀࡍ ࡀࡍࡀ ࡀࡍࡀ ࡂࡀࡁࡓࡀ ࡖ ࡄࡉࡆࡉࡀࡍ ࡅࡐࡉࡓࡔࡀࡍ ࡋࡀࡕࡓࡀ ࡖ ࡄࡉࡉࡀ ࡌࡉࡆࡋࡇ ࡆࡊࡉࡕ ࡌࡀࡍࡃࡀ ࡖ ࡄࡉࡉࡀ ࡅࡆࡀࡊࡉࡕ ࡊࡅࡋࡄࡅࡍ ࡓࡀࡄࡌࡀࡊ ࡎࡀ

140. ࡁࡉࡍࡉࡀ ࡕࡓࡉࡍ ࡈࡅࡓࡉࡀ ࡅࡁࡉࡍࡉࡀ ࡔࡊࡉࡍࡀࡕࡀ ࡕࡋࡀࡕ ࡁࡉࡍࡉࡀ ࡕࡓࡉࡍ ࡈࡅࡓࡉࡀ ࡉࡀࡅࡀࡓ ࡁࡄࡉࡓࡀ ࡔࡊࡉࡍࡕࡀ ࡔࡊࡀࡍ ࡔࡊࡉࡍࡕࡀ ࡔࡊࡀࡍ ࡉࡀࡅࡀࡓ ࡅࡁࡄࡉࡓࡉࡀ ࡆࡉࡃࡒࡀ ࡁࡂࡀࡅࡇ ࡌࡉࡕࡒࡀࡉࡌࡉࡀ ࡌࡉࡕࡒࡀࡉࡌࡉࡀ ࡁࡄࡉࡓࡉࡀ ࡆࡉࡃࡒࡀ ࡅࡎࡀࡋࡒࡉࡀ ࡄࡀࡆࡉࡋࡇ ࡋࡀࡕࡀࡓ ࡍࡄࡅࡓ ࡎࡀ

141. ࡌࡀࡍ ࡍࡉࡕࡉࡀ ࡅࡌࡀࡍ ࡍࡉࡌࡀࡓࡋࡉࡀ ࡌࡀࡍ ࡍࡀࡅࡃࡀࡍ ࡅࡌࡀࡍ ࡍࡀࡐࡓࡉࡔࡀࡍ ࡌࡀࡍ ࡍࡉࡕࡉࡀ ࡅࡌࡀࡍ ࡍࡉࡌࡀࡓࡋࡉࡀ ࡏࡅࡕࡓࡉࡀ ࡋࡌࡀࡄࡅ ࡃࡀࡌࡉࡍ ࡋࡌࡀࡄࡅ ࡃࡀࡌࡉࡍ ࡏࡅࡕࡓࡉࡀ ࡅࡋࡌࡀࡄࡅ ࡃࡀࡌࡉࡍ ࡐࡀࡎࡉࡌࡊࡉࡀ ࡏࡅࡕࡓࡉࡀ ࡋࡆࡉࡅࡀ ࡃࡀࡌࡉࡍ ࡅࡋࡍࡄࡅࡓࡀ ࡃࡀࡌࡉࡍ ࡐࡀࡎࡉࡌࡊࡉࡀ ࡌࡉࡌࡀ ࡉࡀࡌࡉࡍ ࡏࡅࡕࡓࡉࡀ ࡏࡅࡕࡓࡉࡀ ࡌࡉࡌࡀ ࡉࡀࡌࡉࡍ ࡅࡋࡀࡌࡊࡀࡃࡁࡉࡍ ࡍࡉࡊࡀࡃࡁࡅࡍ ࡔࡉࡁࡉࡀࡄࡉࡀ ࡌࡉࡎࡀࡐ ࡎࡀࡉࡐࡉࡀ ࡋࡉࡅࡌࡀ ࡓࡁࡀ ࡖ ࡎࡅࡐ ࡌࡉࡔࡕࡀࡉࡉࡍ ࡄࡉࡉࡀ ࡆࡀࡊࡉࡍ ࡅࡆࡀࡊࡉࡀ ࡂࡀࡁࡓࡀ ࡖ ࡀࡎࡂࡉࡀ ࡋࡊࡀ ࡎ_ ࡀ

142. ࡌࡉࡕࡉࡀ ࡖ ࡄࡉࡁࡉࡋ ࡏࡅࡕࡓࡀ ࡗ ࡔࡉࡕࡉࡋ ࡌࡀࡎࡂࡉࡀ ࡋࡁࡉࡕ ࡓࡀࡄࡌࡇ ࡕࡀࡓࡌࡉࡃࡉࡀ ࡖ ࡔࡅࡌࡅࡉࡀ ࡋࡒࡀࡋࡇ ࡖ ࡀࡍࡅࡔ ࡏࡅࡕࡓࡀ ࡎࡀࡂࡉࡀ ࡎࡀࡂࡃࡉࡀ ࡅࡌࡔࡀࡁࡉࡋࡅࡍ ࡋࡄࡉࡉࡀ ࡓࡁࡉࡀ ࡌࡍ ࡓࡉࡔ ࡁࡓࡉࡔ ࡎࡀ . ࡄࡀࡋࡉࡍ ࡕࡋࡀࡕࡀ ࡏࡍࡉࡀࡍࡉࡀ ࡅࡕࡋࡀࡕࡀ ࡃࡓࡀࡔࡉࡀ ࡉࡅࡌࡀ ࡖ ࡀࡓࡁࡀ ࡄࡀࡁࡔࡀࡁࡀ ࡄࡉࡍࡅࡍ ࡎࡀ

143. ࡁࡔࡅࡌࡀࡉࡄࡅࡍ ࡖ ࡄࡉࡉࡀ ࡓࡁࡉࡀ ࡌࡓࡀࡅࡓࡀࡁ ࡍࡄࡅࡓࡀ ࡔࡀࡍࡉࡀ ࡁࡆࡉࡅࡇ ࡖ ࡀࡁ ࡒࡀࡉࡉࡌࡍࡀ ࡅࡁࡕࡅࡔࡁࡉࡄࡕࡇ ࡖ ࡂࡀࡁࡓࡀ ࡍࡀࡑࡁࡀࡉ ࡁࡆࡉࡅࡇ ࡖ ࡀࡁ ࡒࡀࡉࡉࡌࡍࡀ ࡅࡕࡀࡓࡑࡉࡍࡀࡁࡇ ࡁࡉࡕ ࡕࡅࡔࡋࡉࡌࡀ ࡀࡓࡒࡀ ࡁࡒࡀࡋࡀࡉ ࡆࡀࡄࡀࡕ ࡅࡏࡔࡅࡌࡉࡀ ࡁࡆࡉࡅࡀࡉ ࡏࡆࡃࡀࡓࡀࡍࡁࡉࡀࡕ ࡌࡉࡁࡀࡔ ࡉࡀࡁࡔࡉࡀ ࡉࡀࡌࡀࡌࡉࡀ ࡅࡆࡀࡁࡉࡀ ࡁࡑࡀࡃࡉࡀ ࡍࡀࡐࡋࡉࡀ ࡌࡉࡕࡐࡀࡎࡅࡎࡉࡀ ࡌࡉࡕࡐࡀࡎࡀࡎࡉࡀ ࡀࡒࡓࡉࡀ ࡅࡂࡀࡁࡀࡓࡉࡀ ࡖ ࡕࡉࡁࡉࡋ ࡌࡉࡕࡍࡀࡍࡂࡓࡉࡀ ࡈࡅࡓࡉࡀ ࡖ ࡄࡀࡉࡆࡉࡍ ࡓࡀࡌࡉࡀ ࡗ ࡕࡀࡕࡅࡓࡉࡀ ࡌࡉࡕࡌࡀࡊࡀࡊࡉࡀ ࡁࡉࡔࡉࡀ ࡖ ࡆࡀࡒࡐࡉࡀ ࡀࡋࡀࡍࡐࡀࡉ ࡏࡉࡕ ࡂࡀࡁࡓࡀ ࡖ ࡌࡍࡀࡍࡂࡀࡓࡋࡅࡍ ࡋࡀࡅ ࡁࡄࡀࡉࡋࡀࡉ ࡃࡉࡋࡉࡀ ࡄࡉࡍࡉࡋࡀ ࡁࡄࡀࡉࡋࡀࡉࡄࡅࡍ ࡖ ࡄࡉࡉࡀ ࡓࡅࡓࡁࡉࡀ ࡌࡉࡔࡕࡀࡉࡉࡍ ࡄࡉࡉࡀ ࡆࡀࡊࡉࡍ ࡅࡆࡀࡊࡉࡀ ࡂࡀࡁࡓࡀ ࡖ ࡀࡎࡂࡉࡀ ࡋࡊࡀ ࡎࡀ

144. ࡀࡍࡀ ࡁࡆࡉࡅࡀࡉ ࡃࡀࡊࡉࡀ ࡍࡈࡉࡓࡍࡀ ࡅࡏࡅࡕࡓࡉࡀ ࡀࡄࡀࡉ ࡁࡀࡍࡄࡅࡓࡀ ࡊࡎࡉࡍ ࡌࡍ ࡏࡓࡅࡕࡅࡍ ࡅࡌࡍ ࡕࡅࡔࡁࡉࡄࡕࡅࡍ ࡖ ࡏࡅࡕࡓࡉࡀ ࡀࡄࡀࡉ ࡀࡕࡉࡀ ࡑࡀࡅࡕࡀ ࡖ ࡄࡉࡉࡀ ࡅࡔࡀࡓࡉࡀ ࡏࡋࡀࡉ ࡎ_ ࡀ

145. ࡗ ࡌࡀࡌࡋࡉࡋࡉࡀ ࡊࡀࡁࡉࡓࡉࡀ ࡁࡀࡕࡓࡀ ࡎࡀࡂࡉࡀ ࡁࡉࡕ ࡕࡅࡔࡋࡉࡌࡀ ࡎࡀࡂࡉࡉࡀ ࡅࡊࡀࡁࡉࡓࡉࡀ ࡋࡔࡉࡋࡌࡀࡉ ࡅࡍࡉࡃࡁࡀࡉ ࡍࡀࡑࡁࡉࡀ ࡍࡑࡀࡁࡉࡍࡅࡍ ࡋࡔࡉࡋࡌࡀࡉ ࡅࡍࡉࡃࡁࡀࡉ ࡅࡋࡍࡑࡀࡁ ࡆࡉࡅࡀ ࡏࡄࡀࡁࡉࡍࡅࡍ ࡁࡀࡃࡉࡀࡅࡓࡉࡀ ࡗ ࡌࡉࡎࡕࡌࡉࡊ ࡍࡑࡀࡁ ࡆࡉࡅࡀ ࡋࡏࡅࡕࡓࡉࡀ ࡕࡅࡔࡋࡉࡌࡉࡀ ࡖ ࡍࡑࡀࡁࡋࡅࡍ ࡌࡀࡋࡉࡋ ࡁࡒࡀࡋࡇ ࡍࡉࡄࡀ ࡅࡁࡄࡉࡓࡉࡀ ࡀࡋࡀࡍࡐࡇ ࡍࡀࡐࡒࡉࡀ ࡁࡄࡉࡓࡉࡀ ࡍࡀࡐࡒࡉࡀ ࡀࡋࡀࡍࡐࡇ ࡅࡌࡍ ࡕࡅࡔࡁࡉࡄࡕࡇ ࡉࡀࡄࡉࡁࡋࡅࡍ ࡉࡀࡄࡉࡁࡋࡅࡍ ࡌࡍ ࡕࡅࡔࡁࡉࡄࡕࡇ ࡅࡁࡄࡉࡓࡉࡀ ࡁࡕࡉࡁࡉࡋ ࡌࡉࡕࡒࡀࡉࡌࡉࡀ ࡌࡉࡕࡒࡀࡉࡌࡉࡀ ࡁࡄࡉࡓࡉࡀ ࡆࡉࡃࡒࡀ ࡅࡎࡀࡋࡒࡉࡀ ࡄࡀࡆࡉࡋࡇ ࡋࡀࡕࡀࡓ ࡍࡄࡅࡓ ࡌࡉࡔࡕࡀࡉࡉࡍ ࡄࡉࡉࡀ ࡆࡀࡊࡉࡍ ࡅࡆࡀࡊࡉࡀ ࡂࡀࡁࡓࡀ ࡖ ࡀࡎࡂࡉࡀ ࡋࡊࡀ ࡎࡀ

146. ࡀࡍࡀ ࡁࡆࡉࡅࡀࡉ ࡃࡀࡊࡉࡀ ࡍࡈࡉࡓࡍࡀ ࡗ ࡊࡀࡁࡉࡓࡉࡀ ࡁࡕࡅࡔࡁࡉࡄࡕࡀࡉࡄࡅࡍ ࡋࡁࡅࡔࡀࡉ ࡃࡍࡀ ࡁࡂࡅ ࡁࡀࡉࡕࡀ ࡅࡁࡅࡕࡀࡉ ࡅࡕࡅࡔࡁࡉࡄࡕࡀࡉ ࡋࡀࡕࡓࡇ ࡎࡀࡋࡒࡀ ࡎࡀ

147. ࡀࡍࡉࡀ ࡀࡍࡀ ࡋࡏࡌࡀࡕ ࡏࡆࡉࡋ ࡋࡉࡁࡀࡉ ࡖ ࡊࡀࡉࡅࡁ ࡍࡉࡕࡀࡐࡀ ࡍࡉࡕࡀࡐࡀ ࡋࡉࡁࡀࡉ ࡖ ࡊࡀࡉࡅࡁ ࡅࡕࡉࡐࡔࡀࡒ ࡍࡉࡔࡌࡀࡕ ࡖ ࡌࡍࡀࡊࡓࡉࡀ ࡁࡀࡕࡓࡀ ࡖ ࡍࡐࡉࡔ ࡍࡉࡔࡕࡀࡉࡋࡅࡍ ࡑࡀࡅࡕࡀࡉࡄࡅࡍ ࡖ ࡄࡉࡉࡀ ࡔࡀࡓࡉࡀ ࡏࡋࡀࡉ ࡅࡕࡉࡔࡓࡉࡀ ࡋࡕࡀࡓࡌࡉࡃࡀࡉ ࡖ ࡓࡀࡃࡐࡉࡍࡅࡍ ࡔࡅࡁࡀ ࡁࡄࡀࡆࡉࡍ ࡀࡋࡌࡀ ࡌࡉࡓࡃࡀࡐ ࡓࡀࡃࡐࡉࡀ ࡔࡅࡁࡀ ࡀࡋࡌࡉࡀ ࡖ ࡓࡀࡃࡐࡉࡀ ࡅࡋࡀࡊࡀࡔࡓࡉࡀ ࡔࡅࡁࡀ ࡄࡉࡍࡅࡍ ࡅࡌࡀࡋࡊࡀࡉࡅࡍ ࡋࡉࡀࡒࡃࡀࡍࡉࡀ ࡖ ࡍࡅࡓࡀ ࡀࡆࡋࡉࡀ ࡈࡀࡁࡉࡀ ࡅࡁࡄࡉࡓࡉࡀ ࡅࡊࡉࡍࡉࡀ ࡅࡔࡀࡋࡌࡀࡍࡉࡀ ࡎࡀࡋࡒࡉࡀ ࡄࡀࡆࡉࡋࡇ ࡋࡀࡕࡀࡓ ࡍࡄࡅࡓ ࡌࡉࡔࡕࡀࡉࡉࡍ ࡄࡉࡉࡀ ࡆࡀࡊࡉࡍ ࡅࡆࡀࡊࡉࡀ ࡂࡀࡁࡓࡀ ࡖ ࡀࡎࡂࡉࡀ ࡋࡊࡀ ࡎࡀ

148. ࡀࡍࡉࡀ ࡀࡍࡀ ࡅࡌࡀࡃࡍࡉࡍࡀ ࡁࡄࡉࡓ ࡆࡉࡃࡒࡀ ࡑࡅࡕ ࡅࡔࡅࡌࡀ ࡋࡒࡀࡋࡀࡉ ࡀࡍࡀࡕ ࡀࡍࡉࡀ ࡅࡁࡍࡀࡊ ࡅࡔࡉࡕࡋࡀࡊ ࡅࡕࡀࡓࡌࡉࡃࡀࡊ ࡕࡉࡎࡀࡒ ࡕࡉࡄࡉࡆࡉࡇ ࡋࡀࡕࡀࡓ ࡍࡄࡅࡓ ࡎࡀ ࡄࡀࡋࡉࡍ ࡕࡋࡀࡕࡀ ࡏࡍࡉࡀࡍࡉࡀ ࡅࡕࡋࡀࡕࡀ ࡃࡓࡀࡔࡉࡀ ࡉࡅࡌࡀ ࡖ ࡄࡀࡌࡔࡀ ࡄࡀࡁࡔࡀࡁࡀ ࡄࡉࡍࡅࡍ ࡎࡀ

149. ࡁࡔࡅࡌࡀࡉࡄࡅࡍ ࡖ ࡄࡉࡉࡀ ࡓࡁࡉࡀ ࡌࡓࡀࡅࡓࡀࡁ ࡍࡄࡅࡓࡀ ࡔࡀࡍࡉࡀ ࡋࡁࡀࡁࡀ ࡖ ࡁࡉࡕ ࡀࡌࡀ ࡏࡌࡀ ࡁࡌࡉࡓࡉࡀࡉ ࡕࡉࡁࡂࡀ ࡏࡌࡀ ࡕࡉࡁࡂࡀ ࡁࡌࡉࡓࡉࡀࡉ ࡅࡔࡀࡉࡅࡋࡉࡀ ࡕࡉࡔࡀࡉࡋࡀ ࡌࡍࡀ ࡏࡕࡉࡕ ࡁࡓࡀࡕ ࡌࡉࡓࡉࡀࡉ ࡖ ࡀࡍࡐࡉࡊ ࡅࡀࡓࡃࡀ ࡂࡀࡈࡐࡉࡀ ࡀࡍࡐࡉࡊ ࡂࡀࡈࡐࡉࡀ ࡅࡀࡓࡃࡀ ࡅࡀࡉࡍࡉࡊ ࡌࡋࡏࡉࡀ ࡌࡍ ࡔࡉࡍࡕࡅࡍ ࡀࡉࡍࡉࡊ ࡌࡍ ࡔࡉࡍࡕࡅࡍ ࡌࡋࡏࡉࡀ ࡅࡋࡁࡉࡕ ࡂࡁࡉࡍࡉࡊ ࡔࡀࡄࡀࡓࡕࡀ ࡅࡀࡌࡓࡀࡋࡀ ࡄࡀ ࡕࡓࡉࡍ ࡕࡋࡀࡕࡀ ࡉࡅࡌࡉࡀ ࡀࡄࡀࡉ ࡋࡁࡉࡕ ࡀࡁ ࡔࡓࡅࡍ ࡀࡄࡀࡉ ࡔࡓࡅࡍ ࡋࡁࡉࡕ ࡀࡁ ࡅࡃࡀࡓࡔࡉࡍ ࡃࡓࡀࡔࡉࡀ ࡔࡀࡍࡉࡉࡀ ࡋࡒࡀࡋࡀࡉࡅࡍ ࡅࡒࡀࡋ ࡃࡓࡀࡔࡀࡉࡅࡍ ࡖ ࡏࡅࡕࡓࡉࡀ ࡀࡄࡀࡉ ࡔࡉࡍࡕࡀ ࡋࡀࡉࡍࡀࡉ ࡋࡀࡕࡉࡀ ࡔࡉࡍࡕࡀ ࡋࡀࡕࡉࡀ ࡋࡀࡉࡍࡀࡉ ࡅࡋࡀࡔࡀࡄࡀࡓࡕࡀ ࡋࡁࡉࡕ ࡂࡁࡉࡍࡀࡉ ࡋࡀࡔࡉࡌࡉࡕ ࡁࡓࡀࡕ ࡌࡉࡓࡉࡀࡉ ࡖ ࡉࡀࡄࡅࡈࡀࡉࡉࡀ ࡌࡀࡄࡅ ࡀࡌࡓࡉࡀ ࡏࡋࡉࡊ ࡀࡌࡓࡉࡀ ࡉࡀࡄࡅࡈࡀࡉࡉࡀ ࡖ ࡁࡓࡀࡕࡉࡊ ࡂࡀࡁࡓࡀ ࡓࡉࡄࡌࡀࡕ ࡎࡍࡀࡕࡀ ࡋࡉࡀࡄࡉࡃࡅࡕࡀ ࡅࡍࡀࡑࡉࡓࡅࡕࡀ ࡓࡉࡄࡌࡀࡕ ࡎࡍࡀࡕࡇ ࡋࡁࡀࡁࡀ ࡖ ࡁࡉࡕ ࡀࡌࡀ ࡅࡓࡉࡄࡌࡀࡕ ࡁࡀࡁࡀ ࡖ ࡌࡀࡔࡊࡍࡀ ࡎࡍࡀࡕࡀ ࡋࡈࡅࡈࡉࡐࡕࡀ ࡅࡓࡉࡄࡌࡀࡕ ࡊࡋࡉࡋࡉࡀ ࡓࡀࡅࡆࡉࡀ ࡁࡔࡀࡐࡕࡀ ࡀࡁࡃࡀ ࡏࡁࡉࡃࡀࡕࡀ ࡅࡁࡄࡀࡁࡔࡀࡁࡀ ࡍࡀࡈࡓࡀ ࡏࡃࡀ ࡌࡉࡓࡉࡀࡉ ࡎࡋࡉࡕࡇ ࡋࡍࡉࡌࡅࡎࡀ ࡖ ࡀࡎࡀࡓ ࡔࡅࡁࡀ ࡁࡏࡅࡓࡀࡔࡋࡀࡌ ࡋࡀࡕࡓࡀ ࡗ ࡒࡀࡉࡌࡀ ࡌࡉࡓࡉࡀࡉ ࡀࡒࡀࡐࡓࡀ ࡁࡋࡉࡂࡓࡀ ࡃࡀࡓࡀ ࡅࡀࡌࡓࡀ ࡀࡒࡀࡐࡓࡀ ࡋࡐࡅࡌࡀࡉࡄࡅࡍ ࡖ ࡉࡀࡄࡅࡈࡀࡉࡉࡀ ࡅࡂࡉࡈࡌࡀ ࡋࡐࡅࡌࡀࡉࡄࡅࡍ ࡖ ࡊࡅࡋࡄࡅࡍ ࡊࡀࡄࡍࡉࡀ ࡅࡎࡀࡓࡒࡉࡍࡀ ࡖ ࡀࡕࡅࡕࡉࡀ ࡋࡉࡂࡓࡀࡉࡄࡅࡍ ࡖ ࡓࡀࡊࡔࡉࡀ ࡋࡒࡀࡔࡉࡔࡉࡀ ࡖ ࡏࡕࡁࡇ ࡁࡏࡅࡓࡀࡔࡋࡀࡌ ࡀࡍࡀ ࡖ ࡓࡄࡀࡌࡕࡇ ࡋࡀࡎࡍࡀࡉࡕࡇ ࡅࡃࡏࡎࡉࡍࡉࡉࡇ ࡋࡀࡏࡓࡉࡄࡌࡇ ࡋࡁࡀࡓ ࡓࡄࡀࡌࡕࡇ ࡋࡌࡀࡓࡀࡉ ࡌࡀࡍࡃࡀ ࡖ ࡄࡉࡉࡀ ࡖ ࡍࡉࡒࡅࡌ ࡍࡉࡄࡅࡉࡋࡉࡀ ࡁࡀࡄࡉࡃ ࡏࡃࡀ ࡀࡄࡉࡃ ࡏࡃࡀ ࡅࡎࡉࡌࡀࡊࡀ ࡌࡍ ࡀࡕࡓࡀ ࡖ ࡄࡔࡅࡊࡀ ࡋࡀࡕࡀࡓ ࡍࡄࡅࡓ ࡆࡊࡉࡕ ࡌࡀࡍࡃࡀ ࡖ ࡄࡉࡉࡀ ࡅࡆࡀࡊࡉࡕ ࡊࡅࡋࡄࡅࡍ ࡓࡀࡄࡌࡉࡀ ࡔࡅࡌࡀࡊ ࡅࡄࡉࡉࡀ ࡆࡀࡊࡏࡉࡍ ࡎࡀ

150. ࡌࡍ ࡉࡅࡌࡀ ࡖ ࡐࡕࡀ ࡁࡀࡁࡀ ࡓࡁࡀ ࡖ ࡄࡉࡋࡁࡅࡍࡉࡀ ࡏࡕࡀࡅࡆࡀࡐ ࡆࡉࡅࡀ ࡖ ࡌࡀࡋࡊࡀ ࡋࡏࡅࡕࡓࡉࡀ ࡉࡀࡒࡓࡉࡀ ࡏࡅࡕࡓࡉࡀ ࡎࡂࡉࡃ ࡎࡉࡂࡅࡃࡕࡀ ࡄࡉࡉࡀ ࡓࡁࡉࡀ ࡒࡀࡁࡋࡅࡉࡀ ࡋࡁࡅࡕࡅࡍ ࡅࡕࡅࡔࡁࡉࡄࡕࡅࡍ ࡌࡍ ࡓࡉࡔ ࡁࡓࡉࡔ ࡎࡀ

151. ࡋࡏࡌࡀࡕ ࡍࡉࡕࡉࡀ ࡌࡀࡓࡀࡉ ࡌࡉࡍࡀࡊ ࡌࡓࡅࡌࡀ ࡆࡀࡊࡀࡉࡀ ࡓࡉࡔࡀࡉ ࡍࡉࡔࡒࡅࡋ ࡌࡍ ࡁࡅࡓࡊࡀࡉ ࡅࡊࡀࡐࡀࡓ ࡀࡉࡍࡀࡉ ࡌࡍ ࡃࡉࡌࡉࡄࡕࡀࡉ ࡊࡀࡍࡐࡀࡉ ࡖ ࡌࡋࡉࡀ ࡄࡉࡆࡃࡉࡀ ࡍࡐࡉࡑ ࡒࡅࡃࡀࡌࡇ ࡓࡌࡉࡕ ࡅࡒࡀࡌࡉࡕ ࡅࡏࡔࡕࡀࡉࡉࡋࡇ ࡌࡉࡍࡃࡀࡌ ࡖ ࡓࡉࡃࡐࡅࡍ ࡊࡅࡋࡄࡅࡍ ࡀࡋࡌࡉࡀ ࡍࡐࡉࡔ ࡀࡋࡌࡉࡀ ࡖ ࡓࡉࡃࡐࡅࡍ ࡅࡀࡄࡀࡉ ࡁࡍࡉࡀ ࡊࡅࡔࡈࡀ ࡋࡀࡄࡀࡎࡓࡉࡋࡉࡀ ࡀࡋࡌࡉࡀ ࡁࡁࡍࡉࡀ ࡓࡉࡂࡌࡅࡍ ࡅࡀࡄࡀࡉ ࡁࡌࡉࡍࡉࡋࡉࡀ ࡔࡀࡓࡂࡆࡅࡍ ࡏࡋࡇ ࡖ ࡀࡕࡉࡀ ࡌࡀࡓࡀࡉ ࡌࡉࡍࡀࡊ ࡌࡓࡅࡌࡀ ࡆࡀࡊࡀࡉࡀ ࡓࡉࡔࡀࡉ ࡍࡉࡔࡒࡅࡋ ࡌࡍ ࡁࡅࡓࡊࡀࡉ ࡅࡊࡀࡐࡀࡓ ࡀࡉࡍࡀࡉ ࡌࡍ ࡃࡉࡌࡉࡄࡕࡀࡉ ࡊࡀࡍࡐࡀࡉ ࡖ ࡌࡋࡉࡀ ࡄࡉࡆࡃࡉࡀ ࡍࡐࡉࡑ ࡒࡅࡃࡀࡌࡇ ࡓࡌࡉࡕ ࡅࡒࡀࡌࡉࡕ ࡅࡏࡔࡕࡀࡉࡉࡋࡇ ࡌࡉࡍࡃࡀࡌ ࡖ ࡓࡉࡃࡐࡅࡍ ࡊࡅࡋࡄࡅࡍ ࡀࡋࡌࡉࡀ ࡍࡐࡉࡔ ࡀࡋࡌࡉࡀ ࡖ ࡓࡉࡃࡐࡅࡍ ࡅࡀࡄࡀࡉ ࡁࡍࡉࡀ ࡊࡅࡔࡈࡀ ࡋࡀࡄࡀࡎࡓࡉࡋࡉࡀ ࡀࡋࡌࡉࡀ ࡁࡁࡍࡉࡀ ࡓࡉࡂࡌࡅࡍ ࡅࡀࡄࡀࡉ ࡁࡌࡉࡍࡉࡋࡉࡀ ࡔࡀࡓࡂࡆࡅࡍ ࡀࡌࡀࡓࡋࡇ ࡏࡃࡉࡋࡌࡀ ࡁࡀࡊࡉࡕ ࡁࡓࡀࡕ ࡊࡅࡔࡈࡀ ࡅࡃࡉࡌࡉࡊ ࡁࡏࡌࡁࡉࡊ ࡍࡀࡕࡓࡀࡍ ࡌࡉࡃࡀ ࡉࡀࡃࡉࡕ ࡏࡅࡄࡓࡉࡊ ࡌࡉࡕࡓࡉࡑ ࡕࡓࡉࡑࡉࡀ ࡊࡅࡃࡊࡉࡊ ࡁࡉࡍࡉࡀ ࡔࡓࡀࡂࡉࡀ ࡖ ࡍࡄࡅࡓࡀ ࡍࡉࡃࡀࡋࡅࡍ ࡔࡓࡀࡂࡉࡊ ࡅࡍࡉࡍࡉࡄࡓࡅࡍ ࡁࡆࡉࡁࡍࡉࡊ ࡅࡏࡃࡀࡍࡉࡊ ࡎࡀࡒ ࡄࡅࡆࡉࡇ ࡋࡀࡕࡀࡓ ࡍࡄࡅࡓ ࡌࡀࡔࡕࡀࡉࡉࡍ ࡄࡉࡉࡀ ࡆࡀࡊࡉࡍ ࡅࡆࡀࡊࡉࡀ ࡂࡀࡁࡓࡀ ࡖ ࡀࡎࡂࡉࡀ ࡋࡊࡀ ࡎࡀ

152. ࡏࡕࡓࡉࡑࡕࡅࡍ ࡅࡏࡕࡒࡀࡉࡀࡌࡕࡅࡍ ࡁࡌࡉࡍࡉࡋࡀࡕ ࡔࡓࡀࡓࡀ ࡖ ࡀࡕࡀࡋࡊࡅࡍ ࡌࡉࡍࡉࡋࡀࡕ ࡔࡓࡀࡓࡀ ࡀࡕࡀ ࡋࡈࡀࡁࡉࡀ ࡌࡉࡍࡉࡋࡕࡀ ࡊࡔࡉࡈࡀ ࡋࡌࡄࡀࡉࡌࡍࡉࡀ ࡋࡀࡕࡓࡀ ࡖ ࡊࡅࡋࡇ ࡄࡉࡉࡀ ࡒࡓࡏࡉࡀ ࡅࡌࡆࡀࡌࡍࡀ ࡍࡉࡔࡌࡀࡕࡊࡅࡍ ࡍࡉࡔࡌࡀࡕࡀ ࡖ ࡀࡄࡀࡍ ࡈࡀࡁࡉࡀ ࡅࡄࡀࡋࡉࡍ ࡀࡄࡅࡀࡕࡀࡍ ࡖ ࡌࡄࡀࡉࡌࡍࡉࡀ ࡎࡀ

153. ࡁࡉࡃࡒࡀ ࡖ ࡁࡃࡀࡒ ࡁࡕࡉࡁࡉࡋ ࡓࡉࡌࡀ ࡁࡑࡉࡄࡉࡅࡍ ࡓࡀࡁࡕࡉࡀ ࡄࡅࡀ ࡂࡀࡁࡓࡀ ࡖ ࡁࡉࡃࡒࡇ ࡋࡁࡉࡃࡒࡀ ࡋࡀࡌࡑࡉࡀ ࡁࡄࡀࡉࡋࡇ ࡖ ࡍࡉࡎࡉࡊࡓࡇ ࡄࡅࡓࡉࡍࡀ ࡖ ࡄࡅࡀ ࡌࡉࡍࡇ ࡀࡆࡀࡋ ࡖ ࡎࡉࡋࡉࡕࡀ ࡄࡅࡀ ࡔࡀࡃࡉࡋࡇ ࡋࡎࡉࡋࡉࡕࡀ ࡋࡓࡅࡓࡁࡉࡀ ࡅࡋࡃࡉࡓࡃࡒࡉࡀ ࡍࡅࡍࡉࡀ ࡖ ࡌࡑࡅࡍ ࡄࡀࡉࡋࡀࡉࡄࡅࡍ ࡐࡉࡓࡃࡅ ࡋࡎࡉࡋࡉࡕࡀ ࡅࡍࡐࡀࡒ ࡍࡅࡍࡉࡀ ࡖ ࡋࡀࡌࡑࡅࡍ ࡄࡀࡉࡋࡀࡉࡄࡅࡍ ࡀࡕࡅࡕࡉࡀ ࡃࡀࡁࡀࡓࡀ ࡔࡊࡉࡁ ࡉࡅࡌࡀ ࡖ ࡍࡉࡎࡕࡊࡀࡓ ࡁࡉࡃࡒࡀ ࡉࡅࡌࡀ ࡖ ࡍࡉࡔࡕࡐࡅࡍ ࡍࡀࡅࡓࡉࡀ ࡉࡅࡌࡀ ࡖ ࡍࡉࡎࡕࡊࡀࡓ ࡁࡉࡃࡒࡀ ࡀࡍࡀࡕࡅࡍ ࡍࡅࡍࡉࡀ ࡋࡉࡀ ࡕࡉࡆࡋࡅࡍ ࡉࡀ ࡖ ࡀࡊࡋࡉࡀ ࡔࡅࡈࡀ ࡅࡔࡅࡋࡈࡀࡍࡀ ࡋࡉࡅࡌ ࡃࡉࡍࡀ ࡌࡀࡄࡅ ࡕࡉࡁࡃࡅࡍ ࡉࡀ ࡖ ࡋࡀࡁࡔࡉࡀ ࡅࡀࡓࡃࡀ ࡅࡔࡀࡓࡀࡉࡀ ࡋࡂࡀࡁࡓࡀ ࡖ ࡌࡅࡆࡀࡍࡉࡀ ࡌࡀࡄࡅ ࡕࡉࡌࡓࡅࡍ ࡌࡉࡒࡓࡉࡀ ࡒࡓࡏࡉࡀ ࡒࡀࡋࡉࡀ ࡅࡌࡉࡄࡔࡉࡁ ࡄࡔࡉࡁࡉࡀ ࡌࡀࡌࡋࡀࡋࡉࡀ ࡊࡅࡋࡄࡅࡍ ࡀࡕࡉࡀ ࡄࡃࡀ ࡒࡀࡋࡀ ࡅࡌࡀࡐࡓࡉࡔ ࡋࡒࡋࡉࡀ ࡊࡅࡋࡄࡅࡍ ࡀࡕࡉࡀ ࡄࡃࡀ ࡌࡀࡌࡋࡀ ࡅࡌࡀࡐࡓࡉࡔ ࡋࡌࡀࡌࡋࡀࡋࡉࡀ ࡊࡅࡋࡄࡅࡍ ࡀࡕࡉࡀ ࡄࡃࡀ ࡂࡀࡁࡓࡀ ࡅࡌࡀࡐࡓࡉࡔ ࡋࡄࡀࡃ ࡄࡀࡃ ࡀࡍࡉࡍ ࡖ ࡌࡔࡀࡁࡉࡍࡉࡍ ࡌࡀࡓࡀࡍ ࡄࡀࡈࡀࡉࡀࡍ ࡅࡄࡀࡅࡁࡀࡍ ࡕࡉࡔࡁࡅࡒࡋࡀࡍ ࡕࡉࡔࡁࡅࡒࡋࡀࡍ ࡄࡀࡈࡀࡉࡀࡍ ࡅࡄࡀࡅࡁࡀࡍ ࡖ ࡀࡎࡊࡉࡋࡍࡉࡍ ࡁࡂࡀࡅࡇ ࡖ ࡀࡋࡌࡀ ࡌࡍ ࡄࡀࡉࡋࡀࡉࡄࡅࡍ ࡖ ࡆࡀࡃࡉࡒࡉࡀ ࡅࡌࡍ ࡊࡅࡔࡈࡀࡉࡄࡅࡍ ࡖ ࡌࡄࡀࡉࡌࡍࡉࡀ ࡌࡉࡔࡕࡀࡉࡉࡍ ࡄࡉࡉࡀ ࡆࡀࡊࡉࡍ ࡅࡆࡀࡊࡉࡀ ࡂࡀࡁࡓࡀ ࡖ ࡀࡎࡂࡉࡀ ࡋࡊࡀ ࡎࡀ

154. ࡌࡀࡋࡀࡋࡉࡕ ࡅࡃࡉࡓࡔࡉࡕ ࡁࡒࡀࡋࡀࡉ ࡉࡀ ࡌࡀࡓࡉࡀ ࡓࡀࡄࡌࡉࡀ ࡉࡀ ࡌࡀࡓࡉࡀ ࡁࡅࡕࡀ ࡅࡕࡅࡔࡁࡉࡄࡕࡀ ࡑࡅࡕ ࡅࡔࡅࡌࡇ ࡋࡒࡀࡋࡀࡉ ࡅࡀࡍࡀࡕࡅࡍ ࡄࡉࡉࡀ ࡓࡁࡉࡀ ࡄࡅࡋࡉࡀ ࡀࡃࡉࡀࡅࡓࡀ ࡎࡀ ࡄࡀࡋࡉࡍ ࡕࡋࡀࡕࡀ ࡏࡍࡉࡀࡍࡉࡀ ࡅࡕࡋࡀࡕࡀ ࡃࡓࡀࡔࡉࡀ ࡉࡅࡌࡀ ࡖ ࡓࡄࡀࡈࡉࡀ ࡄࡉࡍࡅࡍ ࡎࡀ

155. ࡁࡔࡅࡌࡀࡉࡄࡅࡍ ࡖ ࡄࡉࡉࡀ ࡓࡁࡉࡀ ࡌࡓࡀࡅࡓࡀࡁ ࡍࡄࡅࡓࡀ ࡔࡀࡍࡉࡀ ࡀࡔࡀࡓ ࡒࡅࡌࡋࡉࡀ ࡉࡀࡃࡀࡉ ࡀࡔࡀࡓ ࡒࡅࡌࡋࡉࡀ ࡓࡀࡄࡌࡀࡉ ࡀࡔࡀࡓ ࡒࡅࡌࡋࡉࡀ ࡉࡀࡃࡀࡉ ࡗ ࡏࡑࡈࡅࡍ ࡂࡋࡀࡋࡀ ࡁࡕࡀࡁࡀࡁࡉࡀ ࡆࡉࡒ ࡍࡉࡆࡀࡋ ࡅࡆࡉࡒ ࡍࡉࡕࡉࡀ ࡓࡀࡄࡌࡀࡉ ࡋࡀࡕࡉࡔࡀࡍࡅࡍ ࡖ ࡐࡅࡌ ࡖ ࡂࡅࡁࡓࡉࡀ ࡖ ࡌࡀࡔࡓࡉࡀ ࡄࡉࡉࡀ ࡌࡉࡎࡀࡐ ࡎࡀࡉࡐࡉࡀ ࡖ ࡀࡐࡊࡉࡀ ࡄࡀࡋࡉࡍ ࡖ ࡀࡐࡊࡉࡀ ࡌࡀࡉࡕࡉࡀ ࡅࡃࡌࡀࡔࡀࡓࡉࡀ ࡔࡓࡀࡓࡀ ࡌࡀࡔࡊࡉࡀ ࡀࡄࡀࡉ ࡁࡊࡅࡔࡈࡀ ࡌࡀࡋࡉࡋ ࡅࡋࡀࡁࡎࡐࡉࡀ ࡖ ࡔࡉࡒࡓࡀ ࡕࡉࡔࡉࡒࡓࡅࡍ ࡋࡀࡕࡉࡃࡀࡌࡅࡍ ࡋࡅࡀࡕ ࡓࡅࡌࡀࡍࡀ ࡖ ࡌࡍ ࡋࡁࡀࡓ ࡀࡍࡐࡇ ࡓࡀࡅࡆࡉࡀ ࡌࡍ ࡋࡁࡀࡓ ࡓࡀࡅࡆࡉࡀ ࡀࡍࡐࡇ ࡅࡌࡍ ࡂࡀࡅࡇ ࡒࡅࡌࡀࡍࡀ ࡌࡋࡉࡀ ࡏࡃࡀࡌࡅࡍ ࡋࡉࡀࡄࡁࡉࡀ ࡄࡀࡌࡓࡀ ࡖ ࡌࡋࡉࡀ ࡄࡀࡌࡓࡀ ࡀࡆࡉࡌࡉࡅࡆ ࡌࡍ ࡋࡁࡀࡓ ࡄࡀࡎࡐࡀ ࡅࡒࡉࡓࡀ ࡅࡌࡍ ࡂࡀࡅࡇ ࡄࡀࡌࡓࡀ ࡀࡆࡉࡌࡉࡅࡆ ࡊࡀࡋࡅࡆࡀ ࡖ ࡄࡉࡉࡀ ࡒࡀࡓࡉࡀ ࡅࡏࡅࡃࡍࡇ ࡖ ࡁࡄࡉࡓࡉࡀ ࡔࡀࡌࡀ ࡌࡉࡔࡕࡀࡉࡉࡍ ࡄࡉࡉࡀ ࡆࡀࡊࡉࡍ ࡅࡆࡀࡊࡉࡀ ࡂࡀࡁࡓࡀ ࡖ ࡀࡎࡂࡉࡀ ࡋࡊࡀ ࡎࡀ

156. ࡋࡊࡉࡐࡇ ࡖ ࡉࡀࡓࡃࡍࡀ ࡓࡁࡀ ࡖ ࡄࡉࡉࡀ ࡒࡀࡃࡌࡀࡉࡉࡀ ࡕࡓࡉࡑ ࡅࡒࡀࡉࡉࡌ ࡂࡅࡐࡍࡀ ࡔࡀࡍࡉࡀ ࡊࡅࡋ ࡉࡅࡌ ࡅࡊࡅࡋ ࡉࡅࡌࡀ ࡁࡅࡕࡀࡉ ࡅࡕࡅࡔࡁࡉࡄࡕࡀࡉ ࡋࡒࡅࡃࡀࡌࡇ ࡎࡀࡋࡒࡀ ࡎࡀ

157. ࡋࡈࡅࡓࡉࡀ ࡀࡌࡀࡓࡍࡀࡋࡅࡍ ࡄࡀࡉࡆࡉࡍ ࡓࡉࡄࡀࡉࡊࡅࡍ ࡁࡀࡎࡉࡌ ࡄࡀࡉࡆࡉࡍ ࡁࡀࡎࡉࡌ ࡓࡉࡄࡀࡉࡊࡅࡍ ࡅࡁࡂࡀࡅࡀࡉࡊࡅࡍ ࡊࡅࡋࡇ ࡆࡉࡅࡀ ࡌࡋࡉࡀ ࡀࡌࡓࡉࡀ ࡂࡀࡁࡓࡀ ࡖ ࡀࡃࡀ ࡁࡉࡍࡀࡉࡀࡍ ࡊࡔࡀࡔࡀ ࡅࡌࡔࡀࡔࡀ ࡋࡉࡕࡁࡇ ࡋࡉࡕࡁࡇ ࡊࡔࡀࡔࡀ ࡅࡌࡔࡀࡔࡀ ࡋࡉࡕࡁࡇ ࡑࡅࡓࡉࡊ ࡃࡌࡅ ࡂࡀࡁࡓࡀ ࡖ ࡀࡃࡀ ࡁࡉࡍࡀࡉࡀࡍ ࡌࡍ ࡍࡉࡑࡅࡁࡕࡇ ࡁࡉࡍࡀࡉࡀࡍ ࡔࡁࡀࡒ ࡁࡔࡅࡋࡉࡀ ࡅࡌࡉࡍࡉࡋࡀࡕࡀ ࡋࡀࡂࡈࡉࡋࡀ ࡁࡉࡔࡉࡀ ࡋࡍࡉࡑࡅࡁࡕࡀࡉࡄࡅࡍ ࡋࡀࡁࡔࡅࡋࡉࡀ ࡅࡌࡉࡍࡉࡋࡀࡕࡀ ࡍࡉࡑࡅࡁࡕࡀ ࡖ ࡄࡉࡉࡀ ࡌࡉࡕࡋࡀࡂࡈࡀ ࡄࡉࡍࡉࡋࡀ ࡁࡊࡅࡔࡈࡀ ࡅࡄࡀࡉࡌࡀࡍࡅࡕࡀ ࡖ ࡋࡀࡂࡉࡈࡋࡀ ࡁࡄࡉࡓࡉࡀ ࡋࡍࡉࡑࡅࡁࡕࡀࡉࡄࡅࡍ ࡊࡅࡋ ࡌࡀࡍ ࡖ ࡋࡀࡂࡉࡈࡋࡀ ࡋࡍࡉࡑࡅࡁࡕࡇ ࡅࡀࡔࡀࡓ ࡏࡋࡇ ࡅࡀࡎࡉࡒ ࡁࡄࡉࡉࡀ ࡀࡎࡌࡊࡅࡉࡀ ࡖ ࡋࡀࡋࡀࡂࡉࡈࡋࡀ ࡋࡍࡉࡑࡅࡁࡕࡇ ࡅࡋࡀࡀࡔࡀࡓ ࡏࡋࡇ ࡌࡍ ࡕࡀࡌ ࡔࡓࡉࡍ ࡕࡉࡂࡓࡀ ࡌࡍ ࡕࡀࡌ ࡕࡉࡂࡓࡀ ࡔࡓࡉࡍ ࡄࡀࡅࡉࡀ ࡌࡍࡀࡕࡇ ࡖ ࡀࡋࡌࡀ ࡅࡄࡉࡉࡀ ࡆࡀࡊࡉࡍ ࡎࡀ

158. ࡉࡀ ࡍࡉࡁࡈࡀ ࡖ ࡍࡁࡀࡈ ࡌࡍ ࡂࡅ ࡕࡀࡍࡀ ࡅࡉࡀ ࡁࡅࡕࡀ ࡅࡕࡅࡔࡁࡉࡄࡕࡀ ࡖ ࡀࡕࡀࡕࡀࡋࡀࡍ ࡌࡍ ࡀࡕࡀࡓ ࡍࡄࡅࡓ ࡎࡀ

159. ࡁࡔࡅࡌࡀࡉࡄࡅࡍ ࡖ ࡄࡉࡉࡀ ࡓࡁࡉࡀ ࡌࡓࡀࡅࡓࡀࡁ ࡍࡄࡅࡓࡀ ࡔࡀࡍࡉࡀ ࡌࡉࡐࡀࡒ ࡔࡀࡐࡕࡀ ࡁࡓ ࡌࡀࡔ ࡌࡏࡉࡉࡋ ࡄࡀࡁࡔࡀࡁࡀ ࡋࡈࡀࡁ ࡌࡉࡐࡀࡒ ࡔࡀࡐࡕࡀ ࡁࡓ ࡌࡀࡔ ࡀࡎࡂࡉࡀ ࡈࡀࡁࡀ ࡀࡕࡀࡋࡇ ࡋࡏࡕࡉࡀ ࡍࡉࡎࡁࡇ ࡋࡊࡅࡓࡎࡉࡀ ࡓࡀࡌࡀ ࡅࡕࡉࡓࡑࡇ ࡅࡓࡉࡌࡉࡉࡇ ࡁࡂࡀࡅࡇ ࡖ ࡏࡕࡉࡀ ࡍࡉࡎࡁࡇ ࡋࡐࡀࡍࡃࡅࡓ ࡊࡅࡔࡈࡀ ࡖ ࡌࡋࡉࡀ ࡐࡉࡎࡍࡉࡀ ࡅࡕࡅࡔࡁࡉࡄࡕࡀ ࡁࡄࡃࡀ ࡆࡉࡁࡍࡀ ࡃࡓࡀࡔࡉࡁࡇ ࡈࡀࡁࡀ ࡕࡉࡓࡀ ࡌࡓࡅࡌࡀ ࡐࡕࡀ ࡕࡍࡀ ࡃࡓࡀࡔࡉࡁࡇ ࡈࡀࡁࡀ ࡊࡅࡋࡄࡅࡍ ࡁࡉࡔࡉࡀ ࡈࡀࡁࡉࡀ ࡄࡅࡍ ࡕࡋࡀࡕ ࡃࡓࡀࡔࡉࡁࡇ ࡈࡀࡁࡀ ࡊࡅࡋࡄࡅࡍ ࡏࡕࡓࡀࡍࡃࡀࡃ ࡅࡒࡀࡌ ࡅࡀࡌࡀࡓࡋࡅࡍ ࡒࡅࡌ ࡀࡕࡅࡍ ࡔࡀࡊࡁࡉࡀ ࡖ ࡔࡊࡉࡁࡉࡀ ࡒࡅࡌ ࡊࡔࡉࡋࡉࡀ ࡖ ࡏࡕࡀࡊࡔࡀࡋ ࡌࡅ ࡌࡀࡓࡉࡅࡕࡀࡉ ࡏࡋࡀࡅࡀࡉࡊࡅࡍ ࡒࡀࡔࡉࡀ ࡅࡌࡅ ࡔࡀࡅࡈࡀࡉ ࡓࡀࡌࡀ ࡓࡀࡆࡉࡌ ࡏࡋࡀࡅࡀࡉࡊࡅࡍ ࡀࡌࡓࡉࡋࡇ ࡁࡄࡀࡉࡀࡊ ࡀࡁࡅࡍ ࡁࡓ ࡄࡉࡉࡀ ࡋࡆࡉࡅࡀ ࡅࡍࡄࡅࡓࡀ ࡖ ࡌࡉࡍࡇ ࡀࡕࡉࡕ ࡋࡀࡅࡌࡀࡓࡉࡅࡕࡀࡊ ࡏࡋࡀࡅࡀࡉࡀࡍ ࡒࡀࡔࡉࡀ ࡅࡋࡀࡔࡀࡅࡈࡀࡊ ࡓࡀࡌࡀ ࡓࡀࡆࡉࡌ ࡏࡋࡀࡍ ࡄࡉࡍࡉࡋࡀ ࡁࡉࡔࡀ ࡄࡅ ࡁࡓ ࡁࡉࡔࡀ ࡖ ࡀࡋࡁࡇ ࡋࡐࡀࡂࡓࡀ ࡅࡀࡊࡔࡋࡇ ࡁࡄࡃࡀ ࡆࡉࡁࡍࡀ ࡒࡓࡉࡕࡉࡋࡇ ࡋࡁࡉࡔࡀ ࡖ ࡎࡉࡈࡀࡓ ࡌࡍ ࡉࡀࡃࡀࡉ ࡄࡅࡉࡀ ࡀࡕࡍࡉࡕ ࡀࡌࡓࡉࡋࡇ ࡋࡁࡉࡔࡀ ࡖ ࡎࡉࡈࡀࡓ ࡄࡅࡉࡀ ࡌࡍ ࡓࡀࡄࡌࡀࡉ ࡕࡉࡋࡕࡉࡕ ࡅࡀࡌࡓࡉࡋࡇ ࡋࡁࡉࡔࡀ ࡅࡋࡀࡏࡔࡉࡁࡒࡇ ࡌࡉࡂࡈࡀࡋ ࡏࡂࡉࡈࡋࡇ ࡋࡁࡉࡔࡀ ࡅࡏࡓࡉࡌࡉࡉࡇ ࡁࡎࡀࡅࡐࡇ ࡖ ࡀࡋࡌࡀ ࡁࡎࡀࡅࡐࡇ ࡖ ࡀࡋࡌࡀ ࡏࡓࡉࡌࡉࡉࡇ ࡖ ࡒࡓࡉࡋࡇ ࡁࡏࡅࡃࡍࡇ ࡅࡋࡀࡔࡀࡌࡀ ࡖ ࡒࡓࡉࡋࡇ ࡅࡋࡀࡔࡀࡌࡀ ࡁࡏࡅࡃࡍࡇ ࡄࡀࡅࡉࡕࡇ ࡁࡀࡉࡍࡇ ࡅࡋࡀࡄࡆࡀ ࡄࡀࡅࡉࡕࡇ ࡅࡋࡀࡄࡆࡀ ࡁࡀࡉࡍࡇ ࡌࡉࡎࡀࡐ ࡎࡀࡉࡉࡐ ࡋࡉࡅࡌࡀ ࡓࡁࡀ ࡖ ࡎࡅࡐ ࡀࡍࡉࡍ ࡖ ࡌࡔࡀࡁࡉࡍࡉࡍ ࡌࡀࡓࡀࡍ ࡄࡀࡈࡀࡉࡀࡍ ࡅࡄࡀࡅࡁࡀࡍ ࡕࡉࡔࡁࡅࡒࡋࡀࡍ ࡌࡉࡔࡕࡀࡉࡉࡍ ࡄࡉࡉࡀ ࡆࡀࡊࡉࡍ ࡅࡆࡀࡊࡉࡀ ࡂࡀࡁࡓࡀ ࡖ ࡀࡎࡂࡉࡀ ࡋࡊࡀ ࡎࡀ

160. ࡏࡕࡉࡂࡋࡉࡀ ࡅࡀࡎࡂࡉࡀ ࡅࡀࡕࡀ ࡀࡍࡐࡉࡀ ࡉࡅࡌࡀ ࡖ ࡉࡀࡒࡉࡓ ࡔࡅࡌࡇ ࡏࡕࡂࡀࡋࡀࡋࡅࡍ ࡓࡀࡆࡉࡀ ࡊࡀࡎࡉࡉࡀ ࡋࡏࡅࡕࡓࡉࡀ ࡏࡕࡂࡀࡋࡀࡋࡀࡕ ࡏࡓࡅࡕࡀ ࡅࡕࡅࡔࡁࡉࡄࡕࡀ ࡖ ࡍࡀࡐࡔࡀ ࡅࡎࡀࡊࡀ ࡋࡉࡕࡋࡇ ࡏࡅࡕࡓࡉࡀ ࡖ ࡌࡉࡕࡉࡍࡑࡉࡁࡉࡁࡀ ࡄࡀࡃࡉࡍ ࡁࡆࡉࡅࡀ ࡔࡀࡍࡉࡀ ࡌࡍ ࡓࡉࡔ ࡁࡓࡉࡔ ࡎࡀ ࡄࡀࡋࡉࡍ ࡕࡋࡀࡕࡀ ࡏࡍࡉࡀࡍࡉࡀ ࡅࡕࡋࡀࡕࡀ ࡃࡓࡀࡔࡉࡀ ࡉࡅࡌࡀ ࡖ ࡔࡀࡐࡕࡀ ࡄࡉࡍࡅࡍ ࡎࡀ

161. ࡁࡔࡅࡌࡀࡉࡄࡅࡍ ࡖ ࡄࡉࡉࡀ ࡓࡁࡉࡀ ࡌࡓࡀࡅࡓࡀࡁ ࡍࡄࡅࡓࡀ ࡔࡀࡍࡉࡀ ࡌࡉࡐࡀࡒ ࡔࡀࡐࡕࡀ ࡁࡓ ࡌࡀࡔ ࡌࡏࡉࡉࡋ ࡄࡀࡁࡔࡀࡁࡀ ࡋࡈࡀࡁ ࡌࡉࡐࡀࡒ ࡔࡀࡐࡕࡀ ࡁࡓ ࡌࡀࡔ ࡄࡉࡉࡀ ࡌࡍ ࡁࡉࡍࡅࡍ ࡒࡓࡅࡍ ࡄࡉࡉࡀ ࡒࡓࡅࡍ ࡌࡍ ࡁࡉࡍࡅࡍ ࡅࡌࡍ ࡍࡉࡀࡄࡅࡍ ࡔࡓࡅࡍ ࡋࡏࡅࡑࡓࡀࡉ ࡐࡀࡒࡉࡃ ࡀࡋࡁࡔࡅࡍ ࡆࡉࡅࡀ ࡅࡀࡉࡕࡅࡍ ࡍࡄࡅࡓࡀ ࡖ ࡊࡀࡁࡉࡓ ࡊࡀࡎࡉࡅࡍ ࡆࡀࡓࡆࡅࡍ ࡁࡌࡆࡀࡓࡆࡅࡕࡅࡍ ࡅࡐࡀࡒࡉࡃ ࡋࡕࡉࡁࡉࡋ ࡔࡀࡃࡓࡅࡍ ࡋࡌࡉࡒࡓࡉࡀ ࡒࡀࡋࡀ ࡖ ࡄࡉࡉࡀ ࡅࡌࡉࡔࡓࡉࡀ ࡁࡁࡀࡉࡕࡀ ࡑࡀࡅࡕࡀ ࡅࡋࡌࡉࡔࡊࡀࡍ ࡔࡊࡉࡍࡀࡕࡀ ࡅࡌࡉࡁࡀࡍࡅࡍࡉࡀ ࡁࡂࡀࡅࡀࡉࡄࡅࡍ ࡌࡀࡔࡊࡍࡉࡀ ࡅࡌࡉࡕࡀࡓࡌࡅࡃࡉࡀ ࡕࡀࡓࡌࡉࡃࡉࡀ ࡖ ࡔࡉࡄࡀ ࡅࡔࡀࡅࡉࡀ ࡋࡀࡕࡀࡓ ࡍࡄࡅࡓ ࡋࡌࡉࡌࡀࡊ ࡏࡅࡄࡓࡀ ࡋࡈࡀࡁࡉࡀ ࡅࡌࡉࡕࡓࡀࡑ ࡔࡁࡉࡋࡀ ࡋࡌࡄࡀࡉࡌࡍࡉࡀ ࡅࡋࡌࡀࡔࡀࡐࡉࡀ ࡅࡌࡀࡎࡅࡒࡉࡀ ࡕࡅࡒࡍࡀ ࡋࡀࡕࡓࡇ ࡅࡌࡉࡔࡕࡁࡉࡒ ࡋࡃࡅࡊࡕࡇ ࡃࡅࡓࡃࡉࡀ ࡋࡌࡉࡐࡀࡓࡒࡀ ࡋࡊࡅࡋࡇ ࡊࡀࡍࡀ ࡖ ࡍࡉࡔࡌࡀࡕࡀ ࡖ ࡍࡀࡑࡅࡓࡀࡉࡉࡀ ࡅࡌࡀࡍࡃࡀࡉࡉࡀ ࡖ ࡋࡀࡍࡉࡔࡕࡀࡋࡈࡅࡍ ࡏࡋࡀࡅࡀࡉࡄࡅࡍ ࡄࡀࡈࡉࡀ ࡀࡍࡀ ࡁࡆࡉࡅࡀࡉ ࡖ ࡍࡐࡉࡔ ࡀࡎࡂࡉࡕ ࡀࡕࡉࡕ ࡋࡄࡀࡆࡉࡍ ࡀࡋࡌࡀ ࡒࡓࡉࡕ ࡁࡒࡀࡋࡀ ࡖ ࡄࡉࡉࡀ ࡅࡔࡓࡉࡕ ࡁࡁࡀࡉࡕࡀ ࡑࡀࡅࡕࡀ ࡔࡉࡊࡍࡉࡕ ࡔࡊࡉࡍࡀࡕࡀ ࡅࡁࡀࡍࡉࡍࡉࡕ ࡁࡂࡀࡅࡀࡉࡄࡅࡍ ࡌࡀࡔࡊࡍࡉࡀ ࡅࡕࡀࡓࡌࡉࡃࡉࡕ ࡕࡀࡓࡌࡉࡃࡉࡀ ࡖ ࡔࡉࡄࡀ ࡅࡔࡀࡅࡉࡀ ࡋࡀࡕࡀࡓ ࡍࡄࡅࡓ ࡌࡀࡊࡉࡕ ࡏࡅࡄࡓࡀ ࡋࡈࡀࡁࡉࡀ ࡅࡕࡉࡓࡑࡉࡕ ࡔࡁࡉࡋࡀ ࡋࡌࡄࡀࡉࡌࡍࡉࡀ ࡀࡔࡐࡉࡕ ࡅࡀࡎࡒࡉࡕ ࡕࡅࡒࡍࡀ ࡋࡀࡕࡓࡇ ࡅࡔࡉࡁࡒࡉࡕ ࡋࡃࡅࡊࡕࡇ ࡃࡅࡓࡃࡉࡀ ࡐࡀࡓࡉࡒࡕࡀ ࡋࡊࡅࡋࡀ ࡊࡀࡍࡀ ࡖ ࡍࡉࡔࡌࡀࡕࡀ ࡖ ࡍࡀࡑࡅࡓࡀࡉࡉࡀ ࡅࡌࡀࡍࡃࡀࡉࡉࡀ ࡖ ࡋࡀࡍࡉࡔࡕࡀࡋࡈࡅࡍ ࡏࡋࡀࡅࡀࡉࡄࡅࡍ ࡄࡀࡈࡉࡀ ࡋࡁࡍࡇ ࡖ ࡁࡉࡔࡀ ࡌࡀࡍ ࡀࡌࡀࡓࡋࡅࡍ ࡖ ࡄࡉࡍࡅࡍ ࡀࡋࡀࡍࡐࡀࡉ ࡍࡀࡐࡒࡉࡀ ࡀࡌࡓࡉࡀ ࡂࡀࡁࡓࡀ ࡀࡄࡁࡀࡋࡀࡍ ࡌࡍ ࡆࡉࡅࡀࡊ ࡖ ࡍࡐࡉࡔ ࡅࡌࡍ ࡍࡄࡅࡓࡀࡊ ࡖ ࡎࡀࡊࡀ ࡋࡉࡕࡋࡇ ࡀࡌࡀࡓࡍࡀࡋࡅࡍ ࡏࡕࡉࡊࡐࡀࡓ ࡅࡏࡕࡉࡂࡋࡅࡍ ࡌࡍ ࡒࡅࡃࡀࡌࡀࡉ ࡌࡉࡕࡉࡀ ࡁࡉࡔࡉࡀ ࡖ ࡄࡉࡉࡀ ࡋࡀࡄࡆࡅࡍ ࡌࡍࡀ ࡍࡄࡅࡓࡀ ࡏࡋ ࡄࡔࡅࡊࡀ ࡅࡔࡓࡀࡓࡀ ࡋࡁࡉࡔࡀ ࡌࡀࡍ ࡉࡀࡄࡉࡁ ࡔࡓࡀࡓࡀ ࡖ ࡄࡅࡀ ࡌࡉࡍࡀࡉ ࡉࡀࡄࡉࡁࡕࡇ ࡋࡍࡀࡑࡅࡓࡀࡉࡉࡀ ࡂࡅࡁࡓࡉࡀ ࡊࡔࡉࡈࡉࡀ ࡅࡌࡄࡀࡉࡌࡍࡉࡀ ࡄࡆࡅࡍ ࡍࡀࡐࡔࡀࡉࡄࡅࡍ ࡅࡏࡕࡀࡐࡓࡀࡔ ࡁࡈࡀࡁࡅࡕࡀ ࡎࡀࡋࡒࡉࡀ ࡄࡀࡆࡉࡋࡇ ࡋࡀࡕࡀࡓ ࡍࡄࡅࡓ ࡌࡉࡔࡕࡀࡉࡉࡍ ࡄࡉࡉࡀ ࡆࡀࡊࡉࡍ ࡅࡆࡀࡊࡉࡀ ࡂࡀࡁࡓࡀ ࡖ ࡀࡎࡂࡉࡀ ࡋࡊࡀ ࡎࡀ

162. ࡁࡔࡅࡌࡀࡉࡄࡅࡍ ࡖ ࡄࡉࡉࡀ ࡓࡁࡉࡀ ࡌࡓࡀࡅࡓࡀࡁ ࡍࡄࡅࡓࡀ ࡔࡀࡍࡉࡀ ࡌࡉࡐࡀࡒ ࡔࡀࡐࡕࡀ ࡁࡓ ࡌࡀࡔ ࡌࡏࡉࡋ ࡄࡀࡁࡔࡀࡁࡀ ࡋࡈࡀࡁ ࡌࡉࡐࡀࡒ ࡔࡀࡐࡕࡀ ࡁࡓ ࡌࡀࡔ ࡌࡉࡓࡉࡀࡉ ࡀࡎࡂࡉࡀࡕ ࡋࡁࡀࡁࡀ ࡖ ࡌࡀࡔࡊࡍࡀ ࡋࡌࡉࡁࡉࡀ ࡁࡅࡕࡀ ࡅࡋࡔࡀࡁࡅࡉࡉࡀ ࡋࡏࡅࡕࡓࡉࡀ ࡊࡅࡋࡄࡅࡍ ࡁࡉࡔࡉࡀ ࡖ ࡄࡉࡆࡉࡅࡉࡀ ࡋࡌࡉࡓࡉࡀࡉ ࡊࡅࡋࡄࡅࡍ ࡋࡁࡀࡔࡉࡀ ࡒࡅࡋࡀࡁ ࡅࡏࡕࡋࡀࡁࡀࡔ ࡊࡅࡋࡄࡅࡍ ࡆࡀࡉࡍࡀ ࡋࡀࡁࡔࡉࡀ ࡅࡀࡋࡀࡍࡐࡀ ࡖ ࡌࡉࡓࡉࡀࡉ ࡍࡀࡐࡒࡉࡀ ࡀࡌࡓࡉࡋࡇ ࡌࡀࡅࡌࡉࡍࡀࡋࡉࡊ ࡌࡉࡓࡉࡀࡉ ࡁࡌࡀࡌࡋࡀ ࡅࡔࡓࡀࡓࡀ ࡅࡊࡅࡔࡈࡀ ࡕࡅࡌ ࡌࡀࡅࡌࡉࡍࡀࡋࡉࡊ ࡌࡉࡓࡉࡀࡉ ࡁࡂࡀࡁࡓࡀ ࡖ ࡏࡕࡉࡀࡓࡅࡕࡉࡊ ࡌࡉࡍࡇ ࡄࡅࡀࡕ ࡂࡀࡁࡓࡀ ࡖ ࡄࡉࡆࡉࡅࡉࡀ ࡀࡉࡍࡉࡊ ࡋࡌࡀࡄࡅ ࡃࡀࡌࡉࡀ ࡄࡅ ࡄࡀࡉࡆࡉࡍ ࡏࡁࡀࡃ ࡀࡌࡀࡓࡍࡀࡋࡅࡍ ࡏࡕࡉࡊࡐࡀࡓ ࡅࡏࡕࡉࡂࡋࡅࡍ ࡌࡍ ࡒࡅࡃࡀࡌࡀࡉ ࡌࡉࡕࡉࡀ ࡁࡉࡔࡉࡀ ࡖ ࡄࡉࡉࡀ ࡋࡀࡄࡆࡅࡍ ࡅࡋࡀࡄࡆࡀࡉࡕࡅࡍ ࡖ ࡄࡆࡀࡕ ࡀࡉࡍࡀࡉ ࡅࡋࡀࡔࡀࡌࡉࡕࡅࡍ ࡖ ࡏࡅࡃࡍࡀࡉ ࡔࡌࡀࡕ ࡂࡀࡁࡓࡀ ࡖ ࡄࡉࡆࡉࡅࡉࡀ ࡀࡉࡍࡀࡉ ࡋࡀࡉࡉࡕ ࡖ ࡀࡊࡅࡀࡕࡇ ࡁࡀࡋࡌࡀ ࡌࡉࡔࡒࡀࡋ ࡂࡉࡋࡉࡀ ࡀࡉࡍࡇ ࡌࡍ ࡊࡉࡐࡇ ࡋࡊࡉࡐࡇ ࡖ ࡀࡋࡌࡀ ࡁࡃࡉࡓࡊࡇ ࡅࡐࡀࡎࡅࡄࡉࡀࡕࡀ ࡀࡓࡒࡀ ࡖ ࡕࡉࡁࡉࡋ ࡌࡉࡔࡕࡀࡓࡄࡆࡀ ࡔࡉࡌࡅࡉࡀ ࡌࡉࡕࡉࡀ ࡄࡉࡅࡍ ࡅࡔࡉࡌࡅࡉࡀ ࡊࡑࡉࡓࡉࡀ ࡏࡕࡀࡐࡅࡍ ࡅࡔࡉࡌࡅࡉࡀ ࡂࡉࡓࡁࡀࡍࡉࡀ ࡏࡕࡀࡎࡅࡍ ࡒࡀࡌ ࡒࡀࡌ ࡏࡕࡀࡎࡅࡍ ࡁࡀࡎࡅࡕࡀ ࡖ ࡌࡀࡍࡃࡀ ࡖ ࡄࡉࡉࡀ ࡏࡋࡀࡅࡀࡉࡄࡅࡍ ࡁࡈࡀࡁࡅࡕࡀ ࡔࡓࡀ ࡅࡄࡉࡉࡀ ࡆࡀࡊࡉࡍ ࡎ ࡀ ࡄࡀࡋࡉࡍ ࡕࡀࡓࡕࡉࡍ ࡁࡀࡅࡀࡕࡀ ࡁࡉࡍࡅࡍ ࡁࡓࡀࡄࡌࡉࡀ ࡋࡔࡅࡀࡋࡉࡀ ࡐࡀࡉࡍࡀ ࡖ ࡔࡀࡐࡕࡀ ࡀࡁࡀࡕࡀࡓ ࡖ ࡏࡕࡉࡂࡋࡉࡀ ࡅࡀࡎࡂࡉࡀ ࡅࡀࡕࡀ ࡅࡄࡀࡉࡆࡀࡊ ࡒࡓࡉࡀ ࡀࡍࡉࡀ ࡀࡍࡀ ࡌࡍ ࡐࡉࡓࡉࡀ ࡎࡀ

163. ࡁࡔࡅࡌࡀࡉࡄࡅࡍ ࡖ ࡄࡉࡉࡀ ࡓࡁࡉࡀ ࡌࡓࡀࡅࡓࡀࡁ ࡍࡄࡅࡓࡀ ࡔࡀࡍࡉࡀ ࡁࡄࡀࡁࡔࡀࡁࡀ ࡁࡓࡉࡔ ࡉࡅࡌࡉࡀ ࡌࡀࡍࡅ ࡄࡆࡀ ࡖ ࡀࡍࡀ ࡄࡆࡉࡕ ࡌࡀࡍ ࡄࡉࡆࡉࡇ ࡋࡌࡀࡍࡃࡀ ࡖ ࡄࡉࡉࡀ ࡖ ࡀࡎࡂࡉࡀ ࡀࡕࡀࡋࡇ ࡋࡀࡋࡌࡀ ࡀࡎࡂࡉࡀ ࡋࡀࡋࡌࡀ ࡀࡕࡀࡋࡇ ࡅࡕࡋࡀࡕࡀ ࡏࡅࡕࡓࡉࡀ ࡌࡉࡍࡇ ࡀࡕࡅࡍ ࡗ ࡋࡁࡉࡔࡋࡇ ࡋࡏࡅࡑࡈࡋࡀ ࡖ ࡆࡉࡅࡀ ࡅࡍࡄࡅࡓࡀ ࡌࡓࡀࡌࡉࡀ ࡋࡊࡀࡃࡐࡇ ࡊࡋࡉࡋ ࡀࡉࡀࡓ ࡕࡓࡀࡑࡋࡇ ࡁࡓࡉࡔࡉࡇ ࡅࡕࡓࡀࡑࡋࡀ ࡋࡊࡅࡋࡀ ࡔࡅࡓࡁࡕࡇ ࡁࡄࡀࡁࡔࡀࡁࡀ ࡁࡓࡉࡔ ࡉࡅࡌࡉࡀ ࡌࡀࡍࡅ ࡄࡆࡀ ࡖ ࡀࡍࡀ ࡄࡆࡉࡕ ࡌࡀࡍ ࡄࡉࡆࡉࡇ ࡋࡍࡅࡊࡓࡀࡉࡀ ࡖ ࡀࡎࡂࡉࡀ ࡔࡓࡀ ࡋࡁࡉࡕ ࡓࡀࡄࡌࡇ ࡀࡍࡀ ࡖ ࡄࡆࡀࡉࡕࡇ ࡋࡍࡅࡊࡓࡀࡉࡀ ࡀࡉࡍࡀࡉ ࡁࡀࡍࡄࡅࡓࡀ ࡏࡕࡉࡌࡋࡉࡀ ࡀࡉࡍࡀࡉ ࡏࡕࡉࡌࡋࡉࡀ ࡁࡀࡍࡄࡅࡓࡀ ࡅࡁࡋࡉࡁࡀࡉ ࡔࡓࡀࡁࡇ ࡌࡀࡍࡃࡀ ࡁࡋࡉࡁࡀࡉ ࡌࡀࡍࡃࡀ ࡔࡓࡀࡁࡇ ࡅࡐࡅࡌࡀࡉ ࡁࡕࡅࡔࡁࡉࡄࡕࡀ ࡌࡋࡀ ࡐࡅࡌࡀࡉ ࡌࡋࡀ ࡁࡕࡅࡔࡁࡉࡄࡕࡀ ࡅࡒࡀࡌࡉࡕ ࡅࡋࡀࡁ ࡏࡔࡀࡁࡇ ࡒࡀࡌࡉࡕ ࡅࡔࡀࡁࡀࡕࡇ ࡋࡀࡁ ࡌࡍ ࡎࡐࡀࡓ ࡅࡀࡋࡌࡀ ࡖ ࡋࡉࡐࡍࡉࡀ ࡔࡀࡁࡉࡕ ࡆࡉࡅࡉࡀ ࡎࡀࡂࡉࡉࡀ ࡅࡔࡀࡁࡉࡕ ࡍࡄࡅࡓࡉࡀ ࡉࡀࡒࡓࡉࡀ ࡅࡔࡀࡁࡀࡕࡇ ࡋࡀࡁ ࡉࡅࡔࡀࡌࡉࡍ ࡃࡀࡊࡉࡀ ࡂࡀࡁࡓࡀ ࡖ ࡋࡌࡀࡌࡁࡅࡂࡉࡀ ࡖ ࡌࡉࡀ ࡔࡓࡉࡀ ࡔࡀࡁࡉࡕࡉࡍࡅࡍ ࡋࡀࡓࡁࡀ ࡂࡅࡁࡓࡉࡀ ࡁࡍࡉࡀ ࡔࡋࡀࡌࡀ ࡂࡅࡁࡓࡉࡀ ࡖ ࡊࡅࡔࡈࡀ ࡐࡀࡔࡈࡉࡀ ࡔࡀࡁࡀࡕࡇ ࡋࡎࡉࡍࡃࡉࡓࡊࡀ ࡓࡁࡀ ࡒࡀࡃࡌࡀࡉࡀ ࡌࡉࡍࡇ ࡏࡅࡑࡈࡋࡉࡀ ࡏࡕࡉࡕࡋࡀࡍ ࡌࡉࡍࡇ ࡏࡕࡉࡕࡋࡀࡍ ࡏࡅࡑࡈࡋࡉࡀ ࡖ ࡍࡉࡕࡅࡍ ࡈࡀࡁࡉࡀ ࡅࡍࡉࡕࡋࡀࡁࡔࡅࡍ ࡔࡀࡁࡀ ࡋࡌࡀࡓࡀࡉ ࡌࡀࡍࡃࡀ ࡖ ࡄࡉࡉࡀ ࡖ ࡎࡉࡌࡀࡊࡀ ࡄࡀࡅࡉࡋࡉࡀ ࡁࡀࡋࡌࡀ ࡎࡉࡌࡀࡊࡀ ࡁࡀࡋࡌࡀ ࡄࡀࡅࡉࡋࡉࡀ ࡅࡀࡄࡉࡃ ࡏࡃࡀ ࡋࡀࡕࡀࡓ ࡍࡄࡅࡓ ࡁࡓࡉࡊࡉࡀ ࡅࡆࡀࡊࡉࡀ ࡄࡉࡉࡀ ࡅࡂࡀࡁࡓࡀ ࡖ ࡀࡎࡂࡉࡀ ࡋࡊࡀ ࡌࡉࡔࡕࡀࡉࡉࡍ ࡄࡉࡉࡀ ࡆࡀࡊࡉࡍ ࡅࡆࡀࡊࡉࡀ ࡂࡀࡁࡓࡀ ࡖ ࡀࡎࡂࡉࡀ ࡋࡊࡀ ࡎࡀ

164. ࡁࡔࡅࡌࡀࡉࡄࡅࡍ ࡖ ࡄࡉࡉࡀ ࡓࡁࡉࡀ ࡌࡓࡀࡅࡓࡀࡁ ࡍࡄࡅࡓࡀ ࡔࡀࡍࡉࡀ ࡈࡅࡓࡀ ࡄࡆࡉࡕ ࡄࡉࡅࡀࡓࡀ ࡗ ࡊࡀࡍࡀ ࡖ ࡑࡈࡀࡓࡅࡀࡋࡇ ࡉࡅࡌࡀ ࡖ ࡆࡉࡒࡀ ࡍࡀࡔࡉࡌ ࡀࡌࡀࡌࡉࡀ ࡁࡓࡉࡄࡇ ࡁࡀࡎࡌࡉࡀ ࡉࡅࡌࡀ ࡖ ࡆࡉࡒࡀ ࡋࡀࡂࡉࡈ ࡐࡀࡒࡀࡕࡀ ࡁࡆࡉࡅࡇ ࡌࡉࡍࡉࡄࡓࡀࡍ ࡀࡍࡀ ࡋࡀࡕࡓࡀࡉ ࡗ ࡒࡀࡉࡉࡌࡍࡀ ࡔࡀࡋࡉࡕ ࡖ ࡓࡁࡀ ࡔࡅࡋࡕࡀ ࡏࡌࡓࡉࡕ ࡖ ࡏࡄࡀࡁࡋࡉࡀ ࡌࡍ ࡏࡒࡀࡓ ࡈࡅࡓࡀ ࡅࡌࡍ ࡏࡒࡀࡓ ࡊࡀࡍࡀ ࡓࡁࡀ ࡖ ࡁࡇ ࡀࡎࡉࡀ ࡋࡍࡉࡔࡌࡀࡕࡀ ࡄࡅࡉࡀ ࡀࡎࡉࡀ ࡄࡅࡉࡀ ࡋࡍࡉࡔࡌࡀࡕࡀ ࡖ ࡌࡀࡎࡉࡀ ࡅࡋࡀࡍࡀࡎࡉࡁ ࡀࡂࡀࡓ ࡀࡍࡀ ࡋࡀࡕࡓࡀࡉ ࡗ ࡒࡀࡉࡉࡌࡍࡀ ࡔࡅࡋࡕࡀ ࡖ ࡔࡀࡋࡉࡕ ࡏࡄࡀࡁࡋࡉࡀ ࡏࡄࡀࡁࡋࡉࡀ ࡌࡍ ࡏࡒࡀࡓ ࡈࡅࡓࡀ ࡅࡌࡍ ࡏࡒࡀࡓ ࡊࡀࡍࡀ ࡓࡁࡀ ࡖ ࡁࡇ ࡀࡎࡉࡀ ࡋࡍࡉࡔࡌࡀࡕࡀ ࡄࡅࡉࡕ ࡀࡎࡉࡀ ࡄࡅࡉࡕ ࡋࡍࡉࡔࡌࡀࡕࡀ ࡖ ࡌࡀࡎࡉࡀ ࡅࡋࡀࡍࡀࡎࡉࡁ ࡀࡂࡀࡓ ࡌࡀࡎࡂࡉࡍࡀ ࡅࡀࡕࡉࡍࡀ ࡀࡋࡌࡀ ࡋࡀࡁࡅࡋࡉࡀ ࡁࡀࡁࡉࡋ ࡌࡈࡉࡕ ࡁࡍࡉࡀ ࡁࡀࡁࡉࡋ ࡌࡉࡄࡉࡆࡉࡀ ࡖ ࡄࡉࡆࡉࡅࡍ ࡏࡉࡕ ࡖ ࡁࡀࡁࡀࡉࡅࡍ ࡀࡄࡀࡃ ࡏࡉࡕ ࡖ ࡀࡄࡀࡃ ࡁࡀࡁࡀࡉࡅࡍ ࡅࡏࡉࡕ ࡖ ࡁࡀࡁࡀࡉࡅࡍ ࡐࡕࡅࡍ ࡅࡄࡀࡋࡉࡍ ࡀࡄࡀࡃ ࡁࡀࡁࡀࡉࡅࡍ ࡄࡉࡉࡀ ࡎࡍࡅࡍ ࡅࡌࡅࡕࡀ ࡓࡄࡉࡌ ࡓࡄࡉࡌ ࡌࡅࡕࡀ ࡅࡎࡍࡅࡍ ࡄࡉࡉࡀ ࡅࡏࡕࡊࡀࡕࡀࡓ ࡁࡃࡀࡅࡓࡀ ࡄࡀࡔࡊࡀ ࡄࡀࡋࡉࡍ ࡖ ࡐࡕࡅࡍ ࡁࡀࡁࡀࡉࡅࡍ ࡄࡉࡉࡀ ࡓࡄࡉࡌ ࡅࡌࡅࡕࡀ ࡎࡍࡅࡍ ࡎࡍࡅࡍ ࡌࡅࡕࡀ ࡅࡓࡄࡉࡌ ࡄࡉࡉࡀ ࡁࡆࡀࡊࡅࡕࡀ ࡎࡀࡋࡒࡉࡀ ࡄࡀࡆࡉࡋࡇ ࡋࡀࡕࡀࡓ ࡍࡄࡅࡓ ࡌࡉࡔࡕࡀࡉࡉࡍ ࡄࡉࡉࡀ ࡆࡀࡊࡉࡍ ࡅࡆࡀࡊࡉࡀ ࡂࡀࡁࡓࡀ ࡖ ࡀࡎࡂࡉࡀ ࡋࡊࡀ ࡎࡀ ࡄࡉࡋࡉࡍ ࡕࡀࡓࡕࡉࡍ ࡁࡀࡅࡀࡕࡀ ࡁࡉࡍࡅࡍ ࡁࡓࡀࡄࡌࡉࡀ ࡖ ࡐࡉࡓࡔࡀ ࡖ ࡄࡀࡁࡔࡀࡁࡀ ࡀࡁࡀࡕࡀࡓ ࡉࡀࡅࡌࡀࡉ ࡌࡀࡄࡅ ࡁࡉࡅࡌࡀ ࡅࡄࡀࡉࡆࡀࡊ ࡒࡓࡉࡀ ࡀࡍࡉࡀ ࡀࡍࡀ ࡌࡍ ࡐࡉࡓࡉࡀ ࡎࡀ

165. ࡁࡔࡅࡌࡀࡉࡄࡅࡍ ࡖ ࡄࡉࡉࡀ ࡓࡁࡉࡀ ࡌࡓࡀࡅࡓࡀࡁ ࡍࡄࡅࡓࡀ ࡔࡀࡍࡉࡀ ࡀࡍࡉࡀ ࡀࡍࡀ ࡌࡍ ࡐࡉࡓࡉࡀ ࡅࡌࡔࡀࡍࡉࡀ ࡀࡍࡀ ࡌࡍ ࡌࡓࡀࡄࡒࡉࡀ ࡀࡍࡉࡀ ࡀࡍࡀ ࡖ ࡏࡍࡉࡅࡍ ࡄࡉࡉࡀ ࡓࡁࡉࡀ ࡅࡌࡔࡀࡍࡉࡀ ࡖ ࡏࡅࡕࡓࡉࡀ ࡖ ࡍࡄࡅࡓࡀ ࡔࡀࡍࡉࡅࡍ ࡀࡕࡉࡅࡍ ࡌࡍ ࡃࡅࡓ ࡈࡀࡁࡉࡀ ࡄࡀࡉ ࡁࡃࡅࡓ ࡁࡉࡔࡉࡀ ࡏࡔࡕࡓࡅࡍ ࡄࡀࡉ ࡏࡔࡕࡓࡅࡍ ࡁࡃࡅࡓ ࡁࡉࡔࡉࡀ ࡖ ࡊࡅࡋࡇ ࡁࡉࡔࡅࡕࡀ ࡌࡋࡉࡀ ࡊࡅࡋࡇ ࡌࡋࡉࡀ ࡁࡉࡔࡅࡕࡀ ࡅࡌࡋࡉࡀ ࡍࡅࡓࡀ ࡀࡊࡋࡀ ࡋࡀࡑࡁࡉࡕ ࡅࡋࡀࡑࡀࡁࡉࡍࡀ ࡋࡌࡉࡃࡀࡉࡓࡉࡁࡇ ࡁࡃࡀࡅࡓࡀ ࡁࡀࡈࡋࡀ ࡁࡄࡀࡉࡋࡀࡉ ࡅࡁࡏࡓࡅࡕࡀࡉ ࡃࡀࡉࡓࡉࡁࡇ ࡁࡃࡀࡅࡓࡀ ࡁࡀࡈࡋࡀ ࡁࡏࡓࡅࡕࡀࡉ ࡅࡕࡅࡔࡁࡉࡄࡕࡀࡉ ࡍࡀࡅࡊࡓࡉࡕ ࡍࡀࡐࡔࡀࡉ ࡌࡉࡍࡇ ࡅࡌࡍ ࡀࡋࡌࡀ ࡒࡀࡌࡉࡕ ࡁࡉࡍࡀࡕࡀࡉࡄࡅࡍ ࡗ ࡉࡀࡋࡃࡀ ࡖ ࡀࡁࡀ ࡋࡉࡕࡋࡇ ࡗ ࡉࡀࡋࡃࡀ ࡖ ࡋࡉࡕࡋࡇ ࡀࡁࡀ ࡅࡗ ࡐࡉࡓࡀ ࡖ ࡋࡉࡕࡋࡇ ࡌࡅࡍࡒࡀ ࡒࡀࡋ ࡖ ࡔࡅࡁࡀ ࡔࡀࡌࡀࡍࡀ ࡃࡀࡍࡃࡅࡌࡉࡀ ࡌࡃࡀࡍࡃࡌࡉࡀ ࡅࡀࡌࡓࡉࡀ ࡌࡍࡀ ࡄࡅࡀ ࡄࡀࡆࡉࡍ ࡂࡁࡀࡓ ࡍࡅࡊࡓࡀࡉࡀ ࡖ ࡔࡅࡕࡇ ࡋࡔࡅࡕࡀࡍ ࡋࡀࡃࡀࡌࡉࡀ ࡀࡍࡀ ࡋࡔࡅࡕࡀࡉࡄࡅࡍ ࡋࡀࡔࡀࡌࡉࡕ ࡁࡆࡉࡃࡀ ࡁࡉࡔࡀ ࡏࡕࡉࡁࡋࡅࡍ ࡏࡋࡀࡉ ࡄࡉࡉࡀ ࡖ ࡔࡉࡌࡅࡉࡀ ࡋࡒࡀࡋࡀࡉ ࡔࡀࡃࡀࡓ ࡀࡋࡀࡍࡐࡀࡉ ࡐࡀࡓࡅࡀࡍࡒࡀ ࡔࡀࡃࡀࡓࡋࡉࡀ ࡏࡅࡕࡓࡀ ࡍࡉࡄࡀ ࡂࡀࡁࡓࡀ ࡆࡓࡉࡆࡀ ࡅࡌࡆࡀࡓࡆࡀ ࡃࡀࡓࡉࡔࡋࡉࡀ ࡁࡒࡀࡋࡀ ࡃࡀࡊࡉࡀ ࡗ ࡖ ࡃࡀࡓࡔࡉࡀ ࡏࡅࡕࡓࡉࡀ ࡁࡉࡕ ࡕࡅࡔࡋࡉࡌࡀ ࡅࡀࡌࡀࡓ ࡋࡀࡕࡉࡄࡅࡒ ࡀࡍࡉࡀ ࡅࡋࡀࡕࡉࡆࡄࡀ ࡅࡋࡀࡕࡉࡌࡀࡓ ࡖ ࡁࡀࡋࡄࡅࡃࡀࡉ ࡀࡍࡀ ࡀࡌࡉࡍࡈࡅࡋࡀࡕࡀࡊ ࡀࡍࡉࡀ ࡄࡀࡉࡆࡉࡍ ࡓࡒࡉࡄࡀ

ࡏࡕࡉࡍࡂࡉࡃ ࡄࡀࡉࡆࡉࡍ ࡏࡕࡉࡍࡂࡉࡃ ࡓࡒࡉࡄࡀ ࡅࡏࡑࡈࡀࡓࡀࡓ ࡁࡂࡀࡅࡇ ࡊࡅࡊࡁࡉࡀ ࡀࡌࡉࡍࡈࡅࡋࡀࡕࡀࡊ ࡀࡍࡉࡀ ࡄࡀࡉࡆࡉࡍ ࡌࡉࡀࡁࡀࡔࡕࡀ ࡄࡅࡀࡕ ࡄࡀࡉࡆࡉࡍ ࡄࡅࡀࡕ ࡌࡉࡀࡁࡀࡔࡕࡀ ࡅࡏࡕࡌࡉࡎࡉࡀࡕ ࡌࡎࡅࡕࡀ ࡅࡍࡉࡐࡋࡀࡕ ࡁࡌࡀࡉ ࡀࡌࡉࡍࡈࡅࡋࡀࡕࡀࡊ ࡀࡕࡀ ࡔࡀࡌࡉࡔ ࡀࡌࡉࡍࡈࡅࡋࡀࡕࡀࡊ ࡎࡉࡓࡀ ࡏࡕࡉࡂࡋࡉࡀ ࡀࡌࡉࡍࡈࡅࡋࡀࡕࡀࡊ ࡀࡍࡉࡀ ࡀࡕࡅࡍ ࡔࡅࡁࡀ ࡅࡄࡀࡋࡉࡍ ࡕࡓࡉࡎࡀࡓ ࡀࡎࡂࡅࡍ ࡋࡊࡀ ࡀࡍࡀࡕ ࡀࡍࡉࡀ ࡋࡉࡀࡌࡉࡍࡀࡊ ࡔࡓࡉࡀ ࡆࡉࡅࡀ ࡅࡋࡎࡌࡀࡋࡀࡊ ࡔࡓࡉࡉࡍ ࡐࡀࡎࡉࡌࡊࡉࡀ ࡀࡔࡀࡓ ࡒࡅࡌ ࡁࡌࡀࡆࡓࡅࡕࡀࡊ ࡀࡋࡌࡀ ࡖ ࡊࡉࡋࡀࡊ ࡔࡀࡋࡉࡌࡋࡀࡊ ࡗ ࡔࡀࡋࡉࡌࡋࡀࡊ ࡊࡉࡋࡀࡊ ࡀࡍࡀ ࡁࡍࡀࡐࡔࡀࡉ ࡏࡕࡉࡀ ࡏࡋࡀࡊ ࡏࡉࡀࡉࡕࡉࡋࡀࡊ ࡏࡅࡑࡈࡋࡉࡀ ࡖ ࡆࡉࡅࡀ ࡀࡋࡌࡀ ࡖ ࡓࡂࡀࡂࡀ ࡔࡀࡉࡋࡉࡀ ࡏࡉࡀࡉࡕࡉࡋࡀࡊ ࡈࡀࡓࡈࡀࡁࡅࡍࡉࡀ ࡈࡀࡁࡉࡀ ࡃࡀࡊࡉࡉࡀ ࡖ ࡍࡄࡅࡓࡀ ࡖ ࡍࡐࡉࡔ ࡅࡎࡀࡊࡀ ࡋࡉࡕࡋࡇ ࡏࡐࡀࡓࡒࡀࡊ ࡌࡍ ࡁࡉࡔࡉࡀ ࡅࡏࡔࡀࡅࡆࡁࡀࡊ ࡌࡍ ࡄࡀࡈࡉࡀ ࡅࡏࡉࡀࡅࡕࡁࡀࡊ ࡁࡔࡊࡉࡍࡕࡀࡊ ࡁࡀࡕࡓࡀ ࡍࡀࡒࡉࡀ ࡏࡔࡀࡅࡆࡁࡀࡊ ࡒࡀࡋ ࡔࡅࡁࡀ ࡔࡀࡌࡀࡍࡀ ࡃࡀࡍࡃࡅࡌࡉࡀ ࡌࡃࡀࡍࡃࡌࡉࡀ ࡅࡀࡌࡓࡉࡀ ࡁࡓࡉࡊ ࡖ ࡏࡕࡋࡇ ࡋࡀࡍࡉࡀ ࡀࡁࡀ ࡅࡏࡕࡋࡇ ࡏࡋ ࡐࡉࡓࡀ ࡌࡅࡍࡒࡀ ࡋࡃࡉࡋࡀࡍ ࡋࡉࡕࡋࡀࡍ ࡀࡁࡀ ࡅࡋࡀ ࡋࡐࡉࡓࡀࡍ ࡏࡕࡋࡇ ࡌࡅࡍࡒࡀ ࡈࡅࡁࡇ ࡋࡌࡀࡍ ࡖ ࡄࡉࡉࡀ ࡓࡁࡉࡀ ࡉࡀࡃࡉࡋࡇ ࡅࡀࡉࡋࡇ ࡋࡌࡀࡍ ࡖ ࡄࡉࡉࡀ ࡓࡁࡉࡀ ࡋࡀࡉࡀࡃࡉࡋࡇ ࡈࡅࡁࡇ ࡋࡌࡀࡍ ࡖ ࡉࡀࡃࡉࡋࡇ ࡄࡉࡉࡀ ࡓࡁࡉࡀ ࡖ ࡌࡍࡀࡅࡊࡀࡓ ࡍࡀࡐࡔࡉࡇ ࡌࡉࡍࡇ ࡌࡍ ࡀࡋࡌࡀ ࡅࡌࡍ ࡀࡋࡌࡀ ࡖ ࡄࡅࡎࡓࡀࡍࡀ ࡖ ࡔࡉࡁࡉࡀࡄࡉࡀ ࡁࡂࡀࡅࡇ ࡉࡀࡕࡁࡉࡀ ࡉࡀࡕࡁࡉࡀ ࡋࡊࡀࡓࡎࡀࡅࡀࡕࡀ ࡖ ࡌࡉࡓࡃࡀ ࡅࡏࡁࡉࡃࡀࡕࡀ ࡁࡔࡀࡅࡈࡀ ࡀࡁࡃࡉࡀ ࡖ ࡋࡃࡀࡄࡁࡀ ࡅࡊࡀࡎࡐࡀ ࡌࡔࡀࡂࡔࡉࡀ ࡅࡕࡉࡂࡓࡀ ࡓࡀࡌࡉࡁࡇ ࡌࡔࡀࡂࡔࡉࡀ ࡅࡓࡀࡌࡉࡁࡇ ࡕࡉࡂࡓࡀ ࡅࡀࡆࡋࡉࡀ ࡁࡍࡅࡓࡀ ࡁࡀࡔࡋࡉࡀ ࡌࡉࡁࡔࡀࡋ ࡖ ࡁࡀࡔࡋࡉࡀ ࡁࡉࡔࡉࡀ ࡅࡀࡅࡃࡀ ࡂࡉࡅࡕࡀࡉࡄࡅࡍ ࡅࡌࡉࡎࡕࡀࡊࡓࡀ ࡅࡀࡍࡀ ࡃࡉࡋࡉࡀ ࡅࡔࡉࡕࡋࡀࡉ ࡅࡔࡅࡓࡁࡀࡕࡀࡉ ࡏࡎࡀࡒ ࡏࡄࡉࡆࡉࡇ ࡋࡀࡕࡀࡓ ࡍࡄࡅࡓ ࡋࡀࡕࡓࡀ ࡖ ࡋࡀࡓࡁࡀ ࡔࡀࡌࡔࡉࡀ ࡅࡔࡓࡀࡂࡉࡀ ࡖ ࡍࡄࡅࡓࡀ ࡋࡀࡄࡀࡔࡊࡉࡀ ࡏࡋࡇ ࡅࡋࡄࡀࡍࡀࡕࡇ ࡀࡕࡓࡀ ࡃࡅࡊࡕࡀ ࡖ ࡒࡓࡏࡉࡀ ࡅࡌࡆࡀࡌࡍࡀ ࡍࡉࡔࡌࡀࡕࡊࡅࡍ ࡅࡍࡉࡔࡌࡀࡕࡀ ࡖ ࡀࡄࡀࡍ ࡈࡀࡁࡉࡀ ࡅࡄࡀࡋࡉࡍ ࡀࡄࡅࡀࡕࡀࡍ ࡖ ࡌࡄࡀࡉࡌࡍࡉࡀ ࡌࡉࡔࡕࡀࡉࡉࡍ ࡄࡉࡉࡀ ࡆࡀࡊࡉࡍ ࡅࡆࡀࡊࡉࡀ ࡂࡀࡁࡓࡀ ࡖ ࡀࡎࡂࡉࡀ ࡋࡊࡀ ࡎࡀ

166. ࡁࡔࡅࡌࡀ ࡖ ࡄࡉࡉࡀ ࡓࡁࡉࡀ ࡏࡅࡕࡓࡉࡀ ࡁࡂࡉࡍࡆࡀ ࡄࡀࡃࡉࡍ ࡅࡏࡅࡕࡓࡉࡀ ࡁࡂࡉࡍࡆࡀ ࡌࡉࡕࡓࡀࡅࡓࡉࡁࡉࡍ ࡄࡀࡃࡉࡍ ࡅࡍࡀࡄࡓࡉࡍ ࡏࡅࡕࡓࡉࡀ ࡁࡏࡓࡅࡕࡀ ࡅࡕࡅࡔࡁࡉࡄࡕࡀ ࡖ ࡀࡁࡅࡊࡅࡍ ࡍࡑࡀࡁࡋࡊࡅࡍ ࡌࡍ ࡓࡅࡓࡁࡉࡀ ࡎࡀ

167. ࡁࡔࡅࡌࡀ ࡖ ࡄࡉࡉࡀ ࡓࡁࡉࡀ ࡀࡍࡀ ࡋࡀࡊ ࡌࡀࡓࡀࡉ ࡎࡀࡂࡃࡉࡍࡀࡋࡀࡊ ࡅࡀࡍࡀ ࡋࡀࡊ ࡌࡀࡓࡀࡉ ࡌࡔࡀࡁࡉࡍࡀࡋࡀࡊ ࡍࡄࡅࡓࡀ ࡁࡊࡅࡔࡈࡀ ࡒࡓࡀࡉࡍࡀࡊ ࡌࡀࡓࡀࡉ ࡄࡆࡉࡍࡀࡍ ࡅࡋࡀࡕࡀࡂࡆࡀࡓ ࡏࡋࡀࡍ ࡎࡀ

168. ࡋࡓࡉࡔ ࡀࡉࡀࡓ ࡓࡁࡀ ࡖ ࡄࡉࡉࡀ ࡒࡀࡉࡉࡌࡍࡀ ࡅࡀࡍࡀ ࡅࡏࡋ ࡊࡀࡍࡀ ࡓࡁࡀ ࡖ ࡀࡎࡀࡅࡀࡕࡀ ࡁࡅࡕࡀ ࡁࡉࡕ ࡅࡃࡍࡅࡕࡀ ࡃࡍࡉࡕ ࡌࡍ ࡄࡀࡊ ࡌࡀࡍࡀ ࡓࡁࡀ ࡓࡉࡔࡀࡉࡀ ࡅࡌࡍ ࡏࡅࡑࡀࡓ ࡏࡅࡑࡓࡉࡀ ࡅࡌࡍ ࡁࡉࡄࡓࡅࡍ ࡅࡊࡀࡍࡐࡏࡉࡉࡋ ࡅࡌࡍ ࡍࡑࡀࡁ ࡅࡀࡍࡀࡍ ࡍࡑࡀࡁ ࡅࡌࡍ ࡎࡀࡓ ࡅࡎࡀࡓࡅࡀࡍ ࡅࡌࡍ ࡕࡀࡓ ࡅࡕࡀࡓࡅࡀࡍ ࡅࡌࡍ ࡏࡅࡓࡐࡏࡉࡋ ࡅࡌࡀࡓࡐࡉࡏࡉࡋ ࡅࡌࡍ ࡀࡓࡎࡀࡐࡀࡍ ࡓࡀࡁࡉࡀ ࡈࡀࡋࡉࡀ ࡅࡌࡍ ࡉࡀࡅࡀࡓ ࡕࡀࡕࡀࡂࡌࡅࡓ ࡅࡌࡍ ࡄࡀࡔ ࡅࡐࡓࡀࡔ ࡏࡅࡕࡓࡀ ࡖ ࡄࡅ ࡍࡑࡀࡁ ࡅࡀࡍࡀࡍ ࡍࡑࡀࡁ ࡁࡉࡄࡓࡀࡌ ࡅࡓࡀࡌ ࡓࡁࡀ ࡖ ࡄࡉࡉࡀ ࡔࡅࡌࡇ ࡖ ࡄࡅ ࡌࡒࡀࡁࡉࡋ ࡁࡅࡕࡀ ࡅࡕࡅࡔࡁࡉࡄࡕࡀ ࡅࡌࡀࡎࡉࡒࡋࡀ ࡋࡀࡕࡓࡀ ࡓࡁࡀ ࡖ ࡍࡄࡅࡓࡀ ࡅࡋࡃࡀࡅࡓࡀ ࡕࡀࡒࡍࡀ ࡄࡅ ࡍࡉࡒࡀࡁࡋࡀ ࡋࡁࡅࡕࡀࡉ ࡅࡕࡅࡔࡁࡉࡄࡕࡀࡉ ࡃࡉࡋࡉࡀ ࡅࡍࡀࡎࡒࡀ ࡋࡀࡕࡓࡀ ࡓࡁࡀ ࡖ ࡍࡄࡅࡓࡀ ࡅࡋࡃࡀࡅࡓࡀ ࡕࡀࡒࡍࡀ ࡁࡔࡊࡉࡍࡕࡀ ࡖ ࡍࡀࡐࡔࡉࡇ ࡍࡉࡕࡉࡓࡑࡀ ࡄࡀࡓࡂࡕࡀ ࡅࡌࡅࡕࡀ ࡋࡀࡍࡉࡔࡀࡅࡉࡁࡀ ࡅࡌࡔࡀࡁࡉࡍ ࡄࡉࡉࡀ ࡎࡀ

169. ࡋࡔࡅࡌࡀࡊ ࡀࡓࡒࡀ ࡖ ࡍࡄࡅࡓࡀ ࡅࡋࡁࡀࡁࡀ ࡓࡁࡀ ࡖ ࡁࡉࡕ ࡄࡉࡉࡀ ࡁࡅࡕࡀ ࡁࡉࡕ ࡅࡃࡍࡅࡕࡀ ࡃࡍࡉࡕ ࡌࡍ ࡄࡀࡊ ࡌࡀࡍࡀ ࡓࡁࡀ ࡓࡉࡔࡀࡉࡀ ࡅࡌࡍ ࡄࡀࡊ ࡊࡀࡍࡀ ࡓࡁࡀ ࡒࡀࡃࡌࡀࡉࡀ ࡖ ࡏࡒࡀࡓࡀ ࡖ ࡄࡅ ࡄࡀࡔ ࡅࡐࡓࡀࡔ ࡅࡐࡓࡉࡔࡀࡉࡀ ࡓࡁࡀ ࡒࡀࡃࡌࡀࡉࡀ ࡔࡅࡌࡇ ࡄࡉࡋࡉࡕࡀࡍ ࡅࡆࡉࡅࡉࡄࡕࡀࡍ ࡒࡀࡋࡇ ࡔࡀࡍࡉࡀ ࡅࡔࡅࡕࡇ ࡍࡅࡊࡓࡀࡉࡕࡀ ࡖ ࡄࡅ ࡌࡒࡀࡁࡉࡋ ࡁࡅࡕࡀ ࡅࡕࡅࡔࡁࡉࡄࡕࡀ ࡅࡌࡀࡎࡉࡒࡋࡀ ࡋࡀࡕࡓࡀ ࡓࡁࡀ ࡖ ࡍࡄࡅࡓࡀ ࡅࡋࡃࡀࡅࡓࡀ ࡕࡀࡒࡍࡀ ࡄࡅ ࡍࡉࡒࡀࡁࡋࡀ ࡋࡁࡅࡕࡀࡉ ࡅࡕࡅࡔࡁࡉࡄࡕࡀࡉ ࡃࡉࡋࡉࡀ ࡅࡍࡀࡎࡒࡀ ࡋࡀࡕࡓࡀ ࡓࡁࡀ ࡖ ࡍࡄࡅࡓࡀ ࡅࡋࡃࡀࡅࡓࡀ ࡕࡀࡒࡍࡀ ࡅࡍࡀࡔࡋࡉࡌࡀ ࡋࡉࡀࡅࡀࡓ ࡓࡁࡀ ࡄࡀࡆࡀ ࡄࡏ ࡁࡅࡕࡀ ࡅࡕࡅࡔࡁࡉࡄࡕࡀ ࡖ ࡀࡕࡀࡕࡀࡋࡀࡍ ࡋࡁࡄࡉࡓࡉࡀ ࡆࡉࡃࡒࡀ ࡋࡀࡋࡌࡀ ࡄࡀࡆࡉࡍ ࡖ ࡊࡅࡋࡇ ࡌࡀࡅࡃࡀࡋࡀ ࡊࡅࡋ ࡌࡀࡍ ࡖ ࡄࡀࡆࡀ ࡁࡅࡕࡀ ࡍࡉࡁࡉࡀ ࡔࡀࡁࡉࡒ ࡄࡀࡈࡀࡉࡉࡀ ࡍࡉࡄࡅࡉࡋࡇ ࡊࡅࡋ ࡂࡀࡁࡓࡀ ࡍࡀࡑࡅࡓࡀࡉࡀ ࡖ ࡁࡅࡕࡀ ࡄࡀࡆࡀ ࡍࡉࡁࡉࡀ ࡅࡁࡓࡀࡄࡌࡉࡀ ࡍࡉࡒࡅࡌ ࡅࡔࡅࡌࡄࡀࡕࡀ ࡄࡀࡋࡉࡍ ࡁࡊࡅࡔࡈࡀ ࡍࡀࡃࡊࡀࡓ ࡍࡉࡕࡉࡀ ࡍࡀࡈࡓࡀ ࡖ ࡍࡄࡅࡓࡀ ࡅࡍࡉࡔࡓࡉࡀ ࡁࡁࡉࡍࡕࡀࡉ ࡃࡉࡋࡉࡀ ࡅࡀࡍࡀ ࡁࡄࡀࡆࡀ ࡁࡅࡕࡀ ࡏࡁࡉࡀ ࡅࡀࡔࡊࡀ ࡅࡏࡌࡀࡓ ࡅࡏࡔࡕࡌࡀ ࡅࡏࡃࡀࡍ ࡅࡆࡊࡉࡀ ࡀࡃࡉࡍࡒࡉࡀ ࡄࡀࡈࡀࡉࡉࡀ ࡄࡀࡅࡁࡉࡀ ࡏࡄࡅࡉࡀ ࡁࡀࡕࡓࡀ ࡓࡁࡀ ࡖ ࡍࡄࡅࡓࡀ ࡅࡃࡀࡅࡓࡀ ࡕࡀࡒࡍࡀ ࡅࡌࡔࡀࡁࡉࡍ ࡄࡉࡉࡀ ࡅࡄࡉࡉࡀ ࡆࡀࡊࡉࡍ ࡎࡀ ࡎࡀ ࡄࡀࡋࡉࡍ ࡄࡀࡌࡉࡔ ࡁࡀࡅࡀࡕࡀ ࡖ ࡐࡉࡓࡉࡀ ࡖ ࡀࡉࡀࡓ ࡒࡀࡉࡀࡌࡕࡀ ࡖ ࡓࡀࡄࡌࡀࡉࡊࡅࡍ . ࡁࡉࡍࡅࡍ ࡀࡁࡀࡕࡀࡓ ࡏࡍࡉࡀࡍࡉࡀ ࡅࡃࡓࡀࡔࡉࡀ ࡖ ࡉࡅࡌࡀ ࡌࡍ ࡒࡅࡃࡀࡌ ࡁࡓࡉࡊࡉࡀ ࡅࡌࡔࡀࡁࡉࡀ ࡄࡉࡉࡀ ࡓࡀࡁࡕࡉࡀ ࡄࡉࡍࡉࡍ ࡎࡀ ࡎࡀ ࡄࡀࡋࡉࡍ ࡏࡍࡉࡀࡍࡉࡀ ࡅࡃࡓࡀࡔࡉࡀ ࡅࡒࡀࡉࡀࡌࡕࡀ ࡖ ࡓࡀࡄࡌࡉࡀ ࡖ ࡀࡍࡎࡉࡕ ࡀࡍࡀ ࡀࡍࡉࡀ ࡅࡃࡀࡍࡉࡀ ࡆࡅࡈࡀ ࡖ ࡀࡄࡀࡉ ࡕࡀࡓࡌࡉࡃࡉࡀ ࡅࡌࡍࡀࡔࡉࡒࡍࡀ ࡌࡎࡀࡍࡉࡀ ࡋࡉࡂࡓࡀࡉࡄࡅࡍ ࡖ ࡍࡀࡎࡀࡊࡉࡀ ࡅࡀࡓࡒࡀ ࡁࡉࡂࡀࡓ ࡖ ࡍࡀࡑࡅࡓࡀࡉࡉࡀ ࡅࡀࡓࡀࡐࡓࡀ ࡖ ࡀࡕࡅࡕࡉࡀ ࡋࡉࡂࡓࡀࡉࡄࡅࡍ ࡖ ࡂࡀࡍࡆࡉࡁࡓࡉࡀ ࡀࡍࡀ ࡓࡁࡀࡉ ࡀࡃࡀࡌ ࡉࡅࡄࡀࡍࡀ ࡁࡓ ࡎࡀࡌ ࡁࡓ ࡁࡉࡄࡓࡀࡌ ࡁࡓ ࡎࡀ(ࡀyࡉࡍ)ࡃࡀࡍ ࡁࡓ ࡌࡎࡀ(ࡀyࡉࡍ)ࡀࡃ ࡋࡀࡒࡀࡁ ࡊࡀࡌࡉࡎࡉࡀ ࡅࡊࡉࡍࡉࡀࡍࡇ ࡓࡉࡔ ࡃࡓࡀࡆ ࡖ ࡀࡍࡎࡉࡕ ࡋࡍࡀࡐࡔࡀࡉ ࡖ ࡏࡁࡀࡃ ࡅࡊࡔࡀࡓ ࡁࡂࡀࡅࡇ ࡖ ࡄࡀࡅࡉࡋࡀࡉ ࡃࡀࡊࡀࡓ ࡔࡅࡌࡉࡀ ࡁࡕࡉࡁࡉࡋ ࡅࡄࡀࡕࡀࡌ ࡁࡀࡋࡌࡉࡀ ࡓࡅࡓࡁࡉࡀ ࡏࡋࡀࡉࡉࡀ ࡖ ࡍࡄࡅࡓࡀ ࡖ ࡀࡍࡎࡉࡕ ࡌࡍ ࡒࡅࡋࡀࡎࡕࡀ ࡖ ࡁࡀࡊࡕࡉࡀࡓ ࡁࡓ ࡁࡓ ࡌࡄࡀࡕࡀࡌ ࡆࡉࡄࡓࡅࡍ ࡁࡓ ࡁࡉࡄࡓࡀࡌ ࡁࡓ ࡀࡃࡀࡌ ࡉࡅࡄࡀࡍࡀ ࡌࡍ ࡁࡍࡉࡀ ࡃࡉࡄࡃࡀࡓࡉࡀ ࡅࡊࡉࡍࡉࡀࡍࡇ ࡎࡀࡁࡅࡓ ࡖ ࡀࡍࡎࡀࡋࡇ ࡓࡁࡀ ࡅࡓࡀࡌࡀ ࡅࡉࡀࡒࡉࡓࡀ ࡓࡁࡀࡉ ࡓࡀࡌ ࡉࡅࡄࡀࡍࡀ ࡁࡓ ࡓࡁࡀࡉ ࡉࡀࡄࡉࡀ ࡆࡉࡄࡓࡅࡍ ࡁࡓ ࡓࡁࡀࡉ ࡆࡉࡄࡓࡅࡍ ࡁࡓ ࡓࡁࡀࡉ ࡀࡃࡀࡌ ࡁࡓ ࡓࡁࡀࡉ ࡉࡀࡄࡉࡀ ࡀࡃࡀࡌ ࡁࡓ ࡓࡁࡀࡉ ࡔࡉࡕࡉࡋ ࡊࡉࡍࡉࡀࡍࡇ ࡏࡊࡅࡌࡀ ࡖ ࡀࡍࡎࡀࡋࡇ ࡌࡍ ࡒࡅࡋࡀࡎࡕࡀ ࡖ ࡀࡍࡎࡀ ࡋࡍࡀࡐࡔࡉࡇ ࡖ ࡄࡅ ࡓࡁࡀࡉ ࡓࡀࡌ ࡉࡅࡄࡀࡍࡀ ࡁࡓ ࡓࡁࡀࡉ ࡉࡀࡄࡉࡀ ࡆࡉࡄࡓࡅࡍ ࡁࡓ ࡓࡁࡀࡉ ࡆࡉࡄࡓࡅࡍ ࡊࡉࡍࡉࡀࡍࡇ ࡏࡊࡅࡌࡀ ࡖ ࡀࡍࡎࡀ ࡌࡍ ࡒࡅࡋࡀࡎࡕࡀ ࡖ ࡍࡀࡐࡔࡉࡇ ࡋࡄࡀࡃ ࡔࡀࡋࡌࡀࡍࡀ ࡏࡎࡕࡀࡃ ࡄࡀࡃࡀࡕ ࡁࡓ ࡒࡀࡎࡅࡌ ࡁࡓ ࡄࡀࡃࡀࡕ ࡁࡓ ࡁࡉࡄࡓࡀࡌ ࡁࡓ ࡆࡀࡊࡓࡉࡀ ࡌࡍ ࡁࡍࡉࡀ ࡃࡉࡄࡃࡀࡓࡉࡀ ࡅࡊࡉࡍࡉࡀࡍࡇ ࡎࡀࡁࡅࡓ ࡖ ࡀࡍࡎࡀࡋࡇ ࡌࡍ ࡒࡅࡋࡀࡎࡕࡀ ࡖ ࡓࡁࡀ ࡅࡓࡀࡌࡀ ࡅࡉࡀࡒࡉࡓࡀ ࡍࡀࡎࡀࡊࡀ ࡖ ࡂࡉࡍࡆࡀ ࡊࡀࡉࡀࡋࡀ ࡓࡉࡌࡀ ࡁࡍࡀࡑࡉࡓࡅࡕࡀ ࡖ ࡄࡅ ࡓࡁࡀࡉ ࡎࡀࡌ ࡉࡅࡄࡀࡍࡀ ࡁࡓ ࡓࡁࡀࡉ ࡉࡀࡄࡉࡀ ࡀࡃࡀࡌ ࡁࡓ ࡁࡉࡄࡓࡀࡌ ࡆࡉࡄࡓࡅࡍ ࡁࡓ ࡀࡃࡀࡌ ࡉࡅࡄࡀࡍࡀ ࡁࡓ ࡆࡉࡃ ࡁࡓ ࡎࡀࡌ ࡊࡉࡍࡉࡀࡍࡇ (ࡀyࡉࡍ)ࡀࡎࡉࡊࡉࡓ ࡖ ࡀࡍࡎࡀࡋࡇ ࡄࡀࡆࡉࡍ ࡆࡄࡀࡓࡀ ࡌࡍ ࡒࡅࡋࡀࡎࡕࡀ ࡖ ࡆࡉࡄࡓࡅࡍ ࡉࡅࡄࡀࡍࡀ ࡁࡓ ࡓࡁࡀࡉ ࡆࡉࡄࡓࡅࡍ ࡁࡓ ࡉࡀࡄࡉࡀ ࡀࡃࡀࡌ ࡁࡓ ࡆࡀࡊࡉࡀ ࡊࡉࡍࡉࡀࡍࡇ ࡌࡀࡍࡃࡅࡉࡀ ࡖ ࡀࡍࡎࡀࡋࡇ ࡀࡃࡀࡌ ࡉࡅࡄࡀࡍࡀ ࡁࡓ ࡀࡃࡀࡌ ࡁࡄࡓࡀࡌ ࡁࡓ ࡁࡉࡄࡓࡀࡌ ࡁࡓ ࡎࡀࡌ ࡁࡓ ࡉࡀࡄࡉࡀ ࡁࡓ ࡌࡄࡀࡕࡀࡌ ࡁࡓ ࡀࡃࡀࡌ ࡌࡍ ࡁࡍࡉࡀ ࡖ ࡊࡀࡐࡀࡔࡉࡀ ࡋࡀࡒࡀࡁ ࡃࡅࡁࡉࡀ ࡅࡊࡉࡍࡉࡀࡍࡇ (ࡀyࡉࡍ)ࡀࡆࡉࡆ ࡌࡍ ࡒࡅࡋࡀࡎࡕࡀ ࡖ ࡓࡁࡀ ࡅࡓࡀࡌࡀ ࡅࡉࡀࡒࡉࡓࡀ ࡂࡀࡍࡆࡉࡁࡓࡀ ࡖ ࡁࡄࡉࡓ ࡌࡍ ࡊࡅࡋࡄࡅࡍ ࡌࡅࡌࡉࡀ ࡖ ࡄࡅ ࡓࡁࡀࡉ ࡌࡄࡀࡕࡀࡌ ࡁࡀࡉࡀࡍ ࡁࡓ ࡆࡀࡊࡉࡀ ࡔࡉࡕࡋࡀࡍ ࡁࡓ ࡎࡀࡌ ࡉࡅࡄࡀࡍࡀ ࡁࡓ ࡎࡀࡓࡅࡀࡍ ࡁࡀࡄࡓࡀࡍ ࡁࡓ ࡀࡃࡀࡌ ࡁࡀࡊࡕࡉࡀࡓ ࡁࡓ ࡎࡀࡌ ࡁࡀࡄࡓࡀࡍ ࡁࡓ ࡉࡀࡄࡉࡀ ࡁࡓ ࡆࡀࡊࡉࡀ ࡊࡉࡍࡉࡀࡍࡇ ࡌࡍ ࡁࡍࡉࡀ ࡆࡀࡊࡉࡀ ࡁࡓࡇ ࡖ ࡉࡅࡄࡀࡍࡀ ࡅࡋࡀࡒࡀࡁ ࡁࡄࡀࡉࡉࡓ ࡌࡍ ࡒࡅࡋࡀࡎࡕࡀ ࡖ ࡓࡁࡀ ࡅࡓࡀࡌࡀ ࡅࡉࡀࡒࡉࡓࡀ ࡓࡁࡀࡉ ࡁࡉࡄࡓࡀࡌ ࡁࡓ ࡄࡉࡉࡀ ࡁࡓ ࡀࡃࡀࡌ ࡆࡀࡊࡉࡀ ࡁࡓ ࡁࡓ ࡄࡉࡉࡀ ࡁࡓ ࡁࡀࡊࡕࡉࡀࡓ ࡊࡉࡍࡉࡀࡍࡇ ࡊࡅࡄࡉࡋࡉࡀ ࡅࡓࡁࡇ ࡀࡍࡎࡀ ࡌࡍ ࡒࡅࡋࡀࡎࡕࡀ ࡖ ࡉࡀࡄࡉࡀ ࡁࡓ ࡀࡃࡀࡌ ࡁࡓ ࡎࡀࡌ ࡁࡓ ࡆࡀࡊࡉࡀ ࡆࡉࡄࡓࡅࡍ ࡊࡉࡍࡉࡀࡍࡇ (ࡀyࡉࡍ)ࡀࡎࡉࡊࡉࡓ ࡖ ࡀࡍࡎࡀࡋࡇ ࡌࡍ ࡒࡅࡋࡀࡎࡕࡀ ࡖ ࡀࡍࡎࡀ ࡋࡍࡀࡐࡔࡉࡇ (ࡀyࡉࡍ)ࡀࡌࡅࡉࡉࡇ ࡁࡉࡄࡓࡀࡌ ࡁࡓ ࡄࡉࡉࡀ ࡁࡓ ࡆࡀࡊࡉࡀ ࡊࡅࡄࡉࡋࡉࡀ ࡖ ࡀࡍࡎࡀ ࡋࡍࡀࡐࡔࡉࡇ ࡌࡍ ࡒࡅࡋࡀࡎࡕࡀ ࡖ ࡓࡁࡀ ࡅࡓࡀࡌࡀ ࡅࡉࡀࡒࡉࡓࡀ ࡂࡀࡍࡆࡉࡁࡓࡀ ࡁࡄࡉࡓࡀ ࡖ ࡁࡉࡄࡓࡅࡉࡀ ࡄࡉࡉࡀ ࡒࡀࡃࡌࡀࡉࡉࡀ ࡓࡁࡀࡉ ࡌࡄࡀࡕࡀࡌ ࡁࡓ ࡄࡉࡉࡀ ࡁࡓ ࡁࡀࡊࡕࡉࡀࡓ ࡁࡓ ࡀࡃࡀࡌ ࡁࡉࡄࡓࡀࡌ ࡊࡉࡍࡉࡀࡍࡇ ࡊࡅࡄࡉࡋࡉࡀ ࡔࡁࡉࡒࡋࡇ ࡌࡀࡍࡃࡀ ࡖ ࡄࡉࡉࡀ ࡄࡀࡈࡀࡉࡉࡇ ࡖ ࡀࡍࡎࡀ ࡌࡍ ࡒࡅࡋࡀࡎࡕࡀ ࡖ ࡀࡍࡎࡀ ࡋࡍࡀࡐࡔࡉࡇ (ࡀyࡉࡍ)ࡀࡌࡅࡉࡉࡇ ࡓࡁࡀࡉ ࡌࡄࡀࡕࡀࡌ ࡆࡉࡄࡓࡅࡍ ࡁࡓ ࡄࡉࡉࡀ ࡁࡓ ࡁࡀࡊࡕࡉࡀࡓ ࡊࡉࡍࡉࡀࡍࡇ ࡊࡅࡄࡉࡋࡉࡀ ࡌࡍ ࡒࡅࡋࡀࡎࡕࡀ ࡖ ࡓࡁࡀࡉ ࡓࡀࡌ ࡁࡀࡉࡀࡍ ࡁࡓ ࡓࡁࡀࡉ ࡎࡀࡌ ࡁࡓ ࡌࡄࡀࡕࡀࡌ ࡊࡉࡍࡉࡀࡍࡇ ࡃࡀࡅࡃࡀࡍࡉࡀ ࡖ ࡀࡍࡎࡀࡋࡇ ࡓࡁࡀࡉ ࡎࡀࡌ ࡐࡀࡉࡉࡔ ࡁࡓ ࡁࡀࡊࡕࡉࡀࡓ ࡁࡓ ࡎࡀࡌ ࡊࡉࡍࡉࡀࡍࡇ ࡕࡅࡕࡅ ࡖ ࡄࡅࡀࡕ ࡔࡊࡉࡍࡀ ࡁࡂࡉࡍࡆࡀ ࡖ ࡓࡁࡀࡉ ࡀࡃࡀࡌ ࡉࡅࡄࡀࡍࡀ ࡁࡓ ࡎࡀࡌ ࡃࡀࡅࡃࡀࡍࡉࡀ ࡌࡍ ࡒࡅࡋࡀࡎࡕࡀ ࡖ ࡓࡁࡀࡉ ࡁࡉࡄࡓࡀࡌ ࡁࡓ ࡁࡉࡄࡓࡀࡍ ࡉࡀࡄࡉࡀ ࡔࡀࡉࡀࡓ ࡊࡉࡍࡉࡀࡍࡇ ࡕࡅࡕࡅ ࡖ ࡀࡍࡎࡀ ࡋࡍࡀࡐࡔࡉࡇ ࡌࡍ ࡒࡅࡋࡀࡎࡕࡀ ࡖ ࡓࡁࡀࡉ ࡎࡀࡌ ࡁࡉࡄࡓࡀࡌ ࡁࡓ ࡁࡉࡄࡓࡀࡍ ࡂࡀࡃࡀࡍࡀ ࡖ ࡀࡍࡎࡀࡋࡇ ࡓࡁࡀࡉ ࡆࡉࡄࡓࡅࡍ ࡁࡀࡊࡕࡉࡀࡓ ࡁࡓ ࡀࡃࡀࡌ ࡏࡒࡀࡉࡀࡌ ࡁࡓ ࡎࡀࡓࡅࡀࡍ ࡈࡓࡅࡔࡀ ࡖ ࡀࡍࡎࡀࡋࡇ ࡖ ࡌࡍ ࡒࡅࡋࡀࡎࡕࡀ ࡖ ࡀࡍࡎࡀ ࡋࡍࡀࡐࡔࡉࡇ ࡖ ࡀࡍࡎࡀࡋࡇ ࡓࡁࡀࡉ ࡀࡃࡀࡌ ࡆࡉࡄࡓࡅࡍ ࡁࡓ ࡉࡀࡄࡉࡀ ࡉࡅࡄࡀࡍࡀ ࡁࡓ ࡁࡉࡄࡃࡀࡃ ࡁࡓ ࡀࡍࡅࡔ ࡌ(ࡀyࡉࡍ)ࡀࡉࡋࡉࡀ ࡖ ࡀࡍࡎࡀࡋࡇ ࡌࡍ ࡒࡅࡋࡀࡎࡕࡀ ࡖ ࡀࡍࡎࡀ ࡋࡍࡀࡐࡔࡉࡇ ࡌࡍ ࡒࡅࡋࡀࡎࡕࡀ ࡖ ࡓࡁࡀࡉ ࡁࡉࡄࡓࡀࡌ ࡁࡀࡉࡀࡍ ࡁࡓ ࡉࡀࡄࡉࡀ ࡁࡀࡆ ࡖ ࡀࡍࡎࡀࡋࡇ ࡔࡅࡀࡋࡉࡉࡇ ࡁࡅࡊࡓࡀ ࡖ ࡄࡅ ࡀࡄࡅࡉࡀ ࡖ ࡀࡁࡅࡉࡀ ࡁࡉࡄࡓࡀࡌ ࡁࡀࡉࡀࡍ ࡁࡓ ࡉࡀࡄࡉࡀ ࡁࡀࡆ ࡖ ࡀࡍࡎࡀࡋࡇ ࡌࡍ ࡒࡅࡋࡀࡎࡕࡀ ࡖ ࡍࡀࡐࡔࡉࡇ ࡖ ࡀࡍࡎࡀ ࡌࡍ ࡒࡅࡋࡀࡎࡕࡀ ࡖ ࡓࡅࡆࡁࡀ ࡁࡅࡋࡁࡅࡋ ࡁࡓ ࡁࡉࡄࡓࡀࡌ ࡖ ࡀࡍࡎࡀࡋࡇ ࡀࡃࡀࡌ ࡆࡉࡄࡓࡅࡍ ࡁࡓ ࡉࡀࡄࡉࡀ ࡉࡅࡄࡀࡍࡀ ࡁࡉࡄࡃࡀࡃ ࡁࡓ ࡀࡍࡅࡔ ࡌ(ࡀyࡉࡍ)ࡀࡉࡋࡉࡀ ࡅࡀࡃࡀࡌ ࡆࡉࡄࡓࡅࡍ ࡀࡍࡎࡀࡋࡇ ࡋࡔࡅࡀࡋࡉࡉࡇ ࡀࡃࡀࡌ ࡁࡓ ࡉࡀࡄࡉࡀ ࡎࡀࡌ ࡐࡀࡉࡉࡔ ࡖ ࡀࡍࡎࡀ ࡌࡍ ࡒࡅࡋࡀࡎࡕࡀ ࡖ ࡀࡃࡀࡌ ࡆࡉࡄࡓࡅࡍ ࡁࡓ ࡉࡀࡄࡉࡀ ࡉࡅࡄࡀࡍࡀ ࡁࡉࡄࡃࡀࡃ ࡁࡓ ࡀࡍࡅࡔ ࡌ(ࡀyࡉࡍ)ࡀࡉࡋࡉࡀ ࡅࡀࡃࡀࡌ ࡆࡉࡄࡓࡅࡍ ࡀࡍࡎࡀ ࡋࡍࡀࡐࡔࡉࡇ ࡆࡉࡁࡍࡀ ࡕࡉࡍࡉࡀࡍࡀ ࡖ ࡀࡍࡎࡀ ࡌࡍ ࡒࡅࡋࡀࡎࡕࡀ ࡖ ࡀࡁࡅࡉࡀ ࡉࡀࡄࡉࡀ ࡉࡅࡄࡀࡍࡀ ࡁࡉࡄࡃࡀࡃ ࡁࡓ ࡀࡍࡅࡔ ࡌ(ࡀyࡉࡍ)ࡀࡉࡋࡉࡀ ࡅࡉࡀࡄࡉࡀ ࡉࡅࡄࡀࡍࡀ ࡁࡉࡄࡃࡀࡃ ࡀࡍࡎࡀࡋࡇ ࡋࡆࡉࡄࡓࡅࡍ ࡁࡓ ࡁࡉࡄࡃࡀࡃ ࡖ ࡀࡍࡎࡀࡋࡇ ࡆࡀࡊࡉࡀ ࡁࡓ ࡉࡅࡄࡀࡍࡀ ࡖ ࡀࡍࡎࡀࡋࡇ ࡋࡎࡀࡌ ࡅࡀࡍࡅࡔ ࡁࡍࡉࡀ ࡁࡓ ࡄࡉࡉࡀ ࡖ ࡀࡍࡎࡀ ࡌࡍ ࡒࡅࡋࡀࡎࡕࡀ ࡖ ࡀࡍࡎࡀࡋࡇ ࡋࡔࡅࡀࡋࡉࡉࡇ ࡌࡄࡀࡌࡀࡌ ࡁࡅࡋࡁࡅࡋ ࡁࡓ ࡁࡓ ࡄࡉࡉࡀ ࡌࡍ ࡒࡅࡋࡀࡎࡕࡀ ࡖ ࡀࡍࡎࡀࡋࡇ ࡀࡍࡅࡔ ࡌ(ࡀyࡉࡍ)ࡀࡉࡋࡉࡀ ࡁࡓ ࡁࡉࡄࡃࡉࡃ ࡆࡀࡊࡉࡀ ࡁࡓ ࡆࡉࡄࡓࡅࡍ ࡖ ࡀࡍࡎࡀ ࡌࡍ ࡊࡃࡀࡁࡉࡀ ࡏࡃࡀ ࡖ ࡀࡁࡅࡉࡀ ࡀࡍࡅࡔ ࡌ(ࡀyࡉࡍ)ࡀࡉࡋࡉࡀ ࡁࡓ ࡀࡍࡅࡔ ࡁࡉࡄࡃࡀࡃ ࡖ ࡀࡍࡎࡀ ࡍࡀࡐࡔࡉࡇ ࡆࡉࡁࡍࡀ ࡕࡉࡍࡉࡀࡍࡀ ࡖ ࡀࡍࡎࡀ ࡌࡍ ࡒࡅࡋࡀࡎࡕࡀ ࡖ ࡄࡉࡁࡉࡋ ࡁࡓ ࡉࡀࡄࡉࡀ ࡁࡓ ࡎࡀࡌ ࡎࡀࡉࡅࡉࡀ ࡌࡍ ࡊࡃࡀࡁࡀ ࡏࡃࡀ ࡖ ࡁࡀࡉࡀࡍ ࡁࡓ ࡆࡀࡊࡉࡀ ࡏࡌࡇ ࡄࡀࡉࡅࡍࡀ ࡐࡕ ࡉࡀࡄࡉࡀ ࡖ ࡀࡍࡎࡀ ࡌࡍ ࡂࡉࡍࡆࡀ ࡖ ࡔࡊࡉࡍ ࡋࡅࡀࡕࡅࡍ ࡌࡍ ࡈࡉࡁ ࡌࡀࡕࡀ ࡅࡓࡀࡌࡅࡉࡀ ࡁࡓ ࡏࡒࡀࡉࡌࡀࡕ ࡀࡓࡃࡉࡊࡋࡀ ࡁࡂࡀࡅࡇ ࡄࡅࡀ ࡅࡓࡀࡌࡅࡉࡀ ࡀࡍࡎࡀ ࡌࡍ ࡔࡂࡀࡍࡃࡀ ࡅࡔࡂࡀࡍࡃࡀ ࡀࡍࡎࡀ ࡌࡍ ࡆࡀࡆࡀࡉ ࡖ ࡂࡀࡅࡀࡆࡕࡀ ࡁࡓ ࡄࡀࡅࡀ ࡅࡔࡅࡌࡇ ࡖ ࡀࡁࡅࡉࡀ ࡍࡀࡈࡀࡓ ࡅࡆࡀࡆࡀࡉ ࡀࡍࡎࡀ ࡌࡍ ࡔࡀࡐࡕࡀ ࡖ ࡄࡉࡉࡀ ࡒࡀࡃࡌࡀࡉࡉࡀ ࡅࡄࡉࡉࡀ ࡄࡃࡅࡍ ࡋࡀࡋࡀࡌ ࡀࡋࡌࡉࡀ ࡅࡄࡉࡉࡀ ࡆࡀࡊࡉࡍ ࡋࡊࡅࡋࡄࡅࡍ ࡏࡅࡁࡀࡃࡉࡀ ࡅࡆࡀࡊࡉࡀ ࡌࡀࡍࡃࡀ ࡖ ࡄࡉࡉࡀ ࡅࡃࡉࡀࡅࡓࡇ ࡎࡀ ࡎࡀ

170. ࡈࡀࡁ ࡈࡀࡁࡀ ࡋࡈࡀࡁࡉࡀ ࡅࡕࡓࡉࡑ ࡊࡉࡍࡉࡀࡍࡀ ࡋࡓࡀࡄࡌࡉࡀ ࡔࡅࡌࡉࡀ ࡍࡉࡁࡉࡀ ࡅࡍࡀࡔࡊࡀ ࡅࡍࡉࡌࡀࡓ ࡅࡍࡉࡔࡕࡌࡀ ࡁࡉࡍ ࡅࡀࡔࡊࡀࡍࡉࡍ ࡅࡀࡌࡀࡓࡍࡉࡍ ࡅࡀࡔࡕࡀࡌࡉࡍࡉࡍ ࡌࡍ ࡒࡅࡃࡀࡌࡀࡊ ࡃࡉࡋࡀࡊ ࡌࡀࡃࡀࡉ ࡌࡀࡍࡃࡀ ࡖ ࡄࡉࡉࡀ ࡌࡀࡓࡀࡉࡄࡅࡍ ࡖ ࡀࡎࡀࡅࡀࡕࡀ ࡔࡁࡅࡒࡋࡇ ࡄࡀࡈࡀࡉࡉࡀ ࡅࡄࡀࡅࡁࡇ ࡅࡀࡎࡊࡉࡋࡀࡕࡇ ࡅࡕࡉࡒࡋࡀࡕࡇ ࡅࡔࡀࡁࡀࡔࡀࡕࡇ ࡅࡋࡌࡀࡍ ࡖ ࡄࡀࡆࡉࡍ ࡋࡄࡀࡌࡀ ࡅࡌࡀࡎࡉࡒࡕࡀ ࡅࡈࡀࡁࡅࡕࡀ ࡀࡁࡀࡃ ࡄࡀࡈࡀࡉࡉࡀ ࡅࡄࡀࡅࡁࡉࡀ ࡅࡎࡊࡉࡋࡀࡕࡇ ࡅࡕࡉࡒࡋࡀࡕࡇ ࡅࡔࡀࡁࡀࡔࡀࡕࡇ ࡍࡉࡔࡁࡅࡒࡋࡇ ࡌࡀࡓࡀࡉ ࡌࡀࡍࡃࡀ ࡖ ࡄࡉࡉࡀ ࡅࡄࡉࡉࡀ ࡓࡁࡉࡀ ࡒࡀࡓࡌࡀࡉࡉࡀ ࡅࡋࡌࡀࡓࡀࡉ ࡖ ࡀࡂࡓࡀ ࡅࡆࡉࡃࡒࡀ ࡅࡔࡀࡁࡉࡒ ࡄࡀࡈࡀࡉࡉࡀ ࡍࡉࡄࡅࡉࡋࡉࡀ .. ࡀࡁࡀࡄࡀࡕࡀࡍ ࡒࡀࡃࡌࡀࡉࡉࡀ ࡔࡀࡁࡉࡒ ࡄࡀࡈࡀࡉࡉࡀ ࡍࡉࡄࡅࡉࡋࡅࡍ .. ࡉࡅࡔࡀࡌࡉࡍ ࡁࡓ ࡃࡌࡅࡕ ࡄࡉࡉࡀ ࡔࡀࡁࡉࡒ ࡄࡀࡈࡀࡉࡉࡀ ࡍࡉࡄࡅࡉࡋࡇ . ࡀࡁࡀࡕࡅࡓ ࡁࡓ ࡁࡉࡄࡓࡀࡕ ࡔࡀࡁࡉࡒ ࡄࡀࡈࡀࡉࡉࡀ ࡍࡉࡄࡅࡉࡋࡇ . ࡄࡀࡁࡔࡀࡁࡀ ࡅࡊࡀࡍࡀ ࡖ ࡆࡉࡃࡒࡀ ࡔࡀࡁࡉࡒ ࡄࡀࡈࡀࡉࡉࡀ ࡍࡉࡄࡅࡉࡋࡅࡍ ࡍࡉࡄࡅࡉࡋࡅࡍ . ࡎࡓࡉࡍ ࡅࡀࡓࡁࡀ ࡏࡅࡕࡓࡉࡀ ࡁࡍࡉࡀ ࡍࡄࡅࡓࡀ ࡔࡀࡁࡉࡒ ࡄࡀࡈࡀࡉࡉࡀ ࡍࡉࡄࡅࡉࡋࡅࡍ . ࡐࡕࡀࡄࡉࡋ ࡁࡓ ࡆࡀࡄࡓࡏࡉࡋ ࡔࡀࡁࡉࡒ ࡄࡀࡈࡀࡉࡉࡀ ࡍࡉࡄࡅࡉࡋࡇ ࡀࡃࡀࡌ ࡁࡓ ࡒࡉࡍ ࡅࡄࡀࡅࡀ ࡆࡀࡅࡇ ࡔࡀࡁࡉࡒ ࡄࡀࡈࡀࡉࡉࡀ ࡍࡉࡄࡅࡉࡋࡅࡍ . ࡔࡉࡕࡉࡋ ࡁࡓ ࡀࡃࡀࡌ ࡔࡀࡁࡉࡒ ࡄࡀࡈࡀࡉࡉࡀ ࡍࡉࡄࡅࡉࡋࡇ . ࡓࡀࡌ ࡅࡓࡅࡃ ࡔࡀࡁࡉࡒ ࡄࡀࡈࡀࡉࡉࡀ ࡍࡉࡄࡅࡉࡋࡅࡍ . ࡔࡅࡓࡁࡀࡉ ࡅࡔࡀࡓࡄࡀࡁࡏࡉࡋ ࡔࡀࡁࡉࡒ ࡄࡀࡈࡀࡉࡉࡀ ࡍࡉࡄࡅࡉࡋࡅࡍ . ࡔࡅࡌ ࡁࡓ ࡍࡅ ࡅࡍࡅࡓࡀࡉࡕࡀ ࡆࡀࡅࡇ ࡔࡀࡁࡉࡒ ࡄࡀࡈࡀࡉࡉࡀ ࡍࡉࡄࡅࡉࡋࡅࡍ . ࡉࡀࡄࡉࡀ ࡉࡅࡄࡀࡍࡀ ࡁࡓ ࡏࡍࡉࡔࡁࡀࡉ ࡒࡉࡍࡕࡀ ࡅࡀࡍࡄࡀࡓ ࡆࡀࡅࡇ ࡔࡀࡁࡉࡒ ࡄࡀࡈࡀࡉࡉࡀ ࡍࡉࡄࡅࡉࡋࡅࡍ . ࡄࡀࡋࡉࡍ ࡕࡋࡀࡕࡌࡀ ࡅࡔࡉࡕࡉࡍ ࡅࡄࡀࡌࡔࡀ ࡕࡀࡓࡌࡉࡃࡉࡀ ࡖ ࡐࡓࡉࡔࡉࡅࡍ ࡌࡍ ࡌࡀࡕࡀ ࡖ ࡏࡅࡓࡀࡔࡋࡀࡌ ࡌࡃࡉࡍࡕࡀ ࡔࡀࡁࡉࡒ ࡄࡀࡈࡀࡉࡉࡀ ࡍࡉࡄࡅࡉࡋࡅࡍ . ࡅࡊࡅࡋࡄࡅࡍ ࡍࡉࡔࡌࡀࡕࡀ ࡖ ࡀࡁࡀࡄࡀࡕࡀࡍ ࡈࡀࡁࡉࡀ ࡔࡀࡁࡉࡒ ࡄࡀࡈࡀࡉࡉࡀ ࡍࡉࡄࡅࡉࡋࡅࡍ .. ࡅࡋࡄࡀࡆࡀ ࡍࡉࡔࡉࡌࡕࡀࡉ ࡃࡉࡋࡉࡀ ࡖ ࡄࡀࡆࡀ ࡁࡅࡕࡀ ࡅࡓࡀࡄࡌࡉࡀ ࡁࡉࡕ ࡔࡀࡁࡉࡒ ࡄࡀࡈࡀࡉࡉࡀ ࡍࡉࡄࡅࡉࡋࡀࡉ . ࡍࡉࡔࡉࡌࡕࡀ ࡖ ࡀࡁ ࡔࡀࡁࡉࡒ ࡄࡀࡈࡀࡉࡉࡀ ࡍࡉࡄࡅࡉࡋࡉࡀ . ࡍࡉࡔࡉࡌࡕࡀ ࡖ ࡏࡌ ࡔࡀࡁࡉࡒ ࡄࡀࡈࡀࡉࡉࡀ ࡍࡉࡄࡅࡉࡋࡀ . ࡍࡉࡔࡉࡌࡕࡀ ࡖ ࡓࡁࡀࡉ ࡔࡀࡁࡉࡒ ࡄࡀࡈࡀࡉࡉࡀ ࡍࡉࡄࡅࡉࡋࡇ . ࡍࡉࡔࡉࡌࡕࡀ ࡖ ࡆࡀࡅࡀࡉ ࡔࡀࡁࡉࡒ ࡄࡀࡈࡀࡉࡉࡀ ࡍࡉࡄࡅࡉࡋࡀ . ࡍࡉࡔࡌࡀࡕࡀ ࡖ ࡔࡉࡕࡋࡀࡉ ࡔࡀࡁࡉࡒ ࡄࡀࡈࡀࡉࡉࡀ ࡍࡉࡄࡅࡉࡋࡅࡍ . ࡍࡉࡔࡌࡀࡕࡀ ࡖ ࡀࡄࡀࡉ ࡔࡀࡁࡉࡒ ࡄࡀࡈࡀࡉࡉࡀ ࡍࡉࡄࡅࡉࡋࡅࡍ .. ࡍࡉࡔࡌࡀࡕࡀ ࡖ ࡌࡀࡍࡃࡀࡉࡉࡀ ࡔࡀࡁࡉࡒ ࡄࡀࡈࡀࡉࡉࡀ ࡍࡉࡄࡅࡉࡋࡇ ࡔࡀࡁࡉࡒ ࡄࡀࡈࡀࡉࡉࡀ ࡍࡉࡄࡅࡉࡋࡇ . ࡔࡀࡁࡉࡒ ࡄࡀࡈࡀࡉࡉࡀ ࡍࡉࡄࡅࡉࡋࡀ . ࡔࡀࡁࡉࡒ ࡄࡀࡈࡀࡉࡉࡀ ࡍࡉࡄࡅࡉࡋࡀ . ࡔࡀࡁࡉࡒ ࡄࡀࡈࡀࡉࡉࡀ ࡍࡉࡄࡅࡉࡋࡇ . ࡔࡀࡁࡉࡒ ࡄࡀࡈࡀࡉࡉࡀ ࡍࡉࡄࡅࡉࡋࡅࡍ . ࡅࡊࡅࡋࡄࡅࡍ ࡍࡉࡔࡌࡀࡕࡀ ࡖ ࡀࡁࡀࡄࡀࡕࡀࡍ ࡈࡀࡁࡉࡀ ࡔࡀࡁࡉࡒ ࡄࡀࡈࡀࡉࡉࡀ ࡍࡉࡄࡅࡉࡋࡅࡍ . ࡅࡋࡄࡀࡆࡀ ࡍࡉࡔࡌࡕࡀࡉ ࡃࡉࡋࡉࡀ ࡖ ࡄࡀࡆࡀ ࡁࡅࡕࡀ ࡅࡓࡀࡄࡌࡉࡀ ࡁࡉࡕ ࡔࡀࡁࡉࡒ ࡄࡀࡈࡀࡉࡉࡀ ࡍࡉࡄࡅࡉࡋࡀࡉ . ࡍࡉࡔࡉࡌࡕࡀ ࡖ ࡓࡁࡀࡉ ࡔࡀࡁࡉࡒ ࡄࡀࡈࡀࡉࡉࡀ ࡍࡉࡄࡅࡉࡋࡇ .. ࡍࡉࡔࡌࡀࡕࡀ ࡖ ࡕࡀࡓࡌࡉࡃࡉࡀ ࡀࡃࡀࡌ ࡆࡉࡄࡓࡅࡍ ࡁࡓ ࡌࡀࡌࡀࡍࡉࡀ ࡔࡀࡁࡉࡒ ࡄࡀࡈࡀࡉࡉࡀ ࡍࡉࡄࡅࡉࡋࡉࡀ . ࡉࡀࡄࡉࡀ ࡀࡍࡅࡔ ࡁࡓ ࡌࡀࡋࡉࡄࡀ ࡔࡀࡁࡉࡒ ࡄࡀࡈࡀࡉࡉࡀ ࡍࡉࡄࡅࡉࡋࡇ . ࡉࡀࡄࡉࡀ ࡓࡀࡌ ࡆࡉࡄࡓࡅࡍ ࡁࡓ ࡄࡀࡅࡀ ࡎࡉࡌࡀࡕ ࡔࡀࡁࡉࡒ ࡄࡀࡈࡀࡉࡉࡀ ࡍࡉࡄࡅࡉࡋࡇ . ࡉࡀࡄࡉࡀ ࡆࡉࡄࡓࡅࡍ ࡁࡓ ࡌࡅࡃࡀࡋࡀࡋ ࡔࡀࡁࡉࡒ ࡄࡀࡈࡀࡉࡉࡀ ࡍࡉࡄࡅࡉࡋࡇ . ࡎࡀࡌ ࡁࡉࡄࡓࡀࡌ ࡁࡓ ࡌࡅࡃࡀࡋࡀࡋ ࡔࡀࡁࡉࡒ ࡄࡀࡈࡀࡉࡉࡀ ࡍࡉࡄࡅࡉࡋࡉࡀ . ࡅࡊࡅࡋࡄࡅࡍ ࡍࡉࡔࡌࡀࡕࡀ ࡖ ࡀࡁࡀࡄࡀࡕࡀࡍ ࡈࡀࡁࡉࡀ ࡔࡀࡁࡉࡒ ࡄࡀࡈࡀࡉࡉࡀ ࡍࡉࡄࡅࡉࡋࡅࡍ . ࡅࡋࡄࡀࡆࡀ ࡍࡉࡔࡉࡌࡕࡀࡉ ࡃࡉࡋࡉࡀ ࡖ ࡄࡀࡆࡀ ࡁࡅࡕࡀ ࡅࡓࡀࡄࡌࡉࡀ ࡁࡉࡕ ࡔࡀࡁࡉࡒ ࡄࡀࡈࡀࡉࡉࡀ ࡍࡉࡄࡅࡉࡋࡀࡉ . ࡍࡉࡔࡉࡌࡕࡀ ࡖ ࡓࡁࡀࡉ ࡔࡀࡁࡉࡒ ࡄࡀࡈࡀࡉࡉࡀ ࡍࡉࡄࡅࡉࡋࡉࡀ .. ࡍࡉࡔࡌࡀࡕࡀ ࡖ ࡂࡀࡍࡆࡉࡁࡓࡉࡀ ࡉࡀࡄࡉࡀ ࡉࡅࡄࡀࡍࡀ ࡁࡓ ࡄࡀࡅࡀ ࡎࡉࡌࡀࡕ ࡔࡀࡁࡉࡒ ࡄࡀࡈࡀࡉࡉࡀ ࡍࡉࡄࡅࡉࡋࡉࡀ . ࡆࡉࡄࡓࡅࡍ ࡁࡓ ࡎࡉࡌࡀࡕ ࡔࡀࡁࡉࡒ ࡄࡀࡈࡀࡉࡉࡀ ࡍࡉࡄࡅࡉࡋࡉࡀ . ࡎࡀࡌ ࡁࡉࡄࡓࡀࡌ ࡁࡓ ࡎࡉࡌࡀࡕ ࡔࡀࡁࡉࡒ ࡄࡀࡈࡀࡉࡉࡀ ࡍࡉࡄࡅࡉࡋࡉࡀ . ࡁࡉࡄࡓࡀࡌ ࡔࡉࡕࡉࡋ ࡁࡓ ࡔࡀࡓࡀࡕ ࡔࡀࡁࡉࡒ ࡄࡀࡈࡀࡉࡉࡀ ࡍࡉࡄࡅࡉࡋࡉࡀ . ࡆࡉࡄࡓࡅࡍ ࡁࡓ ࡌࡀࡋࡉࡄࡀ ࡔࡀࡁࡉࡒ ࡄࡀࡈࡀࡉࡉࡀ ࡍࡉࡄࡅࡉࡋࡇ . ࡀࡃࡀࡌ ࡁࡓ ࡔࡀࡃࡉࡀ ࡌࡀࡋࡉࡄࡀ ࡔࡀࡁࡉࡒ ࡄࡀࡈࡀࡉࡉࡀ ࡍࡉࡄࡅࡉࡋࡉࡀ . ࡉࡀࡄࡉࡀ ࡁࡀࡉࡀࡍ ࡅࡉࡀࡄࡉࡀ ࡁࡉࡄࡓࡀࡌ ࡁࡍࡉࡀ ࡄࡀࡅࡀ ࡌࡀࡌࡀࡍࡉࡀ ࡔࡀࡁࡉࡒ ࡄࡀࡈࡀࡉࡉࡀ ࡍࡉࡄࡅࡉࡋࡅࡍ . ࡓࡀࡌ ࡉࡅࡄࡀࡍࡀ ࡁࡓ ࡌࡀࡌࡀࡍࡉࡀ ࡔࡀࡁࡉࡒ ࡄࡀࡈࡀࡉࡉࡀ ࡍࡉࡄࡅࡉࡋࡉࡀ . ࡁࡀࡉࡀࡍ ࡆࡀࡍࡂࡉࡀ ࡁࡓ ࡀࡍࡄࡀࡓ ࡎࡉࡌࡀࡕ ࡔࡀࡁࡉࡒ ࡄࡀࡈࡀࡉࡉࡀ ࡍࡉࡄࡅࡉࡋࡉࡀ . ࡎࡀࡌ ࡎࡀࡉࡅࡉࡀ ࡁࡓ ࡔࡀࡓࡀࡕ ࡔࡀࡁࡉࡒ ࡄࡀࡈࡀࡉࡉࡀ ࡍࡉࡄࡅࡉࡋࡉࡀ . ࡁࡉࡄࡓࡀࡌ ࡁࡓ ࡌࡀࡃࡉࡍࡀࡕ ࡔࡀࡁࡉࡒ ࡄࡀࡈࡀࡉࡉࡀ ࡍࡉࡄࡅࡉࡋࡉࡀ . ࡉࡀࡄࡉࡀ ࡁࡓ ࡀࡍࡄࡀࡓ ࡆࡉࡅࡀ ࡔࡀࡁࡉࡒ ࡄࡀࡈࡀࡉࡉࡀ ࡍࡉࡄࡅࡉࡋࡉࡀ . ࡓࡀࡌ ࡎࡉࡍࡃࡀࡍ ࡅࡔࡀࡃࡉࡀ ࡔࡀࡓࡀࡕ ࡁࡍࡉࡀ ࡄࡀࡅࡀ ࡔࡀࡁࡉࡒ ࡄࡀࡈࡀࡉࡉࡀ ࡍࡉࡄࡅࡉࡋࡅࡍ . ࡀࡍࡅࡔ ࡁࡓ ࡁࡅࡓࡀࡍ ࡔࡀࡁࡉࡒ ࡄࡀࡈࡀࡉࡉࡀ ࡍࡉࡄࡅࡉࡋࡉࡀ . ࡄࡀࡅࡀ ࡐࡕ ࡃࡀࡉࡀ ࡔࡀࡁࡉࡒ ࡄࡀࡈࡀࡉࡉࡀ ࡍࡉࡄࡅࡉࡋࡀ . ࡀࡍࡄࡀࡓ ࡊࡅࡌࡓࡀࡉࡕࡀ ࡐࡕ ࡎࡉࡌࡀࡕ ࡔࡀࡁࡉࡒ ࡄࡀࡈࡀࡉࡉࡀ ࡍࡉࡄࡅࡉࡋࡀ . ࡉࡀࡄࡉࡀ ࡓࡀࡌࡅࡉࡀ ࡁࡓ ࡓࡀࡌࡅࡉࡀ ࡔࡀࡁࡉࡒ ࡄࡀࡈࡀࡉࡉࡀ ࡍࡉࡄࡅࡉࡋࡉࡀ . ࡎࡀࡌ ࡁࡉࡄࡓࡀࡌ ࡁࡓ ࡌࡅࡓࡀࡋࡀࡋ ࡔࡀࡁࡉࡒ ࡄࡀࡈࡀࡉࡉࡀ ࡍࡉࡄࡅࡉࡋࡉࡀ . ࡀࡃࡀࡌ ࡁࡉࡄࡓࡀࡌ ࡁࡓ ࡃࡉࡄࡂࡉࡍ ࡔࡀࡁࡉࡒ ࡄࡀࡈࡀࡉࡉࡀ ࡍࡉࡄࡅࡉࡋࡉࡀ . ࡀࡃࡀࡌ ࡁࡓ ࡄࡉࡉࡀ ࡁࡓ ࡎࡉࡌࡀࡕ ࡄࡉࡉࡀ ࡔࡀࡁࡉࡒ ࡄࡀࡈࡀࡉࡉࡀ ࡍࡉࡄࡅࡉࡋࡉࡀ . ࡁࡓࡉࡊ ࡉࡀࡅࡀࡓ ࡁࡓ ࡁࡅࡓࡀࡍ ࡔࡀࡁࡉࡒ ࡄࡀࡈࡀࡉࡉࡀ ࡍࡉࡄࡅࡉࡋࡉࡀ . ࡁࡉࡄࡓࡀࡌ ࡁࡅࡎࡄࡀࡒ ࡁࡓ ࡄࡀࡅࡀ ࡔࡀࡁࡉࡒ ࡄࡀࡈࡀࡉࡉࡀ ࡍࡉࡄࡅࡉࡋࡉࡀ . ࡔࡀࡁࡅࡓ ࡁࡓ ࡃࡅࡊࡕ ࡔࡀࡁࡉࡒ ࡄࡀࡈࡀࡉࡉࡀ ࡍࡉࡄࡅࡉࡋࡉࡀ . ࡌࡄࡀࡕࡀࡌ ࡅࡔࡉࡕࡋࡀࡍ ࡁࡍࡉࡀ ࡄࡀࡉࡅࡍࡀ ࡔࡀࡁࡉࡒ ࡄࡀࡈࡀࡉࡉࡀ ࡍࡉࡄࡅࡉࡋࡅࡍ . ࡀࡍࡅࡔ ࡁࡓ ࡌࡉࡄࡓࡉࡀ ࡆࡀࡃ ࡔࡀࡁࡉࡒ ࡄࡀࡈࡀࡉࡉࡀ ࡍࡉࡄࡅࡉࡋࡉࡀ . ࡔࡀࡉࡀࡓ ࡆࡉࡅࡀ ࡅࡔࡀࡁࡅࡓ ࡁࡓ ࡌࡀࡍࡉࡀ ࡊࡀࡉࡆࡀࡓࡏࡉࡉࡋ ࡔࡀࡁࡉࡒ ࡄࡀࡈࡀࡉࡉࡀ ࡍࡉࡄࡅࡉࡋࡉࡀ . ࡄࡅࡓࡌࡅࡆ ࡃࡅࡊࡕ ࡁࡓ ࡄࡀࡅࡀ ࡆࡀࡃࡉࡀ ࡔࡀࡁࡉࡒ ࡄࡀࡈࡀࡉࡉࡀ ࡍࡉࡄࡅࡉࡋࡉࡀ . ࡁࡄࡉࡓࡀ ࡁࡓ ࡊࡅ(ࡔ)ࡀࡎࡕࡀ ࡔࡀࡁࡉࡒ ࡄࡀࡈࡀࡉࡉࡀ ࡍࡉࡄࡅࡋࡉࡀ . ࡆࡀࡊࡉࡀ ࡁࡓ ࡄࡀࡅࡀ ࡔࡀࡁࡉࡒ ࡄࡀࡈࡀࡉࡉࡀ ࡍࡉࡄࡅࡉࡋࡉࡀ . ࡀࡓࡃࡁࡀࡍ ࡌࡀࡋࡊࡀ ࡁࡀࡊࡕࡉࡀࡓ ࡁࡓ ࡎࡉࡌࡀࡕ ࡔࡀࡁࡉࡒ ࡄࡀࡈࡀࡉࡉࡀ ࡍࡉࡄࡅࡉࡋࡉࡀ . ࡅࡊࡅࡋࡄࡅࡍ ࡍࡉࡔࡌࡀࡕࡀ ࡖ ࡀࡁࡄࡀࡕࡀࡍ ࡈࡀࡁࡉࡀ ࡔࡀࡁࡉࡒ ࡄࡀࡈࡀࡉࡉࡀ ࡍࡉࡄࡅࡉࡋࡅࡍ . ࡅࡋࡄࡀࡆࡀ ࡍࡉࡔࡉࡌࡕࡀࡉ ࡃࡉࡋࡉࡀ ࡖ ࡄࡀࡆࡀ ࡁࡅࡕࡀ ࡅࡓࡀࡄࡌࡉࡀ ࡁࡉࡕ ࡔࡀࡁࡉࡒ ࡄࡀࡈࡀࡉࡉࡀ ࡍࡉࡄࡅࡉࡋࡀࡉ . ࡍࡉࡔࡉࡌࡕࡀ ࡖ ࡓࡁࡀࡉ ࡔࡀࡁࡉࡒ ࡄࡀࡈࡀࡉࡉࡀ ࡍࡉࡄࡅࡉࡋࡉࡀ .. ࡍࡉࡔࡌࡀࡕࡀ ࡖ ࡓࡉࡔࡀࡌࡉࡀ ࡀࡃࡀࡌ ࡁࡅࡋࡐࡀࡓࡀࡆ ࡁࡓ ࡄࡀࡅࡀ ࡌࡀࡌࡀࡍࡉࡀ ࡔࡀࡁࡉࡒ ࡄࡀࡈࡀࡉࡉࡀ ࡍࡉࡄࡅࡉࡋࡉࡀ . ࡀࡍࡅࡔ ࡌࡅ(ࡀyࡉࡍ)ࡀࡉࡋࡉࡀ ࡁࡓ ࡄࡀࡅࡀ ࡆࡀࡃࡉࡀ ࡔࡀࡁࡉࡒ ࡄࡀࡈࡀࡉࡉࡀ ࡍࡉࡄࡉࡋࡉࡀ . ࡉࡀࡄࡉࡀ ࡀࡃࡀࡌ ࡁࡓ ࡆࡀࡃࡉࡀ ࡀࡍࡅࡔ ࡄࡀࡅࡀ ࡔࡀࡁࡉࡒ ࡄࡀࡈࡀࡉࡉࡀ ࡍࡉࡄࡅࡉࡋࡉࡀ . ࡁࡉࡄࡃࡀࡃ ࡁࡓ ࡔࡀࡃࡉࡀ ࡔࡀࡓࡀࡕ ࡔࡀࡁࡉࡒ ࡄࡀࡈࡀࡉࡉࡀ ࡍࡉࡄࡅࡉࡋࡉࡀ . ࡁࡀࡉࡍࡀࡉ ࡁࡓ ࡄࡀࡉࡅࡍࡀ ࡔࡀࡁࡉࡒ ࡄࡀࡈࡀࡉࡉࡀ ࡍࡉࡄࡅࡉࡋࡉࡀ . ࡄࡀࡉࡅࡍࡀ ࡐࡕ ࡕࡉࡄࡅࡉࡀ ࡔࡀࡁࡉࡒ ࡄࡀࡈࡀࡉࡉࡀ ࡍࡉࡄࡅࡉࡋࡀ . ࡓࡀࡌࡅࡉࡀ ࡁࡓ ࡏࡒࡀࡉࡌࡀࡕ ࡔࡀࡁࡉࡒ ࡄࡀࡈࡀࡉࡉࡀ ࡍࡉࡄࡅࡉࡋࡉࡀ . ࡔࡂࡀࡍࡃࡀ ࡁࡓ ࡉࡀࡎࡌࡀࡍ ࡔࡀࡁࡉࡒ ࡄࡀࡈࡀࡉࡉࡀ ࡍࡉࡄࡅࡉࡋࡉࡀ . ࡆࡀࡆࡀࡉ ࡖ ࡂࡀࡅࡀࡆࡕࡀ ࡁࡓ ࡄࡀࡅࡀ ࡔࡀࡁࡉࡒ ࡄࡀࡈࡀࡉࡉࡀ ࡍࡉࡄࡅࡉࡋࡉࡀ . ࡀࡌࡀ ࡖ ࡊࡅࡋࡄࡅࡍ ࡍࡀࡑࡅࡓࡀࡉࡉࡀ ࡅࡕࡀࡓࡌࡉࡃࡉࡀ ࡅࡌࡀࡍࡃࡀࡉࡉࡀ ࡌࡍ ࡃࡀࡓࡀ ࡖ ࡀࡃࡀࡌ ࡂࡀࡁࡓࡀ ࡒࡀࡃࡌࡀࡉࡀ ࡅࡀࡋࡌࡀ ࡋࡊࡉࡌࡑࡀࡕ ࡀࡋࡌࡉࡀ ࡊࡅࡋࡌࡀࡍ ࡖ ࡍࡄࡉࡕ ࡋࡉࡀࡓࡃࡍࡀ ࡅࡏࡅࡑࡈࡁࡀ ࡅࡒࡀࡁࡉࡋ ࡃࡀࡊࡉࡀ ࡓࡅࡔࡌࡀ ࡖ ࡋࡀࡐࡀࡊࡉࡅࡍ ࡌࡍ ࡓࡅࡔࡅࡌࡀࡉࡄࡅࡍ ࡅࡋࡀࡔࡀࡍࡅࡍ ࡌࡍ ࡌࡀࡑࡁࡅࡕࡀࡉࡄࡅࡍ ࡔࡀࡁࡉࡒ ࡄࡀࡈࡀࡉࡉࡀ ࡍࡉࡄࡅࡉࡋࡅࡍ . ࡋࡃࡉࡋࡀࡉࡅࡍ ࡅࡋࡀࡁ ࡅࡋࡏࡌ ࡅࡋࡓࡀࡁࡀࡉࡅࡍ ࡅࡋࡆࡀࡅࡀࡉࡅࡍ ࡅࡋࡔࡉࡕࡋࡀࡉࡅࡍ ࡅࡋࡕࡀࡓࡌࡉࡃࡀࡉࡅࡍ ࡅࡋࡌࡀࡍ ࡖ ࡄࡀࡆࡉࡍ ࡋࡀࡄࡌࡀ ࡅࡈࡀࡁࡅࡕࡀ ࡓࡌࡅࡍ ࡋࡃࡉࡋࡊࡅࡍ ࡀࡁࡀࡄࡀࡕࡀࡉ ࡅࡓࡅࡁࡀࡍࡀࡉ ࡅࡌࡀࡋࡐࡀࡍࡀࡉ ࡅࡌࡀࡎࡁࡉࡓࡀࡍࡀࡉ ࡗ ࡎࡌࡉࡊࡉࡕࡅࡍ ࡌࡍ ࡎࡌࡀࡋ ࡋࡉࡀࡌࡉࡍ ࡔࡀࡁࡉࡒ ࡄࡀࡈࡀࡉࡉࡀ ࡍࡉࡄࡅࡉࡋࡊࡅࡍ ࡅࡕࡉࡌࡓࡅࡍ ࡒࡀࡉࡀࡌࡉࡍ ࡄࡉࡉࡀ ࡁࡔࡊࡉࡍࡀࡕࡅࡍ ࡅࡌࡔࡀࡁࡉࡍ ࡄࡉࡉࡀ ࡅࡄࡉࡉࡀ ࡆࡀࡊࡉࡍ ࡏࡋ ࡊࡅࡋࡄࡅࡍ ࡏࡅࡁࡀࡃࡉࡀ ࡎࡀ

ࡌࡀࡓࡀࡉ ࡌࡔࡀࡁࡀ

171. ࡁࡔࡅࡌࡀ ࡖ ࡄࡉࡉࡀ ࡌࡔࡀࡁࡀ ࡆࡉࡅࡀ ࡓࡁࡀ ࡒࡀࡃࡌࡀࡉࡀ ࡅࡌࡔࡀࡁࡀ ࡍࡄࡅࡓࡀ ࡓࡁࡀ ࡒࡀࡃࡌࡀࡉࡀ ࡅࡌࡔࡀࡁࡀ ࡀࡉࡍࡀ ࡅࡎࡉࡍࡃࡉࡓࡊࡀ ࡓࡁࡀ ࡒࡀࡓࡌࡀࡉࡀ ࡌࡔࡀࡁࡀ ࡕࡀࡍࡀ ࡊࡀࡎࡉࡀ ࡖ ࡁࡂࡅ ࡀࡉࡍࡀ ࡓࡀࡁࡕࡉࡀ ࡊࡀࡎࡉࡕࡀ ࡒࡀࡃࡌࡀࡉࡕࡀ ࡔࡓࡉࡀ ࡌࡔࡀࡁࡀ ࡔࡉࡔࡋࡀࡌ ࡓࡁࡀ ࡖ ࡋࡊࡉࡐࡇ ࡖ ࡀࡉࡍࡀ ࡅࡎࡉࡍࡃࡉࡓࡊࡀ ࡉࡀࡕࡉࡁ ࡌࡔࡀࡁࡀ ࡏࡆࡋࡀࡕ ࡓࡀࡁࡕࡉࡀ ࡌࡔࡀࡁࡀ ࡉࡀࡅࡀࡓ ࡓࡁࡀ ࡖ ࡌࡍ ࡊࡀࡍࡐࡉࡀ ࡖ ࡆࡉࡅࡀ ࡏࡑࡈࡀࡓࡀࡓ ࡌࡔࡀࡁࡀ ࡎࡉࡌࡀࡕ ࡄࡉࡉࡀ ࡏࡌࡀࡉࡄࡅࡍ ࡖ ࡊࡅࡋࡄࡅࡍ ࡌࡀࡋࡊࡉࡀ ࡖ ࡌࡉࡍࡀࡉࡄࡅࡍ ࡊࡅࡋࡄࡅࡍ ࡀࡋࡌࡉࡀ ࡖ ࡌࡍ ࡄࡉࡌࡀࡕ ࡓࡀࡆࡉࡀ ࡊࡀࡎࡉࡉࡀ ࡏࡐࡉࡓࡔࡀࡕ ࡌࡔࡀࡁࡀ ࡄࡀࡊ ࡉࡀࡓࡃࡍࡀ ࡓࡁࡀ ࡒࡀࡃࡌࡀࡉࡀ ࡌࡔࡀࡁࡉࡍ ࡄࡀࡍࡉࡊ ࡕࡋࡀࡕࡌࡀ ࡅࡔࡉࡕࡉࡍ ࡉࡀࡓࡃࡍࡉࡀ ࡖ ࡌࡍ ࡄࡀࡍࡀࡕࡇ ࡉࡀࡓࡃࡍࡀ ࡓࡁࡀ ࡒࡀࡃࡌࡀࡉࡀ ࡐࡓࡉࡔࡉࡅࡍ ࡌࡔࡀࡁࡀ ࡄࡀࡊ ࡔࡊࡉࡍࡕࡀ ࡓࡀࡁࡕࡉࡀ ࡊࡀࡎࡉࡕࡀ ࡒࡀࡃࡌࡀࡉࡕࡀ ࡌࡔࡀࡁࡉࡍ ࡄࡀࡍࡉࡊ ࡕࡋࡀࡕࡌࡀ ࡅࡔࡉࡕࡉࡍ ࡔࡊࡉࡍࡀࡕࡀ ࡖ ࡌࡍ ࡄࡀࡍࡀࡕࡇ ࡔࡊࡉࡍࡕࡀ ࡓࡀࡁࡕࡉࡀ ࡊࡀࡎࡉࡕࡀ ࡒࡀࡃࡌࡀࡉࡕࡀ ࡐࡓࡉࡔࡉࡅࡍ ࡀࡐࡓࡉࡔ ࡅࡂࡀࡋࡉࡋ ࡅࡀࡌࡀࡓ ࡉࡀࡅࡀࡓ ࡆࡉࡅࡀ ࡏࡅࡕࡓࡀ ࡌࡆࡀࡓࡆࡀ ࡊࡅࡋ ࡂࡀࡁࡓࡀ ࡍࡀࡑࡅࡓࡀࡉࡀ ࡖ ࡁࡓࡀࡄࡌࡉࡀ ࡍࡉࡒࡅࡌ ࡅࡄࡀࡆࡀ ࡁࡅࡕࡀ ࡍࡉࡁࡉࡀ ࡅࡄࡀࡆࡀ ࡒࡀࡉࡀࡌࡕࡀ ࡍࡉࡒࡀࡉࡀࡌ ࡕࡉࡕࡉࡀ ࡀࡕࡉࡀ ࡑࡀࡅࡕࡀ ࡖ ࡄࡉࡉࡀ ࡅࡕࡉࡔࡓࡉࡀ ࡏࡋࡇ ࡍࡉࡄࡅࡉࡋࡇ ࡄࡀࡉࡋࡀ ࡅࡎࡀࡂࡉࡀ ࡀࡊࡅࡀࡕ ࡀࡍࡅࡔ ࡏࡅࡕࡓࡀ ࡊࡅࡋ ࡂࡀࡁࡓࡀ ࡌࡀࡍࡃࡀࡉࡀ ࡖ ࡁࡓࡀࡄࡌࡉࡀ ࡍࡉࡒࡅࡌ ࡅࡄࡀࡆࡀ ࡁࡅࡕࡀ ࡍࡉࡁࡉࡀ ࡅࡄࡀࡆࡀ ࡒࡀࡉࡀࡌࡕࡀ ࡍࡉࡒࡀࡉࡀࡌ ࡕࡉࡕࡉࡀ ࡀࡕࡉࡀ ࡑࡀࡅࡕࡀ ࡖ ࡄࡉࡉࡀ ࡅࡕࡉࡔࡓࡉࡀ ࡏࡋࡇ ࡍࡉࡄࡅࡉࡋࡇ ࡄࡀࡉࡋࡀ ࡅࡎࡀࡂࡉࡀ ࡀࡊࡅࡀࡕ ࡕࡀࡓࡌࡉࡃࡀ ࡅࡍࡉࡌࡀࡓ ࡌࡒࡀࡉࡌࡉࡕࡅࡍ ࡄࡉࡉࡀ ࡒࡀࡓࡌࡀࡉࡉࡀ . ࡍࡉࡒࡀࡉࡉࡌ ࡔࡉࡕࡉࡍ ࡆࡉࡁࡍࡉࡀ ࡅࡄࡃࡀ ࡆࡉࡁࡍࡀ ࡅࡄࡀࡉࡆࡀࡊ ࡍࡉࡔࡀࡋ ࡔࡅࡋࡕࡀ ࡅࡍࡉࡌࡀࡓ . ࡁࡓࡉࡊࡉࡕࡅࡍ ࡅࡌࡔࡀࡁࡉࡕࡅࡍ ࡅࡌࡓࡀࡅࡓࡁࡉࡕࡅࡍ ࡅࡌࡉࡀࡒࡓࡉࡕࡅࡍ ࡅࡌࡒࡀࡉࡌࡉࡕࡅࡍ ࡁࡏࡒࡀࡓࡀ ࡓࡁࡀ ࡖ ࡍࡀࡐࡔࡀ ࡅࡎࡀࡊࡀ ࡋࡉࡕࡋࡇ ࡉࡀ ࡄࡉࡉࡀ ࡅࡌࡀࡓࡀࡉ ࡅࡌࡀࡍࡃࡀ ࡖ ࡄࡉࡉࡀ ࡄࡉࡉࡀ ࡓࡁࡉࡀ ࡒࡀࡃࡌࡀࡉࡉࡀ ࡅࡄࡉࡉࡀ ࡕࡉࡍࡉࡀࡍࡉࡀ ࡅࡄࡉࡉࡀ ࡕࡋࡉࡕࡀࡉࡉࡀ ࡅࡉࡅࡐࡉࡍ ࡅࡉࡅࡐࡀࡐࡉࡍ ࡅࡎࡀࡌ ࡌࡀࡍࡀ ࡎࡌࡉࡓࡀ ࡅࡂࡅࡐࡍࡀ ࡖ ࡊࡅࡋࡇ ࡄࡉࡉࡀ ࡅࡏࡋࡀࡍࡀ ࡓࡁࡀ ࡖ ࡊࡅࡋࡇ ࡀࡎࡀࡅࡀࡕࡀ ࡄࡀࡉࡀࡎࡀ ࡅࡕࡀࡉࡀࡁࡀ ࡅࡓࡉࡅࡀࡍࡀ ࡅࡌࡓࡀࡄࡌࡀࡍࡀ ࡅࡌࡐࡀࡓࡒࡀࡍࡀ ࡅࡌࡔࡀࡅࡆࡁࡀࡍࡀ ࡉࡀ ࡔࡀࡓࡉࡀ ࡏࡎࡉࡓࡉࡀ ࡔࡓࡅࡋࡉࡀ ࡔࡁࡉࡒࡅࡋࡇ ࡄࡀࡈࡀࡉࡉࡀ ࡅࡄࡀࡅࡁࡀࡉ ࡅࡎࡊࡉࡋࡀࡕࡀࡉ ࡅࡕࡉࡒࡋࡀࡕࡀࡉ ࡅࡔࡀࡁࡀࡔࡀࡕࡀࡉ ࡃࡉࡋࡉࡀ ࡖ ࡄࡀࡆࡀ ࡁࡅࡕࡀ ࡅࡓࡀࡄࡌࡉࡀ ࡁࡉࡕ ࡔࡀࡁࡉࡒ ࡄࡀࡈࡀࡉࡉࡀ ࡍࡉࡄࡅࡉࡋࡀࡉ . ࡉࡀ ࡄࡀࡁࡔࡀࡁࡀ ࡔࡁࡉࡄࡀ ࡍࡀࡈࡓࡀ ࡃࡀࡊࡉࡀ ࡖ ࡍࡄࡅࡓࡀ ࡀࡉࡀࡓ ࡍࡄࡅࡓࡀ ࡃࡀࡊࡉࡀ ࡐࡀࡓࡅࡀࡍࡒࡀ ࡖ ࡊࡅࡋࡇ ࡆࡉࡃࡒࡀ ࡖ ࡋࡀࡌࡉࡕࡀࡄࡆࡉࡀ ࡅࡋࡀࡌࡉࡎࡕࡀࡉࡀࡊ ࡄࡅࡉࡋࡉࡀ ࡀࡍࡉࡀ ࡅࡏࡅࡍࡉࡀࡍ ࡄࡅࡉࡋࡉࡀ ࡎࡉࡌࡀࡊࡀ ࡅࡎࡅࡌࡊࡀࡍ ࡅࡄࡅࡉࡋࡉࡀ ࡌࡒࡀࡉࡌࡀࡍࡀ ࡅࡒࡀࡉࡌࡀ ࡋࡄࡀࡆࡀ ࡍࡉࡔࡉࡌࡕࡀࡉ ࡃࡉࡋࡉࡀ ࡖ ࡄࡀࡆࡀ ࡁࡅࡕࡀ ࡅࡓࡀࡄࡌࡉࡀ ࡁࡉࡕ ࡔࡀࡁࡉࡒ ࡄࡀࡈࡀࡉࡉࡀ ࡍࡉࡄࡅࡉࡋࡀࡉ . ࡉࡀ ࡄࡀࡁࡔࡀࡁࡀ ࡐࡀࡓࡒࡀࡍ ࡌࡍ ࡆࡀࡍࡂࡉࡉࡀ ࡅࡌࡍ ࡌࡀࡈࡀࡓࡀࡉࡉࡀ ࡅࡌࡍ ࡒࡍࡀࡎࡉࡀ ࡖ ࡌࡉࡀ ࡅࡌࡍ ࡃࡅࡃࡉࡀ ࡖ ࡓࡀࡄࡕࡉࡀ ࡅࡌࡍ ࡍࡅࡓࡀ ࡅࡁࡀࡓࡃࡀ ࡅࡌࡍ ࡒࡅࡋࡀ ࡖ ࡔࡉࡁࡉࡀࡄࡉࡀ ࡅࡌࡍ ࡄࡀࡔࡀࡁࡕࡀ ࡖ ࡔࡉࡁࡉࡀࡄࡉࡀ ࡅࡌࡍ ࡂࡉࡈࡋࡀ ࡖ ࡔࡉࡁࡉࡀࡄࡉࡀ ࡅࡌࡍ ࡔࡅࡁࡀ ࡆࡀࡍࡂࡉࡀࡍࡉࡀ ࡓࡀࡁ ࡌࡀࡊࡎࡉࡀ ࡁࡍࡉࡀ ࡄࡔࡅࡊࡀ ࡁࡉࡄࡓࡀࡌ ࡓࡁࡀ ࡑࡅࡁࡀࡍ ࡁࡉࡀࡓࡃࡍࡀࡊ ࡔࡀࡍࡉࡀ ࡅࡔࡀࡋࡌࡀࡍ ࡁࡆࡀࡊࡅ ࡋࡀࡕࡀࡓ ࡍࡄࡅࡓ ࡐࡔࡅࡈ ࡊࡅࡔࡈࡀ ࡉࡀࡒࡓࡀ ࡋࡉࡄࡃࡀࡉࡀ ࡓࡁࡀ ࡆࡀࡃࡉࡒࡀ ࡌࡍ ࡄࡀࡆࡀ ࡍࡉࡔࡉࡌࡕࡀࡉ ࡃࡉࡋࡉࡀ ࡖ ࡄࡀࡆࡀ ࡁࡅࡕࡀ ࡅࡓࡀࡄࡌࡉࡀ ࡁࡉࡕ ࡔࡀࡁࡉࡒ ࡄࡀࡈࡀࡉࡉࡀ ࡍࡉࡄࡅࡉࡋࡀࡉ . ࡉࡀ ࡀࡁࡀࡕࡅࡓ ࡓࡀࡌࡀ ࡉࡀ ࡀࡁࡀࡕࡅࡓ ࡌࡅࡆࡀࡍࡉࡀ ࡕࡅࡒࡋࡀࡍ ࡁࡌࡅࡆࡀࡍࡉࡀࡊ ࡅࡁࡅࡍࡉࡀࡍ ࡁࡁࡉࡍࡉࡀࡍࡀࡊ ࡅࡄࡅࡔࡁࡀࡍ ࡁࡄࡅࡔࡁࡀࡍࡀࡊ ࡌࡀࡄࡆࡉࡏࡉࡉࡋ ࡌࡀࡋࡀࡋࡀ ࡓࡁࡀ ࡒࡀࡃࡌࡀࡉࡀ ࡖ ࡕࡀࡒࡉࡍࡋࡉࡀ ࡌࡀࡄࡆࡉࡕࡀ ࡁࡀࡉࡍࡀࡉ ࡅࡔࡐࡅࡊࡋࡉࡀ ࡄࡅࡊࡅࡌࡕࡀ ࡁࡋࡉࡁࡀࡉ ࡅࡐࡀࡄࡕࡀࡋࡉࡀ ࡀࡉࡍࡀࡍࡉࡀࡕࡀ ࡖ ࡏࡅࡑࡓࡀࡉ ࡄࡀࡉࡀࡔࡅࡌ ࡀࡎࡉࡀ ࡖ ࡊࡅࡔࡈࡀ ࡉࡅࡎࡌࡉࡓ ࡀࡎࡉࡀ ࡖ ࡌࡀࡍࡀ ࡅࡃࡌࡅࡕࡇ ࡀࡎࡉࡀࡍ ࡌࡍ ࡊࡉࡁࡉࡀ ࡅࡌࡍ ࡌࡅࡌࡉࡀ ࡅࡌࡍ ࡋࡅࡈࡀࡕࡀ ࡎࡀࡉࡍࡀࡕࡀ ࡅࡌࡍ ࡐࡀࡂࡓࡀ ࡍࡎࡉࡎࡀ ࡅࡌࡍ ࡐࡀࡂࡓࡀ ࡍࡈࡉࡐࡀ ࡉࡀࡅࡀࡓ ࡓࡁࡀ ࡉࡅࡓ ࡓࡁࡀ ࡂࡀࡍࡆࡉࡁࡓࡀ ࡌࡀࡋࡊࡀࡉࡄࡅࡍ ࡖ ࡀࡋࡌࡉࡀ ࡖ ࡍࡄࡅࡓࡀ ࡔࡓࡅࡋࡉࡀ ࡔࡁࡉࡒࡅࡋࡇ ࡄࡀࡈࡀࡉࡉࡀ ࡅࡄࡀࡅࡁࡀࡉ ࡅࡎࡀࡊࡉࡋࡀࡕࡀࡉ ࡅࡕࡉࡒࡋࡀࡕࡀࡉ ࡅࡔࡀࡁࡀࡔࡀࡕࡀࡉ ࡃࡉࡋࡉࡀ ࡖ ࡄࡀࡆࡀ ࡁࡅࡕࡀ ࡅࡓࡀࡄࡌࡉࡀ ࡁࡉࡕ ࡔࡀࡁࡉࡒ ࡄࡀࡈࡀࡉࡉࡀ ࡍࡉࡄࡅࡉࡋࡀࡉ . ࡋࡃࡉࡋࡉࡀ ࡅࡋࡀࡁ ࡅࡋࡏࡌ ࡅࡋࡓࡁࡀࡉ ࡅࡋࡆࡀࡅࡀࡉ ࡅࡋࡔࡉࡕࡋࡀࡉ ࡅࡋࡕࡀࡓࡌࡉࡃࡀࡉ ࡅࡋࡊࡅࡋࡄࡉࡍ ࡍࡉࡔࡌࡀࡕࡀ ࡖ ࡋࡔࡅࡌ ࡄࡉࡉࡀ ࡒࡀࡌ ࡅࡋࡓࡔࡅࡌ ࡌࡀࡍࡃࡀ ࡖ ࡄࡉࡉࡀ ࡀࡔࡀࡓ ࡁࡋࡉࡁࡀ ࡊࡔࡉࡈࡀ ࡅࡌࡄࡀࡉࡌࡍࡀ ࡏࡉࡍ ࡄࡉࡉࡀ ࡅࡏࡉࡉࡍ ࡄࡉࡉࡀ ࡄࡉࡉࡀ ࡁࡆࡀࡊࡀࡉࡉࡀ ࡍࡉࡄࡅࡍ ࡅࡏࡋ ࡓࡀࡄࡌࡉࡀ ࡔࡅࡌࡀࡉࡄࡅࡍ ࡋࡀࡍࡀࡂࡆࡉࡓࡅࡍ ࡁࡋࡀࡅࡐࡀ ࡉࡀࡒࡓࡀ ࡍࡉࡕࡋࡀࡉࡐࡅࡍ ࡄࡉࡉࡀ ࡋࡉࡀࡃࡉࡍ ࡄࡉࡉࡀ ࡋࡎࡀࡁࡓࡉࡍ ࡄࡉࡉࡀ ࡋࡂࡅࡁࡓࡉࡀ ࡌࡀࡎࡁࡉࡓࡀࡍࡀࡍ ࡅࡒࡀࡉࡀࡌࡉࡍ ࡄࡉࡉࡀ ࡁࡔࡊࡉࡍࡀࡕࡅࡍ ࡅࡄࡉࡉࡀ ࡆࡀࡊࡉࡍ ࡋࡊࡅࡋࡄࡅࡍ ࡏࡅࡁࡀࡃࡉࡀ ࡎࡀ

172. ࡕࡅࡌ ࡌࡍ ࡄࡉࡉࡀ ࡄࡀࡉࡀࡎࡅࡕࡊࡅࡍ ࡅࡕࡉࡀࡁࡅࡕࡊࡅࡍ ࡅࡕࡉࡀࡉࡓࡅࡕࡊࡅࡍ ࡅࡏࡕࡓࡀࡄࡌࡅࡕࡊࡅࡍ ࡃࡉࡋࡊࡅࡍ ࡄࡉࡉࡀ ࡓࡁࡉࡀ ࡒࡀࡃࡌࡀࡉࡉࡀ ࡄࡅࡎࡉࡅࡍ ࡅࡕࡅࡁࡉࡅࡍ ࡅࡕࡉࡀࡉࡓࡅࡍ ࡅࡕࡓࡀࡄࡀࡌࡉࡅࡍ ࡏࡋ ࡄࡀࡆࡀ ࡍࡉࡔࡉࡌࡕࡀࡉ ࡃࡉࡋࡉࡀ ࡖ ࡄࡀࡆࡀ ࡁࡅࡕࡀ ࡅࡓࡀࡄࡌࡉࡀ ࡁࡉࡕ ࡔࡀࡁࡉࡒ ࡄࡀࡈࡀࡉࡉࡀ ࡍࡉࡄࡅࡉࡋࡀࡉ . ࡕࡋࡀࡕࡀ ࡆࡉࡁࡍࡉࡀ ࡀࡌࡅࡓ ࡕࡅࡌ ࡌࡍ ࡄࡉࡉࡀ ࡄࡀࡉࡀࡎࡅࡕࡊࡅࡍ ࡎ ࡀ . ࡋࡃࡉࡋࡉࡀ ࡅࡋࡀࡁ ࡅࡋࡏࡌ ࡅࡋࡓࡁࡀࡉ ࡅࡋࡆࡀࡅࡀࡉ ࡅࡋࡔࡉࡕࡋࡀࡉ ࡅࡋࡕࡀࡓࡌࡉࡃࡀࡉ ࡅࡋࡌࡀࡍ ࡖ ࡄࡀࡆࡉࡍ ࡋࡀࡄࡌࡀ ࡅࡈࡀࡁࡅࡕࡀ ࡓࡌࡅࡍ ࡋࡃࡉࡋࡊࡅࡍ ࡀࡁࡀࡄࡀࡕࡀࡉ ࡅࡓࡅࡁࡀࡍࡀࡉ ࡅࡌࡀࡋࡐࡀࡍࡀࡉ ࡅࡌࡀࡎࡁࡉࡓࡀࡍࡀࡉ ࡗ ࡎࡌࡉࡊࡉࡕࡅࡍ ࡌࡍ ࡎࡌࡀࡋ ࡋࡉࡀࡌࡉࡍ ࡅࡔࡀࡁࡉࡒ ࡄࡀࡈࡀࡉࡉࡀ ࡍࡉࡄࡅࡉࡋࡊࡅࡍ ࡅࡕࡉࡌࡓࡅࡍ ࡅࡒࡀࡉࡀࡌࡉࡍ ࡄࡉࡉࡀ ࡁࡔࡊࡉࡍࡀࡕࡅࡍ ࡅࡄࡉࡉࡀ ࡆࡀࡊࡉࡍ ࡋࡊࡅࡋࡄࡅࡍ ࡏࡅࡁࡀࡃࡉࡀ ࡎࡀ

173. ࡔࡅࡌࡀ ࡖ ࡄࡉࡉࡀ ࡅࡔࡅࡌࡀ ࡖ ࡌࡀࡍࡃࡀ ࡖ ࡄࡉࡉࡀ ࡌࡀࡃࡊࡀࡓ ࡏࡋࡀࡊ ࡔࡅࡌࡀ ࡖ ࡀࡉࡍࡀ ࡓࡀࡁࡕࡉࡀ ࡊࡀࡎࡉࡕࡀ ࡒࡀࡃࡌࡀࡉࡕࡀ ࡌࡀࡃࡊࡀࡓ ࡏࡋࡀࡊ ࡔࡅࡌࡀ ࡖ ࡎࡉࡍࡃࡉࡓࡊࡀ ࡓࡁࡀ ࡒࡀࡃࡌࡀࡉࡀ ࡌࡀࡃࡊࡀࡓ ࡏࡋࡀࡊ ࡔࡅࡌࡀ ࡖ ࡔࡉࡔࡋࡀࡌ ࡓࡁࡀ ࡌࡀࡃࡊࡀࡓ ࡏࡋࡀࡊ ࡔࡅࡌࡀ ࡖ ࡏࡆࡋࡀࡕ ࡓࡀࡁࡕࡉࡀ ࡌࡀࡃࡊࡀࡓ ࡏࡋࡀࡊ ࡔࡅࡌࡀ ࡖ ࡉࡀࡅࡀࡓ ࡓࡁࡀ ࡌࡀࡃࡊࡀࡓ ࡏࡋࡀࡊ ࡔࡅࡌࡀ ࡖ ࡎࡉࡌࡀࡕ ࡄࡉࡉࡀ ࡌࡀࡃࡊࡀࡓ ࡏࡋࡀࡊ ࡔࡅࡌࡀ ࡖ ࡉࡅࡊࡀࡁࡀࡓ ࡓࡁࡀ ࡌࡀࡃࡊࡀࡓ ࡏࡋࡀࡊ ࡔࡅࡌ ࡌࡀࡍࡀ ࡅࡃࡌࡅࡕࡇ ࡌࡀࡃࡊࡀࡓ ࡏࡋࡀࡊ ࡔࡅࡌࡀ ࡖ ࡓࡀࡆࡀ ࡓࡁࡀ ࡐࡅࡂࡃࡀࡌࡀ ࡊࡀࡎࡉࡀ ࡌࡀࡃࡊࡀࡓ ࡏࡋࡀࡊ ࡔࡅࡌࡀ ࡖ ࡎࡄࡀࡒ ࡆࡉࡅࡀ ࡓࡁࡀ ࡒࡀࡃࡌࡀࡉࡀ ࡌࡀࡃࡊࡀࡓ ࡏࡋࡀࡊ ࡔࡅࡌࡀ ࡖ ࡎࡀࡌ ࡆࡉࡅࡀ ࡃࡀࡊࡉࡀ ࡁࡅࡊࡓࡀ ࡄࡀࡁࡉࡁࡀ ࡓࡁࡀ ࡒࡀࡃࡌࡀࡉࡀ ࡌࡀࡓࡊࡀࡓ ࡏࡋࡀࡊ ࡔࡅࡌࡀ ࡖ ࡄࡉࡉࡀ ࡅࡔࡅࡌࡀ ࡖ ࡌࡀࡍࡃࡀ ࡖ ࡄࡉࡉࡀ ࡌࡀࡃࡊࡀࡓ ࡏࡋࡀࡊ ࡔࡓࡉࡀ ࡅࡏࡔࡕࡀࡍࡉࡀ ࡌࡉࡍࡀࡊ ࡌࡀࡄࡓࡀ ࡅࡊࡅࡄࡓࡀࡍࡀ ࡅࡒࡉࡓࡉࡉࡀ ࡅࡋࡅࡈࡀࡕࡀ ࡅࡍࡉࡃࡓࡉࡀ ࡅࡔࡀࡋࡀࡌࡀࡕࡀ ࡅࡊࡉࡁࡉࡀ ࡅࡌࡀࡎࡀࡎࡉࡀ ࡅࡏࡔࡀࡕࡀ ࡒࡉࡕࡀ ࡅࡀࡉࡍࡀ ࡁࡉࡔࡕࡀ ࡅࡊࡉࡅࡉࡄࡕࡀ ࡎࡀࡋࡒࡀ ࡋࡈࡅࡓࡉࡀ ࡅࡀࡓࡀࡌࡀࡕࡀ ࡌࡍ ࡐࡀࡂࡓࡀࡊ ࡅࡓࡅࡄࡀࡊ ࡅࡍࡉࡔࡉࡌࡕࡀࡊ ࡅࡏࡅࡑࡈࡅࡍࡀࡊ ࡅࡄࡉࡊࡋࡀࡊ ࡅࡊࡅࡋࡇ ࡁࡉࡍࡉࡀࡍࡀࡊ ࡃࡉࡋࡀࡊ ࡁࡄࡀࡉࡋࡇ ࡖ ࡀࡁ ࡀࡁࡅࡄࡅࡍ ࡌࡀࡍࡃࡀ ࡖ ࡄࡉࡉࡀ ࡁࡄࡀࡉࡋࡇ ࡖ ࡂࡉࡍࡆࡀ ࡖ ࡄࡉࡉࡀ ࡒࡀࡃࡌࡀࡉࡉࡀ ࡁࡄࡀࡉࡋࡇ ࡖ ࡉࡀࡅࡀࡓ ࡆࡉࡅࡀ ࡅࡎࡉࡌࡀࡕ ࡄࡉࡉࡀ ࡔࡅࡌࡀ ࡖ ࡄࡉࡉࡀ ࡅࡔࡅࡌࡀ ࡌࡀࡍࡃࡀ ࡖ ࡄࡉࡉࡀ ࡌࡀࡃࡊࡀࡓ ࡏࡋࡀࡊ ࡎࡀ ࡎࡀ

174. ࡁࡀࡉࡉࡍࡀ ࡌࡍ ࡄࡉࡉࡀ ࡅࡌࡍ ࡌࡀࡓࡀࡉ ࡅࡌࡍ ࡌࡀࡍࡃࡀ ࡖ ࡄࡉࡉࡀ ࡅࡌࡍ ࡏࡅࡕࡓࡉࡀ ࡅࡌࡀࡋࡊࡉࡀ ࡖ ࡀࡋࡌࡉࡀ ࡖ ࡍࡄࡅࡓࡀ ࡌࡒࡀࡁࡋࡀࡍࡀ ࡖ ࡁࡄࡀࡆࡉࡍ ࡂࡉࡍࡆࡀ ࡓࡀࡌࡀ ࡖ ࡋࡀࡍࡉࡔࡀࡅࡉࡁࡇ ࡄࡀࡎࡉࡓ ࡅࡁࡑࡉࡓ ࡏࡅ ࡌࡉࡍࡃࡀࡌ ࡖ ࡄࡀࡎࡉࡓ ࡅࡁࡑࡉࡓ ࡀࡍࡀࡕ ࡉࡀ ࡄࡉࡁࡉࡋ ࡆࡉࡅࡀ ࡓࡁࡀ ࡌࡀࡋࡀࡉࡀ ࡌࡅࡋࡉࡉࡀ ࡌࡍ ࡂࡉࡍࡆࡀࡊ ࡖ ࡋࡀࡁࡀࡑࡀࡓ ࡅࡌࡍ ࡌࡀࡋࡉࡀࡊ ࡖ ࡋࡀࡄࡀࡎࡀࡓ ࡔࡓࡅࡋࡉࡀ ࡔࡁࡅࡒࡋࡉࡀ ࡄࡀࡈࡀࡉࡉࡀ ࡅࡄࡀࡅࡁࡀࡉ ࡅࡎࡊࡉࡋࡀࡕࡀࡉ ࡅࡕࡉࡒࡋࡀࡕࡀࡉ ࡅࡔࡀࡁࡀࡔࡀࡕࡀࡉ ࡃࡉࡋࡉࡀ ࡖ ࡄࡀࡆࡀ ࡁࡅࡕࡀ ࡅࡓࡀࡄࡌࡉࡀ ࡁࡉࡕ ࡔࡀࡁࡉࡒ ࡄࡀࡈࡀࡉࡉࡀ ࡍࡉࡄࡅࡉࡋࡀࡉ .. ࡉࡀ ࡄࡀࡁࡔࡀࡁࡀ ࡒࡀࡁࡋࡇ ࡅࡐࡀࡓࡒࡇ ࡅࡕࡅࡓࡑࡇ ࡅࡀࡎࡒࡉࡀ ࡋࡓࡉࡔ ࡎ ࡀ ࡏࡕࡉࡁ ࡁࡀࡓࡒࡀ ࡅࡒࡓࡉࡀ ࡍࡄࡅࡔࡕࡀ ࡅࡒࡅࡌ ࡏࡋ ࡋࡉࡂࡓࡀࡊ ࡅࡀࡌࡅࡓ ࡆࡄࡉࡓ ࡅࡌࡆࡀࡄࡀࡓ ࡎࡀ

2. ࡆࡄࡉࡓ ࡅࡌࡆࡀࡄࡀࡓ ࡆࡉࡄࡓࡅࡍ ࡓࡀࡆࡀ ࡓࡁࡀ ࡖ ࡆࡉࡅࡀ ࡅࡍࡄࡅࡓࡀ ࡅࡏࡒࡀࡓࡀ ࡖ ࡌࡉࡍࡇ ࡃࡉࡋࡇ ࡐࡓࡀࡔ ࡅࡐࡕࡀ ࡄࡅࡀ ࡌࡀࡍࡃࡀ ࡖ ࡄࡉࡉࡀ ࡖ ࡌࡉࡍࡇ ࡃࡉࡋࡇ ࡄࡅࡍ ࡁࡍࡉࡀ ࡐࡓࡉࡔࡀࡉࡉࡀ ࡖ ࡄࡉࡉࡀ ࡓࡅࡓࡁࡉࡀ ࡍࡅࡊࡓࡀࡉࡉࡀ ࡅࡒࡓࡀ ࡏࡅࡕࡓࡉࡀ ࡋࡉࡀࡌࡉࡍࡇ ࡅࡋࡎࡌࡀࡋࡇ ࡅࡀࡅࡕࡉࡁࡉࡍࡅࡍ ࡁࡔࡊࡉࡍࡀࡕࡅࡍ ࡖ ࡍࡀࡐࡔࡀࡉࡄࡅࡍ ࡅࡍࡄࡀࡓ ࡅࡕࡁࡀࡓ ࡁࡀࡋࡁࡅࡔࡀࡉࡄࡅࡍ ࡖ ࡍࡀࡐࡔࡀࡉࡄࡅࡍ ࡅࡏࡕࡂࡀࡉࡅࡍ ࡁࡌࡀࡃࡉࡄࡕࡀ ࡖ ࡀࡁࡅࡄࡅࡍ ࡍࡑࡀࡁࡋࡅࡍ ࡌࡍ ࡁࡉࡕ ࡄࡉࡉࡀ ࡅࡕࡄࡉࡁ ࡋࡔࡅࡀࡋࡉࡀ ࡅࡀࡅࡒࡅࡓࡉࡀ ࡓࡁࡀ ࡀࡊࡅࡀࡕ ࡀࡁࡀࡄࡀࡕࡇ ࡅࡒࡀࡌ ࡏࡅࡕࡓࡉࡀ ࡏࡋ ࡊࡀࡓࡎࡀࡅࡀࡕࡀ ࡖ ࡆࡉࡅࡀ ࡅࡍࡄࡅࡓࡀ ࡅࡏࡒࡀࡓࡀ ࡅࡔࡒࡀࡋ ࡊࡋࡉࡋࡀ ࡌࡍ ࡓࡉࡔࡀࡉࡄࡅࡍ ࡅࡀࡕࡍࡅࡍࡅࡍ ࡋࡊࡀࡓࡎࡀࡅࡀࡕࡀ ࡖ ࡆࡉࡅࡀ ࡅࡍࡄࡅࡓࡀ ࡅࡏࡒࡀࡓࡀ ࡅࡀࡌࡓࡉࡀ ࡖ ࡒࡀࡔࡉࡔ ࡓࡁࡀ ࡌࡍ ࡀࡁࡀࡄࡀࡕࡇ ࡀࡁࡅࡍ ࡒࡅࡌ ࡁࡕࡅࡔࡁࡉࡄࡕࡀ ࡅࡀࡎࡉࡌ ࡏࡋࡀࡉ ࡏࡃࡀࡊ ࡖ ࡊࡅࡔࡈࡀ ࡅࡉࡀࡌࡉࡍࡀࡊ ࡓࡀࡁࡕࡉࡀ ࡖ ࡀࡎࡀࡅࡀࡕࡀ ࡅࡌࡔࡀࡁࡉࡍ ࡄࡉࡉࡀ ࡎࡀ .. ࡄࡀࡆࡉࡍ ࡁࡅࡕࡀ ࡖ ࡔࡓࡉࡕࡀ ࡖ ࡁࡔࡅࡌࡇ ࡖ ࡄࡀࡄࡅ ࡂࡀࡁࡓࡀ ࡒࡀࡃࡌࡀࡉࡀ ࡄࡏ ࡎࡀ

4. ࡗ ࡒࡀࡉࡌࡉࡀ ࡏࡅࡕࡓࡉࡀ ࡁࡔࡊࡉࡍࡀࡕࡅࡍ ࡎࡀࡂࡃࡉࡀ ࡅࡌࡔࡀࡁࡉࡋࡇ ࡋࡀࡕࡓࡀ ࡎࡀࡂࡉࡀ ࡁࡀࡍࡄࡅࡓࡀ ࡖ ࡎࡀࡊࡀ ࡋࡉࡕࡋࡇ ࡅࡋࡌࡀࡍࡃࡀ ࡖ ࡄࡉࡉࡀ ࡌࡔࡀࡁࡉࡋࡇ ࡅࡀࡌࡓࡉࡋࡇ ࡗ ࡒࡀࡉࡌࡉࡀ ࡏࡅࡕࡓࡉࡀ ࡁࡔࡊࡉࡍࡀࡕࡅࡍ ࡎࡀࡂࡃࡉࡀ ࡅࡌࡔࡀࡁࡉࡋࡇ ࡋࡄࡀࡄࡅ ࡕࡀࡓࡅࡀࡍ ࡍࡄࡅࡓࡀ ࡊࡋࡉࡋࡀ ࡖ ࡁࡓࡉࡔࡀࡉࡄࡅࡍ ࡁࡌࡀࡄࡅ ࡍࡉࡒࡀࡉࡌࡅࡍࡇ ࡅࡁࡌࡀࡄࡅ ࡍࡉࡕࡋࡅࡍࡇ ࡁࡏࡋࡀࡍ ࡆࡉࡅࡀ ࡍࡉࡒࡀࡉࡌࡅࡍࡇ ࡅࡍࡀࡕࡋࡅࡍࡇ ࡅࡌࡔࡀࡁࡉࡍ ࡄࡉࡉࡀ ࡎࡀ .. ࡄࡀࡆࡀ ࡁࡅࡕࡀ ࡒࡀࡉࡀࡌࡕࡀ ࡖ ࡄࡉࡉࡀ ࡒࡉࡓࡉࡅࡉࡀ ࡋࡉࡀࡅࡀࡓ ࡆࡉࡅࡀ ࡄࡏ ࡎࡀ

6. ࡏࡕࡉࡀࡓ ࡊࡋࡉࡋ ࡍࡄࡅࡓ ࡀࡉࡀࡓ ࡌࡍ ࡁࡉࡕ ࡄࡉࡉࡀ ࡖ ࡀࡕࡉࡅࡉࡀ ࡏࡅࡕࡓࡉࡀ ࡌࡍ ࡁࡉࡕ ࡄࡉࡉࡀ ࡅࡒࡀࡉࡌࡅࡉࡀ ࡄࡉࡉࡀ ࡓࡅࡓࡁࡉࡀ ࡒࡀࡃࡌࡀࡉࡉࡀ ࡁࡔࡊࡉࡍࡀࡕࡅࡍ ࡕࡀࡓࡑࡇ ࡍࡉࡕࡓࡀࡑ ࡅࡌࡒࡀࡉࡌࡀࡍࡇ ࡍࡉࡕࡒࡀࡉࡀࡌ ࡕࡀࡓࡑࡇ ࡁࡀࡓࡒࡀ ࡖ ࡍࡄࡅࡓࡀ ࡅࡌࡒࡀࡉࡌࡀࡍࡇ ࡁࡃࡀࡅࡓࡀ ࡕࡀࡒࡍࡀ ࡏࡕࡓࡉࡑࡕࡅࡍ ࡅࡏࡕࡒࡀࡉࡀࡌࡕࡅࡍ ࡁࡀࡕࡓࡀ ࡖ ࡈࡀࡁࡉࡀ ࡌࡉࡕࡒࡀࡉࡌࡉࡀ ࡅࡌࡔࡀࡁࡉࡍ ࡄࡉࡉࡀ ࡎࡀ .. ࡄࡀࡆࡀ ࡁࡅࡕࡀ ࡔࡓࡉࡕࡀ ࡖ ࡍࡄࡅࡓ ࡍࡄࡅࡓࡀ ࡄࡏ ࡎࡀ ࡄࡀࡆࡉࡍ ࡕࡋࡀࡕࡀ ࡁࡀࡅࡀࡕࡀ ࡁࡔࡅࡌࡇ ࡖ ࡄࡀࡄࡅ ࡂࡀࡁࡓࡀ ࡒࡀࡃࡌࡀࡉࡀ ࡅࡄࡉࡉࡀ ࡒࡉࡓࡉࡅࡉࡀ ࡋࡉࡀࡅࡀࡓ ࡆࡉࡅࡀ ࡅࡍࡄࡅࡓ ࡍࡄࡅࡓࡀ ࡒࡓࡉࡀ ࡋࡀࡂࡀࡍࡁࡉࡀ ࡕࡀࡂࡀࡊ ࡅࡕࡓࡅࡑ ࡁࡓࡉࡔࡀࡊ ࡅࡒࡓࡉࡀ ࡌࡀࡍࡃࡀ ࡒࡓࡀࡍ ࡋࡊࡋࡉࡋࡀ ࡖ ࡀࡎࡀ ࡅࡕࡓࡅࡑ ࡁࡓࡉࡔࡀࡊ ࡏࡋࡀࡅࡉࡀ ࡕࡀࡂࡀࡊ ࡅࡂࡃࡅࡋ ࡊࡋࡉࡋࡀ ࡖ ࡀࡎࡀ ࡋࡌࡀࡓࡂࡉࡍࡀࡊ ࡅࡋࡂࡅࡈ ࡀࡁࡉࡄࡃࡉࡀ ࡕࡀࡂࡀࡊ ࡅࡗ ࡌࡀࡎࡂࡉࡕ ࡋࡉࡀࡓࡃࡍࡀ ࡒࡓࡉࡀ ࡏࡅࡍࡉࡀࡍ ࡀࡁ

ࡏࡅࡍࡉࡀࡍ ࡎࡀ ࡅࡀࡃࡓࡉࡀ ࡕࡀࡂࡀࡊ ࡌࡍ ࡓࡉࡔࡀࡊ ࡍࡅࡔࡒࡉࡀ ࡁࡅࡃࡒࡉࡀ ࡏࡋ ࡀࡉࡍࡀࡊ ࡖ ࡉࡀࡌࡉࡍࡀࡊ ࡅࡀࡉࡍࡀࡊ ࡎࡌࡀࡋࡀࡊ ࡅࡀࡌࡅࡓ ࡊࡅࡔࡈࡀ ࡀࡎࡉࡀࡊ ࡕࡀࡂࡀࡉ ࡅࡊࡅࡔࡈࡀ ࡀࡎࡉࡀࡊ ࡓࡁࡀࡉ ࡎࡀ

178. ࡊࡅࡔࡈࡀ ࡀࡎࡉࡀࡊ ࡕࡀࡂࡀࡉ ࡊࡅࡔࡈࡀ ࡀࡎࡉࡀࡊ ࡓࡁࡀࡉ ࡊࡅࡔࡈࡀ ࡀࡎࡉࡀࡊ ࡁࡅࡓࡆࡉࡍࡒࡀࡉ ࡊࡅࡔࡈࡀ ࡀࡎࡉࡀࡊ ࡍࡀࡈࡓࡀ ࡖ ࡁࡅࡓࡆࡉࡍࡒࡀࡉ ࡊࡅࡔࡈࡀ ࡀࡎࡉࡀࡊ ࡆࡉࡅࡀ ࡓࡁࡀ ࡒࡀࡃࡌࡀࡉࡀ ࡊࡅࡔࡈࡀ ࡀࡎࡉࡀࡊ ࡍࡄࡅࡓࡀ ࡓࡁࡀ ࡒࡀࡃࡌࡀࡉࡀ ࡊࡅࡔࡈࡀ ࡀࡎࡉࡍࡊࡅࡍ ࡀࡄࡀࡉ ࡕࡀࡓࡌࡉࡃࡉࡀ ࡊࡅࡔࡈࡀ ࡀࡎࡉࡍࡊࡅࡍ ࡄࡉࡉࡀ ࡀࡁࡀࡄࡀࡕࡀࡉ ࡊࡅࡔࡈࡀ ࡀࡎࡉࡀࡊ ࡂࡀࡍࡆࡀࡉ ࡊࡅࡔࡈࡀ ࡀࡎࡉࡀࡊ ࡍࡀࡈࡓࡀ ࡖ ࡂࡉࡍࡆࡀࡉ ࡍࡉࡔࡒࡀࡊ ࡁࡐࡅࡌࡀ ࡃࡀࡊࡉࡀ ࡔࡉࡕࡉࡍ ࡆࡉࡁࡍࡉࡀ ࡅࡄࡃࡀ ࡆࡉࡁࡍࡀ ࡁࡌࡀࡍࡀ ࡂࡀࡅࡀࡉࡉࡀ ࡊࡎࡅࡊ ࡁࡓࡀࡊࡕࡀࡊ ࡀࡉࡍࡀ ࡖ ࡌࡉࡀ ࡄࡉࡉࡀ ࡅࡍࡀࡑࡉࡓࡅࡕࡀ ࡖ ࡌࡉࡍࡀ ࡄࡅࡀࡕ ࡄࡉࡋࡉࡕࡀࡊ ࡕࡉࡄࡅࡉࡀ ࡌࡍࡀࡕࡀࡊ ࡅࡂࡉࡍࡆࡀ ࡋࡌࡀࡓࡉࡀ ࡍࡉࡎࡀࡒ ࡅࡀࡍࡀࡕࡅࡍ ࡄࡉࡉࡀ ࡁࡆࡀࡊࡀࡉࡉࡀ ࡄࡅࡍ ࡋࡀࡋࡀࡌ ࡀࡋࡌࡉࡀ ࡅࡄࡉࡉࡀ ࡆࡀࡊࡉࡍ ࡎࡀ ࡅࡊࡎࡉࡀ ࡕࡀࡂࡀࡊ ࡁࡌࡀࡍࡀࡊ ࡄࡉࡉࡀ ࡆࡀࡊࡏࡉࡍ ࡎࡀ

ࡌࡀࡓࡀࡉ ࡌࡔࡀࡁࡀ

410. ࡁࡔࡅࡌࡀࡉࡄࡅࡍ ࡖ ࡄࡉࡉࡀ ࡓࡁࡉࡀ ࡀࡎࡅࡕࡀ ࡅࡆࡀࡊࡅࡕࡀ ࡅࡔࡀࡁࡉࡒ ࡄࡀࡈࡀࡉࡉࡀ ࡍࡉࡄࡅࡉࡋࡉࡀ ࡋࡃࡉࡋࡉࡀ ࡖ ࡄࡀࡆࡀ ࡁࡅࡕࡀ ࡅࡓࡀࡄࡌࡉࡀ ࡁࡉࡕ ࡔࡀࡁࡉࡒ ࡄࡀࡈࡀࡉࡉࡀ ࡍࡉࡄࡅࡉࡋࡉࡀ ࡂࡀࡁࡓࡀ ࡖ ࡀࡉࡍࡇ ࡎࡀࡊࡉࡀ ࡋࡀࡁࡀࡄࡀࡕࡇ ࡅࡏࡅࡑࡓࡇ ࡋࡄࡉࡉࡀ ࡕࡓࡉࡑ ࡅࡁࡀࡋࡇ ࡌࡍ ࡌࡀࡍࡃࡀ ࡖ ࡄࡉࡉࡀ ࡋࡀࡔࡀࡍࡉࡀ ࡀࡍࡉࡀ ࡀࡍࡀ ࡖ ࡔࡅࡋࡕࡀ ࡔࡀࡉࡉࡋ ࡅࡃࡀࡍࡉࡀ ࡖ ࡌࡍ ࡔࡅࡁࡀ ࡎࡉࡈࡀࡓ ࡄࡅࡀ ࡅࡀࡌࡀࡓࡍࡀ ࡉࡀ ࡌࡀࡓࡉࡀ ࡌࡓࡅࡌࡀ ࡅࡏࡋࡀࡉࡀ ࡂࡀࡁࡓࡀ ࡖ ࡌࡒࡀࡁࡉࡋ ࡔࡅࡋࡕࡀ ࡒࡀࡁࡋࡀ ࡋࡁࡅࡕࡀࡉ ࡅࡕࡅࡔࡁࡉࡄࡕࡀࡉ ࡄࡀࡊࡀ ࡕࡅࡓࡑࡀ ࡁࡕࡅࡓࡑࡀࡊ ࡀࡄࡁࡅࡋࡉࡀ ࡀࡕࡓࡀ ࡁࡀࡕࡓࡀࡊ ࡅࡔࡊࡉࡍࡋࡉࡀ ࡔࡊࡉࡍࡕࡀ ࡁࡀࡋࡌࡀࡊ ࡋࡀࡕࡉࡔࡀࡉࡋࡀࡍ ࡋࡄࡀࡈࡀࡉࡉࡀ ࡅࡋࡈࡅࡍࡀ ࡖ ࡊࡉࡃࡓࡀࡕ ࡋࡍࡀࡐࡔࡀࡉ ࡁࡄࡀࡆࡉࡍ ࡀࡋࡌࡀ ࡄࡅࡆࡉࡉࡍ ࡖ ࡒࡅࡃࡀࡌࡀࡊ ࡏࡆࡃࡀࡊࡉࡕ ࡄࡅࡆࡉࡉࡍ ࡖ ࡓࡉࡃࡐࡀ ࡖ ࡋࡔࡅࡌࡀࡊ ࡎࡉࡁࡋࡉࡕ ࡀࡍࡀࡕ ࡂࡉࡌࡓࡀࡍ ࡌࡍ ࡄࡅࡈࡐࡉࡀ ࡀࡌࡉࡍࡈࡅࡋ ࡖ ࡀࡁࡃࡀࡊ ࡅࡔࡉࡕࡋࡀࡊ ࡀࡍࡀ ࡕࡅࡌ ࡀࡍࡀ ࡋࡔࡅࡌࡀࡊ ࡌࡀࡃࡍࡉࡍࡀ ࡅࡋࡔࡉࡕࡋࡀࡉ ࡖ ࡁࡔࡅࡌࡀࡊ ࡒࡀࡉࡉࡌࡕ ࡅࡀࡌࡀࡓࡍࡀ ࡁࡋࡉࡁࡀࡉ ࡅࡌࡉࡔࡕࡀࡉࡉࡍࡀ ࡁࡏࡅࡑࡓࡀࡉ ࡅࡊࡀࡁࡉࡔࡍࡀ ࡒࡅࡌࡕࡀࡉ ࡅࡄࡀࡋࡑࡀࡉ ࡔࡉࡄࡉࡓࡉࡀࡋࡉࡀ ࡔࡉࡋࡉࡀ ࡖ ࡏࡋࡀࡅࡉࡀ ࡆࡉࡅࡉࡀ ࡊࡅࡋࡄࡅࡍ ࡒࡅࡃࡀࡌ ࡍࡄࡅࡓࡀ ࡃࡀࡊࡉࡀ ࡖ ࡏࡋࡀࡅࡉࡀ ࡍࡄࡅࡓࡉࡀ ࡊࡅࡋࡄࡅࡍ ࡅࡀࡌࡀࡓࡍࡀ ࡉࡀ ࡌࡀࡓࡉࡀ ࡃࡓࡀࡁࡔࡉࡀ ࡕࡀࡒࡍࡉࡀ ࡅࡌࡀࡓࡉࡀ ࡎࡉࡃࡓࡉࡀ ࡊࡀࡎࡉࡉࡀ ࡅࡌࡀࡓࡉࡀ ࡏࡍࡂࡀࡓࡉࡀ ࡖ ࡊࡅࡔࡈࡀ ࡅࡌࡀࡓࡉࡀ ࡁࡅࡕࡀ ࡅࡕࡅࡔࡁࡉࡄࡕࡀ ࡌࡒࡀࡉࡌࡀࡍࡀ ࡁࡅࡕࡀ ࡖ ࡏࡅࡕࡓࡉࡀ ࡅࡌࡒࡀࡁࡋࡀࡍࡀ ࡕࡅࡔࡁࡉࡄࡕࡀ ࡖ ࡌࡀࡋࡊࡉࡀ ࡎࡀࡌࡉࡊ ࡏࡅࡑࡓࡉࡀ ࡑࡀࡋࡉࡉࡀ ࡍࡉࡄࡅࡉࡋࡇ ࡄࡀࡉࡋࡀ ࡅࡔࡓࡀࡓࡀ ࡋࡊࡅࡋࡄࡅࡍ ࡓࡀࡄࡌࡉࡀ ࡔࡅࡌࡀࡊ ࡀࡍࡀࡕࡅࡍ ࡄࡅࡆࡉࡅࡍ ࡁࡀࡉࡍࡀࡉࡊࡅࡍ ࡅࡓࡅࡄࡌࡅࡍ ࡁࡋࡉࡁࡀࡉࡊࡅࡍ ࡅࡎࡅࡌࡊࡅࡍ ࡁࡄࡀࡉࡋࡀࡉࡊࡅࡍ ࡅࡀࡋࡁࡔࡅࡍ ࡌࡍ ࡆࡉࡅࡀࡉࡊࡅࡍ ࡅࡊࡀࡎࡉࡅࡍ ࡌࡍ ࡍࡄࡅࡓࡀࡉࡊࡅࡍ ࡅࡋࡀࡕࡉࡐࡉࡎࡒࡅࡍ ࡌࡍ ࡋࡅࡀࡕࡀࡉࡊࡅࡍ ࡅࡓࡀࡄࡉࡒ ࡌࡉࡍࡀࡉ ࡄࡀࡅࡒࡀ ࡅࡃࡀࡄࡀࡋࡕࡀ ࡅࡆࡉࡅࡉࡄࡕࡀ ࡖ ࡔࡅࡁࡀ ࡊࡅࡊࡁࡉࡀ ࡅࡕࡓࡉࡎࡀࡓ ࡌࡀࡋࡅࡀࡔࡉࡀ ࡅࡐࡀࡓࡒࡅࡍ ࡌࡍ ࡏࡃࡀ ࡖ ࡁࡉࡔࡉࡀ ࡅࡔࡉࡓࡉࡅࡍ ࡌࡍ ࡀࡎࡀࡓࡉࡀ ࡂࡉࡈࡓࡉࡀ ࡖ ࡌࡅࡕࡀ ࡅࡋࡀࡕࡉࡐࡉࡎࡒࡅࡍ ࡌࡍ ࡀࡋࡅࡀࡕࡀࡉࡊࡅࡍ ࡅࡆࡀࡓࡆࡅࡍ ࡌࡍ ࡊࡅࡋ ࡖ ࡁࡉࡔ ࡄࡅࡋࡉࡀ ࡔࡅࡓࡀ ࡌࡍ ࡌࡓࡉࡃࡉࡀ ࡅࡏࡃࡀ ࡖ ࡊࡅࡔࡈࡀ ࡌࡍ ࡌࡄࡀࡌࡁࡋࡀࡍࡉࡀ ࡖ ࡄࡀࡆࡉࡍ ࡀࡋࡌࡀ ࡊࡓࡅࡊ ࡅࡃࡄࡉࡀ ࡌࡉࡍࡀࡉ ࡍࡉࡀࡆࡀ ࡅࡌࡀࡎࡊࡉࡍࡅࡕࡀ ࡅࡂࡀࡃࡀ ࡔࡀࡐࡋࡀ ࡅࡔࡉࡍࡕࡀ ࡄࡀࡎࡉࡓࡕࡀ ࡅࡔࡀࡉࡉࡀ ࡖ ࡓࡅࡂࡆࡀ ࡅࡉࡅࡌࡀ ࡁࡉࡔࡀ ࡅࡔࡉࡒࡅࡐࡉࡀࡕࡀ ࡖ ࡄࡀࡅࡉࡍ ࡁࡊࡅࡋ ࡆࡁࡀࡍ ࡄࡅࡋࡉࡀ ࡄࡉࡉࡀ ࡁࡄࡉࡉࡀ ࡅࡀࡔࡒࡉࡀࡍ ࡌࡉࡀ ࡄࡉࡉࡀ ࡓࡀࡅࡆࡉࡀ ࡕࡓࡀࡑࡋࡉࡀ ࡊࡀࡍࡀ ࡖ ࡆࡉࡃࡒࡀ ࡅࡐࡀࡕࡅࡓࡀ ࡅࡂࡀࡃࡀ ࡈࡀࡁࡀ ࡖ ࡌࡀࡋࡅࡉࡍ ࡌࡍ ࡍࡀࡑࡉࡓࡅࡕࡀ ࡅࡀࡄࡀࡉ ࡀࡋࡅࡀࡕࡀࡉ ࡍࡉࡄࡅࡍ ࡅࡍࡉࡍࡑࡀࡁࡋࡉࡀ ࡍࡀࡑࡁࡀ ࡍࡉࡄࡀ ࡅࡆࡀࡅࡀࡉ ࡅࡔࡉࡕࡋࡀࡉ ࡅࡕࡀࡓࡌࡉࡃࡀࡉ ࡖ ࡁࡓࡀࡄࡌࡉࡀ ࡍࡉࡔࡕࡀࡋࡌࡅࡁࡉࡀ ࡏࡐࡅࡒ ࡅࡏࡕࡉࡀ ࡀࡋࡀࡍࡐࡀࡉࡊࡅࡍ ࡁࡌࡀࡐࡀࡒࡕࡀ ࡌࡔࡀࡋࡀࡌࡕࡀ ࡅࡁࡌࡉࡔࡀ ࡃࡀࡊࡉࡀ ࡅࡁࡓࡅࡔࡅࡌࡀ ࡁࡄࡉࡓࡀ ࡅࡁࡊࡉࡋࡀ ࡌࡀࡋࡉࡀ ࡀࡃࡉࡍࡒࡉࡀ ࡊࡀࡃࡐࡀ ࡅࡁࡎࡉࡁࡅࡕࡀ ࡌࡁࡀࡓࡀࡊࡕࡀ ࡀࡃࡉࡍࡒࡉࡀ ࡊࡀࡋࡉࡅࡕࡀ ࡄࡆࡉࡀ ࡔࡉࡕࡋࡉࡀ ࡅࡏࡃࡀࡌࡀࡓ ࡁࡔࡅࡀࡋࡀࡍࡉࡀ ࡕࡅࡌ ࡀࡍࡀࡕࡅࡍ ࡔࡀࡁࡉࡒ ࡄࡀࡈࡀࡉࡉࡀ ࡌࡍ ࡀࡋࡅࡀࡕࡀࡉࡊࡅࡍ ࡍࡉࡄࡅࡉࡋࡉࡀ ࡋࡃࡉࡋࡉࡀ ࡖ ࡄࡀࡆࡀ ࡁࡅࡕࡀ ࡅࡓࡀࡄࡌࡉࡀ ࡁࡉࡕ ࡔࡀࡁࡉࡒ ࡄࡀࡈࡀࡉࡉࡀ ࡍࡉࡄࡅࡉࡋࡉࡀ . ࡋࡃࡉࡋࡉࡀ ࡅࡋࡀࡁ ࡅࡋࡏࡌ ࡅࡋࡓࡁࡀࡉ ࡅࡋࡆࡀࡅࡀࡉ ࡅࡋࡔࡉࡕࡋࡀࡉ ࡅࡋࡕࡀࡓࡌࡉࡃࡀࡉ ࡅࡋࡊࡅࡋࡄࡉࡍ ࡍࡉࡔࡌࡀࡕࡀ ࡖ ࡋࡔࡅࡌ ࡄࡉࡉࡀ ࡒࡀࡌ ࡅࡋࡓࡅࡔࡅࡌ ࡌࡀࡍࡃࡀ ࡖ ࡄࡉࡉࡀ ࡀࡔࡀࡓ ࡁࡋࡉࡁࡀ ࡊࡔࡉࡈࡀ ࡅࡌࡄࡀࡉࡌࡍࡀ ࡏࡉࡍ ࡄࡉࡉࡀ ࡅࡏࡉࡉࡍ ࡄࡉࡉࡀ ࡅࡄࡉࡉࡀ ࡁࡆࡀࡊࡀࡉࡉࡀ ࡍࡉࡄࡅࡍ ࡋࡓࡀࡄࡌࡉࡀ ࡔࡅࡌࡀࡉࡄࡅࡍ ࡋࡀࡍࡀࡂࡆࡓࡅࡍ ࡁࡋࡀࡅࡐࡀ ࡉࡀࡒࡓࡀ ࡍࡉࡕࡋࡀࡉࡐࡅࡍ ࡄࡉࡉࡀ ࡋࡉࡀࡃࡉࡍ ࡅࡄࡉࡉࡀ ࡋࡎࡀࡁࡓࡉࡍ ࡅࡄࡉࡉࡀ ࡋࡂࡅࡁࡓࡉࡀ ࡌࡀࡎࡁࡉࡓࡀࡍࡀࡍ ࡅࡒࡀࡉࡀࡌࡉࡍ ࡄࡉࡉࡀ ࡁࡔࡊࡉࡍࡀࡕࡅࡍ ࡅࡄࡉࡉࡀ ࡆࡀࡊࡉࡍ ࡋࡊࡅࡋࡄࡅࡍ ࡏࡅࡁࡀࡃࡉࡀ . ࡕࡅࡌ ࡌࡍ ࡄࡉࡉࡀ ࡄࡀࡉࡀࡎࡅࡕࡊࡅࡍ ࡅࡕࡉࡀࡁࡅࡕࡊࡅࡍ ࡅࡏࡕࡉࡀࡉࡓࡅࡕࡊࡅࡍ ࡅࡏࡕࡓࡀࡄࡌࡅࡕࡊࡅࡍ ࡃࡉࡋࡊࡅࡍ ࡄࡉࡉࡀ ࡓࡁࡉࡀ ࡒࡀࡃࡌࡀࡉࡉࡀ ࡄࡅࡎࡉࡅࡍ ࡅࡕࡅࡁࡉࡅࡍ ࡅࡏࡕࡉࡀࡉࡓࡅࡍ ࡅࡏࡕࡓࡀࡄࡀࡌࡉࡅࡍ ࡋࡄࡀࡆࡀ ࡍࡉࡔࡉࡌࡕࡀࡉ ࡃࡉࡋࡉࡀ ࡖ ࡄࡀࡆࡀ ࡁࡅࡕࡀ ࡅࡓࡀࡄࡌࡉࡀ ࡁࡉࡕ ࡔࡀࡁࡉࡒ ࡄࡀࡈࡀࡉࡉࡀ ࡍࡉࡄࡅࡉࡋࡉࡀ . ࡕࡋࡀࡕࡀ ࡆࡉࡁࡍࡉࡀ . ࡋࡃࡉࡋࡉࡀ ࡅࡋࡀࡁ ࡅࡋࡏࡌ ࡅࡋࡓࡁࡀࡉ ࡅࡋࡆࡀࡅࡀࡉ ࡅࡋࡔࡉࡕࡋࡀࡉ ࡅࡋࡕࡀࡓࡌࡉࡃࡀࡉ ࡅࡋࡌࡀࡍ ࡖ ࡄࡀࡆࡉࡍ ࡋࡄࡀࡌࡀ ࡅࡈࡀࡁࡅࡕࡀ ࡓࡌࡅࡍ ࡃࡉࡋࡊࡅࡍ ࡀࡁࡀࡄࡀࡕࡀࡉ ࡅࡓࡅࡁࡀࡍࡀࡉ ࡅࡌࡀࡋࡐࡀࡍࡀࡉ ࡅࡌࡀࡎࡁࡉࡓࡀࡍࡀࡉ ࡗ ࡎࡌࡉࡊࡉࡕࡅࡍ ࡌࡍ ࡎࡌࡀࡋ ࡋࡉࡀࡌࡉࡍ ࡔࡀࡁࡉࡒ ࡄࡀࡈࡀࡉࡉࡀ ࡍࡉࡄࡅࡉࡋࡊࡅࡍ ࡕࡉࡌࡓࡅࡍ ࡅࡒࡀࡉࡀࡌࡉࡍ ࡄࡉࡉࡀ ࡁࡔࡊࡉࡍࡀࡕࡅࡍ ࡅࡄࡉࡉࡀ ࡆࡀࡊࡉࡍ ࡋࡊࡅࡋࡄࡅࡍ ࡏࡅࡁࡀࡃࡉࡀ ࡎࡀ ࡄࡀࡆࡉࡍ ࡁࡅࡕࡀ ࡖ ࡔࡅࡋࡕࡀ ࡖ ࡉࡀࡄࡉࡀ ࡄࡏ ࡁࡊࡅࡋ ࡓࡀࡄࡌࡉࡀ ࡁࡅࡉࡉࡇ ࡎࡀ

ࡌࡀࡓࡀࡉ ࡌࡔࡀࡁࡀ

175. ࡁࡔࡅࡌࡀࡉࡄࡅࡍ ࡖ ࡄࡉࡉࡀ ࡓࡁࡉࡀ ࡄࡀࡉࡆࡀࡊ ࡗ ࡌࡀࡈࡉࡀ ࡔࡅࡁࡀ ࡓࡀࡆࡉࡀ ࡀࡁࡃࡉࡀ ࡖ ࡔࡅࡁࡀ ࡀࡋࡀࡍࡐࡉࡀ ࡍࡀࡐࡒࡉࡀ ࡅࡀࡕࡉࡀ ࡅࡌࡉࡕࡊࡀࡓࡊࡉࡁࡀ ࡅࡌࡔࡀࡉࡋࡉࡋࡀ ࡅࡀࡌࡀࡓࡅࡋࡀ ࡉࡀ ࡍࡉࡔࡌࡀ ࡌࡉࡋࡉࡀ ࡏࡕࡉࡕ ࡅࡏࡋࡉࡀ ࡀࡆࡋࡉࡕ ࡀࡌࡀࡓࡍࡀࡋࡅࡍ ࡀࡕࡉࡍࡀ ࡌࡍ ࡏࡅࡑࡈࡅࡍࡀ ࡖ ࡄࡅ ࡕࡉࡁࡉࡋ ࡔࡅࡌࡇ ࡅࡀࡆࡉࡋࡍࡀ ࡋࡅࡀࡕ ࡊࡉࡌࡑࡀ ࡈࡀࡁࡀ ࡀࡌࡓࡉࡋࡇ ࡀࡁࡃࡀ ࡖ ࡌࡀࡍࡅ ࡀࡍࡀࡕ ࡅࡔࡋࡉࡄࡀ ࡖ ࡌࡀࡍࡅ ࡌࡉࡕࡒࡀࡓࡉࡉࡕ ࡀࡌࡀࡓࡍࡀࡋࡅࡍ ࡀࡁࡃࡀ ࡀࡍࡀ ࡖ ࡊࡉࡌࡑࡀ ࡓࡄࡉࡌࡀ ࡅࡔࡋࡉࡄࡀ ࡖ ࡀࡉࡀࡓ ࡎࡀࡂࡉࡀ ࡄࡀࡉࡆࡀࡊ ࡌࡁࡀࡓࡊࡉࡋࡇ ࡅࡌࡔࡀࡁࡉࡋࡇ ࡅࡌࡍࡀࡈࡓࡉࡋࡇ ࡅࡀࡌࡓࡉࡋࡇ ࡊࡅࡋ ࡌࡀࡍ ࡖ ࡉࡀࡃࡉࡋࡉࡀ ࡋࡄࡀࡆࡉࡍ ࡌࡀࡌࡋࡀ ࡎࡀࡋࡉࡒ ࡋࡅࡀࡕ ࡊࡉࡌࡑࡀ ࡈࡀࡁࡀ ࡀࡌࡉࡍࡈࡅࡋ ࡖ ࡁࡀࡉࡉࡀ ࡌࡉࡋࡂࡀࡈ ࡓࡀࡆࡉࡀ ࡖ ࡏࡅࡑࡈࡅࡍࡀ ࡌࡔࡀࡉࡋࡉࡋࡀ ࡅࡐࡀࡎ ࡎࡀࡋࡉࡒ ࡀࡋࡅࡀࡕ ࡊࡉࡌࡑࡀ ࡈࡀࡁࡀ ࡎࡀ

176. ࡉࡀ ࡌࡀࡋࡊࡀ ࡖ ࡊࡅࡋࡄࡅࡍ ࡌࡀࡋࡊࡉࡀ ࡉࡀ ࡀࡁࡀ ࡖ ࡊࡅࡋࡄࡅࡍ ࡏࡅࡕࡓࡉࡀ ࡉࡀ ࡀࡃࡀࡕࡀࡍ ࡅࡉࡀࡃࡀࡕࡀࡍ ࡉࡀ ࡔࡉࡋࡌࡀࡉ ࡅࡍࡉࡃࡁࡀࡉ ࡏࡅࡕࡓࡉࡀ ࡍࡀࡈࡓࡉࡀ ࡖ ࡉࡀࡓࡃࡍࡀ ࡉࡀ ࡄࡀࡁࡔࡀࡁࡀ ࡓࡁࡀ ࡉࡀ ࡄࡉࡁࡉࡋ ࡆࡉࡅࡀ ࡓࡁࡀ ࡌࡀࡋࡀࡉࡀ ࡌࡐࡀࡓࡒࡀࡕࡋࡀࡍ ࡌࡍ ࡊࡅࡋ ࡌࡄࡀࡔࡀࡁࡀࡕࡀ ࡁࡉࡔࡀࡕࡀ ࡅࡌࡐࡀࡓࡒࡀࡕࡋࡀࡍ ࡌࡍ ࡊࡅࡋ ࡖ ࡁࡉࡔ ࡅࡎࡍࡉࡀ ࡉࡀ ࡌࡀࡋࡊࡀ ࡓࡀࡌࡀ ࡓࡁࡀ ࡖ ࡍࡄࡅࡓࡀ ࡒࡀࡄࡁࡀࡕࡀࡍ ࡔࡀࡐࡉࡅࡕ ࡐࡀࡂࡓࡀ ࡅࡕࡓࡀࡄࡌࡅࡕ ࡋࡉࡁࡀ ࡅࡌࡀࡋࡉࡅࡕ ࡏࡃࡀ ࡅࡕࡀࡓࡑࡅࡕ ࡀࡉࡍࡀ ࡉࡀ ࡄࡉࡉࡀ ࡅࡌࡀࡓࡀࡉ ࡅࡌࡀࡍࡃࡀ ࡖ ࡄࡉࡉࡀ ࡌࡐࡀࡓࡒࡀࡕࡋࡀࡍ ࡅࡌࡔࡀࡅࡆࡁࡀࡕࡋࡀࡍ ࡅࡌࡍࡀࡈࡓࡀࡕࡋࡀࡍ ࡉࡀ ࡌࡀࡋࡊࡀ ࡓࡀࡌࡀ ࡓࡁࡀ ࡖ ࡍࡄࡅࡓࡀ ࡎࡀ

177. ࡁࡔࡅࡌࡀ ࡖ ࡄࡉࡉࡀ ࡓࡁࡉࡀ ࡀࡍࡄࡀࡓ ࡂࡅࡐࡍࡉࡀ ࡁࡂࡅ ࡌࡉࡀ ࡅࡏࡕࡒࡀࡉࡀࡌ ࡊࡀࡁࡉࡓࡉࡀ ࡁࡉࡀࡓࡃࡍࡀ ࡍࡉࡂࡁࡉࡀ ࡀࡍࡀࡕࡅࡍ ࡓࡀࡅࡆࡉࡀ ࡔࡂࡀࡍࡃࡉࡀ ࡋࡄࡀࡊࡀ ࡀࡉࡕࡉࡋࡊࡅࡍ ࡉࡀࡄࡁࡉࡍࡀࡋࡊࡅࡍ ࡋࡏࡅࡕࡓࡉࡀ ࡎࡀࡂࡉࡉࡀ ࡂࡀࡃࡋࡀࡋࡊࡅࡍ ࡅࡌࡀࡕࡍࡀࡋࡊࡅࡍ ࡁࡁࡀࡁࡀ ࡖ ࡄࡉࡋࡁࡅࡍࡉࡀ ࡗ ࡖ ࡀࡎࡀ ࡖ ࡌࡀࡓࡁࡀ ࡉࡀࡍࡒࡉࡀ ࡂࡀࡃࡋࡀࡋࡊࡅࡍ ࡅࡌࡀࡕࡍࡀࡋࡊࡅࡍ ࡀࡋࡌࡀ ࡋࡊࡉࡌࡑࡀࡕ ࡀࡋࡌࡉࡀ ࡁࡓࡉࡊࡉࡍࡊࡅࡍ ࡉࡀࡓࡃࡍࡀ ࡎࡀࡂࡉࡀ ࡁࡓࡉࡊࡉࡍࡊࡅࡍ ࡌࡀࡑࡁࡅࡕࡀ ࡖ ࡋࡀࡁࡀࡈࡋࡀ ࡌࡍ ࡓࡉࡔ ࡁࡓࡉࡔ ࡎࡀ

ࡌࡀࡓࡀࡉ ࡌࡔࡀࡁࡀ

179. ࡁࡔࡅࡌࡀࡉࡄࡅࡍ ࡖ ࡄࡉࡉࡀ ࡓࡁࡉࡀ ࡌࡓࡀࡅࡓࡀࡁ ࡍࡄࡅࡓࡀ ࡔࡀࡍࡉࡀ ࡀ ࡀࡕࡀ ࡁࡈࡀࡁࡅ ࡊࡅࡔࡈࡀ ࡍࡄࡅࡓࡀ ࡖ ࡌࡀࡎࡂࡉࡀ ࡋࡁࡉࡕ ࡓࡀࡄࡌࡇ ࡁ ࡁࡄࡉࡓࡀ ࡀࡍࡀࡕ ࡆࡀࡊࡀࡉࡀ ࡖ ࡌࡒࡀࡉࡌࡉࡕ ࡁࡆࡀࡊࡅ ࡔࡅࡓࡁࡕࡀࡊ ࡂ ࡂࡉࡌࡓࡀ ࡀࡍࡀࡕ ࡂࡌࡉࡓࡀ ࡁࡄࡉࡓࡀ ࡖ ࡌࡅࡌࡀ ࡋࡉࡕࡁࡇ ࡖ ࡃࡉࡓࡊࡀ ࡀࡍࡀࡕ ࡖ ࡔࡀࡋࡌࡀࡍࡉࡀ ࡅࡔࡁࡉࡋࡀ ࡖ ࡎࡀࡋࡉࡒ ࡋࡀࡕࡀࡓ ࡍࡄࡅࡓ ࡄ ࡄࡉࡉࡀ ࡀࡍࡀࡕ ࡖ ࡌࡍ ࡋࡀࡋࡀࡌ ࡖ ࡀࡎࡂࡉࡕ ࡔࡓࡉࡕ ࡁࡉࡋࡁࡀࡁ ࡊࡔࡉࡈ ࡅ ࡅࡀࡉࡋࡇ ࡋࡌࡀࡍ ࡖ ࡋࡀࡍࡉࡑࡉࡕࡀࡊ ࡅࡋࡀࡍࡉࡔࡀࡌࡀࡊ ࡌࡀࡓࡀࡉ ࡔࡁࡉࡋࡀ ࡖ ࡁࡃࡀࡓࡉࡀ ࡖ ࡓࡀࡁࡅࡕ ࡆࡌࡀࡓ ࡆ ࡆࡀࡉࡍࡀ ࡀࡍࡀࡕ ࡖ ࡔࡀࡋࡌࡀࡍࡉࡀ ࡔࡓࡀࡓࡀ ࡖ ࡈࡏࡉࡀ ࡋࡉࡕࡁࡇ ࡇ ࡄࡀࡊࡉࡌࡉࡕ ࡅࡁࡀࡎࡉࡌࡉࡕ ࡌࡀࡓࡀࡉ ࡖ ࡄࡉࡊࡅࡌࡕࡀ ࡅࡎࡉࡁࡓࡅࡕࡀ ࡌࡀࡋࡐࡀࡕࡋࡅࡍ ࡋࡊࡅࡋࡄࡅࡍ ࡓࡀࡄࡌࡉࡀ ࡔࡅࡌࡀࡊ ࡈ ࡈࡅࡁࡇ ࡋࡌࡀࡍ ࡖ ࡍࡉࡑࡉࡕࡀࡊ ࡅࡍࡉࡔࡉࡌࡀࡊ ࡌࡀࡓࡀࡉ ࡅࡍࡀࡎࡂࡉࡀ ࡁࡃࡉࡓࡊࡉࡀ ࡌࡍ ࡀࡁࡀࡕࡓࡀࡊ ࡉ ࡉࡅࡌࡀ ࡀࡍࡀࡕ ࡖ ࡄࡀࡃࡅࡕࡀ ࡖ ࡏࡁࡋࡉࡀ ࡅࡌࡀࡋࡉࡀ ࡋࡉࡕࡁࡇ ࡊ ࡊࡋࡉࡋࡀ ࡀࡍࡀࡕ ࡖ ࡆࡀࡊࡀࡅࡀࡕࡀ ࡖ ࡕࡓࡀࡑࡋࡅࡍ ࡁࡓࡉࡔࡀࡉࡄࡅࡍ ࡋࡌࡉࡍࡉࡄࡓࡉࡀ ࡋ ࡋࡉࡔࡀࡍࡀ ࡀࡍࡀࡕ ࡖ ࡕࡅࡔࡁࡉࡄࡕࡀ ࡖ ࡊࡅࡋ ࡉࡅࡌ ࡋࡄࡉࡉࡀ ࡌࡔࡀࡁࡀࡕࡋࡅࡍ ࡌ ࡌࡀࡍࡀ ࡀࡍࡀࡕ ࡒࡀࡃࡌࡀࡉࡀ ࡖ ࡄࡉࡉࡀ ࡁࡀࡍࡅࡊ ࡅࡁࡀࡍࡀࡍࡅࡊ ࡍ ࡍࡄࡅࡓࡀ ࡀࡍࡀࡕ ࡖ ࡊࡀࡁࡉࡓࡉࡀ ࡖ ࡀࡎࡂࡉࡕ ࡏࡕࡉࡕࡋࡇ ࡋࡀࡋࡌࡀ ࡎ ࡎࡀࡌࡀ ࡀࡍࡀࡕ ࡖ ࡌࡀࡎࡉࡀ ࡊࡉࡁࡉࡀ ࡀࡎࡉࡀ ࡖ ࡌࡀࡎࡉࡀ ࡊࡋࡄࡅࡍ ࡓࡀࡄࡌࡉࡀ ࡔࡅࡌࡇ ࡏ ࡀࡉࡍࡀ ࡀࡍࡀࡕ ࡖ ࡁࡄࡉࡓࡉࡀ ࡆࡉࡃࡒࡀ ࡖ ࡊࡅࡋ ࡉࡅࡌ ࡋࡄࡉࡉࡀ ࡎࡀࡊࡉࡀ ࡐ ࡐࡉࡓࡀ ࡀࡍࡀࡕ ࡖ ࡁࡀࡎࡉࡌࡀ ࡈࡀࡌࡀ ࡖ ࡌࡅࡌࡀ ࡋࡉࡕࡁࡇ ࡑ ࡑࡀࡅࡕࡀ ࡀࡍࡀࡕ ࡒࡀࡃࡌࡀࡉࡕࡀ ࡍࡉࡑࡅࡁࡕࡀ ࡖ ࡌࡍ ࡋࡀࡒࡀࡃࡌࡉࡀ ࡄࡅࡀࡕ ࡒ ࡒࡀࡋࡀ ࡀࡍࡀࡕ ࡒࡀࡃࡌࡀࡉࡀ ࡖ ࡄࡉࡉࡀ ࡌࡍ ࡊࡉࡍࡉࡀࡍࡅࡍ ࡒࡓࡅࡊ ࡓ ࡓࡁࡀࡉࡄࡅࡍ ࡀࡍࡀࡕ ࡖ ࡂࡀࡍࡆࡉࡁࡓࡉࡀ ࡖ ࡏࡋࡀࡅࡀࡉࡄࡅࡍ ࡔࡓࡏࡉࡀ ࡑࡀࡅࡕࡀࡊ ࡔ ࡔࡉࡌࡅࡊ ࡌࡉࡕࡉࡀ ࡄࡉࡅࡍ ࡅࡔࡉࡌࡅࡊ ࡊࡑࡉࡓࡉࡀ ࡏࡕࡀࡐࡅࡍ ࡕ ࡕࡀࡉࡁࡉࡕ ࡋࡁࡄࡉࡓࡉࡀ ࡆࡉࡃࡒࡀ ࡂࡅࡁࡓࡉࡀ ࡖ ࡋࡂࡀࡈ ࡅࡎࡁࡀࡓ ࡄࡅࡊࡅࡌࡕࡀ ࡈࡀࡁࡉࡀ ࡅࡁࡄࡉࡓࡉࡀ ࡅࡔࡀࡋࡌࡀࡍࡉࡀ ࡔࡓࡀࡋࡍ ࡁࡋࡉࡁࡀࡉࡄࡅࡍ ࡊࡅࡔࡈࡀ ࡌࡉࡔࡕࡀࡉࡉࡍ ࡄࡉࡉࡀ ࡆࡀࡊࡉࡍ ࡅࡆࡀࡊࡉࡀ ࡂࡀࡁࡓࡀ ࡖ ࡀࡎࡂࡉࡀ ࡋࡊࡀ ࡎࡀ

180. ࡁࡔࡅࡌࡀࡉࡄࡅࡍ ࡖ ࡄࡉࡉࡀ ࡓࡁࡉࡀ ࡊࡍࡀࡐ ࡏࡅࡕࡓࡉࡀ ࡅࡊࡍࡀࡐ ࡔࡊࡉࡍࡀࡕࡀ ࡅࡊࡅࡓࡎࡉࡀ ࡋࡉࡀࡅࡀࡓ ࡌࡀࡋࡊࡀ ࡖ ࡏࡅࡕࡓࡉࡀ ࡕࡓࡀࡑࡋࡇ ࡊࡅࡓࡎࡉࡀ ࡕࡓࡀࡑࡋࡇ ࡋࡉࡀࡅࡀࡓ ࡌࡀࡋࡊࡀ ࡖ ࡏࡅࡕࡓࡉࡀ ࡅࡕࡓࡀࡑࡋࡇ ࡁࡓࡉࡔࡉࡇ ࡊࡋࡉࡋࡉࡀ ࡓࡀࡅࡆࡉࡀ ࡆࡉࡅࡇ ࡋࡏࡅࡕࡓࡉࡀ ࡅࡋࡔࡊࡉࡍࡀࡕࡀ ࡃࡍࡀ ࡏࡅࡕࡓࡉࡀ ࡅࡔࡊࡉࡍࡀࡕࡀ ࡖ ࡄࡉࡆࡉࡅࡉࡀ ࡋࡆࡉࡅࡇ ࡖ ࡉࡀࡅࡀࡓ ࡌࡀࡋࡊࡀ ࡖ ࡏࡅࡕࡓࡉࡀ ࡊࡅࡋࡄࡅࡍ ࡀࡋࡅࡀࡕࡇ ࡊࡀࡍࡐࡉࡀ ࡊࡅࡋࡄࡅࡍ ࡊࡀࡍࡐࡉࡀ ࡀࡋࡅࡀࡕࡇ ࡅࡁࡉࡀࡌࡉࡍࡅࡍ ࡃࡀࡊࡉࡀ ࡌࡀࡎࡉࡌࡉࡀ ࡏࡋࡇ ࡅࡌࡁࡀࡓࡊࡉࡋࡇ ࡁࡁࡉࡓࡊࡕࡀ ࡓࡀࡁࡕࡉࡀ ࡖ ࡏࡕࡉࡁࡓࡉࡊࡉࡁࡀ ࡉࡀࡅࡀࡓ ࡆࡉࡅࡀ ࡌࡀࡋࡊࡀ ࡁࡔࡊࡉࡍࡕࡀ ࡅࡄࡉࡉࡀ ࡆࡀࡊࡉࡍ ࡎࡀ

181. ࡁࡔࡅࡌࡀ ࡖ ࡄࡉࡉࡀ ࡓࡁࡉࡀ ࡁࡉࡅࡌࡀ ࡖ ࡋࡉࡁࡅࡔࡉࡇ ࡌࡀࡍࡃࡀ ࡖ ࡄࡉࡉࡀ ࡋࡉࡋࡁࡔࡉࡇ ࡆࡉࡅࡇ ࡋࡀࡋࡌࡉࡀ ࡖ ࡍࡄࡅࡓࡀ ࡃࡍࡀ ࡆࡉࡅࡇ ࡃࡍࡀ ࡋࡀࡋࡌࡉࡀ ࡖ ࡍࡄࡅࡓࡀ ࡅࡀࡋࡌࡉࡀ ࡖ ࡍࡄࡅࡓࡀ ࡄࡉࡆࡉࡅࡉࡀ ࡋࡆࡉࡅࡇ ࡊࡅࡋࡄࡅࡍ ࡀࡋࡅࡀࡕࡇ ࡊࡀࡍࡐࡉࡀ ࡊࡅࡋࡄࡅࡍ ࡊࡀࡍࡐࡉࡀ ࡀࡋࡅࡀࡕࡇ ࡅࡐࡀࡄࡕࡉࡀ ࡐࡅࡌࡀࡉࡄࡅࡍ ࡅࡌࡁࡀࡓࡊࡉࡋࡇ ࡋࡌࡀࡍࡃࡀ ࡖ ࡄࡉࡉࡀ ࡅࡀࡌࡓࡉࡋࡇ ࡁࡓࡉࡊ ࡆࡉࡅࡀࡊ ࡖ ࡃࡍࡉࡀ ࡋࡌࡉࡀ ࡊࡌࡀ ࡖ ࡍࡀࡄࡅࡓ ࡆࡉࡅࡀࡊ ࡕࡉࡍࡄࡀࡓ ࡃࡌࡅࡕࡀࡊ ࡅࡋࡀࡕࡉࡄࡔࡅࡊ . ࡀࡔࡒࡉࡇ . ࡎࡀ

182. ࡁࡔࡅࡌࡀ ࡖ ࡄࡉࡉࡀ ࡓࡁࡉࡀ ࡁࡉࡅࡌࡀ ࡖ ࡀࡎࡀࡓࡋࡇ ࡄࡉࡌࡉࡀࡍࡀ ࡋࡌࡀࡍࡃࡀ ࡖ ࡄࡉࡉࡀ ࡆࡉࡅࡇ ࡋࡏࡅࡕࡓࡉࡀ ࡅࡋࡔࡊࡉࡍࡀࡕࡀ ࡃࡍࡀ ࡏࡅࡕࡓࡉࡀ ࡅࡔࡊࡉࡍࡀࡕࡀ ࡖ ࡄࡆࡉࡅࡉࡀ ࡋࡆࡉࡅࡇ ࡖ ࡌࡀࡍࡃࡀ ࡖ ࡄࡉࡉࡀ ࡊࡅࡋࡄࡅࡍ ࡌࡍ ࡆࡉࡅࡇ ࡎࡀࡓ ࡊࡅࡋࡄࡅࡍ ࡎࡀࡓ ࡌࡍ ࡆࡉࡅࡇ ࡅࡊࡅࡋࡄࡅࡍ ࡀࡋࡅࡀࡕࡇ ࡊࡀࡍࡐࡉࡀ ࡊࡅࡋࡄࡅࡍ ࡊࡀࡍࡐࡉࡀ ࡀࡋࡅࡀࡕࡇ ࡅࡁࡉࡀࡌࡉࡍࡅࡍ ࡃࡀࡊࡉࡀ ࡌࡀࡎࡉࡌࡉࡀ ࡏࡋࡇ ࡅࡌࡁࡀࡓࡊࡉࡋࡇ ࡋࡌࡀࡍࡃࡀ ࡖ ࡄࡉࡉࡀ ࡅࡀࡌࡓࡉࡋࡇ ࡁࡓࡉࡊࡉࡕ ࡀࡍࡀࡕ ࡀࡁࡅࡍ ࡌࡀࡍࡃࡀ ࡖ ࡄࡉࡉࡀ ࡁࡓࡉࡊ ࡄࡀࡆࡉࡍ ࡄࡉࡌࡉࡀࡍࡀ ࡖ ࡀࡎࡀࡓࡋࡀࡊ . ࡀࡔࡒࡉࡇ . ࡎࡀ

183. ࡁࡔࡅࡌࡀ ࡖ ࡄࡉࡉࡀ ࡓࡁࡉࡀ ࡁࡉࡅࡌࡀ ࡖ ࡍࡑࡀࡁࡋࡇ ࡊࡎࡅࡉࡀ ࡋࡌࡀࡍࡃࡀ ࡖ ࡄࡉࡉࡀ ࡆࡉࡅࡇ ࡋࡏࡅࡕࡓࡉࡀ ࡅࡋࡔࡊࡉࡍࡀࡕࡀ ࡃࡍࡀ ࡏࡅࡕࡓࡉࡀ ࡅࡔࡊࡉࡍࡀࡕࡀ ࡖ ࡄࡉࡆࡉࡅࡉࡀ ࡋࡆࡉࡅࡇ ࡖ ࡌࡀࡍࡃࡀ ࡖ ࡄࡉࡉࡀ ࡊࡅࡋࡄࡅࡍ ࡀࡋࡅࡀࡕࡇ ࡊࡀࡍࡐࡉࡀ ࡊࡅࡋࡄࡅࡍ ࡊࡀࡍࡐࡉࡀ ࡀࡋࡅࡀࡕࡇ ࡅࡁࡉࡀࡌࡉࡍࡅࡍ ࡃࡀࡊࡉࡀ ࡌࡀࡎࡉࡌࡉࡀ ࡏࡋࡇ ࡅࡌࡁࡀࡓࡊࡉࡋࡇ ࡋࡌࡀࡍࡃࡀ ࡖ ࡄࡉࡉࡀ ࡅࡀࡌࡓࡉࡋࡇ ࡁࡓࡉࡊࡉࡕ ࡀࡍࡀࡕ ࡀࡁࡅࡍ ࡌࡀࡍࡃࡀ ࡖ ࡄࡉࡉࡀ ࡅࡁࡓࡉࡊ ࡌࡀࡍ ࡖ ࡄࡀࡆࡉࡍ ࡊࡎࡅࡉࡉࡀ ࡖ ࡍࡑࡀࡁࡋࡀࡊ ࡖ ࡊࡅࡋࡄࡅࡍ ࡀࡋࡌࡉࡀ ࡖ ࡄࡀࡆࡉࡋࡀࡊ ࡌࡍ ࡆࡉࡅࡀࡊ ࡎࡀࡉࡓࡉࡀ . ࡀࡔࡒࡉࡇ . ࡎࡀ

184. ࡁࡔࡅࡌࡀ ࡖ ࡄࡉࡉࡀ ࡓࡁࡉࡀ ࡁࡉࡅࡌࡀ ࡖ ࡍࡑࡀࡁࡋࡇ ࡔࡀࡌࡀࡔࡏࡉࡋ ࡍࡀࡑࡉࡐࡀ ࡋࡌࡀࡍࡃࡀ ࡖ ࡄࡉࡉࡀ ࡕࡋࡀࡕࡌࡀ ࡅࡔࡉࡕࡉࡍ ࡀࡉࡍࡀࡍࡉࡀࡕࡀ ࡖ ࡆࡉࡅࡀ ࡁࡂࡀࡅࡇ ࡍࡁࡀࡈࡉࡀࡍ ࡍࡁࡀࡈࡉࡀࡍ ࡕࡋࡀࡕࡌࡀ ࡅࡔࡉࡕࡉࡍ ࡀࡉࡍࡀࡍࡉࡀࡕࡀ ࡖ ࡆࡉࡅࡀ ࡅࡏࡕࡀࡄࡆࡉࡀ ࡆࡉࡅࡀࡉࡄࡉࡍ ࡖ ࡀࡉࡍࡀࡍࡉࡀࡕࡀ ࡋࡉࡀࡓࡃࡍࡉࡀ ࡅࡉࡀࡓࡃࡍࡉࡀ ࡅࡆࡉࡅࡀࡉࡄࡉࡍ ࡖ ࡀࡉࡍࡉࡀࡕࡀ ࡍࡀࡄࡓࡀࡍ ࡅࡌࡀࡍࡄࡉࡓࡉࡋࡅࡍ ࡋࡊࡅࡋࡄࡅࡍ ࡀࡋࡌࡉࡀ ࡖ ࡍࡄࡅࡓࡀ ࡌࡍ ࡓࡉࡔ ࡁࡓࡉࡔ . ࡀࡔࡒࡉࡇ . ࡎࡀ

185. ࡁࡔࡅࡌࡀ ࡖ ࡄࡉࡉࡀ ࡓࡁࡉࡀ ࡁࡉࡅࡌࡀ ࡖ ࡕࡓࡀࡑࡋࡇ ࡕࡀࡂࡀ ࡋࡌࡀࡍࡃࡀ ࡖ ࡄࡉࡉࡀ ࡆࡉࡅࡇ ࡋࡄࡉࡋࡁࡅࡍࡉࡀ ࡃࡍࡀ ࡆࡉࡅࡇ ࡃࡍࡀ ࡋࡄࡉࡋࡁࡅࡍࡉࡀ ࡅࡄࡅ ࡌࡀࡋࡊࡀ ࡖ ࡏࡅࡕࡓࡉࡀ ࡖ ࡄࡉࡆࡉࡅࡉࡀ ࡋࡆࡉࡅࡇ ࡖ ࡕࡀࡂࡇ ࡖ ࡌࡀࡍࡃࡀ ࡖ ࡄࡉࡉࡀ ࡏࡍࡐࡉࡑ ࡌࡍ ࡊࡅࡓࡎࡉࡉࡇ ࡒࡀࡌ ࡏࡍࡐࡉࡑ ࡒࡀࡌ ࡌࡍ ࡊࡅࡓࡎࡉࡉࡇ ࡅࡕࡋࡀࡕࡌࡀ ࡅࡔࡉࡕࡉࡍ ࡀࡋࡐࡉࡀ ࡏࡅࡕࡓࡉࡀ ࡀࡋࡅࡀࡕࡇ ࡖ ࡌࡀࡋࡊࡀ ࡒࡀࡌ ࡅࡁࡉࡀࡌࡉࡍࡅࡍ ࡃࡀࡊࡉࡀ ࡌࡀࡎࡉࡌࡉࡀ ࡏࡋࡇ ࡅࡌࡁࡀࡓࡊࡉࡋࡇ ࡋࡌࡀࡍࡃࡀ ࡖ ࡄࡉࡉࡀ ࡅࡀࡌࡓࡉࡋࡇ ࡁࡓࡉࡊࡉࡕ ࡀࡍࡀࡕ ࡀࡁࡅࡍ ࡌࡀࡍࡃࡀ ࡖ ࡄࡉࡉࡀ ࡅࡁࡓࡉࡊ ࡄࡀࡆࡉࡍ ࡕࡀࡂࡀ ࡖ ࡕࡓࡀࡑࡋࡀࡊ ࡊࡅࡋࡄࡅࡍ ࡀࡋࡌࡉࡀ ࡍࡀࡄࡓࡉࡁࡇ ࡌࡍ ࡓࡉࡔ ࡁࡓࡉࡔ . ࡀࡔࡒࡉࡉࡇ . ࡎࡀ

186. ࡁࡔࡅࡌࡀ ࡖ ࡄࡉࡉࡀ ࡓࡁࡉࡀ ࡁࡉࡅࡌࡀ ࡖ ࡍࡑࡀࡁࡋࡇ ࡍࡑࡀࡁ ࡔࡀࡓࡅࡀࡋࡀ ࡋࡌࡀࡍࡃࡀ ࡖ ࡄࡉࡉࡀ ࡆࡉࡅࡇ ࡋࡄࡉࡋࡁࡅࡍࡉࡀ ࡃࡍࡀ ࡆࡉࡅࡇ ࡃࡍࡀ ࡋࡄࡉࡋࡁࡅࡍࡉࡀ ࡅࡍࡉࡈࡅࡐࡉࡀࡕࡀ ࡖ ࡄࡉࡆࡉࡅࡉࡀ ࡋࡆࡉࡅࡇ ࡖ ࡌࡀࡍࡃࡀ ࡖ ࡄࡉࡉࡀ ࡀࡌࡓࡀࡍ ࡋࡄࡃࡀࡃࡉࡀ ࡌࡍࡀ ࡄࡀࡆࡉࡍ ࡆࡉࡅࡀ ࡖ ࡃࡍࡉࡀ ࡏࡋࡀࡅࡀࡉࡀࡍ ࡅࡀࡌࡀࡓࡋࡉࡍ ࡈࡀࡋࡉࡀ ࡖ ࡋࡒࡅࡃࡀࡌࡀࡉࡀࡍ ࡒࡀࡉࡉࡌ ࡄࡀࡆࡉࡍ ࡆࡉࡅࡀ ࡖ ࡍࡑࡀࡁ ࡔࡀࡓࡅࡀࡋࡀ ࡖ ࡌࡀࡍࡃࡀ ࡖ ࡄࡉࡉࡀ ࡅࡍࡉࡈࡅࡐࡉࡀࡕࡀ ࡊࡅࡋࡄࡉࡍ ࡏࡋ ࡏࡍࡂࡀࡓࡉࡀ ࡒࡀࡉࡌࡀࡍ ࡅࡌࡁࡀࡓࡊࡉࡋࡇ ࡅࡀࡌࡓࡉࡋࡇ ࡁࡓࡉࡊࡉࡕ ࡀࡍࡀࡕ ࡀࡁࡅࡍ ࡌࡀࡍࡃࡀ ࡖ ࡄࡉࡉࡀ ࡅࡁࡓࡉࡊ ࡌࡀࡍ ࡖ ࡄࡀࡋࡉࡍ ࡋࡁࡅࡔࡉࡀ ࡖ ࡍࡑࡀࡁࡋࡀࡊ ࡄࡀࡆࡉࡍ ࡆࡉࡅࡀࡉࡄࡅࡍ ࡍࡐࡉࡔ . ࡀࡔࡒࡉࡉࡇ . ࡎࡀ

187. ࡁࡔࡅࡌࡀ ࡖ ࡄࡉࡉࡀ ࡓࡁࡉࡀ ࡁࡉࡅࡌࡀ ࡖ ࡍࡑࡀࡁࡋࡇ ࡌࡀࡓࡂࡍࡀ ࡋࡌࡀࡍࡃࡀ ࡖ ࡄࡉࡉࡀ ࡆࡉࡅࡇ ࡋࡉࡀࡓࡃࡍࡀ ࡃࡍࡀ ࡄࡅ ࡉࡀࡓࡃࡍࡀ ࡖ ࡄࡉࡆࡉࡅࡉࡀ ࡋࡆࡉࡅࡇ ࡖ ࡌࡀࡓࡂࡍࡀ ࡖ ࡌࡀࡍࡃࡀ ࡖ ࡄࡉࡉࡀ ࡎࡄࡀࡒ ࡅࡄࡃࡉࡁࡇ ࡁࡆࡉࡅࡇ ࡖ ࡌࡀࡍࡃࡀ ࡖ ࡄࡉࡉࡀ ࡅࡀࡌࡓࡉࡋࡇ ࡊࡌࡀ ࡖ ࡍࡀࡐࡅࡔ ࡉࡀࡓࡃࡍࡀࡊ ࡌࡉࡕࡒࡀࡉࡌࡉࡀ ࡐࡉࡓࡉࡀ ࡅࡏࡌࡁࡉࡀ ࡅࡏࡋࡀࡍࡉࡀ ࡖ ࡏࡋࡇ ࡍࡀࡐࡅࡔ ࡆࡉࡅࡀࡊ ࡅࡕࡉࡕࡍࡀࡈࡀࡓ ࡔࡉࡓࡔࡀࡊ ࡌࡍ ࡓࡉࡔ ࡁࡓࡉࡔ . ࡀࡔࡒࡉࡉࡇ . ࡎࡀ ࡄࡀࡋࡉࡍ ࡏࡍࡉࡀࡍࡉࡀ ࡖ ࡌࡀࡓࡂࡍࡀ ࡅࡕࡀࡂࡀ ࡕࡀࡓࡕࡉࡍࡅࡍ ࡒࡓࡉࡀ ࡋࡕࡀࡓࡌࡉࡃࡀ ࡖ ࡔࡀࡓࡉࡀ ࡌࡀࡎࡉࡒࡕࡀ ࡅࡋࡄࡉࡃࡅࡕࡉࡀ ࡃࡓࡅࡔ ࡄࡀࡍࡉࡊ ࡃࡓࡀࡔࡉࡀ ࡎࡀ

188. ࡁࡔࡅࡌࡀ ࡖ ࡄࡉࡉࡀ ࡓࡁࡉࡀ ࡌࡍ ࡀࡎࡀ ࡅࡌࡍ ࡌࡀࡓࡌࡀࡄࡅࡆ ࡊࡋࡉࡋࡀ ࡂࡉࡃࡋࡉࡕ ࡅࡁࡓࡉࡔࡀ ࡖ ࡉࡀࡅࡀࡓ ࡌࡀࡋࡊࡀ ࡖ ࡏࡅࡕࡓࡉࡀ ࡕࡉࡓࡑࡉࡕ ࡅࡀࡌࡀࡓࡍࡀࡋࡇ ࡄࡃࡉࡀ ࡉࡀࡅࡀࡓ ࡄࡃࡉࡀ ࡅࡄࡃࡉࡁࡇ ࡁࡊࡋࡉࡋࡀࡊ ࡓࡀࡅࡆࡀ ࡄࡃࡉࡀ ࡉࡀࡅࡀࡓ ࡄࡃࡉࡀ ࡅࡄࡃࡉࡁࡀ ࡁࡀࡍࡀࡍࡀ ࡖ ࡆࡉࡅࡀ ࡖ ࡍࡑࡀࡁࡋࡀࡊ ࡄࡃࡉࡀ ࡉࡀࡅࡀࡓ ࡄࡃࡉࡀ ࡅࡄࡃࡉࡁࡀ ࡁࡌࡀࡋࡊࡅࡕࡀ ࡖ ࡏࡄࡀࡁࡋࡀࡊ ࡄࡃࡉࡀ ࡉࡀࡅࡀࡓ ࡄࡃࡉࡀ ࡅࡄࡃࡉࡁࡅࡍ ࡁࡉࡀࡓࡃࡍࡉࡀ ࡖ ࡍࡂࡀࡃࡋࡀࡊ ࡄࡃࡉࡀ ࡉࡀࡅࡀࡓ ࡄࡃࡉࡀ ࡅࡄࡃࡉࡁࡀ ࡁࡔࡀࡄࡓࡀࡕ ࡀࡍࡀࡍࡀ ࡖ ࡆࡉࡅࡀ ࡖ ࡍࡑࡀࡁࡋࡀࡊ ࡖ ࡈࡀࡉࡎࡀ ࡅࡒࡀࡃࡉࡀ ࡁࡉࡀࡓࡃࡍࡀࡊ ࡌࡍ ࡓࡉࡔ ࡁࡓࡉࡔ ࡎࡀ

189. ࡁࡔࡌࡀ ࡖ ࡄࡉࡉࡀ ࡓࡁࡉࡀ ࡄࡀࡆࡉࡍ ࡌࡀࡍ ࡌࡍ ࡏࡅࡕࡓࡉࡀ ࡖ ࡊࡋࡉࡋࡀ ࡖ ࡓࡁࡉࡀ ࡁࡓࡉࡔࡉࡇ ࡎࡀࡌࡋࡇ ࡊࡋࡉࡋࡀ ࡎࡀࡌࡋࡇ ࡖ ࡓࡁࡉࡀ ࡁࡓࡉࡔࡉࡇ ࡅࡕࡀࡍࡀࡍࡉࡀ ࡅࡍࡉࡈࡅࡐࡉࡀࡕࡀ ࡁࡈࡅࡋࡀ ࡖ ࡊࡋࡉࡋࡀ ࡁࡉࡄࡃࡀࡃࡉࡀ ࡌࡉࡕࡊࡀࡓࡊࡉࡀ ࡁࡈࡅࡋࡀ ࡖ ࡊࡋࡉࡋࡀ ࡌࡉࡕࡊࡀࡓࡊࡉࡀ ࡁࡉࡄࡃࡀࡃࡉࡀ ࡅࡁࡉࡀࡌࡉࡍࡅࡍ ࡃࡀࡊࡉࡀ ࡌࡀࡎࡉࡌࡉࡀ ࡏࡋࡇ ࡅࡌࡁࡀࡓࡊࡉࡋࡇ ࡁࡁࡉࡓࡊࡕࡀ ࡓࡀࡁࡕࡉࡀ ࡖ ࡏࡕࡉࡁࡓࡉࡊࡉࡁࡀ ࡉࡀࡅࡀࡓ ࡆࡉࡅࡀ ࡁࡀࡕࡀࡓ ࡍࡄࡅࡓ ࡎࡀ

190. ࡀࡁࡅࡍ ࡓࡉࡔࡀ ࡁࡕࡀࡓࡅࡀࡍ ࡔࡀࡅࡉࡅࡊ ࡅࡌࡀࡋࡀࡋࡀ ࡏࡄࡀࡁࡋࡀࡊ ࡁࡀࡕࡀࡓ ࡍࡄࡅࡓ ࡉࡀࡅࡀࡓ ࡕࡓࡀࡑࡋࡀࡊ ࡕࡀࡂࡀ ࡖ ࡏࡅࡕࡓࡉࡀ ࡁࡆࡉࡅࡇ ࡍࡀࡄࡓࡉࡀ ࡏࡅࡕࡓࡉࡀ ࡍࡀࡄࡓࡉࡀ ࡁࡆࡉࡅࡇ ࡔࡉࡁࡉࡀࡄࡉࡀ ࡌࡉࡍࡇ ࡌࡉࡔࡕࡀࡓࡄࡉࡆࡉࡀ ࡎࡀ

191. ࡀࡁࡅࡍ ࡏࡄࡀࡁࡋࡀࡊ ࡐࡀࡃࡀࡊࡔࡀࡓ ࡃࡀࡊࡉࡀ ࡅࡐࡀࡒࡀࡃࡕࡀ ࡖ ࡓࡁࡉࡀ ࡐࡀࡒࡉࡃ ࡏࡋࡀࡊ ࡏࡄࡀࡁࡋࡀࡊ ࡃࡓࡀࡁࡔࡀ ࡖ ࡆࡉࡅࡀ ࡖ ࡁࡂࡀࡅࡇ ࡌࡉࡍࡉࡄࡓࡉࡀ ࡀࡋࡌࡉࡀ ࡖ ࡍࡄࡅࡓࡀ ࡊࡅࡋࡄࡅࡍ ࡏࡄࡀࡁࡋࡀࡊ ࡌࡀࡓࡂࡍࡀ ࡖ ࡌࡉࡀ ࡄࡉࡉࡀ ࡂࡀࡅࡀࡆࡀ ࡖ ࡌࡉࡕࡊࡀࡁࡔࡉࡁࡇ ࡊࡅࡋࡄࡅࡍ ࡌࡀࡓࡃࡉࡀ ࡎࡀ

192. ࡌࡀࡍ ࡔࡉࡄࡋࡀࡊ ࡌࡀࡋࡊࡀ ࡄࡀࡃࡕࡀ ࡖ ࡄࡀࡋࡉࡍ ࡊࡅࡋࡄࡉࡍ ࡏࡁࡉࡃࡀࡊ ࡌࡉࡍࡀࡊ ࡄࡀࡅࡉࡀࡍ ࡀࡍࡄࡀࡓࡕࡀ ࡋࡀࡓࡒࡀ ࡖ ࡀࡉࡀࡓ ࡅࡕࡀࡒࡉࡍࡕࡀ ࡋࡕࡉࡁࡉࡋ ࡊࡅࡋࡇ ࡌࡍ ࡓࡉࡔ ࡁࡓࡉࡔ ࡎࡀ

193. ࡌࡀࡍ ࡔࡉࡄࡋࡀࡊ ࡌࡀࡋࡊࡀ ࡄࡀࡃࡕࡀ ࡖ ࡁࡎࡀࡊࡀ ࡖ ࡓࡁࡉࡇ ࡉࡀࡕࡁࡉࡕ ࡀࡌࡎࡉࡕࡇ ࡋࡌࡉࡎࡉࡀ ࡓࡁࡀ ࡅࡀࡍࡄࡉࡓࡕ ࡅࡕࡀࡒࡉࡍࡕ ࡏࡅࡕࡓࡉࡀ ࡁࡔࡊࡉࡍࡀࡕࡅࡍ ࡌࡍ ࡓࡉࡔ ࡁࡓࡉࡔ ࡎࡀ

194. ࡀࡁࡅࡍ ࡔࡉࡄࡋࡅࡍ ࡆࡉࡅࡀ ࡁࡕࡀࡂࡉࡀ ࡄࡀࡃࡉࡀ ࡅࡊࡀࡁࡉࡓࡉࡀ ࡄࡀࡃࡉࡀ ࡁࡌࡀࡌࡋࡀࡋࡅࡍ ࡄࡀࡃࡉࡀ ࡅࡓࡀࡅࡆࡉࡀ ࡔࡊࡉࡍࡀࡕ ࡊࡀࡁࡉࡓࡉࡀ ࡁࡌࡀࡋࡊࡀ ࡉࡀࡅࡀࡓ ࡆࡉࡅࡀ ࡖ ࡍࡑࡀࡁࡋࡀࡊ

195. ࡀࡁࡅࡍ ࡊࡋࡉࡋࡀࡊ ࡍࡉࡍࡉࡈࡓࡅࡍࡀࡊ ࡑࡀࡅࡕࡀࡉࡄࡅࡍ ࡖ ࡄࡉࡉࡀ ࡓࡁࡉࡀ ࡕࡉࡔࡓࡉࡀ ࡏࡋࡀࡊ ࡍࡄࡀࡓࡅࡋࡀࡊ ࡀࡉࡍࡀ ࡈࡀࡁࡀ ࡖ ࡁࡓࡉࡔ ࡋࡀࡅࡐࡀ ࡖ ࡄࡉࡉࡀ ࡀࡎࡂࡉࡕ ࡋࡊࡀ

196. ࡀࡁࡅࡍ ࡊࡋࡉࡋࡀࡊ ࡌࡍ ࡓࡅࡀࡆ ࡂࡅࡐࡍࡀ ࡅࡂࡀࡁࡓࡀ ࡖ ࡂࡀࡃࡋࡇ ࡌࡍ ࡀࡕࡀࡓ ࡍࡄࡅࡓ ࡀࡁࡅࡍ ࡍࡉࡁࡎࡅࡌ ࡓࡉࡄࡀ ࡖ ࡊࡋࡉࡋࡀࡊ ࡀࡊࡅࡀࡕ ࡀࡍࡅࡔ ࡏࡅࡕࡓࡀ ࡎࡀࡂࡉࡀ ࡁࡔࡊࡉࡍࡕࡇ

197. ࡔࡀࡕࡉࡋ ࡔࡉࡕࡋࡉࡀ ࡔࡅࡕࡋࡇ ࡅࡂࡀࡃࡉࡋ ࡊࡋࡉࡋࡉࡀ ࡂࡉࡃࡋࡇ ࡌࡕࡀࡒࡍࡀࡍࡉࡍ ࡖ ࡆࡀࡊࡀࡅࡀࡕࡀ ࡕࡀࡒࡍࡇ ࡋࡄࡉࡃࡅࡉࡀ ࡐࡋࡀࡍ ࡅࡀࡎࡒࡇ ࡋࡓࡉࡔ

198. ࡆࡀࡅࡈࡉࡍࡀࡋࡅࡍ ࡋࡏࡅࡕࡓࡉࡀ ࡅࡌࡉࡀࡍࡒࡉࡍࡀࡋࡅࡍ ࡋࡐࡀࡎࡉࡌࡊࡉࡀ ࡓࡀࡁࡍࡀ ࡅࡓࡀࡁࡀࡋࡉࡀ ࡍࡀࡐࡔࡀࡉ ࡖ ࡏࡔࡉࡕ ࡌࡉࡀ ࡌࡍ ࡐࡅࡌ ࡐࡓࡀࡔ

199. ࡍࡉࡍࡀࡈࡓࡅࡍࡀࡊ ࡍࡀࡈࡓࡉࡀ ࡃࡀࡊࡉࡉࡀ ࡅࡍࡉࡕࡂࡀࡃࡀࡋ ࡔࡉࡓࡔࡀࡊ ࡅࡍࡉࡎࡀࡒ ࡋࡓࡉࡔ ࡍࡉࡕࡀࡒࡅࡍࡀࡋࡀࡊ ࡏࡅࡁࡉࡃࡀࡕࡀࡊ ࡕࡉࡎࡀࡒ ࡕࡉࡄࡉࡆࡉࡇ ࡋࡀࡕࡓࡀ ࡎࡀࡂࡉࡀ ࡁࡉࡕ ࡕࡅࡔࡋࡉࡌࡀ ࡅࡄࡉࡉࡀ ࡆࡀࡊࡉࡍ ࡎ ࡀ ࡄࡀࡋࡉࡍ ࡏࡍࡉࡀࡍࡉࡀ ࡓࡀࡌࡉࡋࡇ ࡋࡕࡀࡓࡌࡉࡃࡀ ࡖ ࡔࡀࡓࡉࡀ ࡌࡀࡎࡉࡒࡕࡀ ࡅࡋࡄࡉࡃࡅࡕࡉࡀ . ࡄࡀࡋࡉࡍ ࡏࡍࡉࡀࡍࡉࡀ ࡅࡋࡁࡅࡔࡉࡀ ࡅࡊࡎࡅࡉࡉࡀ ࡖ ࡀࡍࡎࡉࡕ ࡀࡍࡀ ࡀࡍࡉࡀ ࡅࡃࡀࡍࡉࡀ ࡅࡌࡓࡀࡃࡐࡀ ࡆࡅࡈࡀ ࡖ ࡀࡄࡀࡉ ࡂࡀࡍࡆࡉࡁࡓࡉࡀ ࡅࡕࡀࡓࡌࡉࡃࡉࡀ ࡅࡌࡍࡀࡔࡉࡒ ࡌࡎࡀࡍࡉࡀ ࡖ ࡋࡉࡂࡓࡀࡉࡄࡅࡍ ࡖ ࡍࡀࡑࡅࡓࡀࡉࡉࡀ ࡎࡁࡉࡋࡍࡀ ࡋࡓࡉࡃࡐࡀ ࡖ ࡀࡋࡌࡀ ࡁࡋࡉࡁࡀ ࡊࡔࡉࡈࡀ ࡅࡌࡄࡀࡉࡌࡍࡀ ࡖ ࡀࡍࡎࡉࡕ ࡋࡍࡀࡐࡔࡀࡉ ࡖ ࡄࡀࡅࡉࡋࡀࡉ ࡃࡅࡊࡓࡀࡍࡀ ࡁࡕࡉࡁࡉࡋ ࡅࡄࡀࡕࡀࡌ ࡁࡀࡋࡌࡉࡀ ࡓࡅࡓࡁࡉࡀ ࡏࡋࡀࡉࡉࡀ ࡖ ࡍࡄࡅࡓࡀ ࡀࡁࡃࡀ ࡀࡍࡀ ࡖ ࡊࡅࡋࡇ ࡄࡀࡈࡀࡉࡉࡀ ࡀࡍࡀ ࡓࡁࡀࡉ ࡀࡃࡀࡌ ࡉࡅࡄࡀࡍࡀ ࡁࡓ ࡎࡀࡌ ࡁࡓ ࡁࡉࡄࡓࡀࡌ ࡁࡓ ࡎࡀ(ࡀyࡉࡍ)ࡃࡀࡍ ࡁࡓ ࡌࡎࡀ(ࡀyࡉࡍ)ࡀࡃ ࡋࡀࡒࡀࡁ ࡊࡀࡌࡉࡎࡉࡀ ࡅࡊࡉࡍࡉࡀࡍࡇ ࡓࡉࡔ ࡃࡓࡀࡆ ࡖ ࡀࡍࡎࡉࡕ ࡋࡍࡀࡐࡔࡀࡉ ࡖ ࡏࡁࡀࡃ ࡅࡊࡔࡀࡓ ࡁࡂࡀࡅࡇ ࡖ ࡀࡍࡎࡉࡕ ࡌࡍ ࡒࡅࡋࡀࡎࡕࡀ ࡖ ࡏࡎࡕࡀࡃ ࡁࡀࡊࡕࡉࡀࡓ ࡁࡓ ࡏࡎࡕࡀࡃ (ࡀyࡉࡍ)ࡀࡆࡉࡆ ࡁࡓ ࡊࡉࡓࡉࡀ ࡁࡓ (ࡀyࡉࡍ)ࡀࡆࡉࡆ ࡁࡓ ࡐࡀࡓࡅࡊ ࡌࡍ ࡁࡍࡉࡀ ࡃࡉࡄࡃࡀࡓࡉࡀ ࡅࡊࡉࡍࡉࡀࡍࡇ ࡎࡀࡁࡅࡓ ࡖ ࡄࡅ ࡀࡍࡎࡀࡋࡇ ࡓࡁࡀ ࡅࡓࡀࡌࡀ ࡅࡉࡀࡒࡉࡓࡀ ࡓࡁࡀࡉ ࡓࡀࡌ ࡉࡅࡄࡀࡍࡀ ࡁࡓ ࡓࡁࡀࡉ ࡉࡀࡄࡉࡀ ࡆࡉࡄࡓࡅࡍ ࡁࡓ ࡓࡁࡀࡉ ࡆࡉࡄࡓࡅࡍ ࡁࡓ ࡓࡁࡀࡉ ࡀࡃࡀࡌ ࡋࡀࡒࡀࡁ ࡌࡀࡍࡃࡅࡉࡀ ࡅࡊࡉࡍࡉࡀࡍࡇ ࡏࡊࡅࡌࡀ ࡖ ࡀࡍࡎࡀࡋࡇ ࡌࡍ ࡒࡅࡋࡀࡎࡕࡀ ࡖ ࡀࡍࡎࡀ ࡋࡍࡀࡐࡔࡉࡇ ࡄࡀࡌ ࡓࡁࡀࡉ ࡓࡀࡌ ࡉࡅࡄࡀࡍࡀ ࡁࡓ ࡓࡁࡀࡉ ࡉࡀࡄࡉࡀ ࡆࡉࡄࡓࡅࡍ ࡁࡓ ࡓࡁࡀࡉ ࡆࡉࡄࡓࡅࡍ ࡁࡓ ࡓࡁࡀࡉ ࡀࡃࡀࡌ ࡊࡉࡍࡉࡀࡍࡇ ࡏࡊࡅࡌࡀ ࡖ ࡀࡍࡎࡀ ࡋࡄࡀࡃ ࡔࡀࡋࡌࡀࡍࡀ ࡏࡎࡕࡀࡃ ࡄࡀࡃࡀࡉࡀࡕ ࡁࡓ ࡏࡎࡕࡀࡃ ࡒࡀࡎࡅࡌ ࡁࡓ ࡄࡀࡃࡀࡕ ࡁࡓ ࡁࡉࡄࡓࡀࡌ ࡁࡓ ࡆࡀࡊࡓࡉࡀ ࡌࡍ ࡁࡍࡉࡀ ࡃࡉࡄࡃࡀࡓࡉࡀ ࡅࡊࡉࡍࡉࡀࡍࡇ ࡎࡀࡁࡅࡓ ࡖ ࡀࡍࡎࡀࡋࡇ ࡌࡍ ࡒࡅࡋࡀࡎࡕࡀ ࡖ ࡓࡁࡀ ࡅࡓࡀࡌࡀ ࡅࡉࡀࡒࡉࡓࡀ ࡂࡀࡍࡆࡉࡁࡓࡀ ࡕࡀࡒࡍࡀ ࡅࡁࡄࡉࡓࡀ ࡊࡀࡉࡀࡋࡀ ࡖ ࡂࡉࡍࡆࡀ ࡅࡍࡀࡎࡀࡊࡀ ࡓࡀࡌࡀ ࡁࡍࡀࡑࡉࡓࡅࡕࡀ ࡖ ࡄࡅ ࡓࡁࡀࡉ ࡎࡀࡌ ࡉࡅࡄࡀࡍࡀ ࡁࡓ ࡓࡁࡀࡉ ࡉࡀࡄࡉࡀ ࡀࡃࡀࡌ ࡁࡓ ࡁࡉࡄࡓࡀࡌ ࡆࡉࡄࡓࡅࡍ ࡁࡓ ࡀࡃࡀࡌ ࡉࡅࡄࡀࡍࡀ ࡁࡓ ࡆࡀࡃ ࡁࡓ ࡎࡀࡌ ࡁࡓ ࡁࡉࡄࡓࡀࡌ ࡁࡓ ࡓࡁࡀࡉ ࡀࡃࡀࡌ ࡊࡉࡍࡉࡀࡍࡇ (ࡀyࡉࡍ)ࡀࡎࡉࡊࡉࡓ ࡖ ࡀࡍࡎࡀ ࡋࡍࡀࡐࡔࡉࡇ ࡌࡍ ࡒࡅࡋࡀࡎࡕࡀ ࡖ ࡄࡅ ࡀࡍࡎࡀ ࡋࡍࡀࡐࡔࡉࡇ ࡓࡁࡀࡉ ࡎࡀࡌ ࡉࡅࡄࡀࡍࡀ ࡁࡓ ࡓࡁࡀࡉ ࡉࡀࡄࡉࡀ ࡀࡃࡀࡌ ࡁࡓ ࡁࡉࡄࡓࡀࡌ ࡆࡉࡄࡓࡅࡍ ࡁࡓ ࡀࡃࡀࡌ ࡉࡅࡄࡀࡍࡀ ࡁࡓ ࡆࡀࡃ ࡁࡓ ࡎࡀࡌ ࡁࡓ ࡁࡉࡄࡓࡀࡌ ࡓࡁࡀࡉ ࡀࡃࡀࡌ ࡁࡓ ࡓࡁࡀࡉ ࡌࡄࡀࡕࡀࡌ ࡁࡓ ࡓࡁࡀࡉ ࡁࡀࡊࡕࡉࡀࡓ ࡁࡓ ࡓࡁࡀࡉ ࡉࡀࡄࡉࡀ ࡊࡉࡍࡉࡀࡍࡇ (ࡀyࡉࡍ)ࡀࡎࡉࡊࡉࡓ ࡖ ࡀࡍࡎࡀ ࡌࡍ ࡒࡅࡋࡀࡎࡕࡀ ࡖ ࡓࡁࡀࡉ ࡉࡀࡄࡉࡀ ࡉࡅࡄࡀࡍࡀ ࡁࡓ ࡓࡁࡀࡉ ࡓࡀࡌ ࡁࡓ ࡉࡀࡄࡉࡀ ࡁࡀࡊࡕࡉࡀࡓ ࡁࡓ ࡀࡃࡀࡌ ࡌࡄࡀࡕࡀࡌ ࡁࡓ ࡓࡁࡀࡉ ࡁࡉࡄࡓࡀࡌ ࡁࡓ ࡄࡉࡉࡀ ࡊࡉࡍࡉࡀࡍࡇ ࡊࡄࡉࡋࡉࡀ ࡖ ࡀࡍࡎࡀ ࡌࡍ ࡒࡅࡋࡀࡎࡅࡕࡀ ࡖ ࡀࡁ ࡃࡉࡋࡇ ࡓࡁࡇ ࡅࡕࡀࡂࡇ ࡁࡓࡉࡔࡉࡇ ࡓࡁࡀࡉ ࡓࡀࡌ ࡁࡓ ࡉࡀࡄࡉࡀ ࡁࡀࡊࡕࡉࡀࡓ ࡁࡓ ࡓࡁࡀࡉ ࡀࡃࡀࡌ ࡌࡄࡀࡕࡀࡌ ࡁࡓ ࡓࡁࡀࡉ ࡁࡉࡄࡓࡀࡌ ࡁࡓ ࡄࡉࡉࡀ ࡊࡉࡍࡉࡀࡍࡇ ࡊࡅࡄࡉࡋࡉࡀ ࡖ ࡀࡍࡎࡀ ࡋࡍࡀࡐࡔࡉࡇ ࡌࡍ ࡒࡅࡋࡀࡎࡕࡀ ࡖ ࡓࡁࡇ ࡄࡀࡌ ࡄࡅ ࡀࡍࡎࡀࡋࡇ ࡋࡓࡁࡀ ࡅࡓࡀࡌࡀ ࡅࡉࡀࡒࡉࡓࡀ ࡂࡀࡍࡆࡉࡁࡓࡀ ࡕࡀࡒࡍࡀ ࡅࡁࡄࡉࡓࡀ ࡓࡁࡀࡉ ࡉࡀࡄࡉࡀ ࡌࡄࡀࡕࡀࡌ ࡁࡓ ࡀࡁࡅࡄࡅࡍ ࡖ ࡂࡀࡍࡆࡉࡁࡓࡉࡀ ࡓࡁࡀࡉ ࡎࡀࡌ ࡀࡃࡀࡌ ࡁࡓ ࡆࡀࡊࡉࡀ ࡁࡓ ࡓࡀࡌ ࡁࡓ ࡉࡀࡄࡉࡀ ࡁࡓ ࡀࡃࡀࡌ ࡋࡀࡒࡀࡁ ࡌࡀࡍࡃࡅࡉࡀ ࡅࡊࡉࡍࡉࡀࡍࡇ ࡏࡊࡅࡌࡀ ࡖ ࡀࡍࡎࡀ ࡌࡍ ࡒࡅࡋࡀࡎࡕࡀ ࡖ ࡀࡍࡎࡀ ࡋࡍࡀࡐࡔࡉࡇ ࡖ ࡀࡍࡎࡀࡋࡇ ࡀࡄࡇ ࡓࡁࡀࡉ ࡎࡀࡌ ࡉࡅࡄࡀࡍࡀ ࡁࡓ ࡓࡁࡀࡉ ࡎࡀࡌ ࡀࡃࡀࡌ ࡁࡓ ࡆࡀࡊࡉࡀ ࡁࡓ ࡓࡀࡌ ࡁࡓ ࡉࡀࡄࡉࡀ ࡁࡓ ࡀࡃࡀࡌ ࡋࡀࡒࡀࡁ ࡌࡀࡍࡃࡅࡉࡀ ࡅࡊࡉࡍࡉࡀࡍࡇ ࡏࡊࡅࡌࡀ ࡖ ࡀࡍࡎࡀ ࡌࡍ ࡒࡅࡋࡀࡎࡕࡀ ࡖ ࡓࡁࡀࡉ ࡉࡀࡄࡉࡀ ࡁࡓ ࡎࡀࡌ ࡁࡓ ࡀࡃࡀࡌ ࡁࡓ ࡆࡀࡊࡉࡀ ࡁࡓ ࡆࡉࡄࡓࡅࡍ ࡁࡓ ࡀࡃࡀࡌ ࡔࡉࡕࡋࡀࡍ ࡁࡓ ࡉࡀࡄࡉࡀ ࡀࡍࡅࡔ ࡁࡓ ࡓࡁࡀࡉ ࡁࡀࡉࡀࡍ ࡊࡉࡍࡉࡀࡍࡇ (ࡀyࡉࡍ)ࡀࡎࡉࡊࡉࡓ ࡖ ࡀࡍࡎࡀࡋࡇ ࡓࡁࡀ ࡅࡓࡀࡌࡀ ࡅࡉࡀࡒࡉࡓࡀ ࡓࡁࡀࡉ ࡌࡄࡀࡕࡀࡌ ࡆࡉࡄࡓࡅࡍ ࡁࡓ ࡓࡁࡀࡉ ࡁࡓ ࡄࡉࡉࡀ ࡁࡓ ࡓࡁࡀࡉ ࡁࡀࡊࡕࡉࡀࡓ ࡁࡓ ࡓࡁࡀࡉ ࡀࡃࡀࡌ ࡁࡉࡄࡓࡀࡌ ࡁࡓ ࡓࡁࡀࡉ ࡉࡀࡄࡉࡀ ࡊࡉࡍࡉࡀࡍࡇ ࡊࡅࡄࡉࡋࡉࡀ ࡔࡁࡉࡒࡋࡇ ࡌࡀࡍࡃࡀ ࡖ ࡄࡉࡉࡀ ࡄࡀࡈࡀࡉࡉࡇ ࡌࡍ ࡒࡅࡋࡀࡎࡕࡀ ࡖ ࡓࡁࡀࡉ ࡓࡀࡌ ࡁࡀࡉࡀࡍ ࡁࡓ ࡎࡀࡌ ࡃࡀࡅࡃࡀࡍࡉࡀ ࡖ ࡀࡍࡎࡀࡋࡇ ࡓࡁࡀࡉ ࡐࡀࡉࡉࡔ ࡁࡓ ࡁࡀࡊࡕࡉࡀࡓ ࡁࡓ ࡎࡀࡌ ࡁࡓ ࡆࡉࡄࡓࡅࡍ ࡁࡓ ࡀࡃࡀࡌ ࡊࡉࡍࡉࡀࡍࡇ ࡐࡅࡓࡀࡉࡉࡄ ࡌࡍ ࡒࡅࡋࡀࡎࡕࡀ ࡖ ࡀࡍࡎࡀ ࡋࡍࡀࡐࡔࡉࡇ ࡓࡁࡀࡉ ࡉࡀࡄࡉࡀ ࡔࡀࡉࡀࡓ ࡊࡉࡍࡉࡀࡍࡇ ࡕࡅࡕࡅ ࡖ ࡀࡍࡎࡀ ࡌࡍ ࡒࡅࡋࡀࡎࡕࡀ ࡖ ࡀࡍࡎࡀࡋࡇ ࡆࡉࡄࡓࡅࡍ ࡁࡀࡊࡕࡉࡀࡓ ࡁࡓ ࡀࡃࡀࡌ ࡈࡓࡅࡔࡀ ࡖ ࡀࡍࡎࡀ ࡋࡔࡅࡀࡋࡉࡉࡄ ࡎࡀࡌ ࡁࡉࡄࡃࡀࡃ ࡁࡓ ࡁࡉࡄࡓࡀࡌ ࡂࡀࡃࡀࡍࡀ ࡖ ࡀࡍࡎࡀࡋࡇ ࡁࡀࡄࡓࡀࡍ ࡁࡓ ࡀࡃࡀࡌ ࡆࡉࡄࡓࡅࡍ ࡁࡓ ࡌ(ࡀyࡉࡍ)ࡀࡉࡋࡉࡀ ࡌࡍ ࡒࡅࡋࡀࡎࡕࡀ ࡖ ࡍࡀࡐࡔࡉࡇ ࡖ ࡀࡍࡎࡀ ࡌࡍ ࡒࡅࡋࡀࡎࡕࡀ ࡖ ࡉࡀࡄࡉࡀ ࡁࡀࡊࡕࡉࡀࡓ ࡁࡓ ࡉࡀࡄࡉࡀ ࡁࡀࡆ ࡅࡀࡍࡎࡀࡋࡇ ࡁࡓ ࡀࡄࡅࡉࡀ ࡅࡄࡅ ࡓࡁࡇ ࡓࡁࡀࡉ ࡀࡃࡀࡌ ࡁࡓ ࡆࡉࡄࡓࡅࡍ ࡁࡓ ࡉࡀࡄࡉࡀ ࡁࡀࡆ ࡅࡀࡃࡀࡌ ࡀࡍࡎࡀ ࡌࡍ ࡒࡅࡋࡀࡎࡕࡀ ࡖ ࡍࡀࡐࡔࡉࡇ ࡖ ࡀࡍࡎࡀ ࡌࡍ ࡒࡅࡋࡀࡎࡕࡀ ࡖ ࡓࡁࡀࡉ ࡀࡃࡀࡌ ࡀࡁࡅࡋࡐࡀࡓࡀࡆ ࡁࡓ ࡁࡉࡄࡓࡀࡌ ࡔࡉࡕࡉࡋ ࡁࡀࡓࡅࡓࡀࡉ ࡖ ࡀࡍࡎࡀࡋࡇ ࡀࡃࡀࡌ ࡆࡉࡄࡓࡅࡍ ࡆࡉࡁࡍࡀ ࡕࡉࡍࡉࡀࡍࡀ ࡀࡍࡎࡀࡋࡇ ࡀࡁࡅࡉࡀ ࡉࡀࡄࡉࡀ ࡉࡅࡄࡀࡍࡀ ࡁࡄࡃࡀࡃ ࡁࡓ ࡀࡍࡅࡔ ࡌࡅ(ࡀyࡉࡍ)ࡀࡉࡋࡉࡀ ࡖ ࡀࡍࡎࡀࡋࡇ ࡋࡎࡀࡌ ࡆࡀࡊࡉࡀ ࡅࡀࡍࡅࡔ ࡁࡍࡉࡀ ࡁࡓ ࡄࡉࡉࡀ ࡖ ࡀࡍࡎࡀࡋࡇ ࡋࡉࡀࡄࡉࡀ ࡆࡉࡄࡓࡅࡍ ࡁࡓ ࡀࡍࡅࡔ ࡖ ࡀࡍࡎࡀࡋࡇ ࡋࡔࡅࡀࡋࡉࡉࡇ ࡖ ࡀࡍࡎࡀ ࡋࡁࡉࡄࡓࡀࡌ ࡆࡀࡊࡉࡀ ࡁࡓ ࡆࡉࡄࡓࡅࡍ ࡎࡀࡊࡀࡓࡀ ࡌࡍ ࡒࡅࡋࡀࡎࡕࡀ ࡖ ࡀࡍࡅࡔ ࡌࡅ(ࡀyࡉࡍ)ࡀࡉࡋࡉࡀ ࡁࡓ ࡀࡍࡅࡔ ࡁࡉࡄࡃࡀࡃ ࡖ ࡀࡍࡎࡀ ࡋࡍࡀࡐࡔࡉࡇ ࡆࡉࡁࡍࡀ ࡕࡉࡍࡉࡀࡍࡀ ࡌࡍ ࡊࡃࡀࡁࡀ ࡏࡃࡀ ࡖ ࡁࡀࡉࡀࡍ ࡁࡓ ࡆࡀࡊࡉࡀ ࡅࡏࡌࡇ ࡄࡀࡉࡅࡍࡀ ࡐࡕ ࡉࡀࡄࡉࡀ ࡖ ࡀࡍࡎࡅࡍ ࡌࡍ ࡂࡉࡍࡆࡀ ࡖ ࡏࡔࡕࡊࡉࡍ ࡋࡅࡀࡕࡀࡉࡅࡍ ࡌࡍ ࡈࡉࡁ ࡌࡀࡕࡀ ࡅࡓࡀࡌࡅࡉࡀ ࡁࡓ ࡏࡒࡀࡉࡌࡀࡕ ࡀࡓࡃࡉࡊࡋࡀ ࡁࡂࡀࡅࡇ ࡄࡅࡀ ࡅࡓࡀࡌࡅࡉࡀ ࡀࡍࡎࡀ ࡌࡍ ࡔࡂࡀࡍࡃࡀ ࡁࡓ ࡉࡀࡎࡌࡉࡍ ࡅࡔࡂࡀࡍࡃࡀ ࡀࡍࡎࡀ ࡌࡍ ࡆࡀࡆࡀࡉ ࡖ ࡂࡀࡅࡀࡆࡕࡀ ࡁࡓ ࡄࡀࡅࡀ ࡅࡀࡁࡅࡉࡀ ࡍࡀࡈࡀࡓ ࡅࡆࡀࡆࡀࡉ ࡀࡍࡎࡀ ࡌࡍ ࡔࡀࡐࡕࡀ ࡖ ࡄࡉࡉࡀ ࡒࡀࡃࡌࡀࡉࡉࡀ ࡅࡄࡉࡉࡀ ࡆࡀࡊࡉࡍ ࡅࡆࡀࡊࡉࡀ ࡌࡀࡍࡃࡀ ࡖ ࡄࡉࡉࡀ ࡅࡀࡃࡉࡀࡅࡓࡇ ࡄࡉࡁࡉࡋ ࡅࡔࡉࡕࡉࡋ ࡅࡀࡍࡅࡔ ࡎࡀ .

ࡁࡔࡅࡌࡀࡉࡄࡅࡍ ࡖ ࡄࡉࡉࡀ ࡓࡁࡉࡀ ࡒࡀࡃࡌࡀࡉࡉࡀ ࡍࡅࡊࡓࡀࡉࡉࡀ ࡌࡍ ࡀࡋࡌࡉࡀ ࡖ ࡍࡄࡅࡓࡀ ࡉࡀࡕࡉࡓࡉࡀ ࡖ ࡏࡋࡀࡅࡉࡀ ࡅࡊࡅࡋࡄࡅࡍ ࡏࡅࡁࡀࡃࡉࡀ ࡀࡎࡅࡕࡀ ࡅࡆࡀࡊࡅࡕࡀ ࡅࡄࡀࡉࡋࡀ ࡅࡔࡓࡀࡓࡀ ࡅࡏࡌࡓࡀ ࡅࡔࡉࡌࡀ ࡅࡄࡀࡃࡅࡀࡕ ࡋࡉࡁࡀ ࡅࡔࡀࡁࡉࡒ ࡄࡀࡈࡀࡉࡉࡀ ࡍࡉࡄࡅࡉࡋࡉࡀ ࡋࡃࡉࡋࡉࡀ . ࡅࡋࡀࡁ . ࡅࡋࡏࡌ . ࡅࡋࡓࡁࡀࡉ . ࡅࡋࡆࡀࡅࡀࡉ . ࡅࡋࡔࡉࡕࡋࡀࡉ . ࡅࡍࡉࡍࡄࡀࡓࡋࡀࡍ ࡏࡅࡑࡓࡀࡍ ࡅࡌࡀࡃࡀࡍ ࡅࡌࡀࡃࡉࡄࡕࡀࡍ ࡋࡂࡉࡍࡆࡀ ࡖ ࡄࡉࡉࡀ ࡒࡀࡃࡌࡀࡉࡉࡀ ࡁࡄࡀࡋࡉࡍ ࡏࡍࡉࡀࡍࡉࡀ ࡅࡃࡓࡀࡔࡉࡀ ࡖ ࡗ ࡀࡆࡉࡋ ࡁࡄࡉࡓࡀ ࡃࡀࡊࡉࡀ ࡎࡀ

200. ࡁࡔࡅࡌࡀࡉࡄࡅࡍ ࡖ ࡄࡉࡉࡀ ࡓࡁࡉࡀ ࡌࡓࡀࡅࡓࡀࡁ ࡍࡄࡅࡓࡀ ࡔࡀࡍࡉࡀ ࡒࡀࡋ ࡄࡉࡉࡀ ࡌࡍ ࡐࡉࡓࡉࡀ ࡅࡒࡀࡋ ࡆࡉࡅࡀ ࡌࡍ ࡌࡓࡀࡄࡒࡉࡀ ࡒࡀࡋࡀࡉࡄࡅࡍ ࡖ ࡏࡅࡕࡓࡉࡀ ࡖ ࡀࡓࡒࡀ ࡖ ࡍࡄࡅࡓࡀ ࡖ ࡌࡀࡌࡋࡉࡋࡉࡍ ࡁࡒࡀࡋࡀࡉࡄࡅࡍ ࡔࡀࡍࡉࡀ ࡅࡀࡌࡓࡉࡀ ࡀࡍࡉࡍ ࡌࡍࡀ ࡄࡅࡀࡉࡍࡉࡍ ࡅࡌࡍࡀ ࡄࡅࡀ ࡍࡑࡉࡁࡀ ࡍࡉࡑࡅࡁࡕࡀࡍ ࡍࡉࡑࡅࡁࡕࡀࡍ ࡋࡌࡀࡄࡅ ࡍࡑࡉࡁࡀ ࡅࡃࡌࡅࡕࡀࡍ ࡋࡌࡀࡄࡅ ࡃࡀࡌࡉࡀ ࡌࡍࡀ ࡄࡅࡀ ࡄࡀࡉࡋࡀࡉࡀࡍ ࡄࡀࡉࡋࡀ ࡓࡀࡌࡀ ࡖ ࡋࡀࡌࡑࡉࡁࡇ ࡊࡅࡋࡄࡅࡍ ࡀࡋࡌࡉࡀ ࡌࡍࡀ ࡄࡅࡀ ࡒࡀࡋࡀࡉࡀࡍ ࡒࡀࡋࡀ ࡃࡀࡊࡉࡀ ࡖ ࡔࡀࡍࡀࡉ ࡅࡁࡀࡉࡀࡓ ࡅࡌࡉࡕࡓࡀࡅࡓࡀࡁ ࡕࡅࡔࡁࡉࡄࡕࡀࡍ ࡕࡅࡔࡁࡉࡄࡕࡀ ࡖ ࡓࡁࡉࡀ ࡅࡃࡌࡅࡕࡀࡍ ࡃࡀࡌࡉࡀ ࡋࡀࡕࡀࡓ ࡍࡄࡅࡓ ࡌࡍࡀ ࡄࡅࡀ ࡄࡀࡉࡋࡀࡉࡀࡍ ࡄࡀࡉࡋࡀ ࡓࡀࡌࡀ ࡖ ࡋࡀࡌࡑࡉࡁࡇ ࡊࡅࡋࡄࡅࡍ ࡀࡋࡌࡉࡀ ࡒࡀࡋࡀࡉࡀࡍ ࡒࡀࡋࡀ ࡃࡀࡊࡉࡀ ࡖ ࡏࡕࡉࡒࡓࡉࡋࡇ ࡋࡄࡉࡃࡅࡉࡀ ࡁࡔࡊࡉࡍࡕࡇ ࡏࡋ ࡖ ࡉࡀࡕࡁࡉࡀ ࡏࡅࡕࡓࡉࡀ ࡅࡌࡉࡕࡀࡐࡓࡉࡔ ࡀࡎࡂࡉࡀ ࡌࡀࡋࡊࡀ ࡖ ࡏࡅࡕࡓࡉࡀ ࡀࡕࡀ ࡀࡎࡂࡉࡀ ࡀࡕࡀ ࡌࡀࡋࡊࡀ ࡖ ࡏࡅࡕࡓࡉࡀ ࡋࡔࡊࡉࡍࡀࡕࡀ ࡖ ࡏࡅࡕࡓࡉࡀ ࡉࡀࡕࡁࡉࡀ ࡀࡌࡀࡓࡋࡅࡍ ࡋࡌࡀࡄࡅ ࡌࡉࡕࡀࡐࡓࡉࡔࡉࡕࡅࡍ ࡏࡅࡕࡓࡉࡀ ࡋࡌࡀࡍ ࡖ ࡁࡂࡅ ࡊࡀࡎࡉࡀ ࡄࡅࡀ ࡋࡌࡀࡍࡀ ࡖ ࡄࡅࡀ ࡁࡂࡅ ࡊࡀࡎࡉࡀ ࡅࡋࡆࡉࡅࡀ ࡖ ࡉࡀࡒࡉࡃ ࡁࡀࡕࡀࡓ ࡊࡎࡉࡀ

201. ࡉࡀ ࡕࡀࡋࡀࡉ ࡆࡉࡅࡀ ࡔࡓࡀࡂࡉࡀ ࡖ ࡆࡉࡅࡀ ࡕࡋࡉࡁࡇ ࡉࡀ ࡕࡀࡋࡀࡉ ࡆࡉࡅࡀ ࡔࡌࡅࡊࡈࡉࡀ ࡖ ࡍࡄࡅࡓࡀ ࡕࡋࡉࡁࡇ . ࡄࡀࡆࡉࡍ ࡆࡉࡅࡀ ࡖ ࡌࡀࡍࡅ ࡅࡄࡀࡆࡉࡍ ࡍࡄࡅࡓࡀ ࡖ ࡌࡀࡍࡅ ࡅࡄࡀࡆࡉࡍ ࡕࡅࡒࡍࡀ ࡖ ࡌࡀࡍࡅ ࡖ ࡀࡍࡐࡉࡔ ࡅࡎࡀࡊࡀ ࡋࡉࡕࡋࡇ . ࡄࡀࡆࡉࡍ ࡆࡉࡅࡀ ࡖ ࡄࡉࡁࡉࡋ ࡅࡄࡀࡆࡉࡍ ࡍࡄࡅࡓࡀ ࡖ ࡔࡉࡕࡉࡋ ࡅࡄࡀࡆࡉࡍ ࡕࡅࡒࡍࡀ ࡖ ࡀࡍࡅࡔ ࡏࡅࡕࡓࡀ ࡎࡀࡂࡉࡀ ࡖ ࡍࡐࡉࡔ ࡅࡎࡀࡊࡀ ࡋࡉࡕࡋࡇ

202. ࡆࡉࡅࡀ ࡖ ࡄࡉࡁࡉࡋ ࡉࡀࡉࡉࡀ ࡅࡍࡄࡅࡓࡀ ࡖ ࡔࡉࡕࡉࡋ ࡍࡀࡄࡅࡓ ࡕࡅࡒࡍࡀ ࡖ ࡀࡍࡅࡔ ࡏࡅࡕࡓࡀ ࡎࡀࡂࡉࡀ ࡖ ࡍࡐࡉࡔ ࡅࡎࡀࡊࡀ ࡋࡉࡕࡋࡇ . ࡉࡀ ࡕࡀࡋࡀࡉ ࡆࡉࡅࡀ ࡔࡓࡀࡂࡉࡀ ࡖ ࡆࡉࡅࡀ ࡕࡋࡉࡁࡇ ࡉࡀ ࡕࡀࡋࡀࡉ ࡆࡉࡅࡀ ࡔࡌࡅࡊࡈࡉࡀ ࡖ ࡍࡄࡅࡓࡀ ࡕࡋࡉࡁࡇ

203. ࡄࡀࡆࡉࡍ ࡁࡉࡍࡕࡀ ࡖ ࡌࡀࡍࡅ ࡄࡀࡆࡉࡍ ࡌࡀࡍࡅ ࡁࡉࡍࡕࡀ ࡄࡀࡆࡉࡍ ࡁࡉࡍࡕࡀ ࡖ ࡌࡀࡍࡅ ࡄࡀࡆࡉࡍ ࡓࡉࡄࡇ ࡁࡀࡎࡉࡌ ࡄࡀࡆࡉࡍ ࡁࡀࡎࡉࡌ ࡓࡉࡄࡇ ࡅࡏࡋࡀࡍࡉࡀ ࡈࡀࡁࡉࡀ ࡔࡓࡉࡁࡇ . ࡄࡀࡆࡉࡍ ࡁࡉࡍࡕࡀ ࡖ ࡉࡀࡅࡀࡓ ࡄࡀࡆࡉࡍ ࡉࡀࡅࡀࡓ ࡁࡉࡍࡕࡀ ࡄࡀࡆࡉࡍ ࡁࡉࡍࡕࡀ ࡖ ࡉࡀࡅࡀࡓ ࡄࡀࡆࡉࡍ ࡓࡉࡄࡇ ࡁࡀࡎࡉࡌ ࡄࡀࡆࡉࡍ ࡁࡀࡎࡉࡌ ࡓࡉࡄࡇ ࡅࡏࡋࡀࡍࡉࡀ ࡈࡀࡁࡉࡀ ࡔࡓࡉࡁࡇ . ࡁࡎࡅࡌ ࡓࡉࡄࡀࡉࡅࡍ ࡖ ࡏࡋࡀࡍࡉࡀ ࡖ ࡁࡓࡉࡄࡇ ࡖ ࡉࡀࡅࡀࡓ ࡏࡋࡀࡅࡀࡉࡄࡅࡍ ࡔࡓࡉࡀ ࡁࡎࡅࡌ ࡓࡉࡄࡀࡉࡅࡍ ࡖ ࡏࡋࡀࡍࡉࡀ ࡖ ࡁࡓࡉࡄࡇ ࡖ ࡌࡀࡍࡃࡀ ࡖ ࡄࡉࡉࡀ ࡏࡋࡀࡅࡀࡉࡄࡅࡍ ࡔࡓࡉࡀ . ࡉࡀ ࡕࡀࡋࡀࡉ ࡆࡉࡅࡀ ࡔࡓࡀࡂࡉࡀ ࡖ ࡆࡉࡅࡀ ࡕࡋࡉࡁࡇ ࡉࡀ ࡕࡀࡋࡀࡉ ࡆࡉࡅࡀ ࡔࡌࡅࡊࡈࡉࡀ ࡖ ࡍࡄࡅࡓࡀ ࡕࡋࡉࡁࡇ

204. ࡔࡀࡃࡓࡅࡉࡀ ࡋࡄࡉࡁࡉࡋ ࡆࡉࡅࡀ ࡏࡋ ࡌࡀࡉࡕࡉࡋࡅࡍ ࡐࡀࡓࡔࡉࡂࡍࡀ ࡋࡏࡅࡕࡓࡉࡀ ࡖ ࡄࡀࡕࡀࡌ ࡉࡀࡕࡁࡉࡀ ࡅࡀࡌࡀࡓࡋࡅࡍ ࡌࡍ ࡆࡉࡅࡀ ࡄࡅࡀ ࡍࡄࡅࡓࡀ ࡅࡌࡍ ࡍࡄࡅࡓࡀ ࡀࡉࡀࡓ ࡄࡅࡀ ࡅࡌࡍ ࡍࡄࡅࡓࡀ ࡄࡅࡀ ࡀࡉࡀࡓ ࡅࡏࡔࡕࡀࡅࡉࡋࡅࡍ ࡑࡀࡅࡕࡀ ࡋࡏࡅࡕࡓࡉࡀ ࡖ ࡄࡀࡕࡀࡌ ࡉࡀࡕࡁࡉࡀ . ࡁࡎࡅࡌ ࡒࡀࡋࡀࡊ ࡈࡀࡋࡉࡀ ࡄࡉࡁࡉࡋ ࡖ ࡌࡀࡌࡋࡉࡋࡉࡕ ࡁࡂࡉࡍࡀࡕ ࡀࡃࡀࡌ ࡅࡃࡀࡓࡔࡉࡕ ࡃࡓࡀࡔࡉࡀ ࡔࡀࡍࡉࡀ ࡁࡎࡅࡌ ࡒࡀࡋࡀࡊ ࡅࡒࡀࡋࡀࡊ ࡋࡕࡀࡌ ࡀࡆࡀࡋ . ࡅࡄࡉࡉࡀ ࡆࡀࡊࡉࡍ ࡎࡀ

205. ࡗ ࡀࡆࡉࡋ ࡁࡄࡉࡓࡀ ࡃࡀࡊࡉࡀ ࡋࡀࡕࡓࡀ ࡖ ࡉࡀࡕࡁࡉࡀ ࡕࡅࡔࡋࡉࡌࡉࡀ ࡓࡁࡀ ࡄࡅ ࡈࡀࡁࡀ ࡋࡅࡀࡕ ࡀࡁࡀࡄࡀࡕࡇ ࡌࡉࡆࡋࡇ ࡌࡉࡆࡋࡇ ࡋࡅࡀࡕ ࡀࡁࡀࡄࡀࡕࡇ ࡋࡌࡉࡌࡀࡓࡋࡅࡍ ࡖ ࡔࡀࡍࡀࡉ ࡅࡉࡀࡕࡉࡓ ࡁࡀࡕࡀࡓ ࡊࡎࡉࡀ . ࡏࡅ ࡄࡉࡍࡉࡀࡋࡊࡅࡍ ࡓࡁࡉࡀ ࡏࡅ ࡄࡉࡍࡉࡀࡋࡊࡅࡍ ࡓࡅࡓࡁࡉࡀ ࡏࡅ ࡄࡉࡍࡉࡀࡋࡊࡅࡍ ࡓࡁࡉࡀ ࡏࡒࡀࡓ ࡂࡉࡅࡀ ࡏࡒࡀࡓࡀ ࡁࡂࡀࡅࡇ ࡍࡉࡔࡕࡊࡉࡍ ࡏࡒࡀࡓࡀ ࡍࡉࡔࡕࡊࡉࡍ ࡁࡂࡀࡅࡇ ࡅࡏࡅࡕࡓࡉࡀ ࡄࡃࡀࡃࡉࡀ ࡍࡉࡁࡅࡍ ࡏࡅࡕࡓࡉࡀ ࡍࡉࡁࡅࡍ ࡀࡋࡅࡀࡕ ࡄࡃࡀࡃࡉࡀ ࡅࡄࡀࡃ ࡄࡀࡃ ࡍࡉࡀࡅࡒࡀࡓ ࡀࡄࡅࡉࡀ ࡄࡀࡃ ࡄࡀࡃ ࡀࡄࡅࡉࡀ ࡍࡉࡀࡅࡒࡀࡓ ࡁࡌࡉࡋࡊࡀ ࡖ ࡌࡍ ࡃࡉࡋࡊࡅࡍ ࡀࡆࡀࡋ ࡋࡄࡉࡋ . ࡔࡀࡋࡉࡈࡉࡕ ࡀࡍࡀࡕ ࡓࡁࡀ

ࡏࡆࡉࡋ ࡏࡒࡀࡓࡀ ࡄࡀࡕࡀࡌ ࡔࡓࡉࡀ ࡏࡆࡉࡋ ࡏࡒࡀࡓࡀ ࡔࡓࡉࡀ ࡄࡀࡕࡀࡌ ࡅࡁࡏࡒࡀࡓࡀ ࡃࡉࡋࡀࡍ ࡅࡃࡉࡋࡀࡊ ࡍࡉࡕࡉࡀࡅࡒࡓࡅࡍ ࡍࡉࡕࡉࡀࡅࡒࡓࡅࡍ ࡁࡄࡀࡍࡀࡕࡇ

ࡏࡒࡀࡓࡀ ࡅࡍࡉࡒࡀࡁࡋࡅࡍ ࡁࡉࡓࡉࡊࡕࡀ ࡖ ࡔࡀࡃࡀࡓࡍࡀࡋࡅࡍ ࡁࡉࡓࡉࡊࡕࡀ ࡖ ࡔࡀࡃࡀࡓࡍࡀࡋࡅࡍ ࡍࡉࡒࡀࡁࡋࡅࡍ ࡈࡀࡁࡅࡕࡀ ࡃࡉࡋࡀࡊ ࡍࡉࡋࡉࡂࡈࡅࡍ ࡍࡉࡄࡅࡉࡀ ࡖ ࡉࡀࡃࡉࡍ ࡏࡅࡕࡓࡉࡀ ࡖ ࡀࡍࡀࡕ ࡓࡀࡁࡉࡕ ࡌࡍ ࡊࡅࡋࡄࡅࡍ ࡏࡅࡕࡓࡉࡀ ࡀࡍࡀࡕ ࡐࡀࡄࡕࡉࡕ ࡌࡄࡀࡅࡉࡀࡕࡋࡅࡍ ࡆࡉࡅࡀ ࡅࡕࡅࡔࡁࡉࡄࡕࡀ ࡉࡀࡄࡁࡀࡕࡋࡅࡍ . ࡏࡆࡋࡉࡕ ࡋࡄࡉࡋ ࡋࡄࡉࡋ ࡏࡆࡋࡉࡕ ࡅࡔࡓࡉࡕ ࡏࡋࡀࡅࡀࡉࡄࡅࡍ ࡁࡉࡓࡉࡊࡕࡀ ࡁࡉࡓࡉࡊࡕࡀ ࡖ ࡔࡓࡉࡕ ࡏࡋࡀࡅࡀࡉࡄࡅࡍ ࡅࡄࡉࡍࡅࡍ ࡍࡉࡒࡀࡁࡋࡅࡍ

ࡅࡁࡉࡓࡊࡕࡀ ࡁࡃࡉࡋࡅࡍ ࡍࡉࡁࡉࡓࡊࡅࡍ ࡍࡉࡁࡉࡓࡊࡅࡍ ࡁࡉࡓࡉࡊࡕࡀ ࡁࡃࡉࡋࡅࡍ ࡅࡁࡕࡅࡔࡁࡉࡄࡕࡀ ࡃࡉࡋࡊࡅࡍ ࡍࡉࡕࡉࡀࡅࡒࡓࡅࡍ ࡍࡉࡕࡉࡀࡅࡒࡓࡅࡍ ࡁࡕࡅࡔࡁࡉࡄࡕࡀ ࡃࡉࡋࡊࡅࡍ ࡅࡁࡌࡀࡋࡀࡋࡀ ࡃࡉࡋࡊࡅࡍ ࡍࡉࡕࡒࡀࡉࡌࡅࡍ ࡍࡉࡕࡒࡀࡉࡌࡅࡍ ࡁࡌࡀࡋࡀࡋࡀ ࡃࡉࡋࡊࡅࡍ ࡅࡌࡍ ࡃࡉࡋࡊࡅࡍ ࡋࡀࡍࡉࡐࡒࡅࡍ . ࡕࡀࡓࡌࡉࡃࡉࡀ ࡁࡊࡉࡎࡉࡀ ࡁࡀࡓࡊࡉࡋࡇ ࡋࡓࡁࡀ ࡖ ࡀࡅࡒࡉࡓࡉࡍࡅࡍ ࡅࡏࡒࡀࡓࡀ ࡏࡋࡀࡅࡀࡉࡄࡅࡍ ࡔࡓࡀ . ࡅࡄࡉࡉࡀ ࡆࡀࡊࡉࡍ ࡎ ࡀ ࡀࡕࡉࡀ ࡄࡀࡃ ࡌࡍ ࡆࡉࡅࡀࡉࡊࡅࡍ ࡀࡒࡀࡌࡀࡉ ࡅࡀࡕࡉࡀ ࡄࡀࡃ ࡌࡍ ࡍࡄࡅࡓࡀࡉࡊࡅࡍ ࡀࡁࡀࡕࡁࡀࡉ ࡎࡀ

206. ࡁࡔࡅࡌࡀࡉࡄࡅࡍ ࡖ ࡄࡉࡉࡀ ࡓࡁࡉࡀ ࡌࡓࡀࡅࡓࡀࡁ ࡍࡄࡅࡓࡀ ࡔࡀࡍࡉࡀ ࡀ ࡀࡕࡀ ࡁࡈࡀࡁࡅ ࡊࡅࡔࡈࡀ ࡍࡄࡅࡓࡀ ࡖ ࡌࡀࡎࡂࡉࡀ ࡋࡁࡉࡕ ࡓࡀࡄࡌࡇ ࡁ ࡁࡄࡉࡓࡀ ࡀࡍࡀࡕ ࡆࡀࡊࡀࡉࡀ ࡖ ࡌࡒࡀࡉࡌࡉࡕ ࡁࡆࡀࡊࡅ ࡔࡅࡓࡁࡕࡀࡊ ࡂ ࡂࡉࡌࡓࡀ ࡀࡍࡀࡕ ࡂࡌࡉࡓࡀ ࡁࡄࡀࡓࡀ ࡖ ࡌࡅࡌࡀ ࡋࡉࡕࡁࡇ ࡖ ࡃࡉࡓࡊࡀ ࡀࡍࡀࡕ ࡖ ࡔࡀࡋࡌࡀࡍࡉࡀ ࡅࡔࡁࡉࡋࡀ ࡖ ࡎࡀࡋࡉࡒ ࡋࡀࡕࡀࡓ ࡍࡄࡅࡓ ࡄ ࡄࡉࡉࡀ ࡀࡍࡀࡕ ࡖ ࡌࡍ ࡋࡀࡋࡀࡌ ࡖ ࡀࡎࡂࡉࡕ ࡔࡓࡉࡕ ࡁࡉࡋࡁࡀࡁ ࡊࡔࡉࡈ ࡅ ࡅࡀࡉࡋࡇ ࡋࡌࡀࡍ ࡖ ࡋࡀࡍࡉࡑࡉࡕࡀࡊ ࡅࡋࡀࡍࡉࡔࡉࡌࡀࡊ ࡌࡀࡓࡀࡉ ࡔࡁࡉࡋࡀ ࡖ ࡁࡃࡀࡓࡉࡀ ࡖ ࡓࡀࡁࡅࡕ ࡆࡌࡀࡓ ࡆ ࡆࡀࡉࡍࡀ ࡀࡍࡀࡕ ࡖ ࡔࡀࡋࡌࡀࡍࡉࡀ ࡔࡓࡀࡓࡀ ࡖ ࡈࡀࡉࡀ ࡋࡉࡕࡁࡇ ࡇ ࡄࡀࡊࡉࡌࡉࡕ ࡅࡁࡀࡎࡉࡌࡉࡕ ࡌࡀࡓࡀࡉ ࡄࡅࡊࡅࡌࡕࡀ ࡅࡎࡉࡁࡓࡅࡕࡀ ࡌࡀࡋࡐࡀࡕࡋࡅࡍ ࡋࡊࡅࡋࡄࡅࡍ ࡓࡀࡄࡌࡉࡀ ࡔࡅࡌࡀࡊ ࡈ ࡈࡅࡁࡇ ࡋࡌࡀࡍ ࡖ ࡍࡉࡑࡉࡕࡀࡊ ࡅࡍࡉࡔࡉࡌࡀࡊ ࡌࡀࡓࡀࡉ ࡅࡍࡀࡎࡂࡉࡀ ࡁࡃࡉࡓࡊࡉࡀ ࡌࡍ ࡀࡁࡀࡕࡓࡀࡊ ࡉ ࡉࡅࡌࡀ ࡀࡍࡀࡕ ࡖ ࡄࡀࡃࡅࡕࡀ ࡖ ࡏࡁࡋࡉࡀ ࡅࡌࡀࡋࡉࡀ ࡋࡉࡕࡁࡇ ࡊ ࡊࡋࡉࡋࡀ ࡀࡍࡀࡕ ࡆࡀࡊࡀࡅࡀࡕࡀ ࡖ ࡏࡕࡓࡀࡑࡋࡅࡍ ࡁࡓࡉࡔࡀࡉࡄࡅࡍ ࡋࡌࡉࡍࡉࡄࡓࡉࡀ ࡋ ࡋࡉࡔࡀࡍࡀ ࡀࡍࡀࡕ ࡖ ࡕࡅࡔࡁࡉࡄࡕࡀ ࡖ ࡊࡅࡋ ࡉࡅࡌ ࡋࡄࡉࡉࡀ ࡌࡔࡀࡁࡀࡕࡋࡅࡍ ࡌ ࡌࡀࡍࡀ ࡀࡍࡀࡕ ࡒࡀࡃࡌࡀࡉࡀ ࡖ ࡄࡉࡉࡀ ࡁࡀࡍࡅࡊ ࡅࡁࡀࡍࡀࡍࡅࡊ ࡍ ࡍࡄࡅࡓࡀ ࡀࡍࡀࡕ ࡖ ࡊࡀࡁࡉࡓࡉࡀ ࡖ ࡀࡎࡂࡉࡕ ࡏࡕࡉࡕࡋࡇ ࡋࡀࡋࡌࡀ ࡎ ࡎࡀࡌࡀ ࡀࡍࡀࡕ ࡖ ࡌࡀࡎࡉࡀ ࡊࡉࡁࡉࡀ ࡀࡎࡉࡀ ࡖ ࡌࡀࡎࡉࡀ ࡊࡅࡋࡄࡅࡍ ࡓࡀࡄࡌࡉࡀ ࡔࡅࡌࡇ ࡏ ࡀࡉࡍࡀ ࡀࡍࡀࡕ ࡖ ࡁࡄࡉࡓࡉࡀ ࡆࡉࡃࡒࡀ ࡖ ࡊࡅࡋ ࡉࡅࡌ ࡋࡄࡉࡉࡀ ࡎࡀࡊࡉࡀ ࡐ ࡐࡉࡓࡀ ࡀࡍࡀࡕ ࡖ ࡁࡀࡎࡉࡌࡀ ࡈࡀࡌࡀ ࡖ ࡌࡅࡌࡀ ࡋࡉࡕࡁࡇ ࡑ ࡑࡀࡅࡕࡀ ࡀࡍࡀࡕ ࡒࡀࡃࡌࡀࡉࡕࡀ ࡍࡉࡑࡅࡁࡕࡀ ࡖ ࡌࡍ ࡋࡀࡒࡀࡃࡌࡉࡀ ࡄࡅࡀࡕ ࡒ ࡒࡀࡋࡀ ࡀࡍࡀࡕ ࡒࡀࡃࡌࡀࡉࡀ ࡖ ࡄࡉࡉࡀ ࡌࡍ ࡊࡉࡍࡉࡀࡍࡅࡍ ࡒࡓࡅࡊ ࡓ ࡓࡁࡀࡉࡄࡅࡍ ࡀࡍࡀࡕ ࡖ ࡂࡀࡍࡆࡉࡁࡓࡉࡀ ࡖ

ࡏࡋࡀࡅࡀࡉࡄࡅࡍ ࡔࡓࡏࡉࡀ ࡑࡀࡅࡕࡀࡊ ࡔ ࡔࡉࡌࡅࡊ ࡌࡉࡕࡉࡀ ࡄࡉࡅࡍ ࡅࡔࡉࡌࡅࡊ ࡊࡑࡉࡓࡉࡀ ࡏࡕࡀࡐࡅࡍ ࡕ ࡕࡀࡉࡁࡉࡕ ࡋࡁࡄࡉࡓࡉࡀ ࡆࡉࡃࡒࡀ ࡂࡅࡁࡓࡉࡀ ࡖ ࡋࡂࡀࡈ ࡅࡎࡁࡀࡓ ࡄࡅࡊࡅࡌࡕࡀ ࡈࡀࡁࡉࡀ ࡅࡁࡄࡉࡓࡉࡀ ࡅࡔࡀࡋࡌࡀࡍࡉࡀ ࡖ ࡔࡓࡀࡋࡅࡍ ࡁࡋࡉࡁࡀࡉࡄࡅࡍ ࡊࡅࡔࡈࡀ ࡌࡉࡔࡕࡀࡉࡉࡍ ࡄࡉࡉࡀ ࡆࡀࡊࡉࡍ ࡅࡆࡀࡊࡉࡀ ࡂࡀࡁࡓࡀ ࡖ ࡀࡎࡂࡉࡀ ࡏࡋࡊࡀ ࡎࡀ

207. ࡁࡔࡅࡌࡀࡉࡄࡅࡍ ࡖ ࡄࡉࡉࡀ ࡓࡁࡉࡀ ࡌࡓࡀࡅࡓࡀࡁ ࡍࡄࡅࡓࡀ ࡔࡀࡍࡉࡀ ࡏࡂࡋࡀ ࡀࡍࡀ ࡆࡅࡈࡀ ࡍࡄࡅࡓࡀ ࡔࡓࡀࡋࡉࡀ ࡋࡏࡅࡑࡓࡀࡉ ࡓࡀࡃࡉࡍࡀ ࡅࡌࡀࡎࡂࡉࡍࡀ ࡀࡍࡀ ࡅࡎࡀࡄࡀࡓࡕࡀ ࡖ ࡄࡉࡉࡀ ࡖ ࡌࡉࡍࡀࡉ ࡑࡀࡌࡃࡉࡀ ࡀࡍࡀ ࡌࡀࡋࡀࡋࡉࡕ ࡖ ࡏࡌࡀࡓࡋࡀ ࡋࡎࡀࡄࡀࡓࡕࡀ ࡖ ࡄࡉࡉࡀ ࡖ ࡌࡉࡍࡀࡉ ࡑࡀࡌࡃࡉࡀ ࡀࡍࡀ ࡁࡄࡀࡉࡋࡀࡉ ࡓࡀࡃࡉࡍࡀ ࡀࡍࡀࡕ ࡁࡄࡀࡉࡋࡀ ࡖ ࡌࡀࡍࡅ ࡓࡀࡃࡉࡕ ࡄࡏ ࡌࡀࡋࡀࡋࡀࡕ ࡖ ࡕࡉࡌࡀࡓࡋࡀࡉ ࡎࡀࡄࡀࡓࡕࡀ ࡖ ࡄࡉࡉࡀ ࡌࡉࡍࡀࡉ ࡑࡀࡌࡃࡉࡀ ࡗ ࡀࡍࡀࡕ ࡁࡄࡀࡉࡋࡀࡊ ࡓࡀࡃࡉࡕ ࡀࡍࡀ ࡁࡄࡀࡉࡌࡀࡍࡅࡕ ࡊࡅࡔࡈࡀ ࡋࡁࡀࡁ ࡀࡉࡍࡉࡀ ࡖ ࡆࡉࡅࡀ ࡅࡋࡉࡁࡀࡉ ࡌࡍ ࡁࡄࡉࡓࡉࡀ ࡁࡄࡉࡓ ࡀࡋࡍࡉࡍ ࡁࡌࡀࡍࡉࡀ ࡅࡏࡕࡀࡊࡎࡀࡉࡍࡉࡍ ࡅࡔࡓࡀࡕ ࡋࡌࡉࡄࡅࡉࡀ ࡍࡉࡑࡅࡁࡕࡀ ࡍࡉࡑࡅࡁࡕࡀ ࡔࡓࡀࡕ ࡋࡌࡉࡄࡅࡉࡀ ࡅࡔࡓࡅࡍ ࡁࡄࡉࡓࡉࡀ ࡍࡉࡕࡒࡀࡉࡌࡅࡍ ࡌࡉࡔࡕࡀࡉࡉࡍ ࡄࡉࡉࡀ ࡆࡀࡊࡉࡍ ࡅࡆࡀࡊࡉࡀ ࡂࡀࡁࡓࡀ ࡖ ࡀࡎࡂࡉࡀ ࡋࡊࡀ ࡎࡀ

208. ࡁࡔࡅࡌࡀࡉࡄࡅࡍ ࡖ ࡄࡉࡉࡀ ࡓࡁࡉࡀ ࡌࡓࡀࡅࡓࡀࡁ ࡍࡄࡅࡓࡀ ࡔࡀࡍࡉࡀ ࡐࡅࡓࡉࡀ ࡌࡊࡉࡊࡋࡇ ࡋࡄࡉࡃࡅࡉࡀ ࡅࡀࡂࡀࡍࡉࡀ ࡄࡀࡌࡓࡀ ࡌࡆࡉࡂࡋࡇ ࡁࡉࡕ ࡒࡉࡋࡁࡀ ࡖ ࡄࡉࡃࡅࡉࡀ ࡎࡀࡃࡀࡍࡉࡀ ࡖ ࡀࡓࡒࡀ ࡄࡅࡀ ࡁࡎࡀࡃࡀ ࡖ ࡄࡉࡃࡅࡉࡀ ࡂࡅࡁࡉࡀ ࡖ ࡓࡒࡉࡄࡀ ࡄࡅࡀ ࡋࡁࡅࡔࡀ ࡖ ࡄࡉࡃࡅࡉࡀ ࡌࡍ ࡒࡅࡄࡆࡀࡍ ࡃࡀࡊࡉࡀ ࡄࡅࡀ ࡄࡉࡌࡉࡀࡍࡀ ࡖ ࡄࡉࡃࡅࡉࡀ ࡊࡅࡋࡇ ࡀࡉࡍࡉࡀ ࡁࡀࡉࡍࡉࡀ ࡖ ࡆࡉࡅࡀ ࡅࡍࡄࡅࡓࡀ ࡅࡏࡒࡀࡓࡀ ࡌࡋࡉࡀ ࡊࡎࡅࡉࡀ ࡖ ࡄࡉࡃࡅࡉࡀ ࡌࡍ ࡄࡀࡅࡐࡉࡀ ࡌࡉࡀ ࡄࡅࡀ ࡊࡋࡉࡋࡀ ࡖ ࡄࡉࡃࡅࡉࡀ ࡌࡍ ࡆࡀࡍ ࡂࡅࡐࡍࡀ ࡃࡀࡊࡉࡀ ࡌࡀࡓࡂࡍࡀ ࡖ ࡄࡉࡃࡅࡉࡀ ࡌࡍ ࡀࡔࡕࡀࡓࡂࡀࡍ ࡏࡋࡀࡍࡀ ࡅࡀࡌࡓࡉࡀ ࡀࡕࡅࡍ ࡖ ࡍࡉࡁࡅࡃࡋࡇ ࡄࡉࡋࡅࡋࡀ ࡓࡁࡀ ࡋࡄࡉࡃࡅࡉࡀ ࡗ ࡖ ࡌࡐࡀࡒࡃࡉࡍࡉࡍ ࡌࡍ ࡓࡁࡉࡀ ࡋࡌࡉࡍࡉࡄࡓࡀ ࡋࡃࡌࡅࡕࡇ ࡅࡋࡌࡉࡕࡀࡒࡍࡀ ࡌࡍ ࡓࡉࡔ ࡁࡓࡉࡔ . ࡂࡀࡃࡀ ࡈࡀࡁࡀ ࡋࡌࡉࡔࡓࡉࡋࡇ ࡅࡏࡍࡉࡀࡍࡀ ࡋࡄࡉࡃࡅࡉࡀ ࡌࡉࡓࡌࡉࡋࡇ ࡅࡍࡉࡌࡀࡓࡋࡇ . ࡄࡃࡉࡀ ࡄࡉࡃࡅࡉࡀ ࡅࡄࡃࡉࡀ ࡅࡄࡃࡉࡁࡀ ࡁࡊࡋࡉࡋࡀࡊ ࡓࡀࡅࡆࡀ ࡊࡌࡀ ࡖ ࡊࡋࡉࡋࡀࡊ ࡓࡀࡅࡆ ࡕࡉࡍࡄࡀࡓ ࡃࡌࡅࡕࡀࡊ ࡅࡕࡉࡕࡒࡀࡉࡀࡌ ࡁࡆࡉࡅࡀ ࡖ ࡄࡉࡉࡀ ࡓࡁࡉࡀ ࡖ ࡔࡀࡃࡀࡓࡋࡀࡊ

209. ࡒࡀࡄࡌࡀ ࡁࡏࡊࡅࡓࡉࡀ ࡒࡀࡉࡉࡋ ࡅࡄࡉࡅࡀࡓࡕࡉࡀ ࡁࡂࡅࡀࡋࡒࡉࡀ ࡂࡓࡀࡌࡊࡉࡀ ࡁࡔࡉࡋࡉࡀ ࡒࡀࡉࡉࡋ ࡅࡎࡉࡌࡀࡃ ࡀࡉࡉࡋ ࡁࡋࡀ ࡌࡉࡍࡉࡀࡍࡀ ࡀࡒࡍࡉࡀ ࡁࡓࡀࡌࡊࡉࡀ ࡒࡀࡉࡋࡉࡀ ࡅࡕࡀࡅࡓࡉࡀ ࡀࡉࡋࡉࡀ ࡁࡋࡀ ࡌࡉࡍࡉࡀࡍࡀ ࡀࡎࡀ ࡁࡈࡅࡍࡇ ࡒࡀࡉࡉࡋ ࡁࡉࡄࡁࡀࡒࡉࡀ ࡄࡁࡀࡒࡉࡀ ࡉࡀࡎࡌࡉࡍ ࡆࡀࡄࡁࡀ ࡁࡄࡅࡒࡉࡀ ࡒࡀࡉࡉࡋ ࡅࡊࡀࡎࡐࡀ ࡁࡑࡓࡀࡓࡉࡀ ࡑࡓࡉࡓ ࡄࡉࡋࡉࡀ ࡅࡌࡀࡓࡂࡉࡍࡉࡀ ࡋࡉࡀࡃ ࡏࡅࡌࡀࡍࡉࡀ ࡊࡅࡋࡄࡅࡍ ࡌࡉࡔࡀ ࡅࡄࡀࡌࡀࡓ ࡊࡀࡍࡀ ࡋࡉࡀࡃ ࡏࡅࡌࡀࡍࡀ ࡊࡅࡋࡄࡅࡍ ࡀࡋࡐࡀ ࡁࡀࡓࡒࡀ ࡒࡀࡉࡌࡉࡀ ࡅࡕࡓࡉࡍ ࡀࡋࡐࡉࡀ ࡋࡍࡂࡀࡓࡉࡀ ࡒࡀࡉࡌࡉࡀ ࡀࡋࡉࡐ ࡀࡋࡐࡉࡀ ࡏࡅࡕࡓࡉࡀ ࡒࡅࡃࡀࡌ ࡊࡉࡋࡕࡀ ࡖ ࡄࡉࡃࡅࡉࡀ ࡒࡀࡉࡌࡉࡀ ࡅࡀࡌࡓࡉࡀ ࡀࡕࡅࡍ ࡍࡉࡁࡃࡅࡋࡇ ࡄࡉࡋࡅࡋࡀ ࡓࡁࡀ ࡋࡄࡉࡃࡅࡉࡀ ࡗ ࡖ ࡌࡐࡀࡒࡃࡉࡍࡉࡍ ࡌࡍ ࡓࡁࡉࡀ ࡋࡌࡉࡍࡉࡄࡓࡀ ࡋࡃࡌࡅࡕࡇ ࡅࡏࡋ ࡌࡉࡕࡀࡒࡍࡀ ࡌࡍ ࡓࡉࡔ ࡁࡓࡉࡔ . ࡂࡀࡃࡀ ࡈࡀࡁࡀ ࡋࡌࡉࡔࡓࡉࡋࡇ ࡅࡏࡍࡉࡀࡍࡀ ࡋࡄࡉࡃࡅࡉࡀ ࡍࡉࡓࡌࡉࡋࡇ ࡅࡍࡉࡌࡀࡓࡋࡇ ࡄࡀࡆࡉࡍ ࡆࡉࡅࡀ ࡖ ࡌࡀࡍࡅ ࡄࡀࡆࡉࡍ ࡍࡄࡅࡓࡀ ࡖ ࡌࡀࡍࡅ ࡄࡀࡆࡉࡍ ࡕࡅࡒࡍࡀ ࡖ ࡌࡀࡍࡅ ࡖ ࡍࡐࡉࡔ ࡅࡎࡀࡊࡀ ࡋࡉࡕࡋࡇ . ࡄࡀࡆࡉࡍ ࡆࡉࡅࡀ ࡖ ࡄࡉࡁࡉࡋ ࡅࡄࡀࡆࡉࡍ ࡍࡄࡅࡓࡀ ࡖ ࡔࡉࡕࡉࡋ ࡅࡄࡀࡆࡉࡍ ࡕࡅࡒࡍࡀ ࡖ ࡀࡍࡅࡔ ࡏࡅࡕࡓࡀ ࡎࡀࡂࡉࡀ ࡖ ࡍࡐࡉࡔ ࡅࡎࡀࡊࡀ ࡋࡉࡕࡋࡇ . ࡆࡉࡅࡀ ࡖ ࡄࡉࡁࡉࡋ ࡉࡀࡉࡉࡀ ࡅࡍࡄࡅࡓࡀ ࡖ ࡔࡉࡕࡉࡋ ࡍࡀࡄࡅࡓ ࡕࡅࡒࡍࡀ ࡖ ࡀࡍࡅࡔ ࡏࡅࡕࡓࡀ ࡎࡀࡂࡉࡀ ࡖ ࡍࡐࡉࡔ ࡅࡎࡀࡊࡀ ࡋࡉࡕࡋࡇ

210. ࡔࡀࡌࡉࡔ ࡁࡓࡀࡁࡅࡕࡇ ࡎࡉࡂࡅࡃࡕࡀ ࡒࡅࡃࡀࡌ ࡄࡉࡃࡅࡉࡀ ࡎࡂࡉࡃ ࡅࡔࡋࡀ ࡌࡍ ࡔࡀࡌࡁࡉࡁࡉࡀ ࡖ ࡆࡉࡅࡀ ࡖ ࡋࡁࡉࡔ ࡅࡋࡄࡉࡃࡅࡉࡀ ࡀࡋࡁࡔࡉࡇ ࡅࡀࡌࡀࡓࡋࡇ ࡀࡍࡀ ࡅࡂࡅࡍࡃࡀࡉ ࡅࡂࡀࡁࡀࡓࡀࡉ ࡏࡒࡅࡌ ࡅࡏࡆࡃࡀࡄࡀࡓࡁࡀࡊ ࡌࡍ ࡓࡉࡔ ࡁࡓࡉࡔ . ࡎࡉࡍ ࡌࡀࡓࡉࡀ ࡕࡀࡂࡀ ࡅࡊࡋࡉࡋࡀ ࡕࡀࡂࡀ ࡅࡊࡋࡉࡋࡀ ࡋࡄࡉࡃࡅࡉࡀ ࡓࡌࡉࡋࡇ ࡅࡀࡌࡀࡓࡋࡇ ࡀࡁࡅࡍ ࡊࡋࡉࡋࡀࡊ ࡊࡋࡉࡋࡀ ࡖ ࡏࡅࡕࡓࡉࡀ ࡅࡔࡂࡀࡍࡃࡀࡊ ࡌࡍ ࡄࡀࡉࡋࡀ ࡖ ࡆࡉࡅࡀ ࡄࡅࡀ ࡌࡀࡋࡊࡀ ࡖ ࡏࡅࡕࡓࡉࡀ ࡖ ࡄࡉࡆࡉࡀࡊ ࡏࡍࡎࡉࡁ ࡏࡅࡑࡈࡋࡀ ࡖ ࡆࡉࡅࡀ ࡀࡋࡁࡔࡀࡊ ࡅࡀࡌࡀࡓࡋࡀࡊ ࡊࡌࡀ ࡖ ࡏࡅࡑࡈࡋࡀࡊ ࡉࡀࡉࡉࡀ ࡕࡉࡍࡄࡀࡓ ࡃࡌࡅࡕࡀࡊ ࡅࡕࡉࡕࡒࡀࡉࡀࡌ . ࡍࡉࡓࡉࡂ ࡌࡀࡓࡉࡀ ࡆࡀࡉࡍࡀ ࡅࡒࡓࡀࡁࡀ ࡕࡋࡀ ࡆࡀࡉࡍࡀ ࡅࡒࡓࡀࡁࡀ ࡅࡋࡒࡅࡃࡀࡌ ࡊࡉࡋࡕࡀ ࡖ ࡄࡉࡃࡅࡉࡀ ࡒࡀࡉࡉࡌ ࡅࡌࡂࡀࡈࡉࡋ ࡔࡉࡃࡉࡀ ࡅࡃࡀࡉࡅࡉࡀ ࡌࡉࡎࡀࡐ ࡅࡌࡍࡀࡊࡉࡎ ࡁࡀࡋࡃࡁࡀࡁࡇ ࡅࡀࡌࡀࡓࡋࡇ ࡀࡍࡀ ࡅࡂࡅࡍࡃࡀࡉ ࡅࡂࡀࡁࡀࡓࡀࡉ ࡏࡒࡅࡌ ࡅࡏࡆࡃࡀࡄࡀࡓࡁࡀࡊ ࡌࡍ ࡓࡉࡔ ࡁࡓࡉࡔ . ࡏࡍࡁࡅ ࡎࡀࡐࡓࡀ ࡅࡄࡀࡊࡉࡌࡀ ࡌࡍ ࡄࡅࡊࡅࡌࡕࡀ ࡁࡋࡉࡁࡀ ࡖ ࡄࡉࡃࡅࡉࡀ ࡔࡓࡀ ࡅࡍࡉࡀࡍࡀ ࡋࡄࡉࡃࡅࡉࡀ ࡓࡌࡀࡋࡇ ࡅࡀࡌࡀࡓࡋࡇ ࡌࡀࡍ ࡔࡉࡄࡋࡀࡊ ࡌࡀࡋࡊࡀ ࡄࡀࡃࡕࡀ ࡄࡀࡋࡉࡍ ࡊࡅࡋࡄࡉࡍ ࡏࡁࡉࡃࡀࡕࡀ ࡌࡉࡍࡀࡊ ࡄࡀࡅࡉࡀࡍ ࡀࡍࡄࡀࡓࡕࡀ ࡋࡀࡓࡒࡀ ࡖ ࡀࡉࡀࡓ ࡅࡕࡀࡒࡉࡍࡕࡀ ࡋࡕࡉࡁࡉࡋ ࡊࡅࡋࡀ ࡌࡍ ࡓࡉࡔ ࡁࡓࡉࡔ . ࡁࡉࡋ ࡁࡓ ࡌࡉࡀ ࡋࡁࡅࡔࡀ ࡋࡄࡉࡃࡅࡉࡀ ࡀࡉࡕࡉࡋࡇ ࡅࡍࡉࡀࡍࡀ ࡋࡄࡉࡃࡅࡉࡀ ࡓࡌࡀࡋࡇ ࡅࡀࡌࡀࡓࡋࡇ ࡀࡁࡅࡍ ࡋࡁࡅࡔࡀࡊ ࡋࡁࡅࡔࡀ ࡖ ࡏࡅࡕࡓࡉࡀ ࡅࡍࡄࡅࡓࡀ ࡌࡓࡀࡌࡀࡉ ࡋࡊࡀࡃࡐࡇ ࡕࡀࡒࡉࡋࡁࡀࡊ ࡀࡁࡅࡍ ࡁࡌࡅࡆࡀࡍࡉࡀ ࡅࡓࡀࡔࡉࡌࡁࡀࡊ ࡁࡃࡀࡊࡉࡀ ࡓࡅࡔࡅࡌࡀ . ࡊࡉࡅࡀࡍ ࡁࡔࡅࡐࡓࡇ ࡅࡎࡅࡌࡒࡇ ࡊࡎࡅࡉࡀ ࡋࡄࡉࡃࡅࡉࡀ ࡀࡉࡕࡉࡋࡇ ࡅࡍࡉࡀࡍࡀ ࡋࡄࡉࡃࡅࡉࡀ ࡓࡌࡀࡋࡇ ࡅࡀࡌࡀࡓࡋࡇ ࡉࡀ ࡏࡅࡕࡓࡀ ࡖ ࡁࡆࡉࡅࡇ ࡔࡀࡄࡁࡉࡀ ࡍࡀࡑࡅࡓࡀࡉࡉࡀ ࡔࡀࡄࡁࡉࡀ ࡁࡌࡀࡌࡋࡀࡋࡇ ࡔࡀࡄࡁࡀࡊ ࡀࡓࡒࡀ ࡖ ࡍࡄࡅࡓࡀ ࡁࡌࡀࡋࡊࡀ ࡔࡉࡄࡋࡅࡍ ࡆࡉࡅࡀ ࡖ ࡏࡍࡑࡀࡁࡋࡀࡊ . ࡋࡉࡁࡀࡕ ࡌࡀࡓࡕࡉࡀ ࡔࡅࡐࡓࡀ ࡅࡓࡂࡀࡂࡀ ࡊࡋࡉࡋࡀ ࡅࡕࡉࡊࡕࡀ ࡋࡄࡉࡃࡅࡕࡀ ࡀࡉࡕࡅࡋࡀ ࡅࡁࡓࡉࡔࡀ ࡖ ࡄࡉࡃࡅࡕࡀ ࡕࡓࡀࡑࡅࡋࡀ ࡅࡍࡉࡀࡍࡀ ࡋࡄࡉࡃࡅࡕࡀ ࡓࡌࡅࡋࡀ ࡅࡀࡌࡀࡓࡋࡀ ࡉࡀ ࡄࡉࡃࡅࡕࡀ ࡌࡊࡀࡋࡀࡋࡕࡀ ࡖ ࡋࡏࡑࡈࡅࡍࡉࡀ ࡖ ࡌࡉࡀ ࡉࡀࡕࡁࡀ ࡄࡃࡉࡀ ࡅࡄࡃࡉࡁࡇ ࡁࡄࡀࡆࡉࡍ ࡆࡀࡅࡀ ࡖ ࡍࡑࡀࡁࡋࡉࡊ ࡄࡃࡉࡀ ࡅࡄࡃࡉࡁࡇ ࡁࡊࡋࡉࡋࡉࡊ ࡓࡀࡅࡆࡀ ࡊࡌࡀ ࡖ ࡊࡋࡉࡋࡉࡊ ࡓࡀࡅࡆ ࡕࡉࡍࡄࡀࡓ ࡃࡌࡅࡕࡉࡊ ࡅࡕࡉࡕࡒࡀࡉࡀࡌ ࡀࡋࡌࡀ ࡖ ࡕࡉࡁࡉࡋ ࡁࡀࡈࡋࡀ ࡅࡄࡉࡉࡀ ࡆࡀࡊࡉࡍ ࡅࡆࡀࡊࡉࡀ ࡂࡀࡁࡓࡀ ࡖ ࡀࡎࡂࡉࡀ ࡋࡊࡀ ࡎࡀ

211. ࡁࡔࡅࡌࡀࡉࡄࡅࡍ ࡖ ࡄࡉࡉࡀ ࡓࡁࡉࡀ ࡌࡓࡀࡅࡓࡀࡁ ࡍࡄࡅࡓࡀ ࡔࡀࡍࡉࡀ ࡀࡍࡀ ࡅࡔࡅࡔࡁࡀࡍ ࡄࡉࡃࡅࡉࡀ ࡀࡓࡒࡉࡀ ࡌࡎࡀࡍࡉࡀ ࡅࡎࡉࡊࡉࡀ ࡂࡍࡀࡍ ࡀࡍࡀ ࡅࡔࡅࡔࡁࡀࡍ ࡄࡉࡃࡅࡉࡀ ࡌࡉࡀ ࡁࡂࡅ ࡉࡀࡌࡀ ࡎࡉࡍ ࡌࡉࡀ ࡎࡉࡍ ࡁࡂࡅ ࡉࡀࡌࡀ ࡅࡓࡀࡆࡀࡍ ࡋࡉࡀࡌࡀ ࡋࡀࡂࡋࡀࡍ ࡓࡀࡆࡀࡍ ࡋࡀࡂࡋࡀࡍ ࡋࡉࡀࡌࡀ ࡅࡋࡀࡍࡐࡀࡒࡍࡉࡍ ࡋࡁࡉࡓࡉࡅࡕ ࡄࡅࡊࡅࡌࡕࡀࡍ ࡉࡀ ࡄࡉࡃࡅࡕࡀ ࡌࡊࡀࡋࡀࡋࡕࡀ ࡌࡀࡍࡅ ࡐࡉࡓࡀ ࡖ ࡌࡊࡀࡋࡀࡋࡀ ࡌࡀࡍࡅ ࡂࡋࡀ ࡓࡀࡆࡀࡉࡀࡍ ࡅࡀࡍࡐࡉࡒ ࡋࡁࡀࡓࡉࡅࡕ ࡄࡅࡊࡅࡌࡕࡀࡍ ࡏࡃࡉࡋࡌࡀ ࡔࡀࡌࡉࡔ ࡂࡋࡀ ࡓࡀࡆࡀࡉࡀࡍ ࡅࡀࡍࡐࡉࡒ ࡋࡁࡀࡓࡉࡅࡕ ࡄࡅࡊࡅࡌࡕࡀࡍ ࡔࡀࡌࡉࡔ ࡋࡀࡂࡋࡀ ࡓࡀࡆࡀࡉࡀࡍ ࡅࡋࡀࡍࡐࡀࡒ ࡋࡁࡀࡓࡉࡅࡕ ࡄࡅࡊࡅࡌࡕࡀࡍ ࡔࡀࡌࡉࡔ ࡖ ࡀࡌࡀࡓࡕࡉࡍ ࡏࡋࡇ ࡒࡀࡃࡉࡌ ࡃࡍࡀ ࡄࡀࡔࡉࡊ ࡀࡓࡀࡁ ࡔࡀࡌࡉࡔ ࡋࡀࡂࡋࡀ ࡓࡀࡆࡀࡉࡀࡍ ࡅࡋࡀࡍࡐࡉࡒ ࡋࡁࡉࡓࡉࡅࡕ ࡄࡅ ࡊࡅࡌࡕࡀࡍ . ࡀࡍࡀ ࡅࡔࡅࡔࡁࡀࡍ ࡄࡉࡃࡅࡉࡀ ࡀࡓࡒࡉࡀ ࡌࡎࡀࡍࡉࡀ ࡅࡎࡉࡊࡉࡀ ࡂࡍࡀࡍ ࡀࡍࡀ ࡅࡔࡅࡔࡁࡀࡍ ࡄࡉࡃࡅࡉࡀ ࡌࡉࡀ ࡁࡂࡅ ࡉࡀࡌࡀ ࡎࡉࡍ ࡌࡉࡀ ࡎࡉࡍ ࡁࡂࡅ ࡉࡀࡌࡀ ࡅࡓࡀࡆࡀࡍ ࡋࡉࡀࡌࡀ ࡋࡀࡂࡋࡀࡍ ࡓࡀࡆࡀࡍ ࡋࡀࡂࡋࡀࡍ ࡋࡉࡀࡌࡀ ࡅࡋࡀࡍࡐࡀࡒࡍࡉࡍ ࡋࡁࡉࡓࡉࡅࡕ ࡄࡅࡊࡅࡌࡕࡀࡍ ࡉࡀ ࡄࡉࡃࡅࡕࡀ ࡌࡊࡀࡋࡀࡋࡕࡀ ࡌࡀࡍࡅ ࡐࡉࡓࡀ ࡖ ࡌࡊࡀࡋࡀࡋࡀ ࡌࡀࡍࡅ ࡂࡋࡀ ࡓࡀࡆࡀࡉࡀࡍ ࡅࡀࡍࡐࡉࡒ ࡋࡁࡉࡓࡉࡅࡕ ࡄࡅࡊࡅࡌࡕࡀࡍ

ࡏࡃࡉࡋࡌࡀ ࡎࡉࡍ ࡂࡋࡀ ࡓࡀࡆࡀࡉࡀࡍ ࡅࡀࡍࡐࡉࡒ ࡋࡁࡉࡓࡉࡅࡕ ࡄࡅࡊࡅࡌࡕࡀࡍ ࡎࡉࡍ ࡋࡀࡂࡋࡀ ࡓࡀࡆࡀࡉࡀࡍ ࡅࡋࡀࡍࡐࡉࡒ ࡋࡁࡉࡓࡉࡅࡕ ࡄࡅࡊࡅࡌࡕࡀࡍ ࡎࡉࡍ ࡖ ࡀࡌࡀࡓࡕࡉࡍ ࡏࡋࡇ ࡄࡀࡔࡉࡊ ࡃࡍࡀ ࡒࡀࡃࡉࡌ ࡀࡓࡀࡁ ࡎࡉࡍ ࡋࡀࡂࡋࡀ ࡓࡀࡆࡀࡉࡀࡍ ࡅࡋࡀࡍࡐࡉࡒ ࡋࡁࡀࡓࡉࡅࡕ ࡄࡊࡅࡌࡕࡀࡍ . ࡀࡍࡀ ࡅࡔࡅࡔࡁࡀࡍ ࡄࡉࡃࡅࡉࡀ ࡀࡓࡒࡉࡀ ࡌࡎࡀࡍࡉࡀ ࡅࡎࡉࡊࡉࡀ ࡂࡍࡀࡍ ࡀࡍࡀ ࡅࡔࡅࡔࡁࡀࡍ ࡄࡉࡃࡅࡉࡀ ࡌࡉࡀ ࡁࡂࡅ ࡉࡀࡌࡀ ࡎࡉࡍ ࡌࡉࡀ ࡎࡉࡍ ࡁࡂࡅ ࡉࡀࡌࡀ ࡅࡓࡀࡆࡀࡍ ࡋࡉࡀࡌࡀ ࡋࡀࡂࡋࡀࡍ ࡓࡀࡆࡀࡍ ࡋࡀࡂࡋࡀࡍ ࡋࡉࡀࡌࡀ ࡅࡋࡀࡍࡐࡀࡒࡍࡉࡍ ࡋࡁࡉࡓࡉࡅࡕ ࡄࡅࡊࡅࡌࡕࡀࡍ ࡉࡀ ࡄࡉࡃࡅࡕࡀ ࡌࡊࡀࡋࡀࡋࡕࡀ ࡌࡀࡍࡅ ࡐࡉࡓࡀ ࡖ ࡌࡊࡀࡋࡀࡋࡀ ࡌࡀࡍࡅ ࡂࡋࡀ ࡓࡀࡆࡀࡉࡀࡍ ࡅࡀࡍࡐࡉࡒ ࡋࡁࡀࡓࡉࡅࡕ ࡄࡅࡊࡅࡌࡕࡀࡍ ࡂࡀࡋࡉࡋࡅࡋࡉࡀ ࡕࡋࡀࡕࡀ ࡏࡅࡕࡓࡉࡀ ࡖ ࡋࡀࡄࡅࡍ ࡌࡉࡍࡇ ࡅࡌࡍ ࡀࡋࡌࡀ ࡒࡅࡌࡀࡕ ࡄࡃࡀࡃࡉࡀ ࡒࡀࡉࡌࡉࡀ ࡅࡌࡔࡀ ࡄࡃࡀࡃࡉࡀ ࡍࡀࡎࡁࡉࡀ ࡄࡀࡃ ࡆࡉࡅࡀ ࡋࡁࡉࡔࡉࡀ ࡅࡄࡀࡃ ࡍࡄࡅࡓࡀ ࡐࡓࡀࡎ ࡋࡊࡅࡋࡄࡅࡍ ࡗ ࡌࡀࡌࡋࡉࡋࡉࡀ ࡈࡀࡁࡉࡀ ࡄࡀࡃ ࡄࡀࡅࡉࡀ ࡌࡀࡌࡋࡀࡋࡅࡍ ࡗ ࡌࡀࡌࡋࡉࡋࡉࡀ ࡊࡀࡁࡉࡓࡉࡀ ࡁࡀࡕࡓࡀ ࡎࡀࡂࡉࡀ ࡁࡉࡕ ࡕࡅࡔࡋࡉࡌࡀ ࡋࡀࡉࡉࡕ ࡁࡉࡍࡀࡕࡀࡉࡄࡅࡍ ࡎࡉࡍࡀ ࡒࡉࡍࡀ ࡅࡐࡋࡅࡂࡉࡀ ࡌࡉࡔࡕࡀࡉࡉࡍ ࡄࡉࡉࡀ ࡆࡀࡊࡉࡍ ࡅࡆࡀࡊࡉࡀ ࡂࡀࡁࡓࡀ ࡖ ࡀࡎࡂࡉࡀ ࡋࡊࡀ ࡎ_ ࡀ

212. ࡁࡔࡅࡌࡀࡉࡄࡅࡍ ࡖ ࡄࡉࡉࡀ ࡓࡁࡉࡀ ࡌࡓࡀࡅࡓࡀࡁ ࡍࡄࡅࡓࡀ ࡔࡀࡍࡉࡀ ࡂࡅࡐࡍࡀ ࡏࡕࡋࡇ ࡋࡔࡉࡕࡉࡋ ࡅࡏࡋࡀࡍࡀ ࡏࡕࡋࡇ ࡋࡀࡍࡅࡔ ࡂࡅࡐࡍࡀ ࡏࡕࡋࡇ ࡋࡔࡉࡕࡉࡋ ࡋࡄࡉࡋ ࡁࡂࡀࡅࡉࡊ ࡌࡀࡕࡀ ࡖ ࡊࡅࡔࡈࡀࡍࡉࡀ ࡈࡉࡍ ࡀࡂࡓࡀ ࡅࡈࡉࡍ ࡆࡉࡃࡒࡀ ࡅࡈࡉࡍ ࡍࡀࡑࡉࡓࡅࡕࡀ ࡖ ࡁࡇ ࡋࡅࡀࡕࡇ ࡖ ࡁࡓࡉࡔ ࡀࡅࡐࡇ ࡈࡉࡍ ࡁࡀࡅࡀࡕࡀ ࡅࡃࡓࡀࡔࡉࡀ ࡅࡎࡉࡃࡓࡉࡀ ࡔࡀࡍࡉࡉࡀ ࡀࡍࡀ ࡋࡀࡕࡓࡀࡉ ࡗ ࡒࡀࡉࡉࡌࡍࡀ ࡔࡀࡋࡉࡕ ࡖ ࡓࡁࡀ ࡔࡅࡋࡕࡀ ࡏࡌࡓࡉࡕ ࡖ ࡏࡄࡀࡁࡋࡉࡀ ࡎࡅࡌࡁࡋࡀ ࡓࡀࡌࡀ ࡖ ࡏࡓࡌࡉࡕࡉࡁࡇ ࡋࡂࡅࡐࡍࡀ ࡖ ࡌࡀࡎࡒࡀࡋ ࡋࡂࡅࡐࡍࡀ ࡖ ࡌࡀࡎࡒࡀࡋ ࡓࡌࡉࡕࡉࡁࡇ ࡅࡎࡉࡋࡒࡉࡕ ࡁࡂࡅ ࡂࡅࡐࡍࡀࡉ ࡓࡁࡉࡕ ࡋࡉࡂࡈࡉࡕ ࡌࡍ ࡀࡅࡐࡇ ࡅࡀࡊࡋࡉࡕ ࡅࡔࡕࡉࡕ ࡌࡍ ࡈࡅࡋࡀࡋࡇ ࡅࡓࡅࡉࡕ ࡌࡍ ࡀࡅࡐࡇ ࡅࡌࡍ ࡀࡋࡅࡀࡕࡇ ࡖ ࡂࡅࡐࡍࡀࡉ ࡂࡉࡃࡋࡉࡕ ࡊࡋࡉࡋࡀ ࡅࡀࡎࡉࡌࡉࡕ ࡁࡓࡉࡔࡀࡉ ࡀࡍࡀ ࡋࡀࡕࡓࡀࡉ ࡗ ࡒࡀࡉࡉࡌࡍࡀ ࡔࡅࡋࡕࡀ ࡖ ࡔࡀࡋࡉࡕ ࡏࡄࡀࡁࡋࡉࡀ ࡏࡄࡀࡁࡋࡉࡀ ࡎࡅࡌࡁࡋࡀ ࡓࡀࡌࡀ ࡖ ࡓࡌࡉࡕࡉࡁࡇ ࡋࡂࡅࡐࡍࡀ ࡖ ࡌࡀࡎࡒࡀࡋ ࡋࡂࡅࡐࡍࡀ ࡖ ࡌࡀࡎࡒࡀࡋ ࡓࡌࡉࡕࡉࡁࡇ ࡅࡎࡉࡋࡒࡉࡕ ࡁࡂࡅ ࡂࡅࡐࡍࡀࡉ ࡓࡁࡉࡕ ࡅࡋࡉࡂࡈࡉࡕ ࡌࡍ ࡀࡅࡐࡇ ࡅࡀࡊࡋࡉࡕ ࡅࡔࡕࡉࡕ ࡌࡍ ࡈࡅࡋࡀࡋࡇ ࡅࡓࡅࡉࡕ ࡌࡍ ࡀࡅࡐࡇ ࡅࡌࡍ ࡀࡋࡅࡀࡕࡇ ࡖ ࡂࡅࡐࡍࡀࡉ ࡂࡉࡃࡋࡉࡕ ࡊࡋࡉࡋࡀ ࡅࡀࡎࡉࡌࡉࡕ ࡁࡓࡉࡔࡀࡉ ࡊࡀࡍࡐࡉࡀ ࡀࡋࡌࡉࡀ ࡅࡊࡀࡍࡐࡉࡀ ࡃࡀࡓࡉࡀ ࡁࡀࡃࡌࡅ ࡊࡋࡉࡋࡀࡉ ࡂࡀࡃࡋࡉࡀ ࡂࡃࡀࡋ ࡂࡃࡀࡋ ࡋࡀࡃࡀࡌࡅࡍ ࡀࡆࡀࡋ ࡂࡅࡍࡉࡀ ࡋࡍࡀࡐࡔࡀࡉࡄࡅࡍ ࡓࡌࡅࡍ ࡅࡀࡌࡓࡉࡀ ࡂࡀࡁࡓࡀ ࡌࡍࡀ ࡄࡅࡀ ࡊࡋࡉࡋࡀࡊ ࡅࡌࡍ ࡄࡅࡀ ࡂࡀࡁࡓࡀ ࡂࡀࡃࡋࡇ ࡀࡌࡀࡓࡍࡀࡋࡅࡍ ࡏࡕࡉࡊࡐࡀࡓ ࡅࡏࡕࡉࡂࡋࡅࡍ ࡌࡍ ࡒࡅࡃࡀࡌࡀࡉ ࡌࡉࡕࡉࡀ ࡁࡉࡔࡉࡀ ࡖ ࡄࡉࡉࡀ ࡋࡀࡄࡆࡅࡍ ࡀࡍࡀ ࡊࡋࡉࡋࡀࡉ ࡋࡀࡅ ࡌࡍ ࡄࡀࡊࡀ ࡅࡂࡀࡁࡓࡀ ࡂࡀࡃࡋࡇ ࡋࡀࡅ ࡌࡍ ࡄࡀࡆࡉࡍ ࡀࡋࡌࡀ ࡀࡍࡀ ࡊࡋࡉࡋࡀࡉ ࡌࡍ ࡓࡅࡀࡆ ࡂࡅࡐࡍࡀ ࡅࡂࡀࡁࡓࡀ ࡂࡀࡃࡋࡀ ࡌࡍ ࡀࡕࡀࡓ ࡍࡄࡅࡓ ࡂࡀࡁࡓࡀ ࡖ ࡀࡕࡉࡉࡇ ࡅࡕࡉࡓࡑࡇ ࡁࡓࡉࡔࡀࡉ ࡌࡉࡍࡇ ࡖ ࡃࡀࡅࡓࡀ ࡕࡀࡒࡍࡀ ࡌࡉࡔࡕࡀࡉࡉࡍ ࡄࡉࡉࡀ ࡆࡀࡊࡉࡍ ࡅࡆࡀࡊࡉࡀ ࡂࡀࡁࡓࡀ ࡖ ࡀࡎࡂࡉࡀ ࡏࡋࡊࡀ ࡎࡀ

213. ࡁࡔࡅࡌࡀࡉࡄࡅࡍ ࡖ ࡄࡉࡉࡀ ࡓࡁࡉࡀ ࡌࡓࡀࡅࡓࡀࡁ ࡍࡄࡅࡓࡀ ࡔࡀࡍࡉࡀ ࡌࡀࡍࡀ ࡀࡍࡀ ࡖ ࡄࡉࡉࡀ ࡓࡁࡉࡀ ࡌࡀࡍࡀ ࡀࡍࡀ ࡖ ࡄࡉࡉࡀ ࡓࡅࡓࡁࡉࡀ ࡌࡀࡍࡀ ࡀࡍࡀ ࡖ ࡄࡉࡉࡀ ࡓࡁࡉࡀ ࡌࡀࡍࡀ ࡖ ࡌࡍ ࡌࡀࡍࡉࡀ ࡄࡅࡉࡕ ࡌࡀࡍࡀ ࡖ ࡄࡅࡉࡕ ࡌࡍ ࡌࡀࡍࡉࡀ ࡖ ࡀࡎࡂࡉࡕ ࡋࡅࡀࡕ ࡕࡓࡉࡍ ࡊࡉࡔࡓࡉࡀ ࡖ ࡄࡀࡆࡉࡍ ࡀࡋࡌࡀ ࡀࡕࡉࡕ ࡅࡐࡉࡄࡕࡉࡕ ࡌࡉࡀ ࡄࡉࡉࡀ ࡅࡀࡔࡒࡉࡕࡉࡍࡅࡍ ࡋࡕࡓࡉࡍ ࡊࡉࡔࡓࡉࡀ ࡖ ࡄࡀࡆࡉࡍ ࡀࡋࡌࡀ ࡕࡅࡌ ࡐࡉࡄࡕࡉࡕ ࡌࡉࡀ ࡄࡉࡉࡀ ࡅࡀࡔࡒࡉࡕࡉࡍࡅࡍ ࡋࡕࡓࡉࡍ ࡊࡉࡔࡓࡉࡀ ࡖ ࡄࡀࡆࡉࡍ ࡀࡋࡌࡀ ࡁࡅࡈࡍࡀ ࡅࡌࡀࡅࡃࡀࡋࡀ ࡆࡓࡉࡕࡉࡁࡅࡍ ࡅࡓࡀࡂࡅࡂࡉࡀ ࡓࡀࡂࡉࡂࡕࡉࡍࡅࡍ ࡅࡓࡄࡀࡌࡕࡀ ࡋࡕࡀࡓࡕࡉࡍࡅࡍ ࡔࡓࡉࡕ ࡀࡓࡎࡀ ࡁࡊࡅࡔࡈࡀ ࡌࡀࡊࡉࡋࡅࡍ ࡖ ࡔࡀࡄࡐࡉࡀ ࡌࡍ ࡏࡋࡀࡍࡉࡀ ࡄࡅࡍ ࡄࡉࡍࡅࡍ ࡄࡉࡉࡀ ࡄࡀࡃࡉࡍ ࡅࡀࡍࡀ ࡔࡂࡀࡍࡃࡀ ࡄࡉࡁࡉࡋ ࡀࡊࡅࡀࡕ ࡖ ࡐࡀࡒࡃࡅࡍ ࡀࡁࡀࡄࡀࡕࡀࡉ ࡀࡁࡃࡉࡕ ࡅࡎࡀࡃࡓࡉࡕ ࡌࡉࡔࡕࡀࡉࡉࡍ ࡄࡉࡉࡀ ࡆࡀࡊࡉࡍ ࡅࡆࡀࡊࡉࡀ ࡂࡀࡁࡓࡀ ࡖ ࡀࡎࡂࡉࡀ ࡋࡊࡀ ࡎࡀ

214. ࡁࡔࡅࡌࡀࡉࡄࡅࡍ ࡖ ࡄࡉࡉࡀ ࡓࡁࡉࡀ ࡌࡓࡀࡅࡓࡀࡁ ࡍࡄࡅࡓࡀ ࡔࡀࡍࡉࡀ . ࡀ ࡀࡕࡀࡕ ࡌࡀࡓࡂࡀࡍࡉࡕࡀ ࡃࡀࡊࡉࡕࡀ ࡖ ࡀࡍࡄࡉࡓࡀࡕ ࡋࡉࡋࡁࡉࡀ ࡄࡀࡔࡊࡉࡀ ࡁ ࡁࡉࡋࡌࡉࡄࡅࡉࡀ ࡆࡉࡅࡀ ࡅࡏࡕࡉࡀࡉࡀࡓ ࡍࡄࡅࡓࡀ ࡄࡅࡀ ࡂ ࡂࡉࡄࡊࡉࡕ ࡋࡔࡉࡁࡉࡀࡄࡉࡀ ࡋࡌࡀࡄࡅ ࡄࡀࡔࡉࡁ ࡅࡀࡁࡀࡃ ࡖ ࡃࡀࡓࡉࡕ ࡁࡉࡍࡀࡕࡀࡉࡄࡅࡍ ࡅࡄࡉࡍࡅࡍ ࡔࡅࡁࡀ ࡋࡀࡏࡃࡅࡍ ࡏࡋࡀࡉ ࡄ ࡄࡀࡅࡉࡀࡋࡅࡍ ࡈࡀࡁࡅࡕࡀ ࡋࡁࡄࡉࡓࡉࡀ ࡄࡉࡉࡀ ࡓࡄࡉࡌ ࡅ ࡅࡀࡉࡋࡉࡍࡅࡍ ࡋࡔࡉࡁࡉࡀࡄࡉࡀ ࡖ ࡋࡁࡄࡉࡓࡀࡉ ࡋࡁࡉࡔ ࡌࡉࡕࡄࡀࡔࡁࡉࡀ ࡆ ࡆࡉࡅࡀ ࡄࡅ ࡓࡁࡀ ࡍࡄࡅࡓࡀ ࡖ ࡎࡀࡊࡀ ࡋࡉࡕࡋࡇ ࡇ ࡄࡉࡉࡀ ࡄࡉࡍࡅࡍ ࡒࡀࡃࡌࡀࡉࡉࡀ ࡖ ࡄࡉࡍࡅࡍ ࡌࡍ ࡋࡀࡒࡀࡃࡌࡉࡀ ࡄࡅࡍ ࡈ ࡈࡅࡁࡇ ࡋࡌࡀࡍ ࡖ ࡍࡉࡑࡉࡕࡀࡊ ࡅࡍࡉࡔࡉࡌࡀࡊ ࡌࡀࡓࡀࡉ ࡅࡍࡀࡎࡂࡉࡀ ࡁࡃࡉࡓࡊࡉࡀ ࡌࡍ ࡀࡁࡀࡕࡓࡀࡊ ࡉ ࡉࡅࡓࡀ ࡄࡅ ࡓࡁࡀ ࡗ ࡍࡉࡔࡉࡌࡕࡀ ࡖ ࡌࡍ ࡁࡉࡕ ࡄࡉࡉࡀ ࡓࡁࡉࡀ ࡀࡕࡀࡕ ࡊ ࡊࡋࡉࡋࡀ ࡄࡅ ࡃࡀࡊࡉࡀ ࡖ ࡕࡓࡀࡑࡋࡇ ࡋࡄࡉࡁࡉࡋ ࡁࡔࡊࡉࡍࡕࡇ ࡋ ࡋࡉࡁࡀࡉ ࡋࡄࡉࡉࡀ ࡁࡀࡉࡉࡀ ࡖ ࡍࡉࡁࡅࡍࡀࡍ ࡄࡉࡉࡀ ࡋࡔࡊࡉࡍࡀࡕࡅࡍ ࡌ ࡌࡍ ࡉࡅࡌࡀ ࡖ ࡄࡉࡁࡉࡋ ࡍࡉࡑࡁࡀࡍ ࡀࡅࡃࡀࡕ ࡍࡉࡔࡌࡀࡕ ࡋࡀࡕࡀࡓ ࡍࡄࡅࡓ ࡍ ࡍࡉࡄࡅࡕࡀ ࡀࡍࡀࡕ ࡒࡀࡃࡌࡀࡉࡕࡀ ࡖ ࡋࡃࡉࡋࡉࡀ ࡏࡅࡕࡓࡉࡀ ࡍࡄࡀ ࡎ ࡎࡀࡉࡓࡉࡀ ࡁࡀࡁࡉࡀ ࡕࡓࡉࡎࡀࡓ ࡅࡁࡃࡉࡓࡊࡉࡀ ࡋࡍࡄࡅࡓࡀ ࡋࡀࡎࡀࡋࡒࡉࡀ ࡏ ࡏࡅࡌࡒࡀ ࡖ ࡍࡀࡑࡉࡓࡅࡕࡀ ࡖ ࡍࡀࡐࡔࡀ ࡅࡎࡀࡊࡀ ࡋࡉࡕࡋࡇ ࡐ ࡐࡉࡓࡀ ࡄࡅ ࡁࡀࡎࡉࡌࡀ ࡈࡀࡌࡀ ࡖ ࡌࡅࡌࡀ ࡋࡉࡕࡁࡇ ࡑ ࡑࡀࡕࡉࡕ ࡒࡀࡋࡀ ࡖ ࡄࡉࡉࡀ ࡁࡀࡕࡓࡀ ࡎࡀࡂࡉࡀ ࡁࡉࡕ ࡕࡅࡔࡋࡉࡌࡀ ࡒ ࡒࡀࡋࡀ ࡖ ࡆࡉࡅࡀ ࡃࡀࡊࡉࡀ ࡖ ࡌࡀࡌࡋࡉࡋ ࡅࡃࡀࡓࡉࡔ ࡁࡔࡊࡉࡍࡕࡇ ࡓ ࡓࡅࡔࡅࡌࡀ ࡄࡅ ࡃࡀࡊࡉࡀ ࡖ ࡏࡓࡔࡉࡌࡁࡇ ࡄࡉࡉࡀ ࡁࡔࡊࡉࡍࡀࡕࡅࡍ ࡔ ࡔࡅࡕࡀ ࡖ ࡄࡉࡉࡀ ࡔࡀࡌࡀࡍࡀ ࡁࡔࡊࡉࡍࡕࡀ ࡖ ࡄࡉࡉࡀ ࡌࡉࡔࡕࡊࡉࡍ ࡕ ࡕࡉࡓࡀ ࡄࡅ ࡁࡀࡎࡉࡌࡀ ࡍࡄࡅࡓࡀ ࡖ ࡎࡀࡊࡀ ࡋࡉࡕࡋࡇ ࡌࡉࡔࡕࡀࡉࡉࡍ ࡄࡉࡉࡀ ࡆࡀࡊࡉࡍ ࡅࡆࡀࡊࡉࡀ ࡂࡀࡁࡓࡀ ࡖ ࡀࡎࡂࡉࡀ ࡋࡊࡀ ࡎࡀ

215. ࡏࡄࡀࡉ ࡒࡀࡔࡀࡐࡋࡉࡀ ࡀࡌࡀࡉ ࡁࡉࡔࡉࡀ ࡒࡀࡌࡃࡀࡋࡉࡀ ࡀࡌࡀࡉ ࡈࡀࡁࡉࡀ ࡒࡀࡕࡉࡀ ࡒࡀࡋࡀࡉࡄࡅࡍ ࡖ ࡏࡅࡕࡓࡉࡀ ࡅࡁࡄࡉࡓࡉࡀ ࡆࡉࡃࡒࡀ ࡕࡋࡀࡕࡀ . ࡏࡄࡀࡉ ࡆࡉࡅࡀࡊ ࡆࡉࡅࡀ ࡖ ࡏࡅࡕࡓࡉࡀ ࡅࡍࡄࡅࡓࡀ ࡖ ࡔࡊࡉࡍࡀࡕࡀ ࡍࡉࡍࡄࡀࡓࡅࡋࡀࡊ ࡀࡉࡍࡀࡊ ࡈࡀࡁࡀ ࡕࡉࡄࡉࡆࡉࡇ ࡒࡀࡍࡃࡉࡋࡉࡀ ࡁࡋࡀ ࡐࡕࡉࡋࡉࡀࡕࡀ . ࡏࡄࡀࡉ ࡏࡍࡂࡉࡃࡅࡋࡀࡊ ࡏࡅࡕࡓࡉࡀ ࡃࡓࡀࡁࡔࡉࡀ ࡌࡉࡋࡀࡅࡉࡀ ࡀࡉࡍࡀࡍࡉࡀࡕࡀ ࡌࡀࡊࡅࡋࡀࡊ ࡀࡎࡀ ࡅࡍࡀࡓࡂࡉࡎ ࡁࡈࡅࡋࡀ ࡖ ࡏࡕࡓࡅࡍࡂࡉࡀࡕࡀ . ࡄࡀࡃࡉࡀ ࡌࡀࡍࡃࡀ ࡅࡄࡉࡃࡅࡉࡀ ࡋࡀࡍࡉࡄࡃࡉࡀ ࡌࡔࡉࡄࡀ ࡁࡀࡈࡋࡀ ࡎࡀ

216. ࡏࡄࡀࡉ ࡉࡀ ࡃࡀࡓࡉࡂࡀࡉ ࡃࡀࡔࡕࡉࡀ ࡈࡀࡁࡉࡀ ࡖ ࡏࡊࡅࡋࡀࡍ ࡀࡉࡍࡇ ࡏࡅࡋ ࡀࡕࡀ ࡁࡂࡍࡀࡍࡀࡊ ࡁࡀࡒࡀࡓࡉࡀ ࡖ ࡀࡉࡍࡉࡀ ࡖ ࡎࡀࡍࡀࡊ . ࡏࡄࡀࡉ ࡌࡀࡍ ࡖ ࡎࡀࡍࡉࡋࡀࡊ ࡎࡉࡍࡉࡉࡇ ࡌࡀࡓࡀࡉ ࡅࡃࡋࡀࡉࡉࡈࡋࡀࡊ ࡁࡅࡊࡓࡇ ࡀࡒࡀࡌࡇ ࡄࡀࡍࡉࡀ ࡖ ࡌࡁࡀࡓࡊࡉࡋࡀࡊ ࡄࡀࡅࡉࡋࡅࡍ ࡔࡉࡕࡋࡉࡀ ࡖ ࡃࡀࡌࡉࡀ ࡏࡋࡀࡊ . ࡄࡀࡃࡉࡀ ࡌࡀࡍࡃࡀ ࡅࡄࡉࡃࡅࡉࡀ ࡋࡀࡍࡉࡄࡃࡉࡀ ࡌࡔࡉࡄࡀ ࡁࡀࡈࡋࡀ ࡎࡀ

217. ࡏࡄࡀࡉ ࡉࡀ ࡓࡀࡁࡅࡕࡉࡀ ࡏࡑࡈࡀࡓࡕࡉࡀ ࡖ ࡏࡋࡀࡅࡉࡀ ࡂࡅࡓࡐࡉࡀ ࡒࡀࡉࡌࡀ ࡍࡄࡅࡕ ࡀࡕࡀࡉ ࡋࡃࡀࡄࡋࡉࡆ ࡒࡀࡄࡀࡋࡐࡉࡀ ࡊࡀࡉࡋࡉࡀ ࡖ ࡌࡀࡋࡊࡀ ࡌࡀࡋࡊࡀ ࡍࡄࡉࡕ ࡁࡃࡅࡊࡕࡇ ࡑࡀࡐࡅࡋࡇ ࡄࡀࡌࡓࡀ ࡖ ࡔࡕࡉࡀ ࡌࡀࡊࡅࡋࡇ ࡃࡉࡁࡀࡔ ࡓࡅࡌࡉࡀ ࡀࡂࡀࡌࡁࡉࡀ ࡌࡉࡎࡒࡀࡋ ࡑࡉࡍࡉࡀ . ࡄࡀࡃࡉࡀ ࡌࡀࡍࡃࡀ ࡅࡄࡉࡃࡅࡉࡀ ࡋࡀࡍࡉࡄࡃࡉࡀ ࡌࡔࡉࡄࡀ ࡁࡀࡈࡋࡀ ࡎࡀ

218. ࡏࡄࡀࡉ ࡉࡀ ࡓࡀࡁࡅࡕࡉࡀ ࡏࡑࡈࡀࡓࡕࡉࡀ ࡐࡕ ࡁࡅࡎࡕࡀࡌࡁࡀࡍࡀࡉࡀ ࡖ ࡌࡀࡋࡊࡉࡀ ࡌࡅࡃࡀࡋࡉࡋࡉࡊ ࡀࡁࡅࡊ ࡖ ࡀࡕࡉࡀ ࡓࡉࡄࡇ ࡅࡌࡀࡆࡉࡆ . ࡃࡀࡋࡉࡋࡀࡍ ࡀࡎࡀ ࡁࡅࡈࡍࡇ ࡅࡌࡀࡓࡌࡀࡄࡅࡆ ࡁࡊࡁࡀࡑࡉࡀࡕࡇ ࡗ ࡀࡋࡀࡍࡀ ࡋࡁࡉࡄࡅࡌ ࡀࡕࡉࡀ ࡓࡉࡄࡇ ࡅࡌࡀࡆࡉࡆ ࡎࡀ

219. ࡏࡄࡀࡉ ࡉࡀ ࡓࡀࡁࡅࡕࡉࡀ ࡏࡑࡈࡀࡓࡕࡉࡀ ࡐࡕ ࡁࡅࡎࡕࡀࡌࡁࡀࡍࡀࡉࡀ ࡖ ࡌࡀࡋࡊࡀ ࡊࡌࡀ ࡊࡀࡍࡉࡀ ࡄࡀࡅࡉࡍ ࡀࡎࡀ ࡊࡌࡀ ࡌࡔࡀࡓࡉࡀ ࡏࡊࡉࡓࡉࡀ ࡅࡌࡀࡓࡅࡉࡀ . ࡀࡋࡐࡀ ࡖ ࡊࡉࡍࡉࡀ ࡄࡀࡅࡉࡍ ࡀࡎࡀ ࡕࡓࡉࡍ ࡀࡋࡐࡉࡀ ࡌࡔࡀࡓࡉࡀ ࡏࡊࡉࡓࡉࡀ ࡅࡌࡀࡓࡅࡉࡀ ࡌࡀࡊࡅࡋࡇ ࡁࡏࡅࡄࡓࡀ ࡋࡄࡉࡃࡅࡉࡀ ࡊࡀࡓࡀࡕࡀ ࡖ ࡅࡀࡓࡃࡀ ࡖ ࡔࡅࡓࡉࡀ ࡎࡀ

220. ࡏࡄࡀࡉ ࡉࡀ ࡓࡀࡁࡅࡕࡉࡀ ࡏࡑࡈࡀࡓࡕࡉࡀ ࡔࡀࡓࡅࡀࡋࡀ ࡀࡂࡀࡌࡁࡉࡀ ࡌࡎࡀࡍࡉࡊ ࡌࡅࡈࡀࡌࡓࡀࡕࡋࡉࡀ ࡋࡄࡉࡃࡅࡉࡀ ࡈࡀࡆࡉࡀ ࡁࡏࡅࡄࡓࡀ ࡅࡂࡀࡄࡉࡊ . ࡒࡀࡁࡀࡍࡀ ࡔࡉࡃࡅࡉࡀ ࡎࡒࡉࡋࡀ ࡌࡉࡋࡀࡅࡍࡀ ࡖ ࡂࡅࡋ ࡄࡉࡅࡀࡓࡀ ࡁࡉࡑࡀࡅࡓࡇ ࡃࡉࡋࡇ ࡆࡀࡄࡁࡀ ࡔࡉࡐࡅࡋࡇ ࡌࡀࡓࡂࡀࡍࡉࡀࡕࡀ . ࡏࡄࡀࡉ ࡒࡀࡁࡀࡍࡀ ࡆࡀࡍࡂࡉࡀ ࡋࡊࡅࡁࡋࡀࡉ ࡊࡉࡈࡀࡉࡕࡀࡉ ࡁࡀࡁࡀࡉ ࡋࡌࡀࡌࡀࡉ ࡋࡀࡁࡀࡍࡀ ࡌࡀࡍࡉࡀ ࡖ ࡑࡉࡁࡀ ࡊࡉࡁࡍࡀࡕࡀ ࡖ ࡏࡂࡉࡓࡉࡀࡕࡀ ࡎࡀ

221. ࡏࡄࡀࡉ ࡉࡀ ࡓࡀࡁࡅࡕࡉࡀ ࡏࡑࡈࡀࡓࡕࡉࡀ ࡖ ࡃࡓࡏࡉࡀ ࡍࡀࡅࡓࡀ ࡎࡒࡉࡋࡀ ࡌࡅࡃ ࡒࡄࡀࡆࡉࡕ ࡁࡂࡀࡅࡇ ࡖ ࡀࡍࡀࡕ ࡔࡀࡐࡉࡓࡕࡉࡀ ࡌࡉࡍࡇ . ࡏࡄࡀࡉ ࡋࡀࡔࡅࡐࡓࡀ ࡏࡕࡋࡇ ࡋࡎࡉࡓࡀ ࡋࡀࡋࡊࡅࡋࡇ ࡅࡋࡀࡋࡌࡉࡔࡀࡍࡉࡀ ࡌࡀࡔࡀࡈࡀ ࡌࡅࡃ ࡌࡆࡀࡉࡍࡀ ࡌࡉࡋࡉࡁࡀࡕ ࡐࡕ ࡀࡋࡀࡄࡉࡀ ࡎࡀ

222. ࡏࡄࡀࡉ ࡉࡀ ࡈࡀࡅࡀࡎࡕࡀ ࡖ ࡆࡀࡄࡁࡀ ࡌࡉࡑࡀࡉࡕࡀ ࡖ ࡊࡋࡉࡋ ࡌࡀࡋࡊࡉࡀ ࡀࡒࡉࡌࡋࡀ ࡔࡀࡉࡀ ࡋࡁࡉࡄࡅࡌ ࡖ ࡁࡄࡀࡓࡅࡋࡀࡉ ࡆࡀࡋࡀࡉ ࡓࡅࡌࡉࡀ . ࡆࡀࡋࡀࡉ ࡆࡀࡋࡅࡋࡀࡉ ࡓࡅࡌࡉࡀ ࡃࡀࡄࡁࡀ ࡔࡐࡉࡓࡀ ࡎࡒࡉࡋࡀ ࡉࡀࡒࡅࡕࡀ ࡌࡀࡍ ࡖ ࡁࡄࡀࡓࡅࡋࡀࡊ ࡆࡀࡅࡀ ࡆࡀࡋࡉࡋࡕࡉࡀ ࡖ ࡏࡊࡅࡋࡀࡍ ࡀࡉࡍࡀ . ࡁࡄࡀࡓࡅࡋࡀࡉ ࡌࡀࡌࡀ ࡖ ࡏࡕࡋࡉࡀ ࡖ ࡓࡀࡄࡌࡉࡋࡉࡀ ࡌࡍ ࡓࡅࡔࡍࡀࡉࡉࡀ ࡐࡀࡓࡎࡀ ࡎࡀࡓࡀࡕ ࡌࡀࡓࡁࡀ ࡕࡓࡉࡍ ࡀࡋࡐࡉࡀ ࡐࡀࡓࡎࡉࡀ ࡌࡀࡓࡁࡀ ࡅࡌࡀࡃࡍࡀ. ࡈࡅࡌࡉࡀ ࡖ ࡁࡄࡀࡓࡅࡋࡀࡉ ࡆࡀࡅࡀ ࡆࡀࡋࡉࡋࡕࡉࡀ ࡖ ࡏࡊࡅࡋࡀࡍ ࡀࡉࡍࡀ ࡎࡀ

223. ࡁࡓࡀࡕࡀ ࡖ ࡌࡀࡍ ࡀࡍࡀࡕ ࡅࡁࡓࡀࡕࡀ ࡖ ࡌࡀࡍ ࡒࡀࡓࡉࡋࡉࡊ ࡀࡍࡉࡀ ࡀࡁࡃࡉࡀ ࡌࡉࡋࡉࡋࡉࡊ ࡅࡀࡌࡀࡕࡀ ࡌࡀࡍ ࡖ ࡆࡁࡀࡍࡋࡉࡊ ࡀࡍࡀ ࡁࡓࡀࡕࡀ ࡖ ࡀࡉࡀࡓ ࡎࡀࡂࡉࡀ ࡄࡀࡕࡀ ࡖ ࡉࡅࡔࡀࡌࡉࡍ ࡃࡀࡊࡉࡀ ࡀࡁࡃࡉࡀ ࡄࡅࡀࡋࡇ ࡋࡁࡀࡁࡀࡉ ࡅࡀࡌࡀࡕࡀ ࡄࡅࡀࡋࡀ ࡋࡏࡌࡀࡉ ࡗ ࡋࡃࡉࡋࡉࡀ ࡀࡁࡃࡉࡀ ࡋࡉࡕࡋࡉࡀ ࡀࡁࡃࡉࡀ ࡋࡌࡀࡍ ࡄࡀࡅࡉࡋࡇ ࡎࡀ

224. ࡌࡍ ࡉࡅࡌࡀ ࡖ ࡏࡅࡓࡀࡔ ࡓࡁࡀ ࡀࡕࡀࡋࡉࡀ ࡀࡁࡅࡊ ࡀࡒࡀࡓࡀࡊ ࡂࡀࡌࡀࡓࡋࡀࡍ ࡏࡌࡀ ࡒࡀࡈࡉ(ࡀyࡉࡍ)ࡉࡀ ࡖ ࡀࡁࡀࡓࡕࡇ ࡋࡐࡓࡀࡔ ࡆࡉࡅࡀ ࡅࡀࡌࡀࡓ ࡀࡕࡀ ࡏࡄࡅࡉࡀ ࡄࡀࡕࡍࡀࡍ ࡓࡉࡔࡀ ࡖ ࡊࡅࡋࡇ ࡒࡉࡍࡀࡍ ࡄࡀࡅࡉࡍࡉࡀ ࡀࡁࡃࡉࡀ ࡖ ࡀࡒࡀࡌࡀࡊ ࡅࡔࡀࡌࡉࡍࡉࡀ ࡊࡅࡋ ࡖ ࡀࡌࡀࡓࡕࡋࡀࡍ ࡎࡀ

225. ࡄࡉࡃࡅࡉࡀ ࡌࡀࡍ ࡖ ࡀࡌࡀࡓࡋࡀࡊ ࡏࡅࡄࡓࡀࡕࡀ ࡌࡀࡍ ࡖ ࡀࡄࡅࡉࡋࡀࡊ ࡖ ࡌࡔࡀࡃࡓࡉࡕ ࡄࡀࡃࡉࡀ ࡋࡁࡀࡁࡀࡉ ࡌࡀ ࡂࡅࡌࡋࡉࡀ ࡅࡌࡀ ࡊࡅࡃࡀࡍࡉࡉࡀ. ࡂࡅࡌࡋࡉࡀ ࡈࡉࡍࡀࡍ ࡆࡀࡄࡁࡀ ࡊࡅࡃࡀࡍࡉࡉࡀ ࡒࡀࡆ ࡅࡀࡁࡓࡉࡔࡅࡌ ࡔࡀࡃࡀࡓࡕࡇ ࡋࡄࡉࡁࡉࡋ ࡆࡉࡅࡀ ࡀࡁࡉࡄࡃࡉࡀ ࡉࡅࡔࡀࡌࡉࡍ ࡃࡀࡊࡉࡀ . ࡄࡉࡁࡉࡋ ࡍࡉࡔࡒࡇ ࡋࡁࡀࡁࡀࡉ ࡉࡅࡔࡀࡌࡉࡍ ࡋࡀࡄࡀࡉ ࡔࡅࡁࡀ ࡔࡀࡃࡀࡓࡕࡀ ࡋࡏࡆࡋࡀࡕ ࡓࡀࡁࡕࡉࡀ ࡖ ࡏࡎࡒࡕࡀ ࡁࡏࡃࡀࡉ ࡓࡌࡅࡋࡉࡀ ࡎࡀ

226. ࡌࡀࡍ ࡖ ࡀࡓࡀࡎࡋࡇ ࡋࡄࡉࡃࡅࡉࡀ ࡅࡏࡎࡉࡒࡕࡀ ࡌࡀࡍ ࡖ ࡓࡌࡀࡋࡇ ࡌࡀࡍ ࡖ ࡁࡄࡀࡓࡅࡋࡇ ࡆࡀࡅࡀ ࡌࡉࡌࡀࡕࡀ ࡖ ࡓࡅࡄࡌࡀࡉࡉࡀ . ࡄࡉࡁࡉࡋ ࡀࡓࡀࡎࡋࡇ ࡋࡄࡉࡃࡅࡉࡀ ࡅࡔࡉࡕࡉࡋ ࡏࡎࡉࡒࡕࡀ ࡓࡌࡀࡋࡇ ࡊࡉࡍࡀࡕ ࡁࡄࡀࡓࡅࡋࡇ ࡆࡀࡅࡀ ࡌࡉࡌࡀࡕࡀ ࡖ ࡓࡅࡄࡌࡀࡉࡉࡀ . ࡋࡀࡎࡉࡓࡀ ࡃࡀࡌࡉࡀ ࡋࡄࡉࡃࡅࡉࡀ ࡅࡋࡀࡄࡀࡊࡉࡌࡀ ࡅࡋࡀࡂࡀࡁࡀࡓࡀ ࡒࡅࡌࡕࡇ ࡃࡀࡌࡉࡀ ࡋࡎࡀࡓࡅࡀ ࡆࡉࡒࡍࡇ ࡎࡅࡎࡀࡌࡁࡀࡓࡉࡀࡕࡀ . ࡋࡀࡄࡀࡁࡓࡀ ࡏࡕࡋࡇ ࡁࡕࡉࡁࡉࡋ ࡅࡋࡀࡔࡅࡕࡀࡐࡀ ࡁࡌࡃࡉࡍࡉࡀࡕࡀ ࡃࡀࡌࡉࡋࡇ ࡋࡒࡀࡃࡅࡉࡀ ࡌࡉࡀ ࡖ ࡏࡕࡋࡇ ࡔࡀࡁࡀ ࡀࡋࡅࡀࡕࡇ ࡎ_ ࡀ

227. ࡁࡓࡀࡊࡉࡍࡊࡅࡍ ࡄࡉࡁࡉࡋ ࡆࡉࡅࡀ ࡅࡏࡅࡕࡓࡉࡀ ࡀࡄࡇ ࡕࡋࡀࡕࡀ ࡁࡓࡀࡊࡉࡍࡊࡅࡍ ࡌࡀࡓࡁࡀ ࡅࡌࡀࡃࡍࡀ ࡅࡏࡅࡌࡒࡀ ࡖ ࡍࡀࡑࡉࡓࡅࡕࡀ ࡁࡓࡀࡊࡉࡍࡊࡅࡍ ࡐࡅࡓࡉࡀ ࡌࡊࡉࡊࡉࡀ ࡅࡀࡂࡀࡍࡉࡀ ࡄࡀࡌࡓࡀ ࡌࡆࡉࡂࡉࡀ ࡁࡓࡀࡊࡉࡍࡊࡅࡍ ࡁࡂࡍࡀࡍ ࡃࡀࡊࡉࡀ ࡊࡉࡃ ࡁࡉࡓࡊࡅ ࡋࡀࡃࡀࡌ ࡅࡄࡀࡅࡀ ࡉࡀࡃࡀࡓࡀࡕࡀ ࡖ ࡁࡀࡁࡀࡉ ࡏࡂࡉࡓࡉࡀ ࡅࡌࡉࡔࡕࡉࡌࡀࡍࡉࡀ ࡌࡀࡊࡅࡋࡀ ࡁࡏࡅࡄࡓࡀ ࡋࡄࡉࡃࡅࡉࡀ ࡊࡀࡓࡀࡕࡀ ࡖ ࡅࡀࡓࡃࡀ ࡖ ࡔࡅࡓࡉࡀ . ࡖ ࡋࡀࡕࡉࡀ ࡒࡀࡋࡇ ࡖ ࡍࡀࡋࡇ ࡑࡀࡉࡕࡀࡋࡇ ࡌࡀࡌࡀ ࡅࡊࡀࡋࡇ ࡎࡀࡉࡐࡀࡍࡀ ࡗ ࡌࡔࡀࡉࡋࡉࡋࡉࡀ ࡅࡀࡁࡉࡄࡃࡇ ࡋࡀࡓࡀࡈࡍࡀࡍࡀ . ࡁࡄࡀࡉࡀࡊ ࡁࡄࡀࡉࡀࡊ ࡁࡀࡁࡀࡉ ࡅࡁࡄࡀࡉࡀ ࡖ ࡀࡄࡀࡊ ࡌࡀࡋࡊࡉࡀ ࡂࡀࡌࡀࡓࡋࡉࡀ ࡀࡋࡐࡀ ࡖ ࡆࡅࡆࡀ ࡖ ࡀࡍࡀ ࡒࡀࡋࡀࡍࡀ ࡋࡁࡉࡄࡅࡌ ࡁࡀࡁࡀ ࡅࡊࡅࡋ ࡖ ࡏࡕࡋࡉࡀ ࡍࡉࡄࡅࡉࡀ ࡁࡔࡀࡋࡄࡀ ࡁࡀࡕࡉࡊ ࡋࡀࡍࡉࡄࡅࡉࡀ ࡉࡅࡌࡀ ࡁࡕࡉࡁࡉࡋ ࡄࡀࡅࡉࡋࡉࡊ ࡁࡀࡉࡕࡀ ࡋࡄࡅࡃࡉࡊ . ࡓࡅࡌࡀࡍࡀ ࡓࡅࡌࡀࡍ ࡃࡀࡄࡁࡀ ࡄࡀࡍࡆࡅࡓࡀ ࡌࡉࡅࡀ ࡎࡒࡉࡋࡀ ࡓࡅࡌࡀࡍࡕࡀࡉ ࡍࡀࡉࡓࡅࡆࡉࡀ ࡖ ࡉࡀࡕࡁࡀࡋࡀ ࡀࡒࡀࡌࡇ ࡋࡄࡉࡃࡅࡉࡀ ࡗ ࡀࡉࡉࡋ ࡋࡄࡉࡋࡁࡅࡍࡇ ࡒࡀࡍࡀࡄࡅࡓࡀ ࡌࡍ ࡒࡀࡍࡃࡉࡋࡀ ࡎࡀ

228. ࡄࡃࡀ ࡏࡃࡀࡉ ࡀࡕࡅࡕࡉࡀ ࡓࡉࡔࡉࡇ ࡅࡁࡄࡅࡓࡉࡍࡕࡉࡀ ࡒࡀࡌࡀࡓࡅࡀࡍࡇ ࡉࡀࡌࡉࡀࡍࡀ ࡖ ࡋࡀࡌࡀࡕࡓࡀࡍࡇ ࡈࡅࡌ ࡖ ࡄࡉࡉࡀ ࡖ ࡍࡀࡐࡔࡉࡇ ࡌࡉࡕࡀࡓ

229. ࡀࡕࡅࡕࡉࡀ ࡃࡉࡒࡋࡀ ࡒࡀࡉࡌࡀ ࡅࡏࡃࡀ ࡋࡌࡀࡓࡀࡉ ࡐࡀࡔࡈࡀ ࡀࡍࡀࡕ ࡀࡋࡀࡄࡀ ࡁࡅࡓࡊࡀࡍ ࡖ ࡀࡍࡀ ࡒࡀࡋࡀࡍࡀ ࡋࡁࡉࡄࡅࡌ . ࡃࡉࡒࡋࡀ ࡅࡈࡅࡍࡇ ࡁࡉࡓࡊࡀࡊ ࡅࡏࡅࡌࡒࡀ ࡖ ࡍࡀࡑࡉࡓࡅࡕࡀ ࡊࡌࡀ ࡖ ࡌࡉࡀ ࡅࡀࡉࡀࡓ ࡓࡀࡃࡉࡍ ࡄࡀࡅࡉࡋࡀࡊ ࡂࡀࡃࡀ ࡈࡀࡁࡀ . ࡁࡄࡀࡉࡀࡊ ࡁࡓ ࡂࡀࡍࡆࡉࡁࡓࡉࡀ ࡓࡉࡔ ࡀࡌࡀ ࡖ ࡌࡄࡀࡃࡉࡀࡍࡉࡀ ࡄࡃࡉࡀ ࡅࡄࡉࡃࡉࡉࡇ ࡋࡄࡉࡃࡅࡉࡀ ࡖ ࡄࡀࡃࡉࡁࡇ ࡋࡉࡁࡇ ࡋࡄࡉࡃࡅࡉࡀ . ࡄࡉࡃࡅࡉࡀ ࡄࡃࡉࡀ ࡅࡄࡃࡉࡀ ࡅࡄࡃࡉࡁࡇ ࡋࡌࡄࡀࡃࡉࡀࡍࡀࡊ ࡈࡀࡁ ࡈࡀࡁࡉࡀ ࡍࡉࡄࡅࡍ ࡉࡅࡌࡉࡀ ࡅࡊࡅࡋ ࡔࡀࡐࡕࡀ ࡅࡄࡀࡁࡔࡀࡁࡀࡍࡀࡊ ࡊࡅࡋ ࡔࡉࡃࡕࡀ ࡖ ࡀࡕࡉࡀ ࡄࡀࡃࡉࡕࡉࡀ ࡍࡉࡕࡍࡀࡐࡔࡅࡍ ࡔࡅࡀࡋࡀࡍࡀࡊ

230. ࡄࡕࡉࡌࡉࡕࡅࡍ ࡁࡏࡎࡒࡀࡕ ࡄࡉࡉࡀ ࡅࡆࡓࡉࡆࡉࡍࡊࡅࡍ ࡌࡀࡍࡃࡀ ࡖ ࡄࡉࡉࡀ ࡏࡂࡃࡉࡋࡉࡕࡅࡍ ࡅࡏࡕࡂࡀࡃࡀࡋࡕࡅࡍ ࡊࡏ ࡉࡀࡅࡀࡓ ࡆࡉࡅࡀ ࡅࡎࡉࡌࡀࡕ ࡄࡉࡉࡀ ࡎࡀ

231. ࡈࡉࡓࡉࡀࡍࡊࡅࡍ ࡀࡋࡐࡀ ࡕࡓࡉࡑࡉࡀ ࡅࡀࡋࡐࡀ ࡖ ࡌࡉࡔࡕࡀࡌࡀࡍࡉࡀ ࡕࡓࡉࡍ ࡀࡋࡐࡉࡀ ࡁࡏࡅࡄࡓࡀ ࡒࡀࡉࡌࡉࡀ ࡅࡌࡎࡀࡊࡉࡋࡅࡍ ࡋࡌࡄࡀࡃࡉࡀࡍࡉࡀ ࡀࡉࡕࡉࡀ ࡔࡉࡂࡃࡉࡀ ࡅࡔࡅࡊࡀࡓ ࡅࡀࡌࡅࡆࡀ ࡋࡌࡄࡀࡃࡉࡍࡉࡀ

232. ࡍࡉࡍࡀࡈࡓࡅࡍࡊࡉࡍ ࡍࡀࡈࡓࡉࡀ ࡃࡀࡊࡉࡉࡀ ࡅࡍࡉࡕࡂࡀࡃࡀࡋ ࡔࡀࡓࡔࡀࡉࡊࡅࡍ ࡅࡍࡉࡎࡀࡒ ࡋࡓࡉࡔ ࡍࡉࡕࡀࡒࡍࡀࡋࡊࡅࡍ ࡏࡁࡉࡃࡀࡕࡊࡅࡍ ࡅࡕࡉࡎࡒࡅࡍ ࡕࡉࡄࡆࡅࡍࡇ ࡋࡀࡕࡓࡀ ࡎࡀࡂࡉࡀ ࡁࡉࡕ ࡕࡅࡔࡋࡉࡌࡀ ࡋࡁࡉࡔ ࡍࡉࡕࡀࡒࡍࡀࡋࡊࡅࡍ ࡔࡀࡓࡔࡀࡉࡊࡅࡍ ࡅࡏࡁࡉࡃࡀࡕࡊࡅࡍ ࡅࡄࡉࡉࡀ ࡆࡀࡊࡉࡍ ࡎࡀ ࡄࡀࡆࡉࡍ ࡄࡀࡕࡌࡀ ࡖ ࡄࡀࡃࡀࡉࡀࡕࡀ ࡄࡅ . ࡄࡀࡋࡉࡍ ࡄࡀࡃࡀࡉࡀࡕࡀ ࡄࡉࡍࡅࡍ ࡎ ࡀ ࡁࡔࡅࡌࡀࡉࡄࡅࡍ ࡖ ࡄࡉࡉࡀ ࡓࡁࡉࡀ ࡒࡀࡃࡌࡀࡉࡉࡀ ࡍࡅࡊࡓࡀࡉࡉࡀ ࡌࡍ ࡀࡋࡌࡉࡀ ࡖ ࡍࡄࡅࡓࡀ ࡉࡀࡕࡉࡓࡉࡀ ࡖ ࡏࡋࡀࡅࡉࡀ ࡅࡊࡅࡋࡄࡅࡍ ࡏࡅࡁࡀࡃࡉࡀ ࡀࡎࡅࡕࡀ ࡅࡆࡀࡊࡅࡕࡀ ࡅࡄࡀࡉࡋࡀ ࡅࡔࡓࡀࡓࡀ ࡅࡏࡌࡓࡀ ࡅࡔࡉࡌࡀ ࡅࡄࡀࡃࡅࡀࡕ ࡋࡉࡁࡀ ࡅࡔࡀࡁࡉࡒ ࡄࡀࡈࡀࡉࡉࡀ ࡍࡉࡄࡅࡉࡋࡉࡀ ࡋࡃࡉࡋࡉࡀ . ࡅࡋࡀࡁ . ࡅࡋࡏࡌ . ࡅࡋࡓࡁࡀࡉ . ࡅࡋࡆࡀࡅࡀࡉ . ࡅࡋࡔࡉࡕࡋࡀࡉ . ࡅࡍࡉࡍࡄࡀࡓࡋࡀࡍ

ࡏࡅࡑࡓࡀࡍ ࡅࡌࡀࡃࡀࡍ ࡅࡌࡀࡃࡉࡄࡕࡀࡍ ࡀࡍࡀ ࡅࡔࡉࡕࡋࡀࡉ ࡋࡂࡉࡍࡆࡀ ࡖ ࡄࡉࡉࡀ ࡒࡀࡃࡌࡀࡉࡉࡀ ࡁࡄࡀࡋࡉࡍ ࡏࡍࡉࡀࡍࡉࡀ ࡅࡃࡓࡀࡔࡉࡀ ࡖ ࡗ ࡀࡆࡉࡋ ࡁࡄࡉࡓࡀ ࡃࡀࡊࡉࡀ ࡎࡀ

233. ࡁࡔࡅࡌࡀࡉࡄࡅࡍ ࡖ ࡄࡉࡉࡀ ࡓࡁࡉࡀ ࡗ ࡀࡆࡉࡋ ࡁࡄࡉࡓࡀ ࡃࡀࡊࡉࡀ ࡋࡀࡕࡓࡀ ࡖ ࡉࡀࡕࡁࡉࡀ ࡕࡅࡔࡋࡉࡌࡉࡀ ࡋࡀࡕࡓࡀ ࡖ ࡊࡅࡋࡇ ࡆࡉࡅࡀ ࡅࡍࡄࡅࡓࡀ ࡅࡏࡒࡀࡓࡀ ࡍࡐࡉࡔ ࡁࡄࡉࡓࡀ ࡃࡀࡊࡉࡀ ࡋࡕࡅࡔࡋࡉࡌࡉࡀ ࡍࡉࡌࡀࡓ ࡊࡎࡉࡉࡀ ࡅࡍࡈࡉࡓࡉࡀ ࡁࡀࡋࡁࡅࡔࡀࡉࡄࡅࡍ ࡅࡌࡉࡕࡀࡐࡓࡉࡔࡉࡀ ࡁࡏࡓࡅࡕࡅࡍ ࡅࡌࡀࡍࡄࡉࡓࡉࡁࡀ ࡁࡊࡅࡋࡀ ࡄࡅࡊࡅࡌࡕࡅࡍ . ࡌࡀࡋࡉࡋ ࡁࡄࡉࡓࡀ ࡃࡀࡊࡉࡀ ࡋࡄࡉࡍࡅࡍ ࡓࡁࡉࡀ ࡖ ࡍࡉࡌࡀࡓࡋࡅࡍ ࡏࡅ ࡄࡉࡍࡉࡀࡋࡊࡅࡍ ࡓࡁࡉࡀ ࡏࡅ ࡄࡉࡍࡉࡀࡋࡊࡅࡍ ࡓࡅࡓࡁࡉࡀ ࡏࡅ ࡄࡉࡍࡉࡀࡋࡊࡅࡍ ࡓࡁࡉࡀ ࡀࡉࡀࡓ ࡊࡅࡋࡇ ࡕࡉࡕࡁࡉࡃ ࡕࡉࡕࡁࡉࡃ ࡀࡉࡀࡓ ࡊࡅࡋࡇ ࡅࡆࡉࡅࡀ ࡁࡂࡀࡅࡇ ࡍࡉࡑࡈࡀࡓࡀࡓ ࡍࡉࡑࡈࡀࡓࡀࡓࡁࡇ ࡆࡉࡅࡀ ࡍࡀࡐࡔࡀ ࡅࡍࡉࡕࡒࡀࡉࡀࡌࡁࡇ ࡍࡄࡅࡓࡀ ࡔࡀࡍࡉࡀ ࡍࡉࡄࡅࡉࡁࡀ ࡏࡅࡕࡓࡉࡀ ࡅࡍࡉࡕࡒࡀࡉࡌࡅࡍ ࡁࡂࡀࡅࡇ ࡐࡀࡎࡉࡌࡊࡉࡀ ࡍࡉࡍࡄࡀࡓࡅࡁࡇ ࡃࡌࡀࡅࡀࡕࡀ ࡖ ࡁࡀࡉࡓࡀ ࡁࡆࡉࡅࡀ ࡉࡀࡒࡓࡀ ࡕࡉࡕࡂࡀࡃࡀࡋ ࡏࡓࡅࡕࡀ ࡅࡕࡉࡕࡍࡀࡈࡀࡓ ࡋࡏࡅࡕࡓࡉࡀ ࡊࡅࡋࡄࡅࡍ ࡍࡉࡍࡄࡀࡓࡅࡁࡀ ࡏࡅࡕࡓࡉࡀ ࡁࡏࡓࡅࡕࡀ ࡖ ࡌࡍ ࡃࡉࡋࡊࡅࡍ ࡀࡆࡀࡋ ࡋࡄࡉࡋ . ࡌࡀࡋࡉࡋ ࡄࡉࡍࡅࡍ ࡓࡁࡉࡀ ࡏࡕࡉࡕࡉࡀ ࡋࡇ ࡋࡁࡄࡉࡓࡀ ࡃࡀࡊࡉࡀ ࡖ ࡍࡉࡌࡀࡓࡅࡋࡇ ࡄࡀࡋࡉࡍ ࡄࡉࡍࡅࡍ ࡌࡀࡌࡋࡀࡋࡉࡀ ࡖ ࡀࡍࡀࡕ ࡋࡃࡉࡋࡀࡍ ࡀࡌࡀࡓࡕࡋࡀࡍ ࡏࡆࡉࡋ ࡀࡍࡀࡕ ࡍࡀࡈࡓࡀ ࡄࡅࡉࡋࡅࡍ ࡅࡊࡅࡋࡄࡅࡍ ࡁࡄࡀࡉࡋࡀࡊ ࡃࡉࡋࡀࡊ ࡍࡉࡍࡉࡄࡓࡅࡍ ࡅࡋࡇ ࡋࡉࡋࡁࡅࡔࡀࡊ ࡍࡉࡔࡀࡁࡅࡍ ࡅࡋࡃࡌࡅࡕࡀࡊ ࡃࡉࡋࡀࡊ ࡍࡉࡀࡅࡒࡓࡅࡍ . ࡁࡀࡓࡉࡊ ࡁࡐࡅࡌࡀ ࡃࡀࡊࡉࡀ ࡁࡄࡉࡓࡀ ࡖ ࡋࡓࡁࡉࡀ ࡀࡌࡀࡓࡋࡅࡍ ࡅࡄࡉࡉࡀ ࡆࡀࡊࡉࡍ ࡎࡀ

234. ࡗ ࡀࡆࡉࡋ ࡁࡄࡉࡓࡀ ࡃࡀࡊࡉࡀ ࡋࡀࡕࡓࡀ ࡖ ࡉࡀࡕࡁࡉࡀ ࡕࡅࡔࡋࡉࡌࡉࡀ ࡋࡀࡕࡓࡀ ࡖ ࡍࡄࡅࡓࡀ ࡖ ࡍࡀࡄࡅࡓ ࡅࡕࡅࡔࡁࡉࡄࡕࡇ ࡕࡀࡒࡍࡀ ࡕࡀࡒࡍࡀ ࡕࡅࡔࡁࡉࡄࡕࡇ

ࡏࡕࡉࡕࡀ ࡅࡁࡓࡉࡊࡀ ࡁࡉࡓࡉࡊࡕࡇ ࡏࡕࡉࡕࡀ ࡁࡉࡓࡉࡊࡕࡇ ࡁࡓࡉࡊࡀ ࡖ ࡁࡓࡀࡊ ࡌࡀࡍࡉࡀ ࡉࡀࡒࡓࡉࡀ ࡁࡓࡀࡊ ࡉࡀࡒࡓࡉࡀ ࡌࡀࡍࡉࡀ ࡏࡕࡉࡕࡉࡀ ࡍࡉࡄࡉࡀ ࡅࡌࡔࡀࡋࡌࡉࡀ . ࡌࡀࡋࡉࡋ ࡁࡄࡉࡓࡀ ࡃࡀࡊࡉࡀ ࡋࡄࡉࡍࡅࡍ ࡓࡁࡉࡀ ࡖ ࡍࡉࡌࡀࡓࡋࡅࡍ ࡏࡅ ࡄࡉࡍࡉࡀࡋࡊࡅࡍ ࡓࡁࡉࡀ ࡏࡅ ࡄࡉࡍࡉࡀࡋࡊࡅࡍ ࡓࡅࡓࡁࡉࡀ ࡏࡅ ࡄࡉࡍࡉࡀࡋࡊࡅࡍ ࡓࡁࡉࡀ ࡀࡓࡒࡀ ࡖ ࡍࡄࡅࡓࡀ ࡕࡉࡕࡁࡉࡃ ࡕࡉࡕࡁࡉࡃ ࡀࡓࡒࡀ ࡖ ࡍࡄࡅࡓࡀ ࡅࡍࡉࡕࡒࡀࡉࡀࡌࡁࡇ ࡑࡀࡅࡕࡀ ࡁࡇ ࡍࡉࡕࡒࡀࡉࡀࡌࡁࡇ ࡔࡊࡉࡍࡀࡕࡀ ࡅࡁࡕࡅࡔࡁࡉࡄࡕࡀࡉࡊࡅࡍ ࡃࡉࡋࡊࡅࡍ ࡍࡉࡍࡉࡄࡓࡀ ࡍࡉࡍࡉࡄࡓࡀ ࡁࡕࡅࡔࡁࡉࡄࡕࡀࡉࡊࡅࡍ ࡃࡉࡋࡊࡅࡍ ࡅࡍࡉࡕࡁࡉࡓࡊࡅࡁࡇ ࡁࡁࡉࡓࡊࡕࡀࡉࡊࡅࡍ ࡍࡉࡄࡅࡍ ࡍࡉࡂࡁࡉࡀ ࡊࡀࡎࡉࡉࡀ ࡅࡁࡌࡀࡋࡀࡋࡊࡅࡍ ࡃࡉࡋࡊࡅࡍ ࡍࡉࡓࡉࡅࡆࡅࡍ ࡍࡉࡓࡉࡅࡆࡅࡍ ࡁࡌࡀࡋࡀࡋࡊࡅࡍ ࡃࡉࡋࡊࡅࡍ ࡅࡍࡉࡂࡁࡉࡀ ࡖ ࡔࡉࡄࡉࡀ ࡍࡉࡕࡒࡀࡉࡌࡅࡍ. ࡌࡀࡋࡉࡋ ࡓࡁࡉࡀ ࡁࡐࡅࡌࡀࡉࡄࡅࡍ ࡃࡀࡊࡉࡀ ࡋࡇ ࡋࡁࡄࡉࡓࡀ ࡃࡀࡊࡉࡀ ࡖ ࡍࡉࡌࡀࡓࡅࡋࡇ ࡀࡍࡀࡕ ࡏࡅࡑࡓࡀࡍ ࡅࡌࡀࡃࡀࡍ ࡅࡌࡀࡃࡉࡄࡕࡀࡍ ࡋࡉࡁࡀࡍ ࡖ ࡎࡀࡊࡀ ࡋࡉࡕࡋࡇ ࡑࡀࡅࡕࡀࡍ ࡒࡀࡃࡌࡀࡉࡕࡀ ࡋࡁࡅࡔࡀࡍ ࡃࡀࡊࡉࡀ ࡅࡌࡆࡀࡓࡆࡀ ࡐࡀࡓࡅࡔࡀࡍ ࡒࡀࡃࡌࡀࡉࡀ ࡖ ࡋࡀࡍ ࡃࡉࡋࡀࡍ ࡏࡕࡉࡍࡑࡉࡁ ࡏࡆࡉࡋ

ࡏࡁࡀࡃ ࡏࡁࡉࡃࡀࡕࡀࡊ ࡅࡍࡉࡂࡁࡀࡊ ࡃࡀࡊࡉࡉࡀ ࡍࡉࡎࡒࡅࡍ ࡋࡓࡉࡔ ࡋࡓࡉࡔ ࡍࡉࡎࡒࡅࡍ ࡅࡍࡉࡂࡁࡀࡊ ࡃࡀࡊࡉࡉࡀ ࡅࡍࡉࡕࡋࡉࡐ ࡁࡋࡀࡅࡐࡀ ࡅࡋࡀࡍࡉࡐࡎࡉࡒ

ࡏࡅࡁࡃࡀ ࡋࡀࡓࡒࡀ ࡖ ࡍࡄࡅࡓࡀ ࡅࡄࡉࡍࡅࡍ ࡁࡂࡀࡅࡇ ࡍࡉࡍࡉࡄࡓࡅࡍ ࡄࡀ ࡍࡉࡄࡅࡉࡀ ࡊࡅࡋࡇ ࡆࡉࡅࡀ ࡅࡊࡅࡋࡇ ࡍࡄࡅࡓࡀ ࡅࡍࡉࡎࡀࡒ ࡋࡓࡉࡔ . ࡅࡌࡔࡀࡁࡉࡍ ࡄࡉࡉࡀ ࡓࡁࡉࡀ . ࡎࡀ

235. ࡗ ࡀࡆࡉࡋ ࡁࡄࡉࡓࡀ ࡃࡀࡊࡉࡀ ࡋࡀࡕࡓࡀ ࡖ ࡉࡀࡕࡁࡉࡀ ࡕࡅࡔࡋࡉࡌࡉࡀ ࡋࡇ ࡋࡕࡀࡍࡀ ࡖ ࡏࡒࡀࡓࡀ ࡖ ࡁࡓࡉࡊࡀ ࡁࡉࡓࡉࡊࡕࡇ ࡋࡀࡕࡓࡀ ࡖ ࡉࡀࡕࡁࡉࡀ ࡊࡀࡎࡉࡉࡀ ࡅࡌࡀࡌࡋࡉࡋࡉࡁࡇ ࡁࡏࡓࡅࡕࡅࡍ ࡕࡀࡌ ࡕࡀࡌ ࡌࡀࡌࡋࡉࡋࡉࡁࡇ ࡁࡏࡓࡅࡕࡅࡍ ࡅࡁࡏࡅࡑࡓࡀࡉࡄࡅࡍ ࡖ ࡍࡀࡐࡔࡀࡉࡄࡅࡍ ࡍࡀࡄࡓࡉࡀ . ࡌࡀࡋࡉࡋ ࡁࡄࡉࡓࡀ ࡃࡀࡊࡉࡀ ࡋࡕࡅࡔࡋࡉࡌࡉࡀ ࡏࡕࡉࡕࡉࡀ ࡖ ࡍࡉࡌࡀࡓࡋࡅࡍ ࡋࡔࡉࡓࡉࡀࡍࡀ ࡃࡀࡊࡉࡀ ࡅࡋࡉࡔࡀࡍࡀ ࡖ ࡎࡀࡊࡀ ࡋࡉࡕࡋࡇ ࡏࡅ ࡄࡉࡍࡉࡀࡋࡊࡅࡍ ࡓࡁࡉࡀ ࡏࡅ ࡄࡉࡍࡉࡀࡋࡊࡅࡍ ࡓࡅࡓࡁࡉࡀ ࡏࡅ ࡄࡉࡍࡉࡀࡋࡊࡅࡍ ࡓࡁࡉࡀ ࡍࡉࡄࡅࡍ ࡖ ࡔࡀࡍࡉࡍ ࡉࡀࡓࡃࡍࡉࡀ ࡉࡀࡓࡃࡍࡉࡀ ࡍࡉࡄࡅࡍ ࡖ ࡔࡀࡍࡉࡍ ࡅࡕࡉࡕࡓࡉࡑࡉࡁࡅࡍ ࡃࡀࡊࡉࡀ ࡓࡅࡔࡅࡌࡀ ࡓࡅࡔࡅࡌࡀ ࡃࡀࡊࡉࡀ ࡍࡉࡕࡓࡉࡑࡉࡁࡅࡍ ࡅࡍࡉࡄࡅࡍ ࡎࡀࡂࡉࡀ ࡋࡏࡅࡕࡓࡉࡀ ࡊࡅࡋࡄࡅࡍ ࡅࡍࡉࡑࡈࡉࡁࡅࡍ ࡏࡅࡕࡓࡉࡀ ࡗ ࡏࡑࡈࡀࡁࡕࡅࡍ ࡍࡉࡕࡒࡀࡉࡌࡅࡍ ࡁࡍࡀࡐࡔࡀࡉࡄࡅࡍ ࡖ ࡏࡕࡒࡀࡉࡀࡌࡕࡅࡍ ࡌࡍ ࡓࡉࡔ ࡁࡓࡉࡔ ࡍࡉࡍࡉࡄࡓࡅࡍ ࡅࡍࡀࡄࡓࡅࡍ ࡄࡃࡀࡃࡉࡀ ࡅࡌࡍ ࡄࡃࡀࡃࡉࡀ ࡍࡉࡕࡀࡐࡓࡉࡔࡅࡍ ࡋࡃࡉࡋࡊࡅࡍ ࡅࡏࡋ ࡋࡁࡅࡔࡀࡉࡊࡅࡍ ࡃࡀࡊࡉࡀ ࡖ ࡔࡀࡍࡀࡉ ࡅࡌࡀࡍࡄࡀࡓ ࡌࡍ ࡊࡅࡋ ࡃࡌࡅ ࡏࡋ ࡖ ࡏࡕࡉࡍࡑࡉࡁ ࡌࡍ ࡃࡅࡊࡕࡇ ࡅࡏࡋ ࡖ

ࡏࡕࡉࡕࡋࡇ ࡋࡌࡉࡄࡅࡉࡀ ࡅࡏࡋ ࡖ ࡏࡕࡉࡒࡓࡉࡀ ࡁࡀࡋࡁࡅࡔ ࡊࡎࡉࡀ . ࡌࡀࡋࡉࡋ ࡄࡉࡍࡅࡍ ࡓࡁࡉࡀ ࡏࡕࡉࡕࡉࡀ ࡋࡇ ࡋࡁࡄࡉࡓࡀ ࡃࡀࡊࡉࡀ ࡖ ࡍࡉࡌࡀࡓࡋࡇ ࡋࡉࡋࡁࡅࡔࡀࡉࡄࡅࡍ ࡃࡀࡊࡉࡀ ࡅࡋࡉࡕࡋࡉࡀ ࡖ ࡎࡀࡊࡀ ࡋࡉࡕࡋࡇ ࡊࡅࡋ ࡖ ࡀࡁࡀࡃࡕ ࡍࡉࡕࡒࡀࡉࡀࡌ ࡅࡊࡅࡋࡄࡅࡍ ࡂࡅࡐࡍࡀࡊ ࡍࡉࡍࡉࡄࡓࡅࡍ ࡅࡊࡅࡋࡄࡉࡍ

ࡏࡁࡉࡃࡀࡕࡀࡊ ࡋࡀࡍࡉࡄࡅࡉࡁࡉࡍ ࡄࡀࡎࡉࡓ ࡅࡁࡑࡉࡓ ࡊࡅࡋࡄࡉࡍ ࡋࡀࡍࡉࡄࡅࡉࡁࡅࡍ ࡌࡅࡌࡀ ࡅࡌࡍ ࡃࡉࡋࡀࡊ ࡋࡀࡍࡉࡔࡈࡉࡀ . ࡅࡄࡉࡉࡀ ࡆࡀࡊࡉࡍ ࡎࡀ

236. ࡗ ࡀࡆࡉࡋ ࡁࡄࡉࡓࡀ ࡃࡀࡊࡉࡀ ࡋࡀࡕࡓࡀ ࡖ ࡉࡀࡕࡁࡉࡀ ࡕࡅࡔࡋࡉࡌࡉࡀ ࡋࡀࡕࡓࡀ ࡖ ࡕࡀࡒࡍࡀ ࡃࡌࡅࡕࡇ ࡐࡀࡓࡑࡅࡐࡇ ࡍࡀࡄࡓࡉࡀ ࡍࡀࡄࡀࡓ ࡐࡀࡓࡑࡅࡐࡀࡉࡄࡅࡍ ࡅࡌࡀࡎࡌࡉࡊࡉࡀ ࡃࡌࡅࡕࡀࡉࡄࡅࡍ ࡊࡅࡋ ࡆࡁࡀࡍ ࡊࡅࡋ ࡆࡁࡀࡍ ࡖ ࡁࡀࡉࡉࡍ ࡅࡌࡀࡔࡊࡉࡍ ࡅࡌࡍ ࡍࡀࡑࡁࡅࡍ ࡌࡉࡔࡕࡀࡉࡉࡍ . ࡌࡀࡋࡉࡋ ࡁࡄࡉࡓࡀ ࡃࡀࡊࡉࡀ ࡋࡄࡉࡍࡅࡍ ࡓࡁࡉࡀ ࡖ ࡍࡉࡌࡀࡓࡋࡅࡍ ࡏࡅ ࡄࡉࡍࡉࡀࡋࡊࡅࡍ ࡓࡁࡉࡀ ࡏࡅ ࡄࡉࡍࡉࡀࡋࡊࡅࡍ ࡓࡅࡓࡁࡉࡀ ࡏࡅ ࡄࡉࡍࡉࡀࡋࡊࡅࡍ ࡓࡁࡉࡀ ࡎࡀࡂࡉࡉࡀ ࡁࡏࡒࡀࡓࡀ ࡍࡉࡕࡁࡅࡍ ࡎࡀࡂࡉࡉࡀ ࡍࡉࡕࡁࡅࡍ ࡁࡏࡒࡀࡓࡀ ࡅࡍࡉࡔࡕࡀࡉࡅࡍ ࡁࡔࡅࡕࡀࡉࡄࡅࡍ ࡖ ࡋࡀࡁࡀࡈࡋࡀ ࡍࡉࡌࡀࡋࡀࡋࡅࡍ ࡁࡒࡀࡋࡀࡉࡄࡅࡍ ࡍࡉࡄࡀ ࡅࡕࡉࡔࡓࡅࡍ ࡌࡍ ࡃࡉࡋࡊࡅࡍ ࡏࡋࡅࡍ ࡅࡁࡑࡀࡅࡕࡀࡉࡊࡅࡍ ࡃࡉࡋࡊࡅࡍ ࡍࡉࡕࡁࡅࡍ ࡅࡍࡉࡕࡒࡀࡉࡌࡅࡍ ࡁࡕࡅࡔࡁࡉࡄࡕࡀࡉࡊࡅࡍ ࡅࡁࡃࡅࡊࡕࡀࡉࡊࡅࡍ ࡅࡁࡀࡁࡀࡅࡀࡕࡊࡅࡍ ࡍࡉࡔࡕࡀࡉࡅࡍ ࡅࡏࡁࡉࡃࡀࡕࡅࡍ ࡍࡉࡕࡀࡒࡍࡀࡋࡅࡍ ࡍࡉࡕࡀࡒࡍࡀࡋࡅࡍ ࡏࡁࡉࡃࡀࡕࡅࡍ ࡅࡒࡀࡓࡍࡀࡉࡄࡅࡍ ࡁࡓࡉࡔࡀࡉࡄࡅࡍ ࡍࡉࡕࡂࡀࡃࡋࡅࡍ ࡍࡉࡕࡒࡀࡉࡀࡌࡋࡅࡍ ࡔࡀࡓࡔࡀࡉࡄࡅࡍ ࡅࡆࡀࡊࡀࡅࡀࡕࡅࡍ ࡍࡉࡕࡍࡀࡐࡔࡀ ࡍࡉࡕࡍࡀࡐࡔࡀ ࡆࡀࡊࡀࡅࡀࡕࡅࡍ ࡖ ࡌࡍ ࡄࡀࡉࡋࡀ ࡃࡉࡋࡊࡅࡍ

ࡏࡕࡉࡍࡑࡉࡁ ࡏࡕࡉࡍࡑࡉࡁ ࡌࡍ ࡄࡀࡉࡋࡀ ࡃࡉࡋࡊࡅࡍ ࡅࡐࡓࡀࡔ ࡁࡃࡉࡋࡊࡅࡍ ࡀࡎࡂࡅࡍ ࡔࡊࡀࡍ . ࡌࡀࡋࡉࡋ ࡓࡁࡉࡀ ࡏࡕࡉࡕࡉࡀ ࡋࡇ ࡋࡁࡄࡉࡓࡀ ࡃࡀࡊࡉࡀ ࡖ ࡍࡉࡌࡀࡓࡅࡋࡇ ࡏࡆࡉࡋ ࡍࡑࡀࡁࡋࡅࡍ ࡋࡎࡀࡂࡉࡉࡀ ࡆࡉࡅࡀ ࡅࡀࡅࡕࡉࡁࡉࡍࡅࡍ ࡁࡀࡕࡓࡀ ࡕࡀࡒࡍࡀ ࡐࡕࡀ ࡅࡏࡄࡀࡁࡋࡅࡍ ࡐࡉࡄࡕࡀ ࡅࡁࡕࡅࡔࡁࡉࡄࡕࡀ ࡃࡉࡋࡀࡊ ࡍࡉࡍࡉࡄࡓࡅࡍ ࡏࡁࡉࡃ ࡅࡀࡎࡌࡉࡊ ࡌࡀࡍࡀ ࡄࡉࡉࡀ ࡈࡀࡁࡅࡕࡀࡊ ࡃࡉࡋࡀࡊ ࡍࡉࡋࡉࡂࡈࡅࡍ . ࡅࡌࡔࡀࡁࡉࡍ ࡄࡉࡉࡀ ࡅࡄࡉࡉࡀ ࡆࡀࡊࡉࡍ ࡎࡀ

237. ࡗ ࡀࡆࡉࡋ ࡁࡄࡉࡓࡀ ࡃࡀࡊࡉࡀ ࡋࡀࡕࡓࡀ ࡖ ࡉࡀࡕࡁࡉࡀ ࡕࡅࡔࡋࡉࡌࡉࡀ ࡋࡀࡕࡓࡀ ࡖ ࡍࡉࡄࡀ ࡑࡀࡅࡕࡇ ࡅࡃࡌࡅࡕࡇ ࡔࡀࡍࡉࡀ ࡋࡀࡕࡓࡀ ࡖ ࡊࡅࡋࡇ ࡌࡀࡋࡊࡉࡀ ࡖ ࡓࡂࡉࡕࡀ ࡅࡄࡀࡓࡂࡕࡀ ࡋࡉࡕࡁࡇ ࡋࡀࡕࡓࡀ ࡖ ࡌࡋࡉࡀ ࡁࡈࡀࡁࡅࡕࡀ ࡅࡋࡉࡋࡁࡅࡔࡀࡉࡄࡅࡍ ࡕࡀࡒࡍࡀ ࡋࡇ ࡋࡏࡕࡉࡀ ࡃࡀࡊࡉࡀ ࡅࡋࡇ ࡋࡃࡍࡀࡄࡓࡀ ࡃࡌࡅࡕࡇ . ࡌࡀࡋࡉࡋ ࡁࡄࡉࡓࡀ ࡃࡀࡊࡉࡀ ࡋࡄࡉࡍࡅࡍ ࡓࡁࡉࡀ ࡖ ࡍࡉࡌࡀࡓࡋࡅࡍ ࡏࡅ ࡄࡉࡍࡉࡀࡋࡊࡅࡍ ࡓࡁࡉࡀ ࡏࡅ ࡄࡉࡍࡉࡀࡋࡊࡅࡍ ࡓࡅࡓࡁࡉࡀ ࡏࡅ ࡄࡉࡍࡉࡀࡋࡊࡅࡍ ࡓࡁࡉࡀ ࡕࡉࡕࡉࡁࡍࡉࡀ ࡖ ࡔࡀࡍࡀࡉ ࡁࡉࡍࡕࡀ ࡁࡉࡍࡕࡀ ࡕࡉࡁࡍࡉࡀ ࡖ ࡔࡀࡍࡀࡉ ࡅࡍࡉࡕࡓࡉࡑ ࡉࡀࡌࡉࡍࡀࡉࡊࡅࡍ ࡏࡋࡇ ࡉࡀࡌࡉࡍࡀࡉࡊࡅࡍ ࡏࡋࡇ ࡍࡉࡕࡓࡉࡑ ࡅࡋࡀࡕࡉࡐࡉࡎࡅࡒࡅࡍࡀ ࡌࡍ ࡃࡉࡋࡊࡅࡍ ࡄࡀࡔࡀࡁࡕࡀࡉࡊࡅࡍ ࡒࡀࡃࡌࡀࡉࡕࡀ ࡕࡉࡎࡀࡒ ࡋࡅࡀࡕࡀࡉࡊࡅࡍ ࡕࡉࡕࡓࡉࡑ ࡕࡉࡎࡀࡒ ࡕࡉࡕࡓࡉࡑ ࡋࡅࡀࡕࡀࡉࡊࡅࡍ ࡅࡋࡀࡕࡉࡎࡒࡅࡍࡇ ࡌࡍ ࡃࡉࡋࡊࡅࡍ ࡁࡅࡊࡓࡀ ࡖ ࡀࡍࡀࡕࡅࡍ ࡒࡓࡀࡉࡕࡅࡍ ࡍࡉࡕࡒࡀࡉࡀࡌ ࡗ ࡃࡌࡅࡕࡀࡉࡊࡅࡍ ࡕࡉࡓࡀ ࡄࡅ ࡁࡀࡎࡉࡌࡀ ࡍࡉࡎࡀࡒ ࡀࡋࡅࡀࡕࡀࡉࡊࡅࡍ ࡍࡉࡕࡓࡉࡑ ࡍࡉࡎࡀࡒ ࡍࡉࡕࡓࡉࡑ ࡀࡋࡅࡀࡕࡀࡉࡊࡅࡍ ࡅࡍࡉࡔࡕࡀࡉࡉࡀ ࡁࡔࡅࡌࡀࡉࡄࡅࡍ ࡖ ࡋࡀࡁࡀࡈࡋࡀ ࡌࡉࡍࡀࡉࡊࡅࡍ ࡋࡀࡍࡉࡐࡎࡉࡒ ࡅࡌࡍ ࡀࡋࡅࡀࡕࡀࡉࡊࡅࡍ ࡋࡀࡕࡀࡂࡆࡓࡅࡍ ࡏࡋࡇ . ࡁࡉࡎࡌࡀࡕ ࡏࡋࡀࡅࡀࡉࡄࡅࡍ ࡓࡁࡉࡀ ࡌࡉࡍࡃࡀࡌ ࡖ ࡁࡄࡉࡓࡀ ࡃࡀࡊࡉࡀ ࡀࡌࡀࡓ ࡌࡉࡍࡃࡀࡌ ࡖ ࡀࡌࡀࡓ ࡁࡄࡉࡓࡀ ࡃࡀࡊࡉࡀ ࡅࡒࡀࡉࡉࡌ ࡍࡄࡅࡓࡀ ࡔࡀࡍࡉࡀ ࡀࡌࡀࡓࡋࡇ ࡀࡍࡀࡕ ࡌࡀࡓࡉࡀ ࡑࡅࡁࡉࡀࡍࡀ ࡅࡌࡀࡓࡀࡉࡄࡉࡍ ࡖ ࡆࡀࡊࡀࡅࡀࡕࡀ ࡊࡅࡋࡄࡉࡍ ࡆࡊࡉࡕ ࡅࡆࡀࡊࡉࡕ ࡀࡄࡀࡊ ࡅࡋࡀࡁࡀࡄࡀࡕࡀࡊ ࡁࡊࡉࡎࡉࡀ ࡁࡀࡓࡊࡀࡕࡋࡅࡍ ࡏࡆࡉࡋ ࡀࡄࡅࡉࡋࡇ ࡆࡉࡅࡀ ࡋࡉࡅࡔࡀࡌࡉࡍ ࡅࡀࡅࡕࡁࡇ ࡋࡋࡉࡁࡇ ࡋࡎࡀࡌࡊࡇ ࡀࡌࡀࡓࡋࡇ ࡖ ࡋࡀࡍࡉࡄࡅࡒ ࡅࡂࡀࡋࡉࡋࡇ ࡖ ࡄࡀࡊࡀ ࡌࡉࡕࡓࡀࡑ ࡀࡐࡓࡉࡔࡉࡇ ࡖ ࡍࡉࡍࡄࡀࡓ ࡋࡉࡁࡇ ࡅࡒࡀࡉࡌࡇ ࡖ ࡍࡉࡍࡄࡀࡓ ࡏࡅࡑࡓࡇ ࡄࡅࡍࡇ ࡅࡄࡀࡍࡀࡍࡇ ࡅࡁࡅࡓࡊࡇ ࡅࡄࡀࡅࡉࡉࡇ ࡆࡉࡅࡀ ࡖ ࡃࡌࡅࡕࡀࡊ ࡆࡉࡅࡀ ࡖ ࡃࡌࡅࡕࡀࡊ ࡅࡄࡀࡅࡉࡉࡇ ࡅࡀࡌࡀࡓࡋࡇ ࡖ ࡋࡀࡍࡉࡔࡕࡐࡉࡋ ࡍࡉࡄࡀ ࡅࡌࡊࡉࡊࡀ ࡍࡉࡄࡅࡉࡀ ࡅࡍࡀࡍࡄࡉࡓࡉࡍࡅࡍ ࡋࡏࡅࡕࡓࡇ . ࡁࡄࡉࡓࡀ ࡖ ࡐࡀࡒࡃࡅࡉࡀ ࡀࡁࡀࡃ ࡅࡀࡎࡌࡀࡊ ࡌࡀࡍࡀ ࡋࡃࡅࡊࡕࡇ ࡁࡄࡉࡓࡀ ࡖ ࡐࡀࡒࡃࡅࡉࡀ ࡀࡁࡀࡃ ࡅࡀࡎࡂࡉࡀ ࡋࡁࡉࡕ ࡄࡉࡉࡀ ࡀࡆࡀࡋ ࡀࡌࡀࡓࡋࡅࡍ ࡄࡉࡍ ࡀࡁࡃࡉࡕ ࡅࡏࡎࡕࡀࡃࡓࡀࡕ ࡄࡉࡍࡉࡋࡀ ࡀࡍࡀࡕࡅࡍ ࡎࡃࡉࡓࡉࡀ ࡎࡀࡃࡓࡅࡉࡀ . ࡁࡀࡓࡊࡉࡋࡇ ࡓࡁࡉࡀ ࡁࡐࡅࡌࡀࡉࡄࡅࡍ ࡃࡀࡊࡉࡀ ࡏࡋ ࡁࡄࡉࡓࡀ ࡖ ࡐࡀࡓࡔࡉࡂࡍࡀ ࡀࡌࡀࡓ . ࡅࡄࡉࡉࡀ ࡆࡀࡊࡉࡍ ࡎࡀ

238. ࡗ ࡀࡆࡉࡋ ࡁࡄࡉࡓࡀ ࡃࡀࡊࡉࡀ ࡋࡀࡕࡓࡀ ࡖ ࡉࡀࡕࡁࡉࡀ ࡕࡅࡔࡋࡉࡌࡉࡀ ࡀࡋࡅࡀࡕ ࡓࡅࡓࡁࡉࡀ ࡏࡒࡀࡓࡀ ࡀࡋࡅࡀࡕ ࡎࡃࡉࡓࡉࡀ ࡅࡌࡎࡀࡃࡓࡉࡀ ࡌࡀࡌࡋࡉࡋࡉࡀ ࡁࡒࡀࡋࡀࡄࡅࡍ ࡍࡉࡄࡀ ࡅࡌࡎࡀࡃࡓࡉࡁࡇ ࡁࡎࡉࡃࡓࡀࡉࡄࡅࡍ ࡌࡀࡌࡋࡉࡋࡉࡀ ࡁࡒࡀࡋࡀࡉࡄࡅࡍ ࡍࡉࡄࡀ ࡅࡁࡃࡓࡀࡔࡀࡉࡅࡍ ࡕࡀࡒࡍࡀ ࡅࡁࡀࡁࡀࡅࡀࡕࡊࡅࡍ ࡊࡀࡎࡉࡀࡕࡀ ࡅࡁࡍࡉࡈࡅࡐࡉࡀࡕࡅࡍ ࡖ ࡋࡀࡁࡀࡈࡋࡀࡍ . ࡌࡀࡋࡉࡋ ࡁࡄࡉࡓࡀ ࡃࡀࡊࡉࡀ ࡋࡄࡉࡍࡅࡍ ࡓࡁࡉࡀ ࡖ ࡍࡉࡌࡀࡓࡋࡅࡍ ࡏࡅ ࡄࡉࡍࡉࡀࡋࡊࡅࡍ ࡓࡁࡉࡀ ࡏࡅ ࡄࡉࡍࡉࡀࡋࡊࡅࡍ ࡓࡅࡓࡁࡉࡀ ࡏࡅ ࡄࡉࡍࡉࡀࡋࡊࡅࡍ ࡓࡁࡉࡀ ࡊࡋࡉࡋࡉࡀ ࡖ ࡆࡉࡅࡀ ࡍࡉࡕࡂࡀࡃࡋࡅࡍ ࡍࡉࡕࡂࡀࡃࡋࡅࡍ ࡊࡋࡉࡋࡉࡀ ࡖ ࡆࡉࡅࡀ ࡅࡍࡉࡕࡉࡓࡑࡅࡍ ࡁࡓࡉࡔࡀࡉࡄࡅࡍ ࡋࡏࡅࡕࡓࡉࡀ ࡍࡉࡕࡍࡀࡋࡅࡍ ࡌࡍ ࡍࡄࡅࡓࡀ ࡓࡁࡀ ࡅࡏࡋࡀࡅࡀࡉࡄࡅࡍ ࡍࡉࡕࡍࡀࡈࡀࡓ ࡄࡉࡍ ࡄࡀࡉࡆࡉࡍ ࡋࡀࡁࡃࡉࡕࡅࡍ ࡏࡅࡕࡓࡉࡀ ࡁࡌࡀࡄࡅ ࡍࡉࡓࡉࡅࡆࡅࡍ ࡁࡌࡀࡄࡅ ࡍࡉࡓࡉࡅࡆࡅࡍ ࡏࡅࡕࡓࡉࡀ ࡅࡌࡍࡀ ࡍࡉࡄࡅࡉࡋࡅࡍ ࡔࡓࡀࡓࡀ ࡋࡐࡀࡎࡉࡌࡊࡉࡀ ࡌࡍࡀ ࡍࡉࡄࡅࡉࡋࡅࡍ ࡔࡀࡉࡀ ࡅࡏࡒࡀࡓࡀ

ࡁࡌࡀࡄࡅ ࡍࡉࡕࡍࡀࡈࡀࡓ ࡏࡋࡀࡅࡀࡉࡄࡅࡍ ࡅࡁࡌࡀࡄࡅ ࡍࡉࡁࡅࡍ ࡅࡍࡀࡔࡊࡅࡍ ࡅࡍࡉࡌࡓࡅࡍ ࡋࡅࡀࡕࡀࡉࡊࡅࡍ ࡅࡍࡉࡔࡕࡀࡉࡉࡅࡍ . ࡌࡀࡋࡉࡋ ࡄࡉࡍࡅࡍ ࡓࡁࡉࡀ ࡏࡕࡉࡕࡉࡀ ࡋࡇ ࡋࡁࡄࡉࡓࡀ ࡃࡀࡊࡉࡀ ࡖ ࡍࡉࡌࡀࡓࡋࡇ ࡏࡆࡉࡋ ࡏࡋࡅࡐ ࡆࡉࡅࡀ ࡅࡍࡈࡅࡓ ࡖ ࡔࡀࡍࡉࡍ ࡏࡅࡑࡈࡋࡉࡀ ࡀࡄࡁࡀࡋࡅࡍ ࡌࡍ ࡊࡋࡉࡋ ࡀࡉࡀࡓ ࡅࡊࡅࡋࡄࡉࡍ ࡏࡅࡕࡓࡉࡀ ࡍࡉࡓࡉࡅࡆࡅࡍ ࡅࡌࡍ ࡃࡉࡋࡀࡍ ࡅࡌࡍ ࡃࡉࡋࡀࡊ ࡔࡀࡉࡀ ࡅࡏࡒࡀࡓࡀ ࡍࡉࡄࡅࡉࡋࡅࡍ ࡍࡉࡄࡅࡉࡋࡅࡍ ࡔࡀࡉࡀ ࡅࡏࡒࡀࡓࡀ ࡅࡁࡄࡀࡉࡀࡋ

ࡏࡒࡀࡓࡀ ࡍࡉࡕࡍࡀࡈࡓࡅࡍ ࡔࡅࡌࡀࡍ ࡅࡔࡅࡌࡀࡊ ࡍࡉࡄࡅࡉࡀ ࡏࡋࡀࡅࡀࡉࡄࡅࡍ ࡅࡍࡉࡔࡀࡁࡅࡍ ࡁࡀࡕࡀࡓ ࡊࡎࡉࡀ . ࡅࡄࡉࡉࡀ ࡆࡀࡊࡉࡍ ࡎࡀ

239. ࡗ ࡀࡆࡉࡋ ࡁࡄࡉࡓࡀ ࡃࡀࡊࡉࡀ ࡋࡀࡕࡓࡀ ࡖ ࡉࡀࡕࡁࡉࡀ ࡕࡅࡔࡋࡉࡌࡉࡀ ࡋࡀࡕࡓࡀ ࡖ ࡈࡀࡓࡈࡀࡁࡅࡍࡇ ࡃࡀࡊࡉࡀ ࡏࡅࡑࡈࡋࡉࡀ ࡖ ࡆࡉࡅࡀ ࡍࡀࡄࡓࡉࡀ ࡋࡀࡕࡓࡀ ࡖ ࡏࡔࡀࡕࡀ ࡄࡀࡉࡕࡀ ࡖ ࡌࡋࡉࡍ ࡊࡅࡋࡄࡅࡍ ࡁࡈࡀࡁࡅࡕࡀ ࡊࡅࡋࡄࡅࡍ ࡁࡆࡉࡅࡀ ࡐࡀࡄࡕࡉࡀ ࡀࡉࡍࡀࡉࡄࡅࡍ ࡅࡁࡀࡍࡄࡅࡓࡀ ࡄࡀࡍࡀࡕࡇ ࡍࡀࡄࡓࡉࡀ . ࡌࡀࡋࡉࡋ ࡁࡄࡉࡓࡀ ࡃࡀࡊࡉࡀ ࡋࡄࡉࡍࡅࡍ ࡓࡁࡉࡀ ࡖ ࡍࡉࡌࡀࡓࡋࡅࡍ ࡏࡅ ࡄࡉࡍࡉࡀࡋࡊࡅࡍ ࡓࡁࡉࡀ ࡏࡅ ࡄࡉࡍࡉࡀࡋࡊࡅࡍ ࡓࡅࡓࡁࡉࡀ ࡏࡅ ࡄࡉࡍࡉࡀࡋࡊࡅࡍ ࡓࡁࡉࡀ

ࡏࡌࡀࡓࡋࡊࡅࡍ ࡌࡀࡌࡋࡀ ࡄࡃࡀ ࡌࡀࡌࡋࡀ ࡄࡃࡀ ࡏࡌࡀࡓࡋࡊࡅࡍ ࡖ ࡔࡀࡍࡀࡉ ࡅࡌࡀࡍࡄࡀࡓ ࡅࡋࡀࡌࡉࡐࡎࡉࡒ ࡊࡌࡀ ࡖ ࡉࡀࡕࡉࡓࡀ ࡃࡌࡅࡕࡀࡉࡊࡅࡍ ࡅࡊࡌࡀ ࡖ ࡑࡀࡅࡕࡀࡉࡊࡅࡍ ࡔࡀࡍࡉࡀ ࡍࡀࡐࡔࡉࡕࡅࡍ ࡅࡕࡀࡒࡍࡉࡕࡅࡍ ࡅࡀࡉࡀࡓ ࡌࡉࡀ ࡋࡉࡕࡁࡇ ࡗ ࡀࡉࡀࡓ ࡋࡉࡕࡁࡀ ࡌࡉࡀ ࡏࡅࡕࡓࡉࡀ ࡁࡌࡀࡄࡅ ࡍࡉࡓࡉࡅࡆࡅࡍ ࡁࡌࡀ ࡄࡅ ࡍࡉࡓࡉࡅࡆࡅࡍ ࡏࡅࡕࡓࡉࡀ ࡅࡍࡀࡑࡉࡓࡅࡕ ࡁࡋࡉࡁࡀࡉࡄࡅࡍ ࡕࡉࡔࡕࡐࡉࡊ . ࡌࡀࡋࡉࡋ ࡄࡉࡍࡅࡍ ࡓࡁࡉࡀ ࡏࡕࡉࡕࡉࡀ ࡋࡇ ࡋࡁࡄࡉࡓࡀ ࡃࡀࡊࡉࡀ ࡖ ࡍࡉࡌࡀࡓࡅࡋࡇ ࡊࡌࡀ ࡔࡉࡄࡉࡕ ࡉࡀࡅࡀࡓ ࡊࡌࡀ ࡍࡉࡄࡉࡀ ࡅࡊࡔࡉࡈࡉࡀ ࡌࡀࡋࡀࡋࡉࡀ ࡖ ࡀࡌࡀࡓࡕ ࡒࡓࡅࡋࡇ ࡋࡔࡉࡓࡔࡉࡀ ࡖ ࡌࡉࡀ ࡄࡉࡉࡀ ࡅࡔࡉࡄࡋࡅࡉࡀ ࡋࡀࡉࡀࡓ ࡅࡔࡀࡃࡓࡅࡉࡀ ࡔࡉࡄࡋࡅࡉࡀ ࡅࡔࡀࡃࡓࡅࡉࡀ ࡋࡀࡉࡀࡓ ࡋࡔࡊࡉࡍࡀࡕࡀ ࡖ ࡏࡅࡕࡓࡉࡀ ࡊࡅࡋࡄࡅࡍ ࡀࡓࡄࡅࡁࡇ ࡏࡅࡕࡓࡉࡀ ࡅࡁࡎࡅࡌ ࡍࡀࡓࡄࡅࡁࡇ ࡅࡍࡉࡁࡎࡅࡌ ࡏࡅࡕࡓࡉࡀ ࡊࡅࡋࡄࡅࡍ ࡔࡕࡅࡍ ࡌࡉࡍࡇ ࡅࡓࡅࡀࡆ ࡔࡕࡅࡍ ࡅࡓࡅࡀࡆ ࡌࡉࡍࡇ ࡅࡏࡔࡕࡉࡐࡊࡀࡕ ࡁࡋࡉࡁࡀࡉࡄࡅࡍ ࡍࡀࡑࡉࡓࡅࡕ . ࡌࡉࡔࡕࡀࡉࡉࡍ ࡄࡉࡉࡀ ࡆࡀࡊࡉࡍ ࡅࡆࡀࡊࡉࡀ ࡌࡀࡍࡃࡀ ࡖ ࡄࡉࡉࡀ ࡅࡓࡀࡄࡌࡉࡀ ࡔࡅࡌࡇ ࡎࡀ

240. ࡗ ࡀࡆࡉࡋ ࡁࡄࡉࡓࡀ ࡃࡀࡊࡉࡀ ࡋࡀࡕࡓࡀ ࡖ ࡉࡀࡕࡁࡉࡀ ࡕࡅࡔࡋࡉࡌࡉࡀ ࡋࡀࡕࡓࡀ ࡖ ࡉࡀࡕࡁࡉࡁࡇ ࡕࡅࡔࡋࡉࡌࡉࡀ ࡃࡀࡊࡉࡉࡀ ࡖ ࡌࡍ ࡍࡀࡐࡔࡀࡉࡄࡅࡍ ࡅࡔࡅࡕࡀࡉࡄࡅࡍ ࡐࡀࡓࡔࡉࡀ ࡖ ࡌࡍ ࡍࡀࡐࡔࡀࡉࡄࡅࡍ ࡐࡀࡓࡔࡉࡀ ࡔࡅࡕࡀࡉࡄࡅࡍ ࡅࡌࡀࡌࡋࡉࡋࡉࡀ ࡌࡉࡍࡇ ࡅࡌࡍ ࡃࡌࡀࡅࡀࡕࡅࡍ . ࡌࡀࡋࡉࡋ ࡁࡄࡉࡓࡀ ࡃࡀࡊࡉࡀ ࡋࡄࡉࡍࡅࡍ ࡓࡁࡉࡀ ࡖ ࡍࡉࡌࡀࡓࡋࡅࡍ ࡏࡅ ࡄࡉࡍࡉࡀࡋࡊࡅࡍ ࡓࡁࡉࡀ ࡏࡅ ࡄࡉࡍࡉࡀࡋࡊࡅࡍ ࡓࡅࡓࡁࡉࡀ ࡏࡅ ࡄࡉࡍࡉࡀࡋࡊࡅࡍ ࡓࡁࡉࡀ ࡆࡉࡄࡓࡅࡍ ࡓࡀࡆࡀ ࡍࡉࡕࡉࡒࡓࡉࡀ ࡍࡉࡕࡉࡒࡓࡉࡀ ࡆࡉࡄࡓࡅࡍ ࡓࡀࡆࡀ ࡄࡅ ࡔࡅࡁࡀ ࡊࡀࡎࡉࡉࡀ ࡀࡄࡇ ࡖ ࡌࡉࡍࡇ ࡄࡀࡃ ࡍࡉࡕࡉࡒࡓࡉࡀ ࡆࡉࡅࡀ ࡅࡄࡀࡃ ࡍࡉࡕࡉࡒࡓࡉࡀ ࡍࡄࡅࡓࡀ ࡅࡍࡉࡍࡑࡀࡁ ࡅࡍࡉࡕࡁࡀࡉࡓࡅࡍ ࡅࡍࡉࡕࡉࡐࡓࡉࡔࡅࡍ ࡅࡍࡉࡍࡑࡀࡁࡅࡋࡍ ࡉࡀࡓࡃࡍࡉࡀ ࡖ ࡔࡀࡍࡉࡍ ࡉࡀࡓࡃࡍࡉࡀ ࡖ ࡔࡀࡍࡉࡍ ࡍࡉࡍࡑࡀࡁࡋࡅࡍ ࡅࡄࡉࡍࡅࡍ

ࡏࡋࡀࡅࡀࡉࡄࡅࡍ ࡍࡉࡔࡕࡀࡋࡈࡅࡍ ࡋࡊࡉࡌࡑࡀ ࡖ ࡏࡔࡀࡕࡀ ࡄࡀࡉࡕࡀ ࡅࡋࡔࡉࡓࡔࡀ ࡖ ࡁࡓ ࡂࡉࡍࡉࡍࡉࡀ ࡍࡂࡀࡃ ࡍࡉࡑࡈࡁࡅࡍ ࡅࡍࡉࡕࡒࡀࡉࡌࡅࡍ ࡅࡊࡉࡌࡑࡀ ࡁࡀࡋࡁࡅࡔࡀࡉࡄࡅࡍ ࡍࡉࡕࡓࡀࡑ ࡄࡀࡉࡋࡀࡉࡄࡅࡍ ࡄࡀࡕࡀࡌ ࡍࡉࡄࡅࡉࡀ ࡅࡋࡔࡅࡌࡀࡉࡊࡅࡍ ࡁࡄࡉࡓࡉࡀ ࡋࡄࡀࡊࡀ ࡍࡉࡕࡒࡀࡉࡌࡅࡍ ࡄࡉࡍ ࡄࡀࡉࡆࡉࡍ ࡋࡀࡁࡃࡉࡕࡅࡍ ࡌࡀࡊࡔࡉࡋࡉࡋࡇ ࡋࡊࡉࡌࡑࡀ ࡀࡁࡃࡉࡀ ࡌࡀࡊࡔࡋࡉࡋࡇ ࡌࡍ ࡃࡉࡋࡊࡅࡍ ࡅࡓࡀࡆࡉࡀ ࡊࡅࡋࡄࡅࡍ ࡁࡀࡉࡋࡉࡋࡇ . ࡗ ࡄࡀࡆࡀ ࡀࡌࡀࡓ ࡁࡄࡉࡓࡀ ࡃࡀࡊࡉࡀ ࡒࡀࡋࡀ ࡍࡄࡉࡕ ࡁࡊࡅࡋࡄࡅࡍ ࡀࡋࡌࡉࡀ ࡌࡍ ࡆࡉࡅࡀ ࡊࡀࡎࡉࡀ ࡌࡀࡋࡉࡋ ࡋࡆࡉࡄࡓࡅࡍ ࡓࡀࡆࡀ ࡊࡀࡎࡉࡀ ࡒࡓࡅࡉࡀ ࡌࡀࡋࡉࡋ ࡒࡓࡅࡉࡀ ࡋࡆࡉࡄࡓࡅࡍ ࡓࡀࡆࡀ ࡊࡀࡎࡉࡀ ࡋࡇ ࡅࡋࡔࡅࡁࡀ ࡊࡀࡎࡉࡉࡀ ࡀࡄࡇ ࡖ ࡌࡉࡍࡇ ࡒࡓࡉࡍࡅࡍ ࡅࡍࡑࡀࡁࡋࡅࡍ ࡉࡀࡓࡃࡍࡉࡀ ࡅࡋࡉࡀࡓࡃࡍࡉࡀ ࡔࡀࡋࡈࡉࡍࡅࡍ ࡔࡀࡋࡈࡉࡍࡅࡍ ࡋࡉࡀࡓࡃࡍࡉࡀ ࡅࡀࡉࡍࡀࡍࡉࡀࡕࡀ ࡖ ࡋࡀࡁࡀࡈࡋࡀࡍ . ࡌࡉࡔࡕࡀࡉࡉࡍ ࡄࡉࡉࡀ ࡆࡀࡊࡉࡍ ࡅࡆࡀࡊࡉࡀ ࡂࡀࡁࡓࡀ ࡖ ࡀࡎࡂࡉࡀ ࡋࡊࡀ ࡎࡀ

241. ࡗ ࡀࡆࡉࡋ ࡁࡄࡉࡓࡀ ࡃࡀࡊࡉࡀ ࡋࡀࡕࡓࡀ ࡖ ࡉࡀࡕࡁࡉࡀ ࡕࡅࡔࡋࡉࡌࡉࡀ ࡋࡀࡕࡓࡀ ࡖ ࡏࡁࡀࡃ ࡌࡍ ࡍࡀࡐࡔࡀࡉࡄࡅࡍ ࡅࡐࡀࡓࡑࡅࡐࡀ ࡁࡂࡀࡅࡇ ࡕࡓࡀࡑ ࡒࡀࡋࡀ ࡍࡐࡀࡒ ࡌࡍ ࡐࡀࡓࡑࡅࡐࡀ ࡅࡌࡀࡔࡌࡀࡋࡇ ࡋࡓࡀࡁ ࡐࡀࡎࡉࡌࡊࡉࡀ ࡌࡀࡔࡌࡀࡋࡇ ࡋࡐࡀࡎࡉࡌࡊࡀ ࡓࡁࡀ ࡅࡌࡀࡐࡓࡉࡔࡋࡇ ࡋࡊࡅࡋ ࡑࡁࡅ ࡋࡊࡅࡋ ࡑࡁࡅࡕࡀ ࡒࡀࡃࡌࡀࡉࡕࡀ ࡖ ࡏࡕࡀࡐࡓࡉࡔࡀࡕ ࡅࡄࡀࡉࡆࡉࡍ ࡄࡅࡀࡕ . ࡌࡀࡋࡉࡋ ࡁࡄࡉࡓࡀ ࡃࡀࡊࡉࡀ ࡋࡄࡉࡍࡅࡍ ࡓࡁࡉࡀ ࡖ ࡍࡉࡌࡀࡓࡋࡅࡍ ࡏࡅ ࡄࡉࡍࡉࡀࡋࡊࡅࡍ ࡓࡁࡉࡀ ࡏࡅ ࡄࡉࡍࡉࡀࡋࡊࡅࡍ ࡓࡅࡓࡁࡉࡀ ࡏࡅ ࡄࡉࡍࡉࡀࡋࡊࡅࡍ ࡓࡁࡉࡀ ࡏࡌࡀࡓࡋࡊࡅࡍ ࡋࡊࡅࡋ ࡖ ࡄࡆࡉࡕ ࡄࡆࡉࡕ ࡅࡁࡀࡉࡉࡍࡀ ࡋࡌࡉࡒࡓࡉࡀ ࡏࡅ ࡄࡉࡍࡉࡀࡋࡊࡅࡍ

ࡏࡅࡕࡓࡉࡀ ࡏࡒࡓࡉࡀ ࡏࡒࡓࡉࡀ ࡕࡋࡀࡕࡀ ࡏࡅࡕࡓࡉࡀ ࡅࡏࡉࡀࡅࡕࡉࡁࡉࡍࡅࡍ ࡁࡔࡊࡉࡍࡕࡀࡉ ࡄࡀࡃ ࡍࡉࡄࡅࡉࡀ ࡑࡀࡅࡕࡀࡉ ࡅࡄࡅࡓࡉࡍࡀ ࡍࡉࡄࡅࡉࡀ ࡗ ࡃࡌࡅࡕࡀࡉ ࡅࡄࡅࡓࡉࡍࡉࡀ ࡄࡅ ࡆࡅࡈࡀ ࡍࡉࡄࡅࡉࡀ ࡍࡉࡀࡄࡀ ࡖ ࡏࡅࡑࡓࡀࡉ ࡄࡉࡍࡅࡍ ࡃࡀࡓࡔࡉࡍ ࡃࡓࡀࡔࡉࡀ ࡔࡀࡍࡉࡉࡀ ࡅࡒࡀࡓࡉࡍ ࡁࡎࡉࡃࡓࡉࡀ ࡊࡀࡎࡉࡉࡀ ࡅࡌࡎࡀࡃࡓࡉࡁࡇ ࡁࡊࡅࡋࡇ ࡄࡅࡊࡅࡌࡕࡅࡍ ࡀࡁࡃࡉࡀ ࡏࡁࡉࡃࡀࡕࡀ ࡖ ࡉࡀࡉࡉࡀ ࡅࡌࡉࡍࡀࡉ ࡁࡎࡀࡊࡀ ࡖ ࡍࡀࡐࡔࡉࡇ ࡎࡀࡂࡉࡍ ࡎࡀࡂࡉࡍ ࡁࡐࡀࡒࡀࡃࡕࡀࡉ ࡃࡉࡋࡉࡀ ࡅࡌࡍ ࡃࡉࡋࡉࡀ ࡋࡀࡍࡀࡐࡒࡉࡀ ࡋࡀࡍࡀࡐࡒࡉࡀ ࡌࡍ ࡃࡉࡋࡉࡀ ࡅࡋࡀࡌࡔࡀࡍࡉࡋࡇ ࡋࡃࡀࡊࡉࡀ ࡌࡉࡌࡓࡀࡉ ࡋࡀࡌࡔࡀࡍࡉࡋࡉࡍ ࡋࡏࡁࡉࡃࡀࡕࡀࡉ ࡖ ࡄࡉࡍࡅࡍ ࡀࡁࡃࡉࡀ ࡅࡌࡐࡀࡒࡃࡉࡀ ࡖ ࡁࡄࡀࡔࡀࡁࡕࡀࡉ ࡒࡓࡀࡉࡕࡉࡍࡅࡍ ࡅࡕࡉࡓࡑࡉࡕ ࡀࡕࡀ ࡖ ࡄࡉࡉࡀ ࡋࡏࡅࡑࡓࡅࡍ ࡅࡕࡉࡓࡑࡉࡕ ࡀࡕࡀ ࡖ ࡄࡉࡉࡀ ࡓࡁࡉࡀ ࡅࡓࡌࡉࡕ ࡔࡅࡌࡀࡉ ࡃࡉࡋࡉࡀ ࡏࡋࡀࡅࡀࡉࡄࡅࡍ ࡅࡄࡉࡉࡀ ࡆࡀࡊࡉࡍ ࡎࡀ

242. ࡗ ࡀࡆࡉࡋ ࡁࡄࡉࡓࡀ ࡃࡀࡊࡉࡀ ࡋࡀࡕࡓࡀ ࡖ ࡉࡀࡕࡁࡉࡀ ࡕࡅࡔࡋࡉࡌࡉࡀ ࡋࡀࡕࡓࡀ ࡖ ࡊࡅࡋࡇ ࡆࡉࡅࡀ ࡅࡋࡀࡉࡉࡕ ࡖ ࡔࡀࡍࡀࡉ ࡖ ࡆࡀࡊࡅࡀࡕࡀ ࡃࡀࡊࡉࡀ ࡖ ࡌࡋࡉࡀ ࡍࡉࡄࡉࡀ ࡁࡕࡅࡔࡁࡉࡄࡕࡀࡉࡊࡅࡍ ࡉࡀࡒࡉࡓࡉࡀ . ࡌࡀࡋࡉࡋ ࡁࡄࡉࡓࡀ ࡃࡀࡊࡉࡀ ࡋࡄࡉࡍࡅࡍ ࡓࡁࡉࡀ ࡖ ࡍࡉࡌࡀࡓࡋࡅࡍ ࡏࡅ ࡄࡉࡍࡉࡀࡋࡊࡅࡍ ࡓࡁࡉࡀ ࡏࡅ ࡄࡉࡍࡉࡀࡋࡊࡅࡍ ࡓࡅࡓࡁࡉࡀ ࡏࡅ ࡄࡉࡍࡉࡀࡋࡊࡅࡍ ࡓࡁࡉࡀ ࡏࡒࡓࡉࡀ ࡌࡍ ࡏࡅࡕࡓࡀࡉ ࡄࡀࡃ ࡄࡀࡃ ࡏࡒࡓࡉࡀ ࡌࡍ ࡏࡅࡕࡓࡀࡉ ࡅࡌࡍ ࡆࡉࡅࡀࡉ ࡏࡉࡀࡋࡁࡉࡔࡉࡇ

ࡏࡉࡀࡋࡁࡉࡔࡉࡇ ࡌࡍ ࡆࡉࡅࡀࡉ ࡅࡌࡍ ࡍࡄࡅࡓࡀࡉ ࡏࡊࡀࡎࡉࡉࡇ ࡏࡊࡀࡎࡉࡉࡇ ࡌࡍ ࡍࡄࡅࡓࡀࡉ ࡅࡌࡍ ࡔࡅࡌࡀࡉ ࡃࡉࡋࡉࡀ ࡍࡉࡕࡍࡀࡈࡀࡓ ࡏࡋࡇ ࡏࡕࡉࡕࡋࡇ ࡌࡍ ࡖ ࡐࡋࡀࡂࡋࡉࡀ ࡍࡉࡒࡅࡌ ࡁࡎࡀࡂࡉࡉࡇ ࡅࡄࡀࡉࡋࡇ ࡅࡍࡀࡎࡉࡒ ࡋࡍࡀࡐࡔࡉࡇ ࡌࡀࡍࡃࡀ ࡖ ࡄࡉࡉࡀ ࡖ ࡀࡎࡂࡉࡀ ࡋࡊࡀ ࡍࡉࡆࡀࡋ ࡋࡀࡋࡌࡀ ࡖ ࡀࡁࡀࡕࡅࡓ ࡖ ࡄࡅࡎࡓࡀࡍࡀ ࡌࡉࡍࡇ ࡄࡅࡀ ࡌࡉࡍࡇ ࡄࡅࡀ ࡄࡅࡎࡓࡀࡍࡀ ࡅࡆࡉࡓࡀ ࡁࡉࡔࡀ ࡆࡓࡀ ࡆࡓࡀ ࡆࡉࡓࡀ ࡁࡉࡔࡀ ࡅࡒࡓࡀ ࡒࡉࡓࡉࡀࡕࡀ ࡖ ࡋࡀࡊࡀࡔࡓࡀࡍ ࡏࡋࡇ ࡖ

ࡋࡀࡏࡕࡉࡌࡋࡉࡊ ࡅࡋࡀࡒࡀࡁࡉࡋ ࡌࡀࡑࡁࡅࡕࡇ ࡅࡋࡀࡐࡔࡉࡈ ࡉࡀࡌࡉࡍࡇ ࡌࡍ ࡀࡁࡅࡉࡀ ࡀࡁࡀࡃ ࡖ ࡋࡀࡌࡐࡀࡒࡉࡃ ࡅࡌࡉࡍࡃࡀࡌ ࡖ ࡋࡀࡊࡀࡔࡀࡓ ࡀࡁࡀࡃ ࡍࡉࡆࡀࡋ ࡄࡀࡃ ࡌࡍ ࡏࡅࡕࡓࡀࡉ ࡍࡉࡁࡉࡄࡕࡉࡍࡉࡍ ࡋࡒࡉࡓࡉࡀࡕࡀ ࡊࡅࡋࡄࡉࡍ ࡍࡉࡁࡉࡄࡕࡉࡍࡉࡍ ࡋࡊࡅࡋࡄࡉࡍ ࡒࡉࡓࡉࡀࡕࡀ ࡖ ࡒࡓࡀ ࡖ ࡏࡃࡉࡀ ࡅࡋࡉࡂࡓࡉࡀ ࡋࡉࡕࡋࡉࡍ ࡍࡉࡕࡓࡀࡑ ࡁࡀࡋࡌࡀ ࡃࡉࡓࡊࡀ ࡅࡁࡄࡉࡓࡉࡀ ࡌࡉࡍࡇ ࡍࡉࡎࡒࡅࡍ ࡋࡊࡀ ࡋࡒࡀࡋࡀࡉ ࡍࡉࡕࡅࡍ ࡅࡍࡉࡕࡉࡓࡑࡅࡍ ࡋࡊࡅࡃࡊࡀࡉ ࡅࡍࡉࡎࡉࡄࡃࡅࡍ ࡁࡄࡃࡀ ࡔࡅࡌࡀ ࡓࡁࡀ ࡃࡀࡊࡉࡀ ࡅࡒࡀࡓࡍࡀࡉࡄࡅࡍ ࡁࡓࡉࡔࡀࡉࡄࡅࡍ ࡍࡉࡕࡂࡀࡃࡋࡅࡍ ࡌࡉࡔࡕࡀࡉࡉࡍ ࡄࡉࡉࡀ ࡆࡀࡊࡉࡍ ࡅࡆࡀࡊࡉࡀ ࡂࡀࡁࡓࡀ ࡖ ࡀࡎࡂࡉࡀ ࡋࡊࡀ ࡎࡀ

243. ࡗ ࡀࡆࡉࡋ ࡁࡄࡉࡓࡀ ࡃࡀࡊࡉࡀ ࡋࡀࡕࡓࡀ ࡖ ࡉࡀࡕࡁࡉࡀ ࡕࡅࡔࡋࡉࡌࡉࡀ ࡋࡀࡕࡓࡀ ࡄࡅ ࡃࡀࡊࡉࡀ ࡖ ࡍࡈࡉࡈࡅࡕࡀ ࡋࡉࡕࡁࡇ ࡖ ࡋࡉࡕࡁࡇ ࡍࡈࡉࡈࡅࡕࡀ ࡅࡋࡀࡌࡒࡀࡁࡋࡀࡁࡀ ࡄࡀࡓࡂࡕࡀ ࡄࡀࡓࡂࡕࡀ ࡋࡀࡌࡒࡀࡁࡋࡀࡁࡀ ࡓࡅࡂࡆࡀ ࡅࡕࡅࡒࡐࡀ ࡋࡉࡕࡁࡇ ࡃࡅࡊࡕࡀ ࡖ ࡋࡉࡕࡁࡇ ࡓࡅࡂࡆࡀ ࡅࡕࡅࡒࡐࡀ ࡅࡊࡅࡋࡇ ࡍࡉࡄࡅࡕࡀ ࡄࡅ ࡊࡅࡋࡇ ࡄࡅ ࡍࡉࡄࡅࡕࡀ ࡖ ࡄࡉࡍࡅࡍ ࡁࡂࡀࡅࡇ ࡌࡉࡔࡕࡀࡉࡉࡍ . ࡌࡀࡋࡉࡋ ࡁࡄࡉࡓࡀ ࡃࡀࡊࡉࡀ ࡋࡄࡉࡍࡅࡍ ࡓࡁࡉࡀ ࡖ ࡍࡉࡌࡀࡓࡋࡅࡍ ࡏࡅ ࡄࡉࡍࡉࡀࡋࡊࡅࡍ ࡓࡁࡉࡀ ࡏࡅ ࡄࡉࡍࡉࡀࡋࡊࡅࡍ ࡓࡅࡓࡁࡉࡀ ࡏࡅ ࡄࡉࡍࡉࡀࡋࡊࡅࡍ ࡓࡁࡉࡀ ࡑࡅࡁࡉࡀࡍࡊࡅࡍ ࡋࡏࡅࡕࡓࡉࡀ ࡍࡉࡄࡅࡉࡀ ࡑࡅࡁࡉࡀࡍࡊࡅࡍ ࡍࡉࡄࡅࡉࡀ ࡋࡏࡅࡕࡓࡉࡀ ࡅࡊࡅࡋ ࡖ ࡑࡀࡁࡉࡕࡅࡍ ࡀࡍࡀࡕࡅࡍ ࡕࡉࡁࡃࡅࡍ ࡀࡍࡀ ࡖ ࡄࡆࡉࡕ ࡏࡌࡓࡉࡕ ࡅࡃࡉࡃࡊࡉࡓࡍࡀ ࡒࡅࡃࡀࡌࡀࡉࡊࡅࡍ ࡏࡂࡀࡋࡉࡋࡀ ࡄࡀࡆࡉࡍ ࡀࡁࡀࡕࡅࡓ ࡓࡀࡌࡀ ࡀࡋࡌࡀ ࡖ ࡌࡀࡔࡐࡀࡋ ࡌࡍ ࡊࡅࡓࡎࡉࡉࡇ ࡀࡋࡌࡀ ࡖ ࡌࡍ ࡊࡅࡓࡎࡉࡉࡇ ࡌࡀࡔࡐࡀࡋ ࡅࡀࡆࡀࡋ ࡖ ࡌࡅࡆࡀࡍࡉࡀ ࡄࡅࡀ ࡗ ࡁࡔࡅࡌࡀࡉࡊࡅࡍ ࡏࡒࡓࡉࡀ ࡕࡉࡍࡉࡀࡍࡀ ࡉࡀࡌࡉࡍࡀࡉࡊࡅࡍ ࡀࡎࡉࡌ ࡏࡋࡇ . ࡌࡀࡋࡉࡋ ࡓࡁࡉࡀ ࡏࡕࡉࡕࡉࡀ ࡋࡇ ࡋࡁࡄࡉࡓࡀ ࡃࡀࡊࡉࡀ ࡖ ࡍࡉࡌࡀࡓࡅࡋࡇ ࡀࡍࡀࡕ ࡉࡀࡃࡉࡕ ࡁࡊࡅࡋࡄࡅࡍ ࡋࡉࡋࡁࡉࡀ ࡅࡐࡀࡓࡔࡉࡕ ࡁࡊࡅࡋࡄࡅࡍ ࡏࡅࡑࡓࡉࡀ ࡀࡉࡍࡀࡊ ࡌࡉࡂࡋࡉࡀ ࡂࡀࡋࡉࡀࡍ ࡅࡊࡅࡋࡄࡅࡍ ࡉࡀࡃࡀࡊ ࡐࡀࡓࡔࡀࡕࡋࡅࡍ ࡀࡌࡉࡍࡈࡅࡋ ࡖ ࡔࡅࡌࡀࡊ ࡅࡔࡅࡌࡀࡍ ࡃࡉࡋࡀࡍ ࡗ ࡄࡀࡈࡉࡀ ࡌࡀࡍ ࡍࡉࡔࡉࡁࡒࡇ ࡌࡀࡍ ࡍࡉࡔࡉࡁࡒࡇ ࡗ ࡄࡀࡈࡉࡀ ࡅࡍࡉࡔࡉࡃࡉࡉࡇ ࡋࡔࡀࡓࡔࡀࡍ ࡁࡌࡉࡀ ࡕࡀࡄࡌࡉࡀ ࡌࡀࡍ ࡍࡉࡍࡉࡎࡁࡇ ࡌࡉࡍࡀࡉࡀࡍ ࡋࡈࡀࡁࡅࡕࡀ ࡅࡍࡉࡆࡀࡋ ࡍࡉࡓࡉࡌࡉࡉࡇ ࡁࡃࡅࡓ ࡄࡀࡔࡊࡉࡀ . ࡗ ࡄࡀࡆࡀ ࡔࡅࡌࡀ ࡁࡄࡉࡓࡀ ࡃࡀࡊࡉࡀ ࡏࡔࡕࡀࡈࡉࡀ ࡒࡅࡃࡀࡌࡀࡉࡄࡅࡍ ࡎࡂࡉࡃ ࡏࡔࡕࡀࡈࡉࡀ ࡎࡂࡉࡃ ࡒࡅࡃࡀࡌࡀࡉࡄࡅࡍ ࡅࡕࡅࡔࡁࡉࡄࡕࡀ ࡁࡏࡍࡐࡉࡔ ࡀࡌࡀࡓ ࡅࡀࡌࡀࡓ ࡊࡌࡀ ࡔࡀࡍࡉࡀ ࡖ ࡔࡉࡌࡉࡕ ࡌࡉࡍࡀࡉࡊࡅࡍ ࡅࡒࡀࡁࡋࡉࡕ ࡅࡕࡉࡓࡑࡉࡕ ࡌࡍ ࡃࡉࡋࡊࡅࡍ . ࡅࡄࡉࡉࡀ ࡆࡀࡊࡉࡍ ࡎࡀ

244. ࡗ ࡀࡆࡉࡋ ࡁࡄࡉࡓࡀ ࡃࡀࡊࡉࡀ ࡋࡀࡕࡓࡀ ࡖ ࡉࡀࡕࡁࡉࡀ ࡕࡅࡔࡋࡉࡌࡉࡀ ࡏࡌࡀࡓࡋࡊࡅࡍ ࡕࡅࡔࡋࡉࡌࡉࡀ ࡊࡀࡎࡉࡉࡀ ࡖ ࡊࡉࡎࡉࡉࡀ ࡅࡍࡈࡉࡓࡉࡀ ࡁࡀࡋࡁࡅࡔࡀࡉࡄࡅࡍ ࡏࡌࡀࡓࡋࡊࡅࡍ ࡕࡅࡔࡋࡉࡌࡉࡀ ࡊࡀࡎࡉࡉࡀ ࡖ ࡀࡌࡀࡓ ࡌࡍ ࡏࡅࡕࡓࡉࡀ ࡄࡀࡃ ࡖ ࡁࡄࡀࡔࡀࡁࡕࡀࡉࡊࡅࡍ ࡃࡉࡋࡊࡅࡍ ࡒࡓࡀࡉࡕࡇ ࡅࡔࡀࡃࡀࡓࡕࡇ ࡋࡄࡀࡄࡅ ࡀࡋࡌࡀ ࡊࡌࡀ ࡖ ࡎࡍࡉࡀ ࡅࡋࡀࡔࡀࡐࡉࡓ ࡌࡉࡍࡃࡀࡌ ࡖ ࡄࡆࡀ ࡁࡄࡀࡄࡅ ࡀࡋࡌࡀ ࡀࡋࡌࡀ ࡖ ࡁࡍࡉࡀ ࡔࡋࡀࡌࡀ ࡖ ࡌࡉࡍࡀࡉࡄࡅࡍ ࡄࡅࡎࡓࡀࡍࡀ ࡄࡅࡀ ࡄࡀࡓࡀ ࡖ ࡀࡆࡉࡋ ࡌࡍ ࡄࡀࡊࡀ ࡋࡄࡉࡋ ࡀࡁࡃࡀ ࡔࡀࡅࡉࡅࡉࡇ ࡁࡄࡉࡋ ࡔࡀࡅࡉࡅࡉࡇ ࡀࡁࡃࡀ ࡅࡌࡍ ࡔࡅࡁࡀ ࡔࡉࡁࡉࡀࡄࡉࡀ ࡎࡁࡀࡋ ࡎࡁࡀࡋ ࡌࡍ ࡔࡅࡁࡀ ࡔࡉࡁࡉࡀࡄࡉࡀ ࡀࡎࡍࡉࡒ ࡁࡂࡀࡅࡇ ࡖ ࡀࡋࡌࡀ ࡉࡀࡕࡉࡓࡀ ࡖ ࡀࡆࡉࡋ ࡌࡍ ࡄࡀࡊࡀ ࡋࡄࡉࡋ ࡄࡀࡁࡓࡅࡍ ࡔࡀࡅࡉࡅࡉࡀ ࡁࡄࡉࡋ ࡔࡀࡅࡉࡅࡉࡀ ࡄࡀࡁࡓࡅࡍ ࡅࡌࡍ ࡔࡅࡁࡀ ࡔࡉࡁࡉࡀࡄࡉࡀ ࡎࡁࡀࡋ ࡎࡁࡀࡋ ࡌࡍ ࡔࡅࡁࡀ ࡔࡉࡁࡉࡀࡄࡉࡀ ࡀࡎࡍࡉࡒ ࡁࡂࡀࡅࡇ ࡖ ࡀࡋࡌࡀ . ࡓࡁࡉࡀ ࡁࡐࡅࡌࡀࡉࡄࡅࡍ ࡃࡀࡊࡉࡀ ࡋࡇ ࡋࡁࡄࡉࡓࡀ ࡃࡀࡊࡉࡀ ࡖ ࡍࡉࡌࡀࡓࡅࡋࡇ ࡄࡀࡆࡉࡍ ࡖ ࡀࡌࡀࡓࡋࡀࡊ ࡄࡀࡃ ࡌࡍ ࡏࡅࡕࡓࡀࡊ ࡏࡅ ࡉࡀࡕࡉࡓࡀ ࡖ ࡌࡍ ࡄࡀࡃ ࡀࡌࡀࡓ ࡄࡀࡆࡉࡍ ࡄࡅ ࡖ ࡀࡌࡀࡓࡋࡀࡊ ࡄࡀࡃ ࡌࡍ ࡏࡅࡕࡓࡀࡊ ࡍࡉࡕࡉࡋࡀࡊ ࡐࡀࡓࡔࡉࡂࡍࡀ ࡀࡍࡉࡍ ࡕࡉࡁࡉࡋ ࡍࡅࡓࡀ ࡒࡓࡀࡉࡍࡀ ࡅࡔࡉࡁࡉࡀࡄࡉࡀ ࡖ

ࡏࡁࡃࡅࡉࡀ ࡋࡔࡅࡔࡋࡀࡕࡀ ࡖ ࡍࡅࡓࡀ ࡀࡆࡋࡉࡀ ࡐࡕࡀࡄࡉࡋ ࡖ ࡏࡁࡃࡇ ࡋࡕࡉࡁࡉࡋ ࡄࡀࡊࡀ ࡁࡉࡀࡓࡃࡍࡀ ࡄࡉࡅࡀࡓࡀ ࡌࡉࡑࡈࡁࡀ ࡀࡋࡉࡐ ࡀࡋࡉࡐ ࡏࡅࡑࡈࡋࡉࡀ ࡖ ࡍࡀࡐࡒࡉࡀ ࡀࡋࡀࡍࡐࡇ ࡅࡐࡀࡓࡑࡅࡐࡉࡀ ࡖ ࡎࡀࡊࡀ ࡋࡉࡕࡋࡅࡍ ࡕࡉࡀࡓࡅࡕࡀ ࡄࡀࡅࡉࡀࡋࡅࡍ ࡅࡊࡅࡔࡈࡀ ࡌࡍ ࡄࡃࡀࡃࡉࡀ ࡐࡀࡔࡈࡉࡀ . ࡊࡌࡀ ࡔࡀࡍࡀࡉ ࡖ ࡀࡌࡀࡓࡕࡅࡋࡉࡀ ࡅࡀࡎࡌࡉࡊࡕࡅࡉࡀ ࡋࡋࡉࡁࡀࡉ ࡋࡎࡀࡌࡊࡇ . ࡀࡍࡀࡕ ࡌࡉࡎࡌࡉࡊ ࡎࡌࡉࡊࡉࡕ ࡅࡌࡒࡀࡉࡌࡅࡉࡀ ࡌࡒࡀࡉࡌࡉࡕ ࡅࡆࡀࡓࡅࡆࡉࡀ ࡌࡆࡀࡓࡆࡉࡕ ࡅࡌࡉࡍࡉࡄࡓࡉࡕ . ࡅࡄࡉࡉࡀ ࡆࡀࡊࡏࡉࡍ ࡎࡀ

245. ࡗ ࡀࡆࡉࡋ ࡁࡄࡉࡓࡀ ࡃࡀࡊࡉࡀ ࡋࡀࡕࡓࡀ ࡖ ࡉࡀࡕࡁࡉࡀ ࡕࡅࡔࡋࡉࡌࡉࡀ ࡋࡀࡕࡓࡀ ࡖ ࡊࡀࡁࡉࡓࡉࡀ ࡊࡀࡁࡓࡀࡋࡅࡍ ࡍࡀࡐࡔࡀࡉࡄࡅࡍ ࡅࡕࡀࡒࡅࡍ ࡅࡍࡀࡄࡅࡓ ࡐࡀࡓࡑࡅࡐࡀࡉࡄࡅࡍ ࡌࡄࡀࡅࡉࡍ ࡃࡌࡀࡅࡀࡕࡅࡍ ࡁࡀࡕࡓࡀ ࡊࡀࡎࡉࡀ ࡃࡅࡊࡕࡀ ࡖ ࡁࡀࡎࡉࡌ ࡒࡀࡋࡀࡉࡄࡅࡍ ࡅࡌࡄࡀࡋࡀࡉ ࡒࡀࡋࡀࡉ ࡖ ࡌࡀࡌࡋࡀࡋࡅࡍ ࡅࡔࡀࡍࡀࡉ ࡀࡕࡓࡀ ࡖ ࡉࡀࡕࡁࡉࡁࡇ ࡓࡁࡉࡀ ࡅࡋࡉࡕࡋࡇ ࡎࡀࡊࡀ ࡋࡕࡅࡔࡁࡉࡄࡕࡀࡉࡄࡅࡍ ࡍࡀࡄࡉࡓࡉࡀ ࡅࡊࡀࡁࡉࡓࡉࡀ ࡁࡎࡉࡃࡓࡀࡉࡄࡅࡍ ࡅࡊࡅࡋ ࡖ ࡑࡀࡁࡉࡍ ࡀࡁࡃࡉࡍ . ࡌࡀࡋࡉࡋ ࡁࡄࡉࡓࡀ ࡃࡀࡊࡉࡀ ࡋࡄࡉࡍࡅࡍ ࡓࡁࡉࡀ ࡖ ࡍࡉࡌࡀࡓࡋࡅࡍ ࡏࡅ ࡄࡉࡍࡉࡀࡋࡊࡅࡍ ࡓࡁࡉࡀ ࡏࡅ ࡄࡉࡍࡉࡀࡋࡊࡅࡍ ࡓࡅࡓࡁࡉࡀ ࡏࡅ ࡄࡉࡍࡉࡀࡋࡊࡅࡍ ࡓࡁࡉࡀ ࡂࡀࡋࡉࡋࡅࡋࡉࡀ ࡋࡓࡀࡆࡉࡀ ࡖ ࡁࡉࡓࡉࡊࡕࡀ ࡅࡋࡔࡉࡓࡉࡀࡍࡀ ࡖ ࡍࡀࡐࡔࡀࡉࡄࡅࡍ ࡅࡋࡆࡉࡅࡀ ࡖ ࡋࡃࡉࡋࡊࡅࡍ ࡍࡑࡀࡁ . ࡓࡁࡉࡀ ࡁࡐࡅࡌࡀࡉࡄࡅࡍ ࡃࡀࡊࡉࡀ ࡋࡇ ࡋࡁࡄࡉࡓࡀ ࡃࡀࡊࡉࡀ ࡖ ࡍࡉࡌࡀࡓࡅࡋࡇ ࡀࡍࡀࡕ ࡌࡍ ࡃࡅࡊࡕࡀ ࡖ ࡁࡓࡉࡊࡉࡍࡉࡍ ࡁࡓࡉࡊࡉࡕ ࡅࡌࡍ ࡃࡅࡊࡕࡀ ࡖ ࡄࡅࡀࡉࡍࡉࡍ ࡀࡍࡀࡕ ࡌࡉࡍࡀ ࡄࡅࡀࡕ ࡅࡌࡍ ࡃࡅࡊࡕࡀ ࡖ ࡏࡕࡉࡍࡑࡉࡁࡍࡉࡍ ࡀࡍࡀࡕ ࡌࡕࡀࡒࡍࡀ ࡅࡍࡑࡉࡁࡀ ࡍࡉࡑࡅࡁࡕࡀࡊ ࡆࡉࡅࡀࡍ ࡅࡆࡉࡅࡀࡊ ࡆࡀࡊࡉࡀ ࡅࡆࡀࡊࡉࡀ ࡍࡀࡑࡉࡓࡅࡕࡀ ࡖ ࡌࡉࡍࡀࡍ ࡃࡉࡋࡀࡍ ࡄࡅࡀࡕ ࡅࡆࡀࡊࡉࡀ ࡖ ࡒࡀࡓࡉࡍࡀࡁࡀ ࡅࡀࡉࡍࡀࡉࡄࡅࡍ ࡁࡆࡉࡅࡀ ࡅࡍࡄࡅࡓࡀ ࡐࡀࡄࡕࡉࡀ . ࡅࡌࡔࡀࡁࡉࡍ ࡄࡉࡉࡀ ࡎࡀ

246. ࡗ ࡀࡆࡉࡋ ࡁࡄࡉࡓࡀ ࡃࡀࡊࡉࡀ ࡋࡀࡕࡓࡀ ࡖ ࡉࡀࡕࡁࡉࡀ ࡕࡅࡔࡋࡉࡌࡉࡀ ࡗ ࡌࡋࡉࡀ ࡁࡆࡀࡊࡅࡕࡀ ࡅࡌࡀࡍࡄࡀࡓࡁࡇ ࡁࡊࡅࡋࡀ ࡈࡀࡁࡅࡕࡀ ࡗ ࡉࡀࡏࡉࡋࡇ ࡁࡆࡉࡅࡀ ࡖ ࡍࡐࡉࡔ ࡅࡁࡏࡕࡉࡀ ࡃࡀࡊࡉࡀ ࡌࡀࡎࡂࡉࡍ ࡋࡕࡀࡌ . ࡌࡀࡋࡉࡋ ࡁࡄࡉࡓࡀ ࡃࡀࡊࡉࡀ ࡋࡄࡉࡍࡅࡍ ࡓࡁࡉࡀ ࡖ ࡍࡉࡌࡀࡓࡋࡅࡍ ࡏࡅ ࡄࡉࡍࡉࡀࡋࡊࡅࡍ ࡓࡁࡉࡀ ࡏࡅ ࡄࡉࡍࡉࡀࡋࡊࡅࡍ ࡓࡅࡓࡁࡉࡀ ࡏࡅ ࡄࡉࡍࡉࡀࡋࡊࡅࡍ ࡓࡁࡉࡀ ࡎࡌࡅࡊ ࡋࡌࡀࡋࡀࡋࡀࡉ ࡃࡉࡋࡉࡀ ࡍࡉࡄࡅࡍ ࡊࡀࡓࡎࡀࡅࡀࡕࡀ ࡅࡁࡀࡓࡒࡀ ࡖ ࡍࡄࡅࡓࡀ

ࡍࡉࡕࡉࡓࡑࡅࡍ ࡍࡉࡄࡅࡉࡀ ࡖ ࡉࡀࡕࡁࡉࡀ ࡏࡅࡕࡓࡉࡀ ࡅࡌࡉࡔࡕࡀࡉࡉࡍ ࡁࡂࡀࡅࡀࡉࡄࡅࡍ ࡖ ࡎࡉࡃࡓࡀࡉࡄࡅࡍ ࡍࡉࡍࡄࡉࡓࡉࡁࡅࡍ ࡅࡁࡌࡀࡋࡀࡋࡅࡍ ࡍࡉࡁࡀࡍࡀࡍࡅࡍ ࡁࡂࡀࡅࡀࡉࡄࡅࡍ ࡖ ࡎࡉࡃࡓࡀࡉࡄࡅࡍ ࡉࡀࡏࡉࡋࡅࡍ ࡂࡉࡅࡕࡀࡉࡄࡅࡍ ࡅࡉࡀࡒࡉࡓࡉࡀ ࡗ ࡖ ࡋࡊࡀࡓࡎࡀࡅࡀࡕࡀ ࡉࡀࡕࡁࡉࡀ ࡉࡀࡕࡁࡉࡀ ࡋࡊࡀࡓࡎࡀࡅࡀࡕࡀ ࡅࡁࡀࡉࡓࡉࡀ ࡁࡀࡍࡄࡅࡓࡀ ࡕࡀࡒࡍࡀ . ࡌࡀࡋࡉࡋ ࡁࡐࡅࡌࡀ ࡃࡀࡊࡉࡀ ࡓࡁࡉࡀ ࡖ ࡄࡀࡕࡀࡌ ࡉࡀࡕࡁࡉࡀ ࡌࡀࡋࡉࡋ ࡁࡐࡅࡌࡀ ࡃࡀࡊࡉࡀ ࡅࡀࡌࡀࡓࡋࡇ ࡋࡁࡄࡉࡓࡀ ࡀࡃࡉࡀࡅࡓࡀ ࡀࡍࡀࡕ ࡃࡀࡊࡉࡀ ࡊࡅࡋ ࡖ ࡑࡀࡁࡉࡕ ࡀࡎࡂࡉࡀ ࡏࡁࡉࡃ . ࡁࡑࡅࡁࡉࡀࡍࡊࡅࡍ ࡅࡁࡑࡅࡁࡉࡀࡍࡀࡉ ࡊࡀࡓࡎࡀࡅࡀࡕࡀ ࡕࡀࡒࡍࡉࡕ ࡕࡀࡒࡍࡉࡕ ࡊࡀࡓࡎࡀࡅࡀࡕࡀ ࡅࡀࡐࡓࡉࡔࡉࡕ ࡏࡅࡕࡓࡉࡀ ࡖ ࡍࡉࡕࡁࡅࡍ ࡏࡋࡀࡅࡀࡉࡄࡅࡍ ࡀࡐࡓࡉࡔࡉࡕ ࡖ ࡍࡉࡕࡁࡅࡍ ࡏࡅࡕࡓࡉࡀ ࡅࡍࡉࡔࡀࡁࡅࡍ ࡋࡓࡁࡉࡀ ࡖ ࡍࡉࡌࡀࡓࡋࡊࡅࡍ ࡍࡉࡔࡀࡁࡅࡍ ࡋࡃࡉࡋࡉࡀ ࡖ ࡏࡍࡉࡔ ࡏࡍࡉࡔ ࡕࡀࡒࡍࡉࡋࡇ ࡊࡅࡓࡎࡉࡀ ࡒࡀࡌ ࡏࡅࡕࡓࡉࡀ ࡅࡌࡔࡀࡁࡉࡋࡇ ࡖ ࡁࡉࡕ ࡅࡀࡔࡊࡉࡕ ࡁࡈࡀࡁࡅࡕࡀ ࡖ ࡄࡉࡉࡀ ࡏࡋࡀࡅࡀࡉࡄࡅࡍ ࡁࡉࡕ ࡅࡀࡔࡊࡉࡕ ࡁࡈࡀࡁࡅࡕࡀ ࡖ ࡄࡉࡉࡀ ࡀࡎࡌࡉࡊࡅࡍ ࡋࡃࡉࡋࡅࡍ ࡌࡉࡔࡕࡀࡉࡉࡍ ࡄࡉࡉࡀ ࡆࡀࡊࡉࡍ ࡅࡆࡀࡊࡉࡀ ࡂࡀࡁࡓࡀ ࡖ ࡀࡎࡂࡉࡀ ࡋࡊࡀ ࡎࡀ

247. ࡗ ࡀࡆࡉࡋ ࡁࡄࡉࡓࡀ ࡃࡀࡊࡉࡀ ࡋࡀࡕࡓࡀ ࡖ ࡉࡀࡕࡁࡉࡀ ࡕࡅࡔࡋࡉࡌࡉࡀ ࡁࡄࡉࡓࡀ ࡖ ࡏࡑࡈࡋࡇ ࡉࡀࡏࡉࡋࡇ ࡅࡓࡀࡁࡀࡋࡇ ࡍࡀࡐࡔࡉࡇ ࡌࡍ ࡏࡅࡕࡓࡉࡀ ࡊࡅࡋࡄࡅࡍ ࡌࡍ ࡊࡅࡋࡄࡅࡍ ࡏࡅࡕࡓࡉࡀ ࡓࡀࡁࡀࡋࡇ ࡍࡀࡐࡔࡉࡇ ࡀࡌࡉࡍࡈࡅࡋ ࡖ ࡃࡌࡅࡕࡀࡉࡄࡅࡍ ࡖ ࡓࡁࡉࡀ ࡄࡆࡀ ࡀࡌࡉࡍࡈࡅࡋ ࡖ ࡄࡉࡆࡉࡇ ࡋࡃࡌࡅࡕࡀࡉࡄࡅࡍ ࡖ ࡓࡁࡉࡀ ࡅࡊࡀࡁࡀࡓ ࡆࡉࡅࡀࡉࡄࡅࡍ ࡋࡏࡅࡑࡓࡇ ࡏࡅࡑࡓࡀࡉࡄࡅࡍ ࡔࡐࡀࡊ ࡁࡉࡄࡃࡀࡃࡉࡀ ࡅࡁࡀࡉࡉࡍ ࡁࡅࡕࡀ ࡋࡏࡅࡕࡓࡉࡀ ࡊࡅࡋࡄࡅࡍ ࡏࡅࡕࡓࡉࡀ ࡍࡀࡎࡁࡓࡅࡍ ࡄࡃࡀࡃࡉࡀ ࡅࡄࡃࡀࡃࡉࡀ ࡁࡊࡅࡔࡈࡀ ࡍࡉࡓࡉࡄࡌࡅࡍ ࡋࡀࡍࡉࡄࡅࡉࡀ ࡁࡉࡍࡀࡕࡀࡉࡄࡅࡍ ࡐࡋࡅࡂࡕࡀ ࡖ ࡕࡉࡍࡉࡀࡍࡀ ࡀࡁࡀࡃ ࡖ ࡋࡀࡍࡉࡐࡉࡋࡂࡅࡍ ࡏࡅࡕࡓࡉࡀ ࡌࡍ ࡄࡃࡀࡃࡉࡀ ࡅࡊࡅࡋࡄࡅࡍ ࡁࡄࡃࡀ ࡌࡆࡀࡓࡆࡅࡕࡀ ࡍࡉࡆࡃࡀࡓࡆࡅࡍ ࡍࡉࡆࡃࡀࡓࡆࡅࡍ ࡁࡄࡃࡀ ࡌࡆࡀࡓࡆࡅࡕࡀ ࡅࡌࡀࡋࡀࡋࡅࡍ ࡁࡊࡅࡔࡈࡀ ࡍࡉࡄࡅࡉࡀ ࡄࡃࡀ ࡌࡀࡋࡀࡋࡅࡍ ࡄࡃࡀ ࡍࡉࡄࡅࡉࡀ ࡁࡊࡅࡔࡈࡀ ࡅࡍࡉࡃࡀࡉࡓࡅࡍ ࡁࡆࡉࡅࡀ ࡉࡀࡒࡓࡀ ࡁࡆࡉࡅࡀ ࡉࡀࡒࡓࡀ ࡍࡉࡃࡀࡉࡓࡅࡍ ࡅࡍࡉࡔࡀࡁࡅࡍ ࡋࡂࡀࡁࡓࡀ ࡖ ࡀࡎࡂࡉࡀ ࡏࡋࡀࡅࡀࡉࡄࡅࡍ ࡅࡋࡂࡀࡁࡓࡀ ࡖ ࡓࡄࡀࡌࡕࡀ ࡌࡋࡉࡍࡅࡍ ࡅࡔࡉࡃࡒࡀ ࡅࡓࡄࡀࡌࡕࡀ ࡖ ࡏࡋࡀࡅࡀࡉࡄࡅࡍ ࡔࡓࡀ ࡅࡌࡔࡀࡁࡉࡍ ࡄࡉࡉࡀ ࡅࡄࡉࡉࡀ ࡆࡀࡊࡉࡍ ࡎࡀ

248. ࡗ ࡀࡆࡉࡋ ࡁࡄࡉࡓࡀ ࡃࡀࡊࡉࡀ ࡋࡀࡕࡓࡀ ࡖ ࡉࡀࡕࡁࡉࡀ ࡕࡅࡔࡋࡉࡌࡉࡀ ࡓࡁࡀ ࡄࡅ ࡈࡀࡁࡀ ࡋࡅࡀࡕ ࡀࡁࡀࡄࡀࡕࡇ ࡌࡉࡆࡋࡇ ࡌࡉࡆࡋࡇ ࡀࡋࡅࡀࡕ ࡀࡁࡀࡄࡀࡕࡇ ࡋࡌࡉࡌࡀࡓࡋࡅࡍ ࡖ ࡔࡀࡍࡀࡉ ࡅࡉࡀࡕࡉࡓ ࡁࡀࡕࡀࡓ ࡊࡎࡉࡀ ࡏࡅ ࡄࡉࡍࡉࡀࡋࡊࡅࡍ ࡓࡁࡉࡀ ࡏࡅ ࡄࡉࡍࡉࡀࡋࡊࡅࡍ ࡓࡅࡓࡁࡉࡀ ࡏࡅ ࡄࡉࡍࡉࡀࡋࡊࡅࡍ ࡓࡁࡉࡀ ࡏࡒࡀࡓ ࡂࡉࡅࡀ ࡏࡒࡀࡓࡀ ࡁࡂࡀࡅࡇ ࡍࡉࡔࡕࡊࡉࡍ ࡏࡒࡀࡓࡀ ࡍࡉࡔࡕࡊࡉࡍ ࡁࡂࡀࡅࡇ ࡅࡏࡅࡕࡓࡉࡀ ࡄࡃࡀࡃࡉࡀ ࡍࡉࡁࡅࡍ ࡏࡅࡕࡓࡉࡀ ࡍࡉࡁࡅࡍ ࡀࡋࡅࡀࡕ ࡄࡃࡀࡃࡉࡀ ࡄࡀࡃ ࡄࡀࡃ ࡍࡉࡀࡅࡒࡀࡓ ࡀࡄࡅࡉࡀ ࡄࡀࡃ ࡄࡀࡃ ࡀࡄࡅࡉࡀ ࡍࡉࡀࡅࡒࡀࡓ ࡁࡌࡉࡋࡊࡀ ࡖ ࡌࡍ ࡃࡉࡋࡊࡅࡍ ࡀࡆࡀࡋ ࡋࡄࡉࡋ . ࡔࡀࡋࡉࡈࡉࡕ ࡀࡍࡀࡕ ࡓࡁࡀ ࡖ ࡏࡆࡉࡋ

ࡏࡒࡀࡓࡀ ࡄࡀࡕࡀࡌ ࡔࡓࡉࡀ ࡏࡒࡀࡓࡀ ࡔࡓࡉࡀ ࡄࡀࡕࡀࡌ ࡅࡁࡏࡒࡀࡓࡀ ࡃࡉࡋࡀࡍ ࡅࡃࡉࡋࡀࡊ ࡍࡉࡕࡉࡀࡅࡒࡓࡅࡍ ࡍࡉࡕࡉࡀࡅࡒࡓࡅࡍ ࡁࡄࡀࡍࡀࡕࡇ ࡏࡒࡀࡓࡀ ࡅࡍࡉࡒࡀࡁࡋࡅࡍ ࡁࡁࡉࡓࡊࡕࡀ ࡖ ࡔࡀࡃࡀࡓࡍࡀࡋࡅࡍ ࡁࡁࡉࡓࡊࡕࡀ ࡖ ࡔࡀࡃࡀࡓࡍࡀࡋࡅࡍ ࡍࡉࡒࡀࡁࡋࡅࡍ ࡅࡈࡀࡁࡅࡕࡀ ࡃࡉࡋࡀࡊ ࡍࡉࡋࡉࡂࡈࡅࡍ ࡍࡉࡄࡅࡉࡀ ࡖ ࡉࡀࡃࡉࡍ ࡏࡅࡕࡓࡉࡀ ࡖ ࡀࡍࡀࡕ ࡓࡀࡁࡉࡕ ࡌࡍ ࡊࡅࡋࡄࡅࡍ ࡏࡅࡕࡓࡉࡀ ࡀࡍࡀࡕ ࡐࡀࡄࡕࡉࡕ ࡅࡌࡄࡀࡅࡉࡀࡕࡋࡅࡍ ࡆࡉࡅࡀ ࡅࡕࡅࡔࡁࡉࡄࡕࡀ ࡉࡀࡄࡁࡀࡕࡋࡅࡍ .

ࡏࡆࡋࡉࡕ ࡋࡄࡉࡋ ࡋࡄࡉࡋ ࡏࡆࡋࡉࡕ ࡅࡔࡓࡉࡕ ࡏࡋࡀࡅࡀࡉࡄࡅࡍ ࡁࡉࡓࡊࡕࡀ ࡁࡉࡓࡉࡊࡕࡀ ࡖ ࡔࡓࡉࡕ ࡏࡋࡀࡅࡀࡉࡄࡅࡍ ࡅࡄࡉࡍࡅࡍ ࡍࡉࡒࡀࡁࡋࡅࡍ ࡅࡁࡉࡓࡉࡊࡕࡀ ࡁࡃࡉࡋࡅࡍ ࡍࡉࡁࡉࡓࡊࡅࡍ ࡍࡉࡁࡉࡓࡊࡅࡍ ࡁࡉࡓࡊࡕࡀ ࡁࡃࡉࡋࡅࡍ ࡅࡁࡕࡅࡔࡁࡉࡄࡕࡀ ࡃࡉࡋࡊࡅࡍ ࡍࡉࡕࡉࡀࡅࡒࡓࡅࡍ ࡍࡉࡕࡉࡀࡅࡒࡓࡅࡍ ࡁࡕࡅࡔࡁࡉࡄࡕࡀ ࡃࡉࡋࡊࡅࡍ ࡁࡌࡀࡌࡋࡀࡋࡀ ࡃࡉࡋࡊࡅࡍ ࡍࡉࡕࡒࡀࡉࡌࡅࡍ ࡍࡉࡕࡒࡀࡉࡌࡅࡍ ࡁࡌࡀࡌࡋࡀࡋࡀ ࡃࡉࡋࡊࡅࡍ ࡅࡌࡍ ࡃࡉࡋࡊࡅࡍ ࡋࡀࡍࡉࡐࡒࡅࡍ . ࡕࡀࡓࡌࡉࡃࡉࡀ ࡁࡊࡉࡎࡉࡀ ࡁࡀࡓࡊࡉࡋࡇ ࡋࡓࡁࡀ ࡖ ࡀࡅࡒࡉࡓࡉࡍࡅࡍ ࡅࡏࡒࡀࡓࡀ ࡏࡋࡀࡅࡀࡉࡄࡅࡍ ࡔࡓࡀ . ࡅࡌࡔࡀࡁࡉࡍ ࡄࡉࡉࡀ ࡎࡀ

249. ࡗ ࡀࡆࡉࡋ ࡁࡄࡉࡓࡀ ࡃࡀࡊࡉࡀ ࡋࡀࡕࡓࡀ ࡖ ࡉࡀࡕࡁࡉࡀ ࡕࡅࡔࡋࡉࡌࡉࡀ ࡋࡀࡕࡓࡀ ࡖ ࡕࡅࡔࡋࡉࡌࡉࡀ ࡉࡀࡕࡁࡉࡀ ࡅࡊࡎࡉࡉࡀ ࡁࡍࡀࡐࡔࡀࡉࡄࡅࡍ ࡅࡌࡉࡕࡀࡐࡓࡉࡔࡉࡀ ࡀࡎࡂࡉࡀ ࡋࡅࡀࡕࡀࡉࡄࡅࡍ ࡖ ࡍࡉࡌࡀࡓࡋࡅࡍ ࡖ ࡔࡀࡍࡀࡉ ࡌࡀࡌࡋࡀ ࡏࡅ ࡄࡉࡍࡉࡀࡋࡊࡅࡍ ࡓࡁࡉࡀ ࡏࡅ ࡄࡉࡍࡉࡀࡋࡊࡅࡍ ࡓࡅࡓࡁࡉࡀ ࡏࡅ ࡄࡉࡍࡉࡀࡋࡊࡅࡍ ࡓࡁࡉࡀ ࡏࡌࡀࡓ ࡃࡉࡋࡉࡀ ࡒࡀࡁࡋࡅࡉࡀ ࡍࡉࡄࡅࡍ ࡄࡀࡕࡌࡉࡀ ࡃࡀࡊࡉࡉࡀ ࡅࡍࡀࡈࡓࡅࡕࡀ ࡖ ࡎࡀࡊࡀ ࡋࡉࡕࡋࡇ ࡕࡉࡄࡅࡉࡀ ࡌࡆࡀࡓࡆࡅࡕࡀ ࡃࡉࡋࡊࡅࡍ ࡏࡅࡕࡓࡉࡀ ࡁࡂࡀࡅࡇ ࡍࡉࡆࡃࡀࡓࡆࡅࡍ ࡏࡋࡇ ࡌࡆࡀࡓࡆࡉࡕࡋࡅࡍ ࡁࡊࡅࡔࡈࡀ ࡅࡑࡀࡅࡕࡀ ࡋࡀࡉࡀࡕࡁࡉࡀ ࡗ ࡀࡍࡀࡕࡅࡍ ࡌࡆࡀࡓࡆࡉࡕࡋࡅࡍ ࡁࡊࡅࡔࡈࡀ ࡅࡑࡀࡅࡕࡀ ࡍࡀࡈࡓࡉࡀ ࡔࡉࡃࡒࡀ ࡅࡍࡀࡈࡓࡉࡍ ࡅࡑࡀࡅࡕࡀ ࡀࡊࡅࡀࡕ ࡃࡉࡋࡊࡅࡍ ࡌࡄࡀࡔࡁࡉࡍ ࡅࡀࡁࡃࡉࡍ ࡌࡄࡀࡔࡁࡉࡍ ࡅࡀࡁࡃࡉࡍ ࡀࡊࡅࡀࡕ ࡃࡉࡋࡊࡅࡍ ࡅࡏࡁࡉࡃࡀࡕࡅࡍ ࡕࡀࡒࡍࡀࡍ ࡕࡀࡒࡍࡀࡍ ࡏࡁࡉࡃࡀࡕࡀࡍ ࡅࡌࡅࡋࡊࡀࡍࡉࡀ ࡖ ࡔࡉࡄࡉࡀ ࡌࡉࡍࡀࡉࡄࡅࡍ ࡍࡀࡐࡒࡉࡀ ࡅࡌࡀࡋࡊࡉࡀ ࡌࡉࡋࡊࡉࡀ ࡋࡄࡃࡀࡃࡉࡀ ࡅࡋࡀࡉࡐࡉࡀ ࡋࡀࡅࡐࡀ ࡋࡓࡅࡓࡁࡉࡀ ࡅࡋࡃࡉࡓࡃࡒࡉࡀ ࡅࡄࡉࡉࡀ ࡆࡀࡊࡉࡍ ࡎࡀ

250. ࡗ ࡀࡆࡉࡋ ࡁࡄࡉࡓࡀ ࡃࡀࡊࡉࡀ ࡋࡀࡕࡓࡀ ࡖ ࡉࡀࡕࡁࡉࡀ ࡕࡅࡔࡋࡉࡌࡉࡀ ࡋࡀࡕࡓࡀ ࡖ ࡍࡉࡄࡀ ࡑࡀࡅࡕࡇ ࡅࡉࡀࡒࡉࡓࡀ ࡃࡌࡅࡕࡇ ࡅࡕࡀࡒࡍࡉࡀ ࡅࡉࡀࡒࡉࡓࡉࡀ ࡖ ࡉࡀࡕࡁࡉࡁࡇ ࡅࡊࡔࡉࡈࡉࡀ ࡍࡀࡐࡔࡀࡉࡄࡅࡍ ࡌࡍ ࡓࡉࡔ ࡁࡓࡉࡔ ࡁࡓࡉࡔࡀࡉࡄࡅࡍ ࡊࡅࡔࡈࡀ ࡅࡌࡆࡀࡓࡆࡅࡕࡀ ࡁࡃࡅࡊࡕࡀࡉࡄࡅࡍ ࡄࡀࡊࡌࡉࡀ ࡅࡉࡀࡃࡉࡀ ࡅࡐࡀࡓࡔࡉࡀ ࡅࡁࡋࡉࡁࡀࡉࡄࡅࡍ ࡖ ࡍࡀࡐࡔࡀࡉࡄࡅࡍ ࡌࡉࡕࡍࡀࡈࡓࡉࡀ . ࡌࡀࡋࡉࡋ ࡁࡄࡉࡓࡀ ࡃࡀࡊࡉࡀ ࡋࡄࡉࡍࡅࡍ ࡓࡁࡉࡀ ࡖ ࡍࡉࡌࡀࡓࡋࡅࡍ ࡏࡅ ࡄࡉࡍࡉࡀࡋࡊࡅࡍ ࡓࡁࡉࡀ ࡏࡅ ࡄࡉࡍࡉࡀࡋࡊࡅࡍ ࡓࡅࡓࡁࡉࡀ ࡏࡅ ࡄࡉࡍࡉࡀࡋࡊࡅࡍ ࡓࡁࡉࡀ ࡌࡀࡋࡉࡋ ࡂࡉࡍࡆࡀࡉࡊࡅࡍ ࡐࡕࡀ ࡌࡀࡋࡉࡋ ࡐࡕ ࡂࡉࡍࡆࡀࡉࡊࡅࡍ ࡅࡀࡍࡐࡉࡒ ࡌࡉࡍࡇ ࡈࡀࡁࡅࡕࡀ ࡈࡀࡁࡅࡕࡀ ࡀࡍࡐࡉࡒ ࡌࡉࡍࡇ ࡅࡀࡄࡁࡀࡋࡉࡀ ࡋࡃࡉࡋࡉࡀ ࡀࡁࡃࡀ ࡏࡄࡁࡀࡋࡉࡀ ࡀࡁࡃࡀ ࡋࡃࡉࡋࡉࡀ ࡖ ࡋࡀࡍࡉࡄࡅࡉࡁࡇ ࡄࡀࡎࡉࡓ ࡅࡁࡑࡉࡓ ࡌࡉࡍࡇ ࡏࡕࡉࡋࡅࡍ ࡋࡀࡄࡀࡉ ࡅࡌࡉࡍࡇ ࡏࡕࡉࡋࡅࡍ ࡋࡊࡅࡋࡄࡅࡍ ࡁࡍࡀࡉ ࡋࡁࡍࡀࡉ ࡏࡕࡉࡋࡅࡍ ࡅࡁࡇ ࡅࡁࡃࡉࡋࡊࡅࡍ ࡍࡉࡕࡒࡀࡉࡌࡅࡍ ࡍࡉࡕࡒࡀࡉࡌࡅࡍ ࡁࡒࡀࡉࡀࡌࡕࡀࡉࡊࡅࡍ ࡃࡉࡋࡊࡅࡍ ࡅࡍࡉࡕࡁࡉࡓࡊࡅࡍ ࡁࡁࡉࡓࡊࡕࡀ ࡖ ࡌࡍ ࡃࡉࡋࡊࡅࡍ ࡄࡅࡀࡕ . ࡄࡀࡔࡅࡁࡉࡀ ࡖ ࡄࡀࡔࡉࡁ ࡓࡁࡀ

ࡄࡀࡔࡉࡁ ࡏࡋࡇ ࡋࡈࡀࡁࡕࡀ ࡄࡀࡔࡅࡁࡉࡀ ࡖ ࡄࡀࡔࡉࡁ ࡓࡁࡀ ࡏࡅࡕࡓࡉࡀ ࡎࡀࡂࡃࡉࡀ ࡅࡌࡔࡀࡁࡉࡀ ࡎࡀࡂࡃࡉࡀ ࡅࡌࡔࡀࡁࡉࡀ ࡏࡅࡕࡓࡉࡀ ࡋࡂࡀࡁࡓࡀ ࡖ ࡂࡉࡍࡆࡀࡉࡄࡅࡍ ࡐࡕࡀ ࡋࡂࡀࡁࡓࡀ ࡖ ࡐࡕࡀ ࡂࡉࡍࡆࡀࡉࡄࡅࡍ ࡅࡋࡂࡀࡁࡓࡀ ࡖ ࡔࡀࡃࡀࡓࡋࡅࡍ ࡈࡀࡁࡕࡀ . ࡏࡅࡕࡓࡀ ࡎࡂࡉࡃ ࡎࡉࡂࡅࡃࡕࡀ ࡅࡒࡀࡁࡋࡀ ࡋࡊࡅࡋࡇ ࡈࡀࡁࡕࡀ ࡅࡄࡉࡉࡀ ࡆࡀࡊࡉࡍ ࡎࡀ

251. ࡗ ࡀࡆࡉࡋ ࡁࡄࡉࡓࡀ ࡃࡀࡊࡉࡀ ࡋࡀࡕࡓࡀ ࡖ ࡉࡀࡕࡁࡉࡀ ࡕࡅࡔࡋࡉࡌࡉࡀ ࡋࡀࡕࡓࡀ ࡖ ࡉࡀࡒࡉࡓ ࡌࡉࡒࡀࡓ ࡅࡃࡌࡅࡕࡇ ࡕࡀࡒࡍࡀ . ࡌࡀࡋࡉࡋ ࡅࡀࡌࡀࡓࡋࡅࡍ ࡋࡓࡁࡉࡀ ࡖ ࡃࡌࡅࡕࡀࡉࡄࡅࡍ ࡕࡀࡒࡍࡀ ࡏࡅ ࡄࡉࡍࡉࡀࡋࡊࡅࡍ ࡓࡁࡉࡀ ࡏࡅ ࡄࡉࡍࡉࡀࡋࡊࡅࡍ ࡓࡅࡓࡁࡉࡀ ࡏࡅ ࡄࡉࡍࡉࡀࡋࡊࡅࡍ ࡓࡁࡉࡀ ࡐࡓࡀࡔ ࡆࡉࡅࡀ ࡍࡉࡐࡕࡀ ࡍࡉࡐࡕࡀ ࡐࡓࡀࡔ ࡆࡉࡅࡀ ࡅࡍࡉࡔࡕࡀࡅࡉࡁࡇ ࡔࡉࡓࡔࡀ ࡕࡀࡒࡍࡀ ࡖ ࡌࡍ ࡔࡉࡓࡔࡀ ࡍࡉࡄࡅࡍ ࡂࡅࡐࡍࡉࡀ ࡃࡀࡊࡉࡉࡀ ࡖ ࡋࡃࡉࡋࡊࡅࡍ ࡕࡅࡔࡁࡉࡄࡕࡀ ࡍࡉࡎࡒࡅࡍ ࡖ ࡌࡍ ࡂࡅࡐࡍࡉࡀ ࡖ ࡄࡀࡅࡉࡍ ࡍࡉࡍࡉࡂࡁࡅࡍ ࡍࡉࡂࡁࡉࡀ ࡍࡉࡂࡁࡉࡀ ࡓࡀࡅࡆࡉࡀ ࡖ ࡌࡍ ࡍࡉࡂࡁࡉࡀ ࡖ ࡄࡀࡅࡉࡍ ࡀࡂࡓࡀ ࡅࡆࡉࡃࡒࡀ ࡍࡉࡕࡓࡉࡑ ࡍࡉࡕࡓࡉࡑ ࡀࡂࡓࡀ ࡅࡆࡉࡃࡒࡀ ࡅࡁࡊࡀࡍࡀ ࡖ ࡍࡀࡐࡔࡉࡇ ࡍࡉࡕࡓࡉࡑ ࡍࡉࡕࡓࡉࡑ ࡁࡊࡀࡍࡀ ࡖ ࡍࡀࡐࡔࡉࡇ ࡅࡌࡉࡍࡇ ࡍࡉࡔࡕࡐࡅࡍ ࡌࡉࡀ ࡅࡍࡉࡄࡅࡉࡋࡅࡍ ࡔࡓࡀࡓࡀ ࡋࡊࡅࡋࡄࡅࡍ ࡐࡀࡎࡉࡌࡊࡉࡀ ࡍࡉࡕࡉࡌࡋࡅࡍ ࡁࡄࡀࡉࡌࡀࡍࡅࡕࡀ ࡅࡍࡉࡕࡄࡀࡉࡌࡀࡍ ࡁࡃࡉࡋࡊࡅࡍ . ࡀࡍࡀࡕ ࡀࡌࡀࡓࡕ ࡅࡀࡍࡀࡕ ࡒࡀࡉࡉࡌࡉࡕ ࡅࡀࡍࡀࡕ ࡕࡀࡒࡍࡇ ࡅࡀࡎࡒࡇ ࡋࡓࡉࡔ . ࡀࡕࡉࡕ ࡅࡐࡕࡀࡄࡕࡇ ࡋࡐࡓࡀࡔ ࡆࡉࡅࡀ ࡅࡕࡓࡀࡑࡉࡁࡇ ࡌࡀࡑࡁࡅࡕࡀ ࡖ ࡋࡀࡁࡀࡈࡋࡀ ࡕࡓࡀࡑࡉࡁࡇ ࡔࡀࡓࡔࡀ ࡕࡀࡒࡍࡀ ࡖ ࡌࡀࡍࡄࡀࡓ ࡅࡍࡀࡄࡀࡓ ࡅࡋࡀࡌࡉࡐࡎࡉࡒ ࡅࡌࡔࡀࡁࡉࡍ ࡄࡉࡉࡀ ࡎࡀ

252. ࡗ ࡀࡆࡉࡋ ࡁࡄࡉࡓࡀ ࡃࡀࡊࡉࡀ ࡋࡀࡕࡓࡀ ࡖ ࡉࡀࡕࡁࡉࡀ ࡕࡅࡔࡋࡉࡌࡉࡀ ࡋࡀࡕࡓࡀ ࡖ ࡌࡉࡌࡓࡇ ࡁࡀࡎࡉࡌ ࡅࡔࡅࡕࡇ ࡔࡀࡍࡉࡀ ࡅࡌࡍࡀࡊࡓࡉࡀ ࡋࡀࡕࡓࡀ ࡖ ࡌࡀࡊࡀ ࡍࡀࡐࡔࡉࡇ ࡅࡂࡀࡁࡀࡓࡅࡀࡕࡀ ࡋࡉࡕࡁࡇ . ࡏࡅ ࡄࡉࡍࡉࡀࡋࡊࡅࡍ ࡓࡁࡉࡀ ࡏࡅ ࡄࡉࡍࡉࡀࡋࡊࡅࡍ ࡓࡅࡓࡁࡉࡀ ࡏࡅ ࡄࡉࡍࡉࡀࡋࡊࡅࡍ ࡓࡁࡉࡀ ࡁࡉࡋࡅࡓࡀ ࡃࡀࡊࡉࡀ ࡍࡉࡕࡓࡉࡑ ࡍࡉࡕࡓࡉࡑ ࡁࡉࡋࡅࡓࡀ ࡃࡀࡊࡉࡀ ࡅࡊࡀࡎࡉࡀࡕࡀ ࡖ ࡁࡇ ࡍࡉࡕࡒࡀࡉࡌࡀ ࡍࡉࡕࡉࡀ ࡄࡉࡁࡉࡋ ࡏࡅࡕࡓࡀ ࡅࡍࡉࡕࡉࡁ ࡋࡐࡓࡀࡔ ࡅࡍࡉࡍࡉࡈࡓࡇ ࡍࡉࡕࡅࡍ ࡕࡓࡉࡍ ࡂࡅࡁࡓࡉࡀ ࡋࡉࡀࡌࡉࡍࡇ ࡅࡍࡉࡕࡓࡉࡑ ࡍࡉࡔࡕࡉࡊࡍࡀࡕ ࡕࡋࡀࡕ ࡔࡊࡉࡍࡀࡕࡀ ࡕࡉࡔࡕࡉࡓࡉࡁࡉࡍ ࡁࡉࡓࡊࡕࡀ ࡁࡉࡓࡉࡊࡕࡀ ࡕࡉࡔࡓࡉࡁࡉࡍ ࡊࡀࡎࡉࡀࡕࡀ ࡖ ࡊࡎࡉࡁࡀ ࡄࡀࡃ ࡄࡀࡃ ࡕࡉࡄࡅࡉࡀ ࡌࡀࡓࡂࡀࡍࡉࡕࡀ ࡖ ࡕࡉࡍࡄࡉࡓࡉࡍࡅࡍ ࡋࡉࡋࡁࡉࡀ ࡄࡀࡔࡊࡉࡀ ࡊࡅࡋࡄࡅࡍ ࡍࡉࡕࡉࡌࡋࡅࡍ ࡁࡄࡀࡉࡌࡀࡍࡅࡕࡀ ࡅࡋࡊࡔࡉࡋࡉࡀ ࡍࡉࡕࡓࡀࡍࡃࡀࡃࡅࡍ ࡖ ࡌࡉࡕࡓࡀࡍࡃࡀࡃ ࡌࡉࡍࡇ ࡍࡉࡎࡀࡒ ࡖ ࡌࡀࡊࡔࡉࡋ ࡍࡉࡎࡅࡐ ࡋࡃࡅࡊࡕࡇ ࡖ ࡔࡉࡄࡉࡀ ࡅࡔࡀࡅࡉࡀ ࡅࡌࡔࡀࡋࡀࡌ ࡌࡍ ࡀࡕࡓࡇ ࡋࡀࡍࡉࡐࡎࡉࡒ ࡍࡉࡕࡉࡓࡄࡉࡑ ࡁࡓࡅࡄࡑࡀࡍࡀ ࡅࡄࡉࡉࡀ ࡍࡉࡄࡅࡉࡋࡇ ࡎࡉࡌࡀࡊࡀ ࡄࡉࡉࡀ ࡎࡉࡌࡀࡊࡀ ࡍࡉࡄࡅࡉࡋࡇ ࡅࡁࡀࡕࡓࡀ ࡖ ࡍࡀࡐࡔࡉࡇ ࡍࡉࡕࡍࡀࡈࡀࡓ ࡅࡌࡔࡀࡁࡉࡍ ࡄࡉࡉࡀ ࡎࡀ

253. ࡗ ࡀࡆࡉࡋ ࡁࡄࡉࡓࡀ ࡃࡀࡊࡉࡀ ࡋࡀࡕࡓࡀ ࡖ ࡉࡀࡕࡁࡉࡀ ࡕࡅࡔࡋࡉࡌࡉࡀ ࡋࡀࡕࡓࡀ ࡖ ࡍࡀࡈࡀࡓࡕࡀ ࡖ ࡌࡀࡐࡓࡉࡔࡀࡋࡅࡍ ࡋࡑࡀࡅࡕࡀࡉࡄࡅࡍ ࡖ ࡓࡁࡉࡀ . ࡌࡀࡋࡉࡋ ࡁࡄࡉࡓࡀ ࡃࡀࡊࡉࡀ ࡋࡄࡉࡍࡅࡍ ࡓࡁࡉࡀ ࡖ ࡍࡉࡌࡀࡓࡋࡅࡍ ࡏࡅ ࡄࡉࡍࡉࡀࡋࡊࡅࡍ ࡓࡁࡉࡀ ࡏࡅ ࡄࡉࡍࡉࡀࡋࡊࡅࡍ ࡓࡅࡓࡁࡉࡀ ࡏࡅ ࡄࡉࡍࡉࡀࡋࡊࡅࡍ ࡓࡁࡉࡀ

ࡏࡌࡀࡓ ࡌࡀࡌࡋࡀ ࡅࡎࡌࡅࡊ ࡏࡋࡇ ࡏࡌࡀࡓ ࡌࡀࡌࡋࡀ ࡅࡏࡋࡇ ࡎࡌࡅࡊ ࡄࡉࡍ ࡄࡉࡍࡉࡀࡋࡊࡅࡍ ࡓࡁࡉࡀ ࡍࡉࡕࡁࡀࡃ ࡄࡀࡆࡉࡍ ࡌࡀࡈࡓࡀ ࡊࡀࡎࡉࡀ ࡅࡏࡕࡀࡕࡍࡀ ࡋࡂࡀࡁࡓࡀ ࡍࡀࡈࡓࡀ ࡁࡏࡍࡐࡉࡔ ࡏࡕࡉࡁ ࡅࡏࡍࡉࡈࡓࡇ ࡅࡁࡉࡅࡉࡇ ࡅࡋࡅࡀࡕࡀࡉࡊࡅࡍ ࡀࡎࡒࡅࡉࡀ ࡁࡉࡅࡉࡀ ࡅࡀࡎࡒࡅࡉࡀ ࡋࡅࡀࡕࡀࡉࡊࡅࡍ ࡖ ࡍࡉࡕࡉࡀ ࡅࡍࡉࡄࡉࡆࡉࡇ ࡋࡃࡌࡅࡕࡀࡉࡊࡅࡍ ࡍࡉࡕࡉࡀ ࡅࡊࡅࡔࡈࡀࡉࡊࡅࡍ ࡍࡉࡐࡔࡅࡈ ࡍࡉࡎࡀࡒ ࡅࡍࡉࡔࡉࡌࡀ ࡋࡔࡅࡕࡀࡉࡊࡅࡍ ࡖ ࡌࡍࡀࡊࡓࡉࡀ ࡎࡀ ࡀࡍࡀࡕ ࡀࡌࡀࡓࡕ ࡏࡋࡇ ࡅࡀࡍࡀࡕ ࡁࡅࡉࡉࡇ ࡅࡋࡄࡀࡊࡀ ࡀࡕࡉࡉࡇ ࡁࡅࡉࡉࡇ ࡅࡀࡕࡉࡉࡇ ࡋࡄࡀࡊࡀ ࡅࡄࡉࡉࡀ ࡈࡀࡁࡅࡕࡀࡊ ࡃࡉࡋࡀࡊ ࡍࡉࡒࡀࡁࡋࡀ ࡎࡀ ࡍࡉࡎࡀࡁ ࡆࡉࡅࡀ ࡁࡍࡐࡉࡔ ࡅࡍࡄࡅࡓࡀ ࡖ ࡎࡀࡊࡀ ࡋࡉࡕࡋࡇ ࡍࡉࡎࡀࡁ ࡆࡉࡅࡀ ࡁࡍࡐࡉࡔ ࡅࡀࡎࡂࡉࡕ ࡋࡌࡀࡈࡓࡀ ࡊࡀࡎࡉࡀ ࡀࡕࡉࡕ ࡒࡅࡌ ࡒࡅࡌ ࡌࡀࡈࡓࡀࡉࡉࡀ ࡁࡍࡐࡉࡔ ࡌࡀࡈࡀࡓࡕࡀࡊ ࡍࡈࡀࡓࡕ ࡒࡅࡌ ࡋࡁࡅࡔ ࡖ ࡔࡀࡃࡀࡓࡋࡀࡊ ࡓࡁࡉࡀ ࡅࡀࡎࡂࡉࡀ ࡋࡅࡀࡕࡀࡉࡄࡅࡍ ࡀࡕࡀ ࡄࡉࡍࡅࡍ ࡁࡉࡅࡊ ࡋࡅࡀࡕࡅࡍ ࡅࡀࡍࡀ ࡁࡀࡉࡕࡀࡊ ࡅࡀࡕࡀ ࡋࡅࡀࡕࡀࡉࡀࡍ ࡅࡔࡉࡌࡀ ࡋࡔࡅࡕࡀࡉࡄࡅࡍ ࡖ ࡌࡍࡀࡊࡓࡉࡀ ࡎࡀ ࡊࡅࡔࡈࡀ ࡐࡔࡀࡈࡋࡀࡊ ࡓࡁࡉࡀ ࡀࡁࡓࡇ ࡋࡐࡀࡅࡓࡀ ࡌࡍ ࡏࡅࡑࡓࡀࡊ ࡏࡅࡑࡓࡀࡊ ࡁࡃࡉࡋࡀࡍ ࡍࡉࡕࡉࡌࡋࡉࡀ ࡅࡋࡁࡅࡔࡀࡊ ࡋࡁࡅࡔࡀࡍ ࡍࡉࡄࡅࡉࡀ ࡄࡃࡀ ࡅࡌࡔࡀࡁࡉࡍ ࡄࡉࡉࡀ ࡅࡄࡉࡉࡀ ࡆࡀࡊࡉࡍ ࡎࡀ ࡄࡀࡋࡉࡍ ࡕࡓࡉࡍ ࡏࡍࡉࡀࡍࡉࡀ ࡅࡕࡓࡉࡍ ࡃࡓࡀࡔࡉࡀ ࡌࡉࡕࡒࡉࡓࡉࡉࡍ ࡋࡌࡀࡓࡉࡀ ࡕࡀࡂࡀ ࡗ ࡐࡀࡎࡒࡉࡕ ࡏࡋࡇ ࡒࡀࡁࡉࡍ ࡒࡓࡉࡍࡅࡍ ࡀࡁࡀࡕࡀࡓ

ࡏࡍࡉࡀࡍࡀ ࡋࡀࡕࡓࡀ ࡖ ࡌࡉࡌࡓࡇ ࡁࡀࡎࡉࡌ ࡅࡒࡓࡉࡍࡅࡍ ࡋࡔࡅࡀࡋࡉࡀ ࡁࡔࡊࡉࡍࡕࡀ ࡅࡒࡀࡁࡉࡍ ࡖ ࡌࡀࡍࡃࡀࡉࡀ ࡋࡀࡕࡉࡒࡓࡉࡍࡅࡍ ࡏࡆࡃࡀࡄࡀࡓ ࡖ ࡄࡉࡍࡅࡍ ࡋࡌࡀࡓࡉࡀ ࡕࡀࡂࡀ ࡌࡉࡕࡒࡉࡓࡉࡉࡍ ࡅࡄࡀࡉࡆࡀࡊ ࡒࡓࡉࡀ ࡏࡍࡉࡀࡍࡀ ࡋࡌࡉࡆࡀࡋ ࡅࡋࡌࡉࡁࡀࡃ ࡏࡁࡉࡃࡀࡕࡀ ࡀࡋࡌࡀ ࡋࡎࡀࡉࡀࡊࡕࡀ ࡎ ࡀ . ࡅࡕࡅࡌ . ࡄࡀࡆࡉࡍ ࡁࡅࡕࡀ ࡖ ࡌࡀࡈࡀࡓࡕࡀ ࡒࡀࡓࡀࡋࡇ ࡂࡀࡍࡆࡉࡁࡓࡀ ࡅࡕࡀࡓࡌࡉࡃࡉࡀ ࡏࡋࡇ ࡓࡉࡔࡀ ࡖ ࡔࡅࡀࡋࡉࡀ ࡄࡅ ࡅࡕࡀࡓࡌࡉࡃࡉࡀ ࡅࡐࡀࡔࡈࡉࡀ ࡊࡅࡔࡈࡀ ࡌࡍ ࡔࡅࡀࡋࡉࡀ ࡅࡕࡀࡓࡌࡉࡃࡉࡀ ࡅࡄࡉࡉࡀ ࡆࡀࡊࡉࡍ ࡎࡀ

254. ࡗ ࡀࡆࡉࡋ ࡁࡄࡉࡓࡀ ࡃࡀࡊࡉࡀ ࡋࡀࡕࡓࡀ ࡖ ࡉࡀࡕࡁࡉࡀ ࡕࡅࡔࡋࡉࡌࡉࡀ ࡋࡌࡉࡆࡀࡋ ࡅࡌࡉࡁࡀࡃ ࡏࡁࡉࡃࡀࡕࡀ ࡅࡏࡋ ࡌࡉࡄࡅࡉࡁࡉࡍ ࡍࡀࡈࡓࡀ ࡎࡀࡃࡅࡓࡀ ࡀࡍࡀ ࡖ ࡐࡀࡒࡃࡅࡍ ࡓࡁࡉࡀ ࡅࡋࡀࡍࡄࡅࡉࡉࡀ ࡔࡊࡉࡍࡀࡕࡀ ࡊࡅࡋࡄࡉࡍ ࡀࡍࡄࡀࡓࡕࡀ ࡀࡍࡀ ࡒࡀࡃࡌࡀࡉࡕࡀ ࡀࡌࡉࡍࡈࡅࡋ ࡖ ࡋࡃࡉࡋࡉࡀ ࡏࡅࡕࡓࡉࡀ ࡍࡄࡀ ࡀࡌࡉࡍࡈࡅࡋ ࡖ ࡋࡃࡉࡋࡉࡀ ࡍࡄࡀ ࡏࡅࡕࡓࡉࡀ ࡅࡏࡎࡕࡀࡃࡀࡓ ࡐࡀࡎࡉࡌࡊࡉࡀ ࡊࡅࡋࡄࡅࡍ ࡍࡄࡀࡓ ࡁࡆࡉࡅࡀ ࡖ ࡄࡃࡀࡃࡉࡀ ࡅࡏࡕࡒࡀࡉࡀࡌ ࡍࡄࡅࡓࡀ ࡁࡏࡅࡑࡓࡉࡀ ࡊࡅࡋࡄࡉࡍ ࡏࡁࡉࡃࡀࡕࡀ ࡖ ࡀࡁࡃࡉࡕ ࡀࡒࡌࡉࡕ ࡏࡋࡀࡅࡀࡉࡄࡅࡍ ࡓࡁࡉࡀ ࡅࡀࡍࡀ ࡄࡅࡉࡕࡉࡁࡅࡍ ࡍࡀࡈࡓࡀ ࡀࡍࡀ ࡍࡀࡈࡓࡀ ࡄࡅࡉࡕࡉࡁࡅࡍ ࡅࡀࡎࡌࡉࡊ ࡀࡋࡌࡉࡀ ࡖ ࡍࡄࡅࡓࡀ ࡊࡅࡋࡄࡅࡍ ࡋࡃࡅࡊࡕࡀࡉࡄࡅࡍ ࡅࡌࡔࡀࡁࡉࡍ ࡄࡉࡉࡀ ࡅࡄࡉࡉࡀ ࡆࡀࡊࡉࡍ ࡋࡊࡅࡋࡄࡅࡍ ࡏࡅࡁࡀࡃࡉࡀ ࡅࡆࡀࡊࡉࡀ ࡂࡀࡁࡓࡀ ࡖ ࡀࡎࡂࡉࡀ ࡋࡊࡀ ࡎࡀ

255. ࡗ ࡀࡆࡉࡋ ࡁࡄࡉࡓࡀ ࡃࡀࡊࡉࡀ ࡋࡀࡕࡓࡀ ࡖ ࡉࡀࡕࡁࡉࡀ ࡕࡅࡔࡋࡉࡁࡉࡀ ࡋࡀࡕࡓࡀ ࡖ ࡊࡎࡉࡀ ࡆࡉࡅࡇ ࡅࡃࡌࡅࡕࡀࡉࡄࡅࡍ ࡃࡉࡋࡅࡍ ࡉࡀࡒࡓࡉࡀ . ࡌࡀࡋࡉࡋ ࡁࡄࡉࡓࡀ ࡃࡀࡊࡉࡀ ࡋࡄࡉࡍࡅࡍ ࡓࡁࡉࡀ ࡖ ࡍࡉࡌࡀࡓࡋࡅࡍ ࡕࡀࡓࡌࡉࡃࡀ ࡀࡍࡀ ࡃࡉࡋࡊࡅࡍ ࡖ ࡋࡉࡂࡈࡉࡕ ࡅࡎࡉࡁࡓࡉࡕ ࡌࡉࡍࡇ ࡌࡍ ࡄࡅࡊࡅࡌࡕࡀࡉࡊࡅࡍ ࡒࡀࡌࡉࡕ ࡒࡅࡃࡀࡌࡀࡉࡊࡅࡍ ࡗ ࡁࡓࡀ ࡖ ࡒࡀࡉࡉࡌ ࡒࡅࡃࡀࡌ ࡀࡁࡅࡉࡀ ࡀࡍࡀࡕࡅࡍ ࡀࡌࡀࡓࡕࡅࡋࡉࡀ ࡅࡀࡍࡀ ࡔࡉࡌࡉࡕ ࡅࡃࡐࡀࡒࡉࡃࡕࡅࡍ ࡀࡍࡀࡕࡅࡍ ࡀࡍࡀ ࡏࡁࡃࡉࡕ ࡕࡅࡔࡁࡉࡄࡕࡀ ࡖ ࡏࡄࡀࡁࡕࡅࡋࡉࡀ ࡀࡍࡀ ࡔࡀࡃࡉࡓࡕࡇ ࡋࡊࡅࡋࡄࡅࡍ ࡀࡋࡌࡉࡀ ࡖ ࡍࡄࡅࡓࡀ ࡖ ࡀࡄࡀࡁࡕࡅࡋࡉࡀ ࡀࡍࡀ ࡀࡅࡈࡉࡐࡕࡇ ࡋࡊࡅࡋࡄࡅࡍ ࡐࡀࡎࡉࡌࡊࡉࡀ ࡌࡉࡍࡀࡉࡊࡅࡍ ࡋࡀࡍࡉࡐࡒࡉࡕ ࡅࡌࡀࡌࡋࡀ ࡄࡅࡓࡉࡍࡉࡀ ࡋࡀࡄࡅࡀࡋࡉࡀ . ࡌࡔࡀࡁࡉࡋࡇ ࡓࡁࡉࡀ ࡁࡐࡅࡌࡀࡉࡄࡅࡍ ࡃࡀࡊࡉࡀ ࡋࡁࡄࡉࡓࡀ ࡖ ࡐࡀࡓࡔࡉࡂࡍࡀ ࡀࡌࡀࡓ ࡊࡌࡀ ࡍࡉࡄࡉࡕ ࡅࡌࡊࡉࡊࡉࡕ ࡉࡀࡅࡀࡓ ࡊࡌࡀ ࡀࡍࡀࡕ ࡌࡔࡀࡅࡉࡀࡍࡀ ࡅࡌࡔࡀࡃࡊࡀࡍࡀ ࡀࡍࡀࡕ ࡌࡔࡀࡅࡉࡀ ࡅࡌࡔࡀࡃࡀࡊ ࡏࡅࡕࡓࡉࡀ ࡅࡉࡀࡄࡁࡀࡕࡋࡅࡍ ࡔࡓࡀࡓࡀ ࡋࡐࡀࡎࡉࡌࡊࡉࡀ ࡅࡄࡉࡉࡀ ࡆࡀࡊࡉࡍ ࡎࡀ

256. ࡗ ࡀࡆࡉࡋ ࡁࡄࡉࡓࡀ ࡃࡀࡊࡉࡀ ࡋࡀࡕࡓࡀ ࡖ ࡉࡀࡕࡁࡉࡀ ࡕࡅࡔࡋࡉࡌࡉࡀ ࡋࡀࡕࡓࡀ ࡖ ࡍࡅࡊࡓࡀࡉࡀ ࡖ ࡔࡓࡉࡁࡇ ࡁࡎࡀࡊࡀ ࡕࡀࡒࡍࡀ ࡁࡎࡀࡊࡀ ࡕࡀࡒࡍࡀ ࡔࡓࡉࡁࡇ ࡅࡔࡓࡉࡁࡇ ࡁࡀࡕࡓࡀ ࡉࡀࡒࡓࡀ . ࡌࡀࡋࡉࡋ ࡁࡄࡉࡓࡀ ࡃࡀࡊࡉࡀ ࡋࡄࡉࡍࡅࡍ ࡓࡁࡉࡀ ࡖ ࡍࡉࡌࡀࡓࡋࡅࡍ ࡏࡅ ࡄࡉࡍࡉࡀࡋࡊࡅࡍ ࡓࡁࡉࡀ ࡏࡅ ࡄࡉࡍࡉࡀࡋࡊࡅࡍ ࡓࡅࡓࡁࡉࡀ ࡏࡅ ࡄࡉࡍࡉࡀࡋࡊࡅࡍ ࡓࡁࡉࡀ ࡏࡁࡉࡃࡀࡕࡀ ࡖ ࡀࡁࡃࡉࡕ ࡍࡉࡎࡕࡀࡃࡓࡀࡍ ࡍࡉࡎࡕࡀࡃࡓࡀࡍ ࡏࡁࡉࡃࡀࡕࡀ ࡖ ࡀࡁࡃࡉࡕ ࡅࡊࡅࡋ ࡖ ࡒࡅࡃࡀࡌࡀࡉࡊࡅࡍ

ࡏࡁࡃࡉࡕ ࡍࡉࡎࡕࡀࡃࡀࡓ ࡄࡀࡋࡉࡍ ࡌࡀࡋࡀࡋࡉࡀ ࡖ ࡏࡌࡓࡉࡕ ࡒࡅࡃࡀࡌࡀࡉࡊࡅࡍ ࡅࡀࡍࡀ ࡍࡉࡕࡀࡒࡍࡅࡋࡉࡀ ࡄࡉࡆࡅࡀࡉ ࡀࡊࡅࡀࡕ ࡖ ࡁࡀࡉࡕࡅࡍ ࡀࡁࡃࡉࡕ . ࡗ ࡄࡀࡆࡀ ࡀࡌࡀࡓ ࡁࡄࡉࡓࡀ ࡃࡀࡊࡉࡀ ࡓࡁࡉࡀ ࡄࡃࡅࡁࡇ ࡅࡕࡊࡀࡓࡊࡉࡁࡇ ࡅࡍࡉࡔࡒࡅࡉࡀ ࡁࡐࡅࡌࡀ ࡃࡀࡊࡉࡀ ࡁࡌࡀࡍࡉࡀ ࡂࡀࡅࡀࡉࡉࡀ ࡊࡎࡅࡉࡀ ࡊࡎࡅࡉࡀ ࡁࡌࡀࡍࡉࡀ ࡂࡀࡅࡀࡉࡉࡀ ࡅࡁࡀࡍࡀࡍࡀ ࡖ ࡌࡉࡍࡀ ࡏࡕࡉࡍࡑࡉࡁ ࡔࡀࡅࡉࡅࡉࡀ ࡊࡉࡎࡉࡀ ࡓࡁࡀ ࡖ ࡁࡇ ࡊࡎࡅࡁࡇ ࡅࡌࡒࡀࡉࡌࡉࡁࡇ ࡊࡅࡋࡄࡅࡍ

ࡏࡅࡕࡓࡉࡀ ࡒࡓࡅࡉࡀ ࡅࡌࡎࡀࡃࡀࡓ ࡎࡉࡃࡓࡉࡀ ࡒࡓࡉࡀ ࡅࡌࡍࡀࡊࡀࡓ ࡏࡅࡑࡓࡉࡀ ࡊࡅࡋࡄࡅࡍ . ࡅࡌࡔࡀࡁࡉࡍ ࡄࡉࡉࡀ ࡎࡀ ࡉࡅࡌࡀ ࡖ ࡄࡀࡁࡔࡀࡁࡀ ࡔࡉࡕࡀ ࡒࡀࡃࡌࡀࡉࡕࡀ ࡖ ࡔࡀࡌࡉࡔ ࡁࡀࡕࡉࡀ ࡄࡀࡃࡕࡉࡀ ࡋࡌࡉࡁࡍࡉࡀ ࡅࡁࡏࡅࡄࡓࡀ ࡋࡌࡉࡆࡀࡋ ࡅࡋࡁࡅࡔࡉࡀ ࡄࡀࡃࡕࡉࡀ ࡋࡌࡀࡋࡁࡀࡔ ࡅࡋࡄࡀࡌࡀ ࡋࡌࡉࡊࡀࡋ ࡅࡋࡅࡀࡕ ࡌࡀࡋࡊࡉࡀ ࡅࡔࡅࡋࡈࡀࡍࡉࡀ ࡋࡌࡉࡆࡀࡋ ࡅࡄࡀࡌࡓࡀ ࡋࡌࡉࡔࡕࡉࡀ ࡅࡋࡌࡉࡆࡁࡀࡍ ࡅࡋࡌࡉࡆࡀࡁࡅࡍࡉࡀ ࡔࡀࡐࡉࡓ . ࡕࡀࡓࡕࡉࡍ ࡔࡀࡉࡉࡀ ࡖ ࡋࡉࡁࡀࡕ ࡁࡌࡃࡉࡍࡕࡀ ࡖ ࡍࡀࡐࡔࡀࡊ ࡏࡕࡉࡁ ࡅࡋࡅࡀࡕ ࡏࡍࡕࡀ ࡌࡉࡕࡀࡁ ࡅࡋࡀࡄࡌࡀ ࡄࡀࡃࡕࡀ ࡋࡌࡉࡊࡀࡋ ࡅࡎࡅࡎࡉࡀ ࡋࡌࡉࡓࡊࡉࡁ ࡅࡋࡅࡀࡕ ࡀࡎࡉࡀ ࡋࡌࡉࡆࡀࡋ ࡅࡋࡁࡅࡔࡉࡀ ࡄࡀࡃࡕࡉࡀ ࡋࡌࡉࡋࡁࡀࡔ ࡅࡃࡀࡄࡁࡀ ࡅࡊࡀࡎࡐࡀ ࡋࡌࡉࡓࡌࡉࡀ ࡅࡋࡌࡉࡆࡁࡀࡍ ࡅࡋࡌࡉࡆࡀࡁࡅࡍࡉࡀ ࡔࡀࡐࡉࡓ . ࡕࡋࡀࡕ ࡔࡀࡉࡉࡀ ࡖ

ࡏࡍࡁࡅ ࡁࡏࡅࡄࡓࡀ ࡋࡌࡉࡆࡀࡋ ࡅࡕࡀࡍࡂࡀࡓࡅࡕࡀ ࡋࡌࡉࡁࡀࡃ ࡅࡋࡌࡉࡒࡓࡀࡁ ࡀࡋࡅࡀࡕ ࡓࡅࡓࡁࡉࡀ ࡅࡋࡌࡉࡋࡂࡀࡈ ࡓࡀࡄࡌࡉࡀ ࡔࡀࡐࡉࡓ ࡅࡃࡉࡍࡀ ࡌࡉࡁࡀࡃ ࡅࡃࡀࡓࡉࡒ ࡌࡉࡕࡀࡔࡊࡀ ࡅࡃࡌࡉࡊࡑࡀࡓ ࡏࡊࡀ ࡄࡀࡅࡉࡋࡇ ࡅࡌࡉࡕࡀࡐࡀ ࡅࡋࡊࡅࡋ ࡌࡉࡍࡃࡀࡌ ࡔࡀࡐࡉࡓ . ࡀࡓࡁࡉࡀ ࡔࡀࡉࡉࡀ ࡖ ࡎࡉࡍ ࡌࡉࡎࡂࡀࡃ ࡁࡌࡀࡕࡀ ࡖ ࡍࡀࡐࡔࡀࡊ ࡅࡋࡅࡀࡕ ࡔࡅࡕࡀࡐࡅࡕࡀ ࡅࡌࡉࡁࡀࡃ ࡏࡁࡉࡃࡀࡕࡀ ࡔࡀࡐࡉࡓ . ࡄࡀࡌࡉࡔ ࡔࡀࡉࡉࡀ ࡖ ࡊࡉࡅࡀࡍ ࡁࡏࡅࡄࡓࡀ ࡋࡌࡉࡆࡀࡋ ࡅࡋࡔࡀࡕࡀࡐࡅࡕࡀ ࡅࡋࡁࡉࡍࡉࡀࡍࡀ ࡅࡊࡅࡋ ࡌࡉࡍࡃࡀࡌ ࡔࡀࡐࡉࡓ . ࡔࡉࡕ ࡔࡀࡉࡉࡀ ࡖ ࡁࡉࡋ ࡋࡊࡅࡋ ࡌࡉࡍࡃࡀࡌ ࡈࡀࡁ ࡅࡔࡀࡐࡉࡓ . ࡔࡀࡁࡀ ࡔࡀࡉࡉࡀ ࡖ ࡍࡉࡓࡉࡂ ࡏࡆࡃࡀࡄࡀࡓ ࡍࡀࡐࡔࡀࡊ ࡌࡍ ࡊࡅࡋ ࡌࡉࡍࡃࡀࡌ ࡅࡌࡍ ࡁࡀࡉࡕࡀࡊ ࡋࡀࡕࡉࡐࡅࡒ . ࡕࡌࡀࡍࡉࡀ ࡔࡀࡉࡉࡀ ࡖ ࡔࡀࡌࡉࡔ ࡋࡌࡀࡉࡕࡅࡉࡉࡀ ࡊࡉࡋࡕࡀ ࡔࡀࡐࡉࡓ . ࡏࡕࡔࡀ ࡔࡀࡉࡉࡀ ࡖ ࡋࡉࡁࡀࡕ ࡋࡌࡉࡆࡁࡀࡍ ࡅࡋࡌࡉࡆࡀࡁࡅࡍࡉࡀ ࡔࡀࡐࡉࡓ . ࡀࡎࡀࡓ ࡔࡀࡉࡉࡀ ࡖ ࡏࡍࡁࡅ ࡁࡀࡈࡋࡀࡍ . ࡄࡃࡉࡎࡀࡓ ࡔࡀࡉࡉࡀ ࡖ ࡎࡉࡍ ࡋࡌࡉࡆࡁࡀࡍ ࡅࡋࡌࡉࡆࡀࡁࡅࡍࡉࡀ ࡔࡀࡐࡉࡓ ࡅࡏࡍࡕࡀ ࡀࡓࡌࡀࡋࡕࡀ ࡋࡌࡀࡅࡕࡅࡁࡅࡉࡀ ࡔࡀࡐࡉࡓ . ࡕࡓࡉࡎࡀࡓ ࡔࡀࡉࡉࡀ ࡖ ࡊࡉࡅࡀࡍ ࡋࡊࡅࡋ ࡌࡉࡍࡃࡀࡌ ࡔࡀࡐࡉࡓ ࡎ ࡀ .. ࡋࡉࡋࡉࡀ ࡔࡉࡕࡀ ࡒࡀࡃࡌࡀࡉࡕࡀ ࡖ ࡁࡉࡋ ࡋࡌࡉࡆࡀࡋ ࡋࡅࡀࡕ ࡏࡍࡕࡀ ࡀࡓࡌࡀࡋࡕࡀ ࡅࡈࡀࡁࡅࡕࡀ ࡋࡌࡉࡁࡀࡃ ࡔࡀࡐࡉࡓ . ࡕࡀࡓࡕࡉࡍ ࡔࡀࡉࡉࡀ ࡖ ࡍࡉࡓࡉࡂ ࡄࡀࡎࡓࡉࡍ ࡀࡌࡉࡍࡈࡅࡋ ࡀࡋࡅࡀࡕ ࡏࡍࡕࡀ ࡊࡀࡃࡉࡓ ࡋࡌࡉࡆࡀࡋ . ࡕࡋࡀࡕ ࡔࡀࡉࡉࡀ ࡖ ࡔࡀࡌࡉࡔ ࡈࡀࡁ ࡋࡊࡅࡋ ࡌࡉࡍࡃࡀࡌ . ࡀࡓࡁࡉࡀ ࡔࡀࡉࡉࡀ ࡖ ࡋࡉࡁࡀࡕ ࡈࡀࡁ ࡋࡌࡉࡐࡎࡀࡒ ࡒࡅࡓࡁࡀࡍࡀ ࡅࡌࡉࡆࡀࡋ ࡁࡏࡅࡄࡓࡀ . ࡄࡀࡌࡉࡔ ࡔࡀࡉࡉࡀ ࡖ ࡏࡍࡁࡅ ࡌࡀࡅࡃࡀ ࡁࡂࡀࡅࡇ ࡄࡀࡓࡉࡐࡀ ࡄࡀࡅࡉࡀ ࡅࡊࡅࡋ ࡖ ࡂࡀࡍࡉࡁ ࡌࡉࡋࡂࡉࡈ ࡋࡌࡉࡍࡐࡀࡒ ࡋࡕࡀࡍࡂࡀࡓࡅࡕࡀ . ࡔࡉࡕ ࡔࡀࡉࡉࡀ ࡖ ࡎࡉࡍ ࡊࡀࡃࡉࡓࡀ ࡋࡌࡉࡆࡀࡋ ࡁࡏࡅࡄࡓࡀ ࡏࡅ ࡀࡆࡋࡉࡕ ࡂࡀࡍࡀࡁࡉࡀ ࡏࡋࡀࡊ . ࡔࡀࡁࡀ ࡔࡀࡉࡉࡀ ࡖ ࡊࡉࡅࡀࡍ ࡊࡀࡃࡉࡓࡀ ࡋࡌࡉࡆࡀࡋ ࡏࡅ ࡀࡆࡋࡉࡕ ࡂࡀࡍࡀࡁࡉࡀ ࡍࡀࡐࡋࡉࡀ ࡏࡋࡀࡊ . ࡕࡌࡀࡍࡉࡀ ࡔࡀࡉࡉࡀ ࡖ ࡁࡉࡋ ࡈࡀࡁ ࡋࡒࡅࡓࡁࡀࡍࡀ ࡅࡊࡅࡋ ࡌࡉࡍࡃࡀࡌ ࡀࡆࡋࡀ . ࡏࡕࡔࡀ ࡔࡀࡉࡉࡀ ࡖ ࡍࡉࡓࡉࡂ ࡅࡀࡎࡀࡓ ࡖ ࡔࡀࡌࡉࡔ ࡁࡀࡈࡋࡀࡍ . ࡄࡃࡉࡎࡀࡓ ࡔࡀࡉࡉࡀ ࡖ ࡋࡉࡁࡀࡕ ࡈࡀࡁࡀ ࡋࡊࡅࡋ ࡌࡉࡍࡃࡀࡌ . ࡀࡎࡀࡓ ࡅࡕࡀࡓࡕࡉࡍ ࡔࡀࡉࡉࡀ ࡖ ࡍࡁࡅ ࡋࡌࡉࡆࡁࡀࡍ ࡅࡋࡌࡉࡆࡀࡁࡅࡍࡉࡀ ࡅࡊࡅࡋ ࡌࡉࡍࡃࡀࡌ ࡔࡀࡐࡉࡓ ࡎࡀ ࡕࡓࡉࡍ ࡄࡀࡁࡔࡀࡁࡀ ࡔࡉࡕࡀ ࡒࡀࡃࡌࡀࡉࡕࡀ ࡖ ࡎࡉࡍ ࡅࡕࡀࡓࡕࡉࡍ ࡔࡀࡉࡉࡀ ࡖ ࡊࡀࡅࡀࡍ ࡁࡀࡈࡋࡀࡍ . ࡕࡋࡀࡕࡀ ࡔࡀࡉࡉࡀ ࡖ ࡁࡉࡋ ࡋࡌࡉࡆࡀࡋ ࡁࡏࡅࡄࡓࡀ ࡅࡏࡍࡕࡀ ࡋࡌࡀࡅࡕࡁࡅࡉࡀ ࡅࡔࡕࡀࡐࡅࡕࡀ ࡋࡌࡉࡁࡀࡃ ࡈࡀࡁ . ࡀࡓࡁࡀ ࡔࡀࡉࡉࡀ ࡖ ࡍࡉࡓࡉࡂ ࡋࡌࡉࡊࡃࡀࡁ ࡒࡌࡀࡄࡉࡀ ࡅࡀࡎࡅࡕࡀ ࡋࡌࡉࡁࡀࡃ . ࡄࡀࡌࡉࡔ ࡔࡀࡉࡉࡀ ࡖ ࡔࡀࡌࡉࡔ ࡅࡔࡉࡕ ࡔࡀࡉࡉࡀ ࡖ ࡋࡉࡁࡀࡕ ࡋࡌࡉࡁࡀࡃ ࡔࡅࡕࡀࡐࡅࡕࡀ ࡅࡋࡌࡉࡆࡁࡀࡍ ࡅࡋࡌࡉࡆࡀࡁࡅࡍࡉࡀ ࡔࡀࡐࡉࡓ . ࡔࡀࡁࡀ ࡔࡀࡉࡉࡀ ࡖ ࡏࡍࡁࡅ ࡉࡀࡋࡃࡀ ࡖ ࡄࡀࡅࡉࡁࡀ ࡎࡉࡐࡓࡀ ࡌࡀࡈࡉࡀ ࡅࡋࡊࡅࡋ ࡌࡉࡍࡃࡀࡌ ࡔࡀࡐࡉࡓ . ࡕࡌࡀࡍࡉࡀ ࡔࡀࡉࡉࡀ ࡖ ࡎࡉࡍ ࡅࡕࡔࡀ ࡖ ࡊࡉࡅࡀࡍ ࡒࡔࡀࡉࡀࡍ ࡅࡀࡎࡍࡉࡀࡉࡀࡍ ࡋࡊࡅࡋ ࡌࡉࡍࡃࡀࡌ ࡁࡂࡀࡅࡀࡉࡄࡅࡍ . ࡀࡎࡀࡓ ࡔࡀࡉࡉࡀ ࡖ ࡁࡉࡋ ࡁࡏࡅࡄࡓࡀ ࡋࡌࡉࡆࡀࡋ ࡋࡌࡉࡆࡁࡀࡍ ࡅࡋࡌࡉࡆࡁࡀࡍ ࡅࡋࡌࡉࡆࡀࡁࡅࡍࡉࡀ ࡈࡀࡁ ࡅࡔࡀࡐࡉࡓ . ࡀࡎࡀࡓ ࡅࡄࡀࡃࡀ ࡔࡀࡉࡉࡀ ࡖ ࡍࡉࡓࡉࡂ ࡋࡌࡉࡕࡉࡁࡀࡃ ࡌࡉࡍࡃࡀࡌ ࡁࡂࡀࡅࡀ . ࡀࡎࡀࡓ ࡅࡕࡀࡓࡕࡉࡍ ࡔࡀࡉࡉࡀ ࡖ ࡔࡀࡌࡉࡔ ࡌࡍ ࡌࡀࡕࡀ ࡋࡀࡕࡉࡐࡅࡒ ࡅࡋࡀࡕࡉࡔࡕࡀࡍࡉࡀ ࡌࡍ ࡁࡀࡉࡕࡀ ࡄࡀࡃࡕࡀ ࡅࡄࡀࡕࡉࡒࡀ ࡎ ࡀ .. ࡋࡉࡋࡉࡀ ࡔࡉࡕࡀ ࡒࡀࡃࡌࡀࡉࡕࡀ ࡖ ࡋࡉࡁࡀࡕ ࡋࡌࡉࡃࡁࡀࡓ ࡏࡍࡕࡀ ࡄࡀࡃࡉࡕࡉࡀ ࡔࡀࡐࡉࡓ . ࡕࡀࡓࡕࡉࡍ ࡔࡀࡉࡉࡀ ࡖ ࡏࡍࡁࡅ ࡈࡀࡁ ࡋࡌࡉࡆࡀࡋ ࡌࡍ ࡁࡀࡉࡕࡀ ࡋࡁࡀࡉࡕࡀ ࡅࡋࡌࡀࡅࡕࡁࡅࡉࡀ ࡏࡍࡕࡀ ࡄࡉࡃࡅࡕࡀ ࡏࡅ ࡀࡃࡌࡀࡋࡕࡀ ࡔࡀࡐࡉࡓ . ࡕࡋࡀࡕ ࡔࡀࡉࡉࡀ ࡖ ࡎࡉࡍ ࡂࡀࡍࡀࡁࡀ ࡖ ࡂࡀࡍࡉࡁ ࡌࡉࡋࡂࡉࡈ . ࡀࡓࡁࡀ ࡔࡀࡉࡉࡀ ࡖ ࡊࡉࡅࡀࡍ ࡁࡀࡈࡋࡀࡍ . ࡄࡀࡌࡉࡔ ࡔࡀࡉࡉࡀ ࡖ ࡁࡉࡋ ࡈࡀࡁࡉࡍ ࡋࡃࡉࡓࡃࡒࡅࡍࡉࡀ ࡅࡊࡅࡋ ࡌࡉࡍࡃࡀࡌ ࡅࡂࡀࡍࡀࡁࡀ ࡖ ࡂࡀࡍࡉࡁ ࡌࡉࡕࡀࡔࡊࡀ . ࡔࡉࡕ ࡔࡀࡉࡉࡀ ࡖ ࡍࡉࡓࡉࡂ ࡅࡔࡀࡁࡀ ࡔࡀࡉࡉࡀ ࡖ ࡔࡀࡌࡉࡔ ࡁࡀࡈࡋࡀࡍ . ࡕࡌࡀࡍࡉࡀ ࡔࡀࡉࡉࡀ ࡖ ࡋࡉࡁࡀࡕ ࡋࡊࡅࡋ ࡌࡉࡍࡃࡀࡌ . ࡏࡕࡔࡀ ࡔࡀࡉࡉࡀ ࡖ ࡏࡍࡁࡅ ࡈࡀࡁࡀࡍ ࡋࡊࡅࡋ ࡌࡉࡍࡃࡀࡌ ࡅࡋࡏࡅࡄࡓࡀ ࡋࡌࡉࡆࡀࡋ . ࡀࡎࡀࡓ ࡔࡀࡉࡉࡀ ࡖ ࡎࡉࡍ ࡁࡏࡅࡄࡓࡀ ࡋࡌࡉࡐࡀࡒ ࡋࡊࡅࡋ ࡌࡉࡍࡃࡀࡌ ࡔࡀࡐࡉࡓ . ࡀࡎࡀࡓ ࡅࡄࡃࡀ ࡔࡉࡕࡀ ࡖ ࡊࡉࡅࡀࡍ ࡅࡕࡓࡉࡎࡀࡓ ࡔࡀࡉࡉࡀ ࡖ ࡁࡉࡋ ࡈࡀࡁ ࡅࡔࡀࡐࡉࡓ ࡎ ࡀ . ࡕࡋࡀࡕࡀ ࡄࡀࡁࡔࡀࡁࡀ ࡔࡉࡕࡀ ࡒࡀࡃࡌࡀࡉࡕࡀ ࡖ ࡍࡉࡓࡉࡂ ࡈࡀࡁ ࡋࡊࡅࡋ ࡌࡉࡍࡃࡀࡌ ࡅࡋࡌࡉࡆࡀࡋ ࡁࡏࡅࡄࡓࡀ ࡅࡋࡅࡀࡕ ࡀࡎࡉࡀ ࡅࡋࡌࡉࡔࡕࡀࡁࡀࡃ ࡆࡌࡀ ࡔࡀࡐࡉࡓ . ࡕࡀࡓࡕࡉࡍ ࡔࡀࡉࡉࡀ ࡖ ࡔࡀࡌࡉࡔ ࡎࡀࡉࡍࡀ . ࡕࡋࡀࡕ ࡔࡀࡉࡉࡀ ࡖ ࡋࡉࡁࡀࡕ ࡈࡀࡁ ࡁࡏࡅࡄࡓࡀ ࡋࡌࡉࡆࡀࡋ ࡅࡋࡊࡅࡋ ࡌࡉࡍࡃࡀࡌ ࡔࡀࡐࡉࡓ . ࡀࡓࡁࡉࡀ ࡔࡀࡉࡉࡀ ࡖ ࡏࡍࡁࡅ ࡋࡌࡉࡆࡀࡋ ࡁࡏࡅࡄࡓࡀ ࡅࡃࡉࡓࡃࡒࡅࡍࡉࡀ ࡋࡌࡉࡋࡀࡐ ࡎࡉࡐࡓࡀ ࡔࡀࡐࡉࡓ . ࡄࡀࡌࡉࡔ ࡔࡀࡉࡉࡀ ࡖ ࡎࡉࡍ ࡎࡀࡉࡍࡀ . ࡔࡉࡕ ࡔࡀࡉࡉࡀ ࡖ ࡊࡉࡅࡀࡍ ࡋࡊࡅࡋ ࡌࡉࡍࡃࡀࡌ ࡔࡀࡐࡉࡓ . ࡔࡀࡁࡀ ࡔࡀࡉࡉࡀ ࡖ ࡁࡉࡋ ࡈࡀࡁࡀࡍ . ࡕࡌࡀࡍࡉࡀ ࡔࡀࡉࡉࡀ ࡖ ࡍࡉࡓࡉࡂ ࡁࡀࡈࡋࡀࡍ ࡅࡈࡀࡁ ࡋࡀࡎࡅࡕࡀ . ࡏࡕࡔࡀ ࡔࡀࡉࡉࡀ ࡖ ࡔࡀࡌࡉࡔ ࡎࡀࡉࡍࡀ . ࡀࡎࡀࡓ ࡔࡀࡉࡉࡀ ࡖ ࡋࡉࡁࡀࡕ ࡋࡊࡅࡋ ࡖ ࡌࡎࡀࡓ ࡄࡉࡁࡉࡕ ࡔࡀࡐࡉࡓ . ࡄࡃࡉࡎࡀࡓ ࡔࡀࡉࡉࡀ ࡖ ࡏࡍࡁࡅ ࡅࡕࡓࡉࡎࡀࡓ ࡔࡀࡉࡉࡀ ࡖ ࡎࡉࡍ ࡎࡀࡉࡍࡀ ࡎ ࡀ .. ࡋࡉࡋࡉࡀ ࡔࡉࡕࡀ ࡒࡀࡃࡌࡀࡉࡕࡀ ࡖ ࡊࡉࡅࡀࡍ ࡋࡌࡉࡆࡀࡋ ࡁࡏࡅࡄࡓࡀ ࡓࡀࡄࡉࡒࡕࡉࡀ ࡋࡉࡂࡀࡋ ࡀࡕࡉࡀ ࡔࡀࡐࡉࡓ . ࡕࡀࡓࡕࡉࡍ ࡔࡀࡉࡉࡀ ࡖ ࡁࡉࡋ ࡋࡏࡅࡄࡓࡀ ࡔࡀࡐࡉࡓ . ࡕࡋࡀࡕ ࡔࡀࡉࡉࡀ ࡖ ࡍࡉࡓࡉࡂ ࡅࡀࡓࡁࡉࡀ ࡔࡀࡉࡉࡀ ࡖ ࡔࡀࡌࡉࡔ ࡁࡀࡈࡋࡀࡍ ࡅࡃࡂࡀࡍࡉࡁ ࡌࡉࡋࡂࡀࡈ . ࡄࡀࡌࡉࡔ ࡔࡀࡉࡉࡀ ࡖ ࡋࡉࡁࡀࡕ ࡋࡊࡅࡋ ࡌࡉࡍࡃࡀࡌ ࡔࡀࡐࡉࡓ . ࡔࡉࡕ ࡔࡀࡉࡉࡀ ࡖ ࡍࡁࡅ ࡎࡀࡉࡍࡀ . ࡔࡀࡁࡀ ࡔࡀࡉࡉࡀ ࡖ ࡎࡉࡍ ࡋࡌࡉࡆࡀࡋ ࡁࡏࡅࡄࡓࡀ ࡅࡋࡌࡉࡔࡀࡍࡅࡉࡀ ࡌࡍ ࡁࡀࡉࡕࡀ ࡋࡁࡀࡉࡕࡀ ࡔࡀࡐࡉࡓ . ࡕࡌࡀࡍࡉࡀ ࡔࡀࡉࡉࡀ ࡖ ࡊࡉࡅࡀࡍ ࡎࡀࡉࡍࡀ . ࡏࡕࡔࡀ ࡔࡀࡉࡉࡀ ࡖ ࡁࡉࡋ ࡋࡏࡅࡄࡓࡀ ࡅࡋࡊࡅࡋ ࡌࡉࡍࡃࡀࡌ ࡔࡀࡐࡉࡓ . ࡀࡎࡀࡓ ࡔࡀࡉࡉࡀ ࡖ ࡍࡉࡓࡉࡂ ࡅࡄࡃࡉࡎࡀࡓ ࡖ ࡔࡀࡌࡉࡔ ࡁࡀࡈࡋࡀࡍ . ࡕࡓࡉࡎࡀࡓ ࡔࡀࡉࡉࡀ ࡖ ࡋࡉࡁࡉࡕ ࡈࡀࡁ ࡋࡌࡉࡆࡀࡋ ࡁࡏࡅࡄࡓࡀ ࡅࡋࡊࡅࡋ ࡌࡉࡍࡃࡀࡌ ࡈࡀࡁ ࡅࡔࡀࡐࡉࡓ ࡎࡀ ࡀࡓࡁࡀ ࡄࡀࡁࡔࡀࡁࡀ ࡔࡉࡕࡀ ࡒࡀࡃࡌࡀࡉࡕࡀ ࡖ ࡏࡍࡁࡅ ࡅࡋࡌࡉࡆࡁࡀࡍ ࡅࡋࡌࡉࡆࡀࡁࡅࡍࡉࡀ ࡅࡁࡀࡉࡕࡀ ࡄࡀࡃࡕࡀ ࡋࡌࡉࡁࡍࡉࡀ ࡅࡀࡁࡃࡉࡀ ࡅࡀࡌࡀࡕࡀ ࡅࡄࡉࡅࡀࡍࡉࡀࡕࡀ ࡋࡌࡉࡆࡁࡀࡍ ࡔࡀࡐࡉࡓ . ࡕࡀࡓࡕࡉࡍ ࡔࡀࡉࡉࡀ ࡖ ࡎࡉࡍ ࡋࡌࡉࡆࡁࡀࡍ ࡅࡋࡌࡉࡆࡀࡁࡅࡍࡉࡀ ࡔࡀࡐࡉࡓ . ࡕࡋࡀࡕ ࡔࡀࡉࡉࡀ ࡖ ࡊࡉࡅࡀࡍ ࡎࡀࡉࡍࡀ . ࡀࡓࡁࡉࡀ ࡔࡀࡉࡉࡀ ࡖ ࡁࡉࡋ ࡋࡌࡉࡆࡁࡀࡍ ࡅࡋࡌࡉࡆࡀࡁࡅࡍࡉࡀ ࡅࡋࡅࡀࡕ ࡂࡀࡁࡓࡀ ࡓࡁࡀ ࡅࡋࡌࡉࡆࡀࡋ ࡅࡋࡔࡀࡕࡀࡐࡅࡕࡀ ࡔࡀࡐࡉࡓ . ࡄࡀࡌࡉࡔ ࡔࡀࡉࡉࡀ ࡖ ࡍࡉࡓࡉࡂ ࡋࡌࡉࡆࡁࡀࡍ ࡅࡋࡌࡉࡆࡀࡁࡅࡍࡉࡀ ࡅࡋࡅࡀࡕ ࡀࡎࡉࡀ ࡋࡌࡉࡆࡀࡋ ࡔࡀࡐࡉࡓ . ࡔࡉࡕ ࡔࡀࡉࡉࡀ ࡖ ࡔࡀࡌࡉࡔ ࡋࡏࡅࡄࡓࡀ ࡅࡋࡌࡀࡕࡀࡅࡀࡕࡀ ࡋࡌࡉࡆࡀࡋ ࡔࡀࡐࡉࡓ . ࡔࡀࡁࡀ ࡔࡀࡉࡉࡀ ࡖ ࡋࡉࡁࡀࡕ ࡋࡌࡉࡆࡁࡀࡍ ࡅࡋࡌࡉࡆࡀࡁࡍࡉࡀ ࡅࡋࡌࡉࡆࡀࡋ ࡁࡏࡅࡄࡓࡀ ࡔࡀࡐࡉࡓ . ࡕࡌࡀࡍࡉࡀ ࡔࡀࡉࡉࡀ ࡖ ࡍࡁࡅ ࡋࡌࡀࡅࡕࡁࡅࡉࡀ ࡃࡉࡓࡃࡒࡅࡍࡉࡀ ࡋࡅࡀࡕ ࡎࡉࡐࡓࡀ ࡅࡋࡊࡅࡋ ࡌࡉࡍࡃࡀࡌ ࡔࡀࡐࡉࡓ . ࡏࡕࡔࡀ ࡔࡀࡉࡉࡀ ࡖ ࡎࡉࡍ ࡅࡀࡎࡀࡓ ࡖ ࡊࡉࡅࡀࡍ ࡁࡀࡈࡋࡀࡍ . ࡄࡃࡉࡎࡀࡓ ࡔࡀࡉࡉࡀ ࡖ ࡁࡉࡋ ࡋࡌࡉࡆࡀࡋ ࡁࡏࡅࡄࡓࡀ ࡅࡋࡌࡉࡔࡀࡍࡅࡉࡀ ࡌࡍ ࡁࡀࡉࡕࡀ ࡋࡁࡀࡉࡕࡀ ࡁࡄࡀࡉࡋࡇ ࡔࡀࡐࡉࡓ . ࡕࡓࡉࡎࡀࡓ ࡔࡀࡉࡉࡀ ࡖ ࡍࡉࡓࡉࡂ ࡁࡀࡈࡋࡀࡍ ࡎࡀ .. ࡋࡉࡋࡉࡀ ࡔࡉࡕࡀ ࡒࡀࡃࡌࡀࡉࡕࡀ ࡖ ࡔࡀࡌࡉࡔ ࡎࡀࡉࡍࡀ . ࡕࡀࡓࡕࡉࡍ ࡔࡀࡉࡉࡀ ࡖ ࡋࡉࡁࡀࡕ ࡋࡊࡅࡋ ࡌࡉࡍࡃࡀࡌ ࡈࡀࡁ ࡅࡔࡀࡐࡉࡓ . ࡕࡋࡀࡕ ࡔࡀࡉࡉࡀ ࡖ ࡏࡍࡁࡅ ࡂࡀࡁࡓࡀ ࡄࡀࡊࡉࡌࡀ ࡖ ࡀࡆࡉࡋ ࡋࡅࡀࡕ ࡏࡍࡕࡀ ࡄࡉࡃࡅࡕࡀ ࡔࡀࡐࡉࡓ . ࡀࡓࡁࡀ ࡔࡀࡉࡉࡀ ࡖ ࡎࡉࡍ ࡋࡊࡅࡋ ࡌࡉࡍࡃࡀࡌ ࡈࡀࡁ ࡅࡔࡀࡐࡉࡓ . ࡄࡀࡌࡉࡔ ࡔࡀࡉࡉࡀ ࡖ ࡊࡉࡅࡀࡍ ࡂࡀࡍࡀࡁࡀ ࡖ ࡂࡀࡍࡉࡁ ࡌࡉࡋࡂࡉࡈ . ࡔࡉࡕ ࡔࡀࡉࡉࡀ ࡖ ࡁࡉࡋ ࡎࡀࡉࡍࡀ . ࡔࡀࡁࡀ ࡔࡀࡉࡉࡀ ࡖ ࡍࡉࡓࡉࡂ ࡁࡀࡈࡋࡀࡍ . ࡕࡌࡀࡍࡉࡀ ࡔࡀࡉࡉࡀ ࡖ ࡔࡀࡌࡉࡔ ࡁࡀࡈࡋࡀࡍ . ࡏࡕࡔࡀ ࡔࡀࡉࡉࡀ ࡖ ࡋࡉࡁࡀࡕ ࡅࡀࡎࡀࡓ ࡖ ࡏࡍࡁࡅ ࡁࡀࡈࡋࡀࡍ . ࡄࡃࡉࡎࡀࡓ ࡔࡀࡉࡉࡀ ࡖ ࡎࡉࡍ ࡁࡀࡈࡋࡀࡍ . ࡀࡎࡀࡓ ࡅࡕࡀࡓࡕࡉࡍ ࡔࡀࡉࡉࡀ ࡖ ࡊࡉࡅࡀࡍ ࡋࡌࡉࡆࡁࡀࡍ ࡅࡋࡌࡉࡆࡀࡁࡅࡍࡉࡀ ࡅࡋࡌࡉࡆࡀࡋ ࡁࡏࡅࡄࡓࡀ ࡈࡀࡁࡀࡍ ࡎ ࡀ . ࡄࡀࡌࡔࡀ ࡄࡀࡁࡔࡀࡁࡀ ࡔࡉࡕࡀ ࡒࡀࡃࡌࡀࡉࡕࡀ ࡖ ࡁࡀࡋ ࡋࡌࡉࡆࡁࡀࡍ ࡅࡋࡌࡉࡆࡀࡁࡅࡍࡉࡀ ࡅࡂࡀࡍࡉࡁࡀ ࡖ ࡂࡀࡍࡉࡁ ࡌࡉࡋࡂࡉࡈ ࡅࡋࡊࡅࡋ ࡌࡉࡍࡃࡀࡌ ࡔࡀࡐࡉࡓ . ࡕࡀࡓࡕࡉࡍ ࡔࡀࡉࡉࡀ ࡖ ࡍࡉࡓࡉࡂ ࡋࡅࡀࡕ ࡀࡎࡉࡀ ࡋࡌࡉࡆࡀࡋ ࡅࡆࡌࡀ ࡋࡌࡀࡐࡅࡒࡉࡀ ࡅࡋࡀࡎࡅࡕࡀ ࡅࡋࡏࡅࡄࡓࡀ ࡔࡀࡐࡉࡓ . ࡕࡋࡀࡕ ࡔࡀࡉࡉࡀ ࡖ ࡔࡀࡌࡉࡔ ࡋࡌࡉࡌࡀࡓ ࡅࡌࡉࡔࡕࡌࡀ ࡁࡌࡉࡍࡉࡋࡕࡇ . ࡀࡓࡁࡉࡀ ࡔࡀࡉࡉࡀ ࡖ ࡋࡉࡁࡀࡕ ࡋࡌࡉࡆࡀࡋ ࡂࡀࡁࡓࡀ ࡀࡋࡅࡀࡕ ࡏࡍࡕࡀ ࡔࡀࡐࡉࡓ . ࡄࡀࡌࡉࡔ ࡔࡀࡉࡉࡀ ࡖ ࡏࡍࡁࡅ ࡋࡌࡉࡆࡁࡀࡍ ࡅࡋࡌࡉࡆࡀࡁࡅࡍࡉࡀ ࡔࡀࡐࡀࡓ . ࡔࡉࡕ ࡔࡀࡉࡉࡀ ࡖ ࡎࡉࡍ ࡈࡀࡁ ࡋࡊࡅࡋ ࡌࡍࡃࡀࡌ ࡔࡀࡐࡉࡓ . ࡔࡀࡁࡀ ࡔࡀࡉࡉࡀ ࡖ ࡊࡉࡅࡀࡍ ࡁࡏࡅࡄࡓࡀ ࡓࡀࡄࡉࡒࡕࡉࡀ ࡋࡌࡉࡆࡀࡋ ࡔࡀࡐࡉࡓ . ࡕࡌࡀࡍࡉࡀ ࡔࡀࡉࡉࡀ ࡖ ࡁࡉࡋ ࡋࡅࡀࡕ ࡏࡍࡕࡀ ࡄࡉࡃࡅࡕࡀ ࡋࡌࡉࡌࡀࡓ ࡅࡌࡉࡔࡕࡌࡀ ࡔࡀࡐࡉࡓ . ࡏࡕࡔࡀ ࡔࡀࡉࡉࡀ ࡖ ࡍࡉࡓࡉࡂ ࡋࡅࡀࡕ ࡀࡎࡉࡀ ࡋࡌࡉࡆࡀࡋ ࡅࡋࡌࡉࡆࡁࡀࡍ ࡅࡋࡌࡉࡆࡀࡁࡅࡍࡉࡀ ࡔࡀࡐࡉࡓ . ࡀࡎࡀࡓ ࡔࡀࡉࡉࡀ ࡖ ࡔࡀࡌࡉࡔ ࡋࡌࡉࡔࡀࡍࡅࡉࡀ ࡌࡍ ࡁࡀࡉࡕࡀ ࡋࡁࡀࡉࡕࡀ ࡔࡀࡐࡉࡓ . ࡄࡃࡉࡎࡀࡓ ࡔࡀࡉࡉࡀ ࡖ ࡋࡉࡁࡀࡕ ࡋࡊࡅࡋ ࡌࡉࡍࡃࡀࡌ ࡔࡀࡐࡉࡓ ࡅࡋࡌࡉࡆࡀࡋ ࡋࡄࡉࡋࡅࡋࡉࡀ ࡔࡀࡐࡉࡓ . ࡕࡓࡉࡎࡀࡓ ࡔࡀࡉࡉࡀ ࡖ ࡍࡁࡅ ࡋࡌࡉࡆࡀࡋ ࡁࡆࡀࡊࡅࡕࡀ ࡎࡀ .. ࡋࡉࡋࡉࡀ ࡔࡉࡕࡀ ࡒࡀࡃࡌࡀࡉࡕࡀ ࡖ ࡎࡉࡍ ࡋࡊࡅࡋ ࡌࡉࡍࡃࡀࡌ ࡔࡀࡐࡉࡓ . ࡕࡀࡓࡕࡉࡍ ࡔࡀࡉࡉࡀ ࡖ ࡊࡉࡅࡀࡍ ࡎࡀࡉࡍࡀ . ࡕࡋࡀࡕ ࡔࡀࡉࡉࡀ ࡖ ࡁࡉࡋ

ࡏࡅ ࡀࡆࡋࡉࡕ ࡀࡋࡅࡀࡕ ࡆࡀࡅࡀࡊ ࡋࡌࡅࡊࡀ ࡔࡀࡐࡉࡓ ࡄࡀࡅࡉࡋࡀࡊ ࡁࡓࡀ . ࡀࡓࡁࡉࡀ ࡔࡀࡉࡉࡀ ࡖ ࡍࡉࡓࡉࡂ ࡅࡄࡀࡌࡉࡔ ࡔࡀࡉࡉࡀ ࡖ ࡔࡀࡌࡉࡔ ࡎࡀࡉࡍࡀ . ࡔࡉࡕ ࡔࡀࡉࡉࡀ ࡖ ࡋࡉࡁࡀࡕ ࡅࡔࡀࡁࡀ ࡔࡀࡉࡉࡀ ࡖ ࡏࡍࡁࡅ ࡅࡕࡌࡀࡍࡉࡀ ࡔࡀࡉࡉࡀ ࡖ ࡎࡉࡍ ࡅࡕࡔࡀ ࡖ ࡊࡉࡅࡀࡍ ࡅࡀࡎࡀࡓ ࡖ ࡁࡉࡋ ࡈࡀࡁࡉࡍ . ࡄࡃࡉࡎࡀࡓ ࡔࡀࡉࡉࡀ ࡖ ࡍࡉࡓࡉࡂ ࡁࡀࡈࡋࡀࡍ . ࡕࡓࡉࡎࡀࡓ ࡔࡀࡉࡉࡀ ࡖ ࡔࡀࡌࡉࡔ ࡈࡀࡁ ࡋࡊࡅࡋ ࡌࡉࡍࡃࡀࡌ ࡎ ࡀ ࡉࡅࡌࡀ ࡖ ࡓࡄࡀࡈࡉࡀ ࡔࡉࡕࡀ ࡒࡀࡃࡌࡀࡉࡕࡀ ࡖ ࡋࡉࡁࡀࡕ ࡋࡏࡅࡄࡓࡀ ࡋࡌࡉࡆࡀࡋ ࡅࡋࡀࡓࡀࡎࡀ ࡔࡀࡐࡉࡓ . ࡕࡀࡓࡕࡉࡍ ࡔࡀࡉࡉࡀ ࡖ ࡍࡁࡅ ࡋࡌࡉࡆࡁࡀࡍ ࡅࡋࡌࡉࡆࡀࡁࡅࡍࡉࡀ ࡅࡋࡀࡉࡅࡋࡉࡀ ࡄࡉࡃࡅࡕࡀ ࡔࡀࡐࡉࡓ . ࡕࡋࡀࡕ ࡔࡀࡉࡉࡀ ࡖ ࡎࡉࡍ ࡋࡌࡉࡆࡁࡀࡍ ࡅࡋࡌࡉࡆࡀࡁࡅࡍࡉࡀ ࡅࡌࡉࡌࡀࡓ ࡅࡕࡉࡔࡕࡌࡀ ࡁࡌࡃࡉࡍࡕࡀ ࡖ ࡍࡀࡐࡔࡀࡊ ࡅࡉࡀࡍࡒࡉࡀ ࡋࡀࡋࡅࡐࡉࡀ ࡎࡉࡐࡓࡀ ࡔࡀࡐࡉࡓ . ࡀࡓࡁࡉࡀ ࡔࡀࡉࡉࡀ ࡖ ࡊࡉࡅࡀࡍ ࡎࡀࡉࡍࡀ . ࡄࡀࡌࡉࡔ ࡔࡀࡉࡉࡀ ࡖ ࡁࡉࡋ ࡋࡀࡎࡅࡕࡀ ࡅࡋࡊࡅࡋ ࡌࡉࡍࡃࡀࡌ ࡔࡀࡐࡉࡓ . ࡔࡉࡕ ࡔࡀࡉࡉࡀ ࡖ ࡍࡉࡓࡉࡂ ࡋࡀࡎࡅࡕࡀ ࡅࡋࡊࡅࡋ ࡌࡉࡍࡃࡀࡌ ࡔࡀࡐࡉࡓ . ࡔࡀࡁࡀ ࡔࡀࡉࡉࡀ ࡖ ࡔࡀࡌࡉࡔ ࡋࡌࡉࡆࡁࡀࡍ ࡅࡋࡌࡉࡆࡀࡁࡅࡍࡉࡀ ࡅࡋࡌࡉࡆࡀࡋ ࡁࡏࡅࡄࡓࡀ ࡔࡀࡐࡉࡓ . ࡕࡌࡀࡍࡉࡀ ࡔࡀࡉࡉࡀ ࡖ ࡋࡉࡁࡀࡕ ࡅࡕࡔࡀ ࡖ ࡍࡁࡅ ࡋࡏࡅࡄࡓࡀ ࡓࡀࡄࡉࡒࡕࡉࡀ ࡔࡀࡐࡉࡓ . ࡀࡎࡀࡓ ࡔࡀࡉࡉࡀ ࡖ ࡎࡉࡍ ࡎࡀࡉࡍࡀ . ࡄࡃࡉࡎࡀࡓ ࡔࡀࡉࡉࡀ ࡖ ࡊࡉࡅࡀࡍ ࡋࡌࡉࡆࡀࡋ ࡌࡍ ࡁࡀࡉࡕࡀ ࡋࡁࡀࡉࡕࡀ ࡔࡀࡐࡉࡓ . ࡕࡓࡉࡎࡀࡓ ࡔࡀࡉࡉࡀ ࡖ ࡁࡉࡋ ࡁࡀࡉࡕࡀ ࡄࡀࡃࡕࡀ ࡋࡌࡉࡁࡍࡉࡀ ࡅࡄࡉࡃࡅࡕࡀ ࡋࡌࡀࡉࡅࡋࡉࡀ ࡋࡁࡀࡉࡕࡀ ࡔࡀࡐࡉࡓ ࡎࡀ .. ࡋࡉࡋࡉࡀ ࡔࡉࡕࡀ ࡒࡀࡃࡌࡀࡉࡕࡀ ࡖ ࡍࡉࡓࡉࡂ ࡅࡕࡀࡓࡕࡉࡍ ࡔࡀࡉࡉࡀ ࡖ ࡔࡀࡌࡉࡔ ࡅࡕࡋࡀࡕ ࡔࡀࡉࡉࡀ ࡖ ࡋࡉࡁࡀࡕ ࡎࡀࡉࡍࡀ . ࡀࡓࡁࡉࡀ ࡔࡀࡉࡉࡀ ࡖ

ࡏࡍࡁࡅ ࡋࡊࡅࡋ ࡌࡉࡍࡃࡀࡌ ࡔࡀࡐࡉࡓ . ࡄࡀࡌࡉࡔ ࡔࡀࡉࡉࡀ ࡖ ࡎࡉࡍ ࡅࡔࡉࡕ ࡔࡀࡉࡉࡀ ࡖ ࡊࡉࡅࡀࡍ ࡎࡀࡉࡍࡀࡍ . ࡔࡀࡁࡀ ࡔࡀࡉࡉࡀ ࡖ ࡁࡉࡋ ࡋࡊࡅࡋ ࡌࡉࡍࡃࡀࡌ ࡈࡀࡁࡀࡍ . ࡕࡌࡀࡍࡉࡀ ࡔࡀࡉࡉࡀ ࡖ ࡍࡉࡓࡉࡂ ࡊࡅࡋ ࡌࡀࡄࡅ ࡌࡉࡎࡕࡀࡊࡀࡓ ࡌࡉࡕࡀࡔࡊࡀ . ࡏࡕࡔࡀ ࡔࡀࡉࡉࡀ ࡖ ࡔࡀࡌࡉࡔ ࡅࡀࡎࡀࡓ ࡖ ࡋࡉࡁࡀࡕ ࡎࡀࡉࡍࡀࡍ . ࡄࡃࡉࡎࡀࡓ ࡔࡀࡉࡉࡀ ࡖ ࡏࡍࡁࡅ ࡋࡌࡉࡆࡀࡋ ࡌࡍ ࡁࡀࡉࡕࡀ ࡋࡁࡀࡉࡕࡀ ࡔࡀࡐࡉࡓ . ࡕࡓࡉࡎࡀࡓ ࡔࡀࡉࡉࡀ ࡖ ࡎࡉࡍ ࡁࡀࡉࡕࡀ ࡋࡌࡉࡁࡍࡉࡀ ࡅࡄࡉࡃࡅࡕࡀ ࡋࡌࡀࡉࡅࡕࡅࡉࡀ ࡋࡁࡀࡉࡕࡀ ࡔࡀࡐࡉࡓ ࡎ ࡀ ࡉࡅࡌࡀ ࡖ ࡔࡀࡐࡕࡀ ࡔࡉࡕࡀ ࡒࡀࡃࡌࡀࡉࡕࡀ ࡖ ࡊࡉࡅࡀࡍ ࡁࡀࡉࡕࡀ ࡄࡀࡃࡕࡉࡀ ࡋࡌࡉࡁࡍࡉࡀ ࡅࡏࡅࡄࡓࡀ ࡋࡌࡉࡆࡀࡋ ࡔࡀࡐࡉࡓ . ࡕࡀࡓࡕࡉࡍ ࡔࡀࡉࡉࡀ ࡖ ࡁࡉࡋ ࡋࡌࡉࡆࡀࡋ ࡋࡁࡀࡁ ࡌࡀࡋࡊࡉࡀ ࡅࡋࡁࡉࡍࡀ ࡅࡋࡃࡀࡁࡀ ࡖ ࡔࡅࡋࡈࡀࡍࡉࡀ ࡅࡋࡁࡀࡉࡕࡀ ࡄࡀࡃࡕࡀ ࡋࡌࡉࡁࡍࡉࡀ ࡅࡏࡅࡄࡓࡀ ࡓࡀࡄࡉࡓࡕࡉࡀ ࡋࡌࡉࡆࡀࡋ ࡅࡋࡌࡉࡆࡁࡀࡍ ࡅࡋࡌࡉࡆࡀࡁࡅࡍࡉࡀ ࡅࡋࡄࡀࡍࡅࡕࡀ ࡔࡀࡐࡉࡓ . ࡕࡋࡀࡕ ࡔࡀࡉࡉࡀ ࡖ ࡍࡉࡓࡉࡂ ࡋࡁࡉࡕ ࡀࡎࡅࡕࡀ ࡔࡀࡐࡉࡓ . ࡀࡓࡁࡀ ࡔࡀࡉࡉࡀ ࡖ ࡔࡀࡌࡉࡔ ࡋࡊࡅࡋ ࡌࡉࡍࡃࡀࡌ ࡔࡀࡐࡉࡓ . ࡄࡀࡌࡉࡔ ࡔࡀࡉࡉࡀ ࡖ ࡋࡉࡁࡀࡕ ࡈࡀࡁࡀࡍ . ࡔࡉࡕ ࡔࡀࡉࡉࡀ ࡖ ࡍࡁࡅ ࡈࡀࡁࡀ . ࡔࡀࡁࡀ ࡔࡀࡉࡉࡀ ࡖ ࡎࡉࡍ ࡅࡕࡌࡀࡍࡉࡀ ࡖ ࡊࡉࡅࡀࡍ ࡈࡀࡁࡀࡍ . ࡏࡕࡔࡀ ࡔࡀࡉࡉࡀ ࡖ ࡁࡉࡋ ࡔࡉࡕࡋࡉࡀ ࡄࡀࡃࡕࡉࡀ ࡋࡌࡉࡔࡕࡀࡋ ࡅࡋࡁࡉࡍࡉࡀࡍࡀ ࡋࡌࡉࡁࡍࡉࡀ ࡔࡀࡐࡉࡓ . ࡀࡎࡀࡓ ࡔࡀࡉࡉࡀ ࡖ ࡍࡉࡓࡉࡂ ࡎࡀࡉࡍࡀ . ࡄࡃࡉࡎࡀࡓ ࡔࡀࡉࡉࡀ ࡖ ࡔࡀࡌࡉࡔ ࡋࡏࡅࡄࡓࡀ ࡓࡀࡄࡉࡒࡕࡉࡀ ࡔࡀࡐࡉࡓ . ࡕࡓࡉࡎࡀࡓ ࡔࡀࡉࡉࡀ ࡖ ࡋࡉࡁࡀࡕ ࡁࡉࡍࡉࡀࡍࡀ ࡋࡌࡉࡁࡍࡉࡀ ࡅࡋࡌࡉࡆࡀࡋ ࡋࡁࡀࡉࡕࡀ ࡄࡀࡃࡕࡀ ࡔࡀࡐࡉࡓ ࡎࡀ .. ࡋࡉࡋࡉࡀ ࡔࡉࡕࡀ ࡒࡀࡃࡌࡀࡉࡕࡀ ࡖ ࡏࡍࡁࡅ ࡎࡀࡉࡍࡀ . ࡕࡀࡓࡕࡉࡍ

ࡔࡀࡉࡉࡀ ࡖ ࡎࡉࡍ ࡋࡊࡅࡋ ࡌࡉࡍࡃࡀࡌ ࡔࡀࡐࡉࡓ . ࡕࡋࡀࡕ ࡔࡀࡉࡉࡀ ࡖ ࡊࡉࡅࡀࡍ ࡅࡀࡓࡁࡉࡀ ࡖ ࡁࡉࡋ ࡅࡄࡀࡌࡉࡔ ࡖ ࡍࡉࡓࡉࡂ ࡈࡀࡁࡀࡍ . ࡔࡉࡕ ࡔࡀࡉࡉࡀ ࡖ ࡔࡀࡌࡉࡔ ࡎࡀࡉࡍࡀ . ࡔࡀࡁࡀ ࡔࡀࡉࡉࡀ ࡖ ࡋࡉࡁࡀࡕ ࡁࡏࡅࡄࡓࡀ ࡓࡀࡄࡉࡒࡕࡉࡀ ࡁࡔࡋࡀࡌࡀ ࡀࡕࡉࡕ . ࡕࡌࡀࡍࡉࡀ ࡔࡀࡉࡉࡀ ࡖ ࡍࡁࡅ ࡅࡕࡔࡀ ࡖ ࡎࡉࡍ ࡅࡀࡎࡀࡓ ࡖ ࡊࡉࡅࡀࡍ ࡅࡄࡃࡉࡎࡀࡓ ࡖ ࡁࡉࡋ ࡅࡕࡓࡉࡎࡀࡓ ࡖ ࡍࡉࡓࡉࡂ ࡎࡀࡉࡍࡀࡍ ࡅࡄࡉࡉࡀ ࡆࡀࡊࡉࡍ ࡎࡀ ࡄࡀࡋࡉࡍ ࡏࡍࡉࡀࡍࡉࡀ ࡅࡃࡓࡀࡔࡉࡀ ࡖ ࡗ ࡀࡆࡉࡋ ࡁࡄࡉࡓࡀ ࡃࡀࡊࡉࡀ ࡅࡄࡅࡔࡁࡀࡍࡀ ࡖ ࡔࡀࡉࡉࡀ ࡖ ࡀࡍࡎࡉࡕ ࡋࡍࡀࡐࡔࡀࡉ ࡖ ࡄࡀࡅࡉࡋࡉࡀ ࡃࡉࡊࡓࡀࡍࡀ ࡁࡕࡉࡁࡉࡋ ࡅࡄࡀࡕࡀࡌ ࡁࡀࡋࡌࡉࡀ ࡓࡅࡓࡁࡉࡀ ࡖ ࡍࡄࡅࡓࡀ ࡖ ࡀࡍࡎࡉࡕ ࡋࡀࡄࡀࡉ ࡖ ࡏࡁࡀࡃ ࡅࡊࡔࡀࡓ ࡁࡂࡀࡅࡇ ࡖ ࡀࡋࡌࡀ ࡀࡍࡀ ࡀࡍࡉࡀ ࡅࡃࡀࡍࡉࡀ ࡅࡌࡉࡀࡍࡒࡀ ࡀࡁࡃࡀ ࡖ ࡊࡅࡋࡇ ࡄࡀࡈࡀࡉࡉࡀ ࡅࡀࡓࡒࡀ ࡁࡉࡂࡀࡓ ࡖ ࡍࡀࡑࡅࡓࡀࡉࡉࡀ ࡆࡅࡈࡀ ࡖ ࡀࡄࡀࡉ ࡂࡀࡍࡆࡉࡁࡓࡉࡀ ࡅࡕࡀࡓࡌࡉࡃࡉࡀ ࡅࡌࡍࡀࡔࡉࡒࡍࡀ ࡌࡎࡀࡍࡉࡀ ࡋࡉࡂࡓࡀࡉࡄࡅࡍ ࡖ ࡍࡀࡎࡀࡊࡉࡀ ࡅࡀࡒࡀࡐࡓࡀ ࡖ ࡀࡕࡅࡕࡉࡀ ࡋࡉࡂࡓࡀࡉࡄࡅࡍ ࡖ ࡂࡀࡍࡆࡉࡁࡓࡉࡀ ࡎࡁࡉࡋࡍࡀ ࡋࡓࡉࡃࡐࡀ ࡖ ࡀࡋࡌࡀ ࡁࡋࡉࡁࡀ ࡊࡔࡉࡈࡀ ࡅࡌࡄࡀࡉࡌࡍࡀ ࡀࡍࡀ ࡓࡁࡀࡉ ࡀࡃࡀࡌ ࡉࡅࡄࡀࡍࡀ ࡁࡓ ࡎࡀࡌ ࡁࡓ ࡁࡉࡄࡓࡀࡌ ࡁࡓ ࡎࡀ(ࡀyࡉࡍ)ࡃࡀࡍ ࡁࡓ ࡌࡎࡀ(ࡀyࡉࡍ)ࡀࡃ ࡋࡀࡒࡀࡁ ࡊࡀࡌࡉࡎࡉࡀ ࡅࡊࡉࡍࡉࡀࡍࡇ ࡓࡉࡔ ࡃࡓࡀࡆ ࡖ ࡀࡍࡎࡉࡕ ࡋࡍࡀࡐࡔࡀࡉ ࡌࡍ ࡒࡅࡋࡀࡎࡕࡀ ࡖ ࡓࡁࡀ ࡅࡓࡀࡌࡀ ࡅࡉࡀࡒࡉࡓࡀ ࡓࡁࡀࡉ ࡓࡀࡌ ࡉࡅࡄࡀࡍࡀ ࡁࡓ ࡓࡁࡀࡉ ࡉࡀࡄࡉࡀ ࡆࡉࡄࡓࡅࡍ ࡁࡓ ࡓࡁࡀࡉ ࡆࡉࡄࡓࡅࡍ ࡁࡓ ࡓࡁࡀࡉ ࡀࡃࡀࡌ ࡁࡓ ࡓࡁࡀࡉ ࡉࡀࡄࡉࡀ ࡀࡃࡀࡌ ࡁࡓ ࡓࡁࡀࡉ ࡔࡉࡕࡉࡋ ࡁࡓ ࡓࡁࡀࡉ ࡓࡀࡌ ࡁࡓ ࡓࡁࡀࡉ ࡆࡀࡊࡉࡀ ࡁࡓ ࡓࡁࡀࡉ ࡉࡀࡄࡉࡀ ࡁࡓ ࡓࡁࡀࡉ ࡆࡀࡊࡉࡀ ࡁࡓ ࡀࡁࡅࡄࡅࡍ ࡖ ࡂࡉࡍࡆࡉࡁࡓࡉࡀ ࡓࡁࡀࡉ ࡌࡄࡀࡕࡀࡌ ࡋࡀࡒࡀࡁ ࡌࡀࡍࡃࡅࡉࡀ ࡅࡊࡉࡍࡉࡀࡍࡇ ࡏࡅࡊࡅࡌࡀ ࡖ ࡀࡍࡎࡀ ࡋࡄࡀࡃ ࡔࡀࡋࡌࡀࡍࡀ ࡖ ࡄࡅ ࡏࡎࡕࡀࡃ ࡁࡀࡊࡕࡉࡀࡓ ࡁࡓ ࡌࡄࡀࡕࡀࡌ ࡆࡉࡄࡓࡅࡍ ࡁࡓ ࡁࡉࡄࡓࡀࡌ ࡁࡓ ࡀࡃࡀࡌ ࡉࡅࡄࡀࡍࡀ ࡁࡓ ࡉࡀࡄࡉࡀ ࡁࡓ ࡆࡉࡄࡓࡅࡍ ࡁࡓ ࡉࡀࡄࡉࡀ ࡀࡍࡅࡔ ࡁࡓ ࡓࡁࡀ ࡅࡓࡀࡌࡀ ࡅࡉࡀࡒࡉࡓࡀ ࡓࡁࡀࡉ ࡌࡄࡀࡕࡀࡌ ࡌࡍ ࡁࡍࡉࡀ ࡃࡉࡄࡃࡀࡓࡉࡀ ࡅࡊࡉࡍࡉࡀࡍࡇ ࡎࡀࡁࡅࡓ ࡖ ࡀࡍࡎࡀࡋࡇ ࡖ ࡌࡍ ࡒࡅࡋࡀࡎࡕࡀ ࡖ ࡀࡍࡎࡀ ࡋࡍࡀࡐࡔࡉࡇ ࡓࡁࡀࡉ ࡓࡀࡌ ࡉࡅࡄࡀࡍࡀ ࡁࡓ ࡓࡁࡀࡉ ࡉࡀࡄࡉࡀ ࡆࡉࡄࡓࡅࡍ ࡁࡓ ࡓࡁࡀࡉ ࡆࡉࡄࡓࡅࡍ ࡁࡓ ࡓࡁࡀࡉ ࡀࡃࡀࡌ ࡊࡉࡍࡉࡀࡍࡇ

ࡏࡊࡅࡌࡀ ࡖ ࡄࡅ ࡀࡍࡎࡀ ࡋࡄࡀࡃ ࡔࡀࡋࡌࡀࡍࡀ ࡏࡅࡎࡕࡀࡃ ࡄࡀࡃࡀࡉࡀࡕ ࡁࡓ ࡒࡀࡎࡅࡌ ࡁࡓ ࡄࡀࡃࡀࡕ ࡁࡓ ࡁࡉࡄࡓࡀࡌ ࡁࡓ ࡆࡀࡊࡓࡉࡀ ࡌࡍ ࡁࡍࡉࡀ ࡃࡉࡄࡃࡀࡓࡉࡀ ࡅࡊࡉࡍࡉࡀࡍࡇ ࡎࡀࡁࡅࡓ ࡖ ࡀࡍࡎࡀࡋࡇ ࡌࡍ ࡒࡅࡋࡀࡎࡕࡀ ࡖ ࡓࡁࡀ ࡅࡓࡀࡌࡀ ࡅࡀࡒࡉࡓࡀ ࡂࡀࡍࡆࡉࡁࡓࡀ ࡕࡀࡒࡍࡀ ࡅࡁࡄࡉࡓࡀ ࡖ ࡁࡄࡉࡓ ࡌࡍ ࡊࡅࡋࡄࡅࡍ ࡌࡌࡉࡀ ࡍࡀࡎࡀࡊࡀ ࡖ ࡂࡉࡍࡆࡀ ࡅࡊࡀࡉࡀࡋࡀ ࡓࡀࡌࡀ ࡁࡍࡀࡑࡉࡓࡅࡕࡀ ࡖ ࡄࡅ ࡓࡁࡀࡉ ࡎࡀࡌ ࡉࡅࡄࡀࡍࡀ ࡁࡓ ࡓࡁࡀࡉ ࡉࡀࡄࡉࡀ ࡀࡃࡀࡌ ࡁࡓ ࡁࡉࡄࡓࡀࡌ ࡆࡉࡄࡓࡅࡍ ࡁࡓ ࡀࡃࡀࡌ ࡉࡅࡄࡀࡍࡀ ࡁࡓ ࡆࡉࡃ ࡁࡓ ࡎࡀࡌ ࡁࡓ ࡁࡉࡄࡓࡀࡌ ࡁࡓ ࡓࡁࡀࡉ ࡀࡃࡀࡌ ࡁࡓ ࡓࡁࡀࡉ ࡌࡄࡀࡕࡀࡌ ࡁࡓ ࡓࡁࡀࡉ ࡁࡀࡊࡕࡉࡀࡓ ࡁࡓ ࡓࡁࡀࡉ ࡉࡀࡄࡉࡀ ࡊࡉࡍࡉࡀࡍࡇ (ࡀyࡉࡍ)ࡀࡎࡉࡊࡉࡓ ࡖ ࡀࡍࡎࡀ ࡖ ࡋࡍࡀࡐࡔࡉࡇ ࡌࡍ ࡒࡅࡋࡀࡎࡕࡀ ࡖ ࡄࡅ ࡎࡀࡌ ࡀࡍࡎࡀ ࡋࡍࡀࡐࡔࡉࡇ ࡓࡁࡀࡉ ࡎࡀࡌ ࡉࡅࡄࡀࡍࡀ ࡁࡓ ࡓࡁࡀࡉ ࡉࡀࡄࡉࡀ ࡀࡃࡀࡌ ࡁࡓ ࡁࡓ ࡁࡉࡄࡓࡀࡌ ࡆࡉࡄࡓࡅࡍ ࡁࡓ ࡀࡃࡀࡌ ࡉࡅࡄࡀࡍࡀ ࡁࡓ ࡆࡉࡃ ࡁࡓ ࡎࡀࡌ ࡊࡉࡍࡉࡀࡍࡇ (ࡀyࡉࡍ)ࡀࡎࡉࡊࡉࡓ ࡖ ࡀࡍࡎࡀ ࡌࡍ ࡒࡅࡋࡀࡎࡕࡀ ࡖ ࡓࡁࡀ ࡅࡓࡀࡌࡀ ࡅࡉࡀࡒࡉࡓࡀ ࡓࡁࡀࡉ ࡉࡀࡄࡉࡀ ࡉࡅࡄࡀࡍࡀ ࡁࡓ ࡓࡁࡀࡉ ࡓࡀࡌ ࡁࡓ ࡉࡀࡄࡉࡀ ࡁࡀࡊࡕࡉࡀࡓ ࡁࡓ ࡓࡁࡀࡉ ࡀࡃࡀࡌ ࡌࡄࡀࡕࡀࡌ ࡁࡓ ࡓࡁࡀࡉ ࡁࡉࡄࡓࡀࡌ ࡁࡓ ࡁࡓ ࡄࡉࡉࡀ ࡊࡉࡍࡉࡀࡍࡇ ࡊࡅࡄࡉࡋࡉࡀ ࡖ ࡀࡍࡎࡀ ࡌࡍ ࡒࡅࡋࡀࡎࡕࡀ ࡖ ࡀࡁ ࡃࡉࡋࡇ ࡓࡁࡀࡉ ࡓࡀࡌ ࡁࡓ ࡉࡀࡄࡉࡀ ࡁࡀࡊࡕࡉࡀࡓ ࡁࡓ ࡓࡁࡉࡀ ࡀࡃࡀࡌ ࡌࡄࡀࡕࡀࡌ ࡁࡓ ࡓࡁࡀࡉ ࡁࡉࡄࡓࡀࡌ ࡁࡓ ࡄࡉࡉࡀ ࡊࡉࡍࡉࡀࡍࡇ ࡊࡅࡄࡉࡋࡉࡀ ࡖ ࡀࡍࡎࡀ ࡌࡍ ࡒࡅࡋࡀࡎࡕࡀ ࡖ ࡄࡀࡌ ࡄࡅ ࡀࡍࡎࡀ ࡋࡓࡁࡇ ࡓࡁࡀ ࡅࡓࡀࡌࡀ ࡅࡉࡀࡒࡉࡓࡀ ࡓࡁࡀࡉ ࡉࡀࡄࡉࡀ ࡌࡄࡀࡕࡀࡌ ࡁࡓ ࡀࡁࡅࡄࡅࡍ ࡖ ࡂࡀࡍࡆࡉࡁࡓࡉࡀ ࡓࡁࡀࡉ ࡎࡀࡌ ࡀࡃࡀࡌ ࡁࡓ ࡆࡀࡊࡉࡀ ࡁࡓ ࡉࡀࡄࡉࡀ ࡋࡀࡒࡀࡁ ࡌࡀࡍࡃࡅࡉࡀ ࡅࡊࡉࡍࡉࡀࡍࡇ ࡏࡊࡅࡌࡀ ࡖ ࡀࡍࡎࡀ ࡋࡍࡀࡐࡔࡉࡇ ࡌࡍ ࡒࡅࡋࡀࡎࡕࡀ ࡖ ࡀࡍࡎࡀ ࡋࡍࡀࡐࡔࡉࡇ ࡀࡍࡎࡀࡋࡇ ࡀࡄࡅࡉࡀ ࡖ ࡀࡁࡅࡉࡀ ࡖ ࡀࡁ ࡃࡉࡋࡇ ࡓࡁࡀ ࡅࡓࡀࡌࡀ ࡅࡉࡀࡒࡉࡓࡀ ࡓࡁࡀࡉ ࡁࡀࡊࡕࡉࡀࡓ ࡁࡓ ࡓࡁࡀࡉ ࡀࡃࡀࡌ ࡌࡄࡀࡕࡀࡌ ࡁࡓ ࡓࡁࡀࡉ ࡁࡉࡄࡓࡀࡌ ࡁࡓ ࡄࡉࡉࡀ ࡊࡉࡍࡉࡀࡍࡇ ࡊࡅࡄࡉࡋࡉࡀ ࡖ ࡀࡍࡎࡀ ࡌࡍ ࡒࡅࡋࡀࡎࡕࡀ ࡖ ࡓࡁࡀ ࡅࡓࡀࡌࡀ ࡅࡉࡀࡒࡉࡓࡀ ࡓࡁࡀࡉ ࡌࡄࡀࡕࡀࡌ ࡁࡀࡉࡀࡍ ࡁࡓ ࡆࡀࡊࡉࡀ ࡔࡉࡕࡋࡀࡍ ࡁࡓ ࡓࡁࡀࡉ ࡎࡀࡌ ࡉࡅࡄࡀࡍࡀ ࡁࡓ ࡎࡀࡓࡅࡀࡍ ࡁࡀࡄࡓࡀࡍ ࡁࡓ ࡀࡃࡀࡌ ࡁࡀࡊࡕࡉࡀࡓ ࡁࡓ ࡎࡀࡌ ࡁࡓ ࡁࡉࡄࡓࡀࡌ ࡁࡓ ࡉࡀࡄࡉࡀ ࡁࡓ ࡆࡀࡊࡉࡀ ࡋࡀࡒࡀࡁ ࡁࡄࡀࡉࡉࡓ ࡅࡊࡉࡍࡉࡀࡍࡇ ࡁࡓࡇ ࡖ ࡉࡅࡄࡀࡍࡀ ࡖ ࡀࡍࡎࡀࡋࡇ ࡓࡁࡀ ࡅࡓࡀࡌࡀ ࡅࡉࡀࡒࡉࡓࡀ ࡌࡎࡀࡒࡌࡀࡍࡀ ࡖ ࡔࡀࡓࡔࡀ ࡓࡁࡀࡉ ࡎࡀࡌ ࡀࡃࡀࡌ ࡁࡓ ࡆࡀࡊࡉࡀ ࡁࡓ ࡓࡀࡌ ࡁࡓ ࡉࡀࡄࡉࡀ ࡊࡉࡍࡉࡀࡍࡇ ࡌࡀࡍࡃࡅࡉࡀ ࡖ ࡀࡍࡎࡀ ࡌࡍ ࡒࡅࡋࡀࡎࡕࡀ ࡖ ࡓࡁࡀ ࡅࡓࡀࡌࡀ ࡅࡉࡀࡒࡉࡉࡓࡀ ࡓࡁࡀࡉ ࡀࡃࡀࡌ ࡌࡄࡀࡕࡀࡌ ࡁࡓ ࡓࡁࡀࡉ ࡁࡉࡄࡓࡀࡌ ࡁࡓ ࡄࡉࡉࡀ ࡁࡓ ࡓࡁࡀࡉ ࡀࡃࡀࡌ ࡆࡀࡊࡉࡀ ࡁࡓ ࡓࡁࡀࡉ ࡁࡓ ࡄࡉࡉࡀ ࡁࡓ ࡓࡁࡀࡉ ࡁࡀࡊࡕࡉࡀࡓ ࡁࡓ ࡀࡃࡀࡌ ࡁࡉࡄࡓࡀࡌ ࡊࡉࡍࡉࡀࡍࡇ ࡊࡅࡄࡉࡋࡉࡀ ࡖ ࡀࡍࡎࡀࡋࡇ ࡋࡓࡁࡀࡉ ࡀࡃࡀࡌ ࡊࡉࡍࡉࡀࡍࡇ ࡔࡅࡊࡀࡓ ࡌࡍ ࡒࡋࡀࡎࡕࡀ ࡖ ࡀࡁ ࡃࡉࡋࡇ ࡓࡁࡀ ࡅࡓࡀࡌࡀ ࡅࡉࡀࡒࡉࡓࡀ ࡓࡁࡀࡉ ࡁࡉࡄࡓࡀࡌ ࡁࡓ ࡄࡉࡉࡀ ࡁࡓ ࡓࡁࡀࡉ ࡀࡃࡀࡌ ࡆࡀࡊࡉࡀ ࡁࡓ ࡓࡁࡀࡉ ࡁࡓ ࡄࡉࡉࡀ ࡁࡓ ࡓࡁࡀࡉ ࡁࡀࡊࡕࡉࡀࡓ ࡁࡓ ࡓࡁࡀࡉ ࡀࡃࡀࡌ ࡆࡀࡊࡉࡀ ࡁࡓ ࡓࡁࡀࡉ ࡁࡓ ࡄࡉࡉࡀ ࡁࡓ ࡁࡀࡊࡕࡉࡀࡓ ࡁࡓ ࡓࡁࡀࡉ ࡀࡃࡀࡌ ࡁࡉࡄࡓࡀࡌ ࡊࡉࡍࡉࡀࡍࡇ ࡊࡅࡄࡉࡋࡉࡀ ࡖ ࡀࡍࡎࡀࡋࡇ ࡌࡍ ࡒࡅࡋࡀࡎࡕࡀ ࡖ ࡓࡁࡀࡉ ࡉࡀࡄࡉࡀ ࡁࡓ ࡎࡀࡌ ࡀࡃࡀࡌ ࡁࡓ ࡆࡀࡊࡉࡀ ࡊࡉࡍࡉࡀࡍࡇ (ࡀyࡉࡍ)ࡀࡎࡉࡊࡉࡓ ࡖ ࡀࡍࡎࡀ ࡌࡍ ࡒࡅࡋࡀࡎࡕࡀ ࡖ ࡍࡀࡐࡔࡉࡇ ࡓࡁࡀࡉࡀࡍ ࡉࡀࡒࡉࡓࡀ ࡂࡀࡍࡆࡉࡁࡓࡀ ࡁࡄࡉࡓࡀ ࡖ ࡁࡄࡉࡓ ࡅࡌࡕࡀࡒࡀࡍ ࡁࡊࡅࡋࡄࡉࡍ ࡏࡁࡉࡃࡀࡕࡀ ࡓࡁࡀࡉ ࡌࡄࡀࡕࡀࡌ ࡆࡉࡄࡓࡅࡍ ࡁࡓ ࡓࡁࡀࡉ ࡁࡓ ࡄࡉࡉࡀ ࡁࡓ ࡓࡁࡀࡉ ࡁࡀࡊࡕࡉࡀࡓ ࡁࡓ ࡓࡁࡀࡉ ࡁࡉࡄࡓࡀࡌ ࡊࡉࡍࡉࡀࡍࡇ ࡊࡅࡄࡉࡋࡉࡀ ࡔࡁࡉࡒࡋࡇ ࡌࡀࡍࡃࡀ ࡖ ࡄࡉࡉࡀ ࡄࡀࡈࡀࡉࡉࡇ ࡖ ࡀࡍࡎࡀ ࡌࡍ ࡒࡅࡋࡀࡎࡕࡀ ࡖ ࡓࡁࡀ ࡅࡓࡀࡌࡀ ࡅࡉࡀࡒࡉࡓࡀ ࡓࡁࡀࡉ ࡓࡀࡌ ࡁࡀࡉࡀࡍ ࡁࡓ ࡎࡀࡌ ࡃࡀࡅࡃࡀࡍࡉࡀ ࡖ ࡀࡍࡎࡀࡋࡇ ࡓࡀࡌ ࡐࡀࡉࡉࡔ ࡁࡓ ࡁࡀࡊࡕࡉࡀࡓ ࡁࡓ ࡎࡀࡌ ࡁࡓ ࡆࡉࡄࡓࡅࡍ ࡁࡓ ࡀࡃࡀࡌ ࡊࡉࡍࡉࡀࡍࡇ ࡐࡅࡓࡀࡉࡉࡄ ࡌࡍ ࡒࡅࡋࡎࡕࡀ ࡖ ࡀࡍࡎࡀ ࡋࡍࡀࡐࡔࡉࡇ ࡓࡁࡀࡉ ࡁࡉࡄࡓࡀࡌ ࡁࡉࡄࡃࡀࡃ ࡁࡓ ࡄࡉࡉࡀ ࡔࡀࡉࡀࡓ ࡊࡉࡍࡉࡀࡍࡇ ࡕࡅࡕࡅ ࡖ ࡀࡍࡎࡀ ࡌࡍ ࡒࡅࡋࡀࡎࡕࡀ ࡖ ࡀࡍࡎࡀࡋࡇ ࡆࡉࡄࡓࡅࡍ ࡁࡀࡊࡕࡉࡀࡓ ࡁࡓ ࡀࡃࡀࡌ ࡈࡓࡅࡔࡀ ࡖ ࡀࡍࡎࡀࡋࡇ ࡋࡔࡅࡀࡋࡉࡀ ࡎࡀࡌ ࡁࡉࡄࡃࡀࡃ ࡁࡓ ࡁࡀࡄࡓࡀࡍ ࡂࡀࡃࡀࡍࡀ ࡖ ࡀࡍࡎࡀࡋࡇ ࡌࡍ ࡒࡅࡋࡀࡎࡕࡀ ࡖ ࡀࡍࡎࡀ ࡋࡍࡀࡐࡔࡉࡇ ࡖ ࡀࡍࡎࡀࡋࡇ ࡀࡃࡀࡌ ࡁࡉࡄࡓࡀࡌ ࡁࡓ ࡀࡃࡀࡌ ࡆࡉࡄࡓࡅࡍ ࡌࡅ(ࡀyࡉࡍ)ࡀࡉࡋࡉࡀ ࡖ ࡀࡍࡎࡀ ࡌࡍ ࡒࡅࡋࡀࡎࡕࡀ ࡖ ࡍࡀࡐࡔࡉࡇ ࡖ ࡀࡍࡎࡀ ࡌࡍ ࡒࡅࡋࡀࡎࡕࡀ ࡖ ࡁࡉࡄࡓࡀࡌ ࡁࡀࡉࡀࡍ ࡁࡓ ࡉࡀࡄࡉࡀ ࡁࡀࡆ ࡖ ࡀࡍࡎࡀࡋࡇ ࡁࡓ ࡀࡄࡅࡉࡀ ࡖ ࡀࡄࡅࡉࡀ ࡁࡓࡇ ࡖ ࡀࡃࡀࡌ ࡁࡓ ࡎࡀࡓࡅࡀࡍ ࡁࡓ ࡉࡀࡄࡉࡀ ࡅࡀࡃࡀࡌ ࡀࡍࡎࡀ ࡌࡍ ࡒࡅࡋࡀࡎࡕࡀ ࡖ ࡀࡍࡎࡀ ࡋࡍࡀࡐࡔࡉࡇ ࡌࡍ ࡒࡅࡋࡀࡎࡕࡀ ࡖ ࡓࡁࡀࡉ ࡀࡃࡀࡌ ࡀࡁࡅࡋࡐࡀࡓࡀࡆ ࡁࡓ ࡁࡉࡄࡓࡀࡌ ࡔࡉࡕࡉࡋ ࡁࡀࡓࡅࡁࡀࡉ ࡖ ࡀࡍࡎࡀ ࡀࡃࡀࡌ ࡆࡉࡄࡓࡅࡍ ࡌ(ࡀyࡉࡍ)ࡀࡉࡋࡉࡀ ࡖ ࡀࡍࡎࡀࡋࡇ ࡀࡁࡅࡉࡀ ࡉࡀࡄࡉࡀ ࡉࡅࡄࡀࡍࡀ ࡁࡉࡄࡃࡀࡃ ࡁࡓ ࡀࡍࡅࡔ ࡌ(ࡀyࡉࡍ)ࡀࡉࡋࡉࡀ ࡖ ࡀࡍࡎࡀࡋࡇ ࡋࡎࡀࡌ ࡆࡀࡊࡉࡀ ࡅࡀࡍࡅࡔ ࡁࡍࡉࡀ ࡁࡓ ࡄࡉࡉࡀ ࡖ ࡀࡍࡎࡀࡋࡇ ࡋࡉࡀࡄࡉࡀ ࡆࡉࡄࡓࡅࡍ ࡁࡓ ࡀࡍࡅࡔ ࡖ ࡀࡍࡎࡀࡋࡇ ࡁࡉࡄࡃࡀࡃ ࡆࡀࡊࡉࡀ ࡁࡓ ࡆࡉࡄࡓࡅࡍ ࡎࡀࡊࡀࡓࡀ ࡌࡍ ࡒࡅࡋࡀࡎࡕࡀ ࡖ ࡀࡍࡅࡔ ࡌ(ࡀyࡉࡍ)ࡀࡉࡋࡉࡀ ࡁࡓ ࡀࡍࡅࡔ ࡁࡉࡄࡃࡀࡃ ࡖ ࡀࡍࡎࡀ ࡋࡔࡅࡀࡋࡉࡇ ࡆࡉࡁࡍࡀ ࡕࡉࡍࡉࡀࡍࡀ ࡌࡍ ࡊࡃࡀࡁ ࡏࡃࡀ ࡖ ࡁࡀࡉࡍࡉࡀ ࡁࡓ ࡆࡀࡊࡉࡀ ࡅࡏࡌࡇ ࡄࡀࡉࡅࡍࡀ ࡐࡕ ࡉࡀࡄࡉࡀ ࡖ ࡀࡍࡎࡅࡍ ࡌࡍ ࡂࡉࡍࡆࡀ ࡖ ࡄࡅࡀࡋࡀࡕࡅࡍ ࡌࡍ ࡈࡉࡁ ࡌࡀࡕࡀ ࡅࡓࡀࡌࡅࡉࡀ ࡁࡓ ࡏࡒࡀࡉࡌࡀࡕ ࡀࡓࡃࡉࡊࡋࡀ ࡁࡂࡀࡅࡇ ࡄࡅࡀ ࡅࡓࡀࡌࡅࡉࡀ ࡁࡓ ࡏࡒࡀࡌࡀࡕ ࡀࡍࡎࡀ ࡌࡍ ࡔࡂࡀࡍࡃࡀ ࡁࡓ ࡉࡀࡎࡌࡉࡍ ࡀࡍࡎࡀ ࡌࡍ ࡆࡀࡆࡀࡉ ࡖ ࡂࡀࡅࡀࡆࡕࡀ ࡁࡓ

ࡄࡀࡅࡀ ࡅࡀࡁࡅࡉࡀ ࡍࡀࡈࡀࡓ ࡅࡆࡀࡆࡀࡉ ࡀࡍࡎࡀ ࡌࡍ ࡀࡁࡀࡄࡀࡕࡇ ࡄࡉࡉࡀ ࡒࡀࡃࡌࡀࡉࡉࡀ ࡅࡄࡉࡉࡀ ࡄࡃࡅࡍ ࡋࡀࡋࡀࡌ ࡀࡋࡌࡉࡀ ࡅࡄࡉࡉࡀ ࡆࡀࡊࡉࡍ ࡋࡊࡅࡋࡄࡅࡍ ࡏࡅࡁࡀࡃࡉࡀ ࡅࡆࡀࡊࡉࡀ ࡌࡀࡍࡃࡀ ࡖ ࡄࡉࡉࡀ ࡅࡃࡉࡀࡅࡓࡇ ࡄࡉࡁࡉࡋ ࡅࡔࡉࡕࡉࡋ ࡅࡀࡍࡅࡔ ࡎࡀ ࡎࡀ

257. ࡁࡔࡅࡌࡀ ࡖ ࡄࡉࡉࡀ ࡌࡔࡀࡁࡀ ࡆࡉࡅࡀ ࡓࡁࡀ ࡒࡀࡃࡌࡀࡉࡀ ࡌࡔࡀࡁࡀ ࡍࡄࡅࡓࡀ ࡓࡁࡀ ࡒࡀࡃࡌࡀࡉࡀ ࡌࡔࡀࡁࡀ ࡀࡉࡍࡀ ࡅࡎࡉࡍࡃࡉࡓࡊࡀ ࡓࡁࡀ ࡒࡀࡃࡌࡀࡉࡀ ࡌࡔࡀࡁࡀ ࡕࡀࡍࡀ ࡊࡀࡎࡉࡀ ࡖ ࡁࡂࡅ ࡀࡉࡍࡀ ࡓࡀࡁࡕࡉࡀ ࡊࡀࡎࡉࡕࡀ ࡒࡀࡃࡌࡀࡉࡕࡀ ࡌࡔࡀࡁࡀ ࡔࡉࡔࡋࡀࡌ ࡓࡁࡀ ࡖ ࡋࡊࡉࡐࡇ ࡖ ࡀࡉࡍࡀ ࡅࡎࡉࡍࡃࡉࡓࡊࡀ ࡉࡀࡕࡉࡁ ࡌࡔࡀࡁࡀ ࡏࡆࡋࡀࡕ ࡓࡀࡁࡕࡉࡀ ࡌࡔࡀࡁࡀ ࡉࡀࡅࡀࡓ ࡓࡁࡀ ࡖ ࡌࡍ ࡊࡀࡍࡐࡉࡀ ࡖ ࡆࡉࡅࡀ ࡏࡑࡈࡀࡓࡀࡓ ࡌࡔࡀࡁࡀ ࡎࡉࡌࡀࡕ ࡄࡉࡉࡀ ࡏࡌࡀࡉࡄࡅࡍ ࡖ ࡊࡅࡋࡄࡅࡍ ࡌࡀࡋࡊࡉࡀ ࡖ ࡌࡉࡍࡀ ࡄࡅࡍ ࡊࡅࡋࡄࡅࡍ ࡀࡋࡌࡉࡀ ࡖ ࡌࡍ ࡄࡉࡌࡀࡕ ࡓࡀࡆࡉࡀ ࡊࡀࡎࡉࡉࡀ ࡏࡐࡉࡓࡔࡀࡕ ࡌࡔࡀࡁࡀ ࡄࡀࡊ ࡉࡀࡓࡃࡍࡀ ࡓࡁࡀ ࡒࡀࡃࡌࡀࡉࡀ ࡌࡔࡀࡁࡉࡍ ࡄࡀࡍࡉࡊ ࡕࡋࡀࡕࡌࡀ ࡅࡔࡉࡕࡉࡍ ࡉࡀࡓࡃࡍࡉࡀ ࡖ ࡌࡍ ࡄࡀࡍࡀࡕࡇ ࡉࡀࡓࡃࡍࡀ ࡓࡁࡀ ࡒࡀࡃࡌࡀࡉࡀ ࡐࡓࡉࡔࡉࡅࡍ ࡌࡔࡀࡁࡀ ࡄࡀࡊ ࡔࡊࡉࡍࡕࡀ ࡓࡀࡁࡕࡉࡀ ࡊࡀࡎࡉࡕࡀ ࡒࡀࡃࡌࡀࡉࡕࡀ ࡌࡔࡀࡁࡉࡍ ࡄࡀࡍࡉࡊ ࡕࡋࡀࡕࡌࡀ ࡅࡔࡉࡕࡉࡍ ࡔࡊࡉࡍࡀࡕࡀ ࡖ ࡌࡍ ࡄࡀࡍࡀࡕࡇ ࡔࡊࡉࡍࡕࡀ ࡓࡀࡁࡕࡉࡀ ࡊࡀࡎࡉࡕࡀ ࡒࡀࡃࡌࡀࡉࡕࡀ ࡐࡓࡉࡔࡉࡅࡍ ࡀࡐࡓࡉࡔ ࡅࡂࡀࡋࡉࡋ ࡅࡀࡌࡀࡓ ࡉࡀࡅࡀࡓ ࡆࡉࡅࡀ ࡏࡅࡕࡓࡀ ࡌࡆࡀࡓࡆࡀ ࡊࡅࡋ ࡂࡀࡁࡓࡀ ࡍࡀࡑࡅࡓࡀࡉࡀ ࡖ ࡁࡓࡀࡄࡌࡉࡀ ࡍࡉࡒࡅࡌ ࡄࡀࡆࡀ ࡁࡅࡕࡀ ࡍࡉࡁࡉࡀ ࡅࡄࡀࡆࡀ ࡒࡀࡉࡀࡌࡕࡀ ࡍࡉࡒࡀࡉࡉࡌ ࡕࡉࡕࡉࡀ ࡀࡕࡉࡀ ࡑࡀࡅࡕࡀ ࡖ ࡄࡉࡉࡀ ࡅࡕࡉࡔࡓࡉࡀ ࡏࡋࡇ ࡍࡉࡄࡅࡉࡋࡇ ࡄࡀࡉࡋࡀ ࡅࡎࡀࡂࡉࡀ ࡀࡊࡅࡀࡕ ࡀࡍࡅࡔ ࡏࡅࡕࡓࡀ ࡊࡅࡋ ࡂࡀࡁࡓࡀ ࡌࡀࡍࡃࡀࡉࡀ ࡖ ࡁࡓࡀࡄࡌࡉࡀ ࡍࡉࡒࡅࡌ ࡄࡀࡆࡀ ࡁࡅࡕࡀ ࡍࡉࡁࡉࡀ ࡅࡄࡀࡆࡀ ࡒࡀࡉࡀࡌࡕࡀ ࡍࡉࡒࡀࡉࡉࡌ ࡕࡉࡕࡉࡀ ࡀࡕࡉࡀ ࡑࡀࡅࡕࡀ ࡖ ࡄࡉࡉࡀ ࡅࡕࡉࡔࡓࡉࡀ ࡏࡋࡇ ࡍࡉࡄࡅࡉࡋࡇ ࡄࡀࡉࡋࡀ ࡅࡎࡀࡂࡉࡀ ࡀࡊࡅࡀࡕ ࡕࡀࡓࡌࡉࡃࡀ ࡅࡍࡉࡌࡀࡓ ࡌࡒࡀࡉࡌࡉࡕࡅࡍ ࡄࡉࡉࡀ ࡒࡀࡃࡌࡀࡉࡉࡀ . ࡍࡉࡒࡀࡉࡉࡌ ࡔࡉࡕࡉࡍ ࡆࡉࡁࡍࡉࡀ ࡅࡄࡃࡀ ࡆࡉࡁࡍࡀ ࡅࡄࡀࡉࡆࡀࡊ ࡍࡉࡔࡀࡋ ࡔࡅࡋࡕࡀ ࡅࡍࡉࡌࡀࡓ . ࡁࡓࡉࡊࡉࡕࡅࡍ ࡅࡌࡔࡀࡁࡉࡕࡅࡍ ࡅࡌࡓࡀࡅࡓࡉࡁࡉࡕࡅࡍ ࡅࡌࡉࡀࡒࡓࡉࡕࡅࡍ ࡅࡌࡒࡀࡉࡌࡉࡕࡅࡍ ࡁࡏࡒࡀࡓࡀ ࡓࡁࡀ ࡖ ࡍࡀࡐࡔࡀ ࡅࡎࡀࡊࡀ ࡋࡉࡕࡋࡇ ࡉࡀ ࡄࡉࡉࡀ ࡅࡌࡀࡓࡀࡉ ࡅࡌࡀࡍࡃࡀ ࡖ ࡄࡉࡉࡀ ࡄࡉࡉࡀ ࡓࡁࡉࡀ ࡒࡀࡃࡌࡀࡉࡉࡀ ࡅࡄࡉࡉࡀ ࡕࡉࡍࡉࡀࡍࡉࡀ ࡅࡄࡉࡉࡀ ࡕࡋࡉࡕࡀࡉࡉࡀ ࡅࡉࡅࡐࡉࡍ ࡉࡅࡐࡀࡐࡉࡍ ࡅࡎࡀࡌ ࡌࡀࡍࡀ ࡎࡌࡉࡓࡀ ࡅࡂࡅࡐࡍࡀ ࡖ ࡊࡅࡋࡀ ࡄࡉࡉࡀ ࡅࡏࡋࡀࡍࡀ ࡓࡁࡀ ࡖ ࡊࡅࡋࡇ ࡀࡎࡀࡅࡀࡕࡀ ࡄࡀࡉࡀࡎࡀ ࡅࡕࡀࡉࡀࡁࡀ ࡅࡓࡉࡅࡀࡍࡀ ࡅࡌࡓࡀࡄࡌࡀࡍࡀ ࡅࡌࡐࡀࡓࡒࡀࡍࡀ ࡅࡌࡔࡀࡅࡆࡉࡁࡀࡍࡀ ࡉࡀ ࡔࡀࡓࡉࡀ ࡏࡎࡉࡓࡉࡀ ࡔࡓࡅࡋࡉࡀ ࡅࡔࡁࡅࡒࡋࡉࡀ ࡄࡀࡈࡀࡉࡉࡀ ࡅࡄࡀࡅࡁࡀࡉ ࡅࡎࡊࡉࡋࡀࡕࡀࡉ ࡅࡕࡉࡒࡋࡀࡕࡀࡉ ࡅࡔࡀࡁࡀࡔࡀࡕࡀࡉ ࡃࡉࡋࡉࡀ ࡖ ࡄࡀࡆࡀ ࡁࡅࡕࡀ ࡅࡓࡀࡄࡌࡉࡀ ࡁࡉࡕ ࡔࡀࡁࡉࡒ ࡄࡀࡈࡀࡉࡉࡀ ࡍࡉࡄࡅࡀࡋࡉࡀ ࡉࡀ ࡄࡀࡁࡔࡀࡁࡀ ࡔࡁࡉࡄࡀ ࡍࡀࡈࡓࡀ ࡃࡀࡊࡉࡀ ࡖ ࡍࡄࡅࡓࡀ ࡀࡉࡀࡓ ࡍࡄࡅࡓࡀ ࡃࡀࡊࡉࡀ ࡐࡀࡓࡅࡀࡍࡒࡀ ࡖ ࡊࡅࡋࡇ ࡆࡉࡃࡒࡀ ࡖ ࡋࡀࡌࡉࡕࡀࡄࡆࡉࡀ ࡅࡋࡀࡌࡉࡎࡕࡀࡉࡀࡊ ࡄࡅࡉࡋࡉࡀ ࡀࡍࡉࡀ ࡅࡀࡍࡉࡀࡍ ࡄࡅࡉࡋࡉࡀ ࡎࡉࡌࡀࡊࡀ ࡅࡎࡅࡌࡊࡀࡍ ࡄࡅࡉࡋࡉࡀ ࡌࡒࡀࡉࡌࡀࡍࡀ ࡅࡒࡀࡉࡌࡀ ࡋࡄࡀࡆࡀ ࡍࡉࡔࡉࡌࡕࡀࡉ ࡃࡉࡋࡉࡀ ࡖ ࡄࡀࡆࡀ ࡁࡅࡕࡀ ࡅࡓࡀࡄࡌࡉࡀ ࡁࡉࡕ ࡔࡀࡁࡉࡒ ࡄࡀࡈࡀࡉࡉࡀ ࡍࡉࡄࡅࡉࡋࡉࡀ ࡉࡀ ࡄࡀࡁࡔࡀࡁࡀ ࡐࡀࡓࡒࡀࡍ ࡌࡍ ࡆࡀࡍࡂࡀࡉࡉࡀ ࡅࡌࡍ ࡌࡀࡈࡀࡓࡀࡉࡉࡀ ࡅࡌࡍ ࡒࡅࡍࡀࡎࡉࡀ ࡖ ࡌࡉࡀ ࡅࡌࡍ ࡃࡅࡃࡉࡀ ࡖ ࡓࡀࡄࡕࡀ ࡅࡌࡍ ࡍࡅࡓࡀ ࡅࡁࡀࡓࡃࡀ ࡅࡌࡍ ࡒࡅࡋࡀ ࡖ ࡔࡉࡁࡉࡀࡄࡉࡀ ࡅࡌࡍ ࡄࡀࡔࡀࡁࡕࡀ ࡖ ࡔࡉࡁࡉࡀࡄࡉࡀ ࡅࡌࡍ ࡂࡉࡈࡋࡀ ࡖ ࡔࡉࡁࡉࡀࡄࡉࡀ ࡅࡌࡍ ࡔࡅࡁࡀ ࡆࡀࡍࡂࡉࡀࡍࡉࡀ ࡓࡀࡁ ࡌࡀࡊࡎࡉࡀ ࡁࡍࡉࡀ ࡄࡔࡅࡊࡀ ࡁࡉࡄࡓࡀࡌ ࡓࡁࡀ ࡑࡉࡁࡀࡍ ࡁࡉࡀࡓࡃࡍࡀࡊ ࡔࡀࡍࡉࡀ ࡅࡔࡀࡋࡌࡀࡍ ࡁࡆࡀࡊࡅ ࡋࡀࡕࡀࡓ ࡍࡄࡅࡓ ࡐࡔࡅࡈ ࡊࡅࡔࡈࡀ ࡉࡀࡒࡓࡀ ࡋࡄࡃࡀࡉࡀ ࡓࡁࡀ ࡆࡀࡃࡉࡒࡀ ࡌࡍ ࡄࡀࡆࡀ ࡍࡉࡔࡉࡌࡕࡀࡉ ࡃࡉࡋࡉࡀ ࡖ ࡄࡀࡆࡀ ࡁࡅࡕࡀ ࡅࡓࡀࡄࡌࡉࡀ ࡁࡉࡕ ࡔࡀࡁࡉࡒ ࡄࡀࡈࡀࡉࡉࡀ ࡍࡉࡄࡅࡉࡋࡉࡀ ࡉࡀ ࡀࡁࡀࡕࡅࡓ ࡓࡀࡌࡀ ࡅࡉࡀ ࡀࡁࡀࡕࡅࡓ ࡌࡅࡆࡀࡍࡉࡀ ࡕࡅࡒࡋࡀࡍ ࡁࡌࡅࡆࡀࡍࡉࡀࡊ ࡅࡁࡅࡍࡉࡀࡍ ࡁࡁࡉࡍࡉࡀࡍࡀࡊ ࡅࡄࡅࡔࡁࡀࡍ ࡁࡄࡅࡔࡁࡀࡍࡀࡊ ࡌࡀࡄࡆࡏࡉࡉࡋ ࡌࡀࡋࡀࡋࡀ ࡓࡁࡀ ࡒࡀࡃࡌࡀࡉࡀ ࡖ ࡕࡀࡒࡉࡍࡋࡉࡀ ࡌࡀࡄࡆࡉࡕࡀ ࡁࡀࡉࡍࡀࡉ ࡅࡔࡐࡀࡊࡋࡉࡀ ࡄࡅࡊࡅࡌࡕࡀ ࡁࡋࡉࡁࡀࡉ ࡅࡐࡀࡄࡕࡀࡋࡉࡀ ࡀࡉࡍࡀࡍࡉࡀࡕࡀ ࡖ ࡏࡅࡑࡓࡀࡉ ࡄࡀࡉࡀࡔࡅࡌ ࡀࡎࡉࡀ ࡖ ࡊࡅࡔࡈࡀ ࡖ ࡉࡅࡎࡌࡉࡓ ࡀࡎࡉࡀ ࡌࡀࡍࡀ ࡅࡃࡌࡅࡕࡇ ࡀࡎࡉࡀࡍ ࡌࡍ ࡊࡉࡁࡉࡀ ࡅࡌࡍ ࡌࡅࡌࡉࡀ ࡅࡌࡍ ࡋࡅࡈࡀࡕࡀ ࡎࡀࡉࡍࡀࡕࡀ ࡅࡌࡍ ࡐࡀࡂࡓࡀ ࡍࡎࡉࡎࡀ ࡅࡌࡍ ࡐࡀࡂࡓࡀ ࡍࡈࡉࡐࡀ ࡉࡀࡅࡀࡓ ࡓࡁࡀ ࡉࡅࡓ ࡓࡁࡀ ࡂࡀࡍࡆࡉࡁࡓࡀ ࡌࡀࡋࡊࡀࡉࡄࡅࡍ ࡖ ࡀࡋࡌࡉࡀ ࡖ ࡍࡄࡅࡓࡀ ࡔࡓࡅࡋࡉࡀ ࡅࡔࡁࡅࡒࡋࡉࡀ ࡄࡀࡈࡀࡉࡉࡀ ࡅࡄࡀࡅࡁࡀࡉ ࡅࡎࡊࡉࡋࡀࡕࡀࡉ ࡅࡕࡉࡒࡋࡀࡕࡀࡉ ࡅࡔࡀࡁࡀࡔࡀࡕࡀࡉ ࡃࡉࡋࡉࡀ ࡖ ࡄࡀࡆࡀ ࡁࡅࡕࡀ ࡅࡓࡀࡄࡌࡉࡀ ࡁࡉࡕ ࡔࡀࡁࡉࡒ ࡄࡀࡈࡀࡉࡉࡀ ࡍࡉࡄࡅࡉࡋࡉࡀ ࡋࡃࡉࡋࡉࡀ ࡅࡋࡀࡁ ࡅࡋࡏࡌ ࡅࡋࡓࡁࡀࡉ ࡅࡋࡆࡀࡅࡀࡉ ࡅࡋࡔࡉࡕࡋࡀࡉ ࡅࡋࡕࡀࡓࡌࡉࡃࡀࡉ ࡅࡋࡊࡅࡋࡄࡉࡍ ࡍࡉࡔࡌࡀࡕࡀ ࡖ ࡋࡔࡅࡌ ࡄࡉࡉࡀ ࡒࡀࡌ ࡅࡋࡓࡔࡅࡌ ࡌࡀࡍࡃࡀ ࡖ ࡄࡉࡉࡀ ࡀࡔࡀࡓ ࡁࡋࡉࡁࡀ ࡊࡔࡉࡈࡀ ࡅࡌࡄࡀࡉࡌࡍࡀ ࡏࡉࡍ ࡄࡉࡉࡀ ࡅࡏࡉࡉࡍ ࡄࡉࡉࡀ ࡅࡄࡉࡉࡀ ࡁࡆࡀࡊࡀࡉࡉࡀ ࡍࡉࡄࡅࡍ ࡅࡋࡓࡀࡄࡌࡉࡀ ࡔࡅࡌࡀࡉࡄࡅࡍ ࡋࡀࡍࡀࡂࡆࡓࡅࡍ ࡁࡋࡀࡅࡐࡀ ࡉࡀࡒࡓࡀ ࡍࡉࡕࡋࡀࡉࡐࡅࡍ ࡄࡉࡉࡀ ࡋࡉࡀࡃࡉࡍ ࡅࡄࡉࡉࡀ ࡋࡎࡀࡁࡓࡀࡍ ࡅࡄࡉࡉࡀ ࡋࡂࡅࡁࡓࡉࡀ ࡌࡀࡎࡁࡉࡓࡀࡍࡀࡍ ࡅࡒࡀࡉࡀࡌࡉࡍ ࡄࡉࡉࡀ ࡁࡔࡊࡉࡍࡀࡕࡅࡍ ࡅࡄࡉࡉࡀ ࡆࡀࡊࡉࡍ ࡋࡊࡅࡋࡄࡅࡍ ࡏࡅࡁࡀࡃࡉࡀ

258. ࡕࡅࡌ ࡌࡍ ࡄࡉࡉࡀ ࡄࡀࡉࡀࡎࡅࡕࡊࡅࡍ ࡅࡏࡕࡀࡉࡀࡁࡅࡕࡊࡅࡍ ࡅࡏࡕࡉࡀࡉࡓࡅࡕࡊࡅࡍ ࡅࡏࡕࡓࡀࡄࡌࡅࡕࡊࡅࡍ ࡃࡉࡋࡊࡅࡍ ࡄࡉࡉࡀ ࡓࡁࡉࡀ ࡒࡀࡃࡌࡀࡉࡉࡀ ࡄࡅࡎࡉࡅࡍ ࡅࡕࡅࡁࡉࡅࡍ ࡅࡏࡕࡉࡀࡉࡓࡅࡍ ࡅࡕࡓࡀࡄࡀࡌࡉࡅࡍ ࡋࡄࡀࡆࡀ ࡍࡉࡔࡉࡌࡕࡀࡉ ࡃࡉࡋࡉࡀ ࡖ ࡄࡀࡆࡀ ࡁࡅࡕࡀ ࡅࡓࡀࡄࡌࡉࡀ ࡁࡉࡕ ࡔࡀࡁࡉࡒ ࡄࡀࡈࡀࡉࡉࡀ ࡍࡉࡄࡅࡉࡋࡉࡀ . ࡕࡅࡌ ࡌࡍ ࡄࡉࡉࡀ ࡄࡀࡉࡀࡎࡅࡕࡊࡅࡍ ࡅࡏࡕࡉࡀࡁࡅࡕࡊࡅࡍ ࡅࡏࡕࡉࡀࡉࡓࡅࡕࡊࡅࡍ ࡅࡏࡕࡓࡀࡄࡌࡅࡕࡊࡅࡍ ࡃࡉࡋࡊࡅࡍ ࡄࡉࡉࡀ ࡓࡁࡉࡀ ࡒࡀࡃࡌࡀࡉࡉࡀ ࡄࡅࡎࡉࡅࡍ ࡅࡕࡅࡁࡉࡅࡍ ࡅࡏࡕࡉࡀࡉࡓࡅࡍ ࡅࡏࡕࡓࡀࡄࡀࡌࡉࡅࡍ ࡋࡄࡀࡆࡀ ࡍࡉࡔࡉࡌࡕࡀࡉ ࡃࡉࡋࡉࡀ ࡖ ࡄࡀࡆࡀ ࡁࡅࡕࡀ ࡅࡓࡀࡄࡌࡉࡀ ࡁࡉࡕ ࡔࡀࡁࡉࡒ ࡄࡀࡈࡀࡉࡉࡀ ࡍࡉࡄࡅࡉࡋࡉࡀ

259. ࡕࡅࡌ ࡌࡍ ࡄࡉࡉࡀ ࡄࡀࡉࡀࡎࡅࡕࡊࡅࡍ ࡅࡏࡕࡉࡀࡁࡅࡕࡊࡅࡍ ࡅࡏࡕࡉࡀࡉࡓࡕࡊࡅࡍ ࡅࡏࡕࡓࡀࡄࡌࡅࡕࡊࡅࡍ ࡃࡉࡋࡊࡅࡍ ࡄࡉࡉࡀ ࡓࡁࡉࡀ ࡒࡀࡃࡌࡀࡉࡉࡀ ࡄࡅࡎࡉࡅࡍ ࡅࡕࡅࡁࡉࡅࡍ ࡅࡏࡕࡉࡀࡉࡓࡅࡍ ࡅࡕࡓࡀࡄࡀࡌࡉࡅࡍ ࡋࡄࡀࡆࡀ ࡍࡉࡔࡉࡌࡕࡀࡉ ࡃࡉࡋࡉࡀ ࡖ ࡄࡀࡆࡀ ࡁࡅࡕࡀ ࡅࡓࡀࡄࡌࡉࡀ ࡁࡉࡕ ࡔࡀࡁࡉࡒ ࡄࡀࡈࡀࡉࡉࡀ ࡍࡉࡄࡅࡉࡋࡉࡀ ࡋࡃࡉࡋࡉࡀ ࡅࡋࡀࡁ ࡅࡋࡏࡌ ࡅࡋࡓࡁࡀࡉ ࡅࡋࡆࡀࡅࡀࡉ ࡅࡋࡔࡉࡕࡋࡀࡉ ࡅࡋࡕࡀࡓࡌࡉࡃࡀࡉ ࡅࡋࡌࡀࡍ ࡖ ࡄࡀࡆࡉࡍ ࡋࡄࡀࡌࡀ ࡅࡈࡀࡁࡅࡕࡀ ࡓࡌࡅࡍ ࡋࡃࡉࡋࡊࡅࡍ ࡀࡁࡀࡄࡀࡕࡀࡉ ࡅࡓࡅࡁࡀࡍࡀࡉ ࡅࡌࡀࡋࡐࡀࡍࡀࡉ ࡅࡌࡀࡎࡁࡉࡓࡀࡍࡀࡉ ࡗ ࡎࡌࡉࡊࡉࡕࡅࡍ ࡌࡍ ࡎࡌࡀࡋ ࡋࡉࡀࡌࡉࡍ ࡔࡀࡁࡉࡒ ࡄࡀࡈࡀࡉࡉࡀ

ࡍࡉࡄࡅࡉࡋࡊࡅࡍ ࡅࡕࡉࡌࡓࡅࡍ ࡅࡒࡀࡉࡀࡌࡉࡍ ࡄࡉࡉࡀ ࡁࡔࡊࡉࡍࡀࡕࡅࡍ ࡅࡄࡉࡉࡀ ࡆࡀࡊࡉࡍ ࡋࡊࡅࡋࡄࡅࡍ ࡏࡅࡁࡀࡃࡉࡀ ࡎ_ ࡀ ࡄࡀࡆࡉࡍ ࡁࡅࡕࡀ ࡖ ࡌࡔࡀࡁࡀ ࡆࡉࡅࡀ ࡓࡁࡀ ࡒࡀࡃࡌࡀࡉࡀ ࡄࡀࡕࡌࡀ ࡋࡊࡅࡋࡄࡅࡍ ࡂࡉࡍࡆࡉࡀ ࡓࡀࡄࡌࡉࡀ ࡅࡌࡀࡑࡁࡅࡕࡀ ࡅࡌࡎࡉࡒࡕࡀ ࡅࡃࡅࡊࡓࡀࡍࡉࡀ ࡅࡔࡅࡌࡀࡉࡉࡀ ࡅࡄࡀࡕࡌࡀ ࡖ ࡊࡅࡋࡄࡅࡍ ࡂࡉࡍࡆࡉࡀ ࡄࡏ ࡎࡀ ࡎࡀ .

 ࡄࡀࡆࡉࡍ ࡒࡅࡋࡀࡎࡕࡀ ࡌࡀࡍࡃࡀࡆ ࡌࡍ ࡊࡕࡀࡁࡉࡀ ࡍࡀࡐࡔࡀ ࡁࡂࡅ ࡏࡃࡀࡍ . ࡄࡀࡆࡉࡍ ࡄࡅ ࡐࡀࡋࡂࡀ ࡕࡉࡍࡉࡀࡍࡀ ࡌࡉࡍࡇ ࡖ ࡒࡓࡉࡍࡀࡋࡇ ࡊࡕࡀࡁࡀ ࡕࡉࡍࡉࡀࡍࡀ ࡖ ࡄࡅ ࡏࡍࡉࡀࡍࡉࡀ ࡔࡅࡌࡇ ࡖ ࡁࡂࡀࡅࡇ ࡄࡀࡋࡉࡍ ࡏࡍࡉࡀࡍࡉࡀ ࡅࡃࡓࡀࡔࡉࡀ ࡅࡒࡀࡉࡀࡌࡕࡀ ࡖ ࡓࡀࡄࡌࡉࡀ ࡌࡀࡍࡃࡉࡆࡉࡀ . ࡅࡀࡍࡀࡔࡀࡕࡀ ࡖ ࡀࡌࡀࡓ ࡅࡓࡍࡉࡀ ࡅࡌࡄࡀࡔࡉࡁ ࡅࡌࡀࡐࡉࡒ ࡋࡄࡀࡆࡉࡍ ࡓࡍࡉࡕࡀ ࡄࡉࡍࡅࡍ ࡌࡀ(ࡔ)ࡉࡃ ࡁࡓ ࡐࡀࡍࡃࡉࡀ ࡁࡓ ࡐࡉ(ࡀyࡉࡍ)ࡉࡋ ࡁࡓ ࡆࡀ(ࡔ)ࡉࡀ ࡁࡓ ࡁࡀ(ࡂ)ࡀ ࡁࡓ ࡔࡀࡌࡊࡉࡀ ࡁࡓ (ࡀyࡉࡍ)ࡀࡁࡉࡃ (ࡀyࡉࡍ)ࡀࡋࡉࡀ ࡁࡓ ࡌࡅࡁࡀࡓࡀࡊ ࡋࡀࡒࡀࡁ ࡌࡀࡍࡃࡅࡉࡀ ࡅࡊࡉࡍࡉࡀࡍࡇ ࡏࡊࡅࡌࡀ ࡅࡔࡅࡌࡀ ࡖ ࡌࡀࡑࡁࡅࡕࡀ ࡀࡃࡀࡌ ࡁࡓ ࡄࡀࡅࡀ ࡅࡆࡀࡅࡇ ࡔࡅࡌࡀ ࡖ ࡌࡀࡑࡁࡅࡕࡀ ࡄࡀࡅࡀ ࡌࡀࡌࡀࡍࡉࡀ ࡐࡕ ࡄࡀࡅࡀ ࡅࡔࡅࡌࡀ ࡖ ࡌࡒࡀࡓࡉࡋࡀ ࡍࡅࡓࡀ ࡁࡓࡀࡕࡀ ࡖ ࡌࡀ(ࡃ)ࡊࡅࡓ ࡁࡓ (ࡄ)ࡀࡐࡉ(ࡈ) ࡁࡓ ࡎࡀࡄࡀࡓ ࡁࡓ ࡌࡉ(ࡄ)ࡎࡉࡍ ࡁࡓ (ࡀyࡉࡍ)ࡀࡁࡃ ࡀࡋࡀࡄ ࡁࡓ (ࡀyࡉࡍ)ࡀࡎࡊࡀࡓ ࡋࡀࡒࡀࡁ ࡊࡀࡌࡉࡎࡉࡀ ࡅࡊࡉࡍࡉࡀࡍࡀ ࡓࡉࡔ ࡃࡓࡀࡆ ࡎࡀ .

 . ࡕࡅࡌ ࡏࡎࡕࡀࡃࡀࡓ ࡄࡀࡆࡉࡍ ࡏࡍࡉࡀࡍࡉࡀ ࡄࡀࡃࡕࡀ ࡁࡊࡀࡌࡐࡉࡅࡕࡀࡓ ࡁࡄࡀࡆࡉࡍ ࡑࡅࡓࡕࡀ ࡆࡉࡁࡍࡀ ࡒࡀࡃࡌࡀࡉࡀ ࡁࡀࡋࡌࡀ ࡄࡀࡆࡉࡍ ࡌࡍ ࡒࡃࡉࡌ ࡅࡏࡋ ࡄࡀࡔࡕࡀ . ࡀࡌࡉࡍࡈࡅࡋ ࡖ ࡊࡅࡋ ࡏࡍࡉࡔ ࡗ ࡖ ࡁࡉࡀ ࡎࡉࡃࡓࡀ ࡖ ࡍࡉࡔࡌࡀࡕࡀ ࡀࡔࡊࡀࡋࡇ . ࡅࡀࡌࡉࡍࡈࡅࡋ ࡖ ࡎࡉࡃࡓࡉࡀ ࡍࡀࡐࡔࡉࡀ ࡖ ࡋࡀࡌࡀࡍࡃࡉࡆࡉࡀ ࡅࡋࡀࡌࡀࡋࡉࡉࡀ ࡌࡍ ࡓࡉࡔ ࡁࡓࡉࡔ ࡎࡀ .

 . ࡅࡂࡀࡁࡓࡀ ࡖ ࡀࡁࡀࡃ ࡄࡅࡂࡉࡀࡍࡉࡀ ࡌࡀࡍࡃࡀࡉࡀ ࡁࡊࡀࡌࡐࡉࡅࡕࡀࡓ ࡅࡈࡁࡀ(ࡀyࡉࡍ) ࡅࡊࡕࡀࡁ ࡁࡅࡍ ࡄࡅ ࡄࡀࡃ ࡌࡀࡍࡃࡀࡉࡀ ࡌࡄࡀࡉࡌࡍࡀ ࡔࡅࡌࡀ ࡖ ࡌࡀࡑࡁࡅࡕࡀ ࡁࡉࡄࡓࡀࡌ ࡁࡓ ࡄࡀࡅࡀ ࡌࡀࡌࡀࡍࡉࡀ ࡅࡔࡅࡌࡀ ࡖ ࡌࡒࡀࡓࡉࡋࡉࡀ ࡁࡀࡔࡀࡓ ࡁࡓ ࡌࡀ(ࡔ)ࡉࡃ ࡁࡓ ࡐࡀࡍࡃࡉࡀ ࡁࡓ ࡐࡉ(ࡀyࡉࡍ)ࡉࡋ ࡁࡓ ࡆࡀ(ࡔ)ࡉࡀ ࡁࡓ ࡁࡀ(ࡂ)ࡉࡀ ࡁࡓ ࡔࡀࡌ(ࡐ)ࡉࡀ ࡁࡓ (ࡀyࡉࡍ)ࡀࡁࡉࡃ (ࡀyࡉࡍ)ࡀࡋࡉࡀ ࡁࡓ ࡌࡅࡁࡀࡓࡀࡊ ࡋࡀࡒࡀࡁ ࡌࡀࡍࡃࡅࡉࡀ ࡅࡊࡉࡍࡉࡀࡍࡇ ࡏࡊࡅࡌࡀ ࡎࡀ .

 . ࡅࡕࡅࡌ ࡀࡍࡀ ࡀࡍࡃࡆࡉࡕ ࡅࡎࡀࡃࡓࡉࡕ ࡄࡀࡋࡉࡍ ࡁࡀࡅࡀࡕࡀ ࡅࡏࡍࡉࡀࡍࡉࡀ ࡅࡃࡓࡀࡔࡉࡀ ࡌࡍ ࡓࡉࡔ ࡋࡎࡀࡉࡀࡊࡕࡀ ࡀࡍࡀ ࡀࡍࡉࡀ ࡅࡃࡀࡍࡉࡀ ࡅࡌࡓࡀࡃࡐࡀ ࡀࡁࡃࡀ ࡖ ࡊࡅࡋࡇ ࡄࡀࡈࡀࡉࡉࡀ ࡅࡀࡓࡒࡀ ࡁࡉࡂࡀࡓ ࡖ ࡍࡀࡑࡅࡓࡀࡉࡉࡀ ࡆࡅࡈࡀ ࡖ ࡀࡄࡀࡉ ࡕࡀࡓࡌࡉࡃࡉࡀ ࡅࡂࡀࡍࡆࡉࡁࡓࡉࡀ ࡅࡀࡒࡀࡐࡓࡀ ࡖ ࡀࡕࡅࡕࡉࡀ ࡋࡉࡂࡓࡀࡉࡄࡅࡍ ࡖ ࡍࡀࡎࡀࡊࡉࡀ ࡀࡍࡀ ࡓࡁࡀࡉ ࡎࡀࡌ ࡁࡓ ࡓࡁࡀࡉ ࡓࡀࡌ ࡉࡅࡄࡀࡍࡀ ࡁࡓ ࡓࡁࡀࡉ ࡀࡃࡀࡌ ࡅࡔࡅࡌࡀࡉ ࡖ ࡌࡒࡀࡓࡉࡋࡀࡉ ࡕࡀࡓࡌࡉࡃࡀ ࡍࡀࡑࡅࡓࡀࡉࡀ ࡄࡀࡉࡕࡀࡌ ࡁࡓ ࡌࡀࡄࡃࡉࡀ ࡁࡓ ࡎࡀ(ࡀyࡉࡍ)ࡉࡃ ࡁࡓ ࡎࡁࡀࡄࡉࡀ ࡁࡓ ࡓࡀࡄࡉࡀ ࡁࡓ (ࡀyࡉࡍ)ࡉࡋࡉࡀ ࡁࡓ (ࡀyࡉࡍ)ࡀࡁࡉࡃ ࡁࡓ ࡌࡅࡈࡀࡓ ࡁࡓ ࡓࡅࡌ(ࡃ)ࡀࡍ ࡁࡓ (ࡀyࡉࡍ)ࡀࡔࡅࡓ ࡁࡓ ࡓࡁࡀࡉ ࡌࡄࡀࡕࡀࡌ ࡁࡓ ࡓࡁࡀࡉ ࡉࡀࡄࡉࡀ ࡁࡓ ࡓࡁࡀ ࡅࡓࡀࡌࡀ ࡅࡉࡀࡒࡉࡓࡀ ࡂࡀࡍࡆࡉࡁࡓࡀ ࡕࡀࡒࡍࡀ ࡅࡓࡉࡔ ࡃࡀࡓࡀ ࡖ ࡌࡀࡍࡃࡀࡉࡉࡀ ࡓࡁࡀࡉ ࡆࡉࡄࡓࡅࡍ ࡊࡉࡍࡉࡀࡍࡇ ࡊࡅ(ࡄ)ࡀࡉࡋࡉࡀ . ࡅࡎࡉࡃࡓࡉࡀ ࡖ ࡀࡍࡃࡆࡉࡕ ࡌࡉࡍࡀࡉࡄࡅࡍ ࡄࡉࡍࡅࡍ ..

 . . ࡒࡀࡃࡌࡀࡉࡀ ࡖ ࡄࡅ ࡋࡂࡀࡈࡍࡀࡋࡇ ࡌࡍ ࡊࡅࡓࡀࡎࡀ ࡖ ࡁࡉࡕ ࡎࡉࡃࡓࡉࡀ ࡖ ࡏࡍࡕࡀ ࡖ ࡄࡏ e. ࡎ. ࡃࡓࡅࡉࡓ (E.ࡑ. ࡃࡓoweࡓ) ࡁ(ࡄ)ࡅࡂࡓࡀ ࡀࡋࡊࡉࡃࡀࡁࡀࡍࡉࡀ ࡖ ࡁࡅࡃࡋࡉࡍ ࡅࡏࡅࡊࡎࡐࡅࡓࡃ ࡅࡁࡄࡅࡂࡉࡀࡍࡉࡀ ࡅࡌࡉࡍࡉࡀࡍࡉࡀ ࡖ . c . ࡄࡀࡌࡔࡉࡍ ࡅࡕࡋࡀࡕࡀ . ࡃ.C. 35 . ࡖ ࡄࡅ ࡔࡀࡐࡉࡓ ࡅࡍࡀࡐࡅࡔ ࡅࡌࡕࡀࡌࡀࡌ ࡖ ࡀࡍࡎࡉࡍࡀࡋࡉࡀ ࡌࡍ ࡓࡉࡔ ࡅࡀࡋࡌࡀ ࡋࡃࡉࡍࡁࡀ ࡌࡍ ࡊࡃࡀࡁࡀ ࡖ ࡏࡃࡀ ࡖ ࡓࡁࡀࡉ ࡀࡃࡀࡌ ࡉࡅࡄࡀࡍࡀ ࡁࡓ ࡎࡀࡌ ࡁࡓ ࡁࡉࡄࡓࡀࡌ ࡁࡓ ࡎࡀ(ࡀyࡉࡍ)ࡃࡀࡍ ࡁࡓ ࡌࡎࡀ(ࡀyࡉࡍ)ࡀࡃ ࡋࡀࡒࡀࡁ ࡊࡀࡌࡉࡎࡉࡀ ࡅࡊࡉࡍࡉࡀࡍࡇ ࡓࡉࡔ ࡃࡓࡀࡆ ࡖ ࡀࡍࡎࡀ ࡋࡍࡀࡐࡔࡉࡇ . .. ࡄࡆࡉࡀ ࡎࡀࡉࡀࡊࡕࡀ ࡖ ࡆࡄࡀࡓࡉࡀ ࡖ ࡀࡍࡎࡉࡍࡀࡋࡉࡀ ࡆࡉࡁࡍࡉࡀ ࡍࡀࡐࡔࡀ ࡁࡄࡀࡆࡉࡍ ࡎࡉࡃࡓࡀ ࡅࡊࡅࡓࡀࡎࡀ ࡄࡀࡃࡕࡀ ࡎࡀ . ࡕࡉࡍࡉࡀࡍࡀ ࡖ ࡄࡅ ࡄࡀࡌࡊࡉࡀ ࡖ ࡊࡕࡀࡁࡀ ࡒࡀࡃࡌࡀࡉࡀ ࡅࡌࡉࡍࡉࡀࡍࡇ ࡕࡋࡀࡕࡀ . ࡃ.C. 3 . ࡎࡀ .

. ࡕࡋࡉࡕࡀࡉࡀ ࡖ ࡄࡅ ࡄࡀࡌࡊࡉࡀ ࡖ ࡊࡕࡀࡁࡀ ࡒࡀࡃࡌࡀࡉࡀ ࡅࡌࡉࡍࡉࡀࡍࡇ ࡄࡀࡃ . ࡃ.C. 1 . ࡎࡀ

. ࡀࡓࡁࡉࡀࡉࡀ ࡖ ࡄࡅ ࡀࡁࡀࡃ ࡕࡀࡓࡂࡅࡌࡉࡀ ࡏࡋࡇ ࡕࡀࡓࡂࡅࡌࡀࡍ ࡂࡀࡁࡓࡀ ࡅࡔࡅࡌࡇ ࡖ ࡌࡒࡀࡓࡉࡋࡇ ࡌࡀࡓࡒ ࡋࡉࡃࡆࡁࡀࡓࡎࡒࡉࡀ (ࡌ. ࡋࡉࡃࡆࡁࡀࡓࡎࡊࡉ) ࡌࡍ ࡊࡅࡓࡀࡎࡉࡀ ࡖ ࡁࡁࡀࡉࡕࡉࡀ ࡎࡉࡃࡓࡉࡀ ࡖ ࡐࡀࡓࡉࡎ ࡅࡏࡅࡊࡎࡐࡅࡓࡃ ࡅࡋࡅࡍࡃࡅࡍ . . . ࡅࡔࡅࡌࡇ ࡖ ࡊࡕࡀࡁࡇ ࡏࡄࡋࡉࡀ ࡌࡀ(ࡀyࡉࡍ)ࡓࡅࡐ ࡁࡄࡅࡂࡉࡀࡍࡉࡀ ࡌ . ࡋ . .ࡌ.ࡋ.. (ࡌࡀࡍࡃࡀࡉࡎcࡄe ࡋࡉࡕࡅࡓࡂࡉeࡍ) ࡎࡀ . ࡕࡋࡉࡕࡀࡉࡀ ࡖ ࡄࡅ ࡄࡀࡌࡊࡉࡀ ࡖ ࡊࡕࡀࡁࡀ ࡒࡀࡃࡌࡀࡉࡀ ࡅࡌࡉࡍࡉࡀࡍࡇ ࡄࡀࡃ . ࡃ.C.1 . ࡎ ࡀ . ࡄࡀࡌࡔࡉࡀࡉࡀ ࡖ ࡄࡅ ࡌࡍ ࡊࡃࡀࡁࡀ ࡖ ࡏࡃࡀ ࡖ ࡓࡁࡀࡉ ࡉࡀࡄࡉࡀ ࡉࡅࡄࡀࡍࡀ ࡁࡓ ࡓࡁࡀࡉ ࡎࡀࡌ ࡁࡓ ࡆࡉࡄࡓࡅࡍ ࡁࡓ ࡁࡉࡄࡓࡀࡌ ࡁࡓ ࡉࡅࡄࡀࡍࡀ ࡁࡓ ࡎࡀࡌ ࡁࡓ ࡁࡉࡄࡓࡀࡌ ࡁࡓ ࡎࡀ(ࡀyࡉࡍ)ࡃࡀࡍ ࡋࡀࡒࡀࡁ ࡊࡀࡌࡉࡎࡉࡀ ࡅࡊࡉࡍࡉࡀࡍࡇ ࡓࡉࡔ ࡃࡓࡀࡆ ࡅࡎࡀࡉࡊࡀ ࡌࡍ ࡊࡃࡀࡁࡀ ࡖ ࡀࡈࡁࡀ(ࡀyࡉࡍ)ࡋࡇ (ࡔ) . ࡃࡉ . ࡌࡅࡓࡂࡀࡍ (J. ࡃe ࡌoࡓࡂࡀࡍ) ࡅࡔࡅࡌࡇ ࡖ ࡊࡅࡓࡀࡎࡇ ࡏࡄࡋࡉࡀ ࡌࡀ(ࡀyࡉࡍ)ࡓࡅࡐ ࡁࡄࡅࡂࡉࡀࡍࡉࡀ ࡖ . ࡌ . .ࡃ.ࡌ. . (ࡈexࡕeࡎ ࡌࡀࡍࡃࡀࡉࡕeࡎ) ࡎࡀ .

 . ࡔࡉࡕࡀࡉࡀ ࡌࡍ ࡂࡀࡅ ࡁࡉࡕ ࡂࡉࡍࡆࡀࡉ ࡖ ࡄࡅ ࡏࡍࡉࡀࡍࡉࡀ . ࡏࡍࡉࡀࡍࡀ . ࡖ ࡓࡀࡄࡌࡉࡀ ࡌࡍ ࡊࡃࡀࡁࡀ ࡖ ࡏࡃࡀ ࡖ ࡀࡃࡀࡌ ࡆࡉࡄࡓࡅࡍ ࡁࡓ ࡓࡁࡀࡉ ࡆࡉࡄࡓࡅࡍ ࡁࡓ ࡀࡃࡀࡌ ࡉࡅࡄࡀࡍࡀ ࡁࡓ ࡉࡀࡄࡉࡀ ࡁࡓ ࡔࡀࡓ(ࡔ)ࡉࡏ ࡁࡓ ࡏࡎࡉࡌࡉࡓ ࡋࡀࡒࡀࡁ ࡌࡀࡍࡃࡅࡉࡀ ࡅࡊࡉࡍࡉࡀࡍࡉࡀ ࡏࡊࡅࡌࡀ ࡖ ࡀࡍࡎࡀࡋࡇ ࡋࡄࡀࡃ ࡔࡀࡋࡌࡀࡍࡀ ࡅࡌࡄࡀࡉࡌࡉࡍ ࡁࡄࡉࡉࡀ ࡓࡁࡉࡀ ࡒࡀࡃࡌࡀࡉࡉࡀ ࡖ ࡄࡅ ࡎࡀࡌ ࡁࡓ ࡀࡍࡄࡀࡓ ࡅࡔࡅࡌࡇ . . . ࡎࡉࡐ ࡀࡁࡍ ࡀࡌࡍࡀࡄࡉࡀ ࡁࡓ ࡄࡀࡍࡀࡐ ࡁࡓ (ࡄ)ࡁࡉࡁ ࡁࡓ ࡎ(ࡀyࡉࡍ)ࡃ ࡁࡓ ࡄࡋࡉࡋ (ࡀyࡉࡍ)ࡀࡎࡊࡀࡓ ࡁࡓ ࡁࡊࡉࡕ (ࡐ)ࡀࡌࡉࡎࡉࡀ ࡅࡊࡉࡍࡉࡀࡍࡉࡀ ࡓࡉࡔ ࡃࡓࡀࡆ .

ࡅࡀࡃࡀࡌ ࡆࡉࡄࡓࡅࡍ ࡀࡍࡎࡀࡋࡇ ࡌࡍ ࡊࡃࡀࡁࡀ ࡖ ࡏࡃࡀ ࡖ ࡓࡁࡀࡉ ࡎࡀࡌ ࡅࡄࡅ ࡓࡁࡉࡇ ࡅࡀࡁ ࡃࡉࡋࡉࡇ . . . .. ࡅࡄࡀࡆࡉࡍ ࡏࡍࡉࡀࡍࡉࡀ .

ࡏࡍࡉࡀࡍࡀ . ࡏࡎࡕࡀࡒࡀࡌ ࡅࡄࡕࡀࡌࡋࡇ ࡁࡉࡅࡌࡀ ࡖ ࡔࡀࡐࡕࡀ ࡄࡀࡌࡔࡀ ࡅࡎࡓࡉࡍ ࡁࡉࡀࡄࡓࡀ ࡖ ࡌࡀࡔࡓࡀࡅࡀࡍ ࡀࡓࡒࡁࡀ ࡋࡔࡍࡀࡕ ࡀࡋࡐࡀ ࡅࡕࡋࡀࡕࡌࡀ ࡅࡀࡓࡁࡀ ࡔࡍࡉࡀ ࡁࡁࡀࡉࡕࡀ ࡖ ࡍࡀࡐࡔࡉࡇ ࡁࡌࡉࡀ ࡖ ࡃࡉࡂࡋࡀࡕ ࡁࡄࡊࡅࡌ ࡀࡓࡁࡀࡉࡉࡀ . . .

 ࡅࡊࡅࡓࡀࡎࡀ ࡌࡍ ࡄࡀࡆࡉࡍ ࡏࡍࡉࡀࡍࡀ ࡁࡂࡅ (ࡄ)ࡅࡂࡓࡀ ࡀࡋࡊࡉࡃࡀࡁࡀࡍࡉࡀ . ࡀࡋࡌࡀ(ࡔ)ࡌࡀ(ࡀyࡉࡍ) ࡀࡋ(ࡀyࡉࡍ)ࡉࡋࡌࡉࡀ ࡀࡋ(ࡀyࡉࡍ)ࡉࡓࡀࡒࡉࡀ . ࡋࡂࡀࡈࡋࡇ ࡁࡉࡅࡌࡀ ࡖ ࡕࡔࡀ ࡁࡉࡀࡄࡓࡀ ࡖ ࡀࡉࡋࡅࡋ . ࡎࡉࡐࡕࡀࡌࡁࡀࡓ . ࡋࡔࡍࡀࡕ ࡕࡔࡀ ࡅࡔࡅࡁࡉࡍ ࡅࡕࡀࡓࡕࡉࡍ ࡔࡍࡉࡀ ࡀࡁࡀࡕࡀࡓ ࡀࡋࡐࡀ ࡓࡅࡌࡀࡉࡀ . ࡎ ࡀ . ࡔࡅࡁࡀࡉࡀ ࡄࡀࡌࡊࡉࡀ ࡖ ࡊࡃࡀࡁࡀ ࡔࡉࡕࡀࡉࡀ ࡖ ࡄࡅ ࡌࡍ ࡊࡃࡀࡁࡀ ࡖ ࡏࡃࡀ ࡖ ࡌࡄࡀࡕࡀࡌ ࡉࡅࡄࡀࡍࡀ ࡁࡓ ࡁࡉࡁࡉࡀ ࡌࡅࡃࡀࡋࡀࡋ ࡁࡓ ࡓࡁࡀࡉ ࡓࡀࡌ ࡆࡉࡄࡓࡅࡍ ࡁࡓ ࡌࡀࡋࡉࡄ .. ࡅࡐࡎࡀࡒ ࡌࡍ ࡃࡉࡍࡁࡇ ࡖ ࡄࡀࡆࡉࡍ ࡏࡍࡉࡀࡍࡉࡀ ࡆࡄࡀࡓࡀ ࡖ ࡍࡀࡎࡀࡊࡀ ࡎࡀ

. ࡕࡌࡀࡍࡀࡉࡀ ࡄࡀࡌࡊࡉࡀ ࡖ ࡊࡃࡀࡁࡀ ࡔࡉࡕࡀࡉࡀ ࡖ ࡄࡅ ࡎࡉࡃࡓࡀ ࡖ ࡍࡉࡔࡌࡀࡕࡀ ࡌࡍ ࡊࡃࡀࡁࡀ ࡖ ࡏࡃࡀ ࡖ ࡀࡃࡀࡌ ࡁࡓ ࡓࡁࡀࡉ ࡆࡀࡊࡉࡀ ࡆࡉࡄࡓࡅࡍ ࡁࡓ ࡂࡀࡍࡆࡉࡁࡓࡀ ࡕࡀࡒࡍࡀ ࡅࡓࡉࡔࡀ ࡃࡀࡓࡀ ࡄࡅ ࡓࡁࡀࡉ ࡅࡕࡀࡂࡀ ࡎࡀࡌࡋࡉࡀ ࡁࡓࡉࡔࡉࡀ ࡄࡅ ࡀࡁ ࡀࡁ ࡃࡉࡋࡇ ࡓࡉࡔ ࡀࡌࡀ ࡄࡅ ࡓࡁࡀࡉ ࡓࡀࡌ ࡆࡉࡄࡓࡅࡍ ࡁࡓ ࡓࡁࡀࡉ ࡎࡀࡌ ࡁࡉࡄࡓࡀࡌ ࡁࡓ ࡓࡁࡀࡉ ࡉࡀࡄࡉࡀ ࡆࡉࡄࡓࡅࡍ ࡁࡓ ࡓࡁࡀࡉ ࡁࡉࡄࡓࡀࡌ ࡔࡉࡕࡉࡋ ࡁࡓ ࡓࡁࡀ ࡅࡓࡀࡌࡀ ࡅࡉࡀࡒࡉࡓࡀ ࡅࡂࡀࡍࡆࡉࡁࡓࡀ ࡕࡀࡒࡍࡀ ࡁࡄࡉࡓࡉࡀ ࡓࡁࡀࡉ ࡉࡀࡄࡉࡀ ࡁࡓ ࡓࡁࡀࡉ ࡆࡉࡄࡓࡅࡍ ࡁࡓ ࡓࡁࡀࡉ ࡉࡀࡄࡉࡀ ࡌࡄࡀࡕࡀࡌ ࡁࡓ ࡀࡃࡀࡌ ࡁࡓ ࡀࡃࡀࡌ ࡉࡅࡄࡀࡍࡀ ࡁࡓ ࡁࡉࡄࡓࡀࡌ ࡁࡓ ࡔࡀࡌࡎ ࡁࡓ ࡂࡀࡍࡉࡌ ࡁࡓ ࡓࡁࡀࡉ ࡀࡃࡀࡌ ࡁࡓ ࡀࡁࡅࡄࡅࡍ ࡖ ࡂࡀࡍࡆࡉࡁࡓࡉࡀ ࡓࡁࡀࡉ ࡉࡀࡄࡉࡀ ࡁࡓ ࡊࡉࡍࡉࡀࡍࡉࡀ (ࡀyࡉࡍ)ࡀࡆࡉࡆ ࡋࡀࡒࡀࡁ ࡊࡐࡀ(ࡔ)ࡉࡀ ࡅࡃࡀࡓࡀࡔࡉࡀ ࡖ ࡀࡍࡎࡀ ࡋࡄࡀࡃ ࡔࡀࡋࡌࡀࡍࡕࡉࡀ ࡖ ࡄࡏ ࡏࡌࡀ ࡃࡉࡋࡇ ࡔࡅࡌࡀ ࡖ ࡌࡀࡑࡁࡅࡕࡀ ࡄࡀࡅࡀ ࡎࡉࡌࡀࡕ ࡐࡕ ࡌࡅࡃࡀࡋࡀࡋ ࡅࡔࡅࡌࡀ ࡖ ࡒࡀࡓࡀࡋࡀ (ࡀyࡉࡍ)ࡋࡀࡉࡀ ࡅࡀࡄ ࡁࡉࡍࡕ (ࡔ)ࡐࡋࡀ ࡏࡁࡉࡍ (ࡔ)ࡀࡁࡅࡓ ࡏࡁࡉࡍ ࡔࡁࡀࡉࡁ ࡏࡁࡉࡍ (ࡄ)ࡀࡁࡀࡉࡁ

ࡏࡁࡉࡍ ࡁࡋࡀࡔ ࡏࡁࡉࡍ (ࡀyࡉࡍ)ࡀࡁࡃ ࡏࡁࡉࡍ ࡁࡃࡀࡓ ࡏࡁࡉࡍ ࡌࡄࡀࡍࡅ ࡅࡎࡀࡉࡊࡀ ࡀࡋࡌࡀ ࡋࡃࡉࡍࡁࡀ ࡖ ࡔࡅࡌࡀ ࡖ ࡄࡅ ࡌࡍ ࡊࡉࡍࡉࡀࡍࡀ ࡊࡀࡌࡉࡎ ࡋࡀࡒࡀࡁ ࡓࡉࡔ ࡃࡓࡀࡆ ࡖ ࡀࡍࡎࡀࡋࡀ ࡌࡍ ࡎࡉࡃࡓࡀ ࡖ ࡀࡍࡄࡀࡓ ࡁࡓࡀࡕ ࡂࡀࡍࡆࡉࡁࡓࡀ ࡓࡀࡌࡀ ࡆࡉࡄࡓࡅࡍ ࡄࡅ ࡀࡁ ࡀࡁ ࡃࡉࡋࡇ ࡓࡀࡌ ࡆࡉࡄࡓࡅࡍ ࡄࡅ ࡀࡍࡎࡀࡋࡀ ࡌࡍ ࡎࡉࡃࡓࡀ ࡖ ࡉࡀࡄࡉࡀ ࡉࡅࡄࡀࡍࡀ ࡁࡓ ࡁࡓࡀࡊࡕࡀࡓ ࡊࡉࡍࡉࡀࡍࡀ ࡊࡅ(ࡄ)ࡀࡉࡋࡉࡀ ࡅࡎࡀࡉࡊࡀ ࡋࡃࡉࡍࡁࡀ . ࡅࡄࡀࡆࡉࡍ ࡎࡉࡃࡓࡀ ࡏࡎࡕࡀࡃࡓࡀࡕ ࡅࡎࡉࡋࡒࡀࡕ ࡋࡓࡉࡔ ࡁࡉࡅࡌࡀ ࡖ ࡄࡀࡁࡔࡀࡁࡀ ࡎࡓࡉࡍ ࡁࡉࡀࡄࡓࡀ ࡌࡉࡑࡀࡉ ࡎࡉࡕࡅࡀ ࡋࡔࡍࡀࡕ ࡀࡕࡔࡀࡌࡀ ࡅࡓࡁࡀ ࡅࡕࡌࡀࡍࡀࡍ ࡔࡍࡉࡀ ࡀࡁࡀࡕࡀࡓ ࡀࡋࡐࡀ ࡄࡅ ࡉࡀࡄࡉࡀ ࡉࡅࡄࡀࡍࡀ 1984 . ࡄࡅ (ࡀyࡉࡍ)ࡉࡎࡀ 1933 . 1352 ࡒࡀࡁࡉࡋࡉࡅࡍ ࡀࡓࡁࡀࡉࡀ . ࡁ(ࡄ)ࡀࡊࡌ ࡐࡀࡉࡑࡀࡋ ࡏࡁࡉࡍ (ࡄ)ࡎࡀࡉࡍ ࡌࡋࡀࡊ (ࡀyࡉࡍ)ࡀࡓࡁࡀ ࡁࡌࡀࡕࡀ (ࡔ)ࡋ(ࡀyࡉࡍ)ࡄ ࡄࡅ ࡎࡀ .

 . ࡕࡔࡉࡀࡉࡀ . ࡏࡕࡔࡀࡉࡀ . ࡄࡀࡌࡊࡉࡀ ࡖ ࡊࡃࡀࡁࡀ ࡔࡉࡕࡀࡉࡀ ࡖ ࡄࡅ ࡌࡍ ࡊࡃࡀࡁࡀ ࡖ ࡏࡃࡀ ࡖ ࡓࡀࡌ ࡆࡉࡄࡓࡅࡍ ࡁࡓ ࡓࡁࡀࡉ ࡉࡀࡄࡉࡀ ࡆࡉࡄࡓࡅࡍ ࡁࡓ ࡓࡁࡀ ࡅࡓࡀࡌࡀ ࡅࡉࡀࡒࡉࡓࡀ ࡅࡓࡉࡔ ࡃࡀࡓࡀ ࡖ ࡄࡅ ࡀࡁ ࡀࡁ ࡃࡉࡋࡇ ࡄࡅ ࡓࡁࡀࡉ ࡓࡀࡌ ࡆࡉࡄࡓࡅࡍ ࡁࡓ ࡓࡁࡀࡉ ࡁࡉࡄࡓࡀࡌ ࡔࡉࡕࡉࡋ ࡁࡓ ࡓࡁࡀ ࡅࡓࡀࡌࡀ ࡅࡉࡀࡒࡉࡓࡀ ࡅࡂࡀࡍࡆࡉࡁࡓࡀ ࡕࡀࡒࡍࡀ ࡁࡄࡉࡓࡀ ࡓࡁࡀࡉ ࡉࡀࡄࡉࡀ ࡁࡓ ࡓࡁࡀࡉ ࡆࡉࡄࡓࡅࡍ ࡁࡓ ࡓࡁࡀࡉ ࡉࡀࡄࡉࡀ ࡌࡄࡀࡕࡀࡌ ࡁࡓ ࡀࡃࡀࡌ ࡁࡓ ࡀࡃࡀࡌ ࡉࡅࡄࡀࡍࡀ ࡁࡓ ࡁࡉࡄࡓࡀࡌ ࡁࡓ ࡔࡀࡌࡎ ࡁࡓ ࡂࡀࡍࡀࡌ ࡁࡓ ࡓࡁࡀࡉ ࡀࡃࡀࡌ ࡁࡓ ࡀࡁࡅࡄࡅࡍ ࡖ ࡂࡀࡍࡆࡉࡁࡓࡉࡀ ࡓࡁࡀࡉ ࡉࡀࡄࡉࡀ ࡁࡓ ࡓࡁࡀࡉ ࡀࡍࡅࡔ ࡊࡉࡍࡉࡀࡍࡀ (ࡀyࡉࡍ)ࡀࡆࡉࡆ ࡋࡀࡒࡀࡁ ࡊࡅࡐࡀ(ࡔ)ࡉࡀ ࡅࡃࡅࡓࡀࡔࡉࡀ ࡖ ࡀࡍࡎࡀ ࡋࡄࡀࡃ ࡔࡀࡋࡌࡀࡍࡀ ࡅࡌࡄࡀࡉࡌࡍࡀ ࡖ ࡄࡅ ࡀࡃࡀࡌ ࡉࡅࡄࡀࡍࡀ ࡁࡓ ࡌࡅࡃࡀࡋࡀࡋ ࡅࡔࡅࡌࡀ ࡖ ࡒࡀࡓࡉࡋࡀ (ࡔ)ࡀࡃࡀࡄ ࡏࡁࡉࡍ (ࡀyࡉࡍ)ࡀࡃࡀࡄ ࡏࡁࡉࡍ (ࡀyࡉࡍ)ࡀࡅࡀࡈ ࡏࡁࡉࡍ ࡍࡀࡀࡓࡀࡆ ࡏࡁࡉࡍ (ࡀyࡉࡍ)ࡀࡁࡃ ࡀࡋࡀࡄ ࡌࡍ ࡊࡉࡍࡉࡀࡍࡀ ࡎࡀࡁࡅࡓ ࡖ ࡀࡍࡎࡀࡋࡀ ࡌࡍ ࡎࡉࡃࡓࡀ ࡖ ࡊࡃࡀࡁࡀ ࡖ ࡀࡁ ࡀࡁ ࡃࡉࡋࡇ ࡖ ࡄࡅ ࡓࡁࡀࡉ ࡓࡀࡌ ࡆࡉࡄࡓࡅࡍ ࡅࡎࡀࡉࡊࡀ . ࡅࡄࡀࡆࡉࡍ ࡎࡉࡃࡓࡀ ࡏࡎࡕࡀࡃࡓࡀࡕ ࡅࡎࡉࡋࡒࡀࡕ ࡋࡓࡉࡔ ࡁࡉࡅࡌࡀ ࡖ ࡀࡓࡁࡀ ࡄࡀࡁࡔࡀࡁࡀ ࡔࡉࡕࡀࡎࡀࡓ ࡁࡉࡀࡄࡓࡀ ࡖ ࡀࡉࡀࡓ ࡕࡀࡅࡓࡀ ࡁࡔࡉࡃࡕࡀ ࡕࡋࡀࡕࡀ ࡁࡄࡀࡁࡔࡀࡁࡀ ࡋࡔࡍࡀࡕ ࡕࡋࡀࡕࡌࡀ ࡅࡕࡋࡀࡕࡀ ࡅࡄࡀࡌࡔࡉࡍ ࡀࡁࡀࡕࡀࡓ ࡀࡋࡐࡀ ࡋࡔࡍࡀࡕ ࡕࡔࡉࡌࡀ ࡅࡔࡅࡁࡀ ࡅࡕࡌࡀࡍࡉࡍࡉࡀ ࡀࡔࡍࡉࡉࡀ ࡀࡁࡀࡕࡀࡓ ࡀࡋࡐࡉࡀ ࡉࡀࡄࡉࡀ ࡉࡅࡄࡀࡍࡀ ࡋࡔࡍࡀࡕ ࡀࡕࡅࡔࡌࡀ ࡅࡕࡋࡀࡕࡉࡍ ࡅࡀࡓࡁࡀ ࡀࡔࡍࡉࡉࡀ ࡀࡁࡀࡕࡀࡓ ࡀࡋࡐࡀ ࡄࡅ ࡌࡀ(ࡄ)ࡔࡉࡀ . 1987 ࡉࡀࡄࡉࡀ ࡉࡅࡄࡀࡍࡀ . 1934 (ࡀyࡉࡍ)ࡉࡎࡀ . 1353 ࡀࡓࡁࡀࡉ . ࡎࡀ

. ࡀࡎࡓࡉࡀࡉࡀ ࡄࡀࡌࡊࡉࡀ ࡖ ࡊࡃࡀࡁࡀ ࡔࡉࡕࡀࡉࡀ ࡖ ࡄࡅ ࡂࡉࡍࡆࡀ ࡓࡁࡀ ࡌࡍ ࡊࡃࡀࡁࡀ ࡖ ࡏࡃࡀ ࡖ ࡓࡁࡀࡉ ࡎࡀࡌ ࡁࡓ ࡓࡁࡀࡉ ࡓࡀࡌ ࡉࡅࡄࡀࡍࡀ ࡁࡓ ࡓࡁࡀࡉ ࡀࡃࡀࡌ . . . ࡋࡔࡍࡀ ࡕࡔࡉࡌࡀ ࡅࡕࡔࡉࡍ ࡅࡕࡌࡀࡍࡉࡀ ࡔࡍࡉࡀ ࡀࡁࡀࡕࡀࡓ ࡀࡋࡐࡀ ࡓࡅࡌࡀࡉࡀ ࡎࡀ

.. ࡕࡅࡌ ࡏࡎࡕࡀࡃࡀࡓ ࡅࡎࡋࡀࡒ ࡋࡓࡉࡔ ࡄࡀࡆࡉࡍ ࡏࡍࡉࡀࡍࡉࡀ ࡖ ࡓࡀࡄࡌࡉࡀ ࡅࡉࡅࡌࡉࡀ ࡋࡔࡅࡌ ࡄࡉࡉࡀ ࡅࡋࡓࡔࡅࡌ ࡌࡀࡍࡃࡀ ࡖ ࡄࡉࡉࡀ ࡅࡋࡔࡅࡌࡀࡉࡄࡅࡍ ࡖ ࡄࡉࡁࡉࡋ ࡅࡔࡉࡕࡉࡋ ࡅࡀࡍࡅࡔ ࡌࡔࡀࡁࡀ ࡔࡅࡌࡀࡉࡄࡅࡍ ࡁࡀࡕࡓࡀ ࡎࡀࡂࡉࡀ ࡁࡉࡕ ࡕࡅࡔࡋࡉࡌࡀ ࡅࡄࡕࡀࡌࡕࡇ ࡁࡉࡅࡌࡉࡀ ࡖ ࡐࡀࡓࡅࡀࡍࡀࡉࡉࡀ ࡁࡉࡀࡄࡓࡀ ࡖ ࡕࡉࡔࡓࡉࡍ ࡒࡀࡉࡍࡀ ࡖ ࡄࡅ ࡊࡉࡓ ࡂࡉࡈࡀ ࡁࡔࡉࡕࡀ ࡄࡀࡌࡔࡀ ࡄࡀࡁࡔࡀࡁࡀ ࡋࡔࡍࡀࡕ ࡀࡓࡁࡉࡌࡀ ࡅࡕࡔࡀࡎࡀࡓ ࡔࡍࡉࡀ ࡀࡁࡀࡕࡀࡓ ࡀࡋࡐࡀ ࡔࡉࡃࡕࡀ ࡖ ࡒࡀࡁࡉࡋࡉࡅࡍ ࡀࡓࡁࡀࡉࡉࡀ . ࡖ ࡀࡃࡀࡓ ࡖ ࡄࡅ . ࡌࡀࡓ(ࡔ) . ࡋࡔࡍࡀࡕ ࡕࡔࡉࡌࡀ ࡅࡕࡔࡉࡍ ࡅࡕࡔࡀ ࡔࡍࡉࡀ ࡀࡁࡀࡕࡀࡓ ࡀࡋࡐࡀ ࡔࡉࡃࡕࡀ ࡖ ࡓࡅࡌࡀࡉࡉࡀ ࡁࡁࡀࡉࡕࡀࡉࡀࡍ ࡖ ࡍࡀࡐࡔࡀࡉࡀ ࡁࡀࡕࡓࡀ ࡖ ࡀࡅࡎࡕࡓࡀࡋࡉࡀ ࡅࡁࡌࡀࡕࡀ ࡖ ࡎࡉࡃࡍࡉࡀ ࡅࡁࡌࡉࡀ ࡖ ࡌࡀࡍࡋࡉࡀ . ࡄࡉࡉࡀ ࡄࡃࡅࡍ ࡋࡀࡋࡀࡌ ࡀࡋࡌࡉࡀ ࡅࡆࡀࡊࡉࡀ ࡌࡀࡍࡃࡀ ࡖ ࡄࡉࡉࡀ ࡅࡀࡃࡉࡀࡅࡓࡀ ࡄࡉࡁࡉࡋ ࡅࡔࡉࡕࡉࡋ ࡅࡀࡍࡅࡔ ࡄࡉࡉࡀ ࡆࡀࡊࡉࡍ ࡋࡊࡅࡋࡄࡅࡍ ࡏࡅࡁࡀࡃࡉࡀ ࡅࡄࡉࡉࡀ ࡆࡀࡊࡉࡍ ࡎࡀ ࡎࡀ

. ࡄࡀࡆࡉࡍ ࡒࡅࡋࡀࡎࡕࡀ ࡌࡀࡍࡃࡀࡆ ࡌࡍ ࡊࡕࡀࡁࡉࡀ ࡍࡀࡐࡔࡀ ࡁࡂࡅ ࡏࡃࡀࡍ

. ࡄࡀࡆࡉࡍ ࡄࡅ ࡒࡅࡋࡀࡎࡕࡀ ࡖ ࡒࡀࡁࡉࡍ ࡔࡅࡌࡇ ࡖ ࡁࡂࡀࡅࡇ ࡄࡀࡋࡉࡍ ࡏࡍࡉࡀࡍࡉࡀ ࡅࡃࡓࡀࡔࡉࡀ ࡌࡀࡍࡃࡉࡆࡉࡀ ࡅࡁࡂࡀࡅࡇ ࡁࡀࡅࡀࡕࡀ ࡖ ࡗ ࡀࡆࡉࡋ ࡁࡄࡉࡓࡀ ࡃࡀࡊࡉࡀ ࡖ ࡄࡉࡍࡅࡍ ࡋࡒࡀࡁࡉࡍ ࡅࡋࡕࡓࡀࡑࡀ ࡖ ࡔࡅࡀࡋࡉࡀ . ࡅࡀࡍࡀࡔࡀࡕࡀ ࡖ ࡀࡌࡀࡓ ࡅࡓࡍࡉࡀ ࡅࡌࡄࡀࡔࡉࡁ ࡅࡌࡀࡐࡉࡒ ࡋࡄࡀࡆࡉࡍ ࡓࡍࡉࡕࡀ ࡄࡉࡍࡅࡍ ࡌࡀ(ࡔ)ࡉࡃ ࡁࡓ ࡐࡀࡍࡃࡉࡀ ࡁࡓ ࡐࡉ(ࡀyࡉࡍ)ࡉࡋ ࡁࡓ ࡆࡀ(ࡔ)ࡉࡀ ࡁࡓ ࡁࡀ(ࡂ)ࡉࡀ ࡁࡓ ࡔࡀࡌࡊࡉࡀ ࡁࡓ (ࡀyࡉࡍ)ࡀࡁࡉࡃ (ࡀyࡉࡍ)ࡀࡋࡉࡀ ࡁࡓ ࡌࡅࡁࡀࡓࡀࡊ ࡋࡀࡒࡀࡁ ࡌࡀࡍࡃࡅࡉࡀ ࡅࡊࡉࡍࡉࡀࡍࡇ ࡏࡊࡅࡌࡀ ࡅࡔࡅࡌࡀ ࡖ ࡌࡀࡑࡁࡅࡕࡀ ࡀࡃࡀࡌ ࡁࡓ ࡄࡀࡅࡀ ࡅࡆࡀࡅࡇ ࡔࡅࡌࡀ ࡖ ࡌࡀࡑࡁࡅࡕࡀ ࡄࡀࡅࡀ ࡌࡀࡌࡀࡍࡉࡀ ࡐࡕ ࡄࡀࡅࡀ ࡅࡔࡅࡌࡀ ࡖ ࡌࡒࡀࡓࡉࡋࡀ ࡍࡅࡓࡀ ࡁࡓࡀࡕࡀ ࡖ ࡌࡀ(ࡃ)ࡊࡅࡓ ࡁࡓ (ࡄ)ࡀࡐࡉ(ࡈ) ࡁࡓ ࡎࡀࡄࡀࡓ ࡁࡓ ࡌࡉ(ࡄ)ࡎࡉࡍ ࡁࡓ (ࡀyࡉࡍ)ࡀࡁࡃ ࡀࡋࡀࡄ ࡁࡓ (ࡀyࡉࡍ)ࡀࡎࡊࡀࡓ ࡋࡀࡒࡀࡁ ࡊࡀࡌࡉࡎࡉࡀ ࡅࡊࡉࡍࡉࡀࡍࡀ ࡓࡉࡔ ࡃࡓࡀࡆ ࡎࡀ

. ࡕࡅࡌ ࡏࡎࡕࡀࡃࡓࡀࡕ ࡄࡀࡆࡉࡍ ࡒࡅࡋࡀࡎࡕࡀ ࡖ ࡒࡀࡁࡉࡍ ࡄࡀࡃࡕࡀ ࡁࡊࡀࡌࡐࡉࡅࡕࡀࡓ ࡁࡄࡀࡆࡉࡍ ࡑࡅࡓࡕࡀ ࡆࡉࡁࡍࡀ ࡒࡀࡃࡌࡀࡉࡀ ࡁࡀࡋࡌࡀ ࡄࡀࡆࡉࡍ ࡌࡍ ࡒࡃࡉࡌ ࡅࡏࡋ ࡄࡀࡔࡕࡀ . ࡀࡌࡉࡍࡈࡅࡋ ࡖ ࡊࡅࡋ ࡏࡍࡉࡔ ࡗ ࡖ ࡁࡉࡀ ࡎࡉࡃࡓࡀ ࡖ ࡍࡉ(ࡌࡀࡕࡀ ࡀ(ࡊࡀࡋࡇ . ࡅࡀࡌࡉࡍࡈࡅࡋ ࡖ ࡎࡉࡃࡓࡉࡀ ࡍࡀࡐࡔࡉࡀ ࡖ ࡋࡀࡌࡀࡍࡃࡉࡆࡉࡀ ࡅࡋࡀࡌࡀࡋࡉࡉࡀ ࡌࡍ ࡓࡉࡔ ࡁࡓࡉࡔ ࡎ ࡀ . . ࡅࡂࡀࡁࡓࡀ ࡖ ࡀࡁࡀࡃ ࡄࡅࡂࡉࡀࡍࡉࡀ ࡌࡀࡍࡃࡀࡉࡀ ࡁࡊࡀࡌࡐࡉࡅࡕࡀࡓ ࡅࡈࡁࡀ(ࡀyࡉࡍ) ࡅࡊࡕࡀࡁ ࡁࡅࡍ ࡄࡅ ࡄࡀࡃ ࡌࡀࡍࡃࡀࡉࡀ ࡌࡄࡀࡉࡌࡍࡀ ࡔࡅࡌࡀ ࡖ ࡌࡀࡑࡁࡅࡕࡀ ࡁࡉࡄࡓࡀࡌ ࡁࡓ ࡄࡀࡅࡀ ࡌࡀࡌࡀࡍࡉࡀ ࡅࡔࡅࡌࡀ ࡖ ࡌࡒࡀࡓࡉࡋࡉࡀ ࡁࡀࡔࡀࡓ ࡁࡓ ࡌࡀ(ࡔ)ࡉࡃ ࡁࡓ ࡐࡀࡍࡃࡉࡀ ࡁࡓ ࡐࡉ(ࡀyࡉࡍ)ࡉࡋ ࡁࡓ ࡆࡀ(ࡔ)ࡉࡀ ࡁࡓ ࡁࡀ(ࡂ)ࡉࡀ ࡁࡓ ࡔࡀࡌ(ࡐ)ࡉࡀ ࡁࡓ (ࡀyࡉࡍ)ࡀࡁࡉࡃ (ࡀyࡉࡍ)ࡀࡋࡉࡀ ࡁࡓ ࡌࡅࡁࡀࡓࡀࡊ ࡋࡀࡒࡀࡁ ࡌࡀࡍࡃࡅࡉࡀ ࡅࡊࡉࡍࡉࡀࡍࡇ ࡏࡊࡅࡌࡀ ࡎࡀ .

 . ࡅࡕࡅࡌ ࡀࡍࡀ ࡀࡍࡃࡆࡉࡕ ࡅࡎࡀࡃࡓࡉࡕ ࡄࡀࡋࡉࡍ ࡁࡀࡅࡀࡕࡀ ࡅࡏࡍࡉࡀࡍࡉࡀ ࡅࡃࡓࡀࡔࡉࡀ ࡌࡍ ࡓࡉࡔ ࡋࡎࡀࡉࡀࡊࡕࡀ ࡁࡋࡉࡁࡀ ࡊࡔࡉࡈࡀ ࡅࡌࡄࡀࡉࡌࡍࡀ ࡋࡉࡁࡀࡉ ࡎࡄࡉࡃ ࡁࡄࡉࡉࡀ ࡅࡌࡀࡓࡀࡉ ࡅࡌࡀࡍࡃࡀ ࡖ ࡄࡉࡉࡀ ࡖ ࡄࡉࡍࡅࡍ ࡍࡉࡄࡅࡉࡋࡉࡀ ࡎࡉࡌࡀࡊࡀ ࡅࡌࡐࡀࡓࡒࡀࡍࡀ ࡀࡍࡀ ࡀࡍࡉࡀ ࡅࡃࡀࡍࡉࡀ ࡅࡌࡓࡀࡃࡐࡀ ࡀࡁࡃࡀ ࡖ ࡊࡅࡋࡇ ࡄࡀࡈࡀࡉࡉࡀ ࡅࡀࡓࡒࡀ ࡁࡉࡂࡀࡓ ࡖ ࡍࡀࡑࡅࡓࡀࡉࡉࡀ ࡆࡅࡈࡀ ࡖ ࡀࡄࡀࡉ ࡕࡀࡓࡌࡉࡃࡉࡀ ࡅࡂࡀࡍࡆࡉࡁࡓࡉࡀ ࡅࡀࡒࡀࡐࡓࡀ ࡖ ࡀࡕࡅࡕࡉࡀ ࡋࡉࡂࡓࡀࡉࡄࡅࡍ ࡖ ࡍࡀࡎࡀࡊࡉࡀ ࡀࡍࡀ ࡓࡁࡀࡉ ࡎࡀࡌ ࡁࡓ ࡓࡁࡀࡉ ࡓࡀࡌ ࡉࡅࡄࡀࡍࡀ ࡁࡓ ࡓࡁࡀࡉ ࡀࡃࡀࡌ ࡅࡔࡅࡌࡀࡉ ࡖ ࡌࡒࡀࡓࡉࡋࡀࡉ ࡕࡀࡓࡌࡉࡃࡀ ࡍࡀࡑࡅࡓࡀࡉࡀ ࡄࡀࡉࡕࡀࡌ ࡁࡓ ࡌࡀࡄࡃࡉࡀ ࡁࡓ ࡎࡀ(ࡀyࡉࡍ)ࡉࡃ ࡁࡓ ࡎࡁࡀࡄࡉࡀ ࡁࡓ ࡓࡀࡄࡉࡀ ࡁࡓ (ࡀyࡉࡍ)ࡉࡋࡉࡀ ࡁࡓ (ࡀyࡉࡍ)ࡀࡁࡉࡃ ࡁࡓ ࡌࡅࡈࡀࡓ ࡁࡓ ࡓࡅࡌ(ࡃ)ࡀࡍ ࡁࡓ (ࡀyࡉࡍ)ࡀ(ࡅࡓ ࡁࡓ ࡓࡁࡀࡉ ࡌࡄࡀࡕࡀࡌ ࡁࡓ ࡓࡁࡀࡉ ࡉࡀࡄࡉࡀ ࡁࡓ ࡓࡁࡀ ࡅࡓࡀࡌࡀ ࡅࡉࡀࡒࡉࡓࡀ ࡂࡀࡍࡆࡉࡁࡓࡀ ࡕࡀࡒࡍࡀ ࡅࡓࡉࡔ ࡃࡀࡓࡀ ࡖ ࡌࡀࡍࡃࡀࡉࡉࡀ ࡓࡁࡀࡉ ࡆࡉࡄࡓࡅࡍ ࡊࡉࡍࡉࡀࡍࡇ ࡊࡅ(ࡄ)ࡀࡉࡋࡉࡀ . ࡅࡎࡉࡃࡓࡉࡀ ࡖ ࡀࡍࡃࡆࡉࡕ ࡌࡉࡍࡀࡉࡄࡅࡍ ࡄࡉࡍࡅࡍ ..

. ࡒࡀࡃࡌࡀࡉࡀ ࡖ ࡄࡅ ࡋࡂࡀࡈࡍࡀࡋࡇ ࡌࡍ ࡊࡅࡓࡀࡎࡀ ࡖ ࡁࡉࡕ ࡎࡉࡃࡓࡉࡀ ࡖ ࡏࡍࡕࡀ ࡖ ࡄࡏ e. ࡎ. ࡃࡓࡅࡉࡓ (E.ࡑ. ࡃࡓoweࡓ) ࡁ(ࡄ)ࡅࡂࡓࡀ ࡀࡋࡊࡉࡃࡀࡁࡀࡍࡉࡀ ࡖ ࡁࡅࡃࡋࡉࡍ ࡁࡏࡅࡊࡎࡐࡅࡓࡃ ࡅࡁࡄࡅࡂࡉࡀࡍࡉࡀ ࡅࡌࡉࡍࡉࡀࡍࡉࡀ ࡖ . ࡎ . ࡄࡀࡌࡔࡉࡍ ࡅࡕࡋࡀࡕࡀ . ࡃ.C. 53 . ࡖ ࡄࡅ ࡔࡀࡐࡉࡓ ࡅࡍࡀࡐࡅࡔ ࡅࡌࡕࡀࡌࡀࡌ ࡖ ࡀࡍࡎࡉࡍࡀࡋࡉࡀ ࡌࡍ ࡓࡉࡔ ࡅࡀࡋࡌࡀ ࡋࡃࡉࡍࡁࡀ ࡌࡍ ࡊࡃࡀࡁࡀ ࡖ ࡏࡃࡀ ࡖ ࡓࡁࡀࡉ ࡀࡃࡀࡌ ࡉࡅࡄࡀࡍࡀ ࡁࡓ ࡎࡀࡌ ࡁࡓ ࡁࡉࡄࡓࡀࡌ ࡁࡓ ࡎࡀ(ࡀyࡉࡍ)ࡃࡀࡍ ࡁࡓ ࡌࡎࡀ(ࡀyࡉࡍ)ࡀࡃ ࡋࡀࡒࡀࡁ ࡊࡀࡌࡉࡎࡉࡀ ࡅࡊࡉࡍࡉࡀࡍࡇ ࡓࡉࡔ ࡃࡓࡀࡆ ࡖ ࡀࡍࡎࡀ ࡋࡍࡀࡐࡔࡉࡇ . .. ࡄࡆࡉࡀ ࡎࡀࡉࡀࡊࡕࡀ ࡖ ࡆࡄࡀࡓࡉࡀ ࡖ ࡀࡍࡎࡉࡍࡀࡋࡉࡀ ࡆࡉࡁࡍࡉࡀ ࡍࡀࡐࡔࡀ ࡁࡄࡀࡆࡉࡍ ࡒࡅࡋࡀࡎࡕࡀ ࡅࡊࡅࡓࡀࡎࡀ ࡄࡀࡃࡕࡀ ࡎࡀ . ࡕࡉࡍࡉࡀࡍࡀ ࡖ ࡄࡅ ࡄࡀࡌࡊࡉࡀ ࡖ ࡊࡕࡀࡁࡀ ࡒࡀࡃࡌࡀࡉࡀ ࡅࡌࡉࡍࡉࡀࡍࡇ ࡕࡋࡀࡕࡀ .ࡃ.C. 3 . ࡎࡀ .

 . ࡕࡋࡉࡕࡀࡉࡀ ࡖ ࡄࡅ ࡄࡀࡌࡊࡉࡀ ࡖ ࡊࡕࡀࡁࡀ ࡒࡀࡃࡌࡀࡉࡀ ࡅࡌࡉࡍࡉࡀࡍࡇ ࡕࡋࡀࡕࡉࡍ ࡅࡕࡌࡀࡍࡉࡀ . ࡃ.C. 38 . ࡅࡔࡀࡓ(ࡄ) ࡖ ࡒࡀࡁࡉࡍ ࡖ ࡔࡉࡔࡋࡀࡌ ࡓࡁࡀ ࡖ ࡄࡅ ࡏࡄࡋࡉࡀ ࡌࡀ(ࡀyࡉࡍ)ࡓࡅࡐ ࡁࡄࡅࡂࡉࡀࡍࡉࡀ . ࡔ-ࡃ-ࡒ .

. ࡀࡓࡁࡉࡀࡉࡀ ࡖ ࡄࡅ ࡄࡀࡌࡊࡉࡀ ࡖ ࡊࡕࡀࡁࡀ ࡒࡀࡃࡌࡀࡉࡀ ࡖ ࡄࡅ ࡕࡀࡓࡀࡑࡀ ࡖ ࡕࡀࡂࡀ ࡖ ࡔࡉࡔࡋࡀࡌ ࡓࡁࡀ ࡅࡌࡀ(ࡀyࡉࡍ)ࡓࡅࡐ ࡁࡌࡉࡍࡉࡀࡍࡉࡀ ࡄࡀࡌࡔࡉࡍ ࡅࡀࡓࡁࡀ . ࡃ.C. 54 .

. ࡄࡀࡌࡔࡉࡀࡉࡀ ࡖ ࡄࡅ ࡀࡁࡀࡃ ࡕࡀࡓࡂࡅࡌࡉࡀ ࡏࡋࡇ ࡕࡀࡓࡂࡅࡌࡀࡍ ࡂࡀࡁࡓࡀ ࡅࡔࡅࡌࡇ ࡖ ࡌࡒࡀࡓࡉࡋࡇ ࡌࡀࡓࡒ ࡋࡉࡃࡆࡁࡀࡓࡎࡒࡉࡀ (ࡌ. ࡋࡉࡃࡆࡁࡀࡓࡎࡊࡉ) ࡌࡍ ࡊࡅࡓࡀࡎࡉࡀ ࡖ ࡁࡁࡀࡉࡕࡉࡀ ࡎࡉࡃࡓࡉࡀ ࡖ ࡐࡀࡓࡉࡎ ࡅࡏࡅࡊࡎࡐࡅࡓࡃ ࡅࡋࡅࡍࡃࡅࡍ . . . ࡅࡔࡅࡌࡇ ࡖ ࡊࡕࡀࡁࡇ ࡏࡄࡋࡉࡀ ࡌࡀ(ࡀyࡉࡍ)ࡓࡅࡐ ࡁࡄࡅࡂࡉࡀࡍࡉࡀ ࡌ . ࡋ . .ࡌ.ࡋ. . (ࡌࡀࡍࡃࡀࡉࡎcࡄe ࡋࡉࡕࡅࡓࡂࡉeࡍ) ࡎࡀ

. ࡔࡉࡕࡀࡉࡀ ࡌࡍ ࡂࡀࡅ ࡁࡉࡕ ࡂࡉࡍࡆࡀࡉ ࡖ ࡄࡅ ࡒࡅࡋࡀࡎࡕࡀ ࡖ ࡒࡀࡁࡉࡍ ࡌࡍ ࡊࡃࡀࡁࡀ ࡖ ࡏࡃࡀ ࡖ ࡎࡀࡌ ࡉࡅࡄࡀࡍࡀ ࡁࡓ ࡓࡁࡀࡉ ࡁࡉࡄࡓࡀࡌ ࡁࡓ ࡓࡁࡀ ࡅࡓࡀࡌࡀ ࡅࡉࡀࡒࡉࡓࡀ ࡂࡀࡍࡆࡉࡁࡓࡀ ࡕࡀࡒࡍࡀ ࡁࡄࡉࡓࡀ ࡅࡌࡀࡓࡉࡀ ࡔࡅࡁࡀ ࡔࡅࡀࡋࡀࡍࡉࡀ ࡅࡌࡀࡓࡉࡀ ࡁࡍࡀࡉࡀ ࡕࡓࡉࡎࡀࡓ ࡌࡀࡔࡊࡍࡉࡀ ࡅࡌࡀࡓࡉࡀ ࡃࡉࡅࡍࡀࡍ ࡅࡎࡉࡃࡓࡉࡀ ࡎࡀࡊࡉࡀ ࡅࡌࡀࡓࡉࡀ ࡈࡀࡌࡀ ࡅࡈࡉࡊࡎࡀ ࡅࡓࡉࡔࡀ ࡖ ࡃࡀࡓࡀ ࡄࡅࡀ ࡖ ࡄࡅ ࡓࡁࡀࡉ ࡓࡀࡌ ࡆࡉࡄࡓࡅࡍ ࡁࡓ ࡓࡁࡀࡉ ࡎࡀࡌ ࡁࡉࡄࡓࡀࡌ ࡁࡓ ࡓࡁࡀࡉ ࡁࡉࡄࡓࡀࡌ ࡔࡉࡕࡉࡋ ࡁࡓ ࡓࡁࡀࡉ ࡉࡀࡄࡉࡀ ࡁࡓ ࡓࡁࡀࡉ ࡆࡉࡄࡓࡅࡍ . . . ࡁࡓ ࡓࡁࡀࡉ ࡉࡀࡄࡉࡀ ࡊࡉࡍࡉࡀࡍࡉࡀ (ࡀyࡉࡍ)ࡀࡆࡉࡆ ࡋࡀࡒࡀࡁ ࡊࡅࡐࡀ(ࡔ)ࡉࡀ ࡅࡃࡅࡓࡀ(ࡔ)ࡉࡀ . ࡖ ࡀࡍࡎࡀ ࡋࡄࡀࡃ ࡂࡀࡍࡆࡉࡁࡓࡀ ࡔࡋࡌࡀࡍࡀ ࡖ ࡄࡅ ࡓࡁࡀࡉ ࡁࡉࡄࡓࡀࡌ ࡁࡓ ࡄࡀࡅࡀ ࡎࡉࡌࡀࡕ ࡁࡓ ࡓࡁࡀࡉ ࡎࡀࡌ ࡁࡓ ࡓࡁࡀࡉ ࡉࡀࡄࡉࡀ ࡁࡉࡄࡓࡀࡌ ࡁࡓ ࡓࡁࡀࡉ ࡎࡀࡌ ࡁࡉࡄࡓࡀࡌ . . . ࡁࡓ ࡓࡁࡀࡉ ࡎࡀࡌ ࡋࡀࡒࡀࡁ ࡌࡀࡍࡃࡅࡉࡀ ࡅࡊࡉࡍࡉࡀࡍࡉࡀ

ࡏࡊࡅࡌࡀ . ࡅࡄࡀࡆࡉࡍ ࡒࡅࡋࡀࡎࡕࡀ ࡏࡎࡕࡀࡒࡀࡌ ࡅࡎࡕࡀࡃࡀࡓ ࡅࡎࡋࡉࡒ ࡋࡓࡉࡔ ࡁࡉࡅࡌࡀ ࡖ ࡕࡓࡉࡍ ࡄࡀࡁࡔࡀࡁࡀ ࡁࡉࡀࡄࡓࡀ ࡖ ࡀࡊࡉࡓ ࡂࡉࡈࡀ ࡋࡔࡍࡀࡕ ࡕࡋࡀࡕࡌࡀ ࡅࡀࡓࡁࡉࡍ ࡅࡀࡕࡔࡀ ࡔࡍࡉࡀ ࡀࡁࡀࡕࡀࡓ ࡀࡋࡐࡀ ࡖ ࡒࡀࡁࡋࡉࡅࡍ ࡀࡓࡀࡁࡀࡉࡉࡀ ࡁ(ࡄ)ࡅࡊࡅࡌ (ࡀyࡉࡍ)(ࡔ)ࡀࡌ ࡁࡌࡀࡕࡀ ࡖ ࡌ(ࡄ)ࡀࡌࡓࡄ ࡁࡌࡉࡀ ࡖ ࡊࡀࡓࡅࡍ . ࡎࡀ

.. ࡕࡅࡌ ࡏࡎࡕࡀࡃࡓࡀࡕ ࡅࡎࡉࡋࡒࡀࡕ ࡋࡓࡉࡔ ࡄࡀࡆࡉࡍ ࡒࡅࡋࡀࡎࡕࡀ ࡖ ࡒࡀࡁࡉࡍ ࡌࡍ ࡓࡉࡔ ࡅࡀࡋࡌࡀ ࡋࡎࡀࡉࡀࡊࡕࡀ ࡋࡔࡅࡌ ࡄࡉࡉࡀ ࡅࡋࡓࡔࡅࡌ ࡌࡀࡍࡃࡀ ࡖ ࡄࡉࡉࡀ ࡅࡏࡋ ࡓࡅࡄࡑࡀࡍࡀ ࡖ ࡌࡀࡋࡊࡀ ࡓࡀࡌࡀ ࡓࡁࡀ ࡖ ࡍࡄࡅࡓࡀ ࡅࡋࡔࡅࡌࡀࡉࡄࡅࡍ ࡖ ࡄࡉࡁࡉࡋ ࡅࡔࡉࡕࡉࡋ ࡅࡀࡍࡅࡔ ࡌࡔࡀࡁࡀ ࡔࡅࡌࡀࡉࡄࡅࡍ ࡁࡀࡕࡓࡀ ࡎࡀࡂࡉࡀ ࡁࡉࡕ ࡕࡅࡔࡋࡉࡌࡀ ࡄࡕࡀࡌࡕࡀ ࡅࡏࡎࡕࡀࡒࡌࡀࡕ ࡁࡉࡅࡌࡉࡀ ࡖ ࡐࡀࡓࡅࡀࡍࡀࡉࡉࡀ ࡁࡉࡀࡄࡓࡀ ࡖ ࡕࡉࡔࡓࡉࡍ ࡒࡀࡉࡍࡀ ࡖ ࡄࡅ ࡊࡉࡓ ࡂࡉࡈࡀ ࡁࡔࡉࡕࡀ ࡖ ࡄࡀࡌࡔࡀ ࡄࡀࡁࡔࡀࡁࡀ ࡋࡔࡍࡀࡕ ࡀࡓࡁࡉࡌࡀ ࡅࡕࡔࡀࡎࡀࡓ ࡔࡍࡉࡀ ࡀࡁࡀࡕࡀࡓ ࡀࡋࡐࡀ ࡔࡉࡃࡕࡀ ࡖ ࡒࡀࡁࡉࡋࡉࡅࡍ ࡀࡓࡁࡀࡉࡉࡀ . ࡁࡉࡀࡄࡓࡀ ࡖ ࡀࡃࡀࡓ ࡖ ࡄࡅ . ࡌࡀࡓ(ࡔ) . ࡋࡔࡍࡀࡕ ࡕࡔࡉࡌࡀ ࡅࡕࡔࡉࡍ ࡅࡕࡔࡀ ࡔࡍࡉࡀ ࡀࡁࡀࡕࡀࡓ ࡀࡋࡐࡀ ࡔࡉࡃࡕࡀ ࡖ ࡓࡅࡌࡀࡉࡉࡀ ࡁࡁࡀࡉࡕࡀࡉࡀࡍ ࡖ ࡍࡀࡐࡔࡀࡉࡀ ࡁࡀࡕࡓࡀ ࡖ ࡀࡅࡎࡕࡓࡀࡋࡉࡀ ࡅࡁࡌࡀࡕࡀ ࡖ ࡎࡉࡃࡍࡉࡀ ࡅࡁࡌࡉࡀ ࡖ ࡌࡀࡍࡋࡉࡀ . ࡄࡉࡉࡀ ࡄࡃࡅࡍ ࡋࡀࡋࡀࡌ ࡀࡋࡌࡉࡀ ࡅࡆࡀࡊࡉࡀ ࡌࡀࡍࡃࡀ ࡖ ࡄࡉࡉࡀ ࡅࡀࡃࡉࡀࡅࡓࡀ ࡄࡉࡁࡉࡋ ࡅࡔࡉࡕࡉࡋ ࡅࡀࡍࡅࡔ ࡄࡉࡉࡀ ࡆࡀࡊࡉࡍ ࡋࡊࡅࡋࡄࡅࡍ ࡏࡅࡁࡀࡃࡉࡀ ࡅࡄࡉࡉࡀ ࡆࡀࡊࡉࡍ ࡎࡀ ࡎࡀ .