Diwan malkuta ʿlaita دیوان ملکوثا علیثا

Diwan malkuta ʿlaita

Source: Prepared originally from the edition and electronic text of Jorunn J. Buckley, American Oriental Society (Translation Series Volume 3), 1993. Revised 2014 from the digital photographs under the direction of M. Morgenstern.

Published by: CAL project

Stable URL: http://cal.huc.edu/get_a_chapter.php?file=74423&cset=H

Unicode by: Ibrāhīm Šafiʿī (University of Tehrān)

 

 

 

 

ࡃࡉࡅࡀࡍ ࡌࡀࡋࡊࡅࡕࡀ ࡏࡋࡀࡉࡕࡀ

ࡌࡀࡓࡀࡉ ࡌࡔࡀࡁࡀ ࡁࡋࡉࡁࡀ ࡃࡀࡊࡉࡀ

ࡁࡔࡅࡌࡀࡉࡄࡅࡍ ࡖࡄࡉࡉࡀ ࡓࡁࡉࡀ ࡒࡀࡃࡌࡀࡉࡉࡀ ࡍࡊࡓࡀࡉࡉࡀ ࡌࡍ ࡀࡋࡌࡀ ࡖࡍࡄࡅࡓࡀ ࡉࡀࡕࡉࡓࡉࡀ ࡖ ࡏࡋࡀࡅࡉࡀ {ࡅ}ࡊࡅࡋࡄࡅࡍ ࡏࡁࡀࡃࡉࡀ ࡀࡎࡅࡕࡀ ࡅࡆࡀࡊࡅࡕࡀ ࡄࡀࡉࡋࡀ ࡅࡔࡓࡀࡓࡀ ࡅࡏࡌࡓࡀ ࡅࡔࡉࡌࡀ ࡄࡀࡃࡅࡀࡕ ࡋࡉࡁࡀ ࡅࡔࡀࡁࡀࡒ ࡄࡀࡈࡀࡉ^ࡉ^ࡀ ࡍࡉࡄࡅࡉࡋࡉࡀ ࡋࡃࡉࡋࡉࡀ ࡌࡄࡀࡕࡀࡌ ࡆࡀࡄࡓࡅࡍ ࡁࡓ ࡔࡀࡓࡀࡕ࡞ ࡅࡋࡀࡁ ࡀࡃࡀࡌ ࡁࡓ ࡄࡀࡅࡀ࡞ ࡅࡏࡌ ࡔࡀࡓࡀࡕ ࡐࡕ ࡎࡉࡌࡀࡕ࡞ ࡅࡆࡀࡅࡇ ࡉࡀࡎࡌࡉࡍ ࡐࡕ ࡄࡀࡅࡀ࡞ ࡅࡋࡀࡔࡉࡕࡋࡀࡉ ࡀࡃࡀࡌ ࡄࡅࡀࡅࡀ ࡅࡆࡀࡄࡓࡅࡍ ࡀࡄࡅࡀࡅࡀ ࡀࡁࡍࡉࡀ ࡉࡀࡎࡌࡉࡍ࡞ ࡅࡋࡀࡄࡀࡉ ࡌࡄࡀࡕࡀࡌ ࡅࡁࡀࡄࡓࡀࡌ ࡅࡔࡀࡓࡀࡕ ࡀࡁࡍࡉࡀ ࡔࡀࡓࡀࡕ࡞ ࡁ ࡄࡀࡋࡉࡍ ࡃࡀࡅࡀࡍ ࡌࡀࡋࡊࡅࡕࡀ ࡏࡋࡀࡉࡕࡀ ࡁࡄࡀࡉࡋࡉࡀ ࡉࡀࡅࡀࡓ ࡆࡉࡅࡀ ࡅࡎࡉࡌࡀࡕ ࡄࡉࡉࡀ ࡗ ࡄࡀࡑࡉࡑࡉ ࡔࡊࡉࡍࡕࡀ ࡅࡕࡊࡀࡍࡉࡐࡉࡅࡍ ࡕࡀࡓࡌࡉࡃࡉࡀ ࡔࡅࡁࡀ ࡅࡓࡉࡄࡌࡉࡀ ࡁࡀࡉࡉࡍ ࡏࡅ ࡍࡉࡑࡅࡓࡀࡉࡉࡀ ࡅࡂࡀࡍࡆࡉࡁࡓࡉࡀ ࡔࡅࡁࡀ ࡋࡀ ࡄࡀࡅࡉࡍ ࡁࡅࡑࡓࡀࡍ ࡋࡀࡉࡉࡕ ࡄࡉࡍࡉࡋࡀ ࡍࡉࡄࡅࡉࡀ ࡔࡀࡋࡉࡈࡀࡉ ࡏࡋ ࡊࡅࡋ ࡑࡁࡅ ࡌࡅࡌࡀ ࡁࡂࡀࡅࡀࡉࡄࡍ ࡋࡀࡍࡉࡄࡅࡉࡀ ࡅࡊࡅࡔࡈࡀ ࡌࡍ ࡄࡃࡀࡃࡉࡀ ࡐࡀࡔࡈࡉࡀ ࡋࡀ ࡍࡉࡄࡅࡉࡀ ࡎࡉࡍࡉࡀ ࡅࡒࡀࡍࡉࡀ ࡁࡀࡍࡀࡕࡀࡉࡄࡍ ࡗ ࡊࡅࡔࡈࡀ ࡐࡀࡔࡈࡉࡍ ࡌࡀࡍࡃࡀࡌ ࡋࡕࡀࡂࡀࡉࡅࡍ ࡋࡀࡍࡉࡌࡓࡅࡍ࡞ ࡄࡀࡉࡆࡀࡊ ࡍࡉࡕࡉࡀ ࡋࡔࡅࡀࡋࡉࡀ ࡗ ࡌࡀࡍࡃࡀࡌ ࡌࡍ ࡋࡁࡅࡔࡉࡀ ࡍࡃࡀࡆ ࡁࡂࡀࡅࡀࡉࡄࡍ ࡋࡀࡍࡉࡔࡕࡉࡍࡉࡀ ࡏࡅ ࡕࡉࡍࡉࡔࡍࡉࡀ ࡁࡅࡑࡓࡀࡍࡀ ࡁࡂࡀࡅࡇ ࡍࡉࡄࡉࡀ࡞ ࡗ ࡀࡕࡉࡀ ࡅࡎࡉࡃࡓࡀ ࡖ ࡍࡉࡔࡌࡀࡕࡀ ࡅࡀࡎࡀ ࡁࡅࡊࡓࡀ ࡃࡓࡀ ࡍࡉࡔࡉࡌࡕࡇ ࡄࡀࡃࡉࡀ ࡅࡌࡁࡀࡓࡊࡀࡋࡀ ࡏࡕࡐࡀࡓࡀࡒ ࡅࡀࡁࡀࡓ ࡌࡍ ࡄࡀࡐࡉࡒࡉࡀ ࡌࡉࡀ ࡀࡌࡉࡍࡈࡅࡋ ࡕࡀࡂࡀ ࡌࡀࡋࡊࡉࡀ ࡁࡓࡉࡔࡀࡉ ࡏࡕࡀࡕࡍࡀ ࡌࡀࡈࡀࡓࡀࡉࡀ ࡋࡀࡍࡉ ࡒࡅࡌࡅࡍ ࡒࡅࡃࡀࡌࡀ࡞ ࡅࡍࡉࡄࡅࡉࡀ ࡆࡀࡄࡁࡀ ࡋࡉࡀࡌࡉࡍࡀ ࡅࡊࡀࡎࡐࡉࡀ ࡋࡎࡌࡀࡋࡀࡉ ࡀࡃࡀࡍࡒ^ࡒ^ࡉࡀ ࡑࡉࡋࡌࡉࡀ ࡍࡉࡄࡅࡉࡀ࡞ ࡗ ࡕࡓࡉࡍ ࡎࡉࡄࡃࡉࡀ ࡋࡉࡀࡌࡉࡍࡀࡉ ࡅࡋࡎࡌࡀࡋࡀࡉ ࡍࡉࡄࡅࡉࡀ ࡄࡀࡉࡋࡀ lࡏࡑࡈࡅࡍࡇ ࡉࡀࡄࡁࡉࡀ ࡞ ࡗ ࡀࡆࡉࡋ ࡋࡔࡊࡉࡍࡕࡀ ࡁࡂࡀࡅࡇ ࡉࡀࡕࡁࡉࡀ ࡅࡀࡎࡅࡕࡀ ࡉࡀࡄࡁࡉࡀ ࡄࡀࡅࡒࡀ ࡓࡁࡀ ࡌࡍ ࡌࡀࡋࡊࡉࡀ ࡌࡀࡔࡕࡁࡀࡒ ࡏࡋ ࡌࡉࡔࡕࡉࡓࡉࡉࡍ ࡊࡅࡋࡄࡅࡍ ࡂࡀࡈࡓࡉࡀ ࡄࡀࡕࡌࡉࡀ ࡌࡀࡍࡃࡀࡉࡕࡀ ࡅࡀࡕࡉࡍ ࡄࡀࡕࡌࡉࡀ ࡖࡕࡀࡓࡌࡀࡃࡅࡕࡀ ࡅࡌࡉࡕࡋࡀࡁࡔࡉࡍ ࡁࡂࡀࡅࡇ࡞ ࡅࡗ ࡊࡅࡓࡎࡉࡀ ࡉࡀࡕࡉࡁ ࡅࡏࡍࡉࡀࡍࡀ ࡓࡀࡌࡉࡋࡇ ࡅࡀࡌࡓࡉࡍ࡞ ࡁࡔࡅࡌࡀ ࡖࡄࡉࡉࡀ ࡓࡁࡉࡀ ࡍࡄࡀࡓ ࡅࡀࡍࡄࡀࡓ ࡍࡀࡅࡓࡀ ࡃࡀࡊࡉࡀ ࡖࡌࡀࡍࡄࡉࡓࡀࡍࡀ ࡌࡉࡕࡒࡉࡓࡉࡉࡕ ࡁࡊࡅࡋࡄࡅࡍ ࡀࡋࡌࡉࡀ ࡀࡍࡀࡕ ࡏࡅࡕࡓࡀ ࡎࡀࡂࡉࡀ ࡒࡅࡌ ࡏࡋ ࡋࡉࡂࡓࡀࡊ ࡅࡀࡉࡓࡇ ࡋࡊࡅࡋࡇ ࡂࡉࡍࡆࡀࡊ ࡏࡋࡀࡍ ࡅࡀࡍࡉࡍ ࡁࡂࡀࡅࡇ ࡍࡀࡄࡓࡉࡍࡉࡍ ࡅࡓࡀࡁ^ࡅ^ࡆࡉࡍࡉࡍ ࡍࡀࡄࡓࡉࡀ ࡅࡓࡀ^ࡅ^ࡆࡉࡀ ࡏࡅࡕࡓࡉࡀ ࡅࡌࡀࡋࡊࡉࡀ ࡖࡁࡄࡀࡋࡉࡍ ࡔࡊࡉࡍࡕࡀ ࡉࡀࡕࡁࡉࡀ ࡌࡍ ࡓࡉࡔ ࡁࡓࡉࡔ࡞ ࡄࡀࡉࡆࡀࡊ ࡒࡀࡌ ࡏࡋ ࡋࡉࡂࡓࡇ ࡅࡍࡉࡔࡒࡉࡀ ࡋࡄࡀࡃ ࡌࡍ ࡄࡀࡍࡀࡕࡅࡍ ࡂࡀࡍࡆࡉࡁࡓࡉࡀ ࡏࡋࡅ ࡓࡉࡔࡉࡀ ࡖࡄࡅ ࡕࡀࡂࡀ ࡁࡂࡀࡅࡇ ࡕࡓࡉࡑ ࡏࡄࡀࡁࡋࡇ ࡐࡀࡒࡀࡃࡕࡀ ࡖࡀࡍࡃࡉࡆ࡞ ࡄࡀࡉࡆࡀࡊ ࡀࡌࡀࡓ ࡊࡅࡔࡈࡀ ࡀࡎࡉࡍࡊࡅࡍ ࡄࡉࡍࡅࡍ ࡀࡌࡓࡉࡍ ࡁࡏ ࡅࡀࡔࡊࡀ ࡀࡌࡀࡓ ࡅࡏࡔࡕࡌࡀ ࡀࡌࡉࡍࡈࡅࡋ ࡖࡊࡅࡋ ࡌࡀࡄࡅ ࡖࡁࡀࡉࡉࡀ ࡌࡀࡔࡊࡀࡀ ࡅࡃࡔࡀࡉࡉࡋ ࡌࡉࡕࡄࡉࡁࡋࡇ࡞ ࡄࡀࡉࡆࡀࡊ ࡀࡌࡀࡓ ࡁࡔࡅࡌࡀࡉࡄࡅࡍ ࡖࡄࡉࡉࡀ ࡓࡁࡉࡀ ࡌࡍ ࡀࡋࡌࡉࡀ ࡖࡍࡄࡅࡓࡀ ࡄࡀࡍࡀࡕࡇ ࡕࡀࡂࡀ ࡖࡁࡀࡉࡉࡀ ࡖ{{ࡌࡉࡍ}} ࡌࡉࡍࡎࡉࡁ ࡀࡌࡉࡍࡈࡅࡋ ࡖࡍࡅࡊࡓࡀࡉࡉࡀ ࡄࡅ ࡍࡉࡔࡉࡌࡕࡀ ࡁࡂࡀࡅࡇ ࡄࡀࡃࡉࡀ ࡖࡄࡅ ࡒࡓࡀࡁࡀࡉࡉࡀ ࡃࡉࡋࡇ ࡄࡅ࡞ ࡅࡗ ࡁࡔࡅࡌࡇ ࡖࡄࡀࡄࡅ ࡂࡀࡁࡓࡀ ࡒࡀࡃࡌࡀࡉࡀ ࡀࡌࡀࡓ ࡏࡋ ࡄࡀࡍࡀࡕࡇ ࡓࡅࡄࡀ ࡌࡍ ࡎࡉࡍࡉࡀࡅࡉࡎ ࡀࡓࡒࡀ ࡕࡉࡕࡀࡉࡕࡀ ࡌࡓࡀࡍࡃࡉࡃࡋࡇ࡞ ࡅࡗ ࡆࡄࡉࡓ ࡅࡌࡆࡀࡄࡀࡓ ࡏࡕࡀࡓ ࡄࡀࡍࡀࡕࡇ ࡕࡀࡂࡀ ࡂࡀࡅࡀࡉࡀ ࡖࡁࡓࡉࡔࡇ ࡕࡓࡉࡑ ࡈࡅࡁࡇ ࡅࡕࡅࡌ ࡈࡅࡁࡇ ࡋࡊࡅࡋ ࡌࡀࡍ ࡖࡑࡀࡅࡕࡀ ࡄࡀࡅࡋࡇ ࡞ ࡅࡀࡉࡋࡇ ࡋࡊࡅࡋ ࡀࡕࡅࡀࡕ ࡖࡆࡀࡅࡀ ࡋࡉࡕࡋࡀ ࡊࡅࡋ ࡀࡕࡅࡀࡕ ࡖࡆࡀࡅࡀ ࡋࡉࡕࡋࡀ ࡅࡀࡋࡉࡀ ࡅࡀࡉࡋࡀ ࡖࡏࡕࡉࡀࡍࡒࡀࡕ {{ࡅࡋࡇ}}ࡅࡋࡇ ࡏࡕࡓࡀࡅࡓࡀࡁࡀࡕ࡞ ࡅࡗ ࡀࡌࡀࡓ ࡁࡔࡅࡌࡀ ࡖࡄࡉࡉࡀ ࡅࡄࡉࡉࡀ ࡒࡉࡓࡉࡅࡉࡀ ࡋࡉࡀࡅࡀࡓ ࡆࡉࡅࡀ ࡏࡕࡀࡓࡁࡀ ࡓࡀࡆࡀ ࡖࡀࡁࡀ࡞ ࡅࡗ ࡀࡌࡀࡓ ࡅࡗ ࡒࡀࡉࡌࡉࡀ ࡏࡅࡕࡓࡉࡀ ࡁࡔࡊࡉࡍࡀࡕࡅࡍ ࡌࡀࡍࡃࡀ ࡖࡄࡉࡉࡀ ࡌࡁࡀࡓࡉࡊࡋࡇ࡞ ࡗ ࡀࡌࡀࡓ ࡍࡄࡅࡓ ࡍࡄࡅࡓࡇ ࡏࡕࡀࡓ ࡀࡉࡍࡀ ࡖࡌࡉࡀ ࡄࡉࡉࡀ ࡖࡁࡀࡉࡉࡀ ࡖࡌࡉࡍࡎࡉࡁ ࡌࡉࡍࡇ ࡓࡅࡔࡅࡌࡇ࡞ ࡅࡗ ࡏࡕࡉࡀࡓ ࡀࡌࡀࡓ ࡏࡅࡕࡓࡉࡀ ࡁࡉࡓࡉࡊࡕࡀ ࡁࡃࡉࡋࡇ ࡁࡀࡓࡊࡉࡍ࡞ ࡅࡗ ࡄࡀࡉࡀࡋ ࡊࡁࡀࡓ ࡀࡌࡀࡓ ࡏࡕࡀࡓ ࡄࡀࡍࡀࡕࡇ ࡓࡀࡆࡀ ࡖࡍࡄࡅࡓࡀ ࡖࡌࡁࡀࡈࡉࡋࡇ ࡋࡓࡀࡆࡀ ࡖࡄࡔࡅࡊࡀ࡞ ࡅࡗ ࡓࡉࡄࡀ ࡖࡁࡀࡎࡉࡌ ࡀࡌࡀࡓ ࡄࡀࡍࡀࡕࡀ ࡓࡉࡄࡀ ࡖࡌࡀࡑࡁࡅࡕࡀ ࡖࡁࡀࡉࡉࡀ ࡋࡌࡉࡑࡉࡁࡇ ࡋࡓࡁࡇ࡞ ࡅࡗ ࡀࡌࡀࡓ ࡌࡉࡔࡒࡀࡋ ࡀࡉࡍࡉࡀ ࡏࡕࡀࡓ ࡄࡀࡍࡀࡕࡇ ࡓࡀࡆࡀ ࡖࡁࡉࡀࡓࡃࡍࡀ ࡔࡓࡉࡀ ࡌࡉࡃࡀࡊࡉࡀ ࡋࡓࡁࡇ࡞ ࡗ ࡌࡍ ࡄࡀࡍࡀࡕࡇ ࡓࡀࡆࡀ ࡊࡉࡎࡉࡀ ࡄࡅ ࡋࡍࡀࡐࡔࡉࡀ ࡀࡁࡀࡃ࡞ ࡅࡗ ࡁࡉࡅࡌࡀ ࡖࡉࡀࡓࡃࡍࡀ ࡀࡌࡀࡓ ࡖ^ࡓࡀࡆࡀ^ ࡀࡍࡉࡍ ࡆࡓࡉࡍࡇ ࡁࡀࡋࡌࡀ ࡖࡄࡉࡁࡉࡋ ࡏࡅࡕࡓࡀ ࡀࡃࡉࡍࡒࡉࡀ ࡀࡔࡅࡀࡕ ࡍࡀࡑ^ࡉ^ࡓࡅࡕ࡞ ࡗ ࡁࡉࡅࡌࡀ ࡖࡉࡀࡓࡃࡍࡀ ࡀࡌࡀࡓ ࡏࡕࡀࡓ ࡓࡀࡆࡀ ࡖࡍࡉࡔࡉࡌࡕࡀ ࡖࡁࡀࡉࡉࡀ ࡋࡌࡉࡑࡈࡁࡀ ࡋࡓࡅࡄࡀ {ࡅࡌࡉ} ࡅࡌࡉࡐࡀࡓࡒࡀ ࡌࡍ ࡄࡅࡎࡓࡀࡍࡀ ࡖࡁࡂࡀࡅࡇ ࡔࡊࡉࡍ࡞ ࡅࡗ ࡎࡉࡂࡃࡉࡕ ࡅࡔࡀࡁࡀࡕࡇ ࡋࡄࡀࡊ ࡉࡀࡅࡀࡓ ࡆࡉࡅࡀ ࡀࡌࡀࡓ ࡏࡕࡀࡓ ࡄࡀࡍࡀࡕࡇ ࡏࡃࡀࡍ ࡓࡅࡔࡅࡌࡀ ࡌࡍ ࡉࡀࡓࡃࡍࡀ ࡍࡎࡉࡁ ࡊࡋࡉࡋࡀ ࡁࡓࡉࡔࡉࡇ ࡕࡓࡉࡑ࡞ ࡄࡀࡉࡆࡀࡊ ࡌࡎࡀࡊࡉࡋࡀ ࡋࡕࡀࡂࡀ ࡅࡎࡀࡌࡀ ࡏࡋࡇ ࡀࡌࡉࡍࡈࡅࡋ ࡖࡁࡀࡉࡉࡀ ࡋࡌࡉࡌࡀࡓ ࡁࡉࡕ ࡁࡅࡕࡀ ࡌࡍ ࡄࡉࡉࡀ ࡒࡀࡃࡌࡀࡉࡉࡀ ࡄࡀࡍࡀࡕࡇ ࡊࡋࡉࡋࡀ ࡖࡀࡎࡀ ࡌࡀࡑࡁࡅࡕࡀ ࡖࡑࡅࡓࡕࡀ ࡍࡎࡉࡁ ࡅࡀࡔࡊࡉࡕ ࡌࡍ ࡒࡅࡃࡀࡌࡀࡉࡄࡅࡍ ࡖࡄࡉࡉࡀ ࡓࡅࡓࡁࡉࡀ ࡍࡅࡊࡓࡀࡉࡉࡀ ࡄࡀࡍࡀࡕࡇ ࡕࡀࡂࡀ ࡖࡌࡀࡋࡊࡅࡕࡀ ࡖࡁࡓࡉࡔࡉࡇ ࡌࡉࡕࡓࡉࡑ࡞ ࡅࡗ ࡀࡍࡀ ࡄࡅ ࡉࡅࡓ ࡀࡌࡀࡓ ࡏࡕࡀࡓ ࡄࡀࡍࡀࡕࡇ ࡀࡎࡀࡓࡀ ࡅࡄࡀࡕࡌࡀ ࡖࡁࡀࡉࡉࡀ ࡌࡉࡎࡀࡓ ࡓࡁࡀ ࡅࡀࡔࡅࡀࡋࡉࡀ ࡁࡂࡉࡈࡓࡀ ࡖࡊࡀࡍࡆࡀࡋࡇ ࡖࡔࡓࡉࡕࡀ ࡁࡃࡀࡓࡀࡀ ࡋࡀࡄࡀࡅࡉࡋࡅࡍ ࡞ ࡅࡗ ࡋࡉࡀࡓࡃࡍࡀ ࡀࡎࡂࡉࡕ ࡀࡌࡀࡓ ࡏࡕࡀࡓ ࡄࡀࡍࡀࡕࡇ ࡉࡀࡓࡃࡍࡀ ࡖࡋࡉࡀࡌࡉࡍࡇ ࡒࡀࡉࡉࡌ ࡌࡁࡀ ࡓࡉࡊࡋࡇ ࡅࡀࡌࡀࡓ ࡈࡅࡁࡇ ࡋࡌࡀࡍ ࡖࡁࡂࡀࡅࡇ ࡌࡉࡕࡊࡀ{{ࡓࡀ}}ࡓࡀࡊ࡞ ࡅࡗ ࡁࡔࡅࡌࡇ ࡖࡉࡅࡎࡌࡉࡓ ࡂࡅࡐࡍࡀ ^ࡒࡀࡃࡌࡀࡉࡀ ࡀࡌࡀࡓ ࡄࡀࡍࡀࡕࡇ ࡕࡀࡐࡀࡋࡀ ࡖࡎࡌࡉࡊࡋࡇ ࡋࡊࡅࡋ ࡏࡅࡑࡈࡅࡍࡉࡀ^ ࡅࡍࡀࡒࡉࡔ ࡅࡒࡀࡉࡉࡌ ࡅࡌࡀࡐࡉࡒࡋࡅࡍ ࡓࡀࡆࡉࡀ ࡖࡌࡀࡍࡃࡀࡉࡅࡕࡀ ࡌࡍ ࡂࡅࡋࡑࡈࡌࡀ ࡂࡀࡅࡀࡉࡀ ࡞ ࡅࡗ ࡀࡌࡀࡓ {{ࡄࡀࡍࡀࡕࡇ}} ࡏࡎࡉࡓ ࡉࡀࡌࡀ ࡔࡅࡁࡀ ࡔࡅࡓࡉࡀ ࡖࡐࡀࡓࡆࡋࡀ ࡄࡃࡉࡓࡉࡋࡇ ࡖ ࡀࡄࡃࡀࡓ ࡄࡀࡉࡀࡔࡅࡌ ࡊࡅࡔࡈࡀ ࡒࡀࡃࡌࡀࡉࡀ ࡏࡋ ࡍࡀࡐࡔࡉࡀ ࡏࡕࡀࡄࡃࡀࡓࡋࡇ ࡔࡅࡓࡀࡀ ࡔࡅࡁࡉࡀ ࡖࡃࡌࡀࡎࡀ ࡃࡀࡊࡉࡀ ࡖࡄࡉࡍࡅࡍ ࡔࡅࡁࡀ ࡕࡀࡓࡌࡉࡃࡉࡀ ࡖࡁࡀࡉࡉࡍ ࡋࡌࡉࡄࡉࡕࡌࡇ ࡗ ࡕࡀࡂࡀ {{ࡕࡀࡓ}} ࡕࡀࡓࡅࡑࡉࡋࡇ ࡁࡔࡅࡁࡀ ࡉࡅࡌࡉࡀ ࡍࡀࡈࡀࡓ ࡀࡌࡉࡍࡈࡅࡋ ࡖࡄࡀࡉࡀࡔࡅࡌ ࡊࡅࡔࡈࡀ ࡍࡉࡔࡉࡌࡕࡀ ࡖࡄࡏ ࡀࡕࡀࡕ ࡅࡉࡀࡕࡁࡀࡕ ࡁࡓࡉࡔࡀ ࡅࡀࡄࡃࡓࡀࡕ ࡋࡍࡀࡐࡔࡉࡇ ࡔࡅࡁࡀ ࡔࡅࡓࡉࡀ ࡖࡄࡉࡍࡅࡍ {{ࡉࡀ}} ࡖࡌࡉࡀ ࡄࡉࡅࡀࡓࡉࡀ ࡄࡉࡍࡅࡍ࡞ ࡅࡗ ࡂࡉࡌࡓࡀ ࡀࡍࡀ ࡂࡌࡉࡓࡀ ࡀࡌࡀࡓ ࡏࡕࡀࡓ ࡄࡀࡍࡀࡕࡇ ࡄࡉࡌࡉࡀࡍࡀ ࡂࡀࡅࡀࡉࡀ ࡅࡌࡎࡀࡊࡉࡀࡋࡇ ࡋࡄࡉࡌࡉࡀࡍࡀ ࡁࡀࡓࡀࡉࡀ ࡖࡀࡕࡉࡀ ࡅࡎࡀࡌࡉࡊ ࡏࡋࡇ࡞ ࡅࡗ ࡏࡆࡄࡀ ࡅࡏࡕࡀࡆࡄࡀ ࡀࡌࡀࡓ ࡆࡀࡄࡀࡍ ࡊࡅࡋࡄࡅࡍ ࡒࡉࡓࡉࡀࡕࡀ ࡖࡄࡔࡅࡊࡀ ࡌࡉࡍࡇ ࡏࡕࡀࡓ ࡄࡀࡍࡀࡕࡇ ࡓࡅࡔࡅࡌࡀ {{ࡖࡓࡁࡀ}} ࡖࡀࡓࡁࡀ ࡂࡅࡁࡓࡉࡀ ࡁࡍࡉࡀ ࡔࡋࡀࡌࡀ ࡌࡎࡀࡊࡉࡋࡇ ࡗ ࡀࡕࡉࡍ ࡁࡂࡀࡅࡇ ࡌࡉࡕࡊࡀࡓࡀࡊ࡞ ࡅࡗ ࡐࡉࡓࡉࡀࡅࡉࡎ ࡀࡌࡀࡓ ࡅࡍࡐࡀࡒ ࡌࡍ ࡓࡀࡆࡀ ࡖࡌࡀࡍࡃࡀࡉࡅࡕࡀ ࡅࡌࡎࡀࡊࡉࡋࡇ ࡋࡊࡅࡔࡈࡀ ࡖࡌࡀࡋࡊࡅࡕࡀ ࡖࡓࡀࡄࡌࡉࡀ ࡒࡀࡃࡌࡀࡉࡉࡀ ࡖࡔࡀࡁࡀ ࡔࡀࡉࡉࡀ࡞ ࡅࡗ ࡌࡀࡍࡃࡀ ࡒࡓࡀࡍ ࡀࡌࡀࡓ ࡏࡕࡀࡓ ࡑࡌࡀ ࡄࡀࡍࡀࡕࡇ ࡓࡅࡔࡅࡌࡀ ࡖࡁࡉࡀࡍࡒࡅࡕࡀ ࡍࡎࡉࡁ ࡀࡕࡅࡕࡉࡀ ࡃࡓࡀࡁࡔࡀ ࡄࡉࡅࡀࡓࡀ࡞ ࡅࡗ {{ࡁࡓࡉࡕ}} ࡁࡓࡉࡊࡉࡕ ࡕࡉࡓࡀ ࡁࡀࡓࡀࡉࡀ ࡀࡌࡀࡓ ࡔࡉࡋࡌࡀࡉ ࡅࡍࡉࡃࡁࡀࡉ ࡋࡒࡅࡃࡀࡌࡇ ࡒࡀࡉࡌࡉࡍ ࡅࡌࡎࡀࡊࡉࡋࡇ ࡀࡕࡅࡕࡉࡀ ࡃࡓࡀࡁࡔࡀࡉࡅࡍ ࡅࡌࡉࡑࡈࡁࡀ ࡞ ࡅࡗ ࡌࡍ ࡉࡀࡓࡃࡍࡀ ࡎࡉࡋࡒࡉࡕ ࡀࡌࡀࡓ ࡍࡉࡔࡉࡌࡕࡀ ࡄࡀࡃࡉࡀ ࡅࡌࡁࡀࡓࡊࡀࡋࡇ ࡅࡀࡌࡀࡓࡀ ࡄࡀࡆࡉࡍ ࡄࡅ ࡖࡁࡀࡉࡉࡍࡀ ࡌࡍ ࡄࡉࡉࡀ ࡒࡀࡃࡌࡀࡉࡉࡀ࡞ ࡅࡗ ࡀࡅࡃࡉࡍ ࡁࡇ ࡅࡌࡉࡔࡀ ࡀࡍࡀࡕ ࡔࡉࡄࡀ ࡅࡏࡕࡒࡀࡉࡀࡌࡕࡅࡍ ࡄࡉࡉࡀ ࡒࡀࡃࡌࡀࡉࡉࡀ ࡀࡌࡀࡓ ࡏࡕࡀࡓ ࡄࡀࡍࡀࡕࡇ ࡖࡁࡀࡉࡉࡀ ࡓࡁࡀ ࡋࡌࡉࡓࡉࡔࡌࡇ࡞ ࡅࡗ ࡏࡄࡀࡁࡋࡇ ࡀࡌࡀࡓ ࡅࡀࡌࡀࡓ ࡊࡁࡉࡔ ࡄࡔࡅࡊࡀ ࡅࡕࡓࡉࡑ ࡍࡄࡅࡓࡀ ࡄࡔࡅࡊࡀ ࡊࡋࡉࡋࡀ ࡖࡄࡅ ࡓࡅࡄࡀ ࡅࡕࡓࡉࡑ ࡍࡄࡅࡓࡀ ࡕࡀࡂࡀ ࡖࡄࡅ ࡍࡉࡔࡉࡌࡕࡀ࡞ ࡗ ࡏࡎࡉࡓࡀࡀ ࡄࡕࡉࡌࡀ ࡀࡌࡀࡓ ࡓࡅࡄࡀ ࡏࡕࡉࡎࡓࡀࡕ ࡁࡀࡎࡀࡓࡀ ࡖࡍࡉࡔࡉࡌࡕࡀ ࡗ ࡏࡅࡑࡀࡓ ࡄࡉࡉࡀ ࡀࡌࡀࡓ ࡄࡕࡀ ࡌࡉࡍࡅࡍ ࡋࡊࡅࡋࡄࡅࡍ ࡋࡁࡅࡔࡉࡇ ࡖࡋࡁࡉࡔ ࡀࡋࡌࡀ ࡏࡋ ࡎࡀࡉࡀࡊࡕࡀ ࡖࡌࡀࡑࡁࡅࡕࡀ ࡖࡁࡀࡉࡉࡀ ࡏࡑࡈࡁࡀࡁࡇ࡞ ࡅࡗ {{ࡏࡕࡓࡉࡑࡕࡅࡍ}} ࡏࡎࡉࡓࡀ ࡄࡕࡉࡌࡀ ࡓࡀࡁࡕࡉࡀ ࡀࡌࡀࡓ ࡏࡐࡀࡓࡄࡀࡆ ࡌࡍ ࡒࡉࡓࡉࡀࡕࡀ {{ࡖࡄ}} ࡖࡄࡔࡅࡊࡀ࡞ ࡗ ࡏࡕࡓࡉࡑࡕࡅࡍ ࡅࡏࡕࡒࡀࡉࡀࡌࡕࡅࡍ ࡀࡌࡀࡓ ࡏࡕࡀࡓ ࡄࡀࡍࡀࡕࡇ ࡀࡉࡍࡀ ࡖࡁࡋࡉࡁࡀ ࡔࡊࡉࡍࡀ࡞ ࡅࡗ ࡌࡀࡄࡅ ࡀࡁࡀࡃࡋࡀࡊ ࡀࡁࡅࡊ ࡍࡉࡔࡌࡀ ࡀࡌࡀࡓ ࡑࡓࡀࡊ ࡁࡒࡀࡋࡇ ࡖࡎࡉࡋࡒࡉࡕ ࡋࡈࡅࡓࡀ ࡅࡋࡀࡍࡉࡐࡋࡉࡕ ࡅࡏࡆࡋࡉࡕ ࡁࡍࡅࡓࡀ ࡅࡋࡀࡁࡉࡔࡋࡉࡕ ࡅࡍࡉࡐࡋࡉࡕ ࡁࡉࡀࡌࡀ ࡅࡋࡀࡈࡁࡉࡕ ࡀࡋࡌࡀ ࡖࡔࡓࡉࡕ ࡅࡒࡀࡌࡉࡕ ࡄࡀࡆࡉࡍ ࡌࡀࡋࡊࡅࡕࡀ ࡖࡏࡕࡄࡉࡁࡋࡇ ࡅࡀࡉࡋࡉࡍࡅࡍ ࡖࡄࡀࡍࡀࡕࡇ ^ࡖࡋࡀ^{{ࡏࡅ}}ࡃࡅࡍࡀ ࡅࡋࡀࡐࡉࡓࡔࡅࡍ ࡌࡍࡀࡕ ࡓࡅࡄࡀ ࡄࡅࡍ࡞ ࡅࡗ ࡆࡉࡅࡀ ࡋࡀࡕࡓࡇ ࡎࡉࡋࡒࡉࡕ ࡀࡌࡀࡓ ࡓࡅࡄࡀ ࡁࡀࡊࡉࡀ ࡁࡕࡉࡄࡌࡀ ࡉࡀࡕࡁࡀ ࡅࡀࡌࡓࡀ ࡖࡍࡉࡔࡌࡀ ࡎࡋࡉࡒ ࡅࡀࡍࡀ ࡄࡀࡊࡀ {{ࡌࡉࡕࡊࡀࡌࡀࡓࡍࡀ}} ࡌࡉࡕࡊࡀࡌࡓࡀࡍࡀ ࡀࡌࡓࡀࡍࡀ ࡋࡀࡕࡓࡀࡉ࡞ ࡅࡗ ࡄࡀࡉࡀࡋ ࡊࡁࡀࡓ ࡀࡌࡀࡓ ࡏࡕࡀࡓ ࡄࡀࡍࡀࡕࡇ ࡐࡀࡈࡉࡓࡀ ࡒࡀࡃࡌࡀࡉࡀ ࡖࡌࡀࡎࡉࡒࡕࡀ ࡖࡁࡀࡉࡉࡀ ࡏࡋ ࡓࡁࡀ ࡌࡉࡔࡓࡉࡀ࡞ ࡗ ࡌࡉࡀ ࡀࡍࡀࡕࡅࡍ ࡄࡉࡉࡀ ࡀࡌࡀࡓ ࡏࡕࡀࡓ ࡄࡀࡍࡀࡕࡇ ࡌࡀࡆࡓࡅࡕࡀ ࡃࡀࡊࡉࡕࡀ ࡅࡏࡕࡍࡀࡐࡔࡀࡕ ࡁࡕࡋࡀࡕࡌࡀ ࡅࡔࡉࡕࡉࡍ ࡔࡉࡓࡉࡀࡍࡀ ࡅࡌࡀࡐࡒࡀࡋࡇ ࡋࡄࡀࡍࡀࡕࡇ ࡃࡉࡊࡉࡕࡀ ࡈࡅࡍࡅࡐࡉࡀ ࡖࡁࡂࡀࡅࡀࡉࡄࡅࡍ ࡔࡊࡉࡍ ࡏࡅ ࡌࡀࡆࡓࡅࡕࡀ ࡌࡈࡀࡍࡀࡐࡕࡀ ࡄࡏ ࡌࡉࡕࡍࡀࡐࡔࡀ ^ࡁࡔࡉࡓࡉࡀࡍࡀ ࡅࡌࡀࡐࡒࡉࡋࡇ ࡋࡃࡅࡊࡉࡀ ࡖࡁࡂࡀࡅࡀࡉࡄࡅࡍ ࡍࡉࡔࡀࡉࡋࡇ ࡋࡊࡅࡋ ࡖࡌࡉࡍࡃࡀࡌ^ ࡖࡄࡅࡀ ࡌࡍ ࡍࡀࡑ^ࡉ^ࡓࡅࡕࡀ ࡅࡎࡁࡀࡓ ࡅࡔࡀࡋ ࡏࡅ ࡕࡀࡎࡍࡉࡒࡉࡀ ࡕࡉࡕࡀࡉࡉࡀ ࡖࡄࡔࡅࡊࡀ࡞ ࡅࡗ ࡄࡀࡋ ࡄࡉࡉࡀ ࡒࡀࡃࡌࡀࡉࡉࡀ ࡀࡌࡀࡓ ࡏࡕࡀࡓ ࡄࡀࡍࡀࡕࡇ ࡓࡉࡄࡀ ࡁࡔࡅࡁࡀ ࡉࡅࡌࡉࡀ ࡖࡁࡀࡉࡉࡀ ࡋࡌࡉࡒࡓࡉࡀ ࡀࡃࡉࡍࡒࡉࡀ ࡀࡁࡀࡄࡀࡕࡇ࡞ ࡅࡗ ࡁࡉࡕ ࡌࡉࡔࡒࡀࡋ ࡀࡉࡍࡉࡀ ࡀࡌࡀࡓ ࡓࡅࡄࡀ ࡅࡔࡉࡁࡉࡀࡄࡉࡀ ࡄࡉࡍࡅࡍ ࡁࡌࡀࡋࡉࡀ ࡉࡀࡕࡁࡉࡀ ࡎࡉࡐࡕࡅࡍ ࡐࡀࡓࡈࡉࡀ ࡏࡋࡇ࡞ ࡅࡗ ࡌࡀࡍࡀ ࡅࡀࡍࡀࡍࡀ ࡅࡉࡀࡅࡀࡓ ࡅࡔࡅࡕࡀ ࡅࡏࡅࡑࡀࡓ {{ࡁࡏࡅࡑࡈࡀ}} ࡁࡏࡅࡑࡀࡓ ࡅࡔࡅࡕࡀ ࡅࡏࡕࡒࡀࡉࡀࡌࡕࡅࡍ ࡄࡉࡉࡀ ࡒࡀࡃࡌࡀࡉࡉࡀ ࡀࡌࡀࡓ ࡏࡕࡉࡓࡀࡕ ࡖࡄࡀࡍࡀࡕࡇ ࡂࡀࡅࡀࡉࡕࡀ ࡖࡁࡋࡉࡁࡀ ࡔࡊࡉࡍࡀ ࡅࡌࡎࡀࡊࡉࡀࡋࡇ ࡋࡐࡉࡄࡕࡀ ࡖࡌࡀࡑࡁࡅࡕࡀ࡞ ࡅࡗ ࡁࡉࡓࡉࡀࡅࡉࡔ ࡀࡌࡀࡓ ࡏࡕࡀࡓ ࡄࡀࡍࡀࡕࡇ ࡌࡀࡌࡁࡅࡄࡀ ࡖࡁࡉࡕ ࡌࡉࡍࡃࡀ ࡔࡊࡉࡍࡀ ࡖࡁࡀࡉࡉࡀ ࡋࡌࡉࡃࡀࡊࡉࡀ ࡋࡄࡀࡍࡀࡕࡇ ࡐࡀࡕࡀࡕࡀ ࡅࡌࡀࡌࡁࡅࡄࡀ ࡖࡔࡅࡁࡀ ࡉࡅࡌࡉࡀ ࡖࡑࡅࡓࡕࡀ ࡖࡉࡀࡍࡒࡀ࡞ ࡅࡗ ࡔࡅࡌࡀࡊࡀ ࡉࡀࡕࡉࡓ ࡄࡉࡉࡀ ࡀࡌࡀࡓ ࡏࡕࡀࡓ ࡄࡀࡍࡀࡕࡇ ࡔࡅࡌࡀ ^ࡖࡕࡀࡓࡌࡉࡃࡅࡕࡀ ࡖࡄࡅࡀࡕ ࡁࡓࡉࡔࡉࡇ ࡔࡀࡊࡉࡁ ࡄࡀࡍࡀࡕࡇ ࡔࡅࡌࡀ^ ࡖࡌࡀࡍࡃࡀࡉࡅࡕࡀ ࡖࡁࡋࡉࡁࡇ ࡄࡅࡀ ࡖ{{ࡄࡅࡀ ࡁࡓࡉࡔࡀ ࡅࡔࡀࡊࡉࡁ ࡄࡀࡍࡀࡕࡀ ࡔࡅࡌࡇ}}࡞ ࡅࡗ ࡍࡄࡀࡓ ࡍࡄࡅࡓࡀ ࡀࡌࡀࡓ ࡀࡌࡀࡓ ࡍࡀࡄࡓࡀ ࡀࡉࡍࡀ ࡁࡓࡉࡔࡀ ࡅࡐࡉࡓࡔࡀࡕ ࡍࡉࡔࡉࡌࡕࡀ ࡏࡋ ࡓࡀࡄࡌࡉࡀ ࡅࡌࡀࡑࡁࡅࡕࡀ ࡅࡌࡀࡎࡉࡒࡕࡀ ࡅࡋࡊࡅࡋ ࡌࡉࡍࡃࡀࡌ࡞ ࡅࡗ ࡆࡄࡉࡓࡀ ࡅࡌࡆࡀࡄࡓࡀ ࡀࡌࡀࡓ ࡏࡕࡀࡓ ࡄࡀࡍࡀࡕࡇ ࡊࡋࡉࡋࡀ ࡖࡁࡀࡉࡉࡀ ࡌࡉࡂࡃࡀࡋ ࡁࡌࡀࡎࡉࡒࡕࡀ ࡖࡓࡁࡇ࡞ ࡅࡗ ࡀࡎࡂࡉࡀ ࡌࡀࡍࡃࡀ ࡖࡄࡉࡉࡀ ࡋࡊࡅࡊࡁࡉࡀ ࡀࡌࡀࡓ ࡊࡅࡋࡄࡅࡍ ࡄࡀࡈࡀࡉࡉࡀ ࡖࡄࡈࡀ ࡍࡉࡔࡕࡁࡉࡒࡋࡇ ࡄࡅ ࡅࡀࡁࡀࡄࡀࡕࡇ࡞ ࡅࡗ ࡍࡅࡊࡓࡀࡉࡉࡀ ࡄࡀࡆࡉࡍ ࡆࡉࡅࡀ ࡅࡍࡄࡅࡓ ࡄࡉࡉࡀ ࡀࡌࡀࡓ ࡓࡅࡄࡀ ࡅࡔࡉࡁࡉࡀࡄࡉࡀ ࡏࡃࡀ ࡏࡋ ࡓࡉࡔࡀࡉࡄࡅࡍ ࡔࡀࡃࡉࡍ ࡏࡃࡒࡉࡀ ࡌࡍ ࡓࡉࡔࡀࡉࡄࡅࡍ ࡀࡒࡓࡀࡍ ࡅࡀࡌࡓࡉࡀ ࡅࡀࡉ ࡅࡀࡉ ࡏࡋ ࡌࡀࡄࡅ ࡖࡄࡀࡔࡀࡁࡍࡉࡍ ࡖࡄࡀࡅࡉࡋࡀࡍ ࡑ^ࡀ^ࡅࡕࡀ ࡁࡄࡀࡆࡉࡍ ࡀࡋࡌࡀ ࡄࡅ ࡌࡍ ࡀࡕࡅࡕࡉࡇ ࡏࡃࡀࡍ ࡏࡕࡐࡀࡓࡀࡒ ࡅࡒࡀࡓࡒࡀࡋࡕࡀࡍ ࡄࡀࡅࡉࡀ࡞ ࡅࡗ ࡀࡔࡀࡓ ࡑࡁࡀࡍ ࡑࡀࡁࡅࡄࡀ ࡀࡌࡀࡓ ࡀࡍࡀ ࡄࡅ ࡌࡀࡓࡀ ࡖࡓࡀࡁࡅࡕࡀ ࡌࡀࡃࡉࡒࡍࡀ ࡏࡋࡇ࡞ ࡅࡗ ࡑࡁࡉࡍࡀ ࡁࡔࡅࡌࡀ ࡖࡄࡉࡉࡀ ࡀࡌࡀࡓ ࡅࡀࡌࡀࡓ ࡄࡉࡉࡀ ࡄࡆࡉࡕ ࡄࡉࡉࡀ ࡄࡆࡅࡍ ࡅࡋࡄࡉࡉࡀ ࡄࡅࡀࡋࡀࡍ ࡓࡅࡄࡑࡀࡍࡀ ࡍࡉࡔࡉࡌࡕࡀ ࡋࡓࡅࡄࡀ ࡀࡌࡓࡀ ࡖࡓࡉࡃࡐࡀ ࡎࡉࡁࡋࡉࡕ ࡌࡉࡍࡉࡊ ࡅࡁࡍࡉࡄࡅࡕࡀ ࡏࡔࡕࡀࡉࡉࡕ ࡌࡉࡍࡀࡊ ࡅࡗ ࡀࡍࡀ ࡀࡁࡃࡀ ࡔࡀࡅࡉࡕࡀࡊ ࡅࡀࡌࡕࡀ ࡖࡋࡀࡌࡀࡓࡀ ࡏࡕࡋࡉࡀ ࡅࡋࡀࡌࡀࡓࡕࡀ ࡄࡆࡀࡉ ࡀࡍࡀࡕ ࡓࡅࡄࡀ ࡖࡏࡕࡋࡉࡀ ࡌࡀࡓࡀ ࡖ{{ࡓࡀࡁࡅࡕࡀ}} ࡌࡀࡓࡕࡉࡀ ࡖࡄࡀࡆࡉࡍ ࡌࡀࡔࡋࡉࡋࡉࡀ ࡋࡁࡅࡔࡀ ࡍࡅࡒࡁࡕࡀ ࡅࡋࡁࡅࡔࡀ ࡆࡀࡊࡓࡉࡀ ࡌࡀࡋࡁࡉࡔࡉࡋࡉࡀ ࡅࡀࡉࡋࡇ ࡏࡋ ࡊࡅࡋ {{ࡌࡉࡍࡃࡀࡌ}} ࡌࡀࡍ ࡖࡓࡉࡃࡐࡀ ࡋࡀࡎࡀࡁࡉࡋ ࡌࡀࡍ ࡖࡋࡀࡎࡀࡁࡉࡋ ࡓࡉࡃࡐࡀ ࡌࡀࡋࡇ ࡁࡀࡋࡌࡀ ࡋࡀࡌࡉࡕࡉࡒࡓࡇ࡞ ࡗ ࡁࡓࡀ ࡀࡍࡀ ࡀࡌࡀࡓ ࡍࡉࡔࡉࡌࡕࡀ ࡄࡀࡃࡉࡀ ࡄࡀࡃࡉࡁࡇ ࡁࡊࡅࡋࡇ {{ࡌࡀࡋࡊ}} ࡌࡀࡋࡊࡅࡕࡀ ࡖࡌࡍ ࡀࡁࡀࡄࡀࡕࡇ ࡏࡕࡄࡉࡁࡋࡇ࡞ ࡗ ࡏࡍࡂࡀࡓࡕࡀ ࡋࡀࡅࡐࡀ ࡅࡆࡀࡊࡅࡕࡀ ࡀࡌࡀࡓ ࡏࡕࡀࡓ ࡄࡀࡍࡀࡕࡇ ࡓࡅࡔࡅࡌࡉࡀ ࡂࡀࡅࡀࡉࡀ ࡅࡌࡎࡀࡊࡉࡋࡇ ࡋࡓࡅࡔࡅࡌࡀ ࡖࡁࡓࡇ ࡀࡍࡀ ࡖࡌࡄࡉࡕࡀ ࡅࡀࡎࡅࡕࡀ ࡄࡀࡕࡀࡌ{{࡞࡞}} ࡌࡑࡀࡓࡀࡓࡀ ࡖࡁࡀࡉࡉࡀ ࡋࡌࡉࡌࡀࡓ ࡊࡅࡋ ࡌࡉࡍࡃࡀࡌ ࡖࡍࡉࡐࡉࡄࡕࡇ ࡅࡍࡉࡒࡓࡉࡁࡇ ࡍࡉࡄࡉࡉࡀ ࡅࡍࡉࡕࡀࡎࡉࡀ ࡅࡍࡉࡕࡒࡀࡉࡀࡌ ࡄࡀࡍࡀࡕࡇ ࡏࡃࡀࡍࡀ ࡄࡅ ࡍࡉࡄࡉࡉࡀ ࡏࡅ ࡍࡉࡕࡄࡀࡌࡁࡀࡋ ࡖࡌࡀࡎࡉࡒࡕࡀ ࡖࡓࡁࡀ ࡔࡀࡓࡉࡀ࡞ ࡗ ࡁࡉࡄࡓࡇ ࡉࡅࡊࡀࡔࡀࡓ {{ࡋࡉࡁࡓࡀࡉࡀ}} ࡋࡉࡁࡀࡓࡀࡉࡀ ࡀࡌࡀࡓ ࡀࡍࡀ ࡄࡅ ࡌࡀࡓࡀ ࡖࡓࡀࡁࡅࡕࡀ ࡁࡀࡄࡉࡓࡍࡀ ࡅࡌࡀࡎࡉࡒࡍࡀ ࡁࡆࡀࡊࡅ ࡋࡀࡕࡀࡓ ࡍࡄࡅࡓ ࡗ ࡖࡌࡍ ࡏࡁࡃࡀࡕࡀ ࡎࡀࡉࡍࡀࡕࡀ ࡌࡉࡕࡐࡀࡓࡀࡒ ࡅࡀࡍࡀࡕ ࡓࡁࡀ ࡁࡉࡄࡓࡇ ࡋࡄࡀࡍࡀࡕࡇ ࡔࡅࡀࡋࡉࡀ ࡖࡀࡁࡀࡄࡀࡕࡇ ࡖࡓࡀࡆ ࡂࡀࡍࡉࡁࡅࡕࡉࡀ ࡋࡀࡍࡉࡄࡁࡉࡁࡅࡍ ࡅࡁࡓ ࡑࡀࡉࡃࡀ ࡅࡁࡓ ࡄࡅࡓࡂࡀ ࡅࡋࡌࡀࡍ ࡖࡀࡁࡅࡉࡀ ࡍࡑࡀࡁ ࡀࡓࡌࡀࡋࡕࡀ ࡖࡔࡋࡀࡄࡀ ࡒࡀࡃࡌࡀࡉࡀ {{ࡅࡌࡍ ࡃࡅࡊࡕࡀ}} ࡅࡌࡍ ࡃࡅࡊࡉࡀ ࡖࡁࡂࡀࡅࡀࡉࡄࡅࡍ ࡋࡀࡉࡉࡕ ࡅࡋࡌࡀࡍ ࡖࡄࡃࡀࡓ ࡌࡍ ࡎࡉࡃࡓࡉࡀ ࡄࡅࡓࡉࡍࡉࡀ ࡏࡆࡃࡀࡄࡀࡓ ࡀࡍࡀࡕ ࡌࡉࡍࡀࡉࡄࡅࡍ ࡅࡀࡁࡀࡕࡀࡓ ࡄࡀࡆࡉࡍ ࡁࡄࡉࡓࡀ ࡀࡍࡀࡕ ࡁࡅࡄࡓࡇ lࡏࡅࡑࡈࡅࡍࡀ ࡅࡌࡋࡉࡀ ࡀࡉࡍࡀࡉ^ࡊ^ࡅࡍ ࡁࡂࡀࡅࡇ ࡅࡎࡀࡄࡃࡉࡀ ࡍࡉࡄࡅࡉࡀ ࡋࡉࡀࡌࡉࡍࡀࡊ ࡅࡎࡌࡀࡋࡀࡊ࡞ ࡗ ࡌࡀࡋࡉࡋ ࡅࡐࡕࡀ ࡄࡉࡉࡀ ࡓࡁࡉࡀ ࡐࡅࡌࡀࡉࡄࡅࡍ ࡀࡌࡀࡓ ࡏࡕࡀࡓࡀࡌ ࡄࡀࡍࡀࡕࡇ ࡎࡓࡀࡃࡒࡀ ࡖࡄࡅࡀ ࡍࡂࡉࡃ ࡁࡉࡍࡉࡀ ࡓࡅࡄࡀ ࡏࡋ ࡍࡉࡔࡉࡌࡕࡀ࡞ ࡅࡗ ࡏࡕࡉࡀࡓ ࡀࡌࡀࡓ ࡏࡕࡉࡀࡉࡓࡀࡕ ࡍࡉࡔࡉࡌࡕࡀ ࡏࡋ ࡓࡅࡄࡀ࡞ ࡗ ࡓࡉࡄࡀ ࡁࡀࡎࡉࡌࡀ ࡀࡌࡀࡓ ࡏ ࡏࡕࡀࡓ ࡄࡀࡍࡀࡕࡇ ࡓࡉࡄࡀ ࡒࡀࡃࡌࡀࡉࡉࡀ ࡖࡁࡀࡉࡉࡀ ࡌࡉࡓࡕࡇ^ࡌࡉࡀ^ ࡁࡓࡀࡄࡌࡉࡀ ࡒࡀࡃࡌࡀࡉࡉࡀ ࡅࡁࡓࡀࡄࡌࡉࡀ ࡔࡀࡁࡀ ࡔࡀࡉࡉࡀ ࡞ ࡗ ࡌࡔࡀࡁࡉࡍ ࡄࡉࡉࡀ ࡒࡀࡃࡌࡀࡉࡉࡀ ࡀࡌࡀࡓ ࡅࡀࡌࡀࡓ ࡍࡉࡔࡉࡌ^ࡀ^ࡕࡀ ࡖࡏࡕࡉࡒࡓࡉࡀ ࡅࡏࡕࡉࡓࡔࡉࡌ ࡁࡄࡀࡆࡀ ࡌࡀࡎࡉࡒࡕࡀ ࡅࡃࡀࡁࡀࡄࡀࡕࡀࡍ ࡅࡓࡁࡀࡍࡀࡍ ࡅࡃࡀࡄࡀࡍ ࡅࡃࡀࡄࡅࡀࡕࡀࡍ ࡏࡕࡀࡓ ࡄࡀࡍࡀࡕࡇ ࡍࡀࡈࡀࡓ ࡖࡏࡋ ࡀࡁࡀࡄࡀࡕࡀ ࡌࡔࡀࡋࡀࡈ ࡖࡁࡀࡉࡉࡀ ࡋࡌࡉࡌࡀࡓ ࡁࡄࡀࡍࡀࡕࡅࡍ ࡔࡉࡕࡉࡍ ࡉࡅࡌࡉࡀ ࡅࡃࡀࡁࡀࡄࡀࡕࡀࡍ ࡁࡄࡀࡆࡉࡍ ࡃࡅࡊࡕࡀ ࡖࡗ ࡏࡋ ࡋࡉࡂࡓࡇ ࡒࡀࡉࡉࡌ ࡀࡌࡉࡍࡈࡅࡋ ࡖࡔࡅࡁࡀ ࡉࡅࡌࡉࡀ {ࡁࡀࡃࡌࡅ ࡉࡅࡌࡉࡀ} ࡖ^ࡋࡀࡌࡑࡉࡀ ࡖࡍࡉࡌࡀࡓ ࡀࡁࡀࡄࡀࡕࡀࡍ ࡅࡓࡅࡁࡀࡍࡀࡍ ࡀࡌࡉࡍࡈࡅࡋ ࡖࡔࡅࡁࡀ ^ࡉࡅࡌࡉࡀ^ ࡁࡀࡃࡌࡅ ࡉࡅࡌࡉࡀ^ ࡑࡅࡓࡕࡀ ࡖࡉࡀࡍࡒࡉࡀ ࡄࡉࡍࡅࡍ ࡖࡁࡀࡉࡉࡀ ࡋࡌࡉࡁࡉࡀ ࡓࡀࡄࡌࡉࡀ ࡁࡂࡀࡅࡀࡉࡄࡅࡍ ࡖࡌࡄࡀࡌlࡏࡉࡍ ࡔࡀࡉࡋࡉࡍ ࡀࡋࡐࡀ ࡖࡓࡀࡆࡉࡀ ࡖࡊࡅࡋ ࡄࡀࡃ {{ࡓࡀࡄࡌࡉࡀ}} ࡄࡀࡃ ࡉࡅࡌࡀ ࡄࡀࡃ ࡓࡐࡉࡋࡀ ࡂࡀࡄࡍࡀ ࡅࡎࡀࡋࡒࡀ ࡌࡍ ࡒࡅࡃࡀࡌ ࡀࡉࡍࡀ ࡖࡀࡋࡌࡉࡀ ࡅࡃࡀࡓࡉࡀ ࡌࡀࡋࡁࡅࡔࡀ ࡖࡀࡉࡍࡀ ࡒࡀࡓࡉࡋࡀ ࡄࡀࡍࡀࡕࡇ ࡏࡃࡀࡍࡀ lࡏࡌࡇ ࡍࡉࡁࡀࡔࡒࡓࡇ ࡖࡁࡀࡉࡉࡀ ࡍࡉࡔࡕࡀࡋࡀࡈ ࡏࡋ ࡌࡀࡑࡁࡅࡕࡀ ࡖࡓࡁࡇ ࡑࡀࡁࡉࡋࡇ ࡞ ࡖࡁࡀࡉࡉࡀ ࡌࡉࡌࡀࡓ ࡁࡓࡀࡄࡌࡉࡀ ࡄࡀࡍࡀࡕࡇ ࡁࡌࡀࡑࡁࡅࡕࡀ ࡖࡏࡋ ࡓࡁࡇ ࡑࡀࡁࡀࡋࡇ ࡅࡃࡀࡁࡀࡄࡀࡕࡀࡍ ࡅࡓࡅࡁࡀࡍࡀࡍ ࡅࡃࡀࡄࡀࡍ ࡅࡃࡀࡄࡅࡀࡕࡀ^ࡍ^ ࡄࡅ ࡋࡀࡁࡅࡉࡀ ࡒࡀࡓࡅࡋࡇ ࡅࡀࡊࡀࡍࡃࡉࡕ ࡀࡁࡅࡉࡀ ࡋࡀࡁࡀࡔࡒࡀࡓ ࡖࡄࡀࡌࡋࡉࡍ ࡌࡀ ࡅࡕࡌࡀࡍࡀࡍ ࡓࡀࡄࡌࡉࡀ࡞ ࡅࡔࡉࡕࡉࡍ ࡓࡀࡄࡌࡉࡀ ࡖࡁࡅࡑࡅࡓࡕࡀ ࡀࡁࡀ ࡖࡄࡅࡀ ࡁࡊࡀࡍࡐࡀ ࡖࡏࡌࡇ ࡁࡔࡊࡉࡍࡕࡀ ࡋࡀࡄࡅࡃࡇ ࡄࡅࡀ ࡅࡗ ࡓࡀࡄࡌࡇ ࡔࡉࡕࡉࡍ ࡉࡅࡌࡉࡀ ࡓࡁࡇ ࡀࡕࡀ ࡋࡅࡀࡕࡇ ࡅࡏࡃࡀ{{ࡍࡀ}} ࡏࡄࡀࡁࡋࡇ ࡅࡐࡀࡓࡒࡉࡀ ࡌࡍ ࡊࡀࡍࡐࡀ ࡖࡏࡌࡇ ࡁࡔࡊࡉࡍࡀࡕࡀ ࡌࡀࡍࡃࡀࡉࡅࡕࡀ ࡀࡅࡕࡁࡇ {{ࡏࡄࡀࡁࡋࡇ}} ࡀࡌࡉࡍࡈࡅࡋ ࡖࡁࡀࡉࡉࡀ ࡋࡌࡉࡌࡀࡓ ࡓࡁࡀ ࡄࡅ ࡌࡀࡑࡁࡀࡍࡀ ࡏࡅࡍࡉࡀࡍ ࡀࡁ ࡏࡅࡍࡉࡀࡍ ࡖࡀࡍࡀ ࡁࡄࡀࡉࡋࡇ ࡖࡀࡁ ࡉࡀࡅࡀࡓ ࡋࡉࡀࡓࡃࡍࡀ ࡀࡎࡂࡉࡕ ࡅࡁࡄࡀࡉࡋࡇ ࡖࡌࡀࡍࡃࡀ ࡖࡄࡉࡉࡀ ࡊࡋࡉࡋࡀ ࡏࡋ ࡏࡅࡕࡓࡉࡀ ࡕࡓࡉࡑ࡞ ࡅࡔࡉࡕࡉࡍ ࡓࡀࡄࡌࡉࡀ ࡖࡏࡋ ࡓࡁࡀ ࡍࡈࡉࡓࡉࡀ ࡀࡋࡌࡀ ࡖࡌࡀࡎࡉࡒࡕࡀ ࡏࡋࡇ ࡍࡉࡔࡓࡉࡀ ࡅࡍࡉࡑࡉࡁࡇ ࡋࡓࡁࡀ ࡀࡁࡀࡕࡀࡓ ࡖࡍࡉࡔࡓࡉࡀ ࡌࡋࡀ ࡌࡀࡎࡉࡒࡕࡀ ࡅࡔࡉࡕࡉࡍ ࡓࡀࡄࡌࡉࡀ ࡖࡏࡋ ࡀࡁࡅࡉࡀ ࡍࡉࡁࡉࡀ ࡀࡋࡌࡀ ࡖࡄࡀࡌࡋࡉࡍ ࡄࡀࡅࡉࡍ ࡗ ࡆࡀࡍ ࡄࡃࡀ ࡖࡍࡉࡔࡕࡀࡋࡀࡈ ࡋࡊࡅࡋࡄࡉࡍ ࡏࡁࡃࡀࡕࡀ࡞ ࡅࡗ ࡏࡕࡉࡌࡋࡅࡍ ࡄࡉࡉࡀ ࡀࡌࡀࡓ ࡔࡉࡕࡉࡍ ࡐࡀࡈࡉࡓࡉࡀ࡞ ࡗ ࡔࡊࡀࡍ ࡄࡉࡉࡀ {{ࡔࡊࡉࡍࡕࡀ}} ࡖࡌࡀࡎࡉࡒࡕࡀ ࡄࡉࡍࡅࡍ ࡀࡌࡉࡍࡈࡅࡋ ࡖࡏࡕࡉࡌࡋࡅࡍ ࡄࡉࡉࡀ ࡔࡉࡕࡉࡍ ࡄࡅࡂࡉࡀࡍࡉࡀ ࡄࡉࡍࡅࡍ ࡖࡊࡅࡋ ࡄࡀࡃ {{ࡄࡀ}} ࡄࡅࡂࡉࡀࡍࡀ ࡋࡄࡀࡃ ࡌࡍ ࡐࡀࡈࡉࡓࡉࡀ ࡌࡀࡕࡀࡓࡋࡇ࡞ ࡗ ࡔࡊࡉࡍࡉࡀ ࡄࡉࡉࡀ ࡀࡌࡀࡓ ࡏࡕࡀࡓ ࡄࡀࡍࡀࡕࡇ ࡓࡅࡔࡅࡌࡀ ࡖࡁࡓࡇ ࡀࡍࡀ࡞ ࡅࡊࡅࡋ ࡊࡋࡉࡋ ࡀࡋࡌࡉࡀ ࡔࡀࡄࡉࡀ ࡀࡌࡀࡓ ࡍࡉࡔࡕࡀࡋࡀࡈ ࡓࡀࡆࡀ࡞ ࡗ ࡀࡋࡌࡀ ࡖࡁࡋࡉࡁࡀ ࡏࡋ ࡓࡀࡆࡉࡀ ࡖࡓࡅࡄࡀ ࡅࡍࡀࡎࡉࡁࡋࡇ ࡏࡋ ࡊࡋࡉࡋࡀ ࡌࡍ ࡓࡉࡔ ࡁࡓࡉࡔ ࡋࡉࡁࡀ ࡕࡓࡀࡑࡋࡇ ࡁࡌࡉࡔࡀ ࡔࡉࡄࡉࡀ ࡀࡌࡀࡓ ࡄࡀࡃࡉࡍ ࡓࡀࡆࡉࡀ ࡏࡋࡀࡉࡉࡀ ࡅࡓࡀ ࡆࡉࡀ ࡕࡉࡕࡀࡉࡉࡀ ࡁࡌࡀࡋࡉࡀ ࡉࡀࡕࡁࡉࡀ࡞ ࡗ ࡁࡆࡉࡅ ࡖࡍࡐࡉࡔ ࡀࡌࡀࡓ ࡊࡅࡋࡄࡅࡍ ࡓࡀࡆࡉࡀ ࡖࡕࡀࡓࡌࡀࡃࡅࡕࡀ ࡌࡉࡕࡄࡀࡉࡀࡋ ࡏࡋ ࡓࡀࡆࡉࡀ ࡖࡌࡀࡍࡃࡀࡉࡅࡕࡀ࡞ ࡅࡗ ࡔࡊࡉࡍࡉࡀ ࡄࡉࡉࡀ ࡀࡌࡀࡓ ࡏࡕࡀࡓ ࡏࡕࡄࡀࡉࡀࡋ ࡉࡀࡌࡉࡍࡀ ࡋࡎࡌࡀࡋࡀ࡞ ࡅࡗ {{ࡔࡊࡉࡍࡉࡀ ࡄࡉࡉࡀ}} ࡏࡕࡓࡀࡑࡕࡅࡍ ࡅࡏࡕࡒࡀࡉࡀࡌࡕࡅࡍ ࡀࡌࡀࡓ ࡏࡕࡀࡓ ࡓࡀࡆࡉࡀ ࡖࡀࡁࡅࡉࡀ ࡖࡄࡅࡀ ࡁࡂࡀࡅࡀ ࡔࡊࡉࡍ ࡅࡀࡌࡀࡓ ࡈࡀ ࡈࡅࡁࡇ ࡅࡕࡅࡌ ࡈࡅࡁࡇ ࡋࡌࡀࡍ ࡖࡀࡁࡀࡄࡀࡕࡇ ^ࡍࡉࡁࡀࡔࡒࡀࡓ^{{ࡍࡉࡔࡁࡀࡉࡒࡋࡇ}} ࡅࡀࡉࡋࡇ ࡅࡕࡅࡌ ࡅࡀࡉࡋࡀ ࡋࡊࡅࡋ ࡖࡀࡁࡀࡄࡀࡕࡀ ࡋࡉࡕࡋࡀ ࡅࡀࡉࡋࡀ ࡖࡁࡔࡊࡉࡍࡀࡕ ࡂࡀࡍࡉࡁࡉࡀ ࡔࡊࡉࡍ ࡞ ࡅࡗ ࡌࡊࡀࡋࡀࡋࡍࡀ ࡅࡔࡀࡊࡉࡁࡍࡀ ࡀࡌࡀࡓ ࡏࡕࡀࡓ ࡄࡀࡍࡀࡕࡇ ࡋࡁࡅࡔࡀ ࡖࡄࡅ ࡏࡅࡑࡈࡅࡍࡀ ࡖࡁࡀࡉࡉࡀ {{࡞࡞࡞}} {{ࡌࡄࡀ}} mࡏࡉࡉࡋ ࡁࡂࡀࡅࡇ ࡉࡅࡌࡀ ࡖࡊࡉࡋࡇ ࡔࡀࡋࡌࡉࡀ ࡅࡋࡀࡕࡓࡀ ࡖࡄࡉࡉࡀ ࡌࡉࡆࡋࡇ ࡅࡌࡁࡀࡓࡉࡊࡋࡇ ࡅࡀࡌࡓࡉࡋࡇ ࡀࡕࡀ ࡀࡕࡀ ࡁࡄࡉࡓࡀ ࡃࡀࡊࡉࡀ ࡆࡀࡊࡀࡉࡀ ࡖࡌࡅࡌࡀ ࡋࡉࡕࡁࡇ࡞ ࡗ ࡌࡉࡍࡇ ࡌࡍ ࡔࡀࡓࡅࡉࡀ ࡀࡌࡀࡓ ࡄࡉࡁࡉࡋ ࡋࡒࡅࡃࡀࡌࡇ ࡒࡀࡉࡉࡌ ࡅࡁࡀࡓࡉࡊࡋࡇ࡞ ࡗ ࡁࡉࡍࡉࡀ ࡊࡀࡎࡉࡀ ࡋࡆࡉࡅࡀ ࡀࡌࡀࡓ ࡅࡌࡔࡀࡉࡋࡉࡋࡇ ࡖࡓࡀࡆࡀ ࡖࡓࡅࡄࡀ ࡅࡓࡀࡆࡀ ࡖࡍࡉࡔࡉࡌࡕࡀ ࡅࡀࡌࡀࡓࡋࡀࡍ ࡅࡌࡀࡍ ࡄࡅ ࡖࡏࡌࡀࡉࡊࡅࡍ ࡅࡌࡀࡍ ࡄࡅ ࡀࡁࡅࡊࡅࡍ ࡅࡀࡌࡀࡓࡋࡅࡍ ࡀࡁ ࡀࡁࡅࡉࡀࡍ ࡀ^ࡀ^ࡉࡀࡓ ࡅࡏࡌࡉࡀࡍ ࡉࡀࡓࡃࡍࡀ ࡄࡅ ࡅࡀࡌࡀࡓࡋࡅࡍ ࡅࡌࡀࡍ ࡄࡅ ࡖࡑࡀࡓࡀࡓࡉࡍࡊࡅࡍ ࡅࡁࡊࡀࡍࡐࡀ ࡖ ࡖࡌࡀࡍ ࡄࡅ ࡓࡁࡀࡉࡕࡅࡍ ࡅࡀࡌࡀࡓ ࡀࡍࡉࡍ ࡁࡊࡀࡍࡐࡀ ࡖࡓࡅࡄࡀ ࡓࡁࡀࡉࡍࡉࡍ ࡅࡀࡁ ࡀࡁࡅࡉࡀࡍ ࡑࡀࡓࡀࡓࡉࡍࡀࡍ ࡖࡄࡅ ࡀࡉࡀࡓ ࡃࡀࡊࡉࡀ ࡔࡅࡌࡇ࡞ ࡅࡀࡌࡀࡓ ࡀࡋࡌࡉࡀ ࡁࡍࡉࡀ ࡎࡉࡍࡉࡍ ࡀࡓࡎࡇ ࡖࡏࡌ ࡑࡀࡅࡕࡀ ࡖࡌࡍ ࡋࡀࡒࡀࡃࡌࡉࡀ ࡄࡅࡀࡕ࡞ ࡅࡀࡌࡀࡓ ࡋࡉࡈࡀ ࡓࡅࡄࡀ ࡅࡌࡋࡀࡈࡀࡈࡀ ࡁࡄࡀࡁࡀࡓࡀ ࡂࡀࡄࡉࡀ ࡔࡊࡉࡍࡀ ࡅࡁࡑࡀࡅࡕࡀ ࡖࡍࡅࡓࡀ ࡏࡊࡉࡋࡕࡀ ࡉࡀࡕࡁࡀ ࡅࡌࡉࡀ ࡎࡅࡌࡀࡒࡉࡀ ࡔࡀࡕࡉࡀ ࡄࡏ ࡋࡁࡅࡔࡉࡇ ࡖ ࡂࡀࡅࡍࡉࡀ ࡂࡀࡅࡍࡉࡀ ࡋࡀࡁࡔࡉࡇ ^ࡖ^ࡄࡏ ࡋࡀࡁࡓࡀࡋࡇ ࡋࡉࡀࡌࡀ ࡓࡁࡀ ࡖࡎࡅࡐ࡞ ࡁࡓࡉ^ࡊ^ ࡄࡀࡊ ࡂࡀࡁࡓࡀ ࡖ{{ࡀ}}ࡀ࡞ ࡖ ࡔࡋࡉࡍࡀࡍ ࡋࡁࡅࡔࡉࡇ ࡖࡂࡀࡅࡍࡉࡀ ࡂࡀࡅࡍࡉࡀ ࡅࡋࡁࡅࡔࡀ ࡖࡔࡀࡓࡀࡉࡀ ࡄࡉࡅࡀࡓࡀ ࡖࡀࡋࡁࡉࡔࡉࡍࡀࡍ ࡁࡓࡉࡄࡀ ࡖࡉࡀࡅࡀࡓ ࡓࡀࡅࡆࡉࡍࡉࡍ ࡅࡌࡉࡀ ࡄࡉࡉࡀ ࡄࡀࡊࡀ ࡔࡀࡕࡉࡍ ࡌࡍ ࡄࡀࡁࡀࡓࡀ ࡂࡀࡄࡉࡀ ࡕࡐࡀࡓࡀࡒࡍࡉࡀ࡞ ࡅࡀࡉࡋࡉࡍࡉࡍ ࡋࡄࡀࡋࡉࡍ ࡖࡓࡉࡄࡌࡅࡊ ࡌࡍ ࡋࡅࡀࡕࡀࡊ ࡋࡀࡌࡉࡕࡓࡀࡄࡒࡉࡀ ࡅࡀࡉࡋࡉࡍࡅࡍ ࡋࡄࡀࡋࡉࡍ ࡖࡓࡄࡉࡌ ࡆࡀࡄࡁࡀ ࡅࡊࡀࡎࡐࡀ {{ࡅࡁࡀ}} ࡅࡁࡀࡁࡀࡉࡄࡅࡍ ࡋࡀࡏࡕࡊࡀࡓࡀࡊ ࡌࡍ ࡕࡉࡁࡉࡋ ࡁࡏࡌࡀࡉࡄࡅࡍ ࡋࡀࡍࡀࡐࡒࡉࡀ࡞ ࡅࡗ ࡍࡉࡀࡄࡀ ࡅࡔࡀࡋࡌࡀ ࡍࡉࡄࡅࡉࡀ ࡀࡌࡀࡓ ࡓࡅࡄࡀ ࡅࡔࡉࡁࡉࡀࡄࡉࡀ ࡔࡉࡁࡉࡀࡄࡉࡀ ࡓࡀࡆࡀ ࡄࡀࡔࡋࡉࡀ ࡏࡋࡇ࡞ ࡗ ࡁࡓࡉࡊࡉࡀ ࡅࡌࡔࡀࡁࡉࡀ ࡄࡉࡉࡀ ࡑࡈࡀࡓࡕࡉࡀ ࡀࡌࡀࡓ ࡁࡉࡍࡕࡀ ࡁࡍࡀࡋࡇ ࡁࡀࡓࡒࡀ ࡖࡀࡉࡀࡓ࡞ ࡅࡗ ࡁࡓࡉࡊࡉࡀ ࡀࡌࡀࡓ ࡅࡀࡌࡀࡓ ࡄࡀࡅࡉࡍࡀࡍ ࡀࡉࡀࡓ ࡃࡀࡊࡉࡀ ࡖࡓࡉࡃࡐࡀ ࡖࡕࡉࡁࡉࡋ ࡍࡉࡍࡉࡔࡉࡇ ࡍࡉࡍࡉࡔࡉࡇ ࡋࡓࡉࡃࡐࡀ ࡖࡕࡉࡁࡉࡋ ࡅࡀࡉࡈࡀ ࡅࡀࡉࡈࡀ ࡖࡁࡉࡔࡉࡀ ࡅࡊࡀࡃࡀࡁࡉࡀ ࡖࡂࡆࡀࡓ ࡏࡋࡀࡍ ࡄࡀࡍࡀࡕࡇ ࡏࡃࡀࡍࡀ ࡀࡍࡀ ࡌࡀࡓࡀ ࡖࡓࡀࡁࡅࡕࡀ ࡃࡉࡍࡀ ࡃࡀࡉࡉࡍࡀ ࡌࡍ ࡓࡉࡃࡐࡉࡀ ࡅࡗ ࡄࡀࡈࡀࡉࡉࡀ ࡖࡄࡈࡀ ࡄࡅ ࡅࡀࡁࡅࡉࡀ ࡍࡉࡔࡕࡁࡉࡒࡋࡇ ࡞ ࡅࡗ ࡈࡀࡁ ࡈࡀࡁࡇ ࡋࡈࡀࡁࡉࡀ ࡀࡌࡀࡓ ࡏࡔࡕࡀࡃࡀࡓࡋࡇ ࡓࡀࡄࡀࡈࡀ ࡖࡌࡉࡀ ࡄࡉࡉࡀ ࡖࡀࡓࡒࡀ ࡖࡀࡉࡀࡓ ࡅࡗ ࡏࡍࡂࡉࡓࡕࡀ ࡌࡄࡀࡕࡀࡌࡕࡀ ࡀࡌࡀࡓ ࡓࡅࡄࡀ ࡅࡔࡉࡁࡉࡀࡄࡉࡀ ࡏࡋ ࡄࡃࡀࡃࡉࡀ ࡍࡀࡐࡋࡉࡀ ࡅࡒࡓࡀࡁࡇ ࡌࡍ ࡄࡀࡃࡀࡃࡉࡀ ࡀࡁࡃࡉࡀ ࡏࡋ ࡍࡉࡔࡌࡀ ࡖࡌࡍ ࡀࡕࡅࡕࡉࡀ ࡄࡉࡑࡓࡅࡍ࡞ ࡅࡗ ࡏࡎࡉࡓࡀ ࡄࡕࡉࡌࡀ ࡓࡅࡄࡀ ࡀࡌࡀࡓ ࡏࡕࡀࡓ ࡄࡀࡍࡀࡕࡇ ࡀࡎࡀࡓࡀ ࡓࡁࡀ ࡖࡏࡋ ࡓࡉࡔࡀ ࡖࡔࡉࡔࡀ ࡕࡓࡉࡑ ࡅࡌ^ࡎࡀ^ࡊࡀ{{ࡎࡉ}}ࡋࡇ ࡋࡄࡀࡍࡀࡕࡇ ࡏࡎࡉࡒࡕࡀ ࡖࡔࡅࡌ ࡁࡓ ࡉࡀࡅࡀࡓ ࡆࡉࡅࡀ ࡖࡁࡀࡉࡉࡀ ࡋࡌࡉࡊࡃࡉࡁ ࡏࡍࡂࡀࡓࡕࡀ ࡋࡅࡀࡕ ࡀࡁࡀࡕࡅࡓ࡞ ࡅࡗ ࡀࡅࡃࡉࡍ ࡀࡌࡀࡓ ࡓࡅࡄࡀ ࡅࡔࡉࡁࡉࡀࡄࡉࡀ ࡌࡍ ࡒࡅࡃࡀࡌࡇ ࡓࡀࡄࡈࡉࡍ ࡏࡅࡌࡒࡉࡀ ࡋࡀࡂࡈࡉࡍ࡞ ࡅࡗ ࡕࡅࡔࡁࡉࡄࡀࡍ ࡀࡌࡀࡓ ࡁࡉࡀࡃ ࡌࡀࡄࡉࡒࡀࡍࡉࡀ ࡅࡊࡀࡃࡀࡁࡉࡀ ࡅࡄࡅࡍࡐࡀࡍࡉࡀ ࡅࡌࡀࡂࡆࡉࡓࡀࡍࡉࡀ ࡋࡀࡕࡉࡔࡃࡉࡍࡀࡍ ࡏࡕࡐࡀࡓࡀࡒ ࡌࡍ ࡀࡓࡁࡉࡀ ࡌࡉࡄࡉࡀࡕࡀ࡞ ࡗ ࡏࡋࡊࡅࡍ ࡃࡉࡋࡊࡅࡍ ࡀࡌࡀࡓ ࡊࡅࡋࡄࡅࡍ ࡀࡓࡒࡀ ࡖࡍࡄࡅࡓࡀ ࡌࡍ ࡊࡀࡓࡎࡀࡅࡀࡕࡅࡍ ࡒࡀࡉࡌࡉࡀ ࡅࡀࡋࡉࡐ ࡀࡋࡉࡐ ࡏࡍࡉࡀࡍࡀ ࡓࡀࡌࡉࡀ ࡅࡀࡌࡓࡉࡀ ࡈࡅࡁࡇ ࡋࡉࡅࡌࡀ ࡖࡌࡍ ࡕࡉࡁࡉࡋ ࡏࡕࡐࡀࡓࡀࡒ ࡄࡅ ࡌࡍ ࡓࡁࡇ ࡍࡉࡔࡕࡀࡋࡀࡌ ࡄࡅ ࡅࡓࡁࡇ ࡋࡅࡀࡕࡀࡍ ࡅࡀࡍࡉࡍ ࡃࡉࡋࡅࡍ ࡁࡉࡄࡓࡀ ࡔࡊࡉࡍࡕࡀ ࡃࡀࡉࡓࡉࡍࡉࡇ ࡅࡊࡅࡔࡈࡀ ࡌࡍ ࡄࡃࡀࡃࡉࡀ ࡐࡀࡔࡈࡉࡍࡉࡀ࡞ ࡅࡗ ࡀࡎࡀ ࡀࡎࡀ ࡁࡉࡀࡌࡉࡍࡇ ࡌࡉࡕࡀࡓ ࡅࡌࡁࡀࡓࡊࡉࡋࡇ ࡅࡌࡀࡎࡊࡉࡋࡇ ࡏࡋ ࡉࡅࡌࡀ ࡈࡀࡁࡀ ࡖࡄࡅ ࡍࡉࡌࡀࡓ ࡗ ࡀࡎࡀ ࡀࡎࡀ ࡁࡂࡍࡉࡍࡉࡀ ࡅࡄࡉࡁࡉࡋ ࡓࡀࡅࡆ ࡁࡌࡀࡑࡁࡅࡕࡀ ࡖ ࡏࡋ ࡓࡁࡇ ࡑࡀࡁࡉࡋࡇ࡞ ࡅࡗ ࡏࡅࡍࡉࡀࡍ ࡀࡌࡀࡓ ࡏࡕࡀࡓ ࡄࡀࡍࡀࡕࡇ ࡍࡀࡅࡓࡀ ࡖࡁࡉࡀࡓࡃࡍࡀ ࡔࡓࡉࡀ ࡞ ^ࡗ ࡏࡍࡉࡀࡍ ࡀࡁ ࡏࡍࡉࡀࡍ ࡆࡅࡈࡀ ࡀࡌࡀࡓ ࡄࡀࡁࡔࡀࡁࡀ ࡅࡊࡀࡍࡀ ࡖࡆࡉࡃࡒࡀ ࡌࡁࡀࡓࡉ ࡌࡁࡀࡓࡉࡊࡋࡇ^࡞ ࡅࡗ ^ࡁࡓࡉࡔ^ ࡌࡉࡀ ࡍࡉࡐࡒࡉࡕ ࡉࡀࡓࡃࡍࡀ ࡐࡉࡓࡉࡀࡅࡉࡎ ࡌࡁࡀࡓࡉࡊࡋࡇ࡞ {{ࡅࡊࡀࡍࡀ ࡖࡆࡉࡃࡒࡀ ࡌࡁࡀࡓࡉࡊࡋࡇ}} ࡞ ࡗ ࡊࡌࡀ ࡔࡀࡐࡉࡓࡉࡀ ࡔࡉࡕࡋࡉࡀ ࡀࡌࡀࡓ ࡓࡅࡄࡀ ࡁࡀࡊࡉࡀ ࡅࡀ ࡅࡀࡌࡓࡀ ࡅࡀࡉࡋࡉࡊ ࡆࡉࡓࡀ ࡖࡆࡓࡉࡕ ࡖࡋࡀࡄࡃࡀࡕ ࡁࡂࡀࡅࡀࡊ ࡔࡉࡕࡋࡉࡕ ࡔࡉࡕࡋࡉࡀ ࡀࡋࡌࡉࡀ ࡖࡈࡅࡍࡀࡉࡅࡍ ࡃࡓࡀ ࡗ ࡈࡅࡍࡀࡉࡅࡍ ࡀࡆࡀࡋ ࡌࡍࡀࡕ ࡄࡅࡓࡉࡍࡉࡀ ࡄࡅࡍ࡞ ࡗ ࡏࡋࡊࡅࡍ ࡀࡌࡀࡓࡍࡀ ࡀࡌࡀࡓ ࡏࡕࡋࡉࡐ ࡁࡋࡀࡅࡐࡀ ࡖࡔࡉࡔࡋࡀࡌ ࡓࡁࡀ࡞ ࡗ ࡏࡋࡊࡅࡍ ࡒࡀࡓࡉࡍࡀ ࡀࡌࡀࡓ ࡔࡋࡀ ࡋࡁࡅࡔࡉࡀ ࡖࡌࡀࡍࡃࡀࡉࡅࡕࡀ ࡅࡋࡁࡅࡔࡀ ࡖ ࡖࡕࡀࡓࡌࡉࡃࡅࡕࡀ ࡋࡁࡀࡔ࡞ ࡅࡗ ࡕࡀࡓࡌࡉࡃࡉࡀ ࡀࡍࡀ ࡄࡀࡃࡕࡀ ࡀࡌࡀࡓ ࡔࡋࡀ ࡅࡑࡌࡇ ࡄࡀࡍࡀࡕࡇ ࡓࡅࡔࡅࡌࡀ ࡖࡁࡓࡉࡔࡀ ࡔࡓࡉࡀ࡞ ࡅࡊࡁࡀࡓ ࡆࡉࡅࡀ ࡋࡄࡀࡍࡀࡕࡇ ࡓࡅࡔࡌࡀ ࡖࡂࡀࡁࡀࡓࡅࡕࡀ ࡄࡀࡕࡌࡀ ࡏࡋࡇ ࡏࡕࡀࡕࡍࡀ ࡅࡋࡀࡍࡉࡐࡕࡀ ࡀࡉࡍࡀ ࡅࡍࡉࡄࡉࡆࡉࡀ ࡋࡓࡀࡆࡀ ࡕࡉࡕࡀࡉ^ࡉ^ࡀ ^ࡖࡓࡅࡄࡀ^ ࡔ^ࡀ^ࡅࡉ^ࡀ^ࡕ࡞ ࡗ ࡏࡓࡅࡕࡀࡉ ࡅࡕࡅࡔࡁࡉࡄࡕࡀࡉ ࡀࡌࡀࡓ ࡏࡕࡀࡓࡉࡅࡍ ࡓࡀࡆࡀ ࡖࡀࡁࡀࡄࡀࡕࡇ ࡏࡕ ࡏࡕࡄࡀࡉࡀࡋ ࡏࡋ ࡓࡀࡆࡉࡀ ࡖࡁࡕࡀࡅࡌࡀ ࡔࡊࡉࡍ ࡅࡌࡎࡀࡊࡉࡋࡇ ࡋࡒࡉࡍࡀ ࡒࡀࡃࡌࡀࡉࡕࡀ ࡖࡁࡈࡀࡁࡀࡄࡀࡕࡀ ࡔࡊࡉࡍ࡞ ࡗ ࡏࡆࡉࡋ ࡁࡔࡋࡀࡌ ࡀࡌࡀࡓ ࡍࡄࡀ^ࡓ^ࡌ ࡓࡀࡆࡀ ࡖ^ࡀ^ࡁࡀ ࡅࡐࡀࡋࡉࡂ ࡍࡀࡐࡔࡉࡇ ^ࡌࡍ ࡓࡀࡆࡀ^ ࡖࡏࡌࡀ࡞ ࡗ ࡌࡀࡍࡀ ࡁࡂࡉࡍࡆࡀ ࡄࡀࡃࡉࡀ ࡀࡌࡀࡓ ࡄࡃࡀࡕ ࡍࡉࡔࡉࡌࡕࡀ ࡁࡂࡉࡍࡆࡉࡀ {ࡖࡌࡀ} ࡖࡌࡍ ࡀࡉࡀࡓ ࡔࡕࡀࡃࡀࡓࡋࡇ࡞ ࡅࡗ ࡈࡅࡁࡀࡊ ࡈࡅࡁࡀࡊ ࡍࡉࡔࡌࡀ ࡀࡌࡀࡓ ࡍࡉࡔࡉࡌࡕࡀ ࡄࡀࡃࡉࡀ ࡅࡀࡌࡓࡀ ࡈࡅࡁࡇ ࡋࡉࡅࡌࡀ ࡖࡌࡉࡍࡀࡊ ࡐࡀࡂࡓࡀ ࡎࡀࡓࡉࡀ ࡏࡐࡅࡒ ࡅࡗ ࡌࡔࡀࡋࡌࡀࡍࡀ ࡌࡍ ࡏࡅࡁࡀࡃࡉࡀ ࡎࡀࡉࡍࡉࡀ࡞ ࡅࡗ ࡄࡀࡁࡔࡀࡁࡀ ࡅࡊࡅࡔࡈࡀ ࡅࡆࡉࡃࡒࡀ ࡀࡌࡀࡓ ࡄࡀࡁࡔࡀࡁࡀ ࡋࡅࡀࡕࡇ ࡒࡀࡉࡉࡌ ࡅࡌࡁࡀࡓࡊࡉࡋࡇ ࡅࡀࡌࡀࡓࡋࡇ ࡀࡍࡀ ^ࡏࡕࡉࡀ ࡅࡍࡀࡈࡓࡀ ࡄࡁࡉࡋࡀࡊ ࡗ ࡖࡌࡍ ࡏࡁࡃࡀࡕࡀ ࡎࡀࡉࡍࡀ ࡏࡕࡐࡀࡓࡀࡒ࡞^࡞ ࡗ ࡆࡉࡃࡀࡍࡀ ࡅࡌࡆࡅࡃࡀࡍࡀ ࡀࡌࡀࡓ ࡍࡉࡔࡉࡌࡕࡀ ࡋࡓࡅࡄࡀ ࡀࡌࡓࡀ ࡄࡀࡆࡀࡉ ࡓࡅࡄࡀ ࡖࡆࡉࡃࡀࡍࡀ ࡅࡌࡆࡅࡃࡀࡍࡀ ࡁࡄࡀࡆࡉࡍ ࡈࡅࡍࡀ ࡃࡀࡊࡉࡕࡀ {{ࡅࡎ}} ࡅࡎࡉ{{ࡃࡉࡌࡀࡓࡕࡀ}}^ࡌࡀࡃࡓࡀ^ ࡔࡀࡍࡉࡀ࡞ ࡅࡗ ࡎࡋࡉࡒ ࡅࡀࡎࡒࡀࡍ ࡌࡉࡍࡇ ࡀࡌࡀࡓ ࡓࡅࡄࡀ ࡋࡍࡉࡔࡉࡌࡕࡀ ࡀࡌࡓࡀ ࡁࡄࡀࡉࡀࡊ ࡁࡄࡀࡉࡀࡊ ࡀࡍࡀࡕ ࡍࡉࡔࡉࡌࡕࡀ ࡗ ࡎࡋࡉࡒ ࡋࡁࡉࡕ ࡄࡉࡉࡀ ࡃࡅࡁࡓࡉࡍ ࡁࡉࡋࡅࡀࡉࡕࡉ{{ࡍ}}ࡊ ࡏࡅ ࡀࡍࡀ ࡓࡉࡃࡐࡀ ࡔࡉࡁࡒࡉࡕ ࡏࡋࡉࡊ ࡀࡍࡀࡕ ࡁࡈࡀࡁࡅ ࡏࡃࡊࡀࡓ ࡏࡋࡀࡉ ࡀࡌࡉࡍࡈࡅࡋ ࡖࡋࡀࡏࡃࡉࡕ ࡅࡋࡀ ࡏࡐࡉࡓࡔࡉࡕ ࡏࡋࡀࡊ {{ࡈࡀࡁ}} ࡈࡅࡁࡇ ࡋࡌࡀࡍ ࡖࡁࡍࡉࡄࡅࡕࡀ ࡌࡀࡎࡂࡉࡀ ࡊࡅࡋ ࡌࡀࡄࡅ ࡖࡁࡀࡉࡉࡀ ࡍࡀࡔࡊࡀ࡞ ࡅࡗ ࡉࡅࡌࡀ ࡖࡍࡀࡐࡉࡒ ࡍࡉࡔࡌࡀ ࡀࡌࡀࡓ ࡁࡓࡀࡁࡅࡕࡀ ࡓࡀࡌࡕࡀ ࡍࡉࡔࡉࡌࡕࡀ ࡉࡀࡕࡁࡀ࡞ {{ࡗ ࡉࡅࡌࡀ ࡖࡍࡀࡐࡉࡒ ࡍࡉࡔࡌࡀ࡞}} ࡗ ࡏࡕࡓࡉࡑࡕࡅࡍ ࡏࡕࡒࡀࡉࡀࡌࡕࡅࡍ ࡁࡄࡉࡓࡀࡉ ࡀࡌࡀࡓ ࡔࡉࡋࡌࡀࡉ ࡅࡍࡉࡃࡁࡀࡉ ࡋࡉࡀࡌࡉࡍࡇ ࡅࡋࡎࡌࡀࡋࡇ ࡒࡀࡉࡌࡉࡀ ࡅࡌࡁࡀࡓࡊࡉࡋࡇ ࡅࡀࡌࡓࡉࡋࡇ ࡊࡅࡋ ࡌࡀࡄࡅ ࡖࡁࡀࡉࡉࡕ ࡀࡍࡉࡍ ࡍࡉࡕࡉࡋࡀࡊ࡞ ࡗ ࡁࡉࡍࡕࡀ ࡖࡁࡉࡍࡉࡀ ࡄࡉࡉࡀ ࡀࡌࡀࡓ ࡄࡀࡍࡀࡕࡇ ^ࡔࡊࡉࡍࡕࡀ ࡌࡁࡀࡓࡉࡊࡋࡇ ࡅࡗ ࡔࡊࡉࡍࡉࡀ ࡄࡉࡉࡀ ࡔࡊࡉࡍࡕࡀ ࡀࡌࡀࡓ ࡃࡍࡀ ࡆࡉࡅࡀ ࡄࡀࡍࡀࡕࡇ^ ࡖࡃࡓࡀࡁࡔࡀ ࡗ ࡔࡀࡌࡁࡉࡁࡉࡀ ࡖࡆࡉࡅࡀ ࡖࡁࡄࡉࡁࡀࡓࡀ ࡃࡍࡀ ࡅࡋࡉࡀࡓࡃࡍࡀ ࡌࡒࡀࡓࡉࡋࡇ ࡅࡀࡌࡀࡓࡋࡇ ࡀࡍࡀࡕ ࡉࡀࡓࡃࡍࡀ ࡋࡀࡕࡀࡎࡂࡉࡀ ࡖ ࡀࡕࡉࡍࡀ ࡁࡂࡀࡅࡀࡊ ࡌࡉࡕࡊࡀࡓࡀࡊࡍࡀ࡞ ࡅࡗ ࡊࡁࡉࡔ ࡄࡔࡅࡊࡀ ࡀࡌࡀࡓ ࡀࡓࡒࡀ ࡍࡀࡉࡃࡀ ࡌࡍ ࡎࡀࡃࡀࡍࡀ ࡅࡍࡀࡑࡓࡀ ࡗ ࡄࡀ࡞ࡀ ࡅࡍࡀࡐࡋࡀ ࡏࡋ ࡏࡅࡓ ࡌࡀࡓࡉࡀ ࡖࡁࡀࡉࡕࡀ ࡅࡍࡀࡄࡉࡌ ࡗ ࡉࡀࡅࡍࡀ ࡅࡗ ࡂࡀࡂࡅࡕࡀ ࡖࡁࡏࡋࡀࡍࡀ ࡉࡀࡕࡁࡀ࡞ ࡗ ࡓࡀࡌࡉࡋࡇ ࡅࡀࡌࡓࡉࡍ ࡞ ࡁࡔࡅࡌࡀ ࡖࡄࡉࡉࡀ ࡓࡁࡉࡀ ࡕࡀࡍࡄࡀࡓࡁࡅࡍ ࡁࡌࡀࡌࡋࡀࡋࡀࡊ ࡃࡀࡊࡉࡀ ࡅࡕࡉࡕࡉࡀࡒࡀࡓ ࡁࡆࡉࡅࡀࡊ ࡏࡋ ࡀࡋࡌࡉࡀ ࡀࡁࡅࡍ ࡕࡉࡍࡄࡀࡓࡁࡅࡍ ࡃࡀࡊࡉࡀ ࡅࡍࡉࡕࡂࡀࡃࡀࡋ ࡔࡀࡓࡔࡀࡊ ࡅࡍࡉࡎࡀࡒ ࡋࡓࡉࡔ࡞ ࡄࡀࡉࡆࡀࡊ ࡄࡀࡍࡀࡕࡇ ࡏࡃࡀࡍࡀ ࡏࡕࡀࡓࡀࡁ ࡄࡅ ࡅࡓࡁࡇ ࡁࡄࡀࡋࡉࡍ ࡕࡓࡉࡍ ࡀࡂࡉࡀ ࡖ ࡀࡎࡀ ࡖࡁࡀࡉࡉࡍ ࡌࡉࡂࡃࡀࡋ ࡁࡌࡀࡑࡁࡅࡕࡀ࡞ ࡗ ࡄࡀࡍࡀࡕࡇ ࡎࡀࡄࡃࡉࡀ ࡏࡍࡉࡀࡍࡀ ࡓࡀࡌࡉࡍ ࡅࡀࡌࡓࡉࡍ࡞ {{ࡁࡔ}} ࡅ{{ࡌࡀ}} ࡁࡔࡅࡌࡀ ࡖࡄࡉࡉࡀ ࡓࡁࡉࡀ ࡄࡃࡅࡍ ࡓࡁࡉࡀ ࡄࡃࡅࡍ {{ࡖࡊࡁࡀ}} ࡖࡎࡊࡀࡋࡇ ࡉࡀࡅࡀࡓ ࡁࡃࡓࡀࡁࡔࡉࡀ ࡖࡆࡉࡅࡀ ࡅࡐࡀࡎࡉࡌࡊࡉࡀ ࡖࡍࡄࡅࡓࡀ ࡄࡃࡅࡍ ࡖࡊࡁࡀࡔࡍࡀ ࡋࡄࡔࡅࡊࡀ ࡅࡁࡀࡈࡉࡋࡍࡉࡀ ࡋࡒࡀࡋࡀ ࡌࡀࡓࡃࡀ ࡄࡉࡍ ࡀࡁࡀࡃࡍࡉࡍ ࡅࡏࡎࡕࡀࡃࡓࡀࡕ ࡄࡉࡍࡉࡋࡀ ࡀࡍࡀࡕࡅࡍ ࡎࡃࡉࡓࡉࡀ ࡎࡉࡃࡓࡅࡉࡀ࡞ ࡄࡉࡁࡉࡋ ࡆࡉࡅࡀ ࡈࡀࡋࡉࡀ ࡋࡒࡅࡃࡀࡌࡀࡉࡄࡅࡍ ࡒࡀࡉࡉࡌ࡞ ࡅࡗ ࡏࡍࡉࡀࡍࡀ ࡓࡀࡌࡅࡉࡍ ࡅࡀࡌࡓࡉࡍ࡞ ࡁࡔࡅࡌࡀ ࡖࡄࡉࡉࡀ ࡓࡁࡉࡀ ࡀࡁࡅࡍ ࡍࡀࡅࡓࡀ ࡀࡍࡀࡕ ࡃࡀࡊࡉࡀ ࡌࡀࡍࡄࡉࡓࡀࡍࡀ ࡄࡀࡅࡉࡕ ࡁࡊࡅࡋࡄࡅࡍ ࡀࡋࡌࡉࡀ ࡀࡍࡀࡕ ࡀࡁࡅࡍ ࡄࡃࡀ ࡅࡄࡃࡉࡁࡇ ࡁࡊࡅࡋࡇ ࡌࡀࡋࡊࡅࡕࡀࡊ ࡀࡍࡀࡕ ࡀࡁࡅࡍ ࡖࡀࡍࡉࡍ ࡁࡂࡀࡅࡀࡊ ࡍࡀࡄࡓࡉࡍࡉࡍ ࡅࡓࡀࡅࡆࡉࡍࡉࡍ ࡅࡍࡀࡄࡓࡉࡀ ࡅࡓࡀࡅࡆࡉࡀ ࡏࡅࡕࡓࡉࡀ ࡌࡀࡋࡊࡉࡀ ࡁࡄࡀࡆࡉࡍ ࡔࡊࡉࡍࡕࡀ ࡉࡀࡕࡁࡉࡀ ࡌࡍ ࡓࡉࡔ ࡁࡓࡉࡔ࡞ ࡄࡃࡅࡍ ࡊࡅࡋࡄࡅࡍ ࡓࡀࡅࡆࡉࡀ ࡅࡎࡉࡂࡅࡃࡕࡀ ࡋࡍࡉࡔࡉࡌࡕࡀ ࡉࡀࡄࡁࡉࡀ࡞ ࡗ ࡒࡀࡌ ࡅࡏࡕࡊࡀࡓࡀࡊ ࡁࡂࡀࡅࡀࡉࡄࡅࡍ ࡅࡍࡔࡀࡒࡉࡍࡅࡍ ࡋࡓࡉࡔࡀࡉࡄࡅࡍ ࡋࡄࡀࡋࡉࡍ ࡀࡓࡁࡀ ࡓࡀࡆࡉࡀ ࡖࡔࡓࡉࡍ ࡁࡀࡓࡁࡉࡀ ࡊࡀࡎࡉࡀ ࡖ ࡌࡅࡒࡓࡀ ࡍࡉࡄࡅࡍ ࡏࡋ ࡃࡅࡊࡕࡀࡉࡄࡅࡍ ࡗ ࡏࡍࡉࡀࡍࡀ ࡓࡀࡌࡉࡋࡇ ࡓࡁࡀ ࡅࡀࡌࡀࡓ࡞ ࡁࡔࡅࡌࡀ ࡖࡄࡉࡉࡀ ࡓࡁࡉࡀ ࡌࡍ ࡉࡅࡌࡀ ࡖࡀࡎࡀ ࡐࡓࡀࡔ ࡌࡍ ࡀࡉࡍࡀ ࡅࡌࡉࡀ ࡁࡆࡉࡅࡀ ࡌࡉࡕࡂࡀࡃࡀࡋ ࡍࡈࡀࡓ {{ࡅࡏࡕࡀࡐࡔ}} ࡅࡏࡕࡀࡐࡓࡀࡔ ࡅࡀࡉࡀࡓ ࡌࡍ ࡍࡄࡅࡓࡀ ࡐࡓࡀࡔ ࡌࡀࡋࡊࡀ ࡍࡎࡉࡁ ࡀࡎࡀ ࡁࡅࡊࡓࡀ ࡌࡍ ࡏࡃࡀ ࡖࡌࡀࡋࡊࡀ ࡄࡀࡃࡕࡀ ࡖࡂࡉࡍࡆࡀ ࡔࡀࡍࡉࡀ ࡎࡁࡀࡓ ࡂࡃࡀࡋࡇ ࡊࡋࡉࡋࡀ ࡋࡉࡀࡓࡃࡍࡀ ࡆࡀࡊࡅࡕࡀ ࡏࡄࡀࡁࡋࡇ ࡌࡀࡋࡊࡀ ࡕࡀࡒࡅࡍ {{ࡁࡀࡎࡅࡕࡀ}} ࡁࡀࡎࡀ ࡅࡉࡀࡓࡃࡍࡀ ࡁࡌࡀࡋࡊࡀ ࡌࡉࡕࡊࡀࡓࡀࡊ ࡌࡉࡕࡂࡀࡃࡋࡉࡍ ࡁࡉࡄࡃࡀࡃࡉࡀ ࡅࡎࡀࡋࡒࡉࡀ ࡅࡄࡀࡆࡉࡋࡇ ࡋࡀࡕࡀࡓ ࡍࡄࡅࡓ࡞ ࡏࡕࡀࡓ ࡉࡀࡓࡃࡍࡀ ࡎࡉࡍࡃࡉࡓࡉࡀࡅࡉࡎ ࡌࡉࡕࡀࡐࡀࡊ ࡁࡉࡀࡓࡃࡍࡀ ࡗ ࡊࡋࡀࡅࡀࡕࡀ ࡖࡌࡉࡀ࡞ ࡗ {{ࡂࡀ}} ࡂࡃࡀࡋ ࡊࡋࡉࡋࡇ ࡋࡍࡀࡐࡔࡉࡇ ࡅࡊࡋࡉࡋࡀ ࡋࡀࡔࡅࡀࡋࡉࡀ ࡏࡕࡀࡓࡉࡅࡍ ࡓࡀࡆࡉࡀ ࡖࡔࡊࡉࡁࡉࡀ ࡁࡂࡅࡋࡅࡑࡈࡌࡀ ࡂࡀࡅࡀࡉࡀ ࡖࡋࡉࡁࡀ ࡞ ࡗ ࡒࡀࡌ ࡏࡋ ࡋࡉࡂࡓࡇ ࡅࡐࡀࡒࡀࡃࡕࡀ ࡏ[ࡕ]ࡀࡁࡋࡉࡀ ࡖࡍࡀ^ࡒ^ࡅࡓࡅࡍ ࡀࡕࡍࡅࡍ ࡏࡃࡀࡉࡄࡅࡍ ࡏࡋ ࡓࡉࡔࡀࡉࡄࡅࡍ ࡅࡀࡌࡀࡓ ࡊࡅࡔࡈࡀ ࡀࡎࡉࡀࡊ ࡊࡅࡔࡈࡀ ࡀࡎࡉࡀࡊ ࡄࡅࡍ ࡓࡁࡀ ࡔࡒࡀࡋ ࡕࡀࡂࡀ ࡌࡍ ࡓࡉࡔࡉࡀ ࡄࡃࡀࡓ ࡅࡕࡓࡀࡑ ࡕࡉࡍࡉࡀࡍࡀ࡞ ࡄࡀࡍࡀࡕࡇ ࡏࡃࡀࡍࡀ ࡏࡕࡀࡓࡀࡁࡉࡅࡍ ࡁࡉࡄࡃࡀࡃࡉࡀ ࡀࡔࡅࡀࡋࡉࡀ ࡖࡁࡀࡉࡉࡍ ࡕࡀࡂࡀ ࡁࡀࡄࡓࡉࡋࡇ ࡁࡔࡅࡁࡀ ࡌࡀࡋࡊࡉࡀ ࡖࡌࡅࡌࡀ ࡁࡂࡀࡅࡀࡉࡄࡅࡍ ࡋࡀࡍࡉࡄࡅࡉࡀ࡞ ࡗ ࡕࡓࡀࡑࡉࡅࡍ ࡁࡕࡋࡀࡕ ࡁࡀࡅࡀࡕࡀ ࡅࡄࡉࡉࡀ ࡒࡉࡓࡉࡅࡉࡀ ࡅࡍࡄࡅࡓ ࡍࡄࡅࡓࡀ ࡅࡌࡀࡍࡃࡀ ࡒࡓࡀࡍ ࡄࡀࡋࡉࡍ ࡕࡋࡀࡕ ࡁࡀࡅࡀࡕࡀ ࡕࡋࡀࡕࡀ ࡔࡅࡓࡉࡀ ࡖࡃࡌࡀࡎࡀ ࡃࡀࡊࡉࡀ ࡏࡕࡀࡄࡃࡀࡓ ࡏࡋ ࡃࡉࡋࡊࡅࡍ ࡅࡋࡀࡔࡅࡀࡋࡉࡀ࡞ ࡅࡗ ࡏࡋ ࡊࡀࡓࡎࡀࡅࡀࡕࡀ ࡏࡕࡉࡀࡕࡀࡓࡉࡅࡍ ࡊࡅࡋ ࡌࡉࡍࡃࡀࡌ ࡍࡄࡀ ࡋࡃࡅࡊࡕࡇ࡞ ࡗ ࡓࡁࡀ ࡀࡕࡉࡀ ࡋࡔࡊࡉࡍࡕࡀ ࡅࡀࡎࡅࡕࡀ ࡒࡀࡓࡉࡀ ࡄࡀࡅࡒࡀ ࡌࡍ ࡋࡅࡀࡕࡀࡉࡊࡅࡍ ࡏࡔࡕࡁࡉࡒ ࡏࡋࡇ࡞ ࡗ ࡀࡌࡀࡓ {{ࡁࡐࡀࡓࡌࡀ}} ࡁࡐࡅࡓࡌࡀࡍࡀࡉࡊࡅࡍ ࡉࡀࡌࡀࡋࡊࡉࡀ ࡓࡅࡓࡁࡉࡀ ࡅࡃࡉࡓࡃࡉࡒࡉࡀ ࡏࡐࡀࡒࡅࡃࡉࡀ ࡏࡐࡀࡓࡅࡉࡉࡀ ࡉࡀࡓࡃࡍࡀ ࡅࡏࡑࡉࡁࡇ ࡋࡄࡀࡆࡉࡍ ࡀࡔࡅࡀࡋࡉࡀ ࡅࡊࡁࡉࡔ ࡒࡅࡌࡕࡇ ࡒࡅࡃࡀࡌࡀࡉࡊࡅࡍ ࡊࡅࡋࡄࡅࡍ ࡄࡀࡈࡀࡉࡉࡀ ࡖࡄࡈࡀ ࡄࡅ ࡅࡀࡔࡅࡀࡋࡇ ࡏࡍࡕࡀࡓࡉࡅࡍ ࡗ ࡔࡀࡄࡐࡉࡀ ࡖࡏࡋࡀࡍࡉࡀ ࡅࡗ ࡕࡋࡀࡕ ࡆࡉࡁࡍࡉࡀ ࡀࡌࡀࡓ ࡅࡀࡍࡀࡕࡅࡍ ࡕࡉࡌࡓࡅࡍ ࡏࡆࡉࡋ ࡎࡀࡃࡀࡓ ࡔࡁࡀࡒࡋࡀࡊ ࡌࡀࡍࡃࡀ ࡖࡄࡉࡉࡀ ࡄࡀࡈࡀࡉࡀࡊ ࡞ ࡗ ࡀࡌࡀࡓ ࡉࡀࡔࡁࡀࡒࡋࡅࡍ ࡌࡀࡍࡃࡀ ࡖࡄࡉࡉࡀ ࡄࡀࡈࡀࡉࡅࡍ ࡒࡅࡌ ࡋࡅࡀࡕࡀࡉ ࡋࡊࡉࡐࡇ ࡖࡀࡁ ࡀࡁࡅࡄࡀࡍ ࡉࡀࡓࡃࡍࡀ ࡖࡌࡉࡀ ࡄࡉࡉࡀ ࡄࡉࡍࡅࡍ ࡀࡌࡀࡓ ࡁࡐࡀࡒࡀࡃࡕࡀࡊ ࡃࡉࡋࡀࡊ ࡊࡅࡋ ࡌࡉࡍࡃࡀࡌ ࡄࡀࡅࡉࡀ࡞ ࡄࡀࡉࡆࡀࡊ ࡒࡀࡌ ࡀࡎࡂࡅࡍ ࡋࡊࡉࡐࡇ ࡖࡉࡀࡓࡃࡍࡀ ࡗ ࡃࡓࡀࡁࡔࡀ ࡒࡅࡃࡀࡌࡀࡉࡄࡅࡍ ࡄࡅࡀ ࡄࡀࡍࡀࡕࡇ ࡖࡒࡀࡓࡉࡀ ࡔࡅࡕࡀ ࡒࡅࡃࡀࡌࡇ ࡄࡅࡀ ࡅࡗ ࡀࡔࡅࡀࡋࡉࡀ ࡎࡉࡃࡓࡀ ࡁࡔࡅࡁࡀ ࡓࡀࡆࡉࡀ ࡌࡉࡕࡋࡀࡁࡀࡔ ࡁࡓࡀࡆࡉࡀ ࡕࡔࡀࡉࡀࡉࡀ ࡅࡕࡓࡉࡎࡀࡓࡀࡉࡀ ࡖࡓࡀࡆࡉࡀ ࡌࡎࡀࡊࡉࡋࡅࡍ ࡅࡗ ࡏࡄࡀࡁࡋࡇ ࡌࡀࡓࡂࡍࡀ ࡅࡊࡋࡉࡋࡀ ࡅࡏࡎࡉࡒࡕࡀ ࡀࡁࡀࡕࡀࡓ ࡕࡀࡂࡀ ࡄࡅ ࡋࡀࡍࡉࡔࡕࡀࡋࡀࡈ ࡏࡋࡀࡅࡀࡉࡄࡅࡍ ࡋࡁࡀࡓ ࡌࡍ ࡊࡋࡉࡋࡀ ࡖࡁࡀࡉࡉࡀ ࡌࡉࡕࡋࡀࡁࡀࡔ ࡁࡂࡀࡅࡇ ࡀࡌࡉࡍࡈࡅࡋ ࡖࡀࡊࡀࡍࡃࡉࡕ ࡋࡀࡍࡐࡀࡒ ࡌࡍ ࡓࡀࡆࡀ ࡖࡌࡀࡍࡃࡀࡉࡅࡕࡀ ࡄࡀࡕࡌࡀ ࡋࡐࡅࡌࡇ ࡍࡉࡄࡅࡉࡀ࡞ ࡗ ࡊࡉࡍࡕࡀ ࡋࡒࡅࡃࡀࡌࡇ ࡕࡀࡓࡉࡑ ࡅࡁࡉࡕ ࡓࡉࡄࡀ ࡒࡅࡃࡀࡌࡇ ࡒࡀࡌ ࡕࡓࡉࡑ ࡅࡗ ࡆࡅࡐࡉࡀ ࡌࡍ ࡎࡉࡍࡃࡉࡓࡊࡉࡀ ࡅࡍࡅࡓࡀ ࡄࡀࡃࡕࡉࡀ ࡄࡀࡁࡔࡀࡁࡀ ࡒࡅࡃࡀࡌࡇ ࡒࡀࡌ ࡞ ࡗ ࡀࡎࡀ ࡀࡎࡀ ࡂࡃࡀࡋ ࡊࡋࡉࡋࡀ ࡋࡉࡀࡓࡃࡍࡀ࡞ ࡉࡀࡓࡃࡍࡀ ࡅࡕࡓࡉࡍ ࡊࡉࡐࡇ ࡌࡁࡀࡓࡊࡉࡋࡇ ࡞ ࡗ ࡏࡅࡍࡉࡀࡍ ࡀࡁ ࡏࡅࡍࡉࡀࡍ ࡓࡁࡀ ࡀࡌࡀࡓ ࡄࡉࡁࡉࡋ ࡆࡉࡅࡀ ࡋࡉࡀࡌࡉࡍࡇ ࡒࡀࡌ ࡞ ࡗ ࡏࡅࡍࡉࡀࡍ ࡀࡁ ࡏࡅࡍࡉࡀࡍ ࡆࡉࡅࡈࡀ ࡀࡌࡀࡓ {{ࡔࡋࡀࡌ}} ࡔࡅࡔࡋࡀࡌ ࡓࡁࡀ ࡒࡅࡃࡀࡌࡇ ࡉࡀࡕࡉࡁ࡞ ࡗ ࡀࡌࡀࡓ ࡁࡄࡀࡉࡋࡇ ࡖࡀࡁ ࡉࡀࡅࡀࡓ ࡋࡉࡀࡓࡃࡍࡀ ࡀࡎࡂࡉࡕ ࡉࡀࡅࡀࡓ ࡕࡀࡅࡓࡏࡉࡋ ࡖࡄࡅ ^ࡉࡀࡓࡃࡍࡀ^࡞ {{ࡗ ࡀࡌࡀࡓ}} ࡔࡅࡌࡇ ࡒࡀࡓࡉࡋࡇ ࡅࡋࡌࡉࡌࡓࡀ ࡌࡒࡀࡁࡉࡋࡇ ࡞ ࡗ ࡁࡄࡀࡉࡋࡇ ࡖࡌࡀࡍࡃࡀ ࡖࡄࡉࡉࡀ ࡊࡋࡉࡋࡀ lࡏࡅࡕࡓࡉࡀ ࡕࡓࡉࡑ ࡏࡔࡀࡕࡀ ࡄࡀࡉࡕࡀ ࡁࡉࡀࡓࡃࡍࡀ ࡏࡋ ࡀࡔࡅࡀࡋࡉࡀ ࡏࡑࡈࡀࡓࡀࡓࡋࡇ࡞ ࡗ ࡀࡌࡀࡓ ࡁࡔࡅࡌࡀࡉࡄࡅࡍ ࡖࡄࡉࡉࡀ ࡓࡁࡉࡀ ࡍࡅࡊࡓࡀࡉࡉࡀ ࡌࡍ ࡀࡋࡌࡉࡀ {{ࡌࡍ}} ࡖࡍࡄࡅࡓࡀ ࡉࡀࡕࡉࡓࡉࡀ ࡖࡏࡋࡀࡅࡉࡀ ࡅࡊࡅࡋࡄࡅࡍ ࡏࡅࡁࡀࡃࡉࡀ ࡀࡎࡅࡕࡀ ࡅࡆࡀࡊࡅࡕࡀ ࡄࡀࡉࡋࡀ ࡅࡔࡓࡀࡓࡀ ࡏࡌࡓࡀ ࡅࡔࡉࡌࡀ ࡅࡔࡀࡁࡉࡒ ࡄࡀࡈࡀࡉࡉࡀ ࡍࡉࡄࡅࡉࡋࡉࡀ ࡋࡃࡉࡋࡉࡀ ࡌࡄࡀࡕࡀࡌ ࡉࡅࡄࡀࡍࡀ ࡁࡓ ࡄࡀࡅࡀ ࡅࡋࡄࡀࡆࡀ ࡍࡉࡔࡉࡌࡕࡀ ࡖࡐࡋࡀࡍ ࡖࡍࡄࡉࡕ ࡋࡉࡀࡓࡃࡍࡀ ࡅࡌࡉࡑࡈࡁࡀ ࡌࡒࡀࡁࡉࡋ ࡃࡀࡊࡉࡀ ࡓࡅࡔࡅࡌࡀ ࡁࡔࡅࡌࡀ ࡖࡄࡉࡉࡀ ࡅࡁࡔࡅࡌࡇ ࡖࡌࡀࡍࡃࡀ ࡖࡄࡉࡉࡀ ࡅࡁࡔࡅࡌࡇ ࡖ ࡄࡀࡄࡅ ࡂࡀࡁࡓࡀ ࡒࡀࡃࡌࡀࡉࡀ ࡅࡕࡀࡂࡀ ࡕࡀࡓࡉࡑ ࡀࡉࡍࡇ ࡖࡍࡈࡉࡓ ࡌࡍ ࡕࡀࡂࡀ ࡖࡔࡅࡔࡋࡀࡌ ࡓࡁࡀ ࡏࡋࡇ ࡏࡕࡓࡉࡑࡀࡕ࡞ ࡗ ࡄࡉࡉࡀ ࡒࡉࡓࡉࡅࡉࡀ ࡋࡉࡀࡅࡀࡓ ࡆࡉࡅࡀ ࡅࡍࡄࡅࡓ ࡍࡄࡅࡓࡀ ࡅࡌࡀࡍࡃࡀ ࡒࡓࡀࡍ ࡒࡀࡓࡉࡀ ࡋࡕࡀࡂࡀ ࡅࡊࡋࡉࡋࡀ ࡕࡀࡓࡉࡑ ࡀࡓࡁࡀ ࡓࡀࡆࡉࡀ ࡖࡄࡉࡍࡅࡍ ࡆࡌࡀ ࡅࡌࡉࡓࡕࡀ ࡅࡁࡀࡋࡂࡀࡌ ࡅࡆࡉࡒࡀ ࡄࡉࡍࡅࡍ ࡏࡕࡉࡊࡁࡉࡔࡉࡅࡍ ࡌࡉࡍࡇ ࡕࡀࡂࡀ ࡋࡍࡉࡔࡉࡌࡕࡀ ࡕࡓࡀࡑࡋࡇ ࡅࡌࡀࡋࡊࡅࡕࡀ ࡏࡄࡀࡁࡋࡇ ࡗ ࡄࡀࡉࡀࡋ ࡊࡁࡀࡓ ࡓࡀࡆࡀ ࡓࡁࡀ ࡒࡀࡓࡉࡕ ࡅࡌࡀࡊࡓࡉࡊࡉࡕ ࡐࡀࡍࡃࡀࡌࡀ ࡓࡀࡆ ࡌࡀࡆࡓࡅࡕࡀ ࡁࡄࡀࡍࡀࡕࡅࡍ ࡀࡓࡁࡀ ࡓࡀࡆࡉࡀ ࡏࡕࡀࡓࡀࡁ ࡁࡄࡀࡕࡌࡀ ࡖࡀࡁࡀ ࡄࡕࡉࡌ࡞ ࡅࡗ ࡓࡉࡄࡀ ࡖࡁࡀࡎࡉࡌ ࡄࡀࡋ ࡄࡉࡉࡀ ࡒࡀࡃࡌࡀࡉࡉࡀ ࡒࡀࡓࡉࡕ ࡏࡋ ࡓࡉࡄࡀ ࡅࡎࡉࡍࡃࡉࡓࡅࡎ ࡅࡓࡀࡌࡉࡕ ࡏࡋ ࡍࡅࡓࡀ ࡌࡉࡀ ࡅࡀࡉࡀࡓ ࡊࡅࡔࡈࡀ ࡌࡍ ࡄࡃࡀࡃࡉࡀ ࡐࡀࡔࡈࡉࡀ ࡅࡐࡀࡓࡅࡀࡍࡒࡀ ࡋࡅࡀࡕ ࡓࡀࡆࡉࡀ ࡌࡀࡎࡂࡉࡀ࡞ ࡅࡗ ࡀࡎࡅࡕࡀ ࡅࡆࡀࡊࡅࡕࡀ ࡁࡓࡉࡔ ࡀࡅࡃࡉࡍ ࡀࡌࡀࡓ ࡂࡀࡓࡂࡋࡀ ࡏࡋࡀࡉࡀ ࡏࡋ ࡂࡀࡓࡂࡉࡋࡉࡀ ࡊࡅࡋࡄࡅࡍ ࡀࡍࡃࡉࡍࡅࡍ࡞ ࡗ ࡕࡅࡔࡁࡉࡄࡀࡍ ࡋࡄࡉࡉࡀ ࡀࡌࡀࡓ ࡀࡓࡒࡀ ࡐࡕ ࡉࡅࡍࡀ ࡄࡀࡃࡉࡀ ࡀࡕࡅࡕࡉࡀ ࡋࡉࡂࡓࡀ ࡖࡕࡀࡓࡌࡉࡃࡉࡀ࡞ ࡊࡃ ࡏࡋࡊࡅࡍ ࡃࡉࡋࡊࡅࡍ ࡒࡀࡓࡉࡕ ࡀࡋࡌࡀ ࡖࡍࡄࡅࡓࡀ ࡊࡅࡋࡄࡅࡍ ࡏࡃࡀ ࡉࡀࡄࡁࡉࡋࡀࡊ ࡞ ࡗ ࡁࡉࡕ ࡌࡉࡔࡒࡀࡋ ࡀࡉࡍࡉࡀ ࡊࡀࡃࡐࡉࡀ ࡅࡀࡃࡓࡀࡉࡉࡀ ࡀࡌࡓࡀࡕ ࡆࡄࡀࡓࡀ ࡌࡍ ࡆࡉࡅࡀࡊ ࡕࡉࡀࡋࡁࡉࡔࡉࡀ ࡅࡌࡍ ࡍࡄࡅࡓࡀࡊ ࡕࡉࡊࡉࡎࡉࡉࡀ ࡌࡍ ࡊࡋࡉࡋࡀࡊ ࡓࡀࡅࡆࡀ ࡕࡉࡕࡓࡉࡑࡋࡇ ࡁࡓࡉࡔࡉࡇ ࡅࡏࡋ ࡌࡀࡎࡉࡒࡕࡀ ࡅࡏࡍࡂࡀࡓࡕࡀ ࡅࡃࡅࡊࡓࡀࡍࡉࡀ ࡁࡀࡉࡉࡍࡀ ࡖࡕࡀࡂࡀ ࡖࡀࡔࡅࡀࡋࡉࡀ ࡅࡏࡑࡈࡀࡓࡀࡓ ࡖࡌࡉࡍࡀࡉࡄࡅࡍ ࡍࡀࡎࡁࡇ ࡁࡂࡉࡍࡆࡉࡀ ࡌࡉࡕࡐࡀࡋࡂࡀ࡞ ࡗ ࡌࡍ ࡆࡉࡅࡀࡊ ࡕࡉࡀࡋࡁࡉࡔࡉࡀ ࡅࡌࡍ ࡍࡄࡅࡓࡀࡊ ࡕࡉࡊࡉࡎࡉࡉࡀ ࡅࡌࡍ ࡊࡋࡉࡋࡀࡊ ࡓࡀࡅࡆࡉࡀ ࡕࡉࡕࡓࡉࡑࡋࡇ ࡁࡓࡉࡔࡉࡇ ࡋࡀࡌࡓࡉࡕ ࡌࡀࡋࡊࡅࡕࡀ ࡆࡓࡉࡆࡕࡀ ࡁࡓࡉࡔࡀ ࡋࡀࡕࡀࡓࡅࡑࡉࡕ ࡄࡅ ࡌࡉࡍࡃࡀࡌ ࡋࡉࡕࡋࡇ ࡖࡍࡉࡐࡀࡋࡀࡂ࡞ ࡗ ࡀࡎࡅࡕࡀ ࡖࡄࡉࡉࡀ ࡀࡌࡓࡉࡕ ^ࡏࡕࡀࡎࡉࡀࡕ ࡌࡍ ࡌࡄࡉࡕࡀ ࡊࡅࡋࡄࡅࡍ ࡗ ࡆࡄࡀࡓࡀ ࡖࡌࡉࡔࡒࡀࡋ ࡀࡉࡍࡇ ࡀࡌࡀࡓࡕ^ ࡍࡉࡔࡉࡌࡕࡀ ࡁࡓࡅࡄࡀ ࡏࡕࡋࡀࡁࡔࡀࡕ࡞ ࡅࡗ ࡁࡉࡅࡌࡀ ࡖࡉࡀࡓࡃࡍࡀ ࡀࡌࡓࡉࡕ ࡏࡅࡕࡓࡉࡀ ࡖࡍࡄࡅࡓࡀ ࡃࡓࡀࡁࡔࡉࡀ ࡍࡂࡀࡃࡋࡊࡅࡍ࡞ ࡗ ࡎࡉࡂࡃࡉࡕ ࡅࡔࡀࡁࡀࡕࡇ ࡋࡄࡀࡊ ࡉࡀࡅࡀࡓ ࡆࡉࡅࡀ ࡀࡌࡓࡉࡕ ࡁࡉࡕ ࡁࡅࡕࡀ ࡌࡍ ࡄࡉࡉࡀ ࡒࡀࡃࡌࡀࡉࡉࡀ ^ࡅࡀࡔࡊࡉࡕ^ ࡌࡍ ࡒࡅࡃࡀࡌࡀࡉࡄࡅࡍ ࡖࡄࡉࡉࡀ ࡓࡅࡓࡁࡉࡀ ࡍࡅࡊࡓࡀࡉࡉࡀ ࡄࡉࡉࡀ ࡒࡀࡃࡌࡀࡉࡉࡀ ࡄࡀࡍࡉࡊ ࡋࡁࡅࡔࡉࡇ ࡖࡋࡁࡉࡔ ࡀࡔࡉࡅࡀࡋࡉࡀ ࡄࡉࡍࡅࡍ࡞ ࡅࡀࡔࡊࡉࡕ ࡌࡍ ࡒࡅࡃࡀ^ࡌࡀ^ࡉࡄࡅࡍ ࡖࡄࡉࡉࡀ ࡓࡅࡓࡁࡉࡀ ࡍࡅࡊࡓࡀࡉࡉࡀ ࡄࡀࡍࡀࡕࡅࡍ ࡋࡁࡅࡔࡉࡀ ࡖࡁࡀࡉࡉࡀ ࡀࡁࡉࡄࡃࡉࡀ ࡕࡀࡂࡀ ࡍࡉࡋࡁࡀࡔ ࡄࡉࡍࡅࡍ࡞ ࡗ ࡀࡍࡀ ࡄࡅ ࡉࡅࡓ ࡁࡓ ࡁࡀࡓࡉࡕ ࡀࡌࡓࡉࡕ ࡊࡀࡍࡆࡀࡋࡉࡀ ࡂࡀࡈࡓࡉࡕ ࡋࡁࡉࡍࡉࡀࡍࡀ ࡊࡅࡋࡇ ࡋࡅࡀࡕ ࡄࡃࡀࡃࡉࡀ ࡒࡀࡓࡉࡁࡕࡀ࡞ ࡅࡗ ࡌࡀࡍࡀࡊ ࡌࡄࡀࡋࡆࡉࡕ ࡅࡋࡉࡀࡌࡉࡍࡀࡊ ࡅࡋࡎࡌࡀࡋࡀࡊ ࡅࡋࡒࡅࡃࡀࡌࡀࡊ ࡋࡉࡀࡓࡃࡍࡀ ࡆࡀࡌࡀࡍࡕࡇ࡞ ࡗ ࡋࡉࡀࡓࡃࡍࡀ ࡀࡎࡂࡉࡕ ࡀࡌࡓࡉࡕ ࡅࡀࡌࡀࡓࡉࡕ ࡐࡓࡀࡋࡉࡀ ࡄࡀࡍࡃࡀࡌࡉࡀ ࡒࡅࡌࡀࡕ ࡅࡏࡄࡅࡕ ࡅࡍࡄࡅࡕ ࡋࡉࡀࡓࡃࡍࡀ ࡉࡀࡓࡃࡍࡀ ࡏࡃࡇ ࡐࡀࡔࡉࡈࡋࡀࡊ ࡅࡌࡁࡀࡓࡊࡉࡋࡀࡊ࡞ ࡗ ࡁࡔࡅࡌࡇ ࡖࡉࡅࡎࡌࡉࡓ ࡀࡌࡓࡉࡕ ࡅࡊࡀࡎࡉࡀࡕࡋࡇ ࡋࡌࡀࡓࡂࡍࡀࡊ ࡁࡉࡀࡓࡃࡍࡀ ࡅࡔࡀࡓࡅࡀࡋࡀࡊ ^ࡅࡀࡍࡄࡉࡓࡕࡀ ࡁࡉࡀࡓࡃࡍࡀ ࡅࡋࡔࡅࡓࡀ ࡖࡉࡀࡓࡃࡍࡀ ࡍࡄࡉࡕ ࡅࡊࡎࡉࡀ ࡓࡀࡆࡉࡀ ࡏࡋࡀࡉࡉࡀ ࡅࡀࡍࡄࡉࡓࡕࡀ^࡞ ࡗ ࡏࡎࡉࡓ ࡉࡀࡌࡀ ࡅࡂࡉࡌࡓࡀ ࡀࡍࡀ ࡂࡌࡉࡓࡀ ࡅࡏࡆࡄࡀ ࡅࡏࡕࡀࡆࡄࡀ ࡀࡌࡓࡉࡕ ࡕࡋࡀࡕࡀ ࡔࡅࡓࡉࡀ ࡖࡐࡀࡓࡆࡋࡀ ࡖࡀࡌࡀࡓࡕࡋࡇ ࡄࡉࡍࡅࡍ ࡄࡀࡃ ࡌࡉࡍࡀࡉࡅࡍ ࡌࡀࡓࡂࡍࡀ ࡄ ࡄࡅࡓࡉࡍࡀ ࡊࡋࡉࡋࡀ ࡖࡁࡂࡀࡅࡇ ࡅࡕࡋࡀࡕࡀࡉࡉࡀ ࡔࡀࡓࡅࡀࡋࡀ ࡖࡋࡉࡀࡓࡃࡍࡀ ࡀࡋࡁࡉࡔࡕࡇ ࡊࡅࡋࡄࡅࡍ ࡏࡅࡑࡈࡋࡉࡀ ࡋࡅࡀࡕࡀࡊ ࡉࡀࡓࡃࡍࡀ ࡅࡋࡀࡒ^ࡀࡓ^ࡁࡉࡀ ࡅࡋࡀ^ࡌࡉ^ࡕࡊࡀ^ࡓࡀ^ࡊࡁࡇ ࡋࡁࡀࡓ ࡌࡀࡍ ࡌࡍ ࡔࡀࡓࡅࡀࡋࡇ ࡖࡄࡅ ࡀࡉࡍࡀ ࡖࡉࡀࡓࡃࡍࡀ {{ࡖࡉࡀࡓࡃࡍࡀ}} ࡌࡉࡍࡇ ࡐࡉࡓࡔࡀࡕ࡞ ࡗ ࡂࡉࡌࡓࡀ ࡀࡍࡀ ࡂࡌࡉࡓࡀ ࡒࡀࡓࡉࡕ ࡅࡀࡌࡓࡉࡕ ࡏࡎࡕࡀࡒࡋࡅࡎ ࡉࡀࡋࡃࡀ ࡆࡅࡈࡀ ࡓࡀࡆࡉࡀ ࡖࡐࡀࡓࡆࡋࡀ ࡄࡅ ࡊࡅࡋࡄࡅࡍ ࡉࡀࡓࡃࡍࡉࡀ ࡅࡌࡀࡌࡁࡅࡂࡉࡀ ࡖࡌࡉࡀ ࡌࡃࡀࡁࡀࡓࡋࡅࡍ࡞ ࡗ ࡏࡆࡄࡀ ࡅࡏࡕࡀࡆࡄࡀ ࡀࡌࡓࡉࡕ ࡅࡕࡋࡀࡕࡀ ࡄࡅࡐࡍࡉࡀ ࡌࡉࡀ ࡌࡀࡆࡋࡉࡕ ࡌࡀࡆࡓࡅࡕࡀ ࡍࡎࡀࡁࡕ ࡁࡓࡀࡆࡉࡀ ࡄࡀࡊ ࡖࡀࡉࡍࡀ ࡓࡌࡀࡉࡕࡀ ࡅࡗ ࡐࡉࡓࡉࡀࡅࡉࡎ ࡉࡀࡓࡃࡍࡀ ࡖࡌࡉࡀ ࡄࡉࡉࡀ ࡀࡌࡓࡉࡕ {{ࡅࡋࡀ}} ^ࡅࡀ^ࡌࡓࡉࡕ ࡅࡆࡄࡀࡓࡀࡀ ࡋࡌࡀࡋࡊࡀ ࡅࡌࡀࡋࡊࡉࡀ ࡀࡌࡀࡓ ࡅࡏࡕࡉࡂࡋࡉࡀ ࡅࡌࡋࡉࡕ ࡄࡅࡆ^ࡉ^ࡅࡉࡀ ࡋࡄࡀࡆࡉࡍ ࡍࡉࡔࡉࡌࡕࡀࡉ ࡖࡐࡋࡀࡍ ࡁࡓ ࡐࡋࡀࡍࡉࡕࡀ ࡖࡍࡄࡉࡕ ࡋࡉࡀࡓࡃࡍࡀ ࡅࡏࡑࡈࡁࡇ ࡅࡌࡒࡀࡁࡉࡋ ࡃࡀࡊࡉࡀ ࡓࡅࡔࡌࡀ ࡖ ࡍࡀࡐࡒࡀ ࡌࡍ ࡄࡁࡉࡋࡀ ࡋࡁࡉࡍࡉࡀࡍࡀ ࡅࡌࡍ ṭࡏࡉࡀ ࡋࡔࡓࡀࡓࡀ ࡅࡌࡍ ࡃࡀࡓࡉࡀ ࡃࡀࡄࡀࡋࡕࡀ ࡅࡌࡍ ࡌࡀࡍࡃࡀࡉࡅࡕࡀ ࡄࡀࡍࡀࡕࡇ ࡍࡉࡔࡉࡌࡕࡀ ࡏࡕࡄࡀࡉࡋࡀࡕ ࡏࡋ ࡀࡋࡌࡉࡀ࡞ ࡗ ࡀࡌࡓࡀࡕ ࡏࡍࡉࡀࡍࡀ ࡊࡅࡋ ࡖࡏࡕࡁࡇ ࡄࡀࡉࡋࡀ ࡅࡓࡀࡄࡌࡉࡀ ࡍࡀࡐࡔࡀ ࡅࡐࡅࡔࡒࡀ ࡖࡄࡀࡆࡉࡍ ࡋࡄࡅࡃࡀࡉࡕࡀ ࡅࡗ ࡌࡀࡐࡓࡉࡔ ࡁࡓࡉࡔࡀ ࡖࡄࡀࡆࡉࡍ ࡎࡉࡂࡉࡀ ࡅࡀࡐࡓࡉࡔࡀࡕࡀ ࡖࡌࡀࡎࡉࡒࡕࡀ ࡖࡌࡀࡑࡁࡅࡕࡀ ࡅࡃࡀࡁࡀࡄࡀࡕࡀ ࡖࡄࡏ ࡏࡋ ࡄࡉࡁࡉࡋ ࡅࡀࡄࡇ ࡀࡓࡁࡀ ࡕࡀࡐࡎࡉࡓ ^ࡅࡐࡅࡔࡒࡀ^ ࡁࡌࡀࡎࡉࡒࡕࡀ ࡖࡄࡉࡁࡉࡋ ࡆࡉࡅࡀ ࡌࡑࡀࡓࡀࡓࡀ ࡑࡀࡓࡀࡓࡕࡀ ࡀࡁࡀࡄࡀࡕࡀࡉ ࡁࡀࡋࡌࡀࡉ ࡃࡉࡋࡉࡀ ࡋࡁࡀࡓ ࡌࡍ ࡀࡋࡌࡀ ࡖࡄࡉࡉࡀ ࡒࡀࡃࡌࡀࡉࡉࡀ ࡖࡄࡏ ࡀࡍࡀࡍࡀ ࡔࡅࡌࡀ ࡑࡀࡓࡀࡓࡕࡀ ࡄࡀࡆࡉࡍ ࡃࡅࡊࡓࡀࡍࡀ ࡋࡉࡄࡃࡀࡉࡀ ࡓࡁࡀ ࡆࡉࡃࡉࡒࡀ ࡅࡃࡉࡅࡀࡍ ࡅࡕࡀࡐࡎࡉࡓ ࡖࡀࡉࡍࡀ ࡎࡉࡍࡃࡉࡓࡊࡀ ࡀࡌࡉࡍࡈࡅࡋ ࡖࡔࡋࡀࡄࡀ ࡅࡋࡁࡀࡔࡀ ࡁࡂࡀࡅࡇ ࡄࡅࡀࡋࡇ ࡅࡊࡅࡋࡌࡀࡍ ࡌࡉࡕࡋࡀࡁࡀࡔ ࡁࡂࡀࡅࡇ ࡌࡉࡎࡋࡉࡒ ࡌࡍ ࡈࡅࡐࡔࡉࡀ ࡖࡕࡉࡁࡉࡋ ࡄࡀࡅࡒࡀ {{ࡖࡌࡀࡈࡀࡓࡀࡉࡉࡀ}} ࡖࡌࡀࡈࡀࡓࡀࡉࡉࡀ ࡋࡀࡍࡉࡄࡆࡉࡀ ࡞ ࡕࡅࡌ ࡏࡆࡃࡀࡄࡀࡓ ࡅࡏࡆࡃࡀࡄࡀࡓ {{ࡅࡏ}} ࡅࡏࡆࡃࡀࡄࡀࡓ ࡕࡋࡀࡕࡌࡀ ࡅࡔ^ࡉࡕ^ࡉࡍ ࡀࡋࡐࡉࡀ ࡆࡉࡁࡍࡉࡀ ࡖࡗ ࡀࡍࡀ ࡆࡀࡄࡓࡉࡕ ࡁࡕࡀࡐࡎࡉࡓ ࡖࡀࡉࡍࡀ ࡅࡎࡉࡍࡃࡉࡓࡊࡀ ࡅࡗ ^ࡏࡋ^ ࡋࡉࡂࡓࡀࡉ ࡒࡀࡌࡉࡕ ࡗ ࡏࡍࡉࡔ ࡌࡍ ࡌࡀࡋࡊࡉࡀ ࡋࡀࡄࡅࡀ ࡅࡗ ࡑࡀࡅࡕࡀ ࡋࡍࡀࡐࡔࡀࡉ ࡋࡀࡒࡓࡉࡕ࡞ ࡗ ࡌࡀࡋࡀࡋࡉࡕ ࡁࡒࡀࡋࡀࡉ ࡅࡃࡉࡓࡔࡉࡕ ࡖࡁࡀࡄࡉࡓࡍࡀ ࡄࡀࡃ ࡌࡍ ࡀࡋࡐࡀ ࡅࡌࡍ ࡕࡓࡉࡍ ࡀࡋࡐࡉࡀ ࡁࡀࡄࡉࡓࡍࡀ ࡕࡓࡉࡍ࡞ ࡄࡀࡉࡆࡀࡊ ࡏࡋࡀࡍࡉࡀ ࡌࡍ ࡉࡀࡌࡉࡍࡀࡉ ࡅࡋࡎࡌࡀࡋࡀࡉ ࡖࡈࡀ^ࡍࡉࡀ^{{ࡁࡉࡀ}} ࡁࡅࡈࡅࡍࡀ ࡃࡀࡊࡉࡀ ࡅࡎࡉࡌࡀࡃࡓࡀ ࡀࡋ ࡄࡀࡅࡒࡀ lࡏࡅࡑࡓࡀࡉࡄࡅࡍ ࡅࡍࡒࡀࡔࡉࡀ ࡃࡓࡀ ࡋࡎࡕࡀࡅࡀࡓࡅࡍ ࡀࡈࡀࡐ ࡅࡍࡐࡀࡑ ࡈࡅࡍࡀࡉࡅࡍ ࡃࡀࡊࡉࡀ ࡎࡉࡌࡀࡃࡓࡅࡍ ࡔࡀࡍࡉࡀ ࡀࡌࡉࡍࡈࡅࡋ ࡖࡈࡀࡍࡉࡀ ࡁࡔࡀࡄࡐࡉࡀ ࡎࡉࡌࡀࡃࡓࡀ࡞ ࡌࡉࡅࡉࡀ ࡃࡀࡊࡉࡀ ࡅࡀࡓࡈࡋࡀࡉࡉࡕ ࡒࡀࡌ ࡅࡀ ࡅࡀࡌࡀࡓ ࡄࡀࡉࡀࡎࡀ ࡄࡅࡎ ࡏࡋࡀࡍ ࡅࡕࡀࡉࡀࡁࡀ ࡕࡅࡁ ࡏࡋࡀࡍ ࡀࡍࡀࡕ ࡉࡀ ࡀࡁࡅࡄࡀࡍ ࡅࡌࡀࡓࡀࡉࡀࡍ ࡖࡌࡍ ࡌࡀࡋࡀࡋࡀࡊ ࡋࡀࡍࡉࡐࡅࡒ ࡏࡋࡇ ࡁࡀࡄࡓࡉࡕ ࡄࡀࡃ ࡌࡍ ࡀࡋࡐࡀ ࡅࡌࡍ ࡕࡓࡉࡍ ࡀࡋࡐࡉࡀ ࡁࡀࡄࡓࡉࡕ ࡕࡓࡉࡍ ࡀࡋࡌࡀ ࡖࡑࡀࡓࡀࡓࡕࡉࡍࡀࡍ ࡌࡍ ࡑࡀࡅࡕࡀࡊ ࡅࡔࡓࡉࡕ ࡏࡋࡀࡍ࡞ ࡅࡄࡀࡉࡆࡀࡊ ࡌࡀࡋࡀࡋࡉࡕ ࡅࡃࡓࡀࡔࡋࡅࡍ ࡁࡒࡀࡋࡀࡉ ࡍࡉࡄࡀ ࡅࡋࡁࡅࡔࡀ ࡔࡀࡍࡉࡀ ࡔࡓࡉࡕ ࡏࡋࡀࡅࡀࡉࡄࡅࡍ ࡅࡏࡋࡀࡍࡉࡀ ࡖࡔࡀࡄࡋࡉࡍ ࡅࡋࡀࡁࡔࡉࡍ࡞ ࡅࡀࡌࡀࡓࡋࡅࡍ ࡋࡀࡕࡉࡃࡉࡄࡋࡅࡍ ࡅࡄࡀࡅࡒࡀ lࡏࡅࡑࡓࡀࡉࡄࡅࡍ ࡋࡀࡍࡉࡄࡅࡍ ࡀࡍࡀ ࡁࡀࡉࡉࡍࡀ ࡌࡉࡒࡓࡉࡀ ࡀࡋࡌࡉࡀ ࡔࡅࡁࡀ ࡖࡄࡂࡀࡂࡀ ࡅࡔࡅࡁࡀ ࡀࡋࡌࡉࡀ ࡋࡉࡀࡌࡉࡍࡀࡉ ࡅࡔࡅࡁࡀ ࡀࡋࡌࡉࡀ ࡋࡎࡌࡀࡋࡀࡉ ࡅࡒࡓࡉࡀ ࡌࡔࡅࡍࡉࡀ ࡊࡅࡔࡈࡀ ࡅࡒࡓࡉࡀ ࡀࡓࡒࡀ ࡖࡕࡉࡁࡉࡋ ࡅࡒ^ࡉ^ࡓࡉ^ࡉ^ࡀ ࡋࡀࡃࡀࡌ ࡐࡀࡂࡓࡉࡀ ࡖࡌࡉࡍࡇ ࡌࡉࡕࡍࡀࡐࡔࡀ ࡔࡅࡓࡁࡀࡕࡀ ࡖࡁࡄࡉࡓࡉࡀ ࡀࡋࡌࡀ ࡋࡃࡀࡅࡓࡀ ࡖࡔࡅࡌ ࡅࡊࡅࡋࡄࡅࡍ ࡋࡅࡀࡕࡀࡊ ࡎࡀࡋࡒࡉࡀ࡞ ࡅࡗ ࡀࡕࡉࡀ ࡃࡀࡓࡀ ࡁࡀࡕࡓࡀࡉࡀ ࡔࡅࡁࡀ ࡃࡀࡓࡉࡍ ࡌࡍࡀࡕࡅࡍ ࡍࡀࡄࡕࡉࡍ ࡔࡅࡁࡀ ࡏࡋࡀࡅࡀࡉࡄࡅࡍ ࡅࡌࡉࡃࡀࡌࡉࡀ ࡏࡋ ࡂࡅࡁࡓࡉࡀ ࡖࡆࡀࡃࡉࡒࡉࡀ ࡅࡌࡀࡋࡉࡐࡋࡅࡍ ࡄࡅࡊࡅࡌࡕࡀ ࡖࡊࡀࡃࡁࡀ ࡅࡌࡀࡐࡒࡉࡍ ࡄࡅࡊࡅࡌࡕࡀ ࡌࡍ ࡋࡉࡁࡀࡉࡄࡅࡍ ࡅࡀࡔࡊࡉࡍ ࡓࡀࡆࡉࡀ ࡕࡀࡒࡍࡉࡀ ࡊࡅࡋ ࡌࡉࡍࡃࡀࡌ ࡀࡍࡀࡉࡀ ࡅࡔࡀࡐࡉࡓࡀ ࡖࡉࡀࡄࡉࡁࡍࡀ ࡋࡍࡉࡔࡉࡌࡕࡀ ࡀࡐࡊࡉࡋࡇ ࡅࡓࡀࡆࡉࡀ ࡄࡀࡔࡊࡉࡀ ࡁࡎࡀࡐࡈࡉࡀ ࡍࡀࡈࡓࡉࡀ ࡀࡐࡊࡉࡋࡇ ࡂࡉࡍࡆࡀ ࡖࡀࡍࡀ ࡋࡍࡉࡔࡌࡀ ࡖࡌࡍ ࡄࡉࡌࡕࡀࡉ ࡌࡑࡀࡓࡀࡓࡀࡍ ࡉࡀࡄࡉࡁࡍࡀ ࡅࡌࡉࡍࡃࡀࡌ ࡌࡍ ࡂࡉࡍࡆࡉࡀ ࡋࡀࡉࡀࡄࡁࡉࡋࡇ ࡅࡌࡀࡐࡒࡉࡋࡇ ࡀࡓࡈࡋࡀࡉࡉࡕ ࡗ ࡉࡀࡍࡒࡀ ࡖࡍࡀࡐࡉࡒ ࡌࡍ ࡊࡓࡀࡎ ࡏࡌࡇ ࡀࡍࡀ ࡆࡉࡓࡀࡉ ࡅࡈࡅࡄࡌࡀࡉ ࡋࡀࡌࡉࡎࡕࡀࡊࡀࡓ ࡄࡉࡍࡉࡋࡀ ࡌࡍ ࡌࡉࡍࡀࡉࡄࡅࡍ ࡋࡀࡌࡉࡑࡀࡓࡀࡓ࡞ ࡅࡄࡀࡉࡆࡀࡊ ࡄࡅ ࡖࡀࡍࡀ ࡏࡌࡓࡉࡕ ࡁࡀࡄࡀࡓࡍࡀ ࡄࡀࡃ ࡌࡍ {{ࡀࡋࡌࡀ}} ࡀࡋࡐࡀ ࡅࡌࡍ ࡕࡓࡉࡍ ࡀࡋࡐࡉࡀ ࡁࡀࡄࡀࡓࡍࡀ ࡕࡓࡉࡍ ࡅࡄࡀࡋࡉࡍ ࡄࡉࡍࡅࡍ ࡍࡀࡑࡅࡓࡀࡉࡉࡀ ࡓࡀࡆࡀ ࡊࡀࡎࡉࡀ ࡌࡍ ࡏࡅࡄࡓࡀࡍ ࡋࡀࡑࡀࡋࡉࡍ ࡅࡓࡉࡃࡐࡀ ࡍࡅࡐࡔࡀ ࡁࡕࡉࡁࡉࡋ ࡎࡀࡁࡉࡋ ࡄࡀࡆࡉࡍ ࡍࡉࡔࡌࡀࡕࡅࡍ ࡈࡅࡍࡀ ࡅࡎࡀࡋࡒࡀ ࡋࡅࡀࡕࡀࡍ࡞ ࡅࡄࡀࡉࡆࡀࡊ ࡕࡅࡔࡋࡉࡌࡉࡀ ࡅࡎࡉࡂࡉࡉࡀ ࡖࡌࡋࡉࡍ ࡁࡅࡈࡅࡍࡀ ࡃࡀࡊࡉࡀ ࡅࡁࡎࡉࡌࡀࡃࡓࡀ ࡔࡀࡍࡉࡀ ࡖࡏࡅࡎࡅࡓࡀ ࡏࡋࡀࡅࡀࡉࡄࡅࡍ ࡏࡒࡓࡉࡀ ࡅࡎࡉࡐࡓࡉࡀ ࡊࡅࡋࡄࡅࡍ ࡆࡄࡀࡓࡉࡀ ࡖࡄࡀࡆࡉࡍ ࡁࡀࡉࡍࡀࡉࡅࡍ ࡄࡀࡅࡒࡉࡍ ࡖࡌࡍ ࡏࡅࡄࡓࡀ ࡖࡀࡁࡅࡉࡀࡍ ࡋࡀࡑࡀࡋࡉࡍ࡞ ࡄࡀ^ࡉ^ࡆࡀࡊ ࡑࡓࡀࡊ ࡁࡒࡀࡋࡇ ࡅࡒࡓࡀ ࡅࡀࡌࡀࡓ ࡀࡁࡂࡀࡍ ࡄࡉࡉࡀ ࡒࡀࡃࡌࡀࡉࡉࡀ ࡀࡁࡂࡀࡍ ࡄࡉࡉࡀ ࡕࡉࡍࡉࡀࡍࡇ ࡅࡀࡁࡂࡀࡍ ࡄࡉࡉࡀ ࡕࡋࡉࡕࡀࡉࡉࡀ ࡅࡊࡅࡋࡄࡅࡍ ࡏࡅࡕࡓࡉࡀ ࡅࡌࡀࡋࡊࡉࡀ ࡖࡀࡓࡒࡀ ࡖࡍࡄࡅࡓࡀ ࡅࡊࡅࡋࡄࡅࡍ ࡕࡅࡔࡋࡉࡌࡉࡀ ࡎࡀࡂࡉࡉࡀ ࡅࡀࡌࡀࡓ ࡏࡉࡍ ࡏࡉࡍ ࡏࡉࡍ ࡏࡉࡍ ࡏࡉࡍ ࡏࡉࡍ ࡏࡉࡍ ࡖࡔࡀࡓࡉࡓࡀ ࡍࡉࡄࡅࡉࡀ ࡊࡅࡋ ࡂࡀࡁࡓࡀ ࡍࡀࡑࡅࡓࡀࡉࡀ ࡖࡒࡀࡓࡉࡀ ࡋࡉࡄࡃࡀࡉࡀ ࡋࡌࡀࡍ ࡖࡒࡀࡉࡉࡌ ࡁࡐࡀࡂࡓࡇ ࡀࡌࡉࡍࡈࡅࡋ ࡖࡎࡀࡊࡀࡊࡀ ࡋࡍࡉࡔࡉࡌࡕࡀ ࡀࡌࡉࡍࡈࡅࡋ ࡁࡂࡀࡅࡀ ࡄࡅࡀࡋࡉࡍ ࡔࡋࡀࡄࡀ ࡅࡋࡁࡀࡔࡀ ࡀࡌࡉࡍࡈࡅࡋ ࡖࡔࡋࡀࡄࡅࡕࡀ ࡋࡉࡋࡁࡅࡔ ࡖࡆࡉࡅࡀ ࡅࡍࡄࡅࡓࡀ ࡅࡏࡒࡀࡓࡀ ࡅࡐࡀࡂࡓࡀ ࡌࡍ ࡆࡓࡀࡆ ࡄࡈࡉࡕ ࡋࡉࡁࡔࡉࡕ ࡅࡒࡀࡁࡉࡍ ࡐࡉࡎࡒࡉࡕ ࡅࡔࡊࡀࡁࡉࡅࡍ ࡓࡀࡆࡉࡀ ࡋࡅࡀࡕ ࡄࡃࡀࡃࡉࡀ ࡌࡍ ࡄࡀࡊࡀ ࡏࡃࡀࡍࡀ ࡏࡕࡀࡎࡒࡋࡇ ࡔࡅࡌࡀ ࡄࡈࡉࡕࡀ ࡀࡌࡉࡍࡈࡅࡋ ࡖࡄࡈࡉࡕ ࡅࡀࡎࡊࡉࡋࡉࡕ ࡖࡕࡓࡉࡍ ࡏࡐࡉࡀ ࡅࡐࡋࡉࡂࡋࡇ ࡄࡆࡅࡍ ࡖࡂࡉࡋࡉࡕࡀ ࡖࡎࡉࡍࡃࡉࡓࡊࡀ ࡖࡁࡀࡆࡉࡓࡀ ࡃࡉࡋࡇ ࡌࡍ ࡄࡀࡋࡑࡇ ࡍࡐࡀࡒ ࡖࡄࡅ ࡕࡀࡂࡀ ࡔࡅࡌࡇ ࡅࡋࡀࡓࡒࡀ ࡁࡀࡆࡀࡋࡇ ࡄࡆࡅࡍ ࡖࡁࡓ ࡀࡍࡀࡔࡀ ࡁࡀࡆࡉࡓࡀ ࡃࡉࡋࡇ ࡁࡌࡉࡑࡀࡉ ࡏࡅࡑࡈࡅࡍࡀࡀ ࡒࡀࡉࡉࡌ ࡄࡅ ࡕࡀࡋࡀ ࡔࡅࡌࡇ ࡅࡂࡀࡁࡀࡓࡅࡕࡀ ࡒࡀࡓࡉࡋࡇ ࡀࡌࡉࡍࡈࡅࡋ ࡖࡀࡕࡀࡋࡇ࡞ ࡕࡀࡋࡀ ࡋࡁࡉࡍࡉࡀࡍࡀ ࡅࡋࡄࡀࡕࡌࡀ ࡖࡌࡀࡋࡊࡀ࡞ ࡊࡅࡋࡌࡀࡍ ࡖࡒࡀࡁࡉࡍ ࡃࡉࡋࡇ ࡀࡁࡀࡓ ࡍࡉࡕࡀࡂࡆࡀࡓ ࡌࡍ ࡀࡋࡅࡀࡕࡀࡉ࡞ ࡊࡅࡋࡌࡀࡍ ^ࡖࡌࡀࡎࡉࡒࡕࡀࡉ ࡅࡃࡅࡊࡓࡀࡍࡀࡉ ࡅࡌࡀࡑࡁࡅࡕࡀࡉ^ ࡃࡉࡋࡇ ࡀࡁࡀࡃ ࡅࡓࡀࡄࡌࡀࡉ ࡍࡉࡁࡀࡓ ࡓࡅࡂࡆࡀࡉ ࡃࡉࡋࡇ ࡍࡉࡄࡅࡉࡀ ࡏࡋࡇ࡞ ^ࡀ^ࡌࡉࡍࡈࡅࡋ ࡖࡀࡍࡀ ࡋࡍࡉࡔࡉࡌࡕࡀ ࡉࡀࡄࡉࡁࡍࡀ ࡁࡄࡀࡍࡀࡕࡇ ࡔࡊࡉࡍࡕࡀ ࡖࡉࡀࡕࡁࡉࡁࡀ ࡁࡀࡉࡉࡋࡅࡍ ࡀࡋࡌࡀ ࡖࡌࡉࡍࡇ ࡍࡀࡐࡒࡀ ࡊࡅࡋ ࡊ ࡌࡀࡍ ࡌࡉࡍࡀࡉࡅࡍ ࡔࡅࡕࡀࡐࡀ ࡋࡃࡉࡋࡉࡀ ࡄࡅࡀ࡞ ࡄࡀࡉࡆࡀࡊ ࡍࡉࡎࡁࡀࡀ ࡋࡄࡀࡍࡀࡕࡇ ࡆࡉࡃࡒࡀ ࡁࡉࡀࡌࡉࡍࡇ ࡅࡓࡀࡌࡉࡀ ࡁࡔࡊࡉࡍࡕࡉࡀ ࡖࡄࡀࡁࡔࡀࡁࡀ ࡅࡊࡀࡍࡀ ࡖࡆࡉࡃࡒࡀ ࡌࡎࡀࡄࡃࡉࡀ ࡖࡎࡀࡄࡃࡉࡋࡇ ࡖࡄࡉࡍࡅࡍ ࡅࡌࡀࡓࡂࡍࡀ ࡁࡉࡃࡇ ࡍࡉࡄࡅࡉࡀ ࡀࡌࡉࡍࡈࡅࡋ ࡖࡀࡎࡀ ࡅࡎࡐࡀࡓࡂࡋࡀ ࡅࡕࡓࡅࡍࡂࡀ {{ࡏࡕࡄࡉࡁ࡞ ࡅࡀࡁࡓࡀ}} ࡅࡓࡅࡌࡀࡍࡀ ࡅࡀࡍࡆࡓࡀࡓࡀ ࡅࡂࡉࡃࡀ ࡖࡌࡍ ࡎࡉࡍࡃࡉࡓࡊࡀ ࡋࡒࡉࡍࡉࡀ ࡄࡅࡓࡉࡍࡉࡀࡕࡀ {{ࡏࡄࡉ}} ࡏࡕࡄࡉࡁ ࡞ ࡄࡆࡅࡍ ࡖࡆࡀࡄࡁࡀ ࡋࡆࡀࡉࡕࡀ ࡏࡕࡄࡉࡁ ࡅࡊࡀࡎࡐࡀ ࡋࡎࡐࡀࡓࡂࡋࡀ ࡏࡕࡄࡉࡁ࡞ ࡖࡐࡀࡓࡆࡉࡋࡀ ࡋࡀࡎࡀ ࡏࡕࡄࡉࡁ࡞ ࡅࡀࡍࡊࡀ ࡏࡋ ࡏࡕࡓࡅࡍࡂࡀ ࡏࡕࡄࡉࡁ ࡅࡀࡁࡀࡓࡀ ࡋࡓࡅࡌࡀࡍࡀ {{ࡏ}} ࡏࡕࡄࡉࡁ࡞ ࡅࡐࡋࡀࡍࡆࡀ ࡋࡉࡍࡆࡀࡓࡀࡓࡀ ࡏࡕࡄࡉࡁ࡞ ࡅࡀࡉࡈࡀ ࡋࡎࡉࡍࡃࡉࡓࡊࡀ ࡏࡕࡄࡉࡁ࡞ ࡉࡀࡁࡄࡉࡓࡉࡀ ࡅࡔࡀࡋࡌࡀࡍࡉࡀ ࡉࡀࡔࡀࡋࡌࡀࡍࡉࡀ ࡅࡌࡄࡀࡉࡌࡍࡉࡀ ࡄࡆࡅࡍ ࡖࡊࡅࡋ ࡋࡓࡀࡆࡉࡀ ࡌࡍ ࡊࡅࡋࡄࡅࡍ ࡖࡀࡍࡉࡍ ࡋࡃࡀࡄࡁࡀ ࡃࡉࡋࡀࡍ ࡃࡉࡋࡀࡍ ࡋࡊࡅࡋࡄࡅࡍ ࡅࡔࡅࡌࡀࡉ ࡃࡉࡋࡉࡀ ࡏࡋࡇ ࡏࡕࡀࡕࡍࡀ ࡅࡁࡄࡉࡑࡓࡉࡀ ࡖࡉࡀࡌࡉࡍࡀ ࡏࡕࡀࡕࡍࡀ ࡅࡕࡀࡂࡀ ࡌࡉࡍࡇ ࡔࡀࡅࡉࡍࡉࡍ ࡅࡁࡓࡉࡔ ࡖࡃࡓࡀࡁࡔࡉࡀ ࡖࡄࡅ ࡍࡉࡔࡉࡌࡕࡀ ࡕࡓࡀࡑࡍࡀ ࡖࡍࡉࡃࡀࡋࡉࡀ ࡍࡉࡔࡉࡌࡕࡀ ࡋࡊࡅࡋࡄࡅࡍ ࡓࡀࡆࡉࡀ ࡀࡌࡉࡍࡈࡅࡋ ࡖࡓࡀࡆࡉࡀ ࡊࡅࡋࡄࡅࡍ ࡋࡆࡀࡄࡁࡀ ࡓࡀࡄࡉࡌࡋࡇ ࡆࡀࡄࡁࡀ ࡋࡅࡀࡕࡀࡉࡅࡍ ࡋࡀࡉࡉࡕ ࡍࡉࡔࡉࡌࡕࡀ ࡊࡑࡉࡓࡀ ࡅࡏࡒࡀࡓࡀ ࡌࡉࡍࡇ ࡌࡉࡔࡕࡀࡒࡉࡋ࡞ ࡗ ࡏࡍࡂࡉࡓࡕࡀ ࡌࡄࡀࡕࡀࡌࡕࡀ ࡎࡀࡉࡉࡊࡕࡀ ࡅࡏࡎࡉࡒࡕࡀ ࡁࡉࡀࡌࡉࡍࡇ ࡓࡌࡉࡕ ࡍࡉࡔࡉࡌࡕࡀ ࡅࡏࡃࡀࡋࡉࡀࡕ ࡋࡊࡅࡋࡄࡅࡍ ࡓࡀࡆࡉࡀ࡞ ࡅࡗ ࡍࡄࡉࡕࡕ ࡋࡉࡀࡓࡃࡍࡀ ࡋࡀࡄࡅࡓࡉࡀ ࡓࡁࡀ ࡉࡀࡓࡃࡍࡀ ࡐࡉࡓࡉࡀࡅࡉࡎ ࡐࡀࡔࡉࡈ ࡂࡀࡍࡐࡇ ࡅࡌࡒࡀࡁࡉࡋࡀ ࡅࡀ ࡌࡀࡓࡋࡀ ࡀࡕࡀࡋࡀࡊ ࡀࡕࡀࡋࡀࡊ ࡆࡀࡄࡁࡀ ࡎࡒࡉࡋࡀ ࡖࡁࡉࡄࡓࡅࡉࡀ ࡑࡀࡓࡀࡐࡀࡉࡉࡀ ࡀࡌࡉࡍࡈࡅࡋ ࡖࡄࡀࡍࡀࡕࡇ ࡕࡀࡓࡌࡉࡃࡉࡀ ࡖࡀࡉࡓࡇ ࡋࡊࡅࡋࡇ ࡂࡉࡍࡆࡉࡀࡊ ࡏࡋࡀࡅࡀࡉࡄࡅࡍ {{ࡈࡌࡉࡔ ࡅࡌࡀࡆࡓࡅࡕࡀ}} {{ࡖࡁࡋࡉࡁࡇ ࡔࡊࡉࡍ ࡅࡍࡀࡄࡓࡀ ࡑࡀࡓࡀࡉࡉ}} ࡑࡀࡓࡀࡐࡀࡉࡉࡀ ࡖࡄࡉࡍࡅࡍ ࡌࡀࡋࡊࡉࡀ ࡁࡀࡍࡄࡅࡓࡀ ࡌࡉ ࡕࡒࡉࡓࡉࡉࡍ࡞ ࡗ ࡈࡀࡌࡅࡔࡀࡕࡀ ࡒࡀࡃࡌࡀࡉࡕࡀ ࡈࡌࡉࡔ ࡅࡌࡀࡆࡓࡅࡕࡀ ࡖࡁࡋࡉࡁࡇ ࡔࡊࡉࡍࡀ ࡅࡍࡀࡄࡓࡀ ࡅࡌࡀࡃࡉࡒࡉࡁࡅࡍ ࡋࡊࡉࡌࡑࡀ ࡊࡅࡋࡄࡅࡍ ࡖࡁࡆࡓࡅࡐࡉࡍࡉࡀ ࡓࡅࡓࡁࡉࡀ ࡖࡐࡀࡂࡓࡉࡀ ࡔࡓࡉࡍ࡞ ࡗ ࡈࡉࡌࡅࡔࡀࡕࡀ ࡕࡉࡍࡉࡀࡍࡕࡉࡀ ࡈࡀࡌࡉࡔ ࡅࡏࡔࡀࡕࡀ ࡄࡀࡉࡕࡀ {{ࡐࡀࡈ}} ࡐࡀࡔࡈࡀ ࡅࡎࡀࡉࡓࡀ ࡁࡊࡅࡋࡇ ࡐࡀࡂࡓࡀ ࡅࡉࡀࡕࡁࡀ ࡁࡉࡍࡉࡀ ࡂࡁࡉࡍࡉࡀ ࡖࡔࡓࡉࡍ࡞ ࡗ ࡈࡉࡌࡅࡔࡀࡕࡀ ࡖࡕࡋࡉࡕࡀࡉࡕࡀ ࡈࡀࡌ^ࡉ^ࡔࡀ ࡍࡉࡔࡉࡌࡕࡀ ࡅࡓࡅࡄࡀ ࡅࡐࡀࡂࡓࡀ ࡔࡋࡀࡌࡀ ࡋࡄࡃࡀࡃࡉࡀ ࡌࡔࡀࡋࡌࡉࡀ ࡁࡄࡀࡃ ࡊࡉࡌࡑࡀ ࡍࡈࡉࡓ ࡅࡌࡀࡌࡋࡀ ࡅࡌࡀࡄࡆࡉࡕࡀ ࡅࡏࡅࡃࡍࡉࡀ ࡀࡕࡅࡕࡉࡀ ࡄࡃࡀ ࡄࡀࡕࡌࡀ ࡉࡀࡕࡉࡁ࡞ ࡅࡗ ࡏࡃࡀ ࡖࡉࡀࡌࡉࡍࡇ ࡁࡏࡃࡀ ࡖࡎࡌࡀࡋࡇ ࡖࡓࡁࡀ ࡌࡀࡕࡍࡀ ࡍࡄࡅࡓࡀ ࡄࡔࡅࡊࡀ ࡁࡉࡄࡃࡀࡃࡉࡀ ࡏࡕࡀࡓࡀࡁ ࡅࡓࡀࡆࡀ ࡖࡌࡀࡆࡓࡅࡕࡀ ࡁࡓࡀࡆ ࡆࡌࡀ ࡋࡂࡉࡈ ࡗ ࡌࡔࡀࡋࡉࡌࡋࡉࡀ ࡌࡍ ࡎࡌࡀࡋࡇ ࡋࡉࡀࡌࡉࡍࡇ ࡍࡉࡔࡉࡌࡕࡀ ࡁࡀࡉࡀࡓ ࡃࡀࡊࡉࡀ ࡕࡋࡀࡁࡔࡀࡕ ࡅࡍࡉࡄࡓࡀࡕ ࡅࡓࡉࡄࡔࡀࡕ ࡌࡍ ࡃࡅࡊࡕࡀ ࡅࡆࡅࡓࡐࡉࡍࡉࡀ ࡖࡂࡉࡓࡌࡉࡀ ࡊࡅࡋࡄࡅࡍ ࡋࡄࡃࡀࡃࡉࡀ ࡏࡆࡃࡀࡓࡀࡌࡁࡉࡅࡍ {{ࡅࡐࡋࡅࡂࡕࡀ}} ࡅࡐࡋࡅࡂࡕࡀ ࡁࡂࡀࡅࡀࡉࡄࡅࡍ ࡓࡄࡉࡔ࡞ ࡗ ࡓࡁࡀ ࡋࡒࡅࡃࡀࡌࡇ ࡌࡀࡅࡕࡉࡁࡋࡇ ࡅࡏࡋࡁࡅࡔࡉࡇ ࡁࡉࡋࡁࡅࡔࡉࡀ {{ࡖࡉࡅࡆࡀ}} ࡖࡉࡅࡆࡀࡈࡀࡒ ࡌࡀࡍࡃࡀ ࡖࡄࡉࡉࡀ ࡏࡕࡋࡀࡁࡀࡔ ࡅࡆࡉࡅࡇ ࡏࡋ ࡋࡉࡁࡇ ࡂࡀࡅࡀࡉࡉࡀ ࡃࡀࡄࡍࡀ ࡖࡉࡀࡌࡉࡍࡀ ࡏࡋ ࡍࡀࡅࡓࡀ ࡓࡁࡀ ࡖࡔࡓࡉࡀ ࡁࡉࡀࡓࡃࡍࡀ ࡌࡀࡕࡍࡀ࡞ ࡗ ࡈ ࡈࡀࡌࡉࡔࡋࡇ ࡕࡋࡀࡕ ࡈࡅࡌࡅࡔࡀࡕࡀ ࡖࡀࡁࡉࡍࡉࡀ ࡃࡉࡋࡉࡀ {{ࡋࡌࡀࡓ}} ࡋࡌࡀࡓࡂࡍࡉࡀ ࡅࡈࡅࡌࡅࡔࡀࡕࡀ ࡒࡀࡃࡌࡀࡉࡕࡀ ࡈࡀࡌࡉࡔࡋࡇ ࡔࡅࡁࡀ ࡁࡀࡁࡉࡀ ࡖࡁࡓࡉࡔࡉࡀ ࡔࡓࡉࡍ ࡆࡉࡅࡀࡉࡄࡅࡍ ࡋࡄࡃࡀࡃࡉࡀ ࡃࡀࡄࡍࡀ ࡅࡊࡅࡋࡄࡅࡍ ࡍࡀࡈࡓࡉࡀ ࡏࡋࡀࡅࡀࡉࡄࡅࡍ ࡁࡉࡄࡓࡀ ࡋࡁࡅࡔࡀ ࡏࡕࡋࡀࡁࡀࡔ ࡗ ࡈࡅࡌࡅࡔࡕࡀ ࡕࡉࡍࡉࡀࡍࡕࡉࡀ ࡈࡀࡌࡉࡔࡋࡇ ࡄࡅ ࡅࡓࡁࡀ ࡅࡔࡊࡉࡍࡕࡀ ࡄࡀࡊࡀ {{ࡏࡕࡋࡀࡁࡀࡔ}} ࡖࡀࡍࡃࡉࡆ ࡀࡕࡅࡕࡉࡀ ࡁࡄࡀࡃ ࡄࡀࡕࡌࡀ ࡏࡕࡀࡕࡍࡀ ࡅࡕࡀࡕ ࡅࡕࡀࡅࡓࡏࡉࡋ ࡏࡅࡕࡓࡀ ࡔࡓࡉࡀ ࡋࡉࡀࡓࡃࡍࡀ ࡀࡉࡍࡀࡍࡉࡀࡕࡀ ࡖࡌࡉࡀ ࡌࡍ ࡐࡓࡀࡔ ࡆࡉࡅࡀ ࡏࡋࡀࡅࡀࡉࡊࡅࡍ ࡌࡀࡌࡁࡉࡂ ࡅࡀࡌࡀࡓ ࡈࡅࡁࡀࡊ ࡈࡅࡁࡀࡊ ࡉࡅࡓࡁࡀ ࡖࡄࡀࡉࡋࡀ ࡖࡓࡁࡉࡀ ࡏࡄࡀࡁࡋࡀࡊ ࡗ ࡈࡅࡌࡅࡔࡕࡀ ࡕࡋࡉࡕࡀࡉࡕࡀ ࡈࡀࡌࡉࡔࡋࡇ ࡏࡎࡒࡉࡋ ࡄࡀࡍࡀࡕࡇ ࡍࡀࡅࡓࡀ ࡓࡁࡀ ࡖࡁࡊࡉࡌࡑࡀ ࡌࡑࡀࡓࡀࡓ ࡅࡆࡌࡀ ࡅࡌࡉࡓࡕࡀ ࡅࡐࡅࡋࡂࡌࡀ ࡅࡏࡎࡉࡒࡕࡀ ࡖࡄࡉࡉࡀ ࡏࡕࡀࡕࡍࡀࡕ ࡏࡋࡀࡅࡀࡉࡄࡅࡍ ࡅࡀࡉࡀࡓ ࡁࡄࡀࡍࡀࡕࡇ ࡏࡎࡉࡒࡕࡀ ࡏࡕࡋࡀࡁࡀࡔ ࡅࡁࡓࡀࡆࡀ ࡖࡀࡁࡀ ࡖࡄࡅ ࡉࡀࡋࡅࡆ ࡓࡁࡀ ࡋࡊࡅࡋࡄࡅࡍ ࡂࡉࡌࡓࡉࡀ ࡂࡌࡉࡓ ࡖࡄࡅ ࡓࡀࡆࡀ ࡄࡀࡌࡔࡀࡉࡀࡉࡉࡀ ࡁࡀࡉࡀࡓ ࡁࡀࡓࡀࡉࡀ ࡔࡅࡌࡇ࡞ ࡗ ࡀࡌࡉࡔ ࡁࡉࡀࡓࡃࡍࡀ ࡓࡀࡔࡉࡌࡋࡇ ࡓࡅࡔࡅࡌࡀ ࡒࡀࡃࡌࡀࡉࡀ ࡅࡀࡌࡀࡓࡋࡇ ࡐࡋࡀࡍ ࡁࡓ ࡐࡋࡀࡍࡉࡕࡀ ࡓࡔࡉࡌ ࡁࡓࡅࡔࡌࡀ ࡖࡄࡉࡉࡀ ࡓࡀࡆ ࡀࡎࡀ ࡊࡋࡉࡋࡀ ࡁࡉࡄࡃࡀࡃࡉࡀ ࡏࡕࡋࡀࡁࡀࡔ ࡅࡓࡅࡔࡅࡌࡀ ࡖࡌࡀࡓࡀ ࡖࡓࡀࡁࡅࡕࡀ ࡏࡋࡇ ࡏࡕࡍࡀࡈࡀࡓ࡞ ࡗ ࡓࡅࡔࡅࡌࡀ ࡕࡉࡍࡉࡀࡍࡀ ࡓࡀࡔࡉࡌࡋࡇ ࡕࡀࡂࡀ ࡅࡄࡉࡌࡉࡀࡍࡀ ࡁࡉࡄࡃࡀࡃࡉࡀ ࡏࡕࡋࡀࡁࡀࡔ ࡅࡁࡄࡀࡕࡌࡀ ࡖࡎࡀࡌ ࡂࡅࡐࡍࡀ ࡄࡀࡕࡀࡌ ࡏࡔࡕࡀࡋࡀࡌ࡞ ࡅࡗ ࡓࡅࡔࡌࡀ ࡕࡋࡉࡕࡀࡉࡉࡀ ࡓࡀࡔࡉࡌࡋࡇ ࡓࡅࡄࡀ ࡅࡍࡉࡔࡉࡌࡕࡀ ࡅࡊࡉࡌࡑࡀ ࡖࡆࡉࡅࡀ ࡅࡍࡄࡅࡓࡀ ࡅࡏࡒࡀࡓࡀ ^ࡏࡕࡋࡀࡁࡀࡔ ࡅࡄࡀࡉࡆࡀࡊ ࡓࡅࡄࡀ ࡅࡍࡉࡔࡉࡌࡕࡀ ࡅࡊࡉࡌࡑࡀ ࡖࡆࡉࡅࡀ ࡅࡍࡄࡅࡓࡀ ࡅࡏࡒࡀࡓࡀ^࡞ ࡁࡀࡉࡀࡓ ࡅࡌࡉࡀ ࡅࡀࡓࡒࡀ ࡔࡅࡌࡉࡀ ࡁࡄࡀࡋࡉࡍ ࡀࡓࡁࡀ ࡌࡀࡋࡊࡉࡀ ࡌࡎࡀࡃࡓࡀࡍࡉࡀ ࡏࡕࡋࡀࡁࡀࡔ࡞ ࡅࡆࡉࡒࡀ ࡅࡐࡋࡅࡂࡌࡀ ࡅࡌࡉࡓࡕࡀ ࡅࡆࡌࡀ ࡄࡀࡋࡉࡍ ࡀࡓࡁࡀ ࡓࡀࡆࡉࡀ ࡖࡄࡃࡀࡃࡉࡀ ࡋࡀࡂࡈࡉࡀ ࡏࡎࡉࡒࡕࡀ ࡖࡉࡀࡅࡀࡓ ࡏࡕࡀࡕࡍࡀࡕ ࡏࡋࡀࡅࡀࡉࡄࡅࡍ࡞ ࡅࡗ ࡄࡅࡐࡍࡀ ࡖࡌࡉࡀ ࡌࡅࡀ {{ࡌࡀࡔࡒࡉࡋࡇ}} ࡌࡀࡔࡉࡒࡋࡇ ࡄࡅࡐࡍࡀ ࡒࡀࡃࡌࡀࡉࡀ ࡌࡀࡔࡉࡒࡋࡇ ࡅࡀࡌࡀࡓࡋࡇ ࡔ^ࡅ^ࡕ ࡅࡏࡕࡀࡎࡉࡀ ࡔࡉࡓࡉࡀࡍࡉࡀ ࡊࡅࡋࡄࡅࡍ ࡅࡂࡀࡈࡉࡍࡀࡕࡀ ࡅࡂࡉࡓࡌࡉࡀ ࡌࡀࡓࡄࡉࡋࡅࡍ ࡋࡄࡀࡍࡀࡕࡅࡍ ࡌࡉࡀ ࡄࡅ ࡆࡉࡅࡀ ࡒࡀࡃࡌࡀࡉࡀ ࡖࡄࡅ ࡄࡉࡁࡉࡋ ࡆࡉࡅࡀ ࡔࡅࡌࡇ ࡖࡓࡀࡆࡀ ࡖࡌࡀࡆࡓࡅࡕࡀ ࡑࡀࡁࡉࡋࡇ ࡁࡄࡀࡍࡀࡕࡇ ࡔࡊࡉࡍࡕࡀ ࡖࡉࡀࡒࡉࡓࡁࡇ ࡞ ࡗ ࡄࡅࡐࡍࡀ ࡕࡉࡍࡉࡀࡍࡀ ࡌࡀࡔࡉࡒࡋࡇ ࡅࡀࡌࡀࡓࡋࡇ ࡔࡕࡉࡀ ࡅࡏࡕࡀࡎࡉࡀ ࡄࡀࡍࡀࡕࡀ ࡓࡀࡆࡀ ࡖࡔࡓࡉࡀ ࡁࡋࡉࡁࡇ ࡍࡀࡄࡀࡓ ࡅࡊࡀࡁࡃࡀ ࡅࡌࡉࡓࡕࡀ ࡅࡄࡀࡔࡀ ࡅࡈࡀࡄࡀࡋࡀ ࡉࡀࡃ ࡄࡃࡀࡃࡉࡀ ࡋࡀࡂࡈࡉࡀ ࡅࡏࡍࡉࡀࡍࡀ ࡓࡀࡌࡉࡋࡇ ࡅࡀࡌࡓࡉࡋࡇ࡞ ࡁࡔࡅࡌࡀ ࡖࡄࡉࡉࡀ ࡓࡁࡉࡀ ࡌࡍ ࡉࡅࡌࡀ ࡖࡐࡕࡀ ࡅࡍࡐࡀࡒ ࡆࡉࡅࡀ ࡌࡍ ࡂࡅ ࡆࡉࡅࡉࡀ ࡅࡏࡑࡈࡀࡓࡀࡓ ࡍࡄࡅࡓࡀ ࡔࡀࡍࡉࡀ ࡁࡂࡅ ࡍࡀࡅࡓࡀ ࡐࡉࡓࡔࡉࡕ ࡁࡅࡕࡀ ࡅࡕࡅࡔࡁࡉࡄࡕࡀ ࡅࡔࡕࡉࡐࡊࡀࡕ ࡁࡋࡉࡁࡀࡉࡄࡅࡍ ࡖࡏࡅࡕࡓࡉࡀ ࡊࡅࡋࡄࡅࡍ ࡏࡑࡈࡀࡓࡀࡓ ࡕࡀࡂࡀ ࡓࡁࡀ ࡅࡕࡄࡉࡁࡋࡅࡍ lࡏࡅࡕࡓࡉࡀ ࡊࡅࡋࡄࡅࡍ ࡏࡅࡕࡓࡉࡀ ࡄࡃࡅࡍ ࡁࡕࡀࡂࡀࡉࡅࡍ ࡏࡋࡀࡅࡇ ࡍࡈࡉࡓ ࡏࡅࡕࡓࡉࡀ ࡖࡍࡉࡎࡁࡅࡉࡀ ࡋࡕࡀࡂࡀ ࡓࡁࡀ ࡏࡔࡕࡉࡐࡊࡀࡕ ࡁࡋࡉࡁࡀࡉࡄࡅࡍ ࡍࡀࡑࡉࡓࡅࡕ࡞ ࡅࡄࡀࡉࡆࡀࡊ ࡏࡍࡉࡀࡍࡀ ࡓࡀࡌࡉࡋࡇ ࡓࡀࡆࡀ {{ࡋࡁࡀࡓ ࡌࡍ}} ^ࡋࡓࡀࡁ^ ࡐࡀࡎࡉࡌࡊࡉࡀ ࡖ^ࡄࡅ^ ࡓࡀࡁ ࡋࡉࡁࡇ ࡔࡅࡌࡇ ࡕࡀࡂࡀ ࡁࡓࡉࡔࡉࡀ ࡏࡕࡀࡕࡍࡀ ࡄࡉࡍࡅࡍ ࡌࡀࡋࡊࡀࡉࡀࡍ ࡒࡀࡓࡉࡋࡇ ࡅࡌࡓࡀࡅࡓࡉࡁࡋࡇ ࡅࡌࡉࡀࡒࡓࡉࡋࡇ ࡀࡌࡉࡍࡈࡅࡋ ࡖࡓࡀࡆࡀ ࡖࡏࡅࡑࡈࡅࡍࡀ ࡊࡅࡋࡇ ࡁࡋࡉࡁࡀ ࡍࡄࡀࡓ࡞ ࡏࡉࡕ ࡖࡍࡀࡄࡀࡓ ࡅࡏࡉࡕ ࡖࡄࡀࡔࡅࡊ࡞ ࡗ ࡄࡅࡐࡍࡀ ࡕࡋࡉࡕࡀࡉࡀ ࡌࡀࡔࡒࡉࡋࡇ ࡅࡀࡌࡀࡓࡋࡇ ࡏࡔࡕࡉࡀ ࡏࡕࡀࡎࡉࡀ ࡀࡍࡅࡔ ࡓࡁࡀ ࡖࡄࡅ ࡍࡉࡔࡉࡌ^ࡓࡀ^ࡕࡀ ࡄࡉࡅࡀࡓࡀ ࡋࡍࡉࡔࡉࡌࡕࡀ ࡁࡓࡀࡆࡀ ࡆࡉࡒࡀ ࡄࡀࡕࡀࡌ ࡁࡏࡅࡑࡓࡉࡀ ࡎࡀࡄࡉࡒࡋࡇ ࡅࡌࡉࡕࡂࡀࡉࡉࡀ ࡅࡁࡉࡎࡓࡀ {{ࡅࡌࡀࡍࡆ}} ࡅࡌࡉࡔࡊࡀ ࡅࡌࡀࡍࡆࡉࡀ ࡅࡓࡀࡆ ࡄࡀࡋࡁࡀ ࡄࡃࡀࡃࡉࡀ ࡍࡀࡄࡓࡉࡀ ࡅࡆࡉࡅࡀ ࡋࡅࡀࡕ ࡔࡊࡉࡍࡕࡀ ࡁࡅࡊࡀࡓࡕࡀ ࡖࡄࡅ ࡏࡍࡃࡓࡅࡍࡀ ࡅࡓࡀࡆࡀ ࡖࡒࡀࡁࡉࡍ ࡒࡀࡓࡉࡋࡇ ࡖࡒࡀࡓࡁࡉࡍ ࡕࡓࡉࡍ ࡌࡀࡋࡊࡉࡀ ࡋࡅࡀࡕ ࡄࡃࡀࡃࡉࡀ ࡀࡌࡉࡍࡈࡅࡋ ࡔࡊࡉࡍࡕࡀ ࡁࡅࡊࡀࡓࡕࡀ ࡖࡓࡅࡄࡀ ࡄࡏ࡞ ^ࡄࡏ^ ࡅࡔࡉ^ࡅ^ࡓࡀ ࡒࡀࡓࡉࡋࡇ ࡔࡊࡉࡍࡕࡀ ࡕࡉࡍࡉࡀࡍࡕࡉࡀ ࡖࡍࡉࡔࡉࡌࡕࡀ ࡁࡂࡀࡅࡇ ࡉࡀࡕࡁࡉࡀ ࡖࡄࡅ ࡓࡉࡔࡀ ࡌࡉࡕࡉࡒࡓࡉࡀ {{ࡅ}} ࡃࡓࡀࡔ ࡁࡉࡍࡉࡀࡍࡀ ࡊࡅࡋࡄࡅࡍ ࡄࡅ࡞ ࡆࡉࡅࡀ ࡌࡔࡀࡃࡓࡉࡀ ࡏࡋࡅࡀࡕ ࡕࡓࡉࡍ ࡌࡀࡋࡊࡉࡀ ࡖࡄࡉࡍࡅࡍ ࡊࡅࡋࡉࡀࡕࡀ ࡌࡉࡕࡉࡒࡓࡉࡍ ࡁࡓࡀࡆࡉࡀ ࡄࡓࡉ ࡄࡅࡓࡉࡍࡉࡀ ࡖࡒࡉࡍ ࡅࡂࡀࡐ ࡒࡀࡓࡉࡋࡅࡍ ࡅࡀࡌࡓࡉࡀ ࡖࡋࡀࡍࡉࡁࡈࡅࡋ ࡄࡀࡉࡋࡀࡉࡊࡅࡍ ࡅࡕࡓࡉࡍ ࡈࡅࡓࡉࡀ ࡓࡀࡌࡉࡀ ࡒࡀࡔࡉࡔࡉࡀ ࡖࡀࡓࡒࡀ ࡅࡏࡔࡅࡌࡉࡀ ࡅࡂࡀࡓࡂࡋࡉࡀ ࡅࡀࡉࡀࡓ ࡅࡉࡀࡓࡃࡍࡀ ࡄࡔࡅࡊࡀ ࡅࡍࡄࡅࡓࡀ ࡁࡂࡀࡅࡀࡉࡄࡅࡍ ࡎࡀࡃࡀࡓ࡞ ࡅࡗ ࡌࡉࡍࡃࡀࡌ ࡒࡓࡅࡍ ࡒࡀࡓࡉࡀ ࡏࡋ ࡊࡋࡉࡋࡉࡀ ࡖࡀࡎࡀ ࡒࡀࡓࡉࡀ ࡅࡕࡀࡓࡉࡑࡋࡇ ࡁࡓࡉࡔࡉࡀ ࡄࡅ ࡓࡁࡇ ࡁࡄࡀࡊ ࡏࡃࡀࡍࡀ {{ࡏࡕࡀ}} ࡏࡕࡀࡓࡀࡁ ࡌࡍ ࡄࡃࡀࡃࡉࡀ {{ࡄࡀࡃ ࡏࡎࡉࡒࡕࡀ}} ࡗ ࡌࡉࡀ ࡄࡀࡌࡓࡀ ࡖࡌࡍ ࡄࡃࡀࡃࡉࡀ ࡏࡕࡀࡓࡀࡁ ࡖࡋࡀࡌࡉࡕࡐࡀࡋࡂࡉࡀ ࡌࡍ ࡄࡃࡀࡃࡉࡀ ࡄࡀࡃ ࡏࡎࡉࡒࡕࡀ ࡏࡕࡀࡕࡍࡀࡕ ࡏࡋࡀࡅࡀࡉࡄࡅࡍ ࡄࡕࡉࡌ ࡕࡀࡂࡅࡍ ࡅࡊࡋࡉࡋࡅࡍ ࡁࡄࡀࡕࡌࡀ ࡖࡋࡀࡌࡉࡕࡁࡀࡓ ࡅࡁࡀࡎࡀࡓࡀ ࡓࡁࡀ ࡖࡋࡀࡌࡉࡔࡕࡓࡉࡀ ࡅࡔࡓࡉࡕࡀ ࡁࡃࡀࡓࡃࡀࡓࡉࡀ ࡋࡉࡕࡋࡅࡍ ࡀࡌࡉࡍࡈࡅࡋ ࡖࡌࡀࡍࡃࡀ ࡒࡓࡀࡍ ࡆࡌࡀ ࡉࡀࡒࡓࡀ ࡖࡁࡋࡉࡁࡀ ࡔࡓࡉࡀ ࡄࡅ ࡆࡉࡅࡀ ࡉࡀࡒࡓࡀ ࡁࡌࡀࡍࡀ ࡅࡊࡋࡉࡋࡀ ࡖࡌࡉࡕࡉࡒࡓࡉࡀ ࡄࡀࡆࡉࡍ ࡏࡋࡇ ࡄࡀࡍࡀࡕࡇ ࡊࡋࡉࡋࡀ ࡖࡋࡓࡉࡔ ࡖࡁࡋࡉࡁࡀ ࡕࡓࡉࡑ ࡖࡀࡋࡌࡉࡀ ࡅࡃࡀࡓࡉࡀ ࡕࡉࡓࡁࡀ ࡒࡀࡓࡉࡋࡇ ࡅࡋࡀࡉࡀࡃࡉࡀ ࡖࡕࡀࡂࡀ ࡖࡊࡉࡌࡑࡀ ࡄࡅ ࡖࡋࡍࡉࡔࡉࡌࡕࡀ ࡏࡑࡈࡀࡓࡀࡓ ࡅࡍࡉࡔࡉࡌࡕࡀ ࡊࡋࡉࡋࡀ ࡂࡉࡃࡋࡇ ࡅࡁࡓࡉࡔࡀ ࡖࡓࡅࡄࡀ ࡕࡀࡓࡑࡀ ࡗ ࡀࡉࡀࡓ ࡌࡎࡀࡃࡓࡀࡍࡀ ࡄࡅࡀ࡞ ࡅࡕࡀࡂࡀ ࡕࡓࡀࡑࡋࡇ ࡀࡉࡀࡓ ࡞ ࡏࡋ ࡋࡉࡁࡇ ࡅࡀࡌࡀࡓ ࡋࡀࡔࡀࡄࡉࡀ ࡅࡋࡀࡐࡀࡉࡉࡀ ࡅࡀࡈࡉࡓࡐࡀ ࡌࡉࡍࡇ ࡋࡀࡍࡀࡕࡀࡓ ࡖࡄࡅ ࡕࡀࡂࡀ ࡓࡁࡀ ࡏࡑࡈࡅࡍࡉࡀ ࡌࡑࡀࡓࡀࡓࡋࡅࡍ ࡏࡋ ࡋࡉࡁࡀ ࡕࡀࡂࡀ ࡕࡓࡀࡑࡋࡇ ࡋࡀࡕࡀࡒࡅࡍ ࡅࡋࡀࡌࡉࡕࡒࡀࡉࡀࡌ ࡀࡌࡉࡍࡈࡅࡋ ࡖࡌࡀࡋࡊࡀ ࡀࡃࡉࡍࡒࡉࡀ ࡕࡀࡂࡀ ࡁࡌࡀࡋࡊࡅࡕࡀ ࡋࡀࡉࡀࡕࡉࡁ ࡅࡗ ࡔࡅࡌࡄࡀࡕࡀ ࡌࡀࡃࡊࡀࡓ ࡏࡋࡇ ࡅࡀࡌࡀࡓ ࡁࡓࡉࡔ࡞ ࡔࡅࡌࡀ ࡖࡀࡉࡍࡀ ࡓࡀࡁࡕࡉࡀ ࡊࡀࡎࡉࡕࡀ ࡒࡀࡃࡌࡀࡉࡕࡀ ࡄ{{ࡏ}}ࡏ ࡌࡀࡃࡊࡀࡓ ࡏࡋࡀࡊ ^ࡅࡔࡅࡌࡇ ࡖࡐࡅࡌࡀ ࡒࡀࡃࡌࡀࡉࡀ ࡖࡄࡅ ࡉࡅࡓࡀ ࡅࡔࡊࡉࡍࡕࡀ ࡒࡀࡃࡌࡀࡉࡕࡀ ࡄࡏ ࡀࡃࡊࡀࡓ ࡏࡋࡇ^ ࡅࡋࡄࡀࡍࡀࡕࡇ ࡓࡅࡔࡅࡌࡀ ࡖࡐࡀࡓࡆࡋࡀ ࡓࡔࡉࡌ ࡅࡁࡓࡅࡔࡅࡌࡀ ࡖࡉࡀࡓࡃࡍࡀ ࡌࡀࡃࡊࡀࡓࡋࡇ࡞ ࡗ ࡔࡅࡌࡀ ࡖࡎࡉࡍࡃࡉࡓࡊࡀ ࡓࡁࡀ ࡒࡀࡃࡌࡀࡉࡀ ࡌࡀࡃࡊࡀࡓ ࡋࡄࡀࡊ ࡓࡀࡆࡀ ࡒࡃࡉࡌࡀ ࡏࡅࡑࡈࡅࡍࡀ ࡖࡔࡓࡉࡀ ࡁࡄࡀࡊ ࡀࡉࡍࡀ ࡖࡄࡅ ࡆࡉࡅࡀ ࡅࡈࡅࡄࡌࡀ ࡌࡉࡕࡉࡒࡓࡉࡀ ࡖࡄࡅ ^ࡏࡅࡊࡌࡀ^ {{ࡏࡅࡓࡊࡌࡀ}} ࡖࡀࡉࡍࡉࡀ ࡄࡅ ࡄࡅ ࡎࡉࡍࡃࡉࡓࡊࡀ ࡓࡁࡀ ࡒࡀࡃࡌࡀࡉࡀ ࡔࡅࡌࡇ ࡖࡌࡍ ࡓࡀࡆࡀ ࡖࡎࡅࡌࡒࡀ ࡏࡑࡈࡀࡓࡀࡓ ࡁࡀࡋࡌࡀ ࡏࡕࡓࡉࡑ ࡍࡄࡅࡓࡀ ࡁࡂࡀࡅࡇ ࡍࡀࡄࡀࡓ ࡞ ࡗ ࡔࡅࡌࡀ ࡖࡔࡉࡔࡋࡀࡌ ࡓࡁࡀ ࡌࡀࡃࡊࡀࡓ ࡏࡋࡇ ࡋࡌࡀࡄࡆࡉࡕࡀ ࡖࡃࡍࡉࡄࡀ ࡁࡌࡅࡒࡓࡀ ࡏࡃࡉࡊࡓࡉࡀ ࡋࡔࡅࡔࡌࡀ ࡄࡉࡅࡀࡓࡀ ࡔࡅࡌࡇ ࡅࡃࡓࡀࡁࡔࡀ ࡖࡊࡉࡌࡑࡀ ࡔࡀࡍࡉࡀ ࡌࡀࡍࡄࡀࡓ ࡏࡋࡇ ࡄࡅ ࡖࡒࡀࡓࡉࡋࡇ ࡔࡉࡔࡋࡀࡌ ࡓࡁࡀ ࡄࡅ ࡄࡅ ࡂࡋࡀࡋࡀ ࡖࡀࡉࡍࡉࡀ ࡄࡅ࡞ ࡗ ࡔࡅࡌࡀ ࡖࡏࡆࡋࡀࡕ ࡓࡀࡁࡕࡉࡀ ࡌࡀࡃࡊࡀࡓ ࡏࡋࡇ ࡋࡉࡆࡋࡀࡕ ࡔࡀࡓࡀࡕ ࡖࡄࡅ ࡍࡉࡔࡉࡌࡕࡀ ࡖࡁࡀࡌࡅࡒࡓࡀ ࡅࡀࡕࡅࡕࡉࡀ ࡂࡉࡓࡌࡉࡀ ࡖࡓࡉࡔࡇ ࡔࡓࡉࡀ ࡁࡓࡀࡆࡀ ࡖࡀࡉࡍࡀ ࡄࡏ ࡀࡉࡀࡓ ࡃࡀࡊࡉࡀ ࡔࡅࡌࡇ ࡞ ࡗ ࡔࡅࡌࡀ ࡖࡉࡀࡅࡀࡓ ࡓࡁࡀ ࡌࡀࡃࡊࡀࡓ ࡏࡋࡇ ࡖࡊࡀࡁࡓࡀ ࡖࡔࡓࡉࡀ ࡁࡓࡀࡆࡀ ࡖࡉࡀࡌࡉࡍࡀ ࡏࡃࡉࡊࡓࡉࡀ ࡖࡄࡅ ࡌࡀࡍࡃࡀ ࡖࡄࡉࡉࡀ ࡔࡅࡌࡇ ࡖࡄࡅ ࡂࡀࡍࡆiࡏࡉࡋ ࡖࡌࡐࡀࡋࡉࡂ ࡂࡉࡍࡆࡉࡀ ࡁࡏࡅࡕࡓࡉࡀ ࡒࡀࡓࡉࡋࡇ ࡖࡊࡅࡋࡄࡅࡍ ࡓࡀࡆࡉࡀ ࡌࡉࡍࡇ ࡃࡉࡋࡇ ࡏࡊࡉࡋࡕࡀ ࡅࡌࡀࡔࡒࡉࡕࡀ ࡍࡀࡎࡁࡉࡀ࡞ ࡗ ࡔࡅࡌࡀ ࡖࡎࡉࡌࡀࡕ ࡄࡉࡉࡀ ࡌࡀࡃࡊࡀࡓ ࡏࡋࡇ ࡎࡉࡌࡀࡕ ࡄࡉࡉࡀ ࡌࡀࡃࡉࡄࡕࡀ ࡓࡀࡁࡕࡉࡀ ࡖࡁࡉࡀࡌࡉࡍࡀ ࡔࡓࡉࡀ ࡖࡌࡍ ࡋࡅࡀࡕ ࡉࡀࡅࡀࡓ ࡋࡀࡌࡉࡕࡓࡀࡄࡒࡉࡀ ࡖࡄࡏ ࡋࡉࡋࡉࡕࡀ ࡅࡓࡅࡄࡀ ࡒࡀࡓࡉࡋࡀ ࡍࡉࡔࡉࡌࡕࡀ ࡁࡂࡀࡅࡇ ࡋࡂࡉࡈࡀ࡞ ࡅࡗ ࡔࡅࡌࡀ ࡖࡉࡅࡊࡀࡁࡀࡓ ࡓࡁࡀ ࡌࡀࡃࡊࡀࡓ ࡏࡋࡀࡊ ࡋࡍࡉࡔࡉࡌࡕࡀ ࡖࡀࡆࡋࡀ ࡁࡄࡀࡌࡔࡉࡀ ࡅࡌࡔࡀࡃࡀࡓࡋࡇ ࡋࡌࡀࡌࡋࡀ ࡅࡌࡀࡉࡐࡒࡋࡀ ࡌࡍ ࡀࡕࡅࡕࡉࡀ ࡊࡅࡓࡎࡉࡀ ࡖ ࡍࡉࡔࡉࡌࡕࡀ ࡖࡓࡀࡈࡍࡉࡀ ࡓࡉࡈࡍࡀ࡞ ࡗ ࡔࡅࡌ ࡌࡀࡍࡀ ࡅࡃࡌࡅࡕࡇ ࡌࡀࡃࡊࡀࡓ ࡏࡋࡇ ࡋࡓࡅࡄࡀ ࡅࡍࡉࡔࡉࡌࡕࡀ ࡁࡄࡀࡃ ࡄࡉࡌࡉࡀࡍࡀ ࡋࡕࡀࡓࡕࡉࡍࡅࡍ ࡀࡎࡀࡓࡋࡅࡍ࡞ ࡅࡗ ࡔࡅࡌࡀ ࡖࡓࡀࡆࡀ ࡓࡁࡀ ࡅࡐࡅࡂࡃࡀࡌࡀ ࡊࡀࡎࡉࡀ ࡌࡀࡃࡊࡀࡓ ࡏࡋࡇ ࡌࡀࡌࡋࡀ ࡅࡊࡅࡔࡈࡀ ࡖࡄࡅ ࡋࡉࡔࡀࡍࡀ ࡌࡕࡀࡒࡉࡋࡅࡍ࡞ ࡗ ࡔࡅࡌࡀ ࡖࡎࡄࡀࡒ ࡆࡉࡅࡀ ࡓࡁࡀ ࡒࡀࡃࡌࡀࡉࡀ ࡌࡀࡃࡊࡀࡓ ࡏࡋࡀࡊ ࡖ^ࡀ^ࡉࡀࡅࡓ ࡃࡀࡊࡉࡀ ࡖࡔࡓࡉࡀ ࡁࡄࡀࡌࡔࡉࡀ ࡖࡄࡅ ࡀࡍࡃࡀࡆࡕࡀ ࡖࡌࡑࡀࡓࡀࡓࡋࡇ ࡋࡌࡀࡌࡋࡀ ࡅࡌࡀࡎࡁࡀࡓࡋࡇ ࡏࡋ ࡋࡉࡔࡀࡍࡇ ࡄࡅ࡞ ࡅࡗ ࡔࡅࡌࡀ ࡖࡎࡀࡌ ࡆࡉࡅࡀ ࡃࡀࡊࡉࡀ ࡄࡀࡁࡉࡁࡀ ^ࡓࡁࡀ^ ࡒࡀࡃࡌࡀࡉࡀ ࡌࡀࡃࡊࡀࡓ ࡏࡋࡇ ࡋࡌࡉࡔࡊࡀ ࡖࡄࡅ ࡋࡁࡅࡔࡀ ࡏࡅࡑࡈࡅࡍࡀ ࡅࡊࡎࡅࡉࡀ ࡖࡍࡉࡔࡉࡌࡕࡀ ࡏࡃࡉࡊࡓࡇ ࡖࡄࡅ ࡓࡀࡆࡀ ࡄࡀࡕࡌࡉࡋࡇ ࡋࡓࡀࡆ ࡆࡌࡀ ࡅࡋࡀࡌࡔࡀࡓࡋࡇ ࡀࡕࡉࡀ ࡌࡍ ࡖࡌࡁࡀࡆࡀࡒ ࡖࡏࡅࡑࡈࡅࡍࡀ ࡋࡀࡌࡉࡕࡄࡀࡌࡁࡀࡋ ࡅࡍࡉࡈࡀ{{ࡐࡀ}}^ࡍࡀ^ࡐ ࡀࡌࡉࡍࡈࡅࡋ ࡖࡗ ࡌࡉࡔࡊࡀ ࡌࡉࡑࡓࡉࡀ ࡆࡌࡀ ࡀࡕࡉࡀ ࡌࡍ ࡔࡉࡓࡉࡀࡍࡉࡀ ࡅࡏࡅࡑࡈࡅࡍࡀ ࡊࡅࡋࡇ ࡏࡈࡀࡍࡀࡐ ࡗ ࡋࡀࡍࡉࡄࡕࡀ{{ࡓ}}^ࡌ^ ࡓࡅࡄࡀ ࡍࡉࡔࡉࡌࡕࡀ ࡌࡉࡕࡄࡀࡌࡁࡋࡀ ࡌࡍ ࡋࡁࡅࡔࡀ ࡍࡀࡐࡒࡀ࡞ ࡗ ࡄࡀࡉࡆࡉࡍ ࡏࡕࡐࡀࡋࡀࡂ ࡌࡀࡋࡊࡉࡀ ࡁࡎࡀࡌ ࡆࡉࡅࡀ ࡃࡀࡊࡉࡀ ࡁࡅࡊࡓࡀ ࡄࡀࡁࡉࡁࡀ ^ࡓࡁࡀ^ ࡒࡀࡃࡌࡀࡉࡀ ࡄࡉࡕࡌࡅࡉࡀ ࡊࡅࡋࡄࡅࡍ ࡓࡀࡆࡉࡀ ࡏࡋࡀࡅࡀࡉࡊࡅࡍ ࡞ ࡗ ࡔࡅࡌࡀ ࡖࡄࡉࡉࡀ ࡅࡔࡅࡌࡇ ࡖࡌࡀࡍࡃࡀ ࡖࡄࡉࡉࡀ ࡌࡀࡃࡊࡀࡓ ࡏࡋࡇ ࡌࡀࡍࡆࡉࡀ ࡊࡅࡋࡇ ࡈࡅࡐࡓࡉࡀ ࡅࡏࡃࡀ ࡅࡋࡉࡂࡓࡇ ࡅࡊࡀࡅࡐࡉࡀ ࡅࡐࡀࡔࡈࡉࡀ ࡖࡁࡂࡀࡅࡇ ^ࡖ^ࡏࡅࡑࡈࡅࡍࡀ ࡌࡀࡎࡂࡉࡀ ࡖࡗ ࡁࡀࡉࡉࡀ ࡏࡃࡉࡊࡓࡇ࡞ ࡅࡗ ࡒࡀࡉࡉࡌ ࡅࡊࡅࡔࡈࡀ ࡍࡀࡎࡉࡁ ࡓࡀࡆ ࡆࡉࡓࡀ ࡊࡅࡋࡇ ࡁࡀࡓࡁࡉࡀ ࡔࡊࡉࡍࡀࡕࡀ ࡀࡉࡕࡇ ࡄࡃࡀ ࡄࡀࡕࡌࡀ ࡏࡕࡀࡕࡍࡀ ࡏࡋࡇ ࡖࡄࡅ ࡆࡌࡀ ࡅࡔࡊࡉࡍࡀࡕ ࡋࡉࡁࡀ ࡅࡔ ࡅࡔࡊࡉࡍࡀࡕ ࡂࡉࡓࡌࡉࡀ ࡅࡔࡊࡉࡍࡀࡕ ࡔࡉࡓࡉࡀࡍࡉࡀ ࡅࡔࡊࡉࡍࡀࡕ ࡌࡀࡓࡁࡀ ࡄࡀࡋࡉࡍ ࡀࡓࡁࡉࡀ ࡔࡊࡉࡍࡀࡕࡀ ࡖࡆࡌࡀ ࡁࡂࡀࡅࡀࡉࡄࡅࡍ ࡋࡀࡄࡀࡃࡀࡓ ࡏࡅࡑࡈࡅࡍࡀ ࡋࡀࡕࡀࡒࡅࡍ ࡅࡋࡀࡍࡀࡄࡀࡓ ࡞ ࡗ ࡏࡃࡀ ࡍࡀࡔࡒࡉࡀ ࡌࡉࡍࡃࡀࡌ ࡋࡃࡅࡊࡕࡇ ࡄࡕࡀࡌ࡞ ࡅࡗ ࡀࡕࡍࡀ ࡋࡉࡂࡓࡇ ࡋࡂࡉࡃࡀ ࡖࡉࡀࡓࡃࡍࡀ ࡅࡎࡋࡉࡒ ࡔࡉࡋࡌࡀࡉ ࡅࡍࡉࡃࡁࡀࡉ ࡔࡓࡉࡍ ࡁࡉࡀࡓࡃࡍࡀ ࡖࡄࡉࡍࡅࡍ ࡀࡉࡍࡀࡍࡉࡀࡕࡀ ࡖࡌࡓࡀࡅࡓࡉࡁࡉࡍ ࡅࡍࡉࡔࡉࡌ^ࡀ^ࡕࡀ ࡄࡉࡍࡅࡍ ࡐࡀࡃࡉࡁࡓࡇ ࡖࡌࡀࡍࡃࡀ ࡖࡄࡉࡉࡀ ࡖࡌࡉࡕࡉࡒࡓࡉࡍ ࡅࡌࡁࡀࡓࡊࡉࡋࡇ ࡅࡀࡌࡓࡉࡋࡇ ࡏࡆࡉࡋ ࡈࡅࡐ ࡆࡉࡅࡀ ࡅࡍࡈࡅࡓ ࡖࡔࡀࡍࡉࡀ ࡏࡅࡑࡈࡋࡉࡀ࡞ ࡀࡌࡉࡍࡈࡅࡋ ࡖࡏࡅࡑࡈࡅࡍࡉࡀ ࡄࡀࡍࡀࡕࡅࡍ ࡖࡍࡈࡉࡓࡉࡋࡇ ࡖࡁࡀࡉࡉࡀ ࡌࡉࡄࡅࡉࡀ ࡌࡀࡋࡊࡀ ࡁࡂࡀࡅࡀࡉࡄࡅࡍ ࡅࡕࡀࡂࡉࡀ ࡄࡀࡍࡉࡊ ࡖࡁࡀࡉࡉࡀ ࡓࡁࡀ ࡌࡐࡀࡋࡂࡇ࡞ ࡗ ࡒࡀࡍࡉࡍࡀ ࡍࡀࡎࡉࡁ ࡁࡎࡌࡀࡋࡇ ࡁࡉࡀࡌࡉࡍࡇ ࡕࡋࡀࡕ ࡈࡅࡌࡅࡔࡉࡀࡕࡀ ࡀࡌࡉࡔࡋࡇ ࡅࡍࡀࡎࡉࡁ ࡌࡉࡀ ࡕࡋࡀࡕࡀ ࡆࡉࡁࡍࡉࡀ ࡌࡍ ࡀࡕࡅࡕࡉࡀ ࡌࡀࡓࡂࡍࡀ ࡓࡀࡆࡀ ࡖࡌࡀࡎࡒࡉࡕࡀ ࡁࡌࡀࡑࡁࡅࡕࡀ ࡐࡓࡀࡔࡁࡇ ࡅࡏࡕࡋࡀࡁࡀࡔࡁࡇ ࡅࡓࡀࡆ ࡌࡀࡑࡁࡅࡕࡀ ࡅࡏࡍࡂࡉࡓࡕࡀ ࡏࡕࡍࡀࡈࡀࡓ ࡊࡅࡋ ࡄࡀࡃ ࡄࡀࡃ ࡓࡀࡆࡀ ࡁࡍࡀࡐࡔࡉࡀ ࡏࡁࡀࡔࡒࡀࡓ ࡅࡁࡔࡊࡉࡍࡕࡀ ࡖࡍࡀࡐࡔࡉࡀ ࡍࡄࡀ࡞ ࡅࡗ ࡏࡍࡉࡀࡍࡀ ࡓࡀࡌࡉࡋࡇ ࡋࡉࡀࡓࡃࡍࡀ ࡅࡀࡌࡀࡓࡋࡇ ࡁࡓࡉࡔ ࡌࡉࡀ ࡍࡉࡐࡒࡉࡕ ࡅࡀࡍࡀ ࡄࡀࡊࡀ ࡖࡋࡂࡉࡃࡀ ࡉࡀࡕࡉࡁ ࡅࡔࡅࡕࡀ ࡒࡀࡓࡉࡀ ࡅࡗ ࡃࡉࡋࡇ ࡁࡓࡉࡔ ࡌࡉࡀ ࡍࡉࡐࡒࡉࡕ ࡄࡉࡁࡉࡋ ࡅࡔࡉࡕࡉࡋ ࡅࡀࡍࡅࡔ ࡁࡄࡀࡃ ࡋࡁࡅࡔࡀ ࡋࡅࡀࡕ ࡊࡅࡋࡄࡅࡍ ࡓࡁࡀ ࡅࡄࡀࡊ ࡔࡅࡀࡋࡉࡀ ࡒࡀࡉࡉࡌ ࡅࡀࡌࡓࡇ ࡏࡆࡉࡋ ࡎࡀࡃࡉࡓ ࡎࡉࡃࡓࡉࡀ ࡅࡏࡕࡍࡀࡈࡀࡓ ࡀࡌࡉࡍࡈࡅࡋ ࡖࡁࡄࡃࡀ ࡋࡁࡅࡔࡀ ࡕࡋࡀࡕࡀ ࡊࡅࡋࡄࡅࡍ ࡏࡅࡑࡓࡇ࡞ ࡗ ࡁࡓࡉࡊࡉࡕ ࡕࡉࡓࡀ ࡁࡀࡓࡀࡉࡀ ࡀࡌࡀࡓ ࡀࡉࡀࡓ ࡁࡀࡓࡀࡉࡀ ࡍࡐࡀࡑ ࡂࡀࡍࡐࡇ ࡅࡋࡒࡅࡃࡀࡌࡇ ࡒࡀࡌ ࡅࡋࡊࡅࡋࡄࡅࡍ ࡒࡉࡓࡉࡀࡕࡀ ࡖࡄࡔࡅࡊࡀ ࡌࡍ ࡒࡅࡃࡀࡌࡇ ࡓࡄࡉࡈ࡞ ࡄࡅࡀ ࡌࡁࡀࡓࡊࡉࡋࡇ ࡅࡌࡔࡀࡁࡉࡋࡇ ࡀࡌࡉࡍࡈࡅࡋ ࡖࡀࡉࡀࡓ ࡁࡀࡓࡀࡉࡀ ࡂࡀࡁࡓࡀ ࡍࡅࡊࡓࡀࡉࡀ ࡖࡄࡅ ࡊࡅࡋ ࡌࡉࡍࡃࡀࡌ ࡏࡋࡇ ࡏࡃࡇ ࡏࡕࡍࡀࡈࡀࡓ࡞ ࡗ ࡌࡀࡓࡂࡍࡀ ࡌࡍ ࡊࡀࡍࡆࡀࡋࡇ ࡌࡐࡀࡋࡉࡈ ࡅࡍࡀࡎࡉࡁࡋࡇ࡞ ࡅࡗ ࡋࡉࡂࡓࡇ ࡋࡂࡉࡃࡀ ࡀࡕࡍࡀ ࡅࡀࡌࡀࡓ ࡁࡔࡅࡌࡀ ࡖࡄࡉࡉࡀ ࡌࡍ ࡉࡀࡓࡃࡍࡀ ࡎࡉࡋࡒࡉࡕ ࡓࡅࡄࡀ ࡎࡀࡋࡒࡀ ࡌࡍ ࡏࡅࡌࡒࡀ ࡖࡏࡅࡑࡈࡅࡍࡀ ࡁࡍࡉ ࡁࡍࡉࡔࡉࡌࡕࡀ ࡖࡄࡏ ࡔࡉࡕࡉࡋ ࡌࡉࡕࡊࡀࡓࡊࡀ ࡅࡀࡌࡀࡓࡋࡇ ࡀࡍࡀࡕ ࡄࡅࡀࡕ ࡖࡊࡅࡔࡈࡀ ࡃࡅࡁࡓࡉࡍ ࡌࡉࡍࡉࡊ ࡁࡉࡋࡅࡀࡉࡕࡉࡊ ࡅࡗ ࡓࡌࡀ ࡋࡍࡅࡓࡀ ࡔࡉࡁࡉࡀࡄࡉࡀ ࡊࡅࡋࡄࡅࡍ ࡏࡅࡌࡒࡉࡀ ࡋࡂࡀࡈ࡞ ࡅࡗ ࡋࡌࡉࡔࡀ ࡍࡀࡎࡉࡁࡋࡇ ࡅࡆࡄࡀࡓࡀ ࡀࡌࡀࡓ ࡀࡅࡃࡉࡍ ࡁࡇ ࡁࡔࡅࡌࡀ ࡖࡄࡉࡉࡀ ࡍࡉࡔࡉࡌࡕࡀ ࡋࡅࡀࡕ ࡌࡀࡄࡆࡉࡕࡀ ࡓࡉࡄࡔࡀࡕ࡞ ࡗ ࡌࡉࡔࡀ ࡀࡍࡀࡕ ࡔࡉࡄࡀ ࡀࡌࡀࡓ ࡌࡀࡄࡆࡉࡕࡀ ࡁࡍࡉࡔࡉࡌࡕࡀ ࡍࡉࡄࡓࡀࡕ ࡌࡀࡄࡆࡉࡕࡀ ࡏࡕࡉࡁࡄࡉࡓ ࡌࡍ ࡊࡅࡋࡄࡅࡍ࡞ ࡗ ࡁࡔࡅࡌࡀ ࡖࡄࡉࡉࡀ ࡏࡕࡒࡀࡉࡀࡌࡕࡅࡍ ࡄࡉࡉࡀ ࡒࡀࡃࡌࡀࡉࡉࡀ ࡀࡌࡀࡓ ࡏࡅࡑࡈࡅࡍࡀ ࡅࡌࡀࡄࡆࡉࡕࡀ ࡁࡍࡉࡔࡉࡌࡕࡀ ࡏࡃࡀࡊࡉࡀ ࡞ ࡅࡕࡉࡁࡄࡉࡓ ࡌࡍ ࡊࡅࡋࡄࡅࡍ ࡅࡌࡍ ࡌࡉࡀ ࡅࡍࡈࡉࡈࡉࡀ ࡖࡏࡕࡁࡇ࡞ ࡗ {{ࡌࡍ}} ࡎࡌࡀࡋࡀ ࡖࡀࡔࡅࡀࡋࡉࡀ ࡒࡀࡌ ࡅࡓࡀࡔࡉࡌࡋࡇ ࡏࡋ ࡆࡉࡓࡀ ࡒࡀࡃࡌࡀࡉࡀ ࡃࡀࡊࡉࡀ ࡓࡅࡔࡅࡌࡀ ࡗ ࡓࡅࡔࡅࡌࡀ ࡕࡉࡍࡉࡀࡍࡀ ࡓࡀࡔࡉࡌࡋࡇ ࡁࡏࡑࡈࡅࡍࡀ ࡃࡀࡊࡉࡀ ࡓࡀࡔࡉࡌࡋࡇ࡞ ࡗ ࡓࡅࡔࡅࡌࡀ ࡕࡋࡉࡕࡀࡉࡀ ࡏࡋ ࡆࡉࡓࡀ ࡕࡋࡉࡕࡀࡉࡀ ࡃࡀࡊࡉࡀ ࡓࡉࡔ^ࡉ^ࡌࡋࡇ ࡞ ࡀࡌࡉࡍࡈࡅࡋ ࡖࡄࡀࡋࡉࡍ ࡕࡋࡀࡕࡀ ࡆࡉࡓࡉࡀ ࡅࡌࡀࡆࡓࡅࡕࡀ ࡖࡆࡌࡀ ࡅࡏࡅࡑࡈࡅࡍࡀ ࡖࡄࡉࡍࡅࡍ࡞ ࡅࡗ ࡔࡅࡌࡄࡀࡕࡀ ࡄࡀࡍࡉࡊ ࡊࡉࡎࡉࡀࡕࡀ ࡖࡁࡉࡀࡓࡃࡍࡀ ࡀࡃࡊࡀࡓ ࡏࡋࡇ ࡏࡋ ࡊࡅࡋ ࡄࡀࡃ ࡆࡅࡓࡐࡉࡍࡀ ࡀ ࡖࡏࡊࡀ ࡁࡐࡀࡂࡓࡇ ࡄࡃࡀ ࡄࡀࡕࡌࡀ ࡀࡕࡍࡀ ࡏࡋࡇ ࡄࡀࡃ ࡓࡅࡔࡌࡀ ࡓࡀࡔࡉࡌࡋࡇ ࡅࡗ ࡊࡅࡔࡈࡀ ࡐࡔࡀࡈ ࡌࡉࡍࡇ ࡅࡋࡉࡔࡀࡍࡇ ࡖࡄࡀࡍࡀࡕࡇ ࡔࡅࡀࡋࡉࡀ ࡁࡊࡅࡋࡄࡅࡍ ࡆࡄࡀࡓࡉࡀ ࡂࡀࡅࡀࡉࡉࡀ ࡏࡕࡋࡀࡁࡀࡔ࡞ ࡗ ࡐࡉࡄࡕࡀ ࡍࡀࡎࡉࡁ ࡁࡉࡀࡌࡉࡍࡇ ࡄࡀࡍࡀࡕࡇ ࡒࡀࡍࡉࡍࡀ ࡁࡎࡌࡀࡋࡇ ࡅࡆࡄࡀࡓࡀࡀ {{ࡂࡀࡅࡀࡉࡉࡀ}} ࡀࡌࡀࡓ ࡅࡋࡕࡌࡀࡍࡉࡀ ࡁࡀࡅࡀࡕࡀ ࡖࡐࡉࡄࡕࡀ ࡒࡀࡓࡉࡀ ࡄࡀࡍࡀࡕࡅࡍ ࡋࡕࡌࡀࡍࡉࡀ ࡕࡀࡓࡌࡉࡃࡉࡀ ࡖࡌࡀࡎࡉࡒࡕࡀ ࡁࡀࡋࡁࡅࡔࡀ ࡖࡄࡀࡍࡀࡕࡇ ࡔࡅࡀࡋࡉࡀ ࡍࡈࡀࡓࡉࡍࡅࡍ࡞ ࡗ ࡕࡀࡓࡕࡉࡍ ࡁࡀࡅࡀࡕࡀ ࡖࡌࡀࡌࡁࡅࡄࡀ ࡒࡀࡓࡉࡀ ࡅࡏࡋ ࡓࡀࡆࡉࡀ ࡓࡀࡆࡀ ࡖࡌࡀࡆࡓࡅࡕࡀ ࡅࡄࡀࡉࡕࡀ ࡁࡉࡔ^ࡀ^ࡕࡀ {{ࡄࡀࡉࡕࡀ ࡄࡀࡋࡁࡉࡔࡕࡀ}}࡞ ࡅࡗ ࡐࡉࡄࡕࡀ ࡏࡄࡀࡁࡋࡇ ࡅࡀࡊࡉࡋ ࡅࡔࡕࡀ ࡏࡋ ࡓࡉࡔࡀ ࡏࡎࡕࡉࡒࡉࡋ ࡍࡉࡔࡉࡌࡕࡇ ࡌࡍ ࡊࡅࡐࡍࡀ ࡎࡁࡀ࡞ ࡗ ࡌࡀࡌࡁࡅࡄࡀ ࡔࡀࡕࡉࡀ ࡓࡅࡔࡅࡌࡀ ࡓࡅࡄࡇ ࡃࡀࡊࡉࡀ ࡅࡓࡀࡆࡀ ࡄࡀࡊ ࡁࡀࡍࡄࡅࡓࡀ ࡁࡌࡉࡀ ࡒࡓࡉࡀ ࡅࡓࡀࡅࡆࡉࡀ ࡏࡑࡈࡉࡁࡀࡕ࡞ ࡗ ࡄࡀࡋࡀࡋࡕࡀ ࡔࡀࡕࡉࡀ ࡅࡏࡅࡑࡈࡅࡍࡀ ࡊࡅࡋࡇ ࡌࡍ ࡈࡀࡍࡐࡅࡕࡀ ࡏࡃࡀࡊࡉࡀ ࡅࡕࡐࡀࡓࡀࡒ ࡌࡍ ࡄࡀࡋࡀࡋࡕࡀ ࡕࡋࡉࡕࡀࡉࡕࡀ ࡀࡔࡉࡂ ࡀࡕࡅࡕࡉࡀ ࡌࡀࡓࡂࡍࡀ ࡏࡊࡁࡉࡔ ࡓࡀࡆࡀ ࡖࡏࡌࡇ ࡅࡏࡃࡀࡊࡉࡀ ࡅࡏࡃࡀࡋࡉࡀ ࡓࡀࡆࡀ ࡖࡀࡁࡅࡉࡀ࡞ ࡗ ࡊࡅࡔࡈࡀ ࡀࡌࡀࡓࡋࡇ ࡋࡓࡁࡇ ࡊࡅࡔࡈࡀ ࡀࡎࡉࡀࡊ {{ࡅࡒ}} ࡅࡒࡀࡉࡌࡀࡊ ࡅࡀࡌࡀࡓࡋࡇ ࡓࡁࡀ ࡁࡏ ࡅࡀࡔࡊࡀ ࡀࡌࡀࡓ ࡅࡔࡕࡌࡀ ࡄࡅ ࡅࡓࡁࡀ ࡁࡔࡅࡌࡀࡉࡄࡅࡍ ࡋࡈࡀࡅࡐࡉࡀ ࡌࡉࡀ ࡉࡀࡕࡉࡁ࡞ ࡗ ࡒࡅࡃࡀࡌ ࡓࡁࡇ ࡅࡀࡎࡅࡕࡀ ࡅࡆࡀࡊࡅࡕࡀ ࡀࡌࡀࡓ ࡏࡋࡇ ࡒࡀࡓࡉࡀ ࡗ ࡏࡄࡀࡁࡋࡇ ࡓࡀࡆࡉࡀ ࡖࡏࡅࡑࡈࡅࡍࡀ ࡄࡀࡃ ࡋࡄࡀࡁࡓࡇ ࡎࡉࡂࡉࡃࡋࡇ ࡅࡌࡔࡀࡁࡉࡋࡇ ࡅࡌࡁࡀࡓࡉࡊࡋࡇ࡞ ࡗ ࡏࡎࡉࡓࡀ ࡄࡕࡉࡌࡀ ࡑࡈࡀࡓࡕࡉࡀ ࡒࡀࡓࡉࡀ ࡏࡋࡇ ࡌࡀࡑࡁࡅࡕࡀ ࡊࡅࡋࡇ ࡍࡀࡄࡓࡀ ࡌࡉࡎࡕࡀࡃࡓࡀ ࡁࡂࡅࡋࡑ^ࡈ^ࡌࡀ ࡂࡀࡅࡀࡉࡀ ࡅࡔࡉࡕࡉࡍ ࡀࡎࡀࡓࡉࡀ ࡀࡎࡉࡒࡋࡇ࡞ ࡗ ࡁࡏࡅࡑࡀࡓ ࡄࡉࡉࡀ ࡒࡀࡓࡉࡀ ࡏࡋࡇ ^ࡓࡁࡀ^ ࡅࡀࡔࡅࡀࡋࡉࡀ ࡅࡌࡀࡑࡁࡅࡕࡀ ࡊࡅࡋࡇ ࡄࡀࡃ ࡄࡀࡕࡌࡀ ࡀࡕࡍࡀࡕ ࡏࡋࡀࡅࡀࡉࡄࡅࡍ࡞ ࡗ ࡏࡎࡉࡓࡀ ࡄࡕࡉࡌࡀ ࡓࡀࡁࡕࡉࡀ ࡒࡀ^ࡓ^ࡉࡀࡕࡋࡀ ࡔࡉࡕࡉࡍ ࡔࡅࡓࡉࡀ ࡖࡃࡌࡀࡎࡉࡀ ࡃࡀࡊࡉࡀ ࡌࡍ ࡓࡀࡆࡉࡇ ࡁࡉࡔࡉࡀ ^ࡀ^ࡄࡃࡀࡓࡋࡇ࡞ ࡗ ࡏࡕࡓࡉࡑࡕࡅࡍ ࡅࡏࡕࡒࡀࡉࡀࡌࡕࡅࡍ ࡒࡀࡓࡉࡀ ࡗ ࡀࡔࡅࡀࡋࡉࡀ ࡖࡏࡋ ࡋࡉࡂࡓࡇ ࡒࡀࡉࡉࡌ ࡈࡅࡋࡇ ࡋࡊࡅࡋࡄࡅࡍ ࡀࡋࡌࡉࡀ ࡖࡍࡄࡅࡓࡀ ࡏࡕࡀࡄࡆࡉࡀ ࡅࡋࡅࡀࡕ ࡏࡅࡕࡓࡉࡀ ࡏࡕࡒࡀࡉࡀࡌ࡞ ࡗ ࡀࡁࡀࡄࡀࡕࡀ ࡋࡀࡃࡊࡀࡓ࡞ ࡅࡗ ࡃࡓࡀࡁࡔࡀ ࡖࡌࡀࡄࡅ ࡀࡁࡀࡃࡋࡀࡊ ࡃࡀࡓࡉࡔ ࡅࡀࡌࡀࡓ ࡏࡅࡋࡑࡀࡍࡀ ࡖࡔࡉࡁࡉࡀࡄࡉࡀ ࡌࡉࡍࡇ ࡁࡀࡈࡉࡋ ࡄࡀࡔࡅࡁࡉࡀ ࡖࡌࡄࡀࡔࡁࡉࡍ ࡏࡋࡇ ࡌࡄࡀࡌࡁࡀࡋ࡞ ࡅࡗ ࡊࡌࡀ ࡔࡀࡐࡉࡓࡉࡀ ࡔࡉࡕࡋࡉࡀ ࡀࡌࡀࡓ ࡎࡉࡌࡀࡃࡓࡀ ࡔࡀࡍࡉࡀ ࡄࡀࡍࡀࡕࡇ ࡍࡉࡔࡉࡌࡕࡇ ࡖࡔࡅࡀࡋࡉࡀ ࡈࡀࡉࡍࡀ ࡅࡓࡉࡄࡇ ࡌࡀࡆࡉࡆ࡞ ࡅࡗ ࡀࡔࡀࡓ ࡑࡁࡀࡍ ࡑࡀࡁࡅࡉࡀࡉ ࡀࡌࡀࡓ ࡅࡗ ࡀࡌࡀࡓ ࡈࡅࡓࡀ ࡖࡂࡋࡀࡋࡀ ࡅࡓࡅࡄࡀ ࡁࡍࡉࡔࡉࡌࡕࡀ ࡅࡀࡉࡀࡓ ࡌࡉࡔࡕࡋࡀ࡞ ࡅࡗ ࡔࡉࡋࡌࡀࡉ ࡑࡁࡉࡍࡀ ࡁࡌࡀࡑࡁࡅࡕࡀ ࡀࡌࡀࡓ ࡄࡉࡁࡉࡋ ࡅࡔࡉࡕࡉࡋ ࡅࡀࡍࡅࡔ ࡏࡃࡀࡉࡄࡅࡍ ࡌࡀࡎࡉࡌࡉࡀ ࡏࡋࡇ࡞ ࡅࡗ ࡉࡀࡓࡃࡍࡀ ࡖࡑࡁࡉࡍࡀࡁࡇ ࡀࡌࡀࡓ ࡉࡀࡓࡃࡍࡀ ࡅࡕࡓࡉࡍ ࡊࡉࡐࡇ ࡖࡄࡅ ࡋࡉࡔࡀࡍࡀ ࡅࡎࡐࡉࡄࡀࡕࡀ ࡌࡀࡔࡓࡉࡀ ࡏࡋࡇ ࡊࡅࡔࡈࡀ ࡌࡍ ࡍࡉࡔࡉࡌࡕࡀ ࡐࡀࡔࡈࡉࡀ࡞ ࡗ ࡈࡀࡁ ࡏࡋࡊࡅࡍ ࡀࡌࡓࡉࡍࡀ ࡀࡌࡀࡓ ࡍࡉࡔࡉࡌࡕࡀ ࡋࡓࡅࡄࡀ ࡀࡌࡓࡀ ࡅࡀࡉࡋࡉࡊ ࡓࡅࡄࡀ ࡋࡀࡄࡆࡉࡕ ࡅࡋࡀࡐࡉࡓࡔࡉࡕ ࡏࡅࡁࡀࡃࡉࡀ ࡈࡀࡁࡉࡀ ࡅࡒࡉࡍࡇ ࡏࡋࡇ ࡀࡁࡀࡃࡕ ࡓࡅࡄࡉࡌࡕ ࡏࡅࡁࡀࡃࡉࡀ ࡎࡀࡉࡍࡉࡀ ࡆࡌࡀࡓࡀ ࡖࡔࡉࡄࡀ ࡆࡌࡀࡓࡕ ࡅࡊࡀࡍࡀࡐࡕࡀࡉࡍࡅࡍ ࡏࡋ ࡓࡀࡆࡉࡀ ࡊࡅࡋࡄࡅࡍ ࡅࡁࡔࡉࡁࡉࡀ ࡓࡁࡀ ࡔࡁࡀࡉࡕࡀࡉࡍࡅࡍ ࡅࡑࡋࡉࡕ ࡌࡍ ࡏࡅࡄࡓࡀ ࡖࡄࡉࡉࡀ ࡅࡌࡍ ࡊࡅࡃࡊࡀ ࡖࡓࡁࡉࡀ ࡅࡀࡌࡓࡉࡕ ࡋࡓࡀࡆࡉࡀ ࡊࡅࡋࡄࡅࡍ ࡀࡍࡀ ࡃࡉࡋࡊࡅࡍ ࡓࡀࡌࡉࡍࡀࡋࡇ ࡋࡍࡉࡔࡉࡌࡕࡀ ࡅࡁࡄࡀࡁࡀࡓࡀ ࡂࡀࡄࡉࡀ ࡋࡀࡕࡉࡃࡀࡋࡉࡀ ࡏࡋࡀࡅࡀࡉ ࡅࡋࡀࡐࡓࡀࡔࡕࡉࡍ ࡏࡋ ࡁࡀࡋࡀࡊ ࡋࡀࡍࡎࡀࡁࡕࡀࡊ ࡖࡀࡍࡀ ࡌࡀࡍ ࡀࡍࡀ࡞ ࡔࡀࡌࡁࡉࡁࡉࡀ ࡖࡆࡉࡅࡀ ࡉࡀࡒࡉࡃ ࡒࡅࡃࡀࡌࡀࡉࡄࡅࡍ ࡖࡁࡍࡉࡀ ࡀࡍࡀࡔࡉࡀ ࡅࡌࡀࡍࡄࡀࡓࡋࡅࡍ ࡗ ࡁࡀࡉࡉࡍ ࡖࡍࡉࡍࡎࡁࡉࡍ ࡀࡉࡀࡓ ࡁࡂࡀࡅࡀࡉࡀ ࡌࡉࡕࡋࡀࡁࡀࡔ ࡖࡄࡅ ࡋࡁࡅࡔࡉࡀ ࡌࡍ ࡀࡉࡍࡀࡉࡄࡅࡍ ࡏࡕࡉࡊࡎࡉࡕ ࡅࡗ ࡐࡀࡂࡓࡀ ࡖࡁࡀࡋࡁࡅࡔࡉࡀ ࡅࡊࡎࡅࡉࡀࡉ ࡌࡉࡊࡀࡎࡉࡀ ࡀࡍࡀࡕ ࡓࡅࡄࡀ ࡒࡉࡍࡇ ࡏࡋࡀࡍ {{ࡋࡀࡕࡉࡋࡂࡀࡈ}} ࡋࡀࡕࡉࡋࡂࡀࡈ ࡀࡌࡉࡍࡈࡅࡋ ࡖࡍࡀࡄࡓࡉࡕࡅࡍ ࡄࡀࡉࡉࡕࡅࡍ ࡁࡂࡀࡅࡀࡉ ࡗ ࡀࡍࡀ ࡌࡍ ࡁࡉࡍࡀࡕࡀࡉࡊࡅࡍ ࡏࡐࡅࡒ ࡀࡍࡀࡕࡅࡍ ࡄࡀࡔࡊࡉࡕࡅࡍ ࡄࡀࡁࡀࡓࡀ ࡔࡊࡉࡍࡕࡀࡉࡊࡅࡍ ࡍࡉࡕࡉࡌࡋࡉࡀ ࡗ ࡁࡄࡀࡁࡀࡓࡀ ࡉࡀࡕࡁࡉࡕࡅࡍ ࡅࡁࡀࡊࡉࡕࡅࡍ ࡏࡋ ࡍࡄࡅࡓࡀ ࡖࡄࡅࡀ ࡏࡋࡀࡅࡀࡉࡊࡅࡍ࡞ ࡄࡀࡉࡆࡀࡊ ࡓࡅࡄࡀ ࡁࡀࡊࡉࡀ ࡅࡁࡍࡉࡔࡉࡌࡕࡀ ࡌࡉࡕࡊࡀࡓࡊࡀ ࡅࡀࡌࡓࡀ ࡖࡀࡁࡀࡓࡍࡉࡍ ࡖࡋࡀࡊࡀࡔࡀࡓ ࡄࡀࡈࡀࡉࡉࡀ ࡊࡀࡃࡉࡓࡉࡀ ࡀࡎࡉࡁࡍࡉࡍ ࡏࡋ ࡍࡀࡐࡔࡀࡍ ࡀࡍࡀࡕ ࡀࡄࡀࡕ ࡖࡊࡅࡔࡈࡀ ࡄࡀࡔࡕࡀ ࡋࡀࡍࡉࡁࡀࡃ ࡀࡍࡀࡕ ࡃࡅࡁࡓࡉࡍ ࡌࡉࡍࡉࡊ ࡁࡉࡋࡅࡀࡉࡕࡉࡊ ࡖࡋࡀࡍࡉࡌࡅࡕ ࡁࡄࡀࡆࡉࡍ ࡃࡅࡊࡕࡀ࡞ ࡅࡗ ࡕࡀࡓࡌࡉࡃࡀ ࡀࡍࡀ ࡄࡀࡃࡕࡀ ࡀࡌࡀࡓ ࡕࡀࡂࡀ ࡖࡄࡅ ࡍࡉࡔࡉࡌࡕࡀ ࡋࡊࡅࡋࡄࡅࡍ ࡓࡀࡆࡉࡀ ࡖࡓࡅࡄࡀ ࡅࡐࡀࡂࡓࡀ ࡌࡆࡀࡄࡀࡓࡋࡅࡍ ࡅࡀࡌࡓࡀࡋࡅࡍ ࡀࡍࡀࡕࡅࡍ ࡁࡍࡀࡉ ࡌࡍ ࡃࡉࡋࡉࡀ {{ࡖ࡞}} ࡖࡋࡀࡕࡉࡓࡉࡄࡒࡅࡍ ࡅࡌࡉࡍࡇ ࡊࡋࡀࡋࡀࡉ ࡖࡀࡎࡀ ࡋࡀࡕࡉࡐࡀࡓࡒࡅࡍ࡞ ࡗ ࡁࡓࡉࡊࡉࡀ ࡅࡌࡔࡀࡁࡉࡀ ࡄࡉࡉࡀ ࡓࡀࡁࡕࡉࡀ ࡀࡌࡀࡓ ࡀࡉࡀࡓ ࡃࡀࡊࡉࡀ ࡂࡀࡐࡍࡇ ࡏࡋ ࡄࡀࡍࡀࡕࡇ ࡔࡅࡀࡋࡉࡀ ࡐࡀࡓࡎࡅࡉࡀ ࡕࡋࡀࡕࡌࡀ ࡅࡔࡉࡕࡉࡍ ࡋࡁࡅࡔࡉࡀ ࡖࡆࡉࡅࡀ ࡅࡍࡄࡅࡓࡀ ࡅࡏࡒࡀࡓࡀ ࡌࡀࡋࡁࡉࡔࡉࡋࡇ࡞ ࡅࡗ ࡏࡋ ࡀࡓࡒࡀ ࡌࡀࡓࡁࡉࡊ ࡅࡀࡔࡅࡀࡋࡉࡀ࡞ ࡅࡊࡅࡋࡄࡅࡍ ࡓࡀࡆࡉࡀ ࡖࡐࡀࡂࡓࡉࡀ ࡔࡀࡁࡉࡕࡀ ࡋࡍࡉࡔࡉࡌࡕࡀ ࡏࡋࡀࡅࡀࡉࡄࡅࡍ ࡉࡀࡕࡁࡉࡀ ࡞ ࡗ ࡈࡀࡁ ࡈࡀࡁࡀ ࡋࡈࡀࡁࡇ ࡀࡌࡀࡓ ࡅࡏࡋ ࡋࡉࡂࡓࡇ ࡒࡀࡉࡉࡌ ࡓࡀࡆࡀ ࡆࡉ ࡓࡀࡆࡉࡇ ࡏࡋ ࡃࡅࡊࡕࡇ ࡕࡓࡉࡑࡀ ࡅࡕࡋࡀࡕࡌࡀ ࡄࡀࡕࡌࡉࡀ ࡏࡋࡀࡅࡀࡉࡄࡅࡍ ࡀࡕࡍࡀ ࡖࡄࡅ ࡔࡀࡉࡉࡋ ࡊࡅࡋࡄࡅࡍ ࡏࡅࡕࡓࡉࡀ ࡖࡀࡓࡒࡀ ࡌࡀࡃࡉࡒࡉࡀ ࡏࡋࡇ ࡅࡌࡁࡀࡓࡊࡉࡋࡇ ࡅࡀࡓࡒࡀ ࡖࡍࡄࡅࡓࡀ ࡌࡎࡀࡊࡉࡋࡇ ࡖࡍࡉࡕࡉࡀ ࡅࡍࡉࡃࡓࡉࡊ ࡏࡋࡇ࡞ ࡅࡊࡅࡔࡈࡀ ࡌࡉࡍࡇ ࡐࡀࡔࡉࡈ ࡅࡀࡌࡀࡓࡋࡇ ࡀࡎࡉࡍࡊࡅࡍ ࡏࡅࡕࡓࡉࡀ ࡀࡄࡀࡉ ࡓࡉࡄࡀ ࡁࡊࡅࡋࡄࡅࡍ ࡀࡋࡌࡉࡀ ࡖࡍࡄࡅࡓࡀ ࡅࡀࡋࡌࡉࡀ ࡖࡄࡔࡅࡊࡀ ࡌࡀࡍࡆࡉࡆ ࡅࡔࡉࡁࡉࡀࡄࡉࡀ ࡊࡅࡋࡄࡅࡍ ࡁࡁࡊࡉࡕࡀ ࡅࡁࡕࡉࡍࡉࡄࡕࡀ ࡉࡀࡕࡁࡉࡀ ࡏࡋࡇ࡞ ࡅࡗ ࡀࡌࡀࡓ ࡊࡅࡔࡈࡀࡊ ࡍࡉࡄࡅࡉࡀ ࡎࡀࡄࡃࡀࡊ ࡅࡆࡉࡃࡒࡀࡊ ࡍࡉࡄࡅࡉࡀ ࡐࡀࡓࡅࡀࡍࡒࡀࡊ ࡁࡅࡕࡀࡊ ࡅࡕࡅࡔࡁࡉࡄࡀࡊ ࡕࡉࡒࡅࡌ ࡁࡌࡀࡈࡅࡕ ࡏࡋࡀࡊ ࡏࡋࡀࡊ ࡕࡀࡂࡀ ࡅࡊࡋࡉࡋࡀ ࡅࡉࡀࡓࡃࡍࡀ ࡅࡕࡓࡉࡍ ࡊࡉࡐࡇ ࡎࡀࡄࡃࡉࡀ ࡄࡀࡅࡉࡋࡀ ࡋࡍࡉࡔࡉࡌࡕࡀ࡞ ࡅࡗ ࡀࡌࡀࡓ ࡀࡁࡀࡃࡍࡀ ࡋࡈࡀࡁࡅࡕ ࡓࡁࡉࡀ ࡅࡎࡀࡃࡀࡓࡍࡀ ࡋࡓࡀࡄࡌࡅࡕࡊࡅࡍ ࡌࡍ ࡓࡉࡔ ࡁࡓࡉࡔ ࡒࡓࡀ^ࡉ^ࡍࡇ ࡋࡉࡀࡓࡃࡍࡀ ࡓࡁࡀ ࡖࡌࡉࡀ ࡄࡉࡉࡀ ࡅࡋࡕࡋࡀࡕࡌࡀ ࡅࡔࡉࡕࡉࡍ ࡉࡀࡓࡃࡍࡉࡀ ࡖࡄࡅ ࡄࡉࡁࡉࡋ ࡆࡉࡅࡀ ࡁࡂࡀࡅࡀࡉࡄࡅࡍ ࡏࡑࡈࡁࡀ ࡅࡀࡌࡀࡓࡋࡇ ࡉࡀ ࡍࡉࡔࡉࡌࡕࡀ ࡏࡆࡃࡀࡄࡀࡓ ࡏࡆࡃࡀࡄࡀࡓ ࡌࡍ ࡏࡁࡃࡀࡕࡀ ࡎࡀࡉࡍࡀࡕࡀ ࡖࡄࡅ ࡂࡀࡅࡓࡀ ࡅࡂࡅࡍࡁࡀ ࡄࡀࡓࡔࡉࡀ ࡌࡍ ࡎࡀࡄࡃࡅࡕࡀ ࡖࡏࡐࡉࡊࡕࡀ ࡅࡌࡍ ࡓࡁࡅࡕࡀ ࡅࡌࡄࡀࡔࡀࡁࡀࡕࡀ ࡌࡉࡕࡆࡀࡄࡀࡓ ࡍࡀࡐࡔࡀࡊ ࡀࡋࡌࡀ ࡄࡀࡆࡉࡍ ࡃࡅࡊࡕࡀ࡞ ࡓࡅࡄࡀ ࡂࡃࡅࡋࡇ ࡁࡓࡉࡔࡀ ࡎࡀࡕࡓࡀ ࡅࡀࡉࡋࡀࡊ ࡏࡋ ࡀࡁࡅࡉࡀ ࡒࡀࡔࡉࡔࡀ ࡖࡍࡉࡔࡉࡌࡕࡀ ࡌࡉࡍࡀࡊ ࡔࡅࡀࡓ ࡅࡊࡅࡋࡄࡅࡍ ࡄࡅࡔࡁࡀࡉ ࡀࡁࡀࡓ ࡞ ࡅࡗ ࡀࡌࡀࡓ ࡁࡔࡅࡌࡀ ࡖࡄࡉࡉࡀ ࡀࡍࡀ ࡋࡄࡉࡉࡀ ࡒࡀࡃࡌࡀࡉࡉࡀ ࡎࡀࡂࡉࡃࡍࡀ ࡅࡀࡌࡀࡓ ࡓࡀࡄࡌࡉࡀ ࡁࡀࡉࡉࡍࡀ ࡔࡓࡀࡂࡉࡀ ࡖࡆࡉࡅࡀ ࡋࡄࡀࡍࡉࡊ ࡓࡀࡆࡉࡀ ࡀࡕࡀࡋࡉࡀ ࡅࡀࡍࡄࡉࡓࡉࡍࡅࡍ ࡖࡋࡀࡍࡉࡄࡔࡅࡊࡅࡍ ࡅࡗ ࡀࡌࡀࡓ ࡌࡔࡀࡁࡉࡍ ࡄࡉࡉࡀ ࡒࡀࡃࡌࡀࡉࡀ ࡅࡀࡌࡀࡓ ࡖࡀࡁࡀࡄࡀࡕࡀࡍ ࡅࡓࡀࡁࡀࡍࡀࡍ ࡀࡍࡀ ࡄࡅ ࡌࡀࡓࡀ ࡖࡓࡀࡁࡅࡕࡀ ࡌࡀࡃࡉࡒࡍࡀ ࡏࡋࡇ ࡅࡗ ࡏࡕࡓࡉࡑࡕࡅࡍ ࡅࡏࡕࡒࡀࡉࡀࡌࡕࡅࡍ ࡀࡌࡀࡓ ࡀࡍࡀࡍࡀ ࡃࡀࡊࡉࡕࡀ ࡏࡅࡑࡈࡋࡉࡀ ࡁࡀࡄࡉࡓࡋࡇ ࡁࡎࡀࡐࡈࡉࡀ ࡖࡆࡉࡅࡀ ࡊࡀࡎࡉࡀࡋࡅࡍ ࡅࡀࡌࡀࡓࡀࡍ ࡏࡉࡕ ࡉࡅࡌࡀ ࡄࡀࡅࡉࡀ ࡖࡍࡉࡕࡉࡀ ࡅࡁࡔࡊࡉࡍࡕࡀࡍ ࡍࡉࡃࡀࡓ࡞ ࡅࡗ ࡋࡓࡉࡔ ࡀࡉࡀࡓ ࡅࡋࡔࡅࡌࡀࡊ ࡀࡓࡒࡀ ࡖࡍࡄࡅࡓࡀ ࡀࡌࡀࡓ ࡏࡕࡀࡓࡀࡁ ࡓࡀࡄࡌࡇ ࡁࡓࡀࡄࡌࡉࡀ ࡖࡀࡔࡅࡀࡋࡉࡀ࡞ ࡏࡕࡀࡓ ࡄࡀࡍࡀࡕࡇ ࡓࡀࡄࡌࡉࡀ ࡖࡔࡀࡁࡀ ࡔࡀࡉࡉࡀ ࡖࡁࡀࡉࡉࡀ ࡌࡉࡁࡉࡍࡅࡍ ࡀࡔࡅࡀࡋࡉࡀ࡞ ࡗ ࡁࡓࡉࡊࡉࡀ ࡅࡌࡔࡀࡁࡉࡀ ^ࡄࡉࡉࡀ^ ࡀࡌࡀࡓ ࡀࡉࡀࡓ ࡁࡀࡓࡀࡉࡀ ࡒࡅࡃࡀࡌࡇ ࡒࡀࡉࡉࡌ ࡅࡀࡌࡀࡓ ࡀࡍࡀ ࡄࡅ ࡃࡀࡉࡀࡍࡀࡊ ࡃࡉࡍࡀ ࡌࡍ ࡓࡉࡃࡐࡀࡊ࡞ ࡗ ࡈࡀࡁ ࡈࡀࡁࡀ ࡋࡈࡀࡁࡇ ࡀࡌࡀࡓ ࡔࡀࡓࡉࡀ ࡀࡁࡀࡄࡀࡕࡀ ࡒࡀࡃࡌࡀࡉࡉࡀ ࡅࡍࡉࡔࡉࡌࡕࡀ ࡗ ࡌࡀࡐࡓࡀࡔ ࡁࡓࡉࡔ ࡖࡄࡀࡆࡉࡍ ࡀࡐࡓࡉࡔࡀࡕࡀ ࡊࡅࡋ ࡌࡉࡍࡃࡀࡌ ࡏࡕࡒࡅࡍ ࡞ ࡗ ࡐࡉࡄࡕࡀ ^ࡅࡌࡀࡌࡁࡅࡄࡀ ࡍࡀࡎࡉࡁ ࡅࡒࡀࡓࡉࡀ ࡕࡌࡀࡍࡉࡀ ࡁࡀࡅࡀࡕࡀ ࡖࡐࡉࡄࡕࡀ^ ࡋࡐࡉࡄࡕࡀ ࡅࡕࡀࡓࡕࡉࡍ ࡁࡀࡅࡀࡕࡀ ࡖࡌࡀࡌࡁࡅࡄࡀ ^ࡅࡌࡀࡌࡁࡅࡄࡀ^ ࡍࡀࡎࡉࡁ ࡅࡒࡀࡓࡉࡀ ࡕࡌࡀࡍࡉࡀ ࡁࡀࡅࡀࡕࡀ ࡖࡐࡉࡄࡕࡀ ࡋࡐࡉࡄࡕࡀ ࡅࡕࡀࡓࡕࡉࡍ ࡁࡀࡅࡀࡕࡀ ࡌࡀࡌࡁࡅࡄࡀ ࡋࡌࡀࡌࡁࡅࡄࡀ ࡅࡀࡊࡀࡋ ࡐࡉࡄࡕࡀ ࡅࡔࡕࡀ ࡌࡀࡌࡁࡅࡄࡀ ࡅࡃࡓࡀ ࡄࡀࡋࡀࡋࡕࡀ ࡅࡀࡌࡀࡓ ࡏࡕࡉࡌࡋࡅࡍ ࡄࡉࡉࡀ ࡅࡔࡊࡉࡍࡉࡀ ࡄࡉࡉࡀ ࡅࡆࡉࡅࡀ ࡋࡀࡕࡓࡇ ࡎࡀࡋࡉࡒ ࡅࡓࡉࡄࡀ ࡁࡀࡎࡉࡌࡀ ࡊࡅࡋ ࡌࡉࡍࡃࡀࡌ ࡁࡔࡊࡉࡍࡕࡉࡀ ࡁࡀࡔࡒࡀࡓ ࡅࡗ ࡈࡀࡁ ࡈࡀࡁࡀ ࡋࡈࡀࡁࡇ ࡀࡌࡀࡓ ࡅࡀࡌࡀࡓ ࡌࡔࡀࡁࡀ ࡆࡉࡅࡀ ࡓࡁࡀ ࡒࡀࡃࡌࡀࡉࡀ ࡊࡅࡋࡄࡅࡍ ࡏࡅࡕࡓࡉࡀ ࡖࡀࡓࡒࡀ ^ࡖࡍࡄࡅࡓࡀ^ ࡁࡁࡅࡕࡀ ࡅࡕࡔ ࡅࡕࡅࡔࡁࡉࡄࡕࡀ ࡒࡀࡉࡌࡉࡀ ࡏࡋࡇ ࡅࡀࡌࡓࡉࡀ ࡈࡅࡁࡀ^ࡊ^ ࡈࡅࡁࡀࡊ ࡖࡍࡐࡀࡒࡕ ࡅࡕࡉࡕࡉࡀ ࡋࡅࡀࡕࡀࡍ࡞ ࡗ ࡔࡅࡋࡕࡀ ࡔࡀࡉࡉࡋ ࡋࡍࡀࡐࡔࡉࡀ ࡅࡊࡅࡋࡄࡅࡍ ࡍࡀࡈࡓࡉࡀ ࡖࡔࡓࡉࡍ ࡋࡅࡀࡕࡇ ࡍࡀࡈࡓࡉࡋࡇ ࡋࡅࡀࡕࡇ ࡅࡗ ࡊࡅࡔࡈࡀ ࡐࡀࡔࡉࡈ^ ࡌࡍ ࡔࡂࡀࡍࡃࡀ ࡅࡍࡀࡔࡒࡉࡍ ࡏࡃࡀࡉࡅࡍ ࡀࡁࡀࡕࡅࡓ ࡓࡀࡌࡀ ࡍࡀࡎࡉࡁࡋࡇ ࡏࡋ ࡄࡀࡍࡀࡕࡇ ࡊࡅࡔࡈࡀ ࡅࡍࡀࡈࡀࡓࡋࡇ ࡋࡄࡀࡍࡀࡕࡇ ࡞ ࡅࡗ ࡁࡆࡉࡅ ࡖࡍࡐࡉࡔ ࡀࡌࡀࡓ ࡊࡀࡍࡆࡀࡋࡇ ࡔࡀࡓࡉࡀ ࡓࡀࡆࡀ ࡓࡀࡆࡀ ࡋࡃࡅࡊࡕࡇ ࡍࡄࡀ࡞ ࡅࡗ ࡊࡅࡔࡈࡀ ࡀࡎࡉࡀࡊ ࡊࡅࡔࡈࡀ ࡀࡎࡉࡀࡊ ࡀࡌࡀࡓ ࡌࡉࡍࡃࡀࡌ ࡌࡍ ࡔࡉࡓࡉࡀࡕࡀ ࡋࡀࡌࡀࡓ ࡀࡍࡕࡀ ࡋࡕࡀࡂࡇ ࡅࡀ^ࡅ^ࡒࡓࡇ࡞ ࡗ ࡓࡀࡌࡉࡍ ࡒࡀࡋࡀ ࡁࡔࡂࡀࡍࡃࡀ ࡖࡍࡀࡉࡕࡅࡍ lࡏࡅࡑࡈࡋࡉࡀ ࡊࡅࡋࡄࡅࡍ ࡏࡅࡕࡓࡉࡀ ࡅࡀࡍࡀࡍࡉࡀ ࡄࡀࡃࡉࡍ ࡅࡔࡉࡁࡉࡀࡄࡉࡀ ࡏࡅࡌࡒࡉࡀ ࡋࡀࡂࡈࡉࡍ ࡗ ࡔࡀࡄࡋࡉࡋࡇ ࡋࡁࡅࡔࡉࡀ ࡖࡁࡂࡀࡅࡀࡉࡄࡅࡍ ^ࡏࡑࡈࡁࡀ^ {{ࡍࡈࡉࡓࡀ ^ࡅࡋࡁࡅࡔࡉࡀ^࡞ ࡔࡋࡀ}} ࡋࡁࡅࡔࡀ ࡖࡄࡀࡃࡕࡉࡀ ࡖࡄࡉࡍࡅࡍ ࡍࡅࡊࡓࡀࡉࡉࡀ ࡖࡌࡀࡋࡊࡅࡕࡀ ࡁࡂࡀࡅࡀࡉࡄࡅࡍ ࡍࡈࡉࡓࡀ࡞ ࡔࡋࡀ ࡋࡁࡅࡔࡉࡀ ࡖࡌࡀࡍࡃࡀࡉࡅࡕࡀ ࡅࡋࡁࡅࡔࡀ ࡖࡕࡀࡓࡌࡀࡃࡅࡕࡀ ࡋࡁࡀࡔ ࡞ ࡗ ࡎࡉࡕࡀࡓࡀ ࡍࡂࡀࡃࡋࡇ ࡏࡋ ࡓࡉࡔࡉࡀ ࡓࡅࡄࡀ ࡅࡔࡉࡁࡉࡀࡄࡉࡀ ࡒࡀࡋࡀ ࡁࡒࡉࡓࡉࡀࡕࡅࡍ ࡌࡒࡀࡓࡉࡍ ࡅࡀࡌࡓࡉࡀ ࡏࡆࡉࡋ ࡓࡐࡉࡋࡉࡀ ࡕࡉࡕࡀࡉࡀ ࡋࡂࡀࡈ ࡌࡍ ࡄࡀࡆࡉࡍ ࡂࡀࡁࡓࡀ ࡍࡅࡊࡓࡀࡉࡀ ࡖࡏࡋࡀࡅࡀࡉࡀࡍ ࡏࡔࡕࡀࡋࡀࡈ࡞ ࡗ ࡋࡁࡀࡔ ࡊࡅࡋࡄࡅࡍ {{ࡋࡂࡉࡈ ࡌࡍ ࡄࡀࡆࡉࡍ ࡂࡀࡁࡓࡀ ࡍࡅࡊࡓࡀࡉࡀ}} ࡌࡀࡍࡉࡀ ࡃࡀࡊࡉࡀ ࡅࡀࡎࡀࡓ ࡄࡉࡌࡉࡀࡍࡀ ࡖࡍࡉࡔࡉࡌࡕࡀ ࡄࡀࡃࡉࡀ ࡎࡀࡄࡒࡀ ࡂࡀࡉࡀ ࡅࡌࡉࡕࡐࡀࡓࡐࡀ ࡗ ࡔࡅࡁࡀ ࡋࡓࡁࡇ ࡉࡀࡄࡁࡋࡇ ࡍࡉࡔࡉࡌࡕࡀ ࡖࡓࡁࡇ ࡄࡀࡆࡉࡀࡋࡇ ࡅࡐࡀࡓࡔࡀࡋࡇ ࡏࡋ ࡍࡉࡔࡉࡌࡕࡀ ࡖࡔࡅࡀࡋࡉࡀ ࡅࡔࡋࡀࡌࡀ ࡉࡀࡄࡁࡋࡇ ࡅࡌࡁࡀࡓࡉࡊࡀࡋࡇ ࡅࡀࡌࡀࡓࡋࡇ ࡄࡃࡀࡉ ࡄࡃࡉࡁࡅࡍ ࡁࡄࡀࡋࡉࡍ ࡋࡁࡅࡔࡉࡀ ࡖࡏࡋ ࡃࡉࡋࡀࡊ ࡏࡅࡑࡈࡀࡓࡀࡓ ࡄࡃࡀࡉ ࡄࡃࡉࡁࡅࡍ ࡁࡌࡀࡋࡊࡅࡕࡀ ࡖࡏࡄࡀࡁࡋࡀࡊ࡞ ࡗ ࡏࡍࡉࡀࡍࡀ ࡓࡀࡌࡉࡋࡅࡍ ࡏࡅࡕࡓࡉࡀ ࡋࡄࡀࡍࡀࡕࡇ ࡃࡓࡀࡁࡔࡀ ࡅࡍࡉࡎࡁࡅࡉࡀ ࡅࡋࡔࡊࡉࡍࡕࡀ ࡀࡉࡋࡅࡉࡀ ࡋࡄࡀࡍࡀࡕࡇ ࡒࡀࡋࡇ ࡀࡆࡀࡋ ࡅࡁࡆࡀ ࡓࡒࡉࡄࡉࡀ ࡒࡅࡃࡀࡌ ࡓࡁࡉࡀ ࡁࡔࡊࡉࡍࡀࡕࡅࡍ ࡍࡐࡀࡒ ࡅࡀࡌࡀࡓ ࡄࡃࡅࡍ ࡖࡀࡉࡀࡓ ࡎࡀࡃࡓࡀ ࡋࡊࡅࡋࡇ ࡌࡀࡋࡊࡅࡕࡀ ࡄࡉࡍࡉࡋࡀ ࡀࡍࡉࡕࡅࡍ ࡎࡀࡃࡓࡅ ࡅࡀࡎࡒࡅ ࡁࡆࡀࡊࡅ ࡋࡀࡕࡀࡓ ࡍࡄࡅࡓ࡞ ࡅࡗ ࡄࡀࡍࡀࡕࡅࡍ ࡕࡀࡂࡀࡀ {{ࡅࡍࡉࡎࡁࡇ}} ࡁࡉࡀࡌࡉࡍࡇ ࡅࡍࡉࡎࡁࡇ ࡋࡕࡀࡂࡀ ࡖࡀࡔࡅࡀࡋࡉࡀ ࡅࡀࡕࡍࡀ ࡋࡊࡅࡋࡄࡅࡍ ࡕࡀࡂࡉࡀ ࡅࡍࡉࡎࡁࡇ ࡋࡀࡔࡅࡀࡋࡉࡀ ࡁࡉࡀࡌࡉࡍࡇ ࡅࡋࡔࡊࡉࡍࡕࡀ ࡀࡆࡀࡋ ࡁࡁࡀࡁࡀ ࡖࡔࡊࡉࡍࡕࡀ ࡒࡀࡌ ࡀࡌࡀࡓ ࡀࡎࡅࡕࡀ ࡕࡉࡄࡅࡉࡋࡊࡅࡍ ࡉࡀ ࡏࡅࡕࡓࡉࡀ ࡀࡄࡀࡉ ࡄࡉࡍࡅࡍ ࡀࡌࡀࡓ ࡈࡀࡁࡅࡕࡀ ࡅࡁࡓࡉࡊࡕࡀ ࡕࡉࡄࡅࡉࡋࡀࡊ࡞ ࡄࡅ ࡀࡕࡍࡀ ࡅࡀࡌࡀࡓ ࡍࡄࡅࡓ ࡅࡁࡎࡅࡌ ࡏࡅࡕࡓࡉࡀ ࡅࡌࡀࡋࡊࡉࡀ {{ࡁ࡞}} ࡁࡔࡊࡉࡍࡀࡕࡅࡍ࡞ ࡄࡉࡍࡅࡍ ࡀࡌࡀࡓ ࡌࡉࡕࡉࡀ ࡖࡄࡉࡁࡉࡋ ࡆࡉࡅࡀ ࡋࡔࡊࡉࡍࡕࡇ ࡀࡌࡉࡍࡈࡅࡋ ࡖࡄࡉࡁࡉࡋ ࡆࡉࡅࡀ ࡀࡉࡀࡓ ࡃࡀࡊࡉࡀ ࡄࡅ ࡄࡅ ࡓࡁࡀ ࡅࡀࡔࡅࡀࡋࡉࡀ ࡖࡄࡅ ࡍࡉࡔࡉࡌࡕࡀ࡞ ࡄࡀࡉࡆࡀࡊ ࡃࡓࡀࡔ ࡃࡓࡀࡔࡉࡀ ࡖࡗ ࡀࡆࡀࡋ ࡁࡄࡉࡓࡀ ࡁࡊࡅࡋ ࡄࡀࡉࡋࡇ ࡅࡀࡌࡀࡓ ࡁࡔࡅࡌࡀ ࡖࡄࡉࡉࡀ ࡓࡁࡉࡀ ࡗ ࡀࡆࡀࡋ ࡁࡄࡉࡓࡀ ࡃࡀࡊࡉࡀ ࡋࡀࡕࡓࡀ ࡖࡉࡀࡕࡁࡉࡀ ࡕࡅࡔࡋࡉࡌࡉࡀ ࡋࡀࡕࡓࡀ ࡖࡊࡅࡋࡇ ࡆࡉࡅࡀ ࡅࡍࡄࡅࡓࡀ ࡅࡏࡒࡀࡓࡀ ࡄࡀࡍࡀࡕࡇ ࡁࡈࡅࡋࡀ ࡖࡀࡋࡌࡉࡀ ࡅࡃࡀࡓࡉࡀ ࡌࡉࡍࡀࡉࡄࡅࡍ ࡓࡀࡄࡔࡉࡇ ࡄࡀࡃࡓࡀ ࡁࡀࡉࡍࡀࡉ ࡖࡄࡏ ࡋࡉࡋࡉࡕࡀ ࡔࡅࡌࡇ࡞ ࡗ ࡀࡌࡀࡓ ࡋࡀࡕࡓࡀ ࡖࡍࡄࡅࡓࡀ ࡍࡀࡄࡅࡓ ࡓࡀࡄࡔࡀ ࡅࡍࡀࡐࡋࡀ ࡁࡔࡉࡓࡉࡀࡍࡇ ࡖࡂࡀࡁࡀࡓࡅࡕࡀ ࡀࡌࡉࡍࡈࡅࡋ ࡖࡎࡉࡍࡃࡉࡓࡊࡀ ࡄࡅ ࡂࡀࡁࡀࡓࡅࡕࡀ ࡖࡌࡍ ࡏࡒࡁࡀ ࡅࡂࡉࡀࡃࡀ ࡏࡕࡉࡁࡃࡉࡓࡉࡅࡍ ࡔࡉࡓࡉࡀࡍࡉࡀ ࡖࡌࡉࡀ ࡄࡉࡉࡀ ࡁࡀࡓࡒࡀ ࡖࡍࡄࡅࡓࡀ ࡖࡄࡏ {{ࡌࡉࡓࡁࡀ}} ࡌࡀࡓࡁࡀ ࡔࡅࡌࡀ࡞ ࡊࡅࡋࡌࡀࡍ ࡖࡍࡉࡂࡀࡋࡉࡋ ࡏࡋ ࡄࡀࡋࡉࡍ ࡎࡓࡉࡍ ࡁࡀࡅࡀࡕࡀ ࡖࡗ ࡀࡆࡀࡋ ࡁࡄࡉࡓࡀ ࡃࡀࡊࡉࡀ ࡖࡄࡏ ࡑࡀࡓࡀࡓࡕࡀࡉ ࡃࡉࡋࡉࡀ ࡁࡂࡀࡅࡀࡉࡄࡅࡍ ࡄࡅࡀࡕ ࡂࡉࡅࡈࡀ ࡅࡀࡂࡆࡀࡓࡕࡀ ࡅࡌࡄࡉࡕࡀ ࡌࡍ ࡒࡅࡃࡀࡌࡀࡉ ࡕࡉࡔࡃࡀࡓ ࡏࡋࡇ ࡄࡉࡍࡉࡋࡀ ࡄࡀࡃ ࡁࡃࡀࡓࡇ ࡖࡁࡉࡄࡓࡀࡕ ࡄࡀࡃ ࡌࡍ ࡀࡋࡐࡀ ࡅࡁࡊࡉࡎࡉࡀ ࡕࡉࡂࡀࡋࡉࡋ ࡀࡌࡉࡍࡈࡅࡋ ࡖࡊࡅࡋࡌࡀ ࡖࡓࡀࡆࡀ ࡖࡀࡁࡀࡄࡀࡕࡇ ࡋࡀࡊࡀࡎࡉࡀ ࡍࡀࡐࡉࡋ ࡁࡉࡀࡌࡀ ࡅࡀࡍࡐࡀ ࡌࡍ ࡀࡁࡀࡄࡀࡕࡇ ࡎࡀࡉࡐࡉࡀ ࡄࡅ ࡄࡀࡉࡁࡀ ࡋࡅࡀࡕࡀࡉࡀࡍ ࡍࡉࡄࡉࡅࡀ࡞ ࡗ ࡀࡌࡀࡓ ࡏࡋࡇ ࡋࡕࡀࡍࡀ ࡖࡏࡒࡀࡓࡀ ࡀࡕࡉࡀ ࡅࡍࡀࡅࡋࡇ ࡁࡌࡀࡓࡁࡀ࡞ ࡗ ࡀࡌࡀࡓ ࡋࡀࡕࡓࡀ ࡖࡕࡀࡒࡍࡀ ࡃࡌࡅࡕࡇ ࡕࡉࡒࡍࡀࡕ ࡄࡀࡍࡀࡕࡇ ࡌࡀࡆࡓࡅࡕࡀ ࡄࡅࡀࡕ ࡗ ࡂࡉࡋࡌࡅࡄࡓࡉࡀ࡞ ࡗ ࡀࡌࡀࡓ ࡋࡀࡕࡓࡀ ࡖࡍࡄࡀ ࡑࡀࡅࡕࡇ ࡅࡃࡌࡅࡕࡀ ࡔࡀࡍࡉࡀ ࡄࡀࡍࡀࡕࡇ ࡆࡌࡀ ࡒࡀࡔࡉࡀ ࡁࡓࡅࡂࡆࡀ ࡏࡕࡉࡌࡋࡉࡀ ࡋࡌࡀࡆࡓࡅࡕࡀ ࡅࡁࡀࡉࡉࡀ ࡖࡍࡉࡄࡀࡌࡁࡋࡇ ࡀࡌࡉࡍࡈࡅࡋ ࡖࡌࡀࡆࡓࡅࡕࡀ ࡄࡉࡁࡉࡋ ࡆࡉࡅࡀ ࡄࡅ࡞ ࡄࡀࡍࡀࡕࡇ ࡆࡌࡀ ࡒࡀࡔࡉࡀ ࡄࡅ࡞ ࡄࡅ ࡁࡅࡊࡓࡀ ࡄࡅ࡞ ࡗ ࡀࡌࡀࡓ ࡏࡋࡀࡅࡀࡕ ࡓࡅࡓࡁࡉࡀ ࡏࡒࡀࡓࡀ ࡍࡐࡀࡒ ࡌࡍ ࡄࡀࡍࡀࡕࡇ ࡔࡊࡉࡍࡕࡀ ࡖࡄࡅࡀ ࡄࡀࡅࡒࡀ ࡏࡋࡇ ࡅࡒࡓࡉࡁ ࡋࡄࡀࡍࡀࡕࡇ ࡔࡊࡉࡍࡕࡀ ࡄࡅࡓࡉࡍࡕࡉࡀ࡞ ࡅࡁࡉࡍࡕࡉࡀ ࡀࡋࡌࡀ ࡏࡃࡀ ࡋࡉࡂࡓࡉࡀ ࡕࡓࡉࡑ ࡀࡌࡉࡍࡈࡅࡋ ࡖࡄࡉࡍࡅࡍ ࡎࡃࡉࡒࡉࡀ࡞ ࡀࡌࡉࡍࡈࡅࡋ ࡖࡀࡌࡀࡓ ࡋࡄࡀࡆࡉࡍ ࡋࡀࡁࡃࡉࡕࡅࡍ ࡏࡅࡕࡓࡉࡀ ࡁࡌࡀࡄࡅ ࡍࡉࡓࡉࡅࡆࡅࡍ࡞ ࡅࡃࡁࡀࡓࡁࡀ ࡅࡏࡋࡅࡀࡕࡀࡉࡅࡍ ࡀࡋࡌࡀ ࡖࡔࡉࡕࡉࡍ ࡉࡅࡌࡉࡀ ࡏࡐࡉࡑ ࡏࡍࡐࡉࡑ ࡌࡍ ࡊࡅࡓࡎࡉࡉࡀ ࡀࡉࡀࡓ ࡅࡒࡀࡌ ࡗ ࡍࡉࡄࡀࡌࡁࡋࡇ ࡍࡉࡎࡁࡇ ࡀࡆࡉࡋ ࡋࡔࡊࡉࡍࡕࡀ ࡄࡅࡓࡉࡍࡕࡉࡀ࡞ ࡗ ࡀࡌࡀࡓ ࡈࡀࡓࡈࡀࡁࡅࡍࡉࡀ ࡃࡀࡊࡉࡀࡉ ࡏࡅࡑࡈࡋࡉࡀ ࡖࡆࡉࡅࡀ ࡍࡀࡄࡓࡉࡀ ࡋࡀࡕࡓࡀ ࡖࡏࡔࡀࡕࡀ ࡄࡀࡉࡕࡀ ࡀࡌࡉࡍࡈࡅࡋ ࡖࡉࡀࡄࡓࡉࡀ ࡔࡅࡁࡀ ࡄࡅ ࡍࡉࡔࡉࡌࡕࡀ ࡁࡀࡉࡀࡋࡇ ࡅࡌࡎࡀࡊࡉࡀࡋࡇ ࡋࡓࡀࡆ ࡄࡀࡉࡕࡀ ࡖࡄࡅ ࡀࡕࡓࡀ ࡖࡏࡁࡉࡃ ࡌࡍ ࡍࡀࡐࡔࡉࡀ ࡄࡀࡅࡒࡀ ࡌࡍ ࡉࡅࡔࡀࡌࡉࡍ ࡄࡀࡅࡒࡀ ࡖࡄࡅ࡞ ࡖࡆࡉࡄࡓࡅࡍ ࡓࡀࡆࡀ ࡄࡅ ࡔࡅࡁࡀࡄࡇ࡞ ࡀࡌࡉࡍࡈࡅࡋ ࡋࡀࡕࡓࡀ ࡖࡉࡀࡕࡁࡉࡁࡇ ࡕࡅࡔࡋࡉࡌࡉࡀ ࡃࡀࡊࡉࡀ ࡏࡔࡕࡓࡉࡀ ࡌࡍ ࡏࡎࡅࡓࡀ ࡉࡅࡔࡀࡌࡉࡍ ࡄࡀࡅࡒࡀ ࡋࡄࡉࡁࡉࡋ ࡆࡉࡅࡀ ࡀࡁࡉࡃ ࡅࡓࡀࡆࡉࡀ ࡊࡅࡋࡄࡅࡍ ࡁࡀࡉࡋࡉࡋࡇ ࡀࡋࡌࡀ ࡖࡀࡕࡀࡕ ࡏࡓࡅࡕࡀ ࡄࡅ ࡂࡉࡌࡓࡀ ࡖࡏࡔࡀࡕࡀ ࡄࡀࡉࡕࡀ ࡖࡄࡏ ࡔࡊࡉࡍࡕࡀ ࡁࡍࡉࡔࡉࡌࡕࡀ ࡌࡋࡀࡁࡀࡔࡀ ࡅࡀࡓࡄࡇ ࡉࡅࡔࡀࡌࡉࡍ ࡅࡔࡊࡉࡁ ࡅࡔࡒࡉࡀ ࡓࡌࡅࡍ ࡁࡂࡀࡅࡇ ࡅࡋࡃࡍࡀࡁ ࡀࡋࡌࡉࡀ ࡀࡅࡕࡁࡅࡉࡀ ࡀࡌࡉࡍࡈࡅࡋ ࡁࡉࡃࡍࡀࡁ ࡐࡅࡂࡃࡀࡌࡉࡀ ࡉࡀࡕࡉࡁ ࡁࡓࡉࡔࡉࡀ ࡐࡅࡂࡃࡀࡌࡉࡀ ࡋࡀࡌࡀࡎࡂࡉࡀ࡞ ࡗ ࡀࡌࡀࡓ ࡀࡕࡓࡀ ࡖࡏࡕࡁࡉࡃ ࡌࡍ ࡍࡀࡐࡔࡉࡀ ࡖࡄࡅ ࡁࡈࡉࡔ ࡁࡋࡉࡂࡓࡇ ࡅࡁࡆࡀ ࡓࡒࡉࡄࡀ ࡅࡏࡕࡉࡂࡋࡉࡀ ࡄࡅ ࡉࡅࡌࡀ ࡈࡀࡁࡀ ࡖࡍࡉࡔࡉࡌࡕࡀ ࡌࡎࡀࡊࡉࡀࡋࡇ ࡖ ࡄࡏࡍࡅࡍ ࡉࡅࡌࡉࡀ ࡖࡃࡅࡊࡓࡀࡍࡉࡀ ࡖࡌࡀࡐࡉࡒࡕࡀ ࡋࡍࡉࡔࡉࡌࡕࡀ ࡁࡂࡀࡅࡀࡉࡄࡅࡍ ࡄࡅࡀࡕ ࡄࡅ ࡉࡅࡌࡀ ࡖࡍࡉࡄࡂࡀ ࡁࡂࡀࡅࡇ ࡄࡅࡀ ࡅࡗ ࡄࡀࡅࡉࡀ ࡉࡀࡍࡒࡀ ࡀࡋࡌࡉࡀ ࡅࡃࡀࡓࡉࡀ ࡔࡀࡄࡁࡉࡁࡀ ࡄࡀࡃࡉࡁࡇ࡞ ࡅࡗ ࡀࡌࡀࡓ ࡋࡀࡕࡓࡀ ࡖࡊࡅࡋࡇ ࡆࡉࡅࡀ ࡅࡋࡀࡉࡉࡕ ࡖࡔࡀࡍࡀࡉ ࡀࡊࡅࡀࡕࡇ࡞ ࡄࡀࡍࡀࡕࡇ ࡉࡀࡄࡓࡀ ࡖࡑࡅࡓࡕࡀ ࡄࡅ࡞ ࡀࡌࡉࡍࡈࡅࡋ ࡖࡀࡌࡀࡓ ࡏࡒࡓࡉࡀ ࡌࡍ ࡏࡅࡕࡓࡀࡉ ࡄࡀࡃ ࡄࡀࡃ ࡏࡒࡓࡉࡀ ࡌࡍ ࡏࡅࡕࡓࡀࡉ ࡅࡌࡍ ࡆࡉࡅࡀࡉ ࡏࡉࡀࡋࡁࡉࡔࡉࡀ ࡄࡀࡍࡀࡕࡇ ࡏࡅࡕࡓࡉࡀ ࡖࡄࡅ ࡓࡅࡂࡆࡀ ࡖࡀࡉࡀࡓ ࡃࡀࡊࡉࡀ ࡖࡀࡕࡀ ࡅࡐࡀࡂࡃࡇ ࡋࡄࡀࡍࡀࡕࡇ {{ࡏࡅࡕࡓࡀ ࡖࡄࡅ}} ^ࡉࡀࡍࡒࡀ ࡅࡁࡀࡄࡕࡉࡍࡅࡍ ࡋࡓࡀࡆࡉࡀ ࡊࡅࡋࡄࡅࡍ^ ࡓࡅࡂࡆࡀ ࡖࡌࡍ ࡄࡀࡅࡒࡀ ࡅࡃࡀࡄࡀࡋࡕࡀ ࡅࡓࡅࡂࡆࡀ ࡖࡀࡉࡀࡓ ࡗ ࡋࡉࡀࡍࡒࡀ {{ࡁࡀࡄࡕࡉࡍࡅࡍ ࡋࡓࡀࡆࡉࡀ ࡊࡅࡋࡄࡅࡍ}} ^ࡀࡐࡒࡇ ࡌࡍ ࡀࡕࡅࡕࡀ^ {{ࡖࡌࡍ ࡄࡀࡅࡒࡀ}} ࡖࡂࡀࡓࡂࡋࡉࡀ ࡖࡌࡅࡕࡀ ࡖࡀࡓࡒࡀ ࡁࡄࡅࡌࡁࡀࡓࡉࡀ ࡅࡔࡅࡌࡉࡀ ࡅࡊࡅࡊࡁࡉࡀ ࡅࡔࡀࡌࡉࡔ ࡅࡎࡉࡓࡀ ࡊࡅࡋࡄࡅࡍ ࡄࡔࡅࡊ ࡆࡉࡅࡀࡉࡄࡅࡍ࡞ ࡗ ࡀࡌࡀࡓ ࡋࡀࡕࡓࡀ ࡄࡅ ࡃࡀࡊࡉࡀ ࡖࡍࡈࡉࡈࡅࡕࡀ ࡄࡀࡓࡂࡕࡀ ࡋࡉࡕࡁࡇ࡞ ࡄࡀࡍࡀࡕࡇ ࡌࡀࡑࡁࡀࡍࡀ ࡖࡄࡅ ࡄࡉࡁࡉࡋ ࡆࡉࡅࡀ ࡔࡅࡌࡇ ࡅࡀࡌࡀࡓ ࡀࡍࡀ ࡖࡄࡆࡉࡕ ࡏࡌࡀࡓ ࡅࡓࡉࡃࡊࡉࡓࡍࡀ ࡒࡅࡃࡀࡌࡀࡉࡊࡅࡍ ࡏࡂࡀࡋࡀࡋࡇ ࡄࡀࡉࡆࡉࡍ ࡀࡁࡀࡕࡅࡓ ࡓࡀࡌࡀ ࡄࡅ {{ࡏࡌࡀࡓ}} ࡖࡉࡀࡍࡒࡉࡀ ࡀࡋࡌࡀ ࡌࡀࡔࡐࡀࡋ ࡌࡍ ࡊࡅࡓࡀࡎࡉࡀ ࡌࡀࡔࡐࡀࡋ ࡅࡀࡆࡉࡋ ࡖࡌࡅࡆࡀࡍࡉࡀ ࡄࡅࡀ ࡗ ࡁࡔࡅࡌࡀࡉࡊࡅࡍ ࡏࡒࡓࡉࡀ ࡕࡉࡍࡉࡀࡍࡀ ࡉࡀࡌࡉࡍࡀࡉࡊࡅࡍ ࡀࡎࡉࡌ ࡏࡋࡇ࡞ ࡀࡌࡉࡍࡈࡅࡋ ࡖࡉࡀࡍࡒࡀ ࡔࡀࡐࡉࡋ ࡁࡑࡅࡓࡕࡀ ࡖࡉࡀࡕࡉࡁ ࡅࡁࡀࡉࡉࡀ ࡖࡍࡉࡐࡀࡓࡒࡇ ࡌࡍ ࡕࡉࡁࡉࡋ࡞ ࡄࡀࡉࡆࡀࡊ ࡀࡌࡀࡓ ࡀࡍࡀࡕ ࡉࡀࡃࡉࡕ ࡁࡊࡅࡋࡄࡅࡍ ࡋࡉࡋࡁࡉࡀ ࡅࡐࡀࡓࡔࡉࡕ ࡁࡊࡅࡋࡄࡅࡍ ࡏࡅࡑࡓࡉࡀ ࡀࡉࡍࡀࡊ ࡌࡉࡂࡋࡉࡀ ࡂࡀࡋࡉࡀࡍ ࡅ ࡅࡊࡅࡋࡄࡅࡍ ࡉࡀࡃࡉࡕ ࡐࡓࡀࡔࡀࡕࡋࡅࡍ ࡏࡆࡉࡋ ࡅࡐࡀࡂࡃࡇ ࡅࡀࡕࡅࡕࡉࡀ ࡃࡓࡀࡁࡔࡀࡊ ࡍࡉࡑࡈࡁࡀ࡞ ࡄࡀࡉࡆࡀࡊ {{ࡏࡔࡈࡀ}} ࡏࡔࡕࡀࡈࡉࡀ ࡒࡅࡃࡀࡌࡀࡉࡄࡅࡍ ࡒࡅࡌࡕࡇ ࡁࡀࡓࡒࡀ ࡊࡁࡀࡔ࡞ ࡗ ࡀࡌࡀࡓ ࡏࡌࡀࡓࡋࡊࡅࡍ ࡕࡅࡔࡋࡉࡌࡉࡀ ࡊࡀࡎࡉࡉࡀ ࡌࡉࡑࡈࡁࡀ ࡓࡅࡄࡀ ࡀࡕࡅࡕࡉࡀ ࡃࡓࡀࡁࡔࡉࡀ ࡖࡍࡉࡔࡉࡌࡕࡀ ࡀࡌࡉࡍࡈࡅࡋ ࡖࡐࡕࡀࡄࡉࡋ ࡓࡅࡄࡀ ࡄࡏ ࡏࡋ ࡊࡅࡋ ࡌࡉࡍࡃࡀࡌ ࡌࡑࡀࡓࡀࡓࡀ ࡅࡋࡀࡉࡉࡕ ࡌࡉࡍࡃࡀࡌ ࡌࡍ ࡑࡉࡐࡓࡉࡀ ࡅࡍࡅࡍࡉࡀ ࡅࡄࡉࡅࡀࡍࡉࡀࡕࡀ ࡅࡒࡀࡃࡀࡄࡉࡀ ࡖࡌࡍ ࡀࡓࡒࡀ ࡒࡀࡄࡃࡉࡍ ࡅࡀࡓࡒࡀ ࡅࡔࡅࡌࡉࡀ ࡅࡊࡅࡊࡁࡉࡀ ࡅࡌࡀࡋࡅࡀࡔࡉࡀ ࡅࡌࡀࡍࡆࡀࡋࡉࡀ ࡅࡂࡉࡓࡂࡋࡉࡀ ࡅࡁࡀࡁࡉࡀ ࡅࡒࡀࡔࡕࡀ ࡓࡀࡌࡀ࡞ ࡖࡉࡀࡓࡃࡍࡀ ࡁࡂࡀࡅࡇ ࡋࡀࡌࡉࡕࡋࡀࡁࡔࡀ ࡅࡌࡍ ࡃࡅࡊࡕࡀ ࡋࡀࡓࡀࡄࡉࡔ ࡀࡌࡉࡍࡈࡅࡋ ࡖࡉࡀࡓࡃࡍࡀ ࡏࡋ ࡊࡅࡋ ࡌࡉࡍࡃࡀࡌ ࡌࡑࡀࡓࡀࡓࡋࡇ ࡅࡀࡉࡀࡓ ࡌࡀࡓࡄࡉࡔࡋࡇ ࡌࡍ ࡃࡅࡊࡕࡀ ࡀࡌࡀࡍࡈࡅࡋ ࡖࡀࡌࡀࡓࡕ ࡖࡐࡕࡀࡄࡉࡋ ࡓࡅࡄࡀ ࡄࡉࡁࡉࡋ ࡆࡉࡅࡀ ࡍࡉࡔࡉࡌࡕࡀ ࡄࡏ ࡅࡗ ࡀࡌࡀࡓ ^ࡋࡀࡕࡓࡀ ࡖࡊࡀࡁࡉࡓࡉࡀ ࡊࡀࡁࡓࡀࡋࡅࡍ ࡅࡍࡉࡔࡉࡌࡕࡀ ࡋࡓࡀࡆࡉࡀ ࡌࡒࡀࡓࡉࡀࡋࡅࡍ ࡅࡀࡌࡀࡓࡋࡅࡍ^ ࡀࡕࡅࡍ {{ࡂࡀࡋࡉࡋࡅࡍࡀ}} ࡂࡀࡋࡉࡋࡅࡋࡉࡀ ࡏࡋ ࡓࡀࡆࡉࡀ ࡖࡁࡉࡓࡉࡊࡕࡀ ࡅࡏࡋ {{ࡔࡀࡓࡉ}} ࡔࡀࡉࡀࡍࡉࡀ ࡖࡍࡀࡐࡔࡀࡉࡊࡅࡍ ࡅࡋࡆࡉࡅࡀ ࡖࡏࡋ ࡃࡉࡋࡊࡅࡍ ࡍࡑࡀࡁ ࡀࡌࡀࡓࡋࡇ ࡓࡀࡆࡉࡀ ࡋࡍࡉࡔࡉࡌࡕࡀ ࡌࡀࡍ ࡀࡍࡀࡕ ࡀࡌࡀࡓࡋࡅࡍ ࡍࡉࡔࡉࡌࡕࡀ ࡖࡏࡆࡉࡋ ࡋࡓࡅࡄࡀ ࡀࡌࡓࡉࡋࡇ ࡖࡄࡏ ࡉࡀࡃࡀ ࡌࡀࡍ ࡀࡍࡀ ࡅࡁࡓ ࡌࡀࡍ ࡀࡍࡀ࡞ ࡄࡀࡉࡆࡀࡊ ࡏࡍࡉࡀࡍࡀ ࡓࡀࡌࡉࡋࡇ ࡓࡀࡆࡉࡀ ࡋࡍࡉࡔࡉࡌࡕࡀ ࡖࡄࡏ ࡁࡀࡉࡀࡓ ࡌࡋࡀࡁࡔࡀ ࡀࡍࡀࡕ ࡌࡍ ࡃࡅࡊࡕࡀ ࡖࡁࡓࡉࡊࡉࡍࡉࡍ ࡁࡓࡉࡊࡉࡕ࡞ ࡀࡌࡀࡓ ࡏࡌࡋࡉࡀ ࡁࡆࡀࡊࡅࡕࡀ ࡓࡀࡆࡉࡀ ࡊࡅࡋࡄࡉࡍ ࡄࡀࡌࡋࡉࡍ ࡅࡋࡅࡀࡕ ࡓࡅࡄࡀ ࡅࡏࡍࡉࡀࡍࡀ ࡋࡀࡉࡀࡓ ࡓࡀࡌࡉࡍ ࡅࡀࡌࡓࡉࡍ ࡌࡀࡋࡉࡋ ࡐࡅࡌ ࡃࡀࡊࡉࡀ ࡓࡁࡉࡀ ࡄࡀࡕࡀࡌ ࡉࡀࡕࡁࡉࡀ ࡌࡀࡋࡉࡋ ࡐࡅࡌ ࡃࡀࡊࡉࡀ ࡅࡀࡌࡀࡓࡋࡇ ࡋࡁࡄࡉࡓࡀࡀ ࡀࡃࡉࡀࡅࡓࡀ ࡀࡍࡀࡕ ࡃࡀࡊࡉࡀ ࡊࡅࡋ ࡖࡑࡀࡁࡀࡕ ࡀࡎࡂࡉࡀ ࡏࡁࡉࡃ࡞ ࡋࡀࡂࡈࡉࡋࡅࡍ ࡅࡋࡀࡐࡓࡉࡔࡋࡅࡍ ࡖࡄࡉࡍࡅࡍ ࡓࡁࡉࡀ ࡋࡍࡀࡐࡔࡀࡉࡄࡅࡍ ࡒࡀࡓࡉࡍ ࡄࡉࡍࡉࡋࡀ ࡖࡗ ࡓࡀࡂࡆࡉࡀ ࡓࡀࡆࡉࡀ ࡌࡓࡉࡃࡉࡀ ࡏࡋ ࡍࡉࡔࡌࡀࡕࡀ ࡅࡍࡉࡔࡉࡌࡕࡀ ࡁࡍࡉࡄࡅࡕࡀ ࡌࡀࡎࡂࡉࡀ ࡌࡉࡍࡀࡉࡄࡅࡍ ࡏࡅ ࡓࡀࡂࡆࡀ ࡍࡉࡔࡉࡌࡕࡀ ࡏࡋࡀࡅࡀࡉࡄࡅࡍ ࡁࡄࡀࡃ ࡓࡉࡌࡆࡀ ࡐࡀࡂࡓࡀ ࡍࡉࡕࡄࡀࡌࡁࡀࡋ࡞ ࡗ ࡀࡌࡀࡓ ࡁࡑࡅࡁࡉࡀࡍࡊࡅࡍ ࡅࡁࡑࡅࡁࡉࡀࡍࡀࡉ ࡊࡀࡓࡎࡀࡅࡀࡕࡀ ࡕࡉࡒࡍࡀࡕ ࡕࡉࡒࡍࡀࡕ ࡊࡀࡓࡎࡀࡅࡀࡕࡀ ࡅࡀࡐࡓࡉࡔࡉࡕ ࡏࡅࡕࡓࡉࡀ ࡖࡍࡉࡕࡁࡅࡍ ࡏࡋࡀࡅࡀࡉࡄࡅࡍ ࡅࡀࡆࡋࡀࡕ ࡅࡍࡉࡔࡉࡌࡕࡀ ࡅࡉࡀࡕࡁࡀࡕ ࡋࡊࡅࡓࡎࡉࡀ ࡅࡓࡀࡆࡉࡀ ࡊࡅࡋࡄࡅࡍ ࡌࡍ ࡊࡀࡓࡎࡀࡅࡀࡕࡅࡍ^ࡕࡅࡍ^ ࡒࡀࡌ ࡅࡁࡉࡓࡉࡊࡕࡀ ࡖࡔࡀࡍࡀࡉ ࡁࡀࡓࡊࡉࡋࡇ࡞ ࡅࡗ ࡀࡌࡀࡓ ^ࡁࡄࡉࡓࡉࡀ ࡖࡏࡅࡑࡈࡋࡀ ࡉࡀࡏࡉࡋࡇ ࡅࡓࡀࡁࡀࡋࡇ ࡌࡍ ࡏࡅࡕࡓࡉࡀ ࡊࡅࡋࡄࡅࡍ ࡀࡌࡉࡍࡈࡅࡋ ࡖࡄࡅ^ ࡉࡀࡕࡉࡁ ࡋࡊࡅࡓࡎࡉࡀ ࡄࡉࡍࡅࡍ ࡎࡀࡂࡉࡃࡋࡇ ࡖࡓࡁࡀ ࡎࡉࡂࡅࡃࡕࡀ ࡅࡋࡀࡄࡅࡀࡋࡅࡍ ࡐࡀࡎࡅࡂ ࡋࡅࡀࡕࡇ࡞ ࡗ ࡀࡌࡀࡓ ࡓࡁࡀ ࡄࡅ ࡈࡀࡁࡇ ࡋࡅࡀࡕ ࡀࡁࡀࡄࡀࡕࡇ ࡋࡌࡅ ࡋࡌࡉࡌࡀࡓࡋࡅࡍ ࡖࡔࡀࡍࡀࡉ ࡉࡀࡕࡉࡁ ࡁࡀࡕࡀࡓ ࡊࡎࡉࡀ࡞ ࡀࡌࡉࡍࡈࡅࡋ ࡖࡀࡉࡀࡓ ࡏࡕࡁࡇ ࡋࡍࡉࡔࡉࡌࡕࡀ ࡋࡊࡅࡓࡎࡉࡀ ࡁࡀࡕࡓࡀ ࡊࡀࡎࡉࡀ ࡔࡊࡉࡍࡕࡀ ࡃࡉࡋࡉࡀ ࡄࡅ࡞ ࡅࡗ ࡀࡌࡀࡓ ࡋࡀࡕࡓࡀ ࡖࡕࡅࡔࡋࡉࡌࡀ ࡉࡀࡕࡁࡉࡀ ࡋࡓࡀࡆࡉࡀ ࡊࡅࡋࡄࡅࡍ ࡏࡔࡕࡀࡈࡅࡍ ࡒࡅࡃࡀࡌࡇ ࡄࡅ ࡉࡀࡃࡀ ࡁࡉࡄࡂࡀࡂࡀ ࡌࡀࡎࡂࡉࡀ ࡌࡉࡍࡇ ࡖࡍࡉࡔࡉࡌࡕࡀ࡞ ࡅࡗ ࡀࡌࡀࡓ ࡋࡀࡕࡓࡀ ࡖࡍࡉࡄࡀ ࡑࡀࡅࡕࡀ ࡖࡒࡓࡀ ࡃࡌࡅࡕࡀ ࡏࡍࡉࡀࡍࡀ ࡓࡀࡌࡉࡋࡇ ࡅࡗ ࡌࡍ ࡊࡀࡓࡎࡀࡅࡀࡕࡅࡍ ࡒࡀࡌ ࡅࡍࡉࡄࡅࡕࡀ ࡔࡓࡀࡕ ࡏࡋࡀࡅࡀࡉࡄࡅࡍ࡞ ࡅࡗ ࡀࡌࡀࡓ ࡋࡀࡕࡓࡀ ࡖࡉࡀࡒࡉࡃ ࡌࡉࡒࡀࡃ࡞ ࡓࡂࡀࡆ ࡀࡓࡁࡀ ࡓࡀࡆࡉࡀ ࡅࡎࡋࡉࡒ ࡁࡑࡅࡕࡀ ࡖࡍࡉࡔࡉࡌࡕࡀ ࡉࡀࡕࡁࡉࡀ ࡗ ࡄࡆࡉࡕࡉࡍࡅࡍ ࡍࡉࡔࡉࡌࡕࡀ ࡄࡀࡉࡒࡀ ࡅࡀࡌࡓࡀࡋࡇ ࡋࡀࡉࡀࡓ ࡋࡉࡂࡀࡋ ࡋࡉࡂࡀࡋ ࡀࡐࡒࡀࡉ ࡌࡍ ࡄࡀࡆࡉࡍ ࡃࡅࡊࡕࡀ ࡖࡋࡀࡁࡀࡋࡉࡋࡀࡍ ࡓࡀࡆࡉࡀ ࡎࡀࡉࡍࡉࡀ࡞ ࡄࡀࡉࡆࡀࡊ ࡀࡉࡀࡓ ࡌࡉࡔࡕࡀࡈࡉࡀ ࡒࡅࡃࡀࡌࡀࡉࡄࡅࡍ ࡅࡀࡌࡀࡓ ࡄࡀࡆࡉࡍ ࡀࡕࡓࡀ ࡖࡌࡉࡌࡀࡓ ࡁࡀࡎࡉࡌࡀ ࡅࡔࡅࡕࡀ ࡔࡀࡍࡉࡀ ࡅࡌࡍࡀࡊࡓࡉࡀ ࡋࡀࡕࡓࡀ ࡖࡌࡀࡊࡀ ࡍࡀࡐࡔࡉࡀ ࡅࡂࡀࡁࡀࡓࡅࡀࡕࡀ ࡋࡉࡕࡁࡇ ࡄࡆࡅࡍ ࡖࡄࡀࡆࡉࡍ ࡖࡄࡏ ࡌࡀࡓࡂࡀࡍࡉࡕࡀ ࡖࡀࡕࡀࡕ ࡅࡀࡍࡄࡉࡓࡕࡉࡍࡅࡍ ࡅࡆࡅࡄࡌࡉࡕࡊࡅࡍ ࡄࡏ ࡌࡁࡀࡎࡌࡀࡋࡇ ࡏࡅ ࡀࡍࡀࡕࡅࡍ ࡋࡀࡁࡀࡉࡉࡕࡅࡋࡇ ࡅࡄࡏ ࡋࡅࡀࡕࡀࡉࡊࡅࡍ ࡋࡀࡃࡀࡉࡓࡀ ࡄࡀࡉࡆࡀࡊ ࡀࡉࡀࡓ ࡋࡎࡉࡕࡀࡓࡀ ࡖࡍࡂࡉࡃࡋࡇ ࡁࡀࡍࡐࡀࡉࡄࡅࡍ ࡌࡀࡄࡕࡀ ࡗ ࡌࡀࡄࡕࡀ ࡏࡋ[ ] ࡃࡍࡀ ࡆࡉࡅࡀ ࡖࡍࡉࡔࡉࡌࡕࡀ ࡏࡋࡀࡅࡀࡉࡄࡅࡍ ࡅࡗ ࡃࡍࡀ ࡆࡉࡅࡀ ࡖࡍࡉࡔࡉࡌࡕࡀ ࡏࡋࡀࡅࡀࡉࡄࡅࡍ ࡊࡅࡋࡄࡅࡍ ࡏࡋ ࡀࡍࡐࡀࡉࡄࡅࡍ ࡍࡐࡀࡋ ࡅࡀࡌࡀࡓ ࡄࡀࡉࡀࡎࡀ ࡄࡅࡎ ࡏࡋࡀࡍ ࡀࡍࡉࡍ ࡀࡁࡓࡉࡀ ࡋࡒࡅࡃࡀࡌࡇ ࡅࡍࡉࡔࡕࡀࡌࡀࡋࡇ ࡞ ࡗ ࡀࡌࡀࡓ ࡋࡀࡕࡓࡀ ࡖࡍࡀࡈࡀࡓࡕࡀ ࡖࡌࡀࡐࡓࡉࡔࡀࡋࡅࡍ ࡏࡋ ࡑࡀࡅࡕࡀࡉࡄࡅࡍ ࡀࡌࡉࡍࡈࡅࡋ ࡖࡀࡉࡀࡓ ࡀࡐࡓࡉࡔࡋࡅࡍ ࡋࡄࡀࡍࡀࡕࡇ ࡍࡉࡔࡉࡌࡕࡀ ࡖࡃࡀࡉࡓࡀ ࡋࡅࡀࡕࡀࡉࡄࡅࡍ ࡅࡗ ࡄࡀࡉࡆࡉࡍ ࡀࡌࡀࡓ ࡊࡅࡋࡄࡅࡍ ࡒࡀࡉࡌࡉࡀ ࡏࡋ ࡋࡉࡂࡓࡀࡉࡄࡅࡍ ࡅࡗ ࡊࡅࡔࡈࡀ ࡌࡍ ࡀࡉࡀࡓ ࡐࡀࡔࡉࡈ ࡅࡀࡌࡀࡓ ࡊࡅࡔࡈࡀ ࡐࡔࡀࡈࡋࡀࡊ ࡓࡁࡉࡀ ࡀࡁࡓࡇ {{ࡓࡋ}} ࡏࡋ ࡐࡅࡓࡀ ࡌࡍ ࡏࡅࡑࡓࡀࡊ ࡅࡏࡅࡑࡓࡀࡊ ࡁࡃࡉࡋࡀࡍ ࡍࡉࡕࡉࡌࡋࡉࡀ ࡋࡁࡅࡔࡀࡍ ࡅࡋࡁࡅࡔࡀࡊ ࡍࡉࡄࡅࡉࡀ ࡄࡃࡀ࡞ ࡄࡀࡉࡆࡀࡊ ࡀࡌࡀࡓࡉࡅࡍ ࡀࡓࡁࡀ ࡓࡀࡆࡉࡀ ࡊࡅࡋ ࡌࡀࡍ ࡖࡋࡀࡍࡉࡔࡀࡓ ࡋࡄࡀࡆࡉࡍ ࡊࡅࡔࡈࡀ ࡍࡀࡐࡉࡋ ࡅࡌࡉࡒࡌࡀ ࡋࡉࡕࡋࡇ࡞ ࡄࡀࡉࡆࡀࡊ ࡌࡀࡋࡉࡋ ࡀࡉࡀࡓ ࡏࡋ ࡀࡓࡁࡀ ࡓࡀࡆࡉࡀ ࡖࡍࡉࡌࡀࡓࡋࡅࡍ ࡏࡅ ࡀࡍࡀࡕࡅࡍ ࡕࡉࡐࡅࡊࡅࡍ ࡌࡍ ࡄࡀࡆࡉࡍ ࡊࡅࡔࡈࡀ ࡍࡉࡔࡉࡌࡕࡀ ࡋࡅࡀࡕࡀࡉࡊࡅࡍ ࡋࡀࡃࡀࡉࡓࡀ ࡍࡀࡐࡋࡉࡕࡅࡍ ࡅࡋࡀࡒࡀࡉࡌࡉࡕࡅࡍ ࡅࡔࡀࡊࡁࡉࡕࡅࡍ ࡅࡋࡀࡉࡉࡕ ࡌࡀࡕࡓࡀࡍࡀ {{ࡖࡌࡀ}} ࡖࡌࡀࡕࡀࡓࡋࡊࡅࡍ ࡅࡀࡆࡋࡉࡕࡅࡍ ࡁࡊࡀࡍࡐࡀ ࡖࡏࡌࡀࡉࡊࡅࡍ ࡔࡀࡊࡁࡉࡕࡅࡍ ࡖࡄࡏ ࡀࡓࡒࡀ ࡖࡌࡉࡍࡀ ࡄࡅࡀࡉࡕࡅࡍ ࡞ ࡅࡗ ࡀࡌࡀࡓ ࡋࡌࡉࡆࡀࡋ ࡏࡁࡀࡃ ࡏࡁࡃࡀࡕࡀ ࡋࡌࡉࡄࡅࡉࡁࡅࡍ ࡍࡀࡈࡓࡀ ࡎࡀࡃࡅࡓࡀ ࡖࡀࡍࡀ ࡐࡀࡒࡃࡅࡍ ࡓࡁࡉࡀ࡞ ࡊࡅࡋ ࡌࡉࡍࡃࡀࡌ ࡍࡄࡀ ࡋࡃࡅࡊࡕࡇ ࡅࡁࡍࡉࡄࡅࡕࡀ ࡌࡀࡋࡉࡋࡉࡅࡍ ࡌࡉࡍࡇ࡞ ࡅࡗ ࡀࡌࡀࡓ ࡋࡀࡕࡓࡀ ࡖࡊࡎࡉࡉࡀ ࡆࡉࡅࡀ ࡅࡃࡌࡅࡕࡀࡉࡄࡅࡍ ࡃࡉࡋࡅࡍ ࡉࡀࡒࡓࡀ ࡍࡂࡀࡃࡋࡇ ࡎࡓࡀࡃࡒࡀ ࡁࡉࡍࡉࡀ ࡃࡉࡋࡉࡀ ࡋࡃࡉࡋࡅࡍ ࡖࡋࡀࡄࡀࡆࡉࡋࡅࡍ ࡍࡉࡔࡌࡀ ࡈࡀࡁࡀ ࡅࡃࡀࡄࡉࡋ ࡀࡌࡉࡍࡈࡅࡋ ࡊࡅࡋ ࡁࡀࡉࡕࡀ ࡅࡔࡊࡉࡍࡕࡀ ࡅࡏࡍࡃࡓࡅࡍࡀ ࡄࡉࡋࡁࡅࡍࡇ ࡅࡁࡀࡁࡉࡀ ࡁࡀࡓࡀࡉࡉࡀ ࡅࡂࡀࡅࡀࡉࡉࡀ ࡖࡎࡉࡕࡀࡓࡀ ࡎࡓࡀࡃࡒࡀ {{ࡋࡀࡍ ࡋࡀࡍࡉ}} ࡋࡀࡍࡉࡄࡅࡉࡋࡇ ࡄࡀࡍࡀࡕࡇ ࡌࡀࡋࡊࡀ ࡌࡀࡋࡊࡅࡕࡀ ࡋࡀࡌࡉࡕࡒࡀࡉࡌࡀ ࡞ ࡅࡗ ࡀࡌࡀࡓ ࡋࡀࡕࡓࡀ ࡍࡅࡊࡓࡀࡉࡕࡀ ࡖࡄࡏ ࡁࡅࡍࡀ ࡖࡍࡉࡔࡉࡌࡕࡀ ࡖࡄࡏ ࡍࡅࡊࡓࡀࡉࡕࡀ ࡖࡀࡕࡀࡕ ࡌࡍ ࡀࡋࡌࡉࡀ ࡖࡍࡄࡅࡓࡀ ࡁࡄࡀࡆࡉࡍ ࡁࡅࡍࡀ ࡉࡀࡕࡁࡀࡕ ࡖࡓࡉࡃࡐࡀ ࡎࡀࡁࡋࡀ ࡌࡉࡍࡀࡉࡄࡅࡍ ࡖࡓࡀࡆࡉࡀ ࡗ ࡁࡓ ࡀࡍࡀࡔࡀ ࡈࡀࡁࡀ ࡖࡓࡉࡃࡐࡀ ࡎࡀࡁࡉࡋ ࡌࡍ ࡒࡉࡍࡇ ࡅࡔࡅࡓࡁࡀࡕࡇ ࡅࡁࡍࡉࡄࡅࡕࡀ ࡌࡀࡎࡂࡉࡀ ࡌࡉࡍࡀࡉࡄࡅࡍ࡞ ࡅࡄࡀࡉࡆࡀࡊ ࡒࡀࡌ ࡏࡋ ࡋࡉࡂࡓࡀࡉࡄࡅࡍ ࡏࡕࡊࡀࡓࡀࡊ ࡁࡀࡉࡀࡓ࡞ ࡍࡉࡔࡒࡅࡉࡀ ࡋࡐࡅࡌࡇ ࡅࡀࡌࡀࡓ ࡁࡓࡉࡊ ࡄࡀࡆࡉࡍ ࡐࡅࡌࡀ ࡃࡀࡊࡉࡀ ࡅࡁࡓࡉࡊࡀ ࡄࡀࡆࡉࡍ ࡔࡊࡉࡍࡕࡀ ࡒࡉࡍࡕࡀ ࡅࡁࡓࡉࡊࡀ ࡄࡀࡆࡉࡍ ࡔࡊࡉࡍࡕࡀ ࡖࡌࡀࡋkࡏ ࡉࡀࡕࡁࡉࡁࡇ ࡌࡍ ࡓࡉࡔ ࡁࡓࡉࡔ࡞ ࡅࡄࡀࡉࡆࡀࡊ ࡀࡐࡓࡉࡔ ࡀࡉࡀࡓ ࡁࡓࡀࡆࡉࡀ ࡁࡀࡓࡀࡉࡉࡀ ࡁࡄࡀlࡏࡍ ࡎࡓࡉࡍ ࡅࡀࡓࡁࡀ ࡃࡓࡀࡔࡉࡀ ࡖࡗ ࡀࡆࡀࡋ ࡁࡄࡉࡓࡀ ࡃࡀࡊࡉࡀ ࡋࡁࡓ ࡌࡍ ࡄࡀࡆࡉࡍ ࡃࡄࡅࡍ ࡅࡏࡋ ࡖࡄࡀࡉࡅࡍ ࡅࡏࡋ ࡖࡁࡀࡉࡉࡍ ࡋࡌࡉࡄࡅࡉࡀ ࡅࡀࡌࡀࡓ ࡖࡄࡀࡋࡉࡍ ࡎࡓࡉࡍ ࡅࡀࡓࡁࡀ ࡄࡅࡂࡉࡀࡍࡉࡀ ࡖࡀ ࡁ ࡂ ࡃ ࡄࡉࡍࡅࡍ ࡎࡓࡉࡍ ࡅࡀࡓࡁࡀ ࡕࡀࡂࡉࡀ ࡄࡉࡍࡅࡍ ࡖࡄࡉࡍࡅࡍ ࡌࡋࡀࡁࡔࡉࡍ ࡁࡎࡓࡉࡍ ࡅࡀࡓࡁࡀ ࡌࡀࡋࡊࡉࡀ ࡖࡌࡍ ࡍࡄࡅࡓࡀ ࡏࡑࡈࡀࡓࡀࡓ ࡀࡌࡉࡍࡈࡅࡋ ࡖࡍࡄࡅࡓࡀ ࡀࡉࡍࡀ ࡅࡎࡉࡍࡃࡉࡓࡊࡀ ࡆࡉࡅࡀ ࡖࡉࡀࡒࡉࡃ ࡁࡀࡍࡄࡅࡓࡀ ࡁࡕࡉࡁࡉࡋ ࡌࡋࡀࡁࡔࡉࡀ ࡅࡎࡓࡉࡍ ࡅࡀࡓࡁࡀ ࡊࡅࡊࡁࡉࡀ ࡅࡐࡀࡂࡓࡀ ࡎࡓࡉࡍ ࡅࡀࡓࡁࡀ ࡓࡀࡆࡉࡀ ࡖࡋࡀࡔࡀࡊࡁࡉࡀࡍ ࡖࡌࡀࡌࡉࡕࡓࡀࡍ ࡄࡀࡅࡉࡋࡅࡍ ࡋࡓࡀࡆࡉࡀ ࡊࡅࡋࡄࡅࡍ ࡞ ࡖࡀࡍࡉࡍ ࡄࡀࡊࡀ ࡀࡐࡓࡉࡔࡉࡍࡉࡍ ࡋࡄࡀࡋࡉࡍ ࡎࡓࡉࡍ ࡅࡀࡓࡁࡀ ࡃࡓࡀࡔࡉࡀ ࡖࡄࡏ ࡋࡉࡀࡍࡒࡀ ࡌࡑࡀࡓࡀࡓࡀ࡞ ࡅࡗ ࡍࡀࡐࡉࡒ ࡌࡍ ࡕࡉࡁࡉࡋ ࡌࡀࡄࡅ ࡌࡉࡍࡇ ࡌࡑࡀࡓࡀࡓࡀ ࡀࡌࡉࡍࡈࡅࡋ ࡖࡋࡀࡌࡉࡕࡒࡉࡓࡉࡀࡍ ࡀࡃࡉࡍࡒࡉࡀ ࡕࡀࡂࡀ ࡋࡀࡔࡅࡀࡋࡉࡀ ࡀࡍࡀࡕࡅࡍ ࡕࡉࡃࡅࡍ ࡖࡏࡕࡋࡇ ࡖࡍࡅࡒࡅࡁࡕࡀ ࡕࡀࡂࡀ ࡂࡀࡅࡀࡉࡀ ࡖࡀࡕࡉࡀ ࡁࡀࡓࡀࡉࡀ ࡅࡎࡀࡌࡉࡊ ࡏࡋࡇ ࡄࡆࡅࡍ ࡖࡄࡉࡃࡅࡕࡀ ࡕࡀࡂࡀ ࡏࡕࡋࡇ ࡂࡀࡅࡀࡉࡀ ࡁࡓࡀࡆ ࡍࡅࡒࡅࡁࡕࡀ ࡔࡊࡉࡍ ࡁࡀࡓࡀࡉࡀ ࡋࡉࡕࡋࡇ ࡌࡀࡋࡊࡅࡕࡀ ࡁࡂࡀࡅࡇ ࡀࡁࡉࡃ ࡄࡆࡅࡍ ࡖࡍࡅࡒࡅࡁࡕࡀ ࡀࡃࡉࡍࡒࡉࡀ ࡆࡉࡊࡓࡉࡀ ࡋࡀࡌࡉࡕࡒࡀࡉࡀࡌ ࡄࡆࡅࡍ ࡉࡀࡓࡃࡍࡀ {{ࡖ}} ࡀࡃࡉࡍࡒࡉࡀ ࡀࡉࡀࡓ ࡌࡉࡍࡃࡀࡌ ࡌࡉࡍࡇ ࡋࡀࡌࡉࡑࡈࡀࡓࡀࡓ ࡄࡆࡅࡍ ࡖࡊࡅࡋ ࡌࡉࡍࡃࡀࡌ ࡏࡕࡋࡇ ࡔࡋࡀࡄࡀ ࡅࡋࡁࡀࡔࡀ ࡄࡆࡅࡍ ࡖࡋࡀࡉࡉࡕ ࡏࡍࡉࡔ ࡖࡔࡀࡄࡋࡇ ࡄࡀࡃࡕࡀ ࡅࡄࡀࡕࡉࡒࡀ ࡋࡀࡁࡉࡔ ࡄࡆࡅࡍ ࡖࡊࡅࡋ ࡔࡋࡀࡄࡀ ࡄࡀࡕࡉࡒࡀ ࡄࡀࡅࡉࡀ ࡋࡁࡅࡔࡀ ࡄࡀࡃࡕࡀ ࡄࡀࡅࡉࡀ ࡄࡆࡅࡍ ࡔࡋࡀࡄࡀ ࡄࡀࡃࡕࡀ ࡅࡋࡁࡀࡔࡀ ࡄࡀࡃ ࡀࡁࡀࡕࡀࡓ ࡄࡀࡃ ࡄࡀࡅࡉࡀ ࡗ ࡌࡀࡆࡓࡅࡕࡀ ࡖࡔࡋࡀࡄࡀ ࡅࡋࡁࡀࡔࡀ ࡅࡄࡃࡀ ࡀࡁࡀࡕࡀࡓ ࡄࡃࡀ࡞ ࡀࡋࡌࡀ ࡖࡍࡀࡐࡒࡀ ࡋࡕࡉࡁࡉࡋ ࡖࡄࡏ ࡏࡌࡀ ࡄࡏ ࡁࡄࡉࡓࡉࡀ ࡅࡔࡀࡋࡌࡀࡍࡉࡀ ࡖࡀࡌࡀࡓࡍࡉࡍ ࡖࡏࡊࡀ ࡂࡀࡅࡀࡉࡀ ࡅࡁࡀࡓࡀࡉࡀ ࡋࡊࡅࡋ ࡌࡉࡍࡃࡀࡌ ࡄࡆࡅࡍ ࡖࡏࡕࡋࡇ ࡋࡉࡀࡍࡒࡀ ࡏࡌࡀ ࡂࡀࡅࡀࡉࡕࡀ ࡅࡁࡀࡓࡀࡉࡕࡀ ࡄࡆࡅࡍ ࡖࡏࡕࡋࡇ ࡀࡁ ࡂࡀࡅࡀࡉࡀ ࡅࡁࡀࡓࡀࡉࡀ ࡄࡆࡅࡍ ࡖࡀࡍࡀ ࡌࡀࡐࡓࡉࡔࡍࡀࡋࡊࡅࡍ ࡋࡄࡀࡋࡉࡍ ࡔࡋࡀࡄࡉࡀ ࡅࡋࡁࡀࡔࡉࡀ ࡂࡀࡅࡀࡉࡉࡀ ࡖࡌࡀࡆࡓࡅࡕࡀ ࡔࡋࡀࡄࡀ ࡅࡋࡁࡀࡔࡀ ࡀࡋࡌࡀ ࡖࡄࡀࡅࡉࡀ ࡋࡎࡀࡃࡓࡀ࡞ ࡔࡋࡀࡄࡀ ࡒࡀࡃࡌࡀࡉࡀ ࡖࡔࡋࡀࡄࡀ ࡌࡍ ࡂࡀࡓࡂࡋࡉࡀ ࡏࡋࡀࡉࡉࡀ ࡖࡓࡒࡉࡄࡀ ࡏࡋࡀࡉࡉࡀ ࡅࡀ ࡅࡀࡕࡉࡀ ࡁࡐࡉࡓࡉࡀ ࡍࡀࡐࡉࡋ ࡅࡔࡀࡄࡋࡀ ࡌࡍ ࡐࡉࡓࡉࡀ ࡅࡁࡐࡀࡂࡓࡀ ࡌࡉࡕࡋࡀࡁࡔࡀ࡞ ࡔࡀࡄࡋࡀ ࡌࡍ ࡂࡀࡁࡓࡀ ࡁࡏࡍࡕࡀ ࡌࡉࡕࡋࡀࡁࡔࡀ ࡅࡔࡀࡄࡋࡀ ࡌࡍ ࡏࡍࡕࡀ ࡁࡕࡉࡁࡉࡋ ࡌࡉࡕࡋࡀࡁࡔࡀ ࡔࡀࡄࡋࡀ ࡄࡀࡌࡔࡀࡉࡀࡉࡀ ࡌࡍ ࡕࡉࡁࡉࡋ ࡁࡀࡋࡌࡀ ࡖࡍࡄࡅࡓࡀ ࡌࡉࡕࡋࡀࡁࡀࡔ ࡖࡎࡀࡊࡀ ࡅࡌࡉࡍࡉࡀࡍࡀ ࡋࡉࡕࡋࡇ࡞ ࡄࡆࡅࡍ ࡖࡔࡋࡀࡄࡉࡀ ࡅࡋࡁࡀࡔࡉࡀ ࡂࡀࡅࡀࡉࡉࡀ ࡄࡆࡅࡍ ࡖࡏࡕࡋࡅࡍ ࡁࡀࡓࡀࡉࡉࡀ ࡖࡁࡀࡉࡉࡍ ࡌࡉ^ࡕ^ࡋࡀࡁࡔࡉࡀ ࡁࡂࡀࡅࡀࡉࡄࡅࡍ ࡗ ࡀࡉࡀࡓ ࡁࡀࡓࡀࡉࡀ ࡅࡂࡀࡅࡀࡉࡀ࡞ ࡔࡋࡀࡄࡀ ࡁࡀࡓࡀࡉࡀ ࡒࡀࡃࡌࡀࡉࡀ ࡗ ࡔࡀࡄࡋࡀ ࡌࡍ ࡑࡅࡓࡕࡀ ࡖ^ࡉࡀ^ࡄࡅࡈࡀࡉࡉࡀ ࡁࡌࡀࡍࡃࡀࡉࡅࡕࡀ ࡌࡉࡕࡋࡀࡁࡀࡔ࡞ ࡔࡋࡀࡄࡀ ࡕࡉࡍࡉࡀࡍࡀ ࡖࡔࡀࡄࡋࡀ࡞ ࡌࡍ ࡌࡀ{{ࡍࡃ}}ࡍࡃࡀࡉࡅࡕࡀ ࡅࡌࡉࡕࡋࡀࡁࡀࡔ ࡁࡕࡀࡓࡌࡀࡃࡅࡕࡀ ࡔࡋࡀ[ࡄࡀ] [ࡕࡋࡉࡕ]ࡀࡉࡀ ^ࡕࡋࡉࡕࡀࡉࡀ^ ࡖࡔࡀࡄࡋࡀ ࡌࡍ ࡕࡀࡓࡌࡀࡃࡅࡕࡀ ࡁࡒࡀࡁࡉࡍ ࡌࡉࡕࡋࡀࡁࡀࡔ ^࡞ ࡔࡋࡀࡄࡀ ࡀࡓࡁࡉࡀࡉࡀ ࡖࡔࡀࡄࡋࡀ ࡌࡍ ࡒࡀࡁࡉࡍ^ [ ] ࡌࡉࡕࡋࡀࡁࡔࡀ^࡞ ࡔࡋࡀࡄࡀ ࡄࡀࡌࡔࡀࡉࡀࡉࡀ [ ] ࡖࡔࡀࡄࡋࡀ ࡌࡍ ࡌࡉࡔࡀ ࡃࡀࡊࡉࡀ ࡁࡌࡀࡋࡊࡅࡕࡀ ࡌࡉࡕࡋࡀࡁࡀࡔ ࡖࡌࡀࡋࡊࡅࡕࡀ ࡋࡀࡔࡅࡀࡋࡉࡀ ࡉࡀࡄࡉࡁ ࡄࡆࡅࡍ ࡀࡎࡓࡀ ࡄࡅࡓࡉࡍࡉࡀ ࡔࡋࡀࡄࡉࡀ {{ࡅࡋࡁࡀ}} ࡅࡋࡁࡀࡔࡉࡀ ࡏࡕࡋࡇ ࡏࡋ ࡍࡉࡔࡉࡌࡕࡀ ࡀࡋࡌࡀ ࡖࡄࡀࡅࡉࡀ ࡅࡌࡉࡕࡒࡀࡉࡌࡀ࡞ ࡄࡆࡅࡍ ࡖࡏࡕࡋࡅࡍ ࡋࡄࡀࡋࡉࡍ ࡔࡋࡀࡄࡉࡀ ࡅࡋࡁࡀࡔࡉࡀ {{ࡕࡀࡐࡎࡉ}} ࡕࡀࡐࡎࡉࡓ ࡄࡅࡓࡉࡍࡉࡀ ࡋࡁࡀࡓ ࡌࡍ ࡄࡀࡆࡉࡍ ࡕࡀࡐࡎࡉࡓ ࡖࡀࡍࡉࡍ ࡀࡐࡓࡉࡔࡍࡉࡍ ࡁࡄࡀࡆࡉࡍ ࡎࡉࡂࡉࡀ ࡁࡀࡓࡀࡉࡀ ࡅࡂࡀࡅࡀࡉࡀ ࡁࡅࡑࡀࡓࡀࡓࡕࡀ ࡖࡍࡉࡔࡉࡌࡕࡕࡀ ࡖࡄࡅ ࡀࡋࡌࡀ ࡖࡄࡉࡁࡉࡋ ࡆࡉࡅࡀ ࡓࡁࡀ ࡔࡅࡌࡇ࡞ ࡖࡊࡅࡋࡄࡅࡍ ࡀࡎࡀࡅࡀࡕࡀ ࡁࡂࡀࡅࡇ ࡔࡊࡉࡍࡉࡀ ࡖࡄࡏ ࡋࡍࡉࡔࡉࡌࡕࡀ ࡌࡀࡎࡉࡀࡋࡅࡍ ࡌࡍ ࡌࡉࡄࡉࡀࡕࡀ ࡖࡁࡂࡀࡅࡇ ࡌࡉࡕࡋࡀࡁࡔࡉࡍ ࡀࡌࡉࡍࡈࡅࡋ ࡖࡓࡅࡄࡀ ࡅࡔࡉࡁࡉࡀࡄࡉࡀ ࡄࡉࡍࡂࡀ ࡖࡊࡉࡅࡀࡍ ࡁࡏࡅࡄࡓࡀ ࡖࡍࡉࡔࡉࡌࡕࡀ ࡖࡁࡀࡉࡉࡍ ࡍࡉࡎࡀࡊࡀࡊࡀ ࡀࡍࡉࡍ ࡌࡀࡎࡉࡍࡀࡋࡇ ࡌࡍ ࡌࡉࡄࡉࡀࡕࡀ ࡖࡏࡕࡁࡇ ࡗ ࡖࡌࡍ {{ࡓࡅࡄࡒࡀ}} ࡏࡅࡄࡓࡀ ࡖࡄࡉࡉࡀ ࡋࡀࡑࡀࡋࡉࡀ࡞ ࡄࡀࡉࡆࡀࡊ ࡒࡀࡋࡀ ࡒࡓࡀ ࡒࡓࡀࡁࡅࡍ ࡁࡄࡀࡍࡀࡕࡅࡍ ࡔࡅࡁࡀ ࡕࡀࡓࡌࡉࡃࡉࡀ {{ࡍࡉ}} ࡍࡉࡒࡌࡅࡍ ࡏࡋ ࡋࡉࡂࡓࡀࡉࡄࡅࡍ ࡅࡀࡎࡀ ࡐࡀࡋࡉࡂࡁࡅࡍ ࡅࡀࡌࡀࡓࡋࡅࡍ ࡉࡀࡌࡀࡍ ࡖࡌࡉࡔࡕࡉࡁࡉࡒࡋࡅࡍ ࡌࡀࡍࡃࡀ ࡖࡄࡉࡉࡀ ࡄࡀࡈࡀࡉࡅࡍ ࡁࡍࡉࡄࡅࡕࡀ ࡒࡓࡅࡍ ࡀࡌࡉࡍࡈࡅࡋ ࡖࡍࡉࡔࡉࡌࡕࡀ ࡁࡍࡉࡄࡅࡕࡀ ࡌࡀࡎࡂࡉࡀ ࡖࡄࡀࡅࡌࡀ ࡅࡓࡅࡂࡆࡀ ࡋࡅࡀࡕࡇ ࡋࡀࡌࡉࡕࡀࡔࡊࡀ ࡅࡌࡉࡕࡓࡀࡍࡃࡀࡃࡀ ࡖࡊࡅࡋࡀࡉࡊࡅࡍ ࡁࡍࡉࡄࡀࡉࡉࡕ ࡅࡑࡀࡋࡀࡉࡉࡕ ࡒࡓࡅࡍ ࡄࡀࡉࡆࡀࡊ ࡍࡉࡎࡁࡇ ࡋࡄࡀࡍࡀࡕࡇ ࡕࡀࡂࡀ ࡖࡏࡋ ^ࡀ^ࡔࡅࡀࡋࡉࡀ ࡏࡅࡑࡈࡀࡓࡀࡓ ࡅࡋࡂࡀࡈࡉࡅࡍ {{ࡊࡅࡋࡀࡉࡊࡅࡍ}} ࡊࡅࡋࡄࡅࡍ ࡁࡂࡀࡅࡇ ࡅࡀࡌࡀࡓ ࡁࡔࡅࡌࡀࡉࡄࡅࡍ ࡖࡄࡉࡉࡀ ࡓࡁࡉࡀ ࡍࡅࡊࡓࡀࡉࡉࡀ ࡌࡍ ࡀࡋࡌࡉࡀ ࡖࡍࡄࡅࡓࡀ ࡉࡀࡕࡉࡓࡉࡀ ࡖࡏࡋࡀࡅࡉࡀ ࡅࡊࡅࡋࡄࡅࡍ ࡏࡅࡁࡀࡃࡉࡀ ࡀࡎࡅࡕࡀ ࡅࡆࡀࡊࡅࡕࡀ ࡄࡀࡉࡋࡀ ࡅࡔࡓࡀࡓࡀ ࡅࡏࡌࡓࡀ ࡅࡔࡉࡌࡀ ࡅࡔࡀࡁࡉࡒ ࡄࡀࡈࡀࡉࡉࡀ ࡍࡉࡄࡅࡉࡋࡇ ࡋࡃࡉ ࡋࡔࡉࡔࡋࡀࡌ ࡀࡉࡀࡓ ࡁࡓ ࡎࡉࡌࡀࡕ ࡄࡉࡉࡀ ࡊࡀࡍࡀࡕ ࡁࡔࡅࡌࡀ ࡖࡄࡉࡉࡀ ࡅࡁࡔࡅࡌࡇ ࡖࡌࡀࡍࡃࡀ ࡖࡄࡉࡉࡀ ࡅࡁࡔࡅࡌࡇ ࡖࡄࡀࡄࡅ ࡂࡀࡁࡓࡀ ࡒࡀࡃࡌࡀࡉࡀ࡞ ࡀࡌࡉࡍࡈࡅࡋ ࡖࡕࡀࡐࡎࡉࡓ ࡅࡐࡅࡔࡓࡀ ࡖࡄࡀࡆࡉࡍ ࡆࡄࡀࡓࡉࡀ ࡖࡁࡔࡅࡌࡀ ࡖࡄࡀࡄࡅ ࡂࡀࡁࡓࡀ ࡒࡀࡃࡌࡀࡉࡀ ࡁࡀࡋࡌࡀ ࡋࡁࡀࡓ ࡌࡍ ࡄࡀࡆࡉࡍ ࡀࡋࡌࡀ ࡖࡊࡅࡋ ࡄࡀࡃ ࡄࡀࡃ ࡄࡅࡂࡉࡀࡍࡀ ࡁࡉࡊࡌࡀ ࡓࡀࡆࡉࡀ ࡒࡀࡉࡉࡌ ࡌࡀࡍ ࡌࡍ ࡏࡅࡕࡓࡉࡀ ࡅࡌࡀࡋࡉࡋࡁࡇ ࡌࡀࡍ ࡌࡍ {{ࡏࡄࡅࡓࡇ}} ࡄࡀࡁࡓࡇ ࡌࡀࡋࡉࡋ ࡌࡀࡍ ࡌࡀࡍ ࡄࡀࡁࡓࡇ ࡋࡀࡍࡉࡌࡀࡋࡉࡋ ࡁࡄࡀࡌࡁࡀࡂࡅࡕࡀ ࡏࡕࡋࡀࡁࡀࡔ ࡊࡅࡋ ࡌࡀࡍ ࡖࡋࡀࡍࡉࡃࡀ ࡅࡋࡀࡍࡉࡐࡓࡅࡔ ࡏࡋࡀࡉࡄࡅࡍ ࡌࡉࡍࡃࡀࡌ ࡖࡋࡀࡅ ࡌࡉࡍࡃࡀࡌ ࡀࡁࡀࡃ ࡊࡅࡋࡇ ࡂࡉࡍࡆࡉࡀ ࡌࡍ ࡎࡌࡀࡋࡀ ࡄࡅࡀ࡞ ࡄࡀࡉࡆࡀࡊ ࡒࡓࡅࡍ ࡀࡋࡌࡀ ࡋࡃࡅࡊࡕࡀ ࡖࡀࡌࡀࡓ ࡄࡀࡉࡆࡀࡊ ࡄࡀࡄࡅ ࡌࡀࡓࡀ ࡖࡓࡀࡁࡅࡕࡀ ࡏࡋࡀࡉࡕࡀ ࡍࡎࡉࡁ ࡊࡋࡉࡋࡀ ࡖࡆࡉࡅࡀ ࡅࡍࡄࡅࡓࡀ ࡅࡏࡒࡀࡓࡀ ࡅࡁࡓࡉࡔࡀࡉ {{ࡕ}} ࡕࡓࡀࡑࡋࡇ࡞ ࡄࡀࡉࡆࡀࡊ ࡍࡉࡎࡁࡇ ࡄࡀࡄࡅ ࡓࡁࡀ ࡋࡕࡀࡂࡀ ࡅࡕࡓࡀࡑࡋࡇ ࡁࡓࡉࡔࡉࡇ ࡋࡄࡅࡃࡇ ࡀࡕࡅࡕࡉࡀ ࡊࡋࡉࡋࡀ ࡅࡊࡅࡋࡄࡅࡍ ࡀࡎࡉࡌࡉࡅࡍ ࡏࡃࡀ ࡏࡋࡇ ࡅࡎࡀࡉࡊࡅ ࡅࡒࡓࡅࡍ ࡄࡉࡉࡀ ࡒࡉࡓࡉࡅࡉࡀ ࡋࡉࡀࡅࡀࡓ ࡆࡉࡅࡀ ࡅࡍࡄࡅࡓ ࡍࡄࡅࡓࡀ ࡅࡌࡀࡍࡃࡀ ࡒࡓࡀࡍ ࡄࡀࡋࡉࡍ ࡀࡓࡁࡉࡀ ^ࡁࡀࡅࡀࡕࡀ {{ࡅࡀ}} ࡖࡀࡓࡁࡉࡀ^ ࡆࡀࡅࡉࡀࡕࡀ ࡏࡔࡅࡌࡉࡀ ࡄࡉࡍࡅࡍ ࡅࡀࡓࡁࡉࡀ ࡊࡀࡎࡉࡀࡕࡀ ࡖࡌࡅࡒࡓࡀ ࡄࡉࡍࡅࡍ ࡅࡀࡓࡁࡀ ࡓࡀࡆࡉࡀ ࡖࡔࡓࡉࡉࡀ ࡋࡐࡀࡂࡓࡀ ࡄࡉࡍࡅࡍ ࡆࡌࡀ ࡅࡌࡉࡓࡕࡀ ࡅࡁࡀࡋࡂࡀࡌ ࡅࡓࡅࡈࡁࡀ ࡄࡉࡍࡅࡍ ࡖࡄࡀࡕࡌࡀ ࡏࡋࡀࡅࡀࡉࡄࡅࡍ ࡏࡕࡀࡕࡍࡀ࡞ ࡅࡗ ࡄࡅࡍ ࡁࡓࡉࡔ ࡁࡉࡍࡉࡀࡍࡀ ࡖࡁࡉࡍࡉࡅࡉࡀ ࡋࡐࡀࡂࡓࡀ ࡅࡀࡉࡕࡅࡍ ࡁࡓࡉࡔࡀ ࡏࡕࡉࡁࡉࡅࡍ ࡅࡔࡊࡉࡁࡉࡅࡍ ࡏࡋ ࡈࡀࡈࡊࡉࡀ ࡅࡔࡉࡍࡕࡀ ࡋࡀࡌࡉࡕࡉࡀࡓࡉࡀ ࡔࡊࡉࡁࡉࡅࡍ࡞ ࡅࡗ ࡀࡕࡀࡕ ࡍࡉࡔࡉࡌࡕࡀ ࡀࡕࡉࡓࡕࡉࡍࡅࡍ ࡋࡓࡀࡆࡉࡀ ࡌࡍ ࡔࡉࡍࡕࡅࡍ ࡅࡗ ࡒࡀࡌࡉࡅࡍ ࡔࡉࡍࡕࡀ ࡄࡀࡌࡁࡀࡂࡀ ࡋࡍࡉࡔࡉࡌࡕࡀࡉࡄࡅࡍ࡞ ࡗ ࡀࡉࡀࡓ ࡏࡔࡕࡀࡈࡉࡀ ࡒࡅࡃࡀࡌࡀࡉࡄࡅࡍ ࡄࡉࡍࡅࡍ ࡌࡍ ࡓࡅࡂࡆࡀࡉࡄࡅࡍ ࡅࡊࡀࡍࡀ ࡅࡊࡅࡔࡈࡀ ࡌࡍ ࡀࡉࡀࡓ ࡐࡔࡀࡈ ࡅࡗ ࡐࡔࡀࡈ ࡊࡅࡔࡈࡀ ࡌࡍ ࡀࡉࡀࡓ ࡊࡅࡋࡄࡅࡍ ࡌࡍ ࡀࡕࡅࡕࡉࡀ ࡍࡉࡔࡉࡌࡕࡀ ࡔࡐࡉࡋ ࡅࡗ ࡔࡀࡐࡉࡋ ࡌࡍ ࡀࡕࡅࡕࡉࡀ ࡍࡉࡔࡉࡌࡕࡀ ࡄࡏ ࡔࡓࡀࡂࡉࡀ ࡕࡋࡀࡕ ࡊࡅࡋ ࡌࡉࡍࡃࡀࡌ ࡍࡄࡀ࡞ ࡅࡗ ࡁࡉࡕ ࡌࡉࡔࡒࡀࡋ ࡀࡉࡍࡉࡀ ࡒࡓࡅࡍ ࡏࡕࡀࡓ ࡄࡀࡍࡀࡕࡇ ࡓࡀࡆࡀ ࡖࡄࡏ ࡌࡀࡆࡓࡅࡕࡀ ࡁࡊࡅࡋࡄࡅࡍ ࡓࡀࡆࡉࡀ ࡔࡊࡉࡍࡀ ࡅࡁࡀࡉࡉࡋࡇ ࡋࡓࡀࡆࡉࡀ ࡖࡋࡃࡉࡋࡉࡀ ࡏࡑࡈࡀࡓࡀࡓ ࡀࡌࡉࡍࡈࡅࡋ ࡖࡀࡌࡀࡓࡕࡅࡍ ࡋࡁࡀࡁࡀ ࡏࡄࡉࡃࡀ ࡒࡀࡉࡉࡌ ࡁࡀࡁࡀ ࡖࡏࡄࡉࡃࡀ ࡕࡉࡐࡕࡀࡋࡀࡍ ࡀࡌࡉࡍࡈࡅࡋ ࡖࡄࡀࡕࡌࡀ ࡖࡌࡀࡋࡊࡉࡀ ࡏࡕࡀࡕࡍࡀ ࡏࡋ ࡓࡀࡆࡉࡀ ࡊࡅࡋࡄࡅࡍ ࡗ ࡍࡅࡒࡁࡀࡕࡀ ࡖࡄࡀࡕࡌࡀ ࡏࡕࡀࡕࡍࡀ ࡏࡋࡇ ࡀࡌࡉࡍࡈࡅࡋ ࡖࡀࡍࡀ ࡀࡁࡅࡊࡅࡍ ࡁࡄࡀࡕࡌࡀࡉ ࡄࡉࡕࡌࡉࡕ ࡓࡀࡆࡉࡀ ࡆࡉࡊࡓࡉࡀ࡞ ࡅࡃࡌࡅࡕࡀࡉࡊࡅࡍ ࡄࡉࡕࡌࡉࡕ ࡁࡓࡀࡆࡀ ࡖࡍࡅࡒࡁࡕࡀ ࡊࡅࡋ ࡌࡀࡍ ࡖࡄࡀࡕࡌࡀࡉ ࡕࡀࡁࡀࡓ ࡌࡍࡀࡕ ࡍࡄࡅࡓࡀ ࡄࡅ ࡁࡂࡀࡅࡇ ࡋࡀࡉࡉࡕ ࡞ ࡊࡅࡋ ࡍࡅࡒࡁࡕࡀ ࡖࡏࡋ ࡄࡀࡕࡌࡀࡉ ࡋࡀࡌࡀࡔࡓࡀ ࡌࡍࡀࡕ {{ࡍࡅࡓࡀ}} ࡍࡄࡅࡓࡀ ࡁࡂࡀࡅࡇ ࡋࡀࡉࡉࡕ ࡄࡏ ࡄࡀࡓࡂࡉࡕࡉࡍࡅࡍ ࡋࡓࡀࡆࡉࡀ ࡊࡅࡋࡄࡅࡍ࡞ ࡗ ࡌࡉࡔࡒࡀࡋ ࡀࡉࡍࡉࡀ ࡀࡌࡓࡉࡕࡅࡍ ࡑࡁࡉࡕࡉࡍࡅࡍ ࡋࡓࡀࡆࡉࡀ ࡊࡅࡋࡄࡅࡍ ࡏࡃࡀ ࡖࡍࡄࡅࡓࡀ ࡏࡋࡀࡅࡀࡉࡄࡅࡍ ࡏࡕࡀࡎࡉࡌࡀࡕ࡞ ࡗ ࡏࡎࡉࡓ ࡉࡀࡌࡀ ࡀࡌࡓࡉࡕࡅࡍ ࡐࡀࡂࡓࡀ ࡊࡅࡋࡇ ࡄࡕࡉࡌ ࡏࡎࡕࡀࡃࡀࡓ ࡄࡀࡕࡌࡀ ࡖࡍࡉࡔࡉࡌࡕࡀ ࡏࡕࡀࡕࡍࡀ ࡏࡋࡇ࡞ ࡀࡌࡉࡍࡈࡅࡋ ࡖࡌࡀࡉࡀ ࡐࡀࡂࡓࡀ ࡄࡅ࡞ ࡗ ࡂࡉࡌࡓࡀ ࡀࡍࡀ ࡂࡌࡉࡓࡀ ࡀࡌࡓࡉࡕࡅࡍ ࡄࡀࡍࡀࡕࡇ ࡄࡉࡌࡉࡀࡍࡀ ࡂࡀࡅࡀࡉࡀ ࡏࡕࡀࡓ ࡏࡋࡇ ࡖࡄࡀࡌࡁࡀࡂࡀ ࡋࡍࡉࡔࡉࡌࡕࡀ ࡋࡀࡄࡀࡅࡉࡀ࡞ ࡊࡃ ࡆࡄࡀ ࡏࡕ ࡅࡏࡕࡀࡆࡄࡀ ࡀࡌࡓࡉࡕࡅࡍ ࡊࡅࡋࡄࡉࡍ ࡒࡉࡓࡉࡀࡕࡀ ࡖࡄࡔࡅࡊࡀ ࡆࡄࡅࡍ ࡌࡉࡍࡀࡉࡊࡅࡍ ࡅࡀࡓࡁࡀ ࡏࡅࡕࡓࡉࡀ ࡁࡍࡉࡀ ࡍࡄࡅࡓࡀ ࡀࡓࡁࡀ ࡃࡓࡀࡁࡔࡉࡀ ࡋࡄࡀࡍࡀࡕࡇ ࡀࡔࡅࡀࡋࡉࡀ ࡍࡀࡂࡃࡉࡀ࡞ ࡅࡗ ࡀࡎࡅࡕࡀ ࡅࡆࡀࡊࡅࡕࡀ ࡗ ࡏࡄࡀࡁࡋࡇ ࡀࡌࡓࡉࡕࡅࡍ ࡀࡍࡀ ࡄࡅ ࡌࡀࡍࡃࡀ ࡖࡄࡉࡉࡀ ࡌࡀࡃࡊࡀࡓࡍࡀ ࡏࡋࡄ ࡄࡀࡆࡉࡍࡅࡍ ࡏࡋ ࡌࡀࡋࡀࡋࡊࡅࡍ ࡁࡀࡄࡉࡓࡍࡅࡍ ࡅࡊࡋࡉࡋࡀ ࡌࡍ ࡒࡅࡃࡀࡌࡇ ࡕࡀࡂࡀ ࡔࡐࡉࡋ࡞ ࡅࡗ ࡏࡎࡉࡓࡀ ࡄࡕࡉࡌࡀ ࡀࡌࡓࡉࡕࡅࡍ ࡏࡕࡍࡀࡈࡀࡓࡋࡇ ࡉࡀࡓࡃࡍࡀ ࡅࡔࡊࡉࡍࡕࡀ ࡅࡃࡓࡀࡁࡔࡀ ࡒࡅࡃࡀࡌ ࡁࡉࡄࡓࡀࡌ ࡓࡁࡇ ࡌࡎࡀࡊࡉࡋࡇ ࡖࡀࡕࡉࡀ ࡁࡂࡀࡅࡀࡉࡄࡅࡍ ࡌࡉࡕࡋࡀࡁࡀࡔ࡞ ^ࡅࡗ^ ࡁࡏࡅࡑࡀࡓ ࡄࡉࡉࡀ ࡀࡌࡓࡉࡕࡅࡍ ࡄࡀࡍࡀࡕࡇ ࡋࡁࡅࡔࡀ ࡖࡋࡁࡉࡔ ࡀࡔࡅࡀࡋࡉࡀ ࡍࡄࡅࡓࡀࡉࡅࡍ ࡁࡆࡉࡅࡀ ࡖࡌࡀࡍࡃࡀ ࡖࡄࡉࡉࡀ ࡖࡌࡅࡌࡀ ࡁࡂࡀࡅࡀࡉࡄࡅࡍ ࡋࡀࡍࡉࡄࡅࡉࡀ ࡞ ࡗ ࡏࡎࡉࡓࡀ ࡄࡕࡉࡌࡀ ࡓࡀࡁࡕࡉࡀ ࡀࡌࡓࡉࡕࡅࡍ ࡕࡔࡀ ࡔࡅࡓࡉࡀ ࡖࡃࡌࡀࡎࡀ ࡃࡀࡊࡉࡀ ࡏࡕࡀࡄࡃࡀࡓࡋࡇ ࡋࡄࡀࡍࡀࡕࡇ ࡀࡔࡅࡀࡋࡉࡀ ࡖࡄࡉࡍࡅࡍ ࡕࡔࡀ ࡉࡀࡄࡓࡉࡀ ࡖࡉࡀࡍࡒࡀ ࡁࡂࡀࡅࡀࡉࡄࡅࡍ ࡏࡓࡁࡉࡀ࡞ ࡅࡗ ࡀࡌࡓࡉࡕࡅࡍ ࡊࡍࡀࡐ ࡏࡅࡕࡓࡉࡀ ࡅࡊࡍࡀࡐ ࡔࡊࡉࡍࡀࡕࡀ ࡅࡊࡅࡓࡎࡉࡀ ࡋࡉࡀࡅࡀࡓ ࡌࡀࡋࡊࡀ ࡖࡏࡅࡕࡓࡉࡀ ࡕࡓࡀࡑࡋࡇ ࡏࡅࡕࡓࡉࡀ ࡀࡍࡀࡕࡅࡍ ࡔࡅࡁࡀ ࡕࡀࡓࡌࡉࡃࡉࡀ ࡖࡌࡅࡌࡀ ࡁࡂࡀࡅࡀࡉࡄࡅࡍ ࡋࡀࡉࡉࡕ࡞ ࡅࡔࡊࡉࡍࡀࡕࡀ ࡖࡀࡌࡓࡉࡕࡅࡍ ࡄࡀࡍࡀࡕࡅࡍ ࡑࡁࡉࡕࡀ ࡖࡏࡃࡇ ࡊࡅࡋࡄࡅࡍ ࡖࡎࡀࡃࡓࡀࡍ ࡊࡅࡋ ࡌࡉࡍࡃࡀࡌ ࡊࡅࡓࡎࡉࡀ {{ࡕࡀࡓࡑࡉ}} ࡕࡀࡓࡑࡉࡍ ࡀࡕࡅࡕࡀࡉࡊࡅࡍ ࡏࡅ ࡏࡃࡇ ࡒࡀࡓࡁࡀࡍ ࡋࡅࡀࡕࡀࡉࡊࡅࡍ ࡊࡅࡋ ࡌࡉࡍࡃࡀࡌ ࡖࡔࡀࡍࡀࡉ ࡍࡉࡔࡉࡌࡕࡀ ࡋࡀࡄࡀࡆࡉࡀ ࡄࡀࡍࡀࡕࡇ ࡉࡀࡅࡀࡓ ࡖࡀࡌࡓࡉࡕࡅࡍ ࡏࡋࡇ ࡉࡀࡅࡀࡓ ࡍࡉࡔࡉࡌࡕࡀ ࡄࡅ ࡖࡁࡕࡀࡓࡌࡉࡃࡉࡀ ࡅࡌࡀࡍࡃࡀࡉࡉࡀ ࡌࡉࡕࡋࡀࡁࡔࡀ ࡀࡌࡉࡍࡈࡅࡋ ࡅࡏࡅ ࡌࡀࡍࡃࡀࡉࡀ ࡄࡀࡍࡀࡕࡅࡍ ࡋࡁࡅࡔࡉࡍ ࡕࡀࡂࡀ ࡖࡌࡀࡋࡊࡅࡕࡀ ࡌࡍ ࡍࡉࡔࡉࡌࡕࡀ ࡏࡑࡈࡀࡓࡀࡓ ࡖࡕࡀࡂࡀ ࡋࡀࡔࡅࡀࡋࡀࡍࡉࡀ ࡋࡀࡕࡓࡑࡉࡀ ࡀࡌࡉࡍࡈࡅࡋ ࡖࡓࡀࡆ ࡌࡉࡔࡒࡀࡋ ࡀࡉࡍࡉࡀ ࡀࡓࡅࡌࡉࡀ ࡂࡉࡋࡉࡀ ࡐࡀࡓࡑࡅࡐࡇ ࡁࡂࡀࡅࡇ ࡋࡀࡕࡋࡀࡁࡀࡔ ࡐࡀࡓࡒࡇ ࡋࡓࡀࡆࡀ ࡖࡀࡁࡀ ࡅࡁࡓࡀࡆࡀ ࡖࡏࡌࡀ ࡏࡕࡋࡀࡁࡀࡔ࡞ ࡋࡀࡌࡀࡓ ࡌࡉࡔࡒࡀࡋ ࡀࡉࡍࡉࡀ ࡀࡓࡅࡌࡉࡀ ࡂࡉࡋࡉࡀ ࡐࡀ ࡐࡀࡓࡑࡅࡐࡇ ࡅࡀࡉࡍࡇ lࡏࡉࡋ ࡋࡀࡔࡒࡀࡋ ࡁࡓࡀࡆࡀ ࡖࡀࡁࡀ ࡋࡀࡕࡋࡀࡁࡀࡔ ࡋࡀࡃ^ࡀ^ࡋࡉࡀ ࡕࡀࡂࡀࡀ ࡋࡊࡋࡉࡋࡀ ࡗ ࡋࡀࡏࡃࡀࡋࡉࡀ ࡊࡅࡋ ࡌࡉࡍࡃࡀࡌ ࡖࡄࡔࡅࡊࡀ ࡄࡅ ࡁࡓࡀࡆࡀ ^ࡏࡌࡀ^ ࡏࡕࡋࡀࡁࡀࡔ ࡅࡊࡀࡐ ࡍࡀࡐࡔࡉࡀ ࡌࡍ ࡓࡀࡅࡌࡀ ࡅࡁࡅࡓࡊࡇ ࡋࡀࡓࡒࡀ {{ࡋࡀ}}ࡊࡀࡐ ࡀࡓࡒࡀ ࡄࡀࡃࡉࡀ ࡁࡂࡀࡅࡇ ࡖࡌࡍ ࡓࡀࡅࡌࡀ ࡋࡕࡀࡅࡌࡀ ࡀࡕࡀ ࡎࡉࡍ ࡋࡓࡀࡆ ࡌࡀࡋࡀࡋࡀ ࡅࡓࡅࡔࡅࡌࡀ ࡖࡁࡓࡉࡔࡀ ࡀࡆࡀࡋ ࡌࡍࡀࡕ ࡓࡅࡄࡀ ࡓࡄࡉࡌ ࡌࡍ ࡋࡁࡅࡔࡀ ࡀࡌࡉࡍࡈࡅࡋ ࡖࡊࡀࡐ ࡁ^ࡅ^ࡓࡊࡇ ࡋࡀࡓࡒࡀ ࡔࡉࡒࡋࡇ ࡋࡁࡉࡃࡒࡀ ࡓࡀࡌࡀ ࡋࡃࡀࡓࡃࡀࡓࡉࡀ ࡋࡀࡌࡉࡎࡕࡀࡊࡀࡓ ࡐࡕࡀࡄࡉࡍࡅࡍ ࡏࡋ ࡁࡀࡁࡉࡀ ࡓࡅࡄࡀ ࡅࡊࡅࡋࡄࡉࡍ ࡁࡀࡁࡉࡀ ࡖࡍࡉࡔࡉࡌࡕࡀ ࡄࡀࡃ ࡅࡀࡉࡋࡇ ࡋࡊࡅࡋ ࡌࡀࡍ ࡖࡌࡍࡀ ࡋࡓࡅࡄࡀ ࡏࡄࡀࡁ ࡅࡓࡀࡆࡉࡀ ࡖ ࡓࡅࡄࡀ ࡓࡄࡉࡌ ࡅࡁࡓࡀࡆࡉࡀ ࡖࡀࡁࡀ ࡋࡀࡏࡕࡋࡀ ࡁࡀࡔ࡞ ࡗ ࡁࡉࡅࡌࡀ ࡖࡋࡉࡁࡔࡉࡀ ࡌࡀࡍࡃࡀ ࡖ ࡄࡉࡉࡀ ࡋࡉࡋࡁࡅࡔࡉࡇ ࡀࡌࡓࡉࡕࡅࡍ࡞ ࡋࡁࡅࡔࡀ ࡋࡁࡅࡔ ࡖࡋࡁࡉࡔ ࡍࡄࡀࡓ࡞ ࡗ ࡄࡉࡌࡉࡀࡍࡀ ࡀࡌࡓࡉࡕࡅࡍ ࡍࡄࡀࡓ ࡄࡀࡍࡀࡕࡇ ࡊࡋࡉࡋࡀ ࡖࡏࡋ ࡓࡉࡔ ࡖࡋࡉࡁࡀ ࡕࡓࡉࡑ࡞ ࡅࡗ ࡊࡎࡅࡉ^ࡉ^ࡀ ࡀࡌࡓࡉࡕࡅࡍ ^ࡍࡄࡅࡓࡀ^ ࡅࡓࡀࡆࡀ ࡄࡀࡍࡀࡕࡇ ࡔࡊࡉࡍࡕࡀ ࡖࡁࡂࡀࡅࡇ ࡉࡀࡕࡁࡉࡕࡅࡍ ࡖࡄࡏ ࡊࡎࡅࡉࡀ ࡌࡊࡀࡎࡉࡋࡅࡍ ࡋࡓࡀࡆࡉࡀ ࡊࡅࡋࡄࡅࡍ ࡗ ࡍࡀࡑࡉࡐࡀ ࡀࡌࡓࡉࡕࡅࡍ ࡏࡋࡀࡍࡉࡀ ࡖࡏࡋ ࡀࡉࡍࡀ ࡔࡓࡉࡍ ࡅࡓࡀࡆࡉࡀ ࡁࡔࡀࡄࡐࡉࡀ ࡄࡀࡃࡕࡉࡀ ࡅࡈࡅࡋࡇ ࡋࡍࡉࡔࡉࡌࡕࡀ ࡉࡀࡕࡁࡉࡀ࡞ ࡗ ࡕࡀࡂࡀ ࡀࡌࡓࡉࡕࡅࡍ ࡌࡍ ࡊࡀࡓࡎࡀࡅࡀࡕࡅࡍ ࡕࡉࡒࡌࡅࡍ ࡅࡏࡃࡀ ࡌࡀࡎࡉࡌࡉࡕࡅࡍ ࡄࡀࡍࡀࡕࡇ ࡕࡀࡂࡀ ࡂࡀࡅࡀࡉࡀ ࡖࡄࡅ ࡋࡍࡉࡔࡉࡌࡕࡀ ࡄࡀࡓࡃࡉࡋࡇ ࡀࡉࡍࡀࡍࡉࡀࡕࡀ ࡏࡑࡈࡀࡋࡀࡋࡁࡇ࡞ ࡗ ࡔࡀࡓࡅࡀࡋࡀ ࡀࡌࡓࡉࡕࡅࡍ ࡄࡀࡕࡌࡀ ࡏࡋ {{ࡊࡅࡋ}} ࡓࡀࡆࡉࡀ ࡖࡐࡀࡂࡓࡀ ࡏࡕࡀࡕࡍࡀ ࡖࡆࡉࡊࡓࡉࡀ ࡅࡍࡅࡒࡁࡀࡕࡀ ࡁࡂࡀࡅࡀࡉࡄࡅࡍ ࡌࡉࡆࡃࡀࡄࡓࡀࡍ࡞ ࡅࡗ ࡌࡀࡓࡂࡍࡀ ࡀࡌࡓࡉࡕࡅࡍ ࡄࡀࡉࡋࡇ lࡏࡑࡈࡅࡍࡀ ࡉࡀࡄࡁࡉࡕࡅࡍ࡞ ࡗ ࡀࡎࡀ ࡅࡌࡍ ࡌࡀࡓࡌࡀࡄࡅࡆ ࡊࡋࡉࡋࡀ ࡂࡉࡃࡋࡉࡕ ࡅࡁࡓࡉࡔࡀ ࡖࡉࡀࡅࡀࡓ ࡌࡀࡋࡊࡀ ࡖࡏࡅࡕࡓࡉࡀ ࡕࡉࡓࡑࡉࡕ ࡀࡌࡓࡉࡕࡅࡍ ࡍࡉࡔࡉࡌࡕࡀ ࡄࡀࡃࡉࡀ ࡖࡊࡋࡉࡋࡀ ࡅࡕࡀࡂࡀ ࡁࡓࡉࡔࡉࡇ ࡏࡕࡀࡕࡍࡀ࡞ ࡅࡗ ࡌࡀࡍ ࡌࡍ ࡏࡅࡕࡓࡉࡀ ࡀࡌࡓࡉࡕࡅࡍ ࡓࡅࡄࡀ ࡋࡀࡓࡁࡀ ࡓࡀࡆࡉࡀ ࡀࡌࡓࡀࡋࡅࡍ ࡌࡀࡍ ࡖࡊࡋࡉࡋࡀࡉ ࡅࡓࡀࡆࡀࡉ ࡖࡓࡄࡀࡌࡕࡀ ࡌࡀࡍ ࡄࡅ ࡖࡌࡉࡍࡀࡉ ࡍࡀࡎࡉࡁࡋࡇ ࡁࡓࡉࡔࡀ ࡍࡀࡕࡍࡀ ࡅࡆࡉࡅࡀ ࡃࡉࡋࡉࡀ ࡍࡉࡄࡀࡔࡊࡀ࡞ ࡗ ࡀࡌࡓࡉࡕࡅࡍ ࡓࡉࡔ ࡕࡀࡓࡅࡀࡍ ࡔࡀࡅࡉࡅࡊ ࡓࡀࡆࡉࡀ ࡊࡅࡋࡄࡅࡍ ࡓࡉࡔࡀࡉࡄࡅࡍ ࡊࡀࡁࡔ^ࡉ^ࡀ ࡅࡃࡍࡅࡕࡀ ࡏࡋ ࡋࡉࡁࡀ ࡉࡀࡄࡁࡉࡀ࡞ ࡀࡌࡉࡍࡈࡅࡋ ࡖࡉࡀࡅࡀࡓ ࡕࡀࡂࡀ ࡕࡓࡀࡑࡋࡇ࡞ ࡅࡗ ࡌࡀࡍ ࡔࡉࡄࡋࡀࡊ ࡌࡀࡋࡊࡀ ࡄࡀࡃࡕࡀ ࡖࡄࡀࡋࡉࡍ ࡊࡅࡋࡄࡉࡍ ࡏࡁࡉࡃࡀࡕࡀ ࡌࡉࡍࡀࡊ ࡓࡅࡄࡀ ࡔࡉࡁࡉࡀࡄࡉࡀ ࡂࡀࡄࡊࡉࡀ ࡅࡎࡀࡂࡃࡉࡋࡇ ࡋࡍࡉࡔࡉࡌࡕࡀ࡞ ࡗ ࡀࡌࡓࡉࡕࡅࡍ ࡌࡀࡍ ࡔࡉࡄࡋࡀࡊ ࡌࡀࡋࡊࡀ ࡄࡀࡃࡕࡀ ࡁࡎࡀࡊࡀ ࡖࡓࡁࡉࡀ ࡉࡀࡕࡁࡉࡕ ࡄࡀࡍࡀࡕࡇ ࡓࡀࡆࡉࡀ ࡖࡔࡓࡏࡉࡉࡍ ࡁࡂࡋࡑࡈࡌࡀ ࡂࡀࡅࡀࡉࡀ ࡍࡀࡄࡓࡉࡀ ࡅࡌࡉࡃࡍࡉࡋࡇ ࡋࡂࡀࡁࡓࡀ ࡖࡆࡉࡅࡀ ࡏࡋࡀࡅࡀࡉࡄࡅࡍ ࡔࡓࡀ࡞ ࡗ ࡀࡁࡅࡍ ࡔࡉࡄࡋ{{ࡀࡊ}}^ࡅࡍ^ ࡆࡉࡅࡀ ࡀࡌࡓࡉࡕࡅࡍ ࡍࡉࡔࡉࡌࡕࡀ ࡄࡀࡃࡉࡀ ࡕࡀࡂࡀ ࡁࡓࡉࡔࡀ ࡏࡕࡀࡕࡍࡀ ࡏࡃࡀࡋࡉࡀࡕ ࡋࡓࡀࡆࡉࡀ ࡊࡅࡋࡄࡅࡍ ࡗ ࡀࡁࡅࡍ ࡊࡋࡉࡋࡀࡊ ࡌࡍ ࡓࡅࡀࡆ ࡂࡅࡐࡍࡀ ࡀࡌࡓࡉࡕࡅࡍ ࡄࡀࡍࡀࡕࡇ ࡓࡀࡆࡀ ࡂࡅࡐࡍࡀ ࡖࡀࡓࡒࡀ ࡖࡀࡉࡀࡓ ࡔࡓࡉࡀ ࡌࡎࡀࡊࡉ^ࡀ^ࡋࡇ ࡖࡊࡋࡉࡋࡀ ࡌࡉࡍࡇ ࡂࡀࡃࡋࡉࡀ ࡂࡀࡃࡉࡋ ࡅࡁࡓࡉࡔࡉࡀ ࡍࡀࡕࡍࡀ࡞ ࡗ ࡔࡀࡕࡉࡋ ࡔࡉࡕࡋࡉࡀ ࡔࡅࡕࡋࡇ ࡀࡌࡓࡉࡕࡅࡍ ࡊࡅࡋࡄࡅࡍ ࡓࡀࡆࡉࡀ ࡊࡀࡁࡔࡉࡀ ࡅࡌࡁࡀࡓࡊࡉࡋࡇ ࡋࡉࡀࡅࡀࡓ ࡅࡀࡌࡓࡉࡍ ࡔࡅࡕࡋࡇ ࡋࡄࡀࡍࡀࡕࡇ ࡔࡉࡕࡋࡀࡊ ࡋࡅࡀࡕࡀࡊ ࡖࡀࡍࡉࡍ ࡊࡅࡋࡀࡉࡀࡍ ࡀࡓࡀࡁࡉࡂࡀࡓ ࡃࡉࡋࡇ ࡄࡀࡅࡉࡍࡉࡍ࡞ ࡗ ࡆࡅࡈࡀࡍࡀࡋࡅࡍ lࡏࡅࡕࡓࡉࡀ ࡅࡌࡉࡀࡍࡒࡉࡍࡀࡋࡅࡍ ࡋࡐࡀࡎࡉࡌࡊࡉࡀ ࡓࡀࡁࡍࡀ ࡅࡓࡀࡁࡀࡋࡉࡀ ࡍࡀࡐࡔࡀࡉ ࡖࡔࡕࡉࡕ ࡌࡉࡀ ࡌࡍ ࡐࡅࡌ ࡐࡓࡀࡔ࡞ ࡄࡀࡉࡆࡀࡊ ࡀࡌࡓࡉࡕࡅࡍ ࡍࡉࡔࡉࡌࡕࡀ ࡖࡄࡅࡀࡕ ࡌࡉࡀࡍࡀࡒࡕࡀ ࡅࡍࡀࡐࡔࡀࡉ ࡏࡃࡀࡓࡃࡉࡒࡉࡕ ࡌࡍ ࡊࡅࡋࡄࡉࡍ ࡓࡀࡆࡉࡀ ࡗ ࡏࡃࡀࡓࡃࡉࡒࡉࡕ ࡍࡀࡐࡔࡀࡉ ࡓࡁࡉࡕ ࡌࡍ ࡊࡅࡋࡄࡅࡍ ࡕࡀࡂࡀ ࡖࡌࡀࡋࡊࡅࡕࡀ ࡁࡓࡉࡔࡀࡉ ࡏࡕࡀࡕࡍࡀ ࡅࡀࡉࡋࡀࡉࡊࡅࡍ ࡓࡀࡆࡉࡀ ࡖࡍࡀࡐࡔࡀࡉࡊࡅࡍ ࡏࡂࡀࡁࡀࡓ ࡏࡋࡀࡉ ࡀࡌࡓࡉࡕࡅࡍ ࡖࡀࡍࡉࡍ ࡂࡀࡁࡀࡓࡉࡀ ࡅࡓࡁࡉࡀ ࡋࡍࡀࡐࡔࡀࡉࡊࡅࡍ ࡒࡓࡀࡉࡕࡅࡍ ࡅࡌࡅࡌࡀ ࡋࡍࡀࡐࡔࡀࡉࡊࡅࡍ ࡍࡎࡀࡁࡕࡅࡍ ࡅࡕࡉࡀ ࡅࡕࡉࡀࡍࡀࡒࡕࡅࡍ ࡅࡕࡓࡀࡅࡓࡀࡁࡕࡅࡍ ࡅࡀࡆࡋࡉࡕࡅࡍ ࡀࡕࡅࡕࡉࡀ ࡈࡅࡋࡀ ࡖࡓࡅࡄࡀ ࡔࡀࡊࡁࡉࡕࡅࡍ ^࡞ ࡅࡗ ࡍࡉࡍࡀࡈࡓࡀࡍࡊࡅࡍ ࡍࡀࡈࡓࡀ ࡃࡀࡊࡉࡉࡀ ࡀࡌࡓࡉࡕࡅࡍ ࡓࡀࡆࡉࡀ ࡊࡅࡋࡄࡅࡍ ࡊࡀࡁࡔࡉࡀ ࡅࡎࡀࡂࡃࡉࡋࡇ ࡋࡍࡉࡔࡉࡌࡕࡀ ࡅࡀࡌࡓࡉࡍ ࡄࡀࡔࡕࡀ ࡍࡎࡀࡁࡉࡍࡉࡍ ࡓࡁࡅࡕࡀ ࡏࡋࡀࡊ^࡞ ࡏࡋ ࡍࡉࡔࡉࡌࡕࡀ ࡅࡀࡌࡓࡉࡍ ࡄࡀࡔࡕࡀ ࡍࡎࡀࡁࡍࡉࡍ ࡓࡁࡅࡕࡀ ࡏࡋࡀࡊ ࡀࡍࡀࡕ ࡑࡁࡉࡍࡀࡍ ࡀࡕࡅࡕࡉࡀ ࡃࡓࡀࡁࡔࡀࡊ ࡖࡎࡀࡋࡒࡉࡍࡉࡍ ࡌࡉࡍࡀࡊ ࡋࡀࡕࡀࡓ ࡍࡄࡅࡓ࡞ ࡗ ࡀࡌࡀࡓ ࡓࡁࡀ࡞ ࡁࡔࡅࡌࡀࡉࡄࡅࡍ ࡖࡄࡉࡉࡀ ࡓࡁࡉࡀ ࡁࡉࡅࡌࡀ ࡖࡕࡓࡀࡑࡋࡇ ࡕࡀࡂࡀ ࡋࡔࡉࡔࡋࡀࡌ ࡓࡁࡀ ࡏࡑࡈࡀࡓࡀࡓ ࡋࡉࡀࡓࡃࡍࡀ ࡉࡀࡓࡃࡍࡉࡀ ࡏࡑࡈࡀࡓࡀࡓ ࡋࡉࡀࡌࡉࡍࡇ ࡑࡉࡓࡉࡀ ࡁࡂࡀࡅࡀࡉࡄࡅࡍ ࡓࡅࡔࡅࡌࡉࡀ ࡖࡑࡉࡓࡉࡀ ࡁࡂࡀࡅࡀࡉࡄࡅࡍ ࡃࡓࡀࡁࡔࡉࡀ ࡅࡊࡅࡔࡈࡉࡀ ࡅࡌࡀࡋࡊࡉࡀ ࡅࡕࡀࡍࡀࡍࡉࡀ ࡅࡍࡉࡈࡅࡐࡉࡀࡕࡀ ࡊࡅࡋࡄࡅࡍ ࡃࡓࡀࡁࡔࡉࡀ ࡎࡀࡂࡃࡉࡋࡇ ࡋࡕࡀࡂࡀ ࡓࡁࡀ ࡅࡋࡂࡅࡐࡍࡀ ࡖࡌࡉࡍࡇ ࡏࡕࡉࡍࡑࡉࡁࡉࡅࡍ ࡌࡍ ࡓࡉࡔ ࡁࡓࡉࡔ࡞ ࡗ ࡀࡌࡓࡉࡕࡅࡍ ࡁࡔࡅࡌࡀ ࡖࡄࡉࡉࡀ ࡓࡁࡉࡀ ࡁࡉࡅࡌࡀ ࡖࡕࡓࡀࡑࡋࡇ ࡕࡀࡂࡀ ࡏࡋ ࡔࡉࡔࡋࡀࡌ ࡓࡁࡀ ࡀࡓࡁࡀࡎࡀࡓ ࡀࡋࡌࡉࡀ ࡖࡍࡄࡅࡓࡀ ࡊࡅࡋࡄࡅࡍ ࡋࡅࡀࡕࡀࡉࡊࡅࡍ ࡏࡊࡀࡍࡀࡐࡉࡅࡍ ࡀࡌࡉࡔ ࡀࡌࡉࡍࡈࡅࡋ {{ࡖࡍࡉࡔ}} ࡖࡔࡉࡔࡋࡀࡌ ࡍࡉࡔࡉࡌࡕࡀ ^ࡄࡏ^ ࡖࡌࡍ ࡃࡉࡋࡉࡀ ࡏࡑࡈࡀࡓࡀࡓࡀࡕ ࡀࡌࡉࡍࡈࡅࡋ ࡖࡕࡀࡐࡎࡉࡓ ࡖࡄࡀࡋࡉࡍ ࡔࡅࡁࡀ ࡏࡍࡉࡀࡍࡇ ࡐࡀࡎࡅࡂ ࡃࡉࡋࡅࡍ ࡃࡉࡋࡅࡍ ࡀࡍࡉࡍ ࡀࡐࡓࡉࡔࡉࡍࡉࡍ {{ࡏࡋࡀࡅࡀࡉࡄ}} ࡏࡋࡀࡅࡀࡉࡄࡅࡍ ࡌࡍ ࡀࡉࡍࡀ ࡋࡕࡉࡕ ࡁࡊࡉࡎࡉࡀ ࡂࡀࡅࡀࡉ^ࡉ^ࡀ ࡅࡊࡉࡎࡉࡀ ࡖࡁࡉࡕ ࡊࡉࡎࡉࡀ ࡀࡍࡉࡍ ࡀࡌࡀࡓࡍࡀࡋࡇ ࡖࡀࡉࡍࡀ ࡖࡊࡅࡋ ࡏࡍࡉࡔ ࡏࡋࡇ ࡋࡀࡕࡉࡐࡉࡋ ࡖࡊࡅࡋ ࡄࡀࡃ ࡌࡀࡌࡋࡀ ࡖࡌࡍ ࡌࡀࡄࡅ ࡕࡀࡂࡀ ࡌࡑࡀࡓࡀࡓࡀ ࡀ^ࡌࡉ^ࡍࡈࡅࡋ ࡖࡊࡅࡋ ࡄࡀࡃ ࡏࡍࡉࡔ ࡏࡍࡉࡀࡍࡀ ࡋࡄࡀࡃ ࡉࡅࡌࡀ ࡏࡑࡈࡋࡀ ࡏࡑࡈࡀࡓࡀࡓ ࡖࡄࡉࡍࡅࡍ ࡔࡅࡁࡀ ࡉࡅࡌࡉࡀ ࡖࡄࡀࡁࡔࡀࡁࡀ ࡖ ࡄࡉࡍࡅࡍ ࡔࡅࡁࡀ ࡐࡀࡎࡅࡂ ࡃࡉࡋࡅࡍ ࡔࡅࡁࡀ ࡋࡉࡋࡀࡅࡀࡕࡀ ࡄࡉࡍࡅࡍ ࡀࡍࡉࡍ ࡀࡐࡓࡉࡔࡍࡉࡍ ࡏࡋࡀࡅࡀࡉࡄࡅࡍ ࡁࡉࡍࡐࡉࡔ ࡅࡓࡅࡄࡑࡀࡍࡀ ࡏࡋࡀࡅࡀࡉࡄࡅࡍ ࡄࡅࡀࡋࡉࡍ࡞ ࡅࡗ ࡀࡌࡓࡉࡕࡅࡍ ࡁࡔࡅࡌࡀ ࡖ ࡄࡉࡉࡀ ^ࡓࡁࡉࡀ^ ࡁࡓࡉࡊ ࡄࡀࡆࡉࡍ ࡒࡀࡋࡀ ࡃࡀࡊࡉࡀ ࡅࡁࡓࡉࡊࡀ ࡅࡌࡔࡀࡁࡀ ࡍࡉࡑࡅࡁࡕࡀࡉࡊࡅࡍ ࡁࡓࡉࡊ ࡄࡀࡆࡉࡍ ࡕࡀࡂࡀ ࡄࡀࡃࡕࡀ ࡅࡁࡓࡉࡊࡀ ࡄࡀࡆࡉࡍ ࡒࡉࡍࡕࡀ ࡅࡁࡓࡉࡊࡀ ࡄࡀࡆࡉࡍ ࡔࡊࡉࡍࡕࡀ ࡖࡌࡀࡋࡊࡉࡀ ࡁࡂࡀࡅࡀࡉࡄࡅࡍ ࡉࡀࡕࡁࡉࡀ ࡌࡍ ࡓࡉࡔ ࡁࡓࡉࡔ࡞ ࡄࡀࡍࡀࡕࡅࡍ ࡀࡓࡁࡀ ࡓࡀࡆࡉࡀ ࡔࡀࡄࡋࡉࡍ ࡌࡍ ࡏࡔࡀࡕࡀ ࡏࡊࡉࡋࡕࡀ ࡅࡋࡁࡅࡔࡀ ࡖࡏࡔࡀࡕࡀ ࡄࡀࡉࡕࡀ ࡋࡁࡀࡔ ࡅࡌࡓࡅࡓࡕࡀ ࡋࡍࡉࡔࡉࡌࡕࡀ ࡄࡅࡀ࡞ ࡗ ࡀࡌࡀࡓ ࡁࡔࡅࡌࡀ ࡖࡄࡉࡉࡀ ࡓࡁࡉࡀ ࡁࡉࡅࡌࡀ ࡖࡕࡓࡀࡑࡋࡇ ࡕࡀࡂࡀ ࡋࡔࡉࡔࡋࡀࡌ ࡓࡁࡀ ࡍࡄࡀࡓࡅࡁࡇ ࡎࡉࡌࡀࡕ ࡄࡉࡉࡀ ࡅࡍࡈࡀࡓࡀࡓ ࡁࡀࡋࡀࡁࡅࡔࡉࡀ ࡕࡓࡉࡎࡀࡓ ࡍࡀࡅࡓࡉࡀ ࡍࡀࡅࡓࡉࡀ {{ࡍࡉࡈࡅࡐࡉࡀࡕࡀ ࡅࡀࡉࡍࡉࡀ ࡐࡓࡀࡔࡉࡁࡅࡍ ࡂࡉࡍࡆࡉࡇ}} ࡕࡓࡉࡎࡉࡓ ࡏࡑࡈࡀࡓࡀࡓ ࡁࡀࡋࡀࡁࡅࡔࡉࡇ ࡅࡔࡅࡁࡀ ࡄࡅࡓࡉࡍࡉࡀ ࡁࡂࡅࡔࡁࡀࡍࡒࡀ ࡅࡄࡀࡌࡉࡔ ࡍࡉࡈࡅࡐࡉࡀࡕࡀ ࡅࡀࡉࡍࡉࡀ ࡐࡓࡉࡔࡁࡅࡍ ࡂࡀࡍࡆࡉࡀ ^ࡄࡅ^ ࡔࡀࡍࡉࡀ ࡏࡋࡀࡍࡉࡀ ࡎࡀࡓࡎࡉࡍ ࡃࡀࡄࡁࡀ ࡅࡀࡍࡐࡉࡔ ࡈࡅࡍࡀࡉࡄࡅࡍ ࡌࡀࡓࡂ^ࡀ^ࡍࡉࡀ ࡌ^ࡀ^ࡍ ࡀࡉ^ࡌࡉ^ࡍࡀࡉࡄࡅࡍ ࡖࡌࡀࡋࡊࡉࡀ ࡊࡅࡋࡄࡅࡍ ࡖࡍࡀࡔࡀࡓ ࡅࡍࡉࡄࡆࡉࡀ ࡋࡕࡀࡂࡀ ࡕࡓࡀࡑࡋࡇ ࡌࡍ ࡖࡓࡉࡔ ࡁࡓࡉࡔ࡞ ࡍࡀࡄࡉࡓࡅࡕࡀ ࡊࡅࡋࡇ ࡌࡁࡀࡓࡊࡉࡋࡇ ࡅࡎࡀࡒࡋࡉࡋࡇ ࡌࡍ ࡎࡉࡍࡀ ࡒࡉࡍࡀ ࡅࡐࡋࡅࡂࡉࡀ ࡁࡋࡉࡁࡇ ࡋࡀࡍࡉࡄࡅࡉࡀ࡞ ࡗ ࡀࡌࡓࡉࡕࡅࡍ ࡁࡔࡅࡌࡀ ࡖࡄࡉࡉࡀ ࡓࡁࡉࡀ ࡉࡀࡌࡀࡋࡊࡀ ࡀࡍࡀࡕ ࡍࡀࡅࡓࡀ ࡉࡀࡆࡉࡅࡀ ࡀࡍࡀࡕ ࡖࡃࡌࡅࡕࡀ ࡕࡀࡒࡍࡀ ࡉࡀࡄࡀࡉࡋࡇ ࡓࡀࡌࡀ ࡖࡊࡅࡋࡄࡅࡍ ࡄࡀࡉࡋࡉࡀ ࡌࡉࡍࡀࡊ ࡐࡓࡀࡔ ࡁࡓࡉࡊ ࡄࡀࡆࡉࡍ ࡕࡀࡂࡀ ࡄࡀࡃࡕࡀ ࡅࡁࡓࡉࡊࡀ ࡂࡉࡍࡆࡉࡀ ࡐࡀࡋࡉࡂࡁࡅࡍ ࡌࡍ ࡓࡉࡔ ࡁࡓࡉࡔ ࡞ ࡌ ࡏࡕࡀࡓࡉࡅࡍ ࡄࡀࡍࡀࡕࡅࡍ ࡕࡀࡂࡉࡀ ࡅࡓࡄࡉࡔ ࡖࡁࡀࡉࡉࡍ ࡌࡉࡕࡋࡀࡁࡔࡉࡇ ࡁࡂࡀࡅࡀࡉࡄࡅࡍ ࡞ ࡗ ࡀࡌࡀࡓ ࡁࡔࡅࡌࡀ ࡖࡄࡉࡉࡀ ࡓࡁࡉࡀ {{ࡁ࡞}} ࡁࡉࡅࡌࡀ ࡖࡕࡓࡀࡑࡋࡇ ࡕࡀࡂࡀ ࡋࡔࡉ ࡋࡔࡉࡔࡋࡀࡌ ࡓࡁࡀ ࡉࡀࡓࡃࡍࡉࡀ ࡌࡉࡈࡀࡋࡀࡋࡉࡀ ࡅࡓࡀࡒࡃࡉࡀ ࡅࡋࡀࡊࡀࡉࡍࡉࡀ ࡋࡀࡉࡀࡄࡁࡉࡀ ࡔࡋࡀࡌࡀ ࡋࡊࡉࡐࡉࡀ ࡕࡓࡉࡍ ࡄࡀࡃࡉࡍ ࡅࡂࡀࡄࡊࡉࡍ ࡅࡌࡉࡕࡐࡀࡓࡐࡉࡍ ࡅࡀࡌࡓࡉࡀ ࡖࡆࡉࡅࡀࡉࡀࡍ ࡄࡀࡊࡀ ࡍࡄࡀࡓ ࡍࡄࡀࡓ ࡁࡄࡀࡆࡉࡍ ࡕࡀࡂࡀ ࡄࡀࡃࡕࡀ ࡖࡋࡀࡉࡉࡕ ^ࡗ ࡃࡉࡋࡇ^ ࡁࡓࡉࡊ ࡄࡀࡆࡉࡍ ࡕࡀࡂࡀ ࡄࡀࡃࡕࡀ ࡅࡁࡓࡉࡊࡀ ࡀࡈࡉࡓࡐࡉࡀ ࡖࡋࡀࡍࡀࡕࡓࡉࡀ ࡌࡍ ࡓࡉࡔ ࡁࡓࡉࡔ࡞ ࡄࡀࡍࡀࡕࡅࡍ ࡉࡀࡓࡃࡍࡉࡀ ࡖࡌࡉࡀ ࡄࡉࡅࡀࡓࡉࡀ ࡖࡔࡓࡉࡍ ࡁࡀࡉࡍࡀ ࡖࡀࡕࡅࡕࡉࡀ ࡌࡅࡒࡓࡀ ࡅࡌࡉࡈࡀࡋࡀࡋࡉࡀ ࡅࡓࡀࡒࡃࡉࡀ ࡅࡁࡓࡅࡔࡅࡌࡉࡀ ࡖࡌࡉࡔࡀ ࡃࡀࡊࡉࡀ ࡏࡋࡀࡅࡀࡉࡄࡅࡍ ࡔࡓࡉࡍ ࡅࡕࡀࡂࡀ ࡍࡀࡄࡀࡓࡁࡇ ࡊࡅࡋࡄࡅࡍ ࡄࡅ࡞ ࡗ ࡀࡌࡉࡓࡉࡕࡅࡍ ࡁࡔࡅࡌࡀ ࡖࡄࡉࡉࡀ ࡓࡁࡉࡀ ࡊࡌࡀࡉ ࡔࡀࡍࡀࡉ ࡄࡀࡉࡋࡇ ࡖࡓࡁࡉࡀ ࡅࡊࡌࡀ ࡍࡐࡉࡔ ࡆࡉ ࡖࡔࡓࡉࡕ ࡏࡋࡀࡍ ࡀࡍࡀࡕ ࡀࡍࡄࡉࡓࡉࡍࡀࡍ ࡁࡆࡉࡅࡀࡊ ࡖࡍࡐࡉࡔ ࡁࡀࡍࡉࡍ ࡋࡃࡉࡋࡀࡊ ࡍࡉࡔࡀࡁࡀࡊ ࡅࡕࡀࡂࡀ ࡖࡔࡉࡔࡋࡀࡌ ࡓࡁࡀ ࡍࡉࡓࡀࡅࡓࡁࡇ ࡅࡍࡉࡀࡒࡓࡇ ࡅࡃࡍࡅࡕࡀ ࡅࡍࡉࡕࡉࡋࡇ ࡌࡍ ࡓࡉࡔ ࡁࡓࡉࡔ࡞ ࡊࡅࡋࡄࡅࡍ ࡋࡓࡀࡆࡉࡀ {{ࡉࡀࡄࡉࡁ}} ^ࡖࡔࡓࡉࡍ ࡁࡋࡉࡁࡀ^ ࡍࡀࡄࡓࡉࡍ ࡅࡌࡁࡀࡓࡊࡉࡋࡇ ࡋࡀࡉࡀࡓ ࡖࡁࡄࡀࡌࡔࡉࡀ ࡔࡓࡉࡍ ^ࡖࡄࡀࡉࡋࡀ^ ࡋࡓࡀࡆࡉࡀ ࡉࡀࡄࡉࡁ࡞ ࡅࡗ ࡀࡌࡀࡓ ࡁࡔࡅࡌࡀ ࡖࡄࡉࡉࡀ ࡓࡁࡉࡀ ࡁࡉࡅࡌࡀ ࡕࡓࡀࡑࡋࡇ ࡕࡀࡂࡀ ࡋࡔࡉࡔࡋࡀࡌ ࡓࡁࡀ ࡏࡕࡊࡀࡍࡀࡐࡉࡅࡍ ࡉࡀࡓࡃࡍࡉࡀ ࡊࡅࡋࡄࡅࡍ ࡐࡀࡎࡉࡌࡊࡉࡀ ࡅࡀࡉࡍࡀࡍࡉࡀࡕࡀ ࡅࡕࡀࡍࡀࡍࡉࡀ ࡅࡎࡉࡍࡃࡉࡓࡊࡉࡀ ࡅࡁࡐࡀࡓࡀࡄࡉࡀ ࡖࡕࡀࡂࡀ ࡏࡎࡕࡓࡉࡊ ࡅࡌࡀࡍࡄࡀࡓࡋࡇ ࡋࡕࡀࡂࡀ ࡖࡔࡉࡔࡋࡀࡌ ࡓࡁࡀ ࡅࡌࡉࡃࡍࡉࡋࡇ ࡋࡆࡉࡅࡇ ࡋࡆࡉࡅࡀ ࡖࡏࡄࡀࡁࡋࡇ ࡋࡆࡉࡅࡇ ࡅࡋࡍࡄࡅࡓࡇ ࡅࡕࡅࡒࡍࡇ ࡊࡅࡋࡄࡅࡍ ࡌࡀࡋࡊࡉࡀ ࡎࡀࡂࡃࡉࡋࡇ ࡌࡍ ࡓࡉࡔ ࡁࡓࡉࡔ࡞ ࡌࡀࡍࡆࡉࡀ ࡅࡌࡉࡔࡊࡀࡀ ࡄࡀࡎࡐࡉࡀ ࡅࡔࡉࡓࡉࡀࡍࡉࡀ ࡅࡌࡀࡄࡆࡉࡕࡀ ࡊࡅࡋࡄࡅࡍ ࡋࡕࡀࡂࡀ ࡌࡀࡍࡄࡉࡓࡉࡀ ࡅࡕࡀࡂࡀ ࡁࡂࡀࡅࡀࡉࡄࡅࡍ ࡍࡀࡄࡀࡓ ࡞ ࡗ ࡀࡌ^ࡓࡉ^ࡕࡅࡍ ࡁࡔࡅࡌࡀ ࡖࡄࡉࡉࡀ ࡓࡁࡉࡀ ࡀࡁࡅࡍ ࡌࡀࡋࡊࡀ ࡀࡍࡀࡕ ࡁࡓ ࡌࡀࡋࡊࡉࡀ ࡅࡕࡀࡂࡉࡀ ࡋࡌࡀࡋࡊࡉࡀ ࡕࡀࡓࡑࡉࡕ ࡕࡀࡂࡉࡀ ࡕࡀࡓࡑࡉࡕ ࡋࡌࡀࡋࡊࡉࡀ ࡅࡉࡀࡄࡁࡉࡕ ࡆࡀࡊࡅࡕࡀ ࡋࡎࡉࡍࡃࡉࡓࡊࡉࡀ ࡔࡋࡀࡌ ࡔࡉࡔࡋࡀࡌ ࡕࡀࡂࡇ ࡍࡉࡁࡉࡓࡊࡇ ࡅࡏࡅࡕࡓࡉࡀ ࡅࡔࡊࡉࡍࡀࡕࡀ ࡌࡒࡀࡉࡌࡉࡋࡇ ࡀࡍࡀࡕ ࡔࡓࡉࡀ ࡏࡋࡀࡍ ࡌࡍ ࡆࡉࡅࡀࡊ ࡖࡍࡐࡉࡔ ࡅࡀࡄࡁࡀࡋࡀࡍ ࡏࡅࡑࡓࡀࡊ ࡄࡀࡃࡉࡁࡇ ࡌࡍ ࡓࡉࡔ ࡁࡓࡉࡔ࡞ ࡀࡌࡀࡓࡋࡇ ࡓࡀࡆࡉࡀ ࡋࡍࡉࡔࡉࡌࡕࡀ ࡀࡍࡀࡕ ࡌࡀࡓࡀࡍ ࡅࡌࡀࡓࡕࡀࡍ ࡔࡓࡉࡀ ࡏࡋࡀࡍ ࡌࡍ ࡆࡉࡅࡀࡊ ࡖࡍࡐࡉࡔ ࡅࡌࡍ ࡈࡀࡁࡅࡕࡀࡊ ࡖࡎࡀࡊࡀ ࡋࡉࡕࡋࡇ࡞ ࡁࡔࡅࡌࡀ ࡖࡄࡉࡉࡀ ࡓࡁࡉࡀ ࡁࡉࡅࡌࡀ ࡖࡕࡓࡀࡑࡋࡇ ࡕࡀࡂࡀ ࡋࡔࡉࡔࡋࡀࡌ ࡓࡁࡀ ࡐࡀࡎࡉࡌࡊࡉࡀ ࡋࡌࡀࡋࡊࡉࡀ ࡌࡒࡀࡓࡉࡋࡅࡍ ࡐࡀࡎࡉࡌࡊࡉࡀ ࡋࡌࡀࡋࡊࡉࡀ ࡅࡔࡊࡉࡍࡀࡕࡀ ࡋࡄࡃࡀࡃࡉࡀ ࡀࡌࡓࡀࡍ ࡀࡕࡅࡍ ࡍࡉࡆࡀࡋ ࡍࡉࡄࡆࡉࡀ ࡋࡔࡉࡔࡋࡀࡌ ࡓࡁࡀ ࡕࡀࡂࡀ ࡕࡓࡀࡑࡋࡇ ࡔࡅࡁࡀ ࡌࡀࡋࡊࡉࡀ ࡕࡀࡒࡍࡉࡀ ࡅࡌࡀࡍࡄࡉࡓࡏࡉࡋ ࡌࡀࡋࡊࡀ ࡓࡅࡔࡅࡌࡀ ࡏࡄࡀࡁࡋࡇ ࡅࡐࡀࡔࡀࡈࡋࡇ ࡊࡅࡔࡈࡀ ࡉࡀࡒࡓࡀ ࡅࡀࡎࡉࡒ ࡕࡉࡓࡑࡇ ࡁࡉࡕ ࡕࡅࡔࡋࡉࡌࡉࡀ ࡌࡍ ࡓࡉࡔ ࡁࡓࡉࡔ࡞ ࡀࡉࡀࡓ ࡁࡀࡓࡀࡉࡀ ࡅࡀࡉࡀࡓ ࡃࡀࡊࡉࡀ ࡅࡀࡉࡀࡓ ࡁࡓ ࡄࡉࡌࡀࡕ ࡅࡀࡉࡀࡓ ࡁࡓ ࡀࡉࡀࡓ ࡀࡕࡉࡍ ࡏࡃࡀ ࡌࡀࡎࡉࡌࡉࡍ ࡋࡄࡀࡍࡀࡕࡇ ࡕࡀࡂࡀ ࡅࡌࡍࡀࡈࡓࡀࡋࡇ ࡌࡍ ࡒࡉࡓࡉࡀࡕࡀ ࡖࡄࡔࡅࡊࡀ࡞ ࡁࡔࡅࡌࡀ ࡖࡄࡉࡉࡀ ࡓࡁࡉࡀ ࡈࡅࡁࡇ ࡕࡅࡌ ࡈࡅࡁࡇ ࡋࡌࡀࡋࡊࡀ ࡋࡌࡀࡋࡊࡉࡀ ࡖࡔࡅ ࡔࡋࡀࡌ ࡓࡁࡀ ࡈࡅࡁࡇ ࡋࡌࡀࡍ ࡖࡕࡀࡂࡀ ࡕࡓࡀࡑࡋࡇ ࡌࡍ ࡏࡃࡀ ࡖࡌࡀࡋࡊࡀ ࡖࡌࡀࡋࡊࡅࡕࡀ ࡒࡀࡉࡌࡇ ࡅࡋࡀࡁࡀࡈࡋࡀ ࡌࡀࡋࡊࡅࡕࡀ ࡖࡌࡀࡋࡊࡉࡀ ࡊࡌࡀ ࡖࡌࡉࡀ ࡅࡀࡉࡀࡓ ࡓࡀࡃࡉࡍ ࡌࡍ ࡓࡉࡔ ࡁࡓࡉࡔ࡞ ࡁࡔࡅࡌࡀ ࡖࡄࡉࡉࡀ ࡓࡁࡉࡀ ࡁࡉࡅࡌࡀ ࡕࡓࡀࡑࡋࡇ ࡕࡀࡂࡀ ࡋࡔࡉࡔࡋࡀࡌ ࡓࡁࡀ ࡀࡂࡉࡀ ࡖࡍࡄࡅࡓࡀ ࡏࡅࡑࡈࡓࡉࡀ ࡏࡅࡑࡈࡓࡉࡀ ࡀࡂࡉࡀ ࡖࡍࡄࡅࡓࡀ ࡅࡕࡅࡔࡁࡉࡄ^ࡀ^ࡕࡀ ࡏࡅࡕࡓࡉࡀ ࡏࡕࡁࡉࡄࡓࡀࡕ ࡄࡅࡀ ࡆࡉࡅࡀ ࡅࡄࡅࡀ ࡆࡉࡅࡀ ࡅࡍࡄࡅࡓࡀ ࡅࡄࡅࡀࡁࡅࡍ ࡀࡉࡀࡓ ࡔࡊࡉ{{ࡍࡕࡀ}}^ࡍ^ ࡏࡕࡐࡀࡋࡀࡂ ࡁࡌࡔࡀࡓࡉࡀ ࡌࡉࡀ ࡅࡓࡀࡄࡀࡈࡉࡀ ࡖࡎࡀࡊࡀ ࡋࡉࡕࡋࡅࡍ ࡀࡕࡉࡍ ࡅࡌࡍࡀࡔࡒࡉࡋࡇ ࡋࡕࡀࡂࡀ ࡋࡔࡉࡔࡋࡀࡌ ࡓࡁࡀ ࡅࡁࡈࡅࡋࡇ ࡉࡀࡕࡁࡇ ࡌࡍ ࡓࡉࡔ ࡁࡓࡉࡔ࡞ ࡀࡉࡀࡓ ࡄࡀࡉࡋࡀ ࡅࡍࡉࡔࡉࡌࡕࡀ ࡉࡀࡄࡉࡁ ࡏࡅࡄࡓࡀ ࡋࡓࡀࡄࡀࡈࡉࡀ ࡅࡌࡉࡀ ࡃࡀࡁࡀࡓ ࡁࡌࡔࡀࡓࡉࡀ ࡀࡌࡉࡍࡈࡅࡋ ࡖࡌࡔࡀࡓࡉࡀ ࡀࡉࡍࡉࡀ ࡅࡏࡅࡃࡍࡉࡀ ࡋࡕࡓࡉࡍ ࡀࡈࡉࡓࡐࡉࡀ ࡀࡍࡄࡉࡓࡀ ࡄࡉࡍࡅࡍ ࡏࡅ ࡌࡉࡀ ࡏࡕࡉࡒࡓࡉࡀ ࡅࡓࡀࡅࡆࡉࡀ ࡋࡅࡀࡕࡀࡉࡅࡍ ࡀࡉࡀࡓ ࡀࡉࡍࡉࡀ ࡄࡆࡀࡕࡀ ࡋࡀࡄࡀࡆࡉࡀࡍ ࡏࡅࡃࡍࡉࡀ ࡋࡀࡔࡀࡌࡉࡍ ࡅࡍࡄࡉࡓࡀ ࡌࡉࡍࡃࡀࡌ ࡋࡀࡌࡀࡓࡄࡀ࡞ ࡅࡗ ࡀࡌࡓࡉࡕࡅࡍ ࡁࡔࡅࡌࡀ ࡖࡄࡉࡉࡀ ࡓࡁࡀࡉࡄࡅࡍ ࡀࡍࡀࡕ ^ࡖ^ࡂࡀࡍࡆࡉࡁࡓࡉࡀ ࡅࡌࡀࡋࡊࡀࡉࡄࡅࡍ ࡀࡍࡀࡕ ࡖ ࡏࡅࡕࡓࡉࡀ ࡊࡅࡋࡄࡅࡍ ࡈࡅࡁࡇ ࡋࡌࡀࡍ ࡖࡍࡉࡄࡉࡆࡉࡀࡊ ࡁࡀࡉࡍࡉࡀ ࡈࡅࡁࡇ ࡋࡌࡀࡍ ࡖࡍࡉࡐࡉࡓࡔࡀࡊ ࡁࡏ ࡁࡏࡅࡑࡓࡇ ࡈࡅࡁࡇ ࡋࡌࡀࡍ ࡖࡁࡏࡅࡑࡓࡇ ࡍࡉࡐࡉࡓࡔ^ࡀࡊ^ ࡖࡎࡀࡋࡉࡒ ࡌࡉࡍࡀࡊ ࡋࡀࡕࡀࡓ ࡍࡄࡅࡓ࡞ ࡁࡔࡅࡌࡀࡉࡄࡅࡍ ࡖࡄࡉࡉࡀ ࡓࡁࡉࡀ ࡁࡉࡅࡌࡀ ࡖࡕࡓࡀࡑࡋࡇ ࡕࡀࡂࡀ ࡋࡓࡁࡀࡉࡄࡅࡍ ࡖࡏࡅࡕࡓࡉࡀ ࡔࡉࡔࡋࡀࡌ ࡓࡁࡀ ࡏࡑࡈࡀࡓࡀࡓ ࡋࡉࡀࡌࡉࡍࡇ ࡉࡀࡓࡃࡍࡉࡀ ࡉࡀࡓࡃࡍࡉࡀ ࡏࡑࡈࡀࡓࡀࡓ ࡋࡉࡀࡌࡉࡍࡇ ࡅࡔࡀࡔࡒࡉlࡏࡉࡋ ࡀࡍࡀࡍࡀ ࡓࡀࡃࡉࡁࡅࡍ ࡔࡀࡔࡒࡉ{{ࡋࡓ}} lࡏࡉࡋ ࡀࡍࡀࡍࡀ ࡅࡔࡊࡉࡍࡀࡕࡀ ࡁࡉࡀࡓࡃࡍࡀ {{ࡏࡔ}} ࡏࡔࡕࡉࡊࡍࡉࡋࡇ ࡔࡊࡉࡍࡕࡀ ࡏࡔࡕࡉࡊࡍࡉࡋࡇ ࡁࡉࡀࡓࡃࡍࡀ ࡅࡁࡀࡉࡀࡓ ࡃࡓࡀࡁࡔࡉࡀ ࡏࡍࡂࡀࡃࡋࡇ ࡏࡕࡊࡀࡍࡀࡐ ࡌࡀࡋࡊࡉࡀ ࡖࡀࡋࡌࡉࡀ ࡖࡍࡄࡅࡓࡀ ࡊࡅࡋࡄࡅࡍ ࡅࡉࡀࡌࡉࡍࡅࡍ ࡃࡀࡊࡉࡀ ࡌࡉࡎࡉࡌࡉࡍ ࡏࡋࡇ ࡌࡀࡎࡉࡌࡉࡀ ࡏࡃࡀࡉࡄࡅࡍ ࡊࡅࡋࡄࡅࡍ ࡋࡕࡀࡂࡀ ࡖࡔࡉࡔࡋࡀࡌ ࡓࡁࡀ ࡅࡌࡁࡀࡓࡊࡉࡋࡇ ࡌࡍ ࡓࡉࡔ ࡁࡓࡉࡔ࡞ ࡀࡍࡀ ࡄࡅ ࡌࡀࡓࡀ ࡖࡓࡀࡁࡅࡕࡀ ࡅࡊࡅࡋࡄࡅࡍ ࡏࡅࡕࡓࡉࡀ ࡅࡌࡀࡋࡊࡉࡀ ࡖࡀࡋࡌࡉࡀ ࡖࡍࡄࡅࡓࡀ ࡊࡅࡋࡄࡅࡍ ࡌࡀࡃࡉࡒࡉࡀ ࡏࡋࡇ ࡅࡌࡍ ࡁࡉࡓࡉࡊࡕࡀࡍ ࡖࡔࡀࡍࡀࡉ ࡍࡉࡁࡉࡓࡊࡇ ࡅࡊࡅࡋࡄࡅࡍ ࡄࡀࡈࡀࡉࡉࡀ ࡖࡕࡂࡀࡌࡓࡅࡍ࡞ ࡁࡔࡅࡌࡀ ࡖࡄࡉࡉࡀ ࡓࡁࡉࡀ ࡉࡅࡌࡀࡉ ࡌࡀࡄࡅ ࡁࡉࡅࡌࡉࡀ ࡉࡅࡌࡀ ࡉࡅࡌࡀࡉ ࡌࡀࡄࡅ ࡁࡔࡀࡉࡉࡀ ࡔࡉࡕࡀ ࡄࡃࡀ ࡉࡅࡌࡀࡉ ࡌࡀࡄࡅ ࡁࡉࡅࡌࡉࡀ ࡉࡅࡌࡀ ࡖࡌࡀࡋࡊࡅࡕࡀ ࡏࡕࡒࡀࡁࡋࡀࡕ ࡉࡅࡌࡀࡉ ࡌࡀࡄࡅ ࡁࡉࡅࡌࡉࡀ ࡉࡅࡌࡀ ࡖࡂࡉࡍࡆࡉࡀ ࡏࡕࡐࡀࡋࡀࡂ ࡌࡀࡋࡊࡀ ࡐࡀࡋࡉࡂ ࡂࡉࡍࡆࡉࡀ ࡅࡋࡔࡉࡔࡋࡀࡌ ࡓࡁࡀ ࡌࡀࡋࡊࡅࡕࡀ ࡏࡄࡀࡁ{{ࡁ}}ࡋࡇ{{ࡋࡇ}} ࡔࡉࡔࡋࡀࡌ ࡍࡄࡀࡓ ࡁࡕࡀࡂࡀ ࡅࡀࡍࡉࡍ ࡋࡃࡉࡋࡀࡊ ࡍࡉࡔࡀࡁࡀࡊ ࡅࡍࡉࡓࡀࡅࡓࡁࡀࡊ ࡀࡌࡉࡍࡈࡅࡋ ࡖࡓࡁࡀࡉࡄࡅࡍ ࡏࡕࡉࡒࡓࡉࡕ ࡌࡍ ࡓࡉࡔ ࡁࡓࡉࡔ࡞ ࡊࡅࡋ ࡌࡉࡍࡃࡀࡌ ࡌࡍ ࡃࡅࡊࡕࡇ ࡍࡄࡇ࡞ ࡗ ࡊࡀࡍࡐࡉࡕࡅࡍ ࡅࡏࡃࡀࡉࡊࡅࡍ ࡏࡋ ࡏࡎࡉࡒࡕࡀ ࡖ ࡀࡔࡅࡀࡋࡉࡀ ࡅࡏࡍࡉࡀࡍࡀ ࡓࡀࡌࡉࡕࡅࡋࡇ ࡅࡀࡌࡀࡓࡉࡕࡅࡍ ࡁࡔࡅࡌࡀ ࡖࡄࡉࡉࡀ ࡓࡁࡉࡀ ࡀࡁࡅࡍ ࡄࡀࡉࡋࡀࡊ ࡍࡉࡍࡐࡅࡔ ࡅࡍࡉࡕࡂࡀࡁࡀࡓ ࡁࡄࡀࡆࡉࡍ ࡆࡉࡄࡓࡅࡍ ࡓࡀࡆࡀ ࡊࡉࡎࡉࡀ ࡖࡊࡅࡋࡄࡅࡍ ࡏࡅࡕࡓࡉࡀ ࡁࡂࡀࡅࡇ ࡌࡉࡕࡄࡀࡉࡋࡉࡀ ࡅࡏࡕࡄࡀࡉࡀࡋ ࡅࡕࡓࡀࡅࡓࡀࡁ ࡁࡄࡀࡆࡉࡍ ࡏࡎࡉࡒࡕࡀ ࡖࡄࡏ ࡋࡃࡉࡋࡀࡊ ࡏࡕࡉࡀ ࡄࡁࡀࡕ ࡅࡀࡍࡀࡕ ࡏࡋࡇ ࡏ^ࡏ^ࡔࡕࡀࡋࡀࡈ ࡏࡔࡕࡀࡋࡀࡈ ࡏࡋ ࡊࡉࡌࡑࡀ ࡖࡏࡔࡀࡕࡀ ࡄࡀࡉࡕࡀ ࡅࡋࡔࡀࡓࡔࡀ ࡁࡓ ࡂࡀࡍࡉࡍࡉࡀ ࡄࡏ ࡏࡆࡉࡋ ࡅࡏࡕࡂࡀࡃࡀࡋ ࡅࡕࡍࡀࡈࡀࡓ ࡅࡏࡕࡒࡀࡉࡀࡌ ࡖࡄࡀࡆࡉࡍ ࡏࡎࡉࡒࡕࡀ ࡖࡄࡏ ࡋࡃࡉࡋࡀࡊ ࡌࡉࡕࡉࡓࡑࡀ ࡄࡀࡉࡋࡀ ࡄࡀࡕࡀࡌ ࡍࡉࡍࡐࡅࡔ ࡋࡔࡅࡌࡀࡊ ࡁࡄࡉࡓࡉࡀ ࡆࡉࡃࡒࡀ ࡍࡉࡕࡒࡀࡉࡌࡅࡍ ࡄࡉࡉࡀ ࡆࡀࡊࡉࡍ࡞ ࡗ ࡓࡀࡌࡉࡀࡕࡋࡇ {{ࡋࡄࡀࡆࡉࡍ}} ࡋࡄࡀࡆࡉࡍ ࡏࡍࡉࡀࡍࡀ lࡏࡎࡉࡒࡕࡀ ࡖࡔࡅࡀࡋࡉࡀ ࡀࡓࡒࡀ ࡅࡔࡅࡌࡉࡀ ࡅࡔࡀࡌࡉࡔ ࡅࡎࡉࡓࡀ ࡅࡊࡅࡊࡁࡉࡀ ࡅࡌࡀࡍࡆࡀࡋࡀࡕࡀ ࡅࡓࡅࡄࡀ ࡅࡔࡉࡁࡉࡀࡄࡉࡀ ࡅࡐࡕࡀࡄࡉࡋ ࡅࡀࡁࡀࡕࡅࡓ ࡅࡀࡓࡁࡀ ࡂࡅࡁࡓࡉࡀ ࡁࡍࡉࡀ ࡔࡋࡀࡌࡀ ࡅࡏࡅࡕࡓࡉࡀ ࡊࡅࡋࡄࡅࡍ ࡖࡀࡓࡒࡀ ࡖࡍࡄࡅࡓࡀ ࡊࡀࡁࡔࡉࡀ ࡅࡎࡀࡂࡃࡉࡋࡉࡀ ࡅࡀࡌࡓࡉࡋࡇ ࡏࡆࡉࡋ ࡏࡆࡉࡋ ࡏ^ࡕ^ࡍࡀࡈࡀࡓ ࡅࡏࡕࡒࡀࡉࡀࡌ ࡀࡋࡌࡀ ࡖࡕࡉࡁࡉࡋ ࡁࡀࡈࡋࡇ࡞ ࡗ ࡓࡁࡀ ࡏࡍࡉࡀࡍࡀ ࡓࡀࡌࡉࡀ ࡅࡀࡌࡀࡓ࡞ ࡁࡔࡅࡌࡀ ࡖࡄࡉࡉࡀ ࡓࡁࡉࡀ ࡁࡉࡅࡌࡀ ࡖࡕࡀࡂࡀ ࡏࡕࡓࡀࡑ ࡋࡌࡀࡋࡊࡀ ࡅࡌࡀࡋࡊࡀ ࡌࡀࡋࡊࡅࡕࡀ ࡒࡀࡁࡉࡋ ࡏࡕࡀࡄࡆࡉࡀ ࡆࡉࡅࡀ ࡁࡂࡅ ࡍࡄࡅࡓࡀ ࡃࡓࡀࡁࡔࡉࡀ ࡅࡀࡉࡍࡀࡍࡉࡀࡕࡀ ࡖࡁࡂࡅ ࡉࡀࡓࡃࡍࡀ ࡁࡉࡄࡃࡀࡃࡉࡀ ࡏࡕࡊࡀࡍࡀࡐ ࡕࡀࡂࡀ ࡏࡍࡎࡉࡁ ࡌࡍ ࡌࡀࡋࡊࡀ ࡅࡀࡍࡄࡀࡓࡁࡇ ࡁࡆࡉࡅࡇ ࡔࡀࡍࡉࡀ ࡅࡌࡀࡋࡊࡉࡀ ࡕࡀࡂࡉࡀ ࡐࡋࡉࡂࡉࡁࡅࡍ ࡐࡀࡋࡉࡂࡁࡅࡍ ࡕࡀࡂࡉࡀ ࡅࡆࡉࡅࡇ ࡅࡍࡄࡅࡓࡇ ࡅࡏࡒࡀࡓࡀ ࡓࡁࡀ ࡏࡋࡀࡅࡀࡉࡄࡅࡍ ࡔࡓࡉࡀ ࡌࡍ ࡓࡉࡔ ࡁࡓࡉࡔ࡞ ࡗ ࡀࡌࡓࡉࡕࡅࡍ ࡁࡔࡅࡌࡀ ࡖࡄࡉࡉࡀ ࡓࡁࡉࡀ ࡁࡉࡅࡌࡀ ࡏࡕࡊࡀࡍࡀࡐࡉ^ࡅࡍ^ ࡌࡀࡋࡊࡉࡀ ࡋࡅࡀࡕ ࡌࡀࡋࡊࡀ ࡁࡓ ࡌࡀࡋࡊࡉࡀ ࡅࡕࡀࡂࡉࡀ ࡅࡂࡉࡍࡆࡉࡀ ࡐࡀࡋࡉࡂࡁࡅࡍ ࡋࡌࡀࡋࡊࡉࡀ ࡅࡌࡀࡋࡊࡉࡀ ࡉࡀࡌࡉࡍࡀࡉࡄࡅࡍ ࡐࡔࡀࡈ ࡌࡀࡋࡊࡉࡀ ࡐࡔࡀࡈ ࡉࡀࡌࡉࡍࡀࡉࡄࡅࡍ ࡕࡀࡂࡉࡀ ࡌࡍ ࡌࡀࡋࡊࡉࡀ ࡏࡍࡎࡉࡁ ࡕࡀࡂࡀ ࡏࡍࡎࡉࡁ ࡌࡍ ࡌࡀࡋࡊࡉࡀ ࡅࡁࡉࡓࡊࡕࡀ ࡓࡀࡁࡕࡉࡀ ࡌࡁࡀࡓࡊࡉࡋࡇ ࡅࡌࡉࡀࡒࡓࡉࡋࡇ ࡖࡕࡀࡂࡉࡀ ࡅࡂࡉࡍࡆࡉࡀ ࡏࡄࡀࡁࡋࡅࡍ ࡌࡍ ࡓࡉࡔ ࡁࡓࡉࡔ࡞ ࡏࡅ ࡏࡕࡋࡇ ࡋࡀࡔࡅࡀࡋࡉࡀ ࡌࡉࡍࡃࡀ ࡌࡍ ࡏࡅࡑࡈࡋࡇ ࡍࡉࡓࡌࡉࡀ ࡋࡄࡀࡍࡀࡕࡅࡍ ࡔࡅࡁࡀ ࡌࡀࡋࡊࡉࡀ ࡖࡕࡀࡂࡀ ࡕࡓࡀࡑࡋࡇ ࡀࡁࡀࡕࡀࡓ ࡖࡕࡀࡂࡉࡀ ࡐࡀࡋࡉࡂࡁࡅࡍ ࡍࡉࡓࡌࡉࡀ ࡏࡋࡀࡅࡀࡉࡄࡅࡍ ࡅࡏࡒࡀࡓࡀ ࡍࡉࡋࡂࡉࡈࡅࡍࡅࡍ ࡖࡄࡉࡉࡀ ࡓࡁࡀ ࡄࡉࡍࡅࡍ ࡅࡓࡀࡆࡉࡀ ࡖࡔࡓࡉࡁࡇ ࡄࡉࡍࡅࡍ ࡋࡀࡍࡉࡐࡎࡉࡒࡉࡍࡅࡍ ࡌࡍ ࡔࡀࡁࡉࡒ ࡄࡀࡈࡀࡉࡉࡀ ࡊࡅࡋ ࡓࡀࡄࡌࡉࡀ ࡁࡀࡉࡉࡀ࡞ ࡄࡅ ࡓࡀࡄࡌࡉࡀ ࡍࡉࡁࡉࡀ ࡕࡋࡀࡕࡀ ࡆࡉࡁࡍࡉࡀ ࡁࡉࡅࡌࡀ ࡅࡔࡉࡕࡉࡍ ࡉࡅࡌࡉࡀ ࡓࡀࡄࡌࡉࡀ ࡍࡉࡁࡉࡀ ࡅࡓࡉࡔࡉࡇ ࡋࡀࡍࡉࡂࡋࡉࡀ ࡅࡋࡔࡅࡒࡉࡀ ࡅࡁࡉࡓࡉࡀࡕࡀ ࡋࡀࡍࡉࡆࡀࡋ ࡅࡐࡀࡕࡅࡓࡀ ࡀࡁࡉࡄࡃࡉࡀ ࡏࡍࡉࡔ ࡋࡀࡍࡉࡈࡀࡉࡉࡁ ࡅࡀࡁࡉࡄࡃࡉࡀ ࡏࡍࡉࡔ ࡁࡓࡅࡂࡆࡀ ࡋࡀࡍࡉࡓࡈࡅࡍ ࡀࡋࡌࡀ ࡖࡌࡀࡎࡉࡒࡕࡀ ࡏࡋ ࡓࡁࡇ ࡍࡉࡔࡓࡉࡀ ࡅࡌࡀࡑࡁࡅࡕࡀ ࡅࡍࡉ ࡍࡉࡑࡁࡇ ࡄࡅ ࡍࡉࡔࡕࡀࡋࡀࡈ ࡏࡋ ࡏࡁࡉࡃࡀࡕࡀ ࡊࡅࡋࡄࡅࡍ ࡄࡉࡉࡀ ࡆࡀkࡏࡉࡍ ࡎࡀ ࡄࡀ^ࡉ^ࡆࡀࡊ ࡀࡂࡆࡀࡓࡕࡀ ࡀࡂࡆࡀࡓࡕࡀ ࡀࡁࡀ ࡖࡏࡅࡕࡓࡉࡀ ࡌࡍ ࡃࡉࡓࡊࡀ ࡋࡃࡉࡓࡊࡀ ࡅࡌࡍ ࡔࡁࡉࡋࡀ ࡋࡔࡁࡉࡋࡀ ࡋࡍࡀࡑࡅࡓࡀࡉࡉࡀ ࡁࡋࡉࡋࡉࡀ ࡖࡄࡀࡆࡉࡍ ࡓࡀࡆࡀ ^ࡋࡀ^ࡊࡀࡎࡉࡍ ࡁࡏࡒࡀࡓࡀ ࡓࡁࡀ ࡋࡀࡋࡀࡂࡈࡉࡋࡇ ࡀࡂࡆࡀࡓࡕࡀ ࡖࡌࡍ ࡏࡋࡀࡅࡇ ࡅࡏࡋࡀࡅࡀࡉࡄࡅࡍ ࡅࡀࡌࡀࡓ ࡊࡅࡋࡌࡀࡍ ࡖࡋࡀࡌࡀࡔࡀࡓ ࡋࡄࡀࡆࡉࡍ ࡏࡁࡃࡀࡕࡀ ࡅࡋࡀࡍࡉࡊࡎࡉࡀ ࡁࡂࡀࡅࡀࡉࡄࡅࡍ {{ࡅࡀࡌࡀࡓ}} ࡍࡉࡕࡀࡂࡆࡀࡓ ࡌࡍ ࡋࡅࡀࡕࡀࡉ ࡅࡍࡉࡐࡎࡉࡒ ࡌࡍ ࡔࡁࡉࡋࡀ ࡖࡔࡉࡔࡋࡀࡌ ࡓࡁࡀ ࡅࡃࡄࡉࡁࡉࡋ ࡆࡉࡅࡀ ࡅࡍࡉࡆࡀࡋ ࡁࡂࡉࡅࡕࡀ ࡖࡋࡉࡅࡉࡀࡕࡉࡍ ࡍࡉࡔࡕࡊࡉࡍ ࡊࡅࡋࡌࡀࡍ ࡖࡍࡉࡊࡉࡎࡉࡀ ࡅࡍࡉࡍࡉࡈࡓࡇ ࡅࡍࡉࡔࡀࡓ ࡏࡋࡀࡅࡀࡉࡄࡅࡍ ࡅࡍࡉࡐࡉࡋ ࡁࡂࡀࡅࡀࡉࡄࡅࡍ ࡅࡌࡉࡍࡃࡀࡌ ࡋࡀࡍࡉࡈࡐࡉࡀ ࡅࡋࡀࡍࡉࡁࡑࡉࡓ ࡁࡄࡀࡋࡉࡍ ࡌࡀࡋࡀࡋࡉࡀ ࡍࡉࡕࡉࡀ ࡅࡔࡉࡕࡋࡀࡉ ࡃࡉࡋࡉࡀ ࡍࡉࡄࡅࡉࡀ ࡅࡊࡅࡋࡄࡅࡍ ࡌࡀࡋࡊࡉࡀ ࡌࡀࡋࡊࡉࡀ ࡔࡉࡕࡋࡀࡉࡀࡍ ࡍࡉࡒࡓࡅࡋࡇ ࡍࡉࡍࡄࡀࡓ ࡁࡃࡓࡀ^ࡁ^ࡔࡉࡀ ࡅࡀࡋࡌࡀ ࡖࡊࡅࡔࡈࡀࡉ ࡍࡉࡐࡔࡀࡈ ࡅࡋࡀࡍࡉࡐࡅࡒ ࡌࡍ ࡔࡊࡉࡍࡕࡀࡉ ࡊࡅࡓࡎࡉࡀ ࡁࡀࡍࡄࡅࡓࡀ ࡍࡉࡕࡉࡓࡑࡋࡇ ࡄࡉࡉࡀ ࡆࡀࡊࡉࡍ ࡅࡆࡀࡊࡉࡀ ࡀࡌࡀ ࡖࡍࡀࡑ^ࡅ^^ࡉ^ࡓࡀࡉࡉࡀ ^ࡖࡔࡀࡊࡍࡉࡍ^ ࡅࡋࡀࡔࡀࡍࡉࡍ ࡌࡉࡍࡃࡀࡌ ࡖࡄࡉࡉࡀ ࡐࡀࡒࡉࡃ ࡋࡀࡐࡀࡊ ࡌࡍ ࡌࡅ ࡌࡉࡑࡓࡀࡉࡀ ࡅࡋࡀࡔࡀࡍࡅࡍ ࡌࡍ ࡊࡅࡃࡊࡀࡉ ࡅࡋࡀࡍࡉࡎࡀࡁ ࡓࡁࡅࡕࡀ ࡁࡍࡀࡑࡉࡓࡅࡕࡀ ࡅࡓࡉࡃࡐࡀ ࡁࡕࡉࡁࡉࡋ ࡎࡁࡀࡋ ࡅࡓࡅ^ࡄ^ࡑࡀࡍࡀ ࡋࡄࡉࡉࡀ ࡄࡅࡀ ࡄࡉࡉࡀ ࡆࡀࡊࡉࡍ ࡎࡀ ࡕࡅࡌ ࡀࡌࡀࡓ ࡀࡁࡀ ࡖࡏࡅࡕࡓࡉࡀ ࡖࡃࡄࡅࡋ ࡅࡍࡀࡐࡔࡀࡊ ࡆࡀࡄࡀࡓ ࡅࡋࡀࡕࡀࡃࡊࡀࡓ ࡈࡀࡁ ࡈࡀࡁࡀ ࡋࡈࡀࡁࡇ ࡌࡍ ࡒࡅࡃࡀࡌ ࡆࡉࡅࡀ ࡋࡀࡕࡓࡀ ࡎࡀࡋࡉࡒ ࡅࡓࡉࡄࡀ ࡁࡀࡎࡉࡌࡀ ࡀࡌࡉࡍࡈࡅࡋ ࡖࡌࡀࡑࡁࡅࡕࡀ ࡄࡀࡊࡀ ࡏࡎࡕࡀࡃࡓࡀࡕ ࡄࡀࡊࡀ ࡌࡉࡕࡄࡀࡌࡁࡀࡋ ࡄࡀࡉࡆࡀࡊ ࡒࡀࡉࡉࡌ ࡓࡀࡄࡌࡀࡊ ࡁࡒࡀࡉࡀࡌࡕࡀ ࡁࡔࡉࡕࡉࡍ ࡄࡃࡀ ࡒࡀࡉࡀࡌࡕࡀ ࡖࡄࡉࡍࡅࡍ ࡔࡉࡕࡉࡍ ࡄࡃࡀ ࡓࡀࡄࡌࡉࡀ ࡄࡉࡍࡅࡍ ࡔࡅࡋ ࡔࡅࡋࡕࡀ ࡓࡀࡁࡕࡉࡀ ࡖࡌࡍ ࡄࡉࡉࡀ ࡀࡁࡀࡄࡀࡕࡀ ࡋࡃࡉࡋࡇ ࡅࡔࡉࡕࡋࡇ ࡔࡉࡔࡋࡀࡌ ࡓࡁࡀ ࡔࡉࡕࡋࡇ ࡁࡉࡀࡌࡉࡍࡇ ࡔࡉࡕࡋࡇ ࡔࡀࡋ ࡏࡋࡇ ࡔࡅࡋࡕࡀ ࡁࡄࡉࡓࡕࡀ ࡀࡋࡌࡀ ࡖࡄࡉࡉࡀ ࡊࡅࡋ ࡌࡉࡍࡃࡀࡌ ࡖࡁࡇ ࡋࡅࡀࡕࡀࡍ ࡅࡀࡌࡀࡓ ࡀࡍࡀࡕ ࡐࡀࡒࡃࡇ ࡅࡆࡀࡄࡓࡇ ࡅࡔࡉࡔࡋࡀࡌ ࡓࡁࡀ ࡅࡀࡌࡀࡓࡋࡇ ࡖࡊࡅࡋࡄࡅࡍ ࡂࡉࡍࡆࡉࡀ lࡏࡃࡀࡊ ࡃࡉࡋࡀࡊ ࡅࡃࡄࡉࡁࡉࡋ ࡆࡉࡅࡀ ࡍࡀࡕࡍࡀࡈࡓࡅࡍ ࡊࡅࡋࡌࡀࡍ ࡖࡋࡁࡀࡓ ࡌࡍ ࡄࡀࡋࡉࡍ ࡕࡓࡉࡍ ࡕࡓࡀࡑࡉࡀ ࡖࡕࡀࡂࡀ ࡃࡄࡉࡁࡉࡋ ࡆࡉࡅࡀ ࡖࡔࡉࡔࡋࡀࡌ ࡓࡁࡀ ࡍࡉࡕࡓࡉࡑ ࡊࡋࡉࡋࡀ ࡌࡄࡀࡌࡁࡋࡉࡀ ࡍࡉࡕࡒࡓࡅࡍ ࡀࡍࡀࡕ ࡀࡁࡅࡍ ࡆࡀࡄࡓࡇ ࡋࡔࡉࡔࡋࡀࡌ ࡓࡁࡀ ࡅࡌࡀࡍࡃࡀ ࡖࡄࡉࡉࡀ ࡋࡄࡉࡁࡉࡋ ࡆࡉࡅࡀ ࡆࡀࡄࡓࡇ࡞ ࡄࡀࡉࡆࡀࡊ ࡌࡀࡋࡀࡋࡀࡕ ࡊࡀࡍࡀࡕ ࡓࡀࡁࡕࡉࡀ ࡌࡍ ࡄࡉࡋࡁࡅࡍࡀ ࡂࡀࡅࡀࡉࡀ ࡋࡔࡉ^ࡔ^ࡋࡀࡌ ࡓࡁࡀ ࡖࡕࡉࡌࡀࡓࡋࡉࡀ ࡊࡅࡋࡌࡀࡍ ࡖࡁࡌࡀࡑࡁࡅࡕࡀࡉ^ࡊ^{{ࡊࡅࡍ}} ࡍࡉࡑࡈࡁࡀ ࡅࡊࡋࡉࡋࡀࡊ ࡅࡕࡀࡂࡀࡊ ࡅࡍࡉࡕࡓࡉࡑ ࡅࡃࡂࡉࡍࡆࡀࡊ ࡅࡓࡀࡄࡌࡀࡊ ࡁࡀࡉࡉࡀ࡞ ࡄࡀࡊࡀ ࡁࡀࡋࡌࡀ ࡃࡉࡋࡇ ࡅࡀࡁࡅࡍ ࡌࡀࡓࡀ ࡖࡓࡀࡁࡅࡕࡀ ࡍࡉࡄࡅࡉࡀ ࡃࡀࡅࡓࡇ ࡄࡉࡍࡉࡋࡀ ࡏࡆࡃࡀࡄࡀࡓ ࡏࡆࡃࡀࡄࡀࡓ ࡌࡍ ࡏࡁࡃࡀࡕࡀ {{ࡖࡀࡍ}} ࡉࡅࡔࡀࡌࡉࡍ ࡀࡁࡀࡃ ࡕࡓࡀࡑࡋࡇ ^ࡕࡀࡂࡀ^ ࡋࡀࡄࡀࡅࡉࡀ ࡀࡁࡀࡕࡅࡓ ࡁࡕࡋࡀࡕࡀ ࡂࡉࡍࡎࡉࡀ ࡐࡀࡋࡂࡉࡀ ࡁࡀࡈࡉࡋ ࡌࡉࡍࡇ ࡓࡀࡆࡀ ࡓࡁࡀ ࡖࡌࡀࡆࡓࡅࡕࡀ ࡅࡕࡋࡀࡕࡀ ࡓࡀࡆࡉࡀ ࡀࡒࡕࡀ ࡔࡉࡒࡋࡇ ࡌࡉࡍࡇ ࡋࡌࡀࡃࡉࡄࡕࡀ ࡅࡀࡕࡉࡀ ࡁࡎࡉࡂࡉࡀ ࡖࡌࡍ ࡀࡁࡀࡕࡅࡓ ࡅࡏࡕࡉࡀࡍࡀࡒ ࡅࡋࡀࡏࡕࡓࡀࡅࡓࡀࡁ ࡅࡀࡆࡉࡋ ࡖࡌࡅࡆࡀࡍࡉࡀ ࡄࡅࡀ࡞ ࡋࡀࡕࡀࡒࡍࡇ ࡁࡀࡓࡁࡀ ࡓࡀࡆࡉࡀ ࡊࡀࡎࡉࡉࡀ ࡅࡗ ࡈࡅࡁࡀࡊ ࡋࡃࡉࡋࡀࡊ ࡕࡀࡒࡍࡀࡊ ࡁࡀࡓࡁࡀ ࡆࡀࡓࡀࡆࡉࡀ ࡅࡌࡀࡋࡊࡉࡀ ࡁࡀࡋࡌࡀ ࡋࡀࡏࡕࡉࡒࡓࡉࡀ࡞ ࡖࡂࡉࡍࡆࡉࡀ ࡊࡅࡋࡄࡅࡍ lࡏࡃࡀࡊ ࡃࡉࡋࡀࡊ ࡏࡕࡍࡀࡈࡀࡓ ࡏࡄࡀࡁࡋࡀࡊ ࡊࡅࡔࡈࡀ ࡓࡁࡀ ࡖࡔࡀࡍࡀࡉ ࡌࡍ ࡀࡋࡌࡀ ࡅࡀࡋࡌࡉࡀ ࡅࡃࡀࡓࡉࡀ ࡋࡀࡉࡀࡃࡉࡋࡇ ࡅࡏࡄࡀࡁࡋࡀࡊ ࡃࡓࡀࡁࡔࡉࡀ ࡂࡀࡅࡀࡉࡉࡀ ࡖࡄࡅ ࡋࡉࡁࡀ ࡏࡄࡀࡁࡋࡀࡊ ࡄࡀࡆࡉࡍ ࡌࡀࡑࡁࡅࡕࡀ ࡖࡄࡏ ࡎࡉࡍࡃࡉࡓࡉࡀࡅࡉࡎ ࡉࡀࡓࡃࡍࡀ ࡏ ࡏࡑࡈࡁࡀࡕ ࡖࡓࡀࡆࡉࡀ ࡌࡉࡕࡉࡒࡓࡉࡀ࡞ ࡏࡄࡀࡁࡋࡀࡊ ࡏࡍࡂࡉࡓࡕࡀ ࡔࡌࡉࡌࡕࡇ ࡁࡕࡋࡀࡕࡌࡀ ࡅࡔࡉࡕࡉࡍ ࡃࡓࡀࡁࡔࡉࡀ ࡍࡀࡄࡓࡀ ࡅࡌࡀࡍࡄࡉࡓࡉࡋࡇ ࡋࡂࡀࡁࡓࡀ ࡖ ࡖࡍࡀࡑࡁࡇ࡞ ࡏࡄࡀࡁࡋࡀࡊ ࡁࡀࡅࡀࡕࡀ ^ࡖࡐࡉࡓࡉࡀ ࡅࡀࡉࡀࡓ ࡖࡄࡉࡍࡅࡍ ࡌࡍ ࡄࡉࡉࡀ ࡋࡀࡌࡉࡕࡊࡀࡌࡓࡀ ࡏࡄࡀࡁࡋࡀࡊ ࡁࡀࡅࡀࡕࡀ^ ࡖࡀࡍࡀࡍ ࡀࡍࡀࡍ ࡂࡀࡁࡓࡀ ࡖࡊࡅࡋ ࡌࡀࡍ ࡖࡎࡀࡁࡀࡓࡋࡀࡊ ࡋࡉࡂࡓࡇ ࡁࡄࡔࡅࡊࡀ ࡋࡀࡌࡉࡕࡀࡕࡍࡀ ࡀࡍࡀࡕ ࡀࡄࡁࡋࡅࡍ ࡋࡕࡀࡓࡌࡉࡃࡉࡀ ࡖࡔࡉࡄࡇ ࡋࡃࡀࡅࡓࡀ ࡕࡀࡒࡍࡀ ࡋࡀࡕࡉࡆࡀࡄࡓࡉࡍࡅࡍ ࡆࡀࡄࡀࡓࡕࡀ ࡁࡀࡋࡌࡀ ࡖࡄࡏ ࡆࡉࡅࡀ ࡋࡉࡅࡔࡀࡌࡉࡍ ࡈࡀࡅࡎࡀ ࡆࡀࡄࡓࡀ ࡞ ࡗ ࡕࡀࡂࡀ ࡋࡀࡄࡀࡉࡅࡀ ࡀࡁࡀࡕࡅࡓ ࡕࡓࡀࡑࡋࡇ ࡋࡄࡀࡍࡀࡕࡇ ࡀࡓࡒࡀ ࡖࡍࡀࡉࡀ ࡅࡔࡀࡐࡉࡓࡀ ࡞ ࡄࡀࡌ ࡆࡉࡅࡀ ࡉࡀࡕࡉࡁ ࡒࡅࡃࡀࡌ ࡉࡀࡓࡃࡍࡀ ࡁࡔࡊࡉࡍࡀࡕ ࡉࡅࡔࡀࡌࡉࡍ ࡅࡐࡅࡂࡃࡀࡌࡉࡀ ࡅࡑࡀࡋࡀࡉࡉࡀ ࡌࡀࡋࡐࡉࡋࡇ࡞ ࡅࡀࡌࡀࡓࡋࡇ ࡗ ࡑࡀࡁࡉࡕ ࡌࡍ ࡉࡀࡌࡉࡍࡀࡊ ࡋࡎࡌࡀࡋࡀࡊ ࡀࡄࡃࡀࡓ ࡅࡗ ࡌࡒࡀࡉࡌࡉࡕ ࡉࡀࡓࡃࡍࡀࡊ ࡗ ࡀࡌࡀࡓࡋࡀࡊ ࡁࡎࡉࡂࡉࡀ ࡖࡔࡀࡓ ࡆࡉࡅࡀ ࡏࡁࡀࡃ ࡃࡄࡅࡋ ࡅࡏࡃࡀࡄࡀࡋ ࡀࡍࡀࡕ ࡔࡉࡔࡋࡀࡌ ࡓࡁࡀ ࡅࡆࡀࡄࡀࡓ ࡍࡀࡐࡔࡀࡊ ࡁࡑࡉࡋࡀࡉࡉࡕ ࡅࡌࡀࡋࡐࡀࡍࡀࡉࡉࡕ ࡒࡓࡉࡀ ࡅࡃࡋࡀࡉࡀࡃࡉࡕ ࡀࡍࡀࡕ ࡔࡀࡉࡉࡋ ࡖࡍࡉࡌࡀࡓࡅࡋࡀࡊ࡞ ࡄࡀࡉࡆࡀࡊ ࡒࡀࡉࡉࡌ ࡌࡀࡑࡁࡅࡕࡀ ࡅࡍࡎࡉࡁ ࡊࡅࡔࡈࡀ ࡅࡔࡓࡉࡀ ࡓࡀࡄࡌࡀࡊ ࡅࡒࡓࡉࡀ ࡁࡆࡉࡅ ࡖࡍࡐࡉࡔ ࡑࡁࡉࡍࡀ ࡅࡔࡓࡉࡀ ࡊࡀࡍࡆࡀࡋࡀࡊ ࡅࡀࡅࡒࡀࡊ^ࡓ^ ࡕࡀࡂࡀࡊ ࡗ ࡍࡉࡄࡉࡕ࡞ ࡄࡀࡉࡆࡀࡊ ࡐࡀࡒࡃࡇ ࡏࡋ ࡀࡔࡅࡀࡋࡉࡀࡊ ࡌࡀࡍࡀ ࡖࡁࡂࡀࡅࡀࡉࡄࡅࡍ ࡏࡅࡑࡈࡁࡇ ࡀࡌࡉࡍࡈࡅࡋ ࡖࡋࡀࡌࡅࡑࡉࡀ ࡖࡍࡉࡔࡀࡍࡉࡍࡅࡍ ࡀࡋࡌࡀ ࡖࡌࡀࡑࡁࡅࡕࡀ ࡊࡅࡋࡇ ࡌࡎࡀ^ࡉ^ࡊࡀࡀ࡞ ࡄࡀࡉࡆࡀࡊ ࡍࡉࡋࡁࡀࡔ ࡌࡀࡍࡉࡀ ࡄࡀࡃࡕࡉࡀ ࡖࡏࡕࡉࡁࡄࡀࡓࡋࡇ ࡅࡍࡉࡕࡉࡊࡀࡎࡉࡀ ࡅࡄࡉࡌࡉࡀࡍࡀ ࡍࡀࡎࡉࡁ ࡄࡀࡃࡕࡀ ࡍࡉࡄࡉࡅࡀ ࡗ ࡏࡌࡀࡓࡋࡀࡊ࡞ ࡄࡀࡉࡆࡀࡊ ࡀࡍࡀࡕ ࡕࡍࡉࡀ ࡕࡓࡅࡑ ࡕࡀࡂࡀࡊ ࡋࡔࡅࡌࡀࡊ ࡃࡉࡋࡀࡊ ࡅࡃࡄࡀࡍࡀࡕࡇ ࡀࡔࡅࡀࡋࡉࡀࡊ ^ࡁࡕࡋࡀࡕ ࡁࡀࡅࡀࡕࡀ ࡅࡕࡓࡅࡑ ࡄࡀࡍࡀࡕࡇ ࡆࡉࡃࡒࡀ ࡖࡓࡌࡀࡋࡀࡊ ࡔࡅࡀࡋࡉࡀࡊ ࡍࡉࡄࡅࡉࡀ ࡁࡒࡅࡓࡍࡀ ࡖࡍࡀࡑࡉࡐࡀࡊ^ ࡍࡉࡄࡅࡉࡀ ࡁࡒࡅࡓࡍࡀ ࡖࡍࡀࡑࡉࡐࡀࡊ ࡅࡋࡉࡂࡈࡀ ࡏࡋ ࡀࡔࡅࡀࡋࡉࡀࡊ ࡁࡉࡀࡌࡉࡍࡀࡊ ࡅࡀࡕࡅࡍ ࡋࡔࡊࡉࡍࡕࡀ ࡖࡕࡀࡓࡌࡉࡃࡉࡀ ࡅࡌࡀࡍࡃࡀࡉࡉࡀ ࡖࡔࡊࡉࡍࡕࡀ ࡀࡌࡉࡍࡈࡅࡋ ࡖࡔࡋࡀࡌࡀ ࡄࡏ ࡆࡀࡊࡕࡅࡀ ࡅࡆࡀࡊࡉࡕࡉࡍࡅࡍ ࡍࡉࡔࡉࡌࡕࡀ ࡌࡍ ࡊࡅࡋ ࡌࡉࡍࡃࡀࡌ ࡖࡎࡍࡉࡀ ࡄࡀࡍࡀࡕࡅࡍ ࡕࡀࡂࡇ ࡖࡁࡀࡉࡉࡕ ࡌࡉࡐࡀࡋࡂࡉࡍࡅࡍ ࡋࡕࡀࡓࡌࡉࡃࡉࡀ ࡁࡉࡀࡌࡉࡍࡇ ࡍࡉࡄࡅࡍ ࡞ ࡄࡀࡉࡆࡀࡊ ࡌࡀࡋࡉࡋ ࡅࡀࡌࡀࡓ ࡔࡉࡔࡋࡀࡌ ࡓࡁࡀ ࡄࡀࡎࡋࡉࡍࡅࡍ ࡋࡁࡍࡉࡀ ࡊࡅࡔࡈࡀ ࡐࡀࡔࡈࡉࡀ ࡂࡅࡁࡓࡉࡀ ࡖࡊࡅࡔࡈࡀ ࡐࡀࡔࡈࡉࡀ ࡖࡄࡀࡆࡉࡍ ࡍࡀࡐࡔࡀࡉࡄࡅࡍ ࡌࡉࡁࡀࡔࡒࡓࡅࡍ ࡅࡉࡀࡃࡉࡍ ࡅࡌࡍࡀࡊࡓࡉࡍ ࡌࡍ ࡎࡉࡃࡓࡉࡀ ࡊࡅࡋࡄࡅࡍ ࡌࡍ ࡉࡅࡔࡀࡌࡉࡍ ࡂࡀࡁࡓࡀ ࡖࡊࡅࡓࡎࡉࡀ ࡏࡐࡉࡊ࡞ ࡄࡀࡉࡆࡀࡊ ࡌࡀࡋࡉࡋ ࡌࡀࡓࡀ ࡖࡓࡀࡁࡅࡕࡀ ࡅࡋࡔࡉࡔࡋࡀࡌ ࡓࡁࡀ ࡖࡍࡉࡌࡀࡓࡋࡇ ࡄࡆࡉࡀ ࡀࡍࡀࡕ ࡔࡉࡔࡋࡀࡌ ࡄࡆࡉࡀ ࡖࡌࡀࡄࡆࡉࡕࡀ ࡃࡉࡋࡀࡊ ࡀࡍࡀࡕ ࡋࡀࡕࡀࡒࡍࡉࡀ ࡅࡋࡀࡕࡉࡊࡅࡉࡀ ࡅࡋࡀࡕࡉࡌࡀࡓ ࡖࡄࡀࡈࡀࡉࡅࡍ ࡌࡀࡔࡕࡀࡉࡋࡉࡀ ࡀࡍࡀࡕ ࡀࡐࡓࡉࡔࡋࡅࡍ ࡋࡕࡀࡓࡌࡉࡃࡀࡊ ࡂࡅࡁࡓࡉࡀ ࡖࡓࡀࡆࡀࡊ ࡊࡀࡎࡉࡍ ^ࡂࡀࡋࡉࡋࡉࡍ^ ࡄࡀࡆࡉࡍ ࡖࡄࡉࡍࡅࡍ ࡋࡉࡁࡀࡉࡅࡍ ࡍࡉࡂࡀࡋࡉࡋࡅࡍ ࡊࡅࡋࡄࡅࡍ ࡓࡀࡆࡉࡀ ࡁࡄࡀࡆࡉࡍ ࡔࡓࡀࡂࡉࡀ ࡖࡏࡅࡑࡓࡉࡀ ࡆࡀࡄࡀࡓࡕࡀ ࡄࡀࡆࡉࡍ ࡓࡀࡁࡕࡉࡀ ࡏࡕࡀࡐࡓࡉࡔࡀࡕ ࡀࡌࡀࡓࡋࡅࡍ ࡋࡂࡅࡁࡓࡉࡀ ࡖࡋࡀࡍࡉࡔࡂࡅࡍ ࡌࡍ ࡄࡀࡋࡉࡍ ࡀࡓࡁࡀ ࡓࡀࡆࡉࡀ ࡖࡁࡄࡀࡆࡉࡍ ࡌࡀࡑࡁࡅࡕࡀ ࡓࡀࡁࡕࡉࡀ ࡏࡅࡑࡈࡀࡓࡀࡓࡀࡕ ࡄࡉࡍࡅࡍ ࡊࡎࡅࡉࡀ ࡅࡔࡀࡓࡅࡀࡋࡀ ࡅࡌࡀࡓࡂࡍࡀ ࡅࡏࡎࡉࡒࡕࡀ ࡏࡅ ࡄࡉࡌࡉࡀࡍࡀ ࡅࡔࡀࡓࡅࡀࡋࡀ ࡄࡀࡃࡕࡀ ࡋࡀࡉࡉࡕ ࡁࡄࡀࡍࡀࡕࡅࡍ ࡏࡑࡈࡀࡁࡀࡁࡅࡍ ࡕࡀࡂࡀ ࡍࡉࡕࡓࡉࡑ ࡗ ࡌࡀࡍࡃࡀ ࡖࡄࡉࡉࡀ ࡋࡄࡉࡁࡉࡋ ࡆࡉࡅࡀ ࡀࡁࡀࡃࡋࡇ ࡕࡓࡀࡑࡀ ࡁࡉࡅࡌࡀ ࡖࡄࡀࡌࡔࡀ ࡄࡀࡁࡔࡀࡁࡀ ࡖࡄࡅ ࡄࡀࡁࡔࡀࡁࡀ ࡆࡉࡅࡀ ࡆࡅࡈࡀ ࡔࡅࡌࡇ ࡗ ࡌࡀࡓࡀ ࡖࡓࡀࡁࡅࡕࡀ ࡒࡅࡃࡀࡌࡇ ࡄࡅࡀ ࡉࡀࡕࡉࡁ ࡅࡌࡀࡎࡁࡀࡓࡋࡇ ࡌࡀࡋࡀࡋࡉࡀ ࡔࡀࡍࡉࡉࡀ ࡅࡀࡌࡀࡓࡋࡇ ࡗ ࡌࡒࡀࡉࡌࡉࡕ ࡌࡀࡑࡁࡅࡕࡀࡊ ࡄࡀࡍࡀࡕࡇ ࡆࡄࡀࡓࡉࡀ ࡖࡀࡌࡓࡀࡕ ࡊࡀࡍࡀࡕ ࡓࡀࡁࡕࡉࡀ ࡏࡌࡇ ࡖࡍࡄࡅࡓࡀ ࡀࡌࡀࡓ࡞ ࡅࡀࡌࡀࡓ ࡌࡎࡀࡉࡊࡉࡕ ࡌࡀࡑࡁࡅࡕࡀࡊ ࡀࡃࡉࡍࡒࡉࡀ ࡌࡅࡌࡀ ࡅࡁࡀࡉࡉࡕ ࡋࡔࡊࡉࡍࡕࡀ ࡕiࡏࡉࡀࡋ ࡅࡕࡉࡌࡀࡓ ࡃࡓࡀࡁࡔࡉࡀ ࡖࡗ ࡀࡆࡀࡋ ࡁࡄࡉࡓࡀ ࡃࡀࡊࡉࡀ ࡁࡊࡅࡋࡇ ࡒࡀࡋࡀࡊ ࡅࡄࡀࡉࡆࡀࡊ ࡔࡀࡓࡔࡀࡊ࡞ ࡅࡗ ࡀࡌࡓࡉࡕ ࡋࡅࡀࡕ ࡓࡅࡓࡁࡉࡀ ࡏࡒࡀࡓࡀ ࡒࡓࡉࡁࡉࡅࡍ ࡀࡍࡀࡕ ࡅࡀࡔࡅࡀࡋࡉࡀ ࡋࡅࡀࡕࡀࡉࡅࡍ ࡖࡄࡀࡍࡀࡕࡅࡍ ࡕࡀࡓࡌࡉࡃࡉࡀ ࡞ ࡅࡗ ࡀࡌࡓࡉࡕࡅࡍ ࡀࡕࡉࡕ ࡅࡐࡕࡀࡄࡕࡇ ࡋࡐࡓࡀࡔ ࡆࡉࡅࡀ ࡅࡕࡓࡀࡑࡉࡁࡇ ࡌࡀࡑࡁࡅࡕࡀ ࡖࡋࡀࡁࡀࡈࡋࡀ ࡄࡋࡀࡐࡕࡀ ࡄࡋࡉࡐ ࡋࡌࡀࡓࡂࡍࡀࡊ ࡌࡍ ࡏࡋࡀࡅࡉࡀ ࡖࡔࡅࡀࡋࡉࡀࡊ ࡅࡀࡎࡉࡌ ࡏࡃࡀࡊ ࡏࡋࡇ ࡀࡌࡉࡍࡈࡅࡋ ࡖࡎࡀࡄࡃࡅࡕࡀ ࡕࡉࡍࡉࡀࡍࡕࡇ ࡏࡋ ࡊࡉࡌࡑࡀ ࡖ ࡏࡎࡕࡉࡄࡃࡀࡕ࡞ ࡗ ࡌࡀࡈࡉࡕ ࡊࡅࡔࡈࡀ ࡍࡀࡈࡀࡓࡕࡀ ࡖࡍࡉࡒࡌࡅࡍ ࡅࡊࡅࡔࡈࡀ ࡌࡉࡍࡀࡊ ࡐࡀࡔࡈࡉࡀ ࡅࡎࡀࡉࡉࡊ ࡏࡁࡃࡀࡕࡀࡊ ࡄࡉࡉࡀ ࡆࡀࡊࡉࡍ ࡎࡀ ࡞ ࡕࡅࡌ ࡗ ࡑࡀࡁࡀࡕࡋࡇ ࡏࡋ ࡀࡔࡅࡀࡋࡉࡀࡊ ࡁࡉࡀࡓࡃࡍࡀ ࡓࡁࡀ ࡑࡅࡁࡇ ࡅࡁࡄࡀࡍࡀࡕࡇ ࡉࡀࡓࡃࡍࡀ ࡓࡁࡀ ࡖࡎࡐࡉࡍࡕࡀ ࡁࡂࡀࡅࡇ ࡓࡉࡃࡉࡀࡍ ࡀࡌࡉࡍࡈࡅࡋ ࡖࡉࡀࡓࡃࡍࡀ ࡖࡌࡀࡎࡂࡉࡀࡁࡇ ࡎࡐࡉࡍࡕࡀ ࡍࡉࡔࡉࡌࡕࡀ ࡄࡏ ࡒࡀࡋ ࡅࡂࡀࡃࡅࡐࡉࡀ ࡁࡂࡀࡅࡇ ࡄࡀࡁࡉࡍ ࡖࡄࡉࡍࡅࡍ ࡓࡅࡄࡀ ࡍࡉࡔࡉࡌࡕࡀ ࡄࡉࡍࡅࡍ ࡅࡀ ࡅࡀࡔࡅࡀࡋࡉࡀ ࡌࡅࡓࡃࡀࡅࡀࡕࡀ ࡖࡄࡉࡍࡅࡍ ࡀࡓࡁࡀ ࡓࡀࡆࡉࡀ ࡖࡁࡂࡀࡅࡇ ࡏࡑࡈࡁࡅࡍ ࡄࡀࡍࡀࡕࡅࡍ ࡉࡀࡓࡃࡍࡉࡀ ࡆࡅࡈࡉࡀ ࡃࡀࡌࡉࡍ ࡋࡁࡍࡉࡀ ࡌࡀࡋࡊࡉࡀ ࡖࡕࡀࡂࡀ ࡁࡓࡉࡔࡀࡉࡄࡅࡍ ࡋࡀࡕࡓࡀࡑ ࡀࡍࡀࡕࡅࡍ ࡍࡂࡅࡃ ࡃࡓࡀࡁࡔࡉࡀ ࡁࡆࡀࡊࡀࡉࡕࡀ ࡄࡋࡉࡋࡕࡀ ࡁࡀࡃࡌࡅ ࡏࡑࡈࡅࡍࡀ ࡅࡋࡀࡕࡉࡍࡉࡂࡃࡅࡍ ࡁࡏࡅࡑࡈࡅࡍࡀ ࡈࡌࡉࡌࡇ ࡖࡆࡉࡅࡀ ࡁࡂࡀࡅࡇ ࡋࡀࡍࡀࡄࡀࡓ ࡗ ࡁࡀࡉࡉࡍ ࡖࡍࡉࡑࡉࡁࡇ ࡋࡓࡁࡇ ࡄࡀࡍࡀࡕࡇ ࡀࡔࡅࡀࡋࡉࡀ ࡆࡀࡄࡓࡅࡉࡀ ࡅࡏࡕࡉࡁ ࡋࡅࡀࡕࡇ ࡀࡌࡉࡍࡈࡅࡋ ࡖࡄࡀࡆࡉࡍ ࡌࡀࡑࡁࡅࡕࡀ ࡗ ࡆࡀࡍ ࡄࡀࡊ ࡌࡀࡑࡁࡅࡕࡀ ࡖࡑࡁࡇ ࡓࡁࡇ ࡀࡌࡉࡍࡈࡅࡋ ࡖࡌࡀࡑࡁࡅࡕࡀ ࡒࡀࡃࡌࡀࡉࡕࡀ ࡐࡀࡋࡂࡉࡀ ࡋࡓࡁࡀ ࡅࡐࡀࡋࡂࡀ ࡋࡀࡔࡅࡀࡋࡉࡀ ࡅࡌࡀࡑࡁࡅࡕࡀ ࡖࡄࡀࡆࡉࡍ ࡐࡀࡂࡅ ࡐࡀࡋࡂࡀ ࡋࡀࡔࡅࡀࡋࡉࡀ ࡅࡐࡀࡋࡂࡀ ࡋࡓࡁࡇ࡞ ࡀࡌࡉࡍࡈࡅࡋ ࡖࡏࡅࡕࡓࡉࡀ ࡅࡌࡀࡋࡊࡉࡀ ࡖࡌࡀࡎࡉࡒࡕࡀ ࡔࡀࡓࡉࡍ ࡅࡒࡀࡓࡉࡍ ࡅࡋࡀࡉࡀࡃࡉࡍ ࡌࡀࡄࡅ ࡖࡀࡌࡓࡉࡍ ࡀࡍࡀࡕ ࡕࡉࡃࡀ ࡖ ࡌࡀࡑࡁࡅࡕࡀ ࡒࡀࡃࡌࡀࡉࡕࡀ ࡔࡉࡕࡉࡍ ࡐࡀࡈࡉࡓࡉࡀ ࡐࡀࡈࡉࡓࡉࡀ ࡖࡌࡀࡎࡉࡒࡕࡀ ࡄࡉࡍࡅࡍ ࡄࡉࡍࡅࡍ ࡔࡅࡁࡀ ࡉࡅࡌࡉࡀ ࡁࡂࡀࡅࡀࡉࡄࡅࡍ ࡌࡋࡀࡁࡔࡉࡀ ࡄࡀࡍࡀࡕࡇ ࡌࡀࡑࡁࡅࡕࡀ ࡅࡌࡀࡑࡁࡅࡕࡀ ࡕࡉࡍࡉࡀࡍࡕࡉࡀ ࡗ ࡆࡀࡍ ࡀࡁࡀࡄࡀࡕࡀ ࡄࡏ ࡅࡔࡉࡕࡉࡍ ࡉࡅࡌࡉࡀ ࡁࡂࡀࡅࡀࡉࡄࡅࡍ ࡌࡋࡀࡁࡔࡉࡀ ࡄࡉࡍࡅࡍ ࡄࡀࡃ ࡋࡄࡀࡁࡓࡇ ࡋࡀࡂࡉࡈࡋࡇ ࡅࡌࡀࡎࡉࡒࡋࡇ ࡋࡓࡉࡔ ࡄࡉࡉࡀ ࡆࡀࡊࡉࡍ ࡎࡀ ࡎࡀ [ࡉࡋࡋࡅࡎࡕࡓࡀࡕࡉoࡍ ࡄࡀࡆࡉࡍ ࡄࡅ ࡃࡓࡀࡁࡔࡀ ࡖࡋࡊࡅࡋࡄࡅࡍ ࡕࡀࡍࡀࡍࡉࡀ ࡍࡂࡉࡃ ࡅࡌࡀࡍࡄࡉࡓࡋࡅࡍ ࡅࡃࡀࡄࡅࡍ ࡆࡉࡅࡀ ࡏࡋ ࡀࡉࡍࡀࡍࡉࡀࡕࡀ ࡅࡌࡐࡀࡔࡉࡒࡋࡅࡍ ࡋࡉࡀࡓࡃࡍࡉࡀ ࡅࡌࡓࡀࡃࡉࡋࡅࡍ ࡋࡓࡀࡄࡀࡈࡉࡀ ࡄࡀࡆࡉࡍ ࡔࡉࡔࡋࡀmࡏࡉࡋ ࡃࡓࡀࡁࡔࡀ ࡄࡅ ࡏࡋ ࡀࡉࡍࡀ ࡄࡀࡆࡉࡍ ࡐࡓࡀࡔ ࡅࡍࡂࡀࡃ ࡉࡀࡓࡃࡍࡀ ࡐࡉࡓࡉࡀࡅࡉࡎ ࡁࡂࡀࡅࡇ ࡖࡎࡉࡍࡃࡉࡓࡉࡀࡅࡉࡎ ࡅࡍࡂࡀࡃ ࡋࡅࡀࡕࡇ ࡖࡔࡉࡔࡋࡀࡌ ࡓࡁࡀ ࡁࡂࡀࡅࡇ ࡏࡑࡈࡁࡀ ࡄࡀࡆࡉࡍ ࡕࡌࡀࡍࡉࡀ ࡀ^ࡉ^ࡍࡀࡍࡉࡀࡕࡀ ࡖࡁࡄࡀࡃ ࡀࡉࡍࡀ ࡌࡑࡀࡓࡀࡓࡀࡍ [ࡉࡋࡋࡅࡎࡕࡓࡀࡕࡉoࡍ ࡔࡉࡔࡋࡀࡌ ࡓࡁࡀ ࡄࡅ࡞ ࡉࡀࡕࡉࡁ ࡁࡀࡍࡃࡀࡓࡅࡍࡀ ࡅࡒࡀࡓࡉࡀ ࡁࡎࡉࡃࡓࡀ ࡓࡁࡀ ࡖ ࡍࡉࡔࡌࡀࡕࡀ ࡀࡋࡌࡀ ࡖࡀࡁ ࡌࡀࡓࡀ ࡖࡓࡀࡁࡅࡕࡀ ࡍࡉࡔࡀࡉࡉࡋ ࡏࡋࡇ ࡄࡀࡆࡉࡍ ࡊࡅࡓࡎࡉࡀ ࡄࡅ ࡄࡀࡆࡉࡍ ࡄࡅ ࡄࡅ ࡀࡍࡃࡀࡓࡅࡍࡀ ࡖࡕࡀࡂࡉࡀ ࡅࡏࡅࡑࡈࡋࡉࡀ ࡁࡂࡀࡅࡇ ࡏࡑࡈࡀࡓࡀࡓ ࡌࡍ ࡒࡅࡃࡀࡌ ࡉࡅࡌࡀ ࡄࡀࡍࡀࡕࡇ ࡖࡕࡀࡂࡉࡀ ࡖࡌࡀࡋࡊࡅࡕࡀ ࡍࡀࡎࡉࡁ ࡅࡌࡍ ࡄࡀࡊ ࡋࡕࡉࡕ ࡔࡊࡉࡍࡕࡀ ࡏࡑࡈࡀࡓࡀࡓࡕ ࡅࡀࡉࡍࡀ ࡄࡀࡆࡉࡍ ࡄࡀࡌࡔࡀ ࡏࡋࡀࡍࡉࡀ ࡖࡌࡉࡍࡇ ࡐࡓࡀࡔ࡞ ࡀࡍࡀ ࡀࡐࡓࡉࡔࡍࡀࡋࡊࡅࡍ ࡋࡔࡊࡉࡍࡕࡀ ࡒࡀࡃࡌࡀࡉࡕࡀ ࡖࡔࡉࡔࡋࡀࡌ ࡓࡁࡀ ࡁࡂࡀࡅࡇ ࡕࡀࡂࡀ ࡕࡓࡀࡑ ࡖࡔࡅࡁࡀ ࡌࡀࡋࡊࡉࡀ ࡁࡂࡀࡅࡇ ࡌࡑࡀࡓࡀࡓࡉࡀ ࡋࡁࡓ ࡌࡍ ࡌࡀࡓࡀ ࡖࡓࡀࡁࡅࡕࡀ ࡅࡁࡉࡄࡃࡀࡃ ࡆࡅࡈࡀ ࡁࡔࡂࡀࡍࡃࡀ ࡒࡀࡉࡉࡌ࡞ ࡀࡍࡉࡍ ࡄࡀࡊࡀ ࡑࡀࡓࡀࡓࡍࡉࡀ ࡋࡔࡅࡁࡀ ࡌࡀࡋࡊࡉࡀ ࡗ ࡌࡀࡓࡀ ࡖ ࡓࡀࡁࡅࡕࡀ ࡑࡀࡓࡀࡓࡀ ࡋࡔࡊࡉࡍࡕࡀ ࡕࡉࡍࡉࡀࡍࡕࡉࡀ ࡖࡔ{{ࡋࡀ}}^ࡉࡔ^ࡋࡀࡌ ࡅࡌࡀࡓࡀ ࡖࡓࡀࡁࡅࡕࡀ ࡅࡌࡀࡓࡀ ࡖࡓࡀࡁࡅࡕࡀ ࡁࡂࡀࡅࡇ ࡌࡑࡀࡓࡀࡓࡉࡀ ࡋࡁࡄࡉࡓࡉࡀ ࡆࡉࡃࡒࡀ ࡏࡕࡄࡉࡁ ࡖࡄࡉࡁࡉࡋ ࡆࡉࡅࡀ ࡆࡅࡈࡀ ࡁࡓ ࡌࡀࡍࡃࡀ ࡖࡄࡉࡉࡀ ࡆࡅࡈࡀ ࡋࡕࡉࡁࡉࡋ ࡔࡀࡐࡉࡋ ࡅࡕࡀࡂࡇ ࡕࡀࡓࡉࡑ ࡏࡑࡀࡓࡀࡓ ࡖࡄࡀࡃ ࡋࡔࡉࡔࡋࡀࡌ ࡓࡁࡀ ࡖࡋࡉࡌࡔࡅࡍࡉࡀ ࡊࡅࡔࡈࡀ ࡅࡄࡀࡃ ࡋࡕࡉࡁࡉࡋ ࡔࡀࡐࡉࡋ ࡅࡕࡀࡓࡕࡉࡍࡅࡍ ࡌࡍ ࡄࡃࡀࡃࡉࡀ ࡋࡀࡌࡉࡕࡓࡀࡄࡒࡉࡀ ࡁࡔࡅࡌࡀࡉࡄࡅࡍ ࡖࡄࡉࡉࡀ ࡓࡁࡉࡀ ࡍࡅࡊࡓࡀࡉࡉࡀ ࡌࡍ ࡀࡋࡌࡉࡀ ࡖࡍࡄࡅࡓࡀ ࡉࡀࡕࡉࡓࡉࡀ ࡖࡏࡋࡀࡅࡉࡀ ࡅࡊࡅࡋࡄࡅࡍ ࡏࡅࡁࡀࡃࡉࡀ ࡀࡎࡅࡕࡀ ࡅࡆࡀࡊࡅࡕࡀ ࡄࡀࡉࡋࡀ ࡅࡔࡓࡀࡓࡀ ࡏࡌࡓࡀ ࡅࡔࡉࡌࡀ ࡅࡔࡀࡁࡉࡒ ࡄࡀࡈࡀࡉࡉࡀ ࡍࡉࡄࡅࡉࡋࡉࡀ ࡋࡃࡉࡋࡉࡀ ࡌࡄࡀࡕࡀࡌ ࡉࡅࡄࡀࡍࡀ ࡁࡓ ࡄࡀࡅࡀ ࡅࡋࡀࡁ ࡌࡄࡀࡕࡀࡌ ࡆࡄࡓࡅࡍ ^ࡁࡓ ࡔࡀࡓࡀࡕ ࡎࡉࡌࡀࡕ^࡞ ࡅlࡏࡌ ࡔࡀࡓࡀࡕ ࡎࡉࡕ ࡞ ࡅࡋࡆࡀࡅࡀࡉ ࡔࡀࡓࡀࡕ ^ࡐࡕ ࡌࡀࡌࡀࡍࡉࡍࡉࡀ^࡞ ࡅࡋࡔࡉࡕࡋࡇ ࡄࡀࡅࡀ ࡅࡔࡀࡓࡀࡕ ࡎࡉࡌࡀࡕ ࡄࡀࡅࡀ ࡌࡀࡌࡀࡍࡉࡀ ࡅࡌࡀࡋࡉࡄࡀ ࡐࡕ ࡀࡍࡄࡀࡓ ࡁࡍࡉࡀ ࡔࡀࡓࡀࡕ^࡞ ࡅࡋࡀࡄࡀࡉ ࡓࡀࡌ ࡁࡍࡉࡀ ࡔࡀ^ࡓࡀࡕ ࡎࡉࡌࡀࡕ^࡞ ࡔࡉࡔࡋࡀࡌ ࡍࡉࡔࡉࡕࡋࡇ lࡏࡔࡅࡌࡀࡉࡄࡅࡍ ࡁࡉࡕ ࡂࡉࡍࡆࡉࡀ ࡅࡌࡀࡓࡀ ࡖࡓࡀࡁࡅࡕࡀ ࡍࡉࡄࡔࡉࡁࡉࡍࡅࡍ ࡁࡄࡅࡔࡁࡀࡍࡇ ࡅࡍࡉࡌࡍࡉࡍࡅࡍ ࡁࡌࡉࡍࡉࡀࡍࡅࡍ ࡁࡄࡀࡉࡋࡇ ࡖࡉࡀࡅࡀࡓ ࡆࡉࡅࡀ ࡎࡉࡌࡀࡕ ࡄࡉࡉࡀ ࡎࡀ ࡄࡀࡉࡆࡀࡊ ࡕࡉࡒࡍࡀࡕ ࡌࡀࡋࡊࡅࡕࡀ ࡅࡏࡕࡁࡉࡄࡓࡀࡕ ࡁࡀࡋࡉࡐ ࡀࡋࡌࡉࡀ ࡄࡀࡉࡆࡀࡊ ࡌࡀࡋkࡏ ࡊࡅࡋࡄࡅࡍ ࡔࡀࡁࡀࡕࡀ ࡋࡔࡉࡔࡋࡀࡌ ࡉࡀࡄࡁࡉࡀ࡞ ࡄࡀࡉࡆࡀࡊ ࡔࡀࡃࡓࡀࡕ ࡒࡉࡍ ࡏࡌࡀ ࡓࡀࡁࡕࡉࡀ ࡕࡋࡀ ࡕࡌࡀ ࡅࡔࡉࡕࡉࡍ ࡀࡋࡐࡉࡀ ࡐࡀࡓࡃࡀࡎࡉࡀ ࡉࡀࡒࡅࡕ ^ࡀࡌࡒࡉࡀ ࡀࡌࡂࡉࡀ^ ࡅࡕࡋࡀࡕࡌࡀ ࡔࡉࡕࡉࡍ ࡀࡋࡐࡉࡀ ࡂࡅࡄࡀࡓ ࡅࡕࡋࡀࡕࡌࡀ ࡔࡉࡕࡉࡍ ࡀࡋࡐࡉࡀ ࡐࡀࡓࡃࡀࡎࡉࡀ ࡉࡀࡒࡅࡕ ࡅࡕࡋࡀࡕࡌࡀ ࡅࡔࡉࡕࡉࡍ ࡃࡓࡀࡁࡔࡉࡀ ࡖࡌࡀࡓࡀ ࡖࡓࡀࡁࡅࡕࡀ ࡋࡂ ࡋࡂࡀࡐ ࡓࡁࡀ ࡏࡄࡀࡁࡋࡇ ࡗ ࡔࡐࡉࡋ ࡋࡕࡉࡕ ࡅࡆࡀࡅࡇ ࡍࡑࡀࡁ ࡅࡌࡀࡋࡊࡅࡕࡀ ࡒࡀࡁࡉࡋ ࡅࡕࡋࡀࡕࡌࡀ ࡅࡔࡉࡕࡉࡍ ࡔࡀࡃࡀࡓࡅࡀࡍࡉࡀ ࡅࡒࡅࡌࡁࡀ ࡖࡁࡉࡋࡅࡓ ࡖࡏࡕࡁࡉࡀ ࡖ ࡔࡀࡌࡁࡉࡁࡉࡀ ࡖࡆࡉࡅࡀ ࡁࡂࡀࡅࡇ ࡔࡀࡃࡀࡓࡋࡇ ࡋࡔࡉࡔࡋࡀࡌ ࡓࡁࡀ ࡁࡓࡇ ࡁࡅࡊࡓࡀ ࡖࡊࡀࡍࡀࡕ ࡓࡀࡁࡕࡉࡀ ࡀࡁࡀࡕࡀࡓ ࡖࡎࡀࡃࡀࡓ ࡏࡁࡃࡀࡕࡀ ࡅࡐࡀࡋࡉࡂࡁࡅࡍ ࡕࡀࡂࡉࡀ ࡋࡌࡀࡋࡊࡉࡀ ࡅlࡏࡅࡕࡓࡉࡀ ࡌࡀࡓࡀ ࡖࡓࡀࡁࡅࡕࡀ ࡅࡁࡀ ࡖࡍࡉࡁࡉࡀ ࡓࡀࡄࡌࡉࡀ ࡔࡉࡔࡋࡀࡌ ࡓࡁࡀ࡞ ࡄࡀࡉࡆࡀࡊ ࡌࡔࡀ ࡏࡃࡇ ࡁࡉࡀࡓࡃࡍࡀ ࡅࡀࡌࡀࡓ ࡁࡔࡅࡌࡀ ࡖࡄࡉࡉࡀ ࡅࡁࡔࡅࡌࡉࡀ ࡖࡀࡁ ࡌࡀࡍࡃࡀ ࡖࡄࡉࡉࡀ ࡅࡍࡎࡉࡁ ࡌࡉࡀ ࡁࡄࡅࡐࡍࡀ ࡅࡌࡔࡀ {{ࡌࡔ}} ࡐࡀࡓࡑࡅࡐࡉࡀ ࡅࡀࡌࡀࡓ ࡁࡓࡉࡊ ࡅࡌࡔࡀࡁࡀ ࡄࡀࡊ ࡐࡀࡓࡑࡅࡐࡀ ࡖࡏࡒࡀࡓࡀ ࡖࡌࡍ ࡍࡀࡐࡔࡉࡀ ࡐࡓࡀࡔ ࡕࡅ ࡕࡋࡀࡕࡀ ࡆࡉࡁࡍࡉࡀ ࡅࡗ ࡀࡁࡅࡉࡀ ࡄࡅࡀ ࡒࡅࡃࡀࡌࡇ {{ࡌࡀ}} ࡉࡀࡕࡉࡁ ࡅࡌࡀࡎࡁࡀࡓࡋࡇ {{ࡗ}} lࡏࡍࡉࡀࡍࡀ ࡌࡀࡋࡊࡉࡀ ࡋࡀࡎࡁࡓࡇ࡞ ࡄࡀࡉࡆࡀࡊ ࡒࡀࡌ ࡋࡊࡉࡍࡕࡀ ࡅࡀࡕࡍࡀ ࡏࡃࡀ ࡏࡋ ࡓࡉࡔࡉࡀ࡞ ࡄࡀࡉࡆࡀࡊ ࡒࡀࡋࡀ ࡀࡕࡀࡋࡇ ࡌࡍ ࡁࡉࡍࡉࡀ ࡕࡔࡉࡌࡀ ࡅࡕࡔࡉࡍ ࡅࡕࡔࡀ ࡀࡋࡐࡉࡀ ࡎࡓࡀࡃࡒࡉࡀ ࡖࡆࡉࡅࡀ ࡅࡍࡄࡅࡓࡀ ࡅࡏࡒࡀࡓࡀ ࡋࡌࡀࡓࡀ ࡖࡓࡀࡁࡅࡕࡀ ࡖࡀࡎࡁࡓࡇ ࡔࡉࡔࡋࡀࡌ ࡓࡁࡀ ࡁࡀࡁࡀࡅࡀࡕࡀ ࡖࡐࡉࡓࡉࡀ ࡀࡉࡀࡓ ࡖࡍࡉࡒࡓࡉࡀ ࡁࡓࡀࡄࡌࡉࡀ ࡖࡔࡀࡁࡀ ࡔࡀࡉࡉࡀ ࡖࡄࡀࡉࡋࡇ ࡍࡉࡍࡐࡅࡔ ࡅࡆࡉࡅࡇ ࡍࡀࡄࡅࡓ ࡄࡔࡅࡊࡀ ࡌࡍ ࡒࡅࡃࡀࡌࡇ ࡍࡉࡕࡉࡊࡁࡉࡔ ࡌࡀࡋࡊࡉࡀ ࡖࡄࡔࡅࡊࡀ ࡌࡉࡍࡇ ࡍࡉࡕࡉࡊࡁࡉࡔ ࡌࡍ ࡓࡉࡔ ࡁࡓࡉࡔ ࡎࡀ [ࡉࡋࡋࡅࡎࡕࡓࡀࡕࡉoࡍ ࡆࡀࡐࡀࡓࡀࡍࡀ ࡄࡅ ࡀࡎࡀ ࡄࡅ ࡓࡅࡌࡀࡍࡀ ࡄࡅ ࡄࡉࡈࡉࡕࡀ ࡄࡏ ࡀࡎࡐࡀࡓࡂࡋࡀ ࡄࡅ ࡌࡀࡓࡅࡀ ࡖࡉࡀࡍࡒࡉࡀ ࡄࡅ ࡂࡀࡕࡓࡅࡍ ࡉࡀࡎࡌࡉࡍ ࡄࡅ ࡌࡀࡓࡅࡀ ࡄࡅ ࡓࡁࡀ ࡆࡀࡅࡀ ࡕࡀࡂࡀ ࡊࡋࡉࡋࡀ ࡀࡉࡀࡓ ࡍࡅࡓࡀ ࡋࡁࡅࡔࡀ ࡍࡀࡑࡉࡐࡀ ࡊࡎࡅࡉࡀ ࡄࡉࡌࡉࡀࡍࡀࡍࡀ ࡏࡌࡀ ࡀࡁ ࡀࡄࡀ ࡀࡄࡀࡕࡀ ࡅ ࡄ ࡃ ࡂ ࡁ ࡀ ࡄࡀࡋࡉࡍ ࡄࡉࡍࡅࡍ ࡔࡅࡁࡀ ࡌࡋࡀࡊࡉࡀ ࡖࡌࡍ ࡄࡀࡃ ࡀࡉࡍࡀ ࡐࡓࡉࡔࡉࡅࡍ ࡄࡀࡌࡔࡀ ࡄࡅࡓࡉࡍࡉࡀ ࡖࡌࡍ ࡀࡉࡍࡀ ࡄࡅࡓࡉࡍࡕࡉࡍ ࡐࡓࡉࡔࡉࡅࡍ ࡞ ࡀࡉࡍࡀ ࡒࡀࡃࡌࡀࡉࡕࡀ ࡍࡉࡁࡈࡀࡕ ࡆࡉࡄࡅࡀࡕ ࡐࡉࡓࡔࡀࡕ ࡅࡃࡉࡄࡍࡀࡕ ࡔࡅࡌࡀ ࡕࡋࡀࡕࡌࡀ ࡅࡔࡉࡕࡉࡍ ࡔࡅࡌࡄࡀࡕࡀ ࡏࡕࡀࡎࡀࡒࡋࡇ࡞ ࡅࡕࡉࡍࡉࡀࡍࡕࡉࡀ ࡄࡉࡌࡀࡕ ࡓࡄࡉࡌࡀࡕ ࡅࡔࡀࡓࡀࡕ ࡅࡊࡀࡍࡀࡕ ࡓࡀࡅࡆࡀࡕ ࡅࡈࡀࡉࡁࡀࡕ ࡌࡉࡋࡉࡕ ࡔࡀࡁࡀ ࡔࡅࡌࡄࡀࡕࡀ ࡏࡕࡀࡎࡀࡒࡋࡇ ࡔࡉࡔࡋࡀࡌ ࡓࡁࡀ ࡄࡉࡁࡉࡋ ࡆࡉࡅࡀ ࡓࡁࡀ ࡅࡀࡉࡀࡓ ࡁࡀࡓࡀࡉࡀ ࡅࡀࡉࡀࡓ ࡂࡅࡐࡍࡀ ࡅࡀࡉࡀࡓ ࡐࡉࡓࡉࡀࡅࡉࡎ ࡌࡉࡍࡇ ࡐࡓࡉࡔࡉࡅࡍ ࡞ ࡕࡋࡉࡕࡀࡉࡕࡀ ࡆࡉࡅࡀ ࡔࡅࡌࡇ ࡅࡍࡄࡅࡓࡀ ࡔࡅࡌࡇ ࡕࡅࡒࡍࡀ ࡔࡅࡌࡇ ࡂࡀࡋࡉࡀࡕࡀ ࡓࡀࡆࡉࡀ ࡔࡅࡌࡇ ࡁࡉࡄࡓࡀࡌ ࡓࡀࡆࡉࡀ ࡔࡅࡌࡇ ࡖࡌࡀࡍࡀ ࡓࡁࡀ ࡊࡀࡁࡉࡓࡀ ࡅࡀࡁࡀ ࡓࡁࡀ ࡖࡏࡒࡀࡓࡀ ࡖࡉࡅࡔࡀࡌࡉࡍ ࡃࡀࡊࡉࡀ ^ࡉࡀ^ࡅࡀࡉࡀࡓ ࡓࡁࡀ ࡅࡀࡁࡀࡕࡅࡓ ࡓࡀࡌࡀ ࡅࡎࡀࡌ ࡌࡀࡍࡀ ࡎࡌࡉࡓࡀ ࡅࡎࡀࡌ ࡆࡉࡅࡀ ࡌࡉࡍࡇ ࡐࡓࡉࡔࡉࡅࡍ ࡖࡄࡉࡍࡅࡍ ࡀࡄࡇ ࡖࡌࡀࡓࡀ ࡖࡓࡀࡁࡅࡕࡀ ࡄࡉࡍࡅࡍ ࡄࡉࡍࡅࡍ ࡄࡅࡂࡉࡀࡍࡉࡀ ࡖࡀ ࡁ ࡂ ࡃ ࡄࡉࡍࡅࡍ࡞ ࡀ ࡌࡀࡓࡀ ࡖࡓࡀࡁࡅࡕࡀ ࡄࡅ ࡞ ࡁ ࡌࡀࡍࡀ ࡓࡁࡀ ࡊࡀࡁࡉࡓࡀ ࡄࡅ ࡞ ࡂ ࡀࡁࡀ ࡓࡁࡀ ࡖࡏࡒࡀࡓࡀ ࡄࡅ ࡞ ࡃ ࡉࡅࡔࡀࡌࡉࡍ ࡃࡀࡊࡉࡀ ࡄࡅ ^ ࡄ ࡉࡀࡅࡀࡓ ࡓࡁࡀ ࡄࡅࡅ^ ࡞ ࡅ ࡀࡁࡀࡕࡅࡓ ࡓࡀࡌࡀ ࡄࡅ ࡞ ࡆ ࡎࡀࡌ ࡌࡀࡍࡀ ࡎࡌࡉࡓࡀ ࡄࡅ ࡞ ࡇ ࡔࡉࡍࡂࡋࡀࡍ ࡓࡁࡀ ࡄࡅ࡞ ࡖ ࡉࡅࡔࡀࡌࡉࡍ ࡈࡀࡅࡎࡀ ࡌࡉࡍࡇ ࡄࡅࡀ ࡖࡕࡌࡀࡍࡉࡀ ࡖࡄࡔࡅࡊࡀ ࡄࡅࡀ ࡁࡌࡀࡂࡀࡋࡕࡀ ࡄࡅࡓࡉࡍࡕࡉࡀ ࡌࡀࡐࡓࡉࡔࡍࡀࡋࡊࡅࡍ ࡋࡄࡀࡆࡉࡍ ࡕࡋࡀࡕࡀ ࡌࡀࡋࡊࡉࡀ ࡖࡍࡀࡐࡔࡀࡉࡄࡅࡍ ࡐࡋࡀࡂ ࡖࡄࡉࡍࡅࡍ࡞ ࡇ࡞ ࡏ࡞ ࡖ࡞ ࡄࡀࡋࡉࡍ ࡕࡋࡀࡕࡀ ࡌࡀࡋࡊࡉࡀ ࡖࡁࡄࡀࡃ ࡋࡁࡅࡔࡀ ࡒࡀࡉࡌࡉࡀ ࡖࡄࡉࡍࡅ ࡓࡅࡄࡀ ࡅࡐࡀࡂࡓࡀ ࡅࡍࡉࡔࡉࡌࡕࡀ ࡄࡆࡅࡍ ࡖࡓࡅࡄࡀ ࡁࡍࡀࡕࡇ ࡋࡐࡀࡂࡓࡀ ࡖࡄࡏ ࡌࡀࡓࡕࡀ ࡖࡁࡍࡉࡀ ࡄࡏ ࡀࡌࡉࡍࡈࡅࡋ ࡖ࡞ ࡓࡅࡄࡀ ࡄࡅ࡞ ࡋࡐࡀࡂࡓࡀ ࡏ ࡄࡅ ࡀࡁࡀࡕࡅࡓ ࡊࡅࡋࡄࡅࡍ ࡓࡀࡆࡉࡀ ࡍࡉࡔࡉࡌࡕࡀ ࡀࡕࡀࡕ ࡅࡁࡓࡉࡔ ࡐࡅࡂࡃࡀࡌࡉࡀ ࡌࡉࡀ ࡉࡀࡕࡁࡀࡕ ࡖࡄࡏ ࡀnࡏࡉࡀ ࡆࡅࡈࡀ ࡒࡓࡀࡕ ࡋࡍࡀࡐࡔࡀࡇ ࡄࡏ ࡏࡕࡓࡀࡅࡓࡁࡀࡕ ࡋࡊࡅࡋࡄࡅࡍ ࡓࡀࡆࡉࡀ ࡅࡐࡅࡃࡀࡌࡀ ࡆࡅࡈࡀ ࡖࡊࡅࡋࡄࡅࡍ ࡌࡉࡄࡉࡉࡀࡕࡀ ࡌࡀࡎࡉࡀ ࡊࡅࡋ ࡖࡍࡉࡂࡀࡋࡉࡋ ࡋࡄࡀࡆࡉࡍ ࡓࡀࡆࡉࡀ ࡌࡍࡀࡕ ࡎࡅࡌࡒࡀࡒ ࡀࡉࡍࡀ ࡕࡉࡄࡅࡉࡀ ࡌࡃࡅࡓࡕࡀ ࡅࡋࡀࡍࡉࡄࡉࡆࡉࡇ ࡋࡍࡀࡑࡁࡇ ࡅࡄࡉࡉࡀ ࡆࡀࡊࡉࡍ ࡎࡀࡌ ࡆࡉࡅࡀ ࡄࡅ ࡖࡄࡅ ࡔࡉࡍࡂࡋࡀࡍ ࡓࡁࡀ ࡄࡅ ࡎࡀࡌ ࡌࡀࡍࡀ ࡎࡌࡉࡓࡀ ࡄࡅ ࡀࡁࡀࡕࡅࡓ ࡓࡀࡌࡀ ࡄࡅ ࡉࡀࡅࡀࡓ ࡓࡁࡀ ࡄࡅ ࡉࡅࡔࡀࡌࡉࡍ ࡃࡀࡊࡉࡀ ࡄࡅ ࡀࡁࡀ ࡓࡁࡀ ࡖࡏࡒࡀࡓࡀ ࡄࡅ ࡌࡀࡍࡀ ࡓࡁࡀ ࡊࡀࡁࡉࡓࡀ ࡄࡅ ࡃࡓࡀࡁࡔࡀ ࡄࡅ ࡀࡁ ࡞࡞࡞࡞ ࡄࡅ ࡌࡀࡓࡀ ࡖࡓࡀࡁࡅࡕࡀ ࡄࡅ ࡄࡀࡆࡉࡍ ࡄࡅ ࡁࡉࡄࡃࡀࡃ ࡆࡅࡈࡀ ࡖࡁࡔࡂࡀࡍࡃࡉࡀ ࡒࡀࡉࡉࡌ ࡅࡌࡉࡔࡒࡏࡉࡋ ࡁࡉࡃࡇ ࡋࡂࡉࡈ ࡄࡀࡉࡆࡀࡊ ࡀࡕࡍࡀ ࡏࡃࡇ ࡋࡓࡉࡔࡉࡀ ࡅࡀࡌࡀࡓ࡞ ࡁࡔࡅࡌࡀ ࡖࡄࡉࡉࡀ ࡓࡁࡉࡀ ࡒࡅࡌ ࡁࡄࡉࡓࡉࡀ ࡆࡉࡃࡒࡀ ࡒࡅࡌ ࡔࡀࡋࡌࡀࡍࡉࡀ ࡅࡌࡄࡀࡉࡌࡍࡉࡀ࡞ ࡄࡀࡍࡀࡕࡅࡍ ࡓࡀࡆࡉࡀ ࡖࡔࡊࡉࡁࡉࡀ ࡁࡂࡅ ࡋࡉࡁࡇ ࡏࡕࡉࡓࡉࡅࡍ ࡌࡍ ࡔࡉࡍࡕࡅࡍ࡞ ࡅࡗ ࡀࡌࡀࡓ ࡀࡍࡀ ࡎࡀࡂࡃࡉࡍࡀࡋࡇ ࡅࡌࡔࡀࡁࡉࡍࡀࡋࡇ ࡋࡄࡀࡄࡅ ࡌࡀࡋࡊࡀ ࡓࡀࡌࡀ ࡓࡁࡀ ࡖࡍࡄࡅࡓࡀ࡞ ࡏࡕࡋࡀࡁࡀࡔ ࡁࡄࡀࡉࡋࡀ ࡓࡀࡌࡀ ࡅࡓࡕࡉࡕࡉࡀ ࡖࡄࡀࡅࡋࡇ ࡁࡋࡉࡁࡇ ࡊࡀࡍ࡞ ࡗ ࡔࡂࡀࡍࡃࡀࡉ ࡈࡀࡁࡀ ࡀࡌࡀࡓ࡞ ࡀࡉࡀࡓ ࡁࡀࡓࡀࡉࡀ ࡋࡒࡅࡃࡀࡌࡇ ࡒࡀࡌ࡞ ࡅࡗ ࡋࡄࡉࡉࡀ ࡎࡀࡂࡉࡃࡍࡀ ࡀࡌࡀࡓ ࡞ ࡄࡀࡍࡀࡕࡅࡍ ࡏࡋࡀࡍࡉࡀ ࡖࡔࡓࡉࡍ ࡁࡄࡀࡍࡀࡕࡇ ࡀࡉࡍࡀ ࡕࡀࡒࡅࡍࡕࡀ ࡃࡍࡅࡕࡀ ࡋࡃࡉࡋࡉࡀ ࡉࡀࡄࡁࡉࡀ࡞ ࡄࡀࡉࡆࡀࡊ ࡒࡓࡀ ࡁࡔࡅࡌࡀ ࡖࡄࡀࡄࡅ ࡂࡀࡁࡓࡀ ࡒࡀࡃࡌࡀࡉࡀ ࡄࡉࡉࡀ ࡒࡉࡓࡉࡅࡉࡀ ࡋࡉࡀࡅࡀࡓ ࡆࡉࡅࡀ ࡅࡍࡄࡅࡓ ࡍࡄࡅࡓࡀ ࡅࡌࡀࡍࡃࡀ ࡒࡓࡀࡍ ࡄࡀࡋࡉࡍ ࡀࡓࡁࡀ ࡁࡀࡅࡀࡕࡀ ࡄࡀࡉࡋࡀ lࡏࡑࡈࡅࡍࡀ ࡉࡀࡄࡁࡉࡀ࡞ ࡄࡀࡉࡆࡀࡊ ࡍࡎࡀࡁ ࡓࡉࡄࡀ ࡅࡒࡓࡀ ࡓࡉࡄࡀ ^ࡖࡁࡀࡎࡉࡌ ࡄࡀࡋ ࡄࡉࡉࡀ ࡒࡀࡃࡌࡀࡉࡉࡀ ࡅࡓࡌࡀ ࡋࡍࡅࡓࡀ ࡅࡎࡋࡉࡒ ࡓࡉࡄࡀ ࡅࡀࡆࡀࡋ ࡁࡊࡅࡋࡄࡅࡍ^ ࡀࡋࡌࡉࡀ ࡖࡍࡄࡅࡓࡀ ࡅࡀࡋࡌࡉࡀ ࡖࡄࡔࡅࡊࡀ ࡄࡀࡍࡀࡕࡅࡍ ࡒࡀࡓࡀࡁࡕࡀࡍࡀ ࡖࡓࡅࡄࡀ ࡋࡄࡀࡍࡀࡕࡇ ࡓࡉࡄࡀ ࡒࡓࡀ ࡁࡊࡅࡋࡇ ࡄࡀࡉࡋࡀ ࡀࡋࡌࡉࡀ ࡅࡃࡀࡓࡉࡀ ࡊࡅࡋࡄࡅࡍ ࡒࡉࡓࡉࡀࡕࡀ ࡒࡓࡀ ࡋࡒࡀࡋࡇ ࡅࡀࡌࡀࡓ ࡁࡓࡉࡊ ࡅࡌࡔࡀࡁࡀ ࡔࡉࡔࡋࡀࡌ ࡓࡁࡀ࡞ ࡄࡀࡉࡆࡀࡊ ࡒࡓࡀ ࡁࡀࡅࡀࡕࡀ ࡐࡉࡓࡉࡀ ࡀࡉࡀࡓ ࡖࡁࡀࡋࡁࡅࡔ ࡐࡀࡓࡆࡋࡀ ࡒࡀࡉࡌࡉࡍ ࡅࡃࡓࡀ ࡁࡅࡕࡀ ࡖࡄࡀࡁࡔࡀࡁࡀ ࡅࡁࡀࡅࡀࡕࡀ ࡖࡊࡉࡌࡑࡀ ࡔࡀࡍࡉࡀ࡞ ࡄࡀࡉࡋࡇ ࡍࡐࡅࡔ ࡅࡆࡉࡅࡇ ࡃࡍࡀ ࡋࡂࡀࡁࡀࡓࡉࡀ ࡖࡄࡔࡅࡊࡀ ࡅࡊࡅࡋࡄࡅࡍ ࡎࡕࡀࡄࡀࡐ ࡅࡌࡍ ࡊࡀࡓࡎࡀࡅࡀࡕࡅࡍ ࡍࡐࡀࡋ࡞ ࡅࡒࡓࡀ ࡌࡍ ࡔࡉࡍࡕࡀࡉ ࡒࡀࡃࡌࡉࡕ ࡒࡀࡌࡉࡕ ࡓࡅࡄࡀ ^ࡏࡕࡀࡉࡓࡀࡕ ࡅࡏࡍࡉࡀࡍࡀ ࡋࡍࡉࡔࡉࡌࡕࡀ ࡓࡌࡀࡕ ࡄࡀࡋࡉࡋࡍࡉࡀ ࡏࡃࡀࡍ ࡁࡊࡅࡔࡈࡀ ࡅࡒࡓࡀ^ ࡍࡉࡔࡉࡌࡕࡀ ࡏࡍࡉࡀࡍࡀ ࡋࡓࡅࡄࡀ ࡓࡌࡀࡕ ࡅࡀࡌࡓࡀࡕ࡞ ࡁࡔࡅࡌࡀ ࡖࡄࡉࡉࡀ ࡓࡁࡉࡀ ࡌࡍ ࡉࡅࡌࡀ ࡖࡆࡉࡅࡀ ࡁࡀࡉࡍࡉࡀ ࡏࡕࡀࡓ ࡅࡌࡀࡋࡊࡅࡕࡀ ࡋࡔࡉࡔࡋࡀࡌ ࡓࡁࡀ ࡏࡑࡈࡀࡓࡀࡓࡀࡕ ࡅࡃࡓࡀࡁࡔࡉࡀ ࡁࡀࡉࡀࡓ ࡔࡀࡍࡉࡀ ࡏࡕࡉࡍࡂࡉࡃࡋࡇ࡞ ࡄࡀࡉࡋࡀ ࡖࡄࡔࡅࡊࡀ ࡊࡓࡀࡊ ࡞ ࡓࡉࡄࡀ ࡍࡐࡉࡔ ࡅࡀࡉࡀࡓ ࡃࡓࡀࡁࡇ ࡍࡉࡔࡉࡌࡕࡀ ࡓࡉࡅࡆࡀࡕ ࡅࡓࡅࡄࡀ ࡏࡕࡊࡉࡁࡔ^ࡀ^ࡕ ࡌࡍ ࡓࡉࡔ ࡁࡓࡉࡔ ࡅࡀࡌࡀࡓ ࡁࡓࡉࡊ ࡔࡅࡌࡀࡊ ࡅࡌࡔࡀࡁࡀ ࡔࡅࡌࡀࡊ ࡌࡀࡓࡀࡉ ࡌࡀࡍࡃࡀ ࡖࡄࡉࡉࡀ ࡏࡔࡕࡀࡃࡀ{{ࡓࡉ}}^ࡓࡋࡇ^ ࡄࡀࡉࡋࡀ ࡓࡀࡌࡀ ࡌࡍ ࡌࡀࡋࡊࡀ ࡏࡋࡀࡉࡀ࡞ ࡅࡒࡓࡀ ࡏࡋࡊࡅࡍ ࡃࡉࡋࡊࡅࡍ ࡏࡅࡕࡓࡉࡀ ࡊࡅࡋࡄࡅࡍ ࡌࡍ ࡊࡀࡓࡎࡀࡅࡀࡕࡅࡍ ࡒࡀࡌ ࡅࡌࡁࡀࡓࡊࡉࡋࡇ࡞ ࡅࡗ ࡀࡌࡀࡓ ࡀࡎࡅࡕࡀ ࡅࡆࡀࡊࡅࡕࡀ ࡅࡌࡉࡔࡒࡀࡋ ࡀࡉࡍࡉࡀ{{ࡒࡓࡀ ࡅࡀࡓࡁࡉࡊ}} ^ࡅࡏࡕࡋࡀࡁࡀࡔ ࡁࡓࡀࡆࡉࡀ ࡖࡀࡁࡀ ࡌࡍ ࡓࡀࡆࡉࡀ ࡖࡏࡌࡀ ࡏࡕࡐࡀࡓࡀࡒ࡞ ࡗ ࡁࡉࡕ ࡌࡉࡔࡒࡀࡋ ࡀࡉࡍࡉࡀ ࡒࡓࡀ ࡅࡀࡓࡁࡉࡊ^ ࡋࡁࡅࡓࡊࡇ ࡅࡀࡕࡍࡀ ࡏࡃࡇ ࡋࡓࡉࡔࡉࡇ࡞ ࡀࡓࡒࡀ ࡍࡀࡃ ࡌࡍ ࡎࡀࡃࡀࡍࡀ ࡅࡀࡍࡃࡉࡕࡉࡍࡅࡍ ࡋࡂࡀࡁࡀࡓࡉࡀ ࡖࡏࡕࡁࡇ ࡅࡊࡉࡁࡔࡉࡇ ࡋࡓࡀࡆࡉࡀ ࡖࡌࡅࡌࡀ ࡖࡄࡏ ࡍࡅࡓࡀ࡞ ࡅࡒࡓࡀ ࡏࡎࡉࡓ ࡉࡀࡌࡀ ࡅࡂࡉࡌࡓࡀ ࡀࡍࡀ ࡂࡌࡉࡓࡀ ࡅࡆࡄࡀ {{ࡅࡏࡕࡀࡄࡆ}} ࡅࡏࡕࡀࡆࡄࡀ ࡅࡗ ࡏࡄࡀࡁࡋࡇ ࡅࡏࡎࡉࡓࡀ ࡄࡕࡉࡌࡀ ࡅࡁ^ࡏ^ࡅࡑࡀࡓ ࡄࡉࡉࡀ ࡅࡏࡎࡉࡓࡀ ࡄࡕࡉࡌࡀ ࡓࡀࡁࡕࡉࡀ ࡕࡔࡀ {{ࡔࡅࡓࡉࡀ}} ^ࡁࡀࡅࡀࡕࡀ^ ࡖࡌࡍ ࡌࡉࡔࡒࡀࡋ ࡀࡉࡍࡉࡀ ࡅࡀࡋࡌࡀ lࡏࡎࡉࡓࡀ ࡄࡕࡉࡌࡀ ࡓࡀࡁࡕࡉࡀ ࡄࡀࡋࡉࡍ ࡕࡔࡀ ࡔࡅࡓࡉࡀ ࡖࡌࡀࡎࡉࡀ ࡃࡀࡊࡉࡀ ࡀࡄࡃࡉࡓࡋࡇ࡞ ࡅࡗ ࡒࡀࡌ ࡋࡋࡉࡂࡓࡇ ࡅࡀࡌࡀࡓ ࡌࡔࡀࡁࡉࡍ ࡄࡉࡉࡀ ࡒࡀࡃࡌࡀࡉࡉࡀ࡞ ࡍࡀࡑࡓࡅࡕࡀ ࡏࡕࡉࡓࡀࡕ ࡋࡃࡀࡓࡃࡀࡓࡉࡀ ࡋࡀࡔࡀࡊࡁࡀࡀ ࡁࡋࡉࡁࡀ ࡖࡔࡉࡔࡋࡀࡌ ࡓࡁࡀ࡞ ࡅࡒࡓࡀ ࡏࡕࡓࡉࡑࡕࡅࡍ ࡅࡕࡒࡀࡉࡀࡌࡕࡅࡍ ࡄࡕࡀࡌࡕࡉࡍࡅࡍ ࡋࡊࡅࡋࡄࡅࡍ ࡋࡁࡅࡔࡉࡇ ࡖࡌࡅࡌࡀ ࡁࡂࡀࡅࡀࡉࡄࡅࡍ ࡋࡀࡍࡉࡄࡅࡉࡀ࡞ ࡅࡒࡓࡀ ࡁ^ࡏ^ࡍࡉࡀࡍࡀ ࡅࡃࡓࡀࡔࡉࡇ ࡖࡉࡅࡌࡀ࡞ ࡅࡒࡓࡀ ࡀࡍࡉࡀ ࡀࡍࡀ ࡖࡌࡍ ࡐࡉࡓࡉࡀ ࡅࡏࡍࡉࡀࡍࡀ ࡖࡍࡄࡅࡓࡀ࡞ ࡋࡁࡅࡔࡀ ࡏࡔࡕࡀࡃࡀࡓࡋࡇ ࡌࡍ ࡀࡓࡒࡀ {{ࡌࡍ}} ࡖࡀࡉࡀࡓ ࡖࡄࡀࡆࡉࡋࡇ ࡄࡀࡉࡒࡉࡀ࡞ ࡅࡒࡓࡀ ࡁࡓࡉࡊࡉࡀ ࡅࡌࡔࡀࡁࡉࡀ ࡄࡉࡉࡀ ࡃࡉࡋࡇ ࡖࡔࡅࡌ ࡅࡀࡓࡁࡉࡊ ࡁࡅࡓࡊࡀ࡞ ࡍࡐࡀࡋ ࡍࡀࡅࡓࡀ ࡁࡊࡅࡋࡄࡅࡍ ࡀࡋࡌࡉࡀ ࡖࡄࡔࡅࡊࡀ ࡅࡕࡋࡀࡕࡌࡀ ࡅࡔࡉࡕࡉࡍ ࡔࡅࡓࡉࡀ ࡖࡌࡀࡎࡀ ࡀࡄࡃࡀࡓࡋࡇ ࡋࡄࡀࡍࡀࡕࡇ ࡔࡊࡉࡍࡕࡀ ࡖࡋࡀࡌࡑࡉࡀ ࡄࡔࡅࡊࡀ ࡖࡍࡉࡄࡀࡌࡁࡋࡇ࡞ ࡅࡗ ࡈࡀࡁ ࡈࡀࡁࡀ ࡋࡈࡀࡁࡇ ࡒࡓࡀ ࡀࡍࡄࡀࡓࡁࡇ ࡓࡀࡆࡉࡀ ࡖࡀࡁࡀ࡞ ࡅࡗ ࡀࡌࡀࡓ ࡀࡁࡀࡄࡀࡕࡀࡍ ࡒࡀࡃࡌࡀࡉࡉࡀ ࡀࡕࡀࡋࡇ ࡓࡀࡄࡀࡈࡀ ࡖࡌࡉࡀ ࡄࡉࡅࡀࡓࡉࡀ ࡖࡏࡍࡉࡔ ࡌࡍ ࡌࡀࡋࡊࡉࡀ ࡗ ࡃࡉࡋࡇ ࡋࡀࡏࡕࡄࡀࡁࡋࡇ࡞ ࡄࡀࡉࡆࡀࡊ ࡔࡃࡀ ࡀࡁࡀࡄࡀࡕࡀࡍ ࡒࡀࡃࡌࡀࡉࡉࡀ ࡖࡌࡀࡐࡓࡀࡔ ࡏࡋࡀࡅࡀࡉࡄࡅࡍ ࡀࡋࡌࡀ ࡋࡎࡀࡊࡉࡀࡕࡀ ࡅࡒࡀࡌ ࡋࡋࡉࡂࡓࡇ ࡅࡒࡓࡀ ࡐࡉࡄࡕࡀ ࡅࡌࡀࡌࡁࡅࡄࡀ {{ࡊࡀࡎࡉࡀ ࡒࡀࡃࡌࡀࡉࡀ}}࡞ ࡅࡊࡅࡋ ࡅࡒࡓࡀ ࡁࡔࡅࡌࡀ ࡖࡄࡉࡉࡀ ࡎࡀࡂࡉࡃࡍࡀ ࡔࡀࡄࡀࡁࡀࡍࡀ ࡅࡌࡔࡀࡁࡀࡍࡀ ࡋࡄࡀࡊ ࡌࡀࡍࡀ ࡓࡁࡀ ࡊࡀࡎࡉࡀ ࡒࡀࡃࡌࡀࡉࡀ࡞ ࡅࡗ ࡊࡅࡋࡄࡅࡍ ࡏࡋ ࡋࡉࡂࡓࡀࡉࡄࡅࡍ ࡒࡀࡌ ࡅࡔ^ࡉ^ࡃࡒࡀ ࡍࡎࡉࡁ࡞ ࡅࡒࡓࡀ ࡕࡌࡀࡍࡉࡀ ࡁࡀࡅࡀࡕࡀ ࡖࡐࡉࡄࡕࡀ ࡋࡐࡉࡄࡕࡀ ࡅࡕࡀࡓࡕࡉࡍ ࡁࡀࡅࡀࡕࡀ ࡖࡌࡀࡌࡁࡅࡄࡀ ࡋࡌࡀࡌࡁࡅࡄࡀ ࡅࡓࡉࡅࡆࡀࡕ ࡍࡉࡔࡉࡌࡕࡀ ࡅࡐࡕࡀࡕ ࡀࡉࡍࡀ ࡅࡀࡍࡄࡀࡓࡕࡀ ࡋࡁࡀࡉࡕࡀ ࡄࡀࡔࡊࡀ࡞ ࡄࡀࡉࡆࡀࡊ ࡀࡊࡀࡋ ࡐࡉࡄࡕࡀ ࡅࡔࡕࡀ ࡌࡀࡌࡁࡅࡄࡀ ࡍࡎࡉࡁ ࡄࡀࡋࡀࡋࡕࡀ ࡅࡔࡕࡀ ࡅࡃࡓࡀ ࡄࡀࡋࡀࡋࡕࡀ ࡅࡒࡓࡉࡀ ࡏࡕࡉࡌࡋࡅࡍ ࡄࡉࡉࡀ ࡅࡔࡊࡉࡍࡉࡀ ࡄࡉࡉࡀ ࡅࡓࡌࡀ ࡀࡕࡅࡕࡉࡀ ࡌࡀࡓࡂࡍࡀ ࡅࡊࡉࡃࡓࡀࡕ ࡈࡅࡍࡀ ࡏࡋ ࡏࡅࡓ ࡞ ࡅࡒࡓࡀ ࡈࡀࡁ ࡈࡀࡁࡀ ࡋࡈࡀࡁࡇ ࡅࡓࡉࡅࡆࡀࡕ ࡁࡄࡀࡍࡀࡕࡅࡍ ࡏࡋࡀࡍࡉࡀ ࡖࡏࡋ ࡀࡉࡍࡀ ࡒࡀࡉࡌࡉࡀ࡞ ࡅࡒࡓࡀ ࡌࡔࡀࡁࡀ ࡆࡉࡅࡀ ࡓࡁࡀ ࡒࡀࡃࡌࡀࡉࡀ ࡅࡒࡀࡉࡀࡌࡕࡀ ࡖࡔࡉࡕࡉࡍ ࡆࡉࡁࡍࡉࡀ ࡄࡃࡀ ࡆࡉࡁࡍࡀ ࡔࡀࡋ ࡔࡅࡋࡕࡀ ࡗ ࡒࡀࡉࡉࡌ ࡀࡁࡅࡉࡀ ࡒࡅࡃࡀࡌࡇ࡞ ࡄࡀࡉࡆࡀࡊ ࡀࡕࡍࡀ ࡉࡀࡌࡉࡍࡀ ࡁࡉࡀࡌࡉࡍࡇ ࡖࡔࡉࡔࡋࡀࡌ ࡓࡁࡀ ࡅࡀࡌࡀࡓࡋࡇ ࡔࡉࡔࡋࡀࡌ ࡓࡁࡀ ࡋࡀࡁࡅࡉࡀ ࡖࡄࡅ ࡓࡁࡀ ࡗ ࡕࡀࡂࡀ ࡁࡓࡉࡔࡉࡇ ࡖࡌࡀࡓࡀ ࡖࡓࡀࡁࡅࡕࡀ ࡌࡀࡕࡍࡀ ࡅࡀࡌࡀࡓࡋࡇ ࡊࡅࡔࡈࡀ ࡀࡎࡉࡀࡊ ࡅࡒࡀࡉࡌࡀࡊ ࡅࡀࡌࡀࡓ ࡌࡀࡓࡀ ࡖࡓࡀࡁࡅࡕࡀ ࡁࡏ ࡅࡀࡔࡊࡀ ࡀࡌࡀࡓ ࡅࡔࡕࡌࡀ ࡏࡅࡕࡓࡉࡀ ࡖࡎࡂࡉࡃࡕ ࡅࡔࡀࡁࡉࡕࡉࡍࡅࡍ ࡍࡉࡄࡅࡉࡋࡀࡊ ࡀࡃࡉࡀࡅࡓࡀ ࡅࡎࡉࡌࡀࡊࡀ ࡅࡌࡐࡀࡓࡒࡀࡍࡀ ࡅࡌࡔࡀࡅࡆࡀࡁࡀࡍࡀ ࡁࡀࡕࡓࡀ ࡓࡁࡀ ࡖࡍࡄࡅࡓࡀ ࡅࡃࡀࡅࡓࡀ ࡕࡀࡒࡍࡀ ࡅࡌࡔࡀࡁࡉࡍ ࡄࡉࡉࡀ࡞ ࡄࡀࡉࡆࡀࡊ ࡏࡕࡉࡁ ࡊࡅࡓࡎࡉࡀ ࡅࡀࡕࡍࡀ ࡏࡃࡀࡊ ࡋࡓࡉࡔࡉࡀ ࡅࡀࡌࡀࡓࡋࡇ ࡓࡁࡀ ࡄࡅ ࡀࡁࡅࡉࡀ ࡋࡔࡉࡔࡋࡀࡌ ࡓࡁࡀ ࡊࡅࡔࡈࡀ࡞ ࡄࡀࡉࡆࡀࡊ ࡀࡉࡕࡅࡍ ࡐࡀࡕࡅࡓࡀ ࡅࡕࡓࡀࡑࡉࡅࡍ ࡈࡀࡓࡉࡀࡍࡀ ࡕࡋࡀࡕࡌࡀ ࡅࡔࡉࡕࡉࡍ ࡌࡍ ࡁࡉࡋࡅࡓ ࡃࡀࡊࡉࡀ ࡄࡀࡉࡆࡀࡊ ࡏࡈࡀࡁࡉࡅࡍ ࡏࡅࡕࡓࡉࡀ ࡅࡌࡀࡋࡊࡉࡀ ࡄࡀࡉࡆࡀࡊ ࡏࡈࡀࡉࡀࡁࡉࡅࡍ ࡌࡉࡀ ࡁࡎࡉࡈࡓࡉࡀ ࡖࡄࡀࡅࡀࡓࡉࡅࡍ ࡏࡃࡀࡉࡅࡍ ࡁࡀࡄࡋࡀ ࡈࡀࡁࡀ ࡒࡀࡌ ࡏࡅࡕࡓࡉࡀ ࡅࡌࡀࡋࡊࡉࡀ ࡅࡍࡉࡔࡒࡅࡉࡀ ࡋࡔࡉࡔࡋࡀࡌ ࡓࡁࡀ ࡋࡕࡀࡂࡇ ࡅࡓࡌࡅࡍ ࡆࡉࡃࡒࡀ ࡅࡀࡅࡒࡉࡓࡉࡅࡍ ࡕࡀࡂࡀࡉࡅࡍ ࡅࡍࡈࡅࡓࡉࡅࡍ ࡁࡄࡀࡍࡀࡕࡇ ࡔࡊࡉࡍࡕࡀ ࡀࡋࡌࡀ ࡋࡔࡀࡅࡁࡀ ࡉࡅࡌࡉࡀ ࡅࡀ ࡅࡀࡅࡒࡀࡓ ࡕࡀࡂࡇ ࡔࡉࡔࡋࡀࡌ ࡓࡁࡀ ࡀࡋࡌࡀ ࡖࡎࡀࡉࡉࡊ ࡎࡓࡉࡍ ࡅࡄࡃࡀ ࡓࡀࡄࡌࡉࡀ࡞ ࡄࡀࡉࡆࡀࡊ ࡁࡅࡍ ࡓࡀࡄࡌࡉࡀ ࡁࡉࡅࡌࡀ ࡄࡀࡍࡀࡕࡇ ࡀࡊࡅࡀࡕ ࡉࡅࡌࡀ ࡖࡕࡀࡂࡀ ࡍࡎࡉࡁ ࡄࡀࡉࡆࡀࡊ ࡁࡂࡀࡅࡇ ࡅࡐࡀࡓࡉࡀ ࡉࡀࡓࡃࡍࡀ ࡔࡉࡔࡋࡀࡌ ࡓࡁࡀ {{ࡅࡎࡀࡃࡀࡓ ࡏࡁࡃࡀࡕࡀ ࡄࡉࡍࡉࡋࡀ ࡁࡆࡄࡀࡓࡉࡀ}} ࡀࡉࡀࡊ ࡌࡀࡑࡁࡅࡕࡀ ࡁࡅࡊࡀࡓࡕࡀ ࡖࡑࡉࡁࡇ ࡀࡁࡅࡉࡀ ࡔࡉࡔࡋࡀࡌ ࡓࡁࡀ ࡅࡎࡀࡃࡀࡓ ࡏࡁࡃࡀࡕࡀ ࡄࡉࡍࡉࡋࡀ ࡁࡆࡄࡀࡓࡉࡀ ࡖࡁࡉࡕ ࡌࡉࡔࡒࡀࡋ ࡀࡉࡍࡉࡀ ࡋࡀࡌࡀࡓ ࡁࡆࡄࡀࡓࡉࡀ ࡖࡐࡉࡓࡉࡀࡅࡉࡎ ࡏࡎࡁࡀࡓࡋࡇ ࡍࡉࡒࡓࡉࡀ ࡀࡌࡉࡍࡈࡅࡋ ࡖࡌࡀࡑࡁࡅࡕࡀ ࡁࡅࡊࡀࡓࡕࡀ ࡁ^ࡀ^ࡃࡌࡅ ࡔࡉࡕࡉࡍ ࡄࡀࡍࡀࡕࡇ ࡌࡀࡑࡁࡅࡕࡀ ࡁࡀࡃࡌࡅ ࡖࡀࡁࡀࡄࡀࡕࡀ ࡄࡅ࡞ ࡄࡀࡉࡆࡀࡊ ࡎࡀࡃࡀࡓ ࡏࡁࡃࡀࡕࡀ ࡅࡀࡒࡉࡌࡉࡅࡍ ࡆࡉࡃࡒࡀ ࡁࡓࡉࡊࡀ ࡓࡀࡄࡌࡉࡀ ࡔࡉࡕࡉࡍ ࡁࡀࡃࡌࡅ ࡔࡉࡕࡉࡍ ࡐࡀࡈࡉࡓࡉࡀ ࡖࡌࡀࡎࡉࡒࡕࡀ ࡖࡁࡀࡉࡉࡀ ࡌࡉࡔࡓࡉࡀ ࡌࡀࡎࡉࡒࡕࡀ ࡋࡓࡁࡀ ࡏࡅ ࡈࡀࡐࡉࡀ ࡌࡄࡀࡌࡁࡀࡋ ࡏࡅ ࡁࡀࡑࡀࡓ ࡌࡄࡀࡌࡁࡉࡋ ࡄࡉࡍࡉࡋࡀ ࡊࡃ ࡁࡀࡉࡉࡀ ࡌࡉࡁࡉࡀ ࡓࡀࡄࡌࡉࡀ ࡀࡁࡀࡕࡀࡓ ࡖࡔࡀࡓࡉࡀ ࡌࡀࡎࡉࡒࡕࡀ ࡏࡋ ࡓࡁࡀ ࡍࡉࡁࡉࡀ ࡄࡉࡉࡀ ࡆࡀࡊࡉࡍ ࡎࡀ ࡎࡀ ࡓࡀࡄࡌࡉࡀ ࡓࡀࡄࡌࡉࡀ ࡓࡀࡄࡌࡉࡀ ࡓࡀࡄࡌࡉࡀ ࡓࡀࡄࡌࡉࡀ ࡓࡀࡄࡌࡉࡀ ࡓࡀࡄࡌࡉࡀ ࡓࡀࡄࡌࡉࡀ ࡓࡀࡄࡌࡉࡀ ࡓࡀࡄࡌࡉࡀ ࡓࡀࡄࡌࡉࡀ ࡓࡀࡄࡌࡉࡀ ࡓࡀࡄࡌࡉࡀ ࡓࡀࡄࡌࡉࡀ ࡓࡀࡄࡌࡉࡀ ࡓࡀࡄࡌࡉࡀ ࡓࡀࡄࡌࡉࡀ ࡓࡀࡄࡌࡉࡀ ࡓࡀࡄࡌࡉࡀ ࡓࡀࡄࡌࡉࡀ ࡓࡀࡄࡌࡉࡀ ࡊࡅࡔࡈࡀ ࡀࡎࡉࡀࡊ ࡊࡅࡔࡈࡀ ࡀࡎࡉࡀࡊ ࡍࡀࡈࡓࡇ ࡖࡊࡅࡔࡈࡀࡉ ࡊࡅࡔࡈࡀ ࡀࡎࡉࡀࡊ ࡍࡀࡈࡓࡀ ࡖࡁࡅࡕࡀࡉ ࡅࡕࡅࡔࡁࡉࡄࡕࡀࡉ ࡔࡓࡉࡀ ࡆࡉࡅࡀ ࡋࡀࡕࡓࡇ ࡔࡓࡉࡀ ࡍࡄࡅࡓࡀ ࡋࡃࡅࡊࡕࡀࡉ ࡔࡓࡏࡉࡀ ࡁࡅࡕࡀࡉ ࡅࡕࡅࡔࡁࡉࡄࡕࡀࡉ ࡋࡃࡉࡋࡉࡀ ࡔࡉࡔࡋࡀࡌ ࡉࡀࡅࡀࡓ ࡁࡓ ࡎࡉࡌࡀࡕࡄࡉࡉࡀ ࡊࡀࡍࡀࡕ ࡋࡀࡕࡓࡀ ࡓࡁࡀ ࡖࡍࡄࡅࡓࡀ ࡅࡋࡃࡀࡅࡓࡀ ࡕࡀࡒࡍࡀ ࡄࡉࡉࡀ ࡆࡀࡊࡉࡍ ࡄࡀࡆࡉࡍ ࡌࡀࡋࡉࡋ ࡔࡉࡔࡋࡀࡌ ࡋࡌࡀࡓࡀ ࡖࡓࡀࡁࡅࡕࡀ ࡖࡍࡉࡌࡀࡓࡋࡇ ࡁࡀࡉࡉࡍࡀ ࡀࡁ ࡕࡀࡐࡓࡉࡔࡋࡉࡀ ࡋࡄࡀࡋࡉࡍ ࡎࡓࡉࡍ ࡅࡄࡃࡀ ࡓࡀࡄࡌࡉࡀ ࡖࡁࡉࡕࡉࡍࡅࡍ ࡖࡆࡀࡄࡀࡓ ࡅࡐࡀࡒࡉࡃ ࡀࡁࡅࡉࡀ ࡌࡀࡋࡊࡇ ࡏࡋࡀࡉࡀ ࡖࡏࡍࡉࡔ ࡋࡃࡌࡅࡕࡀ ࡋࡀࡄࡆࡀ ࡅࡀࡌࡀࡓ ࡖࡄࡀࡋࡉࡍ ࡎࡓࡉࡍ ࡄࡃࡀ ࡓࡀࡄࡌࡉࡀ ࡁࡀࡃࡌࡅ ࡎࡓࡉࡍ ࡅࡄࡃࡀ ࡐࡀࡈࡉࡓࡀ ࡖࡌࡀࡎࡉࡒࡕࡀ ࡄࡉࡍࡅࡍ ࡏࡅ ࡈࡀࡐࡉࡀ ࡌࡄࡀࡌࡁࡉࡋ ࡏࡅ ࡁࡀࡑࡀࡓ ࡌࡄࡀ^ࡌ^ࡁࡉࡋ ࡀࡋࡌࡀ ࡖࡄࡀࡅࡉࡍ ࡎࡓࡉࡍ ࡄࡃࡀ ࡓࡀࡄࡌࡉࡀ ࡖࡌࡀࡌࡋࡀ ࡁࡂࡀ^ࡅࡀ^ࡉࡄࡅࡍ ࡏࡑࡈࡀࡓࡀࡓ ࡁࡀࡉࡉࡍࡀ ࡖࡌࡀࡐࡓࡉࡔࡋࡉࡀ ࡖࡀࡍࡀ ࡌࡀࡐࡓࡉࡔࡍࡀࡋࡅࡍ ࡋࡁࡍࡀࡉ ࡅࡕࡀࡓࡌࡉࡃࡀࡉ ࡖࡄࡉࡍࡅࡍ ࡁࡍࡉࡀ ࡁࡍࡀࡉࡅࡍ ࡂࡅࡁࡓࡉࡀ ࡂࡁࡉࡋࡉࡀ ࡁࡉࡎࡓࡀ ࡅࡆࡌࡀ ࡄࡀࡉࡆࡀࡊ ࡌࡀࡋࡉࡋ ࡌࡀࡓࡀ ࡖࡓࡀࡁࡅࡕࡀ ࡅࡋࡔࡉࡔࡋࡀࡌ ࡓࡁࡀ ࡖࡍࡉࡌࡀࡓࡋࡇ ࡉࡀࡔࡉࡕࡋࡀࡉ ࡈࡀࡁࡀ ࡅࡍࡉࡄࡀ ࡅࡌࡒࡀࡉࡌࡀ ࡄࡆࡉࡀ ࡅࡐࡓࡅࡔ ࡅࡕࡉࡃࡀ ࡖࡌࡀࡎࡉࡒࡕࡀ ࡁࡕࡔࡀ ࡕࡓࡀࡑࡉࡀ ࡊࡅࡋࡄࡅࡍ ࡒࡀࡉࡌࡀ ࡀࡋࡌࡀ ࡋࡎࡀࡉࡊࡀ ࡖࡀࡁࡀࡄࡀࡕࡀ ࡄࡆࡉࡀ ࡖࡄࡀࡋࡉࡍ ࡕࡔࡀ ࡕࡓࡀࡑࡉࡀ ࡊࡅࡋࡄࡅࡍ ࡋࡄࡀࡍࡀࡕࡇ ࡐࡀࡈࡉࡓࡀ ࡒࡀࡃࡌࡀࡉࡀ ࡎࡌࡉࡊࡉࡀ ࡖࡌࡀࡌࡋࡀ ࡁࡂࡀࡅࡇ ࡋࡀࡌࡉࡑࡈࡀࡓࡀࡓ࡞ ࡅࡗ ࡀࡕࡀ ࡕࡓࡀࡑࡀ ࡕࡉࡍࡉࡀࡍࡀ ࡌࡀࡌࡋࡀ ࡁࡂࡀࡅࡇ ࡏࡑࡈࡀࡓࡀࡓ ࡅࡏࡍࡉࡀࡍࡀ ࡓࡌࡉࡕ ࡅࡀࡌࡀࡓࡕ࡞ ࡉࡀࡌࡀࡍࡀ ࡍࡉࡄࡀ ࡉࡀࡌࡀࡍࡀ ࡎࡃࡉࡓࡀ ࡅࡌࡎࡀࡃࡓࡀ ࡄࡀࡍࡀࡕࡇ ^ࡏࡃࡀࡍࡀ^ ࡍࡐࡀࡒ ࡌࡍ ࡓࡀࡆࡀ ࡖࡏࡌࡀ ࡅࡁࡓࡀࡆࡀ ࡖࡀࡁࡀ ࡏࡕࡋࡀࡁࡀࡔ ࡀࡌࡉࡍࡈࡅࡋ ࡖࡆࡉࡓࡀ ࡖࡏࡌࡀ ࡄࡀࡍࡀࡕࡇ ࡐࡅࡓࡀ ࡒࡀࡃࡌࡀࡉࡉࡀ ^ࡖࡁࡓࡀࡆ ࡂࡅࡍࡂࡉࡀ ࡒࡀࡉࡉࡌ ࡀࡌࡉࡍࡈࡅࡋ ࡖࡄࡀࡍࡀࡕࡇ ࡓࡀࡄࡌࡉࡀ ࡒࡀࡃࡌࡀࡉࡀ^ ࡖࡀࡃࡉࡍࡒࡉࡀ ࡕࡀࡂࡀ ࡌࡀࡌࡋࡀ ࡁࡅࡍࡀ ࡖࡏࡌࡀ ࡄࡅ ࡖࡊࡅࡔࡈࡀ ࡁࡂࡀࡅࡀ ࡋࡀࡏࡑࡈࡀࡓࡀࡓ ࡗ ࡏࡕࡀࡕ^ࡍ^ࡀ ࡕࡀࡂࡀ ࡁࡓࡉࡔࡉࡀ ࡄࡀࡍࡀࡕࡇ ࡏࡃࡀࡍࡀ ࡍࡐࡀࡒ ࡌࡍ ࡓࡀࡆࡀ ࡖࡏࡌࡀ ࡅࡁࡓࡀࡆࡀ ࡖࡀࡁࡀ ࡏࡕࡋࡀࡁࡀࡔ ࡀࡊࡅࡀࡕ ࡉࡀࡍࡒࡀ ࡖࡁࡑࡅࡓࡀࡕ ࡉࡀࡕࡉࡁ ࡖࡊࡅࡔࡈࡀ ࡅࡌࡀࡌࡋࡀ ࡋࡀࡏࡑࡈࡀࡓࡀࡓࡋࡇ ࡀࡋࡌࡀ ࡖࡀࡕࡀ ࡌࡀࡑࡁࡀࡍࡀ ࡋࡅࡀࡕࡇ ࡅࡎࡀࡃࡀࡓ ࡏࡁࡉࡃࡀࡕࡀ ࡅࡀࡌࡀࡓ ࡗ ࡀࡎࡀ ࡀࡎࡀ ࡁࡂࡍࡉࡍࡉࡀ ࡄࡉࡁࡉࡋ ࡓࡀࡅࡉࡆ ࡄࡀࡍࡀࡕࡇ ࡏࡃࡀࡍࡀ ࡊࡅࡔࡈࡀ ࡌࡀࡌࡋࡀ ࡏࡑࡈࡀࡓࡀࡓࡋࡇ ࡀࡌࡉࡍࡈࡅࡋ ࡖࡊࡅࡔࡈࡀ ࡉࡀࡅࡀࡓ ࡆࡉࡅࡀ ࡄࡅ ࡀࡉࡀࡓ ࡃࡀࡊࡉࡀ ࡄࡅ ࡖࡊࡅࡋ ࡌࡀࡍ ࡖࡍࡉࡂࡀࡋࡉࡋ ࡏࡋࡀࡅࡀࡉࡄࡅࡍ ࡂࡉࡅࡈࡀ ࡓࡁࡀ ࡍࡉࡄࡅࡉࡀ ࡏࡋࡇ ࡅࡀࡍࡀ ࡅࡊࡅࡋࡄࡅࡍ ࡌࡀࡋࡊࡉࡀ ࡅࡏࡅࡕࡓࡉࡀ ࡍࡉࡋࡉࡂࡈࡉࡀ ࡌࡍ ࡄࡅࡔࡁࡀࡍࡅࡍ ࡍࡉࡐࡅࡒ ࡄࡀࡉࡆࡀࡊ ࡌࡀࡋࡉࡋ ࡔࡉࡔࡋࡀࡌ ࡓࡁࡀ ࡅࡀࡌࡀࡓ ࡋࡌࡀࡍ ࡏࡕࡄࡉࡁࡋࡇ ࡌࡍ ࡌࡀࡋࡊࡉࡀ ࡗ ࡃࡉࡋࡉࡀ ࡄࡉࡉࡀ ࡆࡀࡊࡉࡍ ࡎࡀ ࡞ ࡄࡀࡉࡆࡀࡊ ࡀࡕࡍࡀ ࡌࡀࡋࡉࡋ ࡔࡉࡔࡋࡀࡌ ࡓࡁࡀ ࡋࡀࡁࡅࡉࡀ ࡌࡀࡓࡀ ࡖࡓࡀࡁࡅࡕࡀ ࡖࡍࡉࡌࡀࡓࡋࡇ ࡀࡍࡀ ࡉࡀࡃࡉࡍࡀ ࡁࡃࡀࡓࡀ ࡖࡔࡅࡌ ࡁࡓ ࡍࡅ {{ࡍࡀࡐࡔࡀ}} ࡍࡀࡐࡅࡔ ࡄࡔࡅࡊࡀ ࡅࡎࡀࡋࡉࡒ ࡍࡄࡅࡓࡀ ࡍࡀࡐࡅࡔ ࡓࡅࡓ {{ࡓࡅࡓࡁࡉࡀ}} ^ࡃࡅࡓࡃࡉࡀ^ ࡅࡎࡀࡋࡉࡒ ࡕࡅࡒࡍࡀ ࡎࡀࡋࡒࡀ ࡄࡀࡉࡌࡀࡍࡅࡕࡀ ࡗ ࡕࡀࡓࡌࡉࡃࡉࡀ ࡁࡓࡀࡄࡌࡉࡀ ࡒࡀࡉࡌࡉࡍ ࡄࡀࡔࡁࡉࡍ ࡁࡉࡔࡅࡕࡀ ࡓࡀࡂࡆࡉࡍ ࡏࡋࡀࡅࡀࡉࡄࡅࡍ ࡔࡅࡁࡀ ࡌࡄࡀࡌࡁࡉࡋࡉࡋࡅࡍ ^ࡏࡉࡕ ࡌࡉࡍࡀࡉࡄࡅࡍ ࡖࡑࡀࡁࡉࡍ ࡌࡀࡑࡁࡅࡕࡀ ࡀࡃࡉࡍࡒࡉࡀ ࡐࡀࡍࡃࡀࡌࡀ^ ࡏࡉࡕ ࡌࡉࡍࡀࡉࡄࡅࡍ ࡖࡍࡀࡔࡉࡍ ࡏࡍࡂࡀࡓࡕࡀ ࡅࡌࡉࡀ ࡖࡁࡅࡕࡀ ࡕࡀࡁࡓࡉࡍ ࡅࡏࡉࡕ ࡌࡉࡍࡀࡉࡄࡅࡍ ࡖࡀࡆࡋࡉࡍ ࡋࡅࡀࡕ ࡊࡀࡑࡅࡌࡉࡀ ࡅࡊࡀࡋࡃࡀࡉࡉࡀ ࡅࡏࡉࡕ ࡌࡉࡍࡀࡉࡄࡅࡍ ࡖࡏࡌࡀ ࡖࡀࡔࡅࡀࡋࡉࡀ ࡁࡃࡀࡔࡕࡀࡍࡀ ࡉࡀࡕࡁࡀ ࡅࡏࡉࡕ ࡌࡉࡍࡀࡉࡄࡅࡍ ࡖࡆࡀࡅࡀ ࡖ ࡂࡀࡍࡆࡉࡁࡓࡀࡀ ࡁࡃࡀࡔࡕࡀࡍࡀ ࡉࡀࡕࡁࡀ ࡅࡏࡉࡕ ࡌࡉࡍࡀࡉࡄࡅࡍ ࡖࡀࡔࡅࡀࡋࡉࡅࡍ ࡁࡔࡅࡁࡀ ࡖࡌࡍ ࡐࡀࡂࡓࡀࡉࡅࡍ ࡍࡐࡀࡒ ࡏࡉࡕ ࡌࡉࡍࡀࡉࡄࡅࡍ ࡓࡀࡂࡉࡆ ࡀࡃࡅࡍࡀࡉ ࡅࡌࡄࡀࡌࡁࡉࡋࡇ ࡅࡗ ࡁࡔࡊࡉࡍࡕࡀ ࡉࡀࡕࡉࡁ ࡄࡀࡋࡉࡍ ࡄࡉࡍࡅࡍ ࡋࡌࡀࡄࡅ ࡃࡀࡌࡉࡍ ࡅࡂࡉࡍࡆࡀࡉࡄࡅࡍ ࡋࡌࡀࡄࡅ ࡃࡀࡌࡉࡀ ࡄࡀࡉࡆࡀࡊ ࡌࡀࡋࡉࡋ ࡌࡀࡓࡀ ࡖࡓࡀࡁࡅࡕࡀ ࡅࡋࡔࡉࡔࡋࡀࡌ ࡓࡁࡀ ࡖࡍࡉࡌࡀࡓࡋࡇ ࡍࡄࡀ ࡍࡄࡀ ࡉࡀࡔࡉࡕࡋࡀࡉ ࡈࡀࡁࡀ ࡍࡉࡄࡀ ࡅࡌࡒࡀࡉࡌࡀ ࡉࡀࡌࡀࡋࡊࡀ ࡁࡆࡉࡅࡇ ࡍࡀࡄࡓࡉࡀ ࡀࡋࡌࡉࡀ ࡅࡃࡀࡓࡉࡀ ࡄࡀࡋࡉࡍ ࡊࡅࡋࡄࡅࡍ ࡌࡉࡄࡉࡀࡕࡀ ࡋࡄࡃࡀࡃࡉࡀ ࡋࡀࡃࡀࡌࡉࡍ ࡞ ࡄࡀࡍࡀࡕࡅࡍ ࡖࡑࡀࡁࡀ ࡌࡀࡑࡁࡅࡕࡀ ࡀࡃࡉࡍࡒࡉࡀ ࡐࡀࡓࡅࡀࡍࡒࡀ ^ࡐࡀࡍࡃࡀࡌࡀ^ ࡍࡉࡕࡀࡂࡆࡀࡓ ࡌࡍ ࡍࡄࡅࡓࡀ ࡉࡀࡒࡓࡀ ࡅࡕࡀࡂࡇ ࡅࡊࡋࡉࡋࡇ ࡋࡅࡀࡕࡀࡍ ࡀࡕࡉࡀ ࡄࡅ ࡌࡀࡔࡐࡉࡋࡉࡋࡇ ࡋࡊࡉࡍࡉࡀࡍࡀ ࡖࡀࡕࡀࡓ ࡄࡔࡅࡊ ࡏࡅ ࡈࡀࡁࡀ ࡅࡍࡉࡄࡀ ࡄࡅ ࡌࡀࡓࡇ ࡈࡁࡀࡅࡀࡕࡀ ࡖࡏࡁࡉࡃࡋࡇ ࡒࡓࡀࡁࡀ ࡌࡍ ࡔࡅࡁࡀ ࡓࡂࡀࡆ ࡏࡋࡇ ࡍࡉࡑࡉࡁࡇ ࡔࡅࡁࡀ ࡕࡀࡓࡌࡉࡃࡉࡀ ࡗ ࡏࡅࡑࡈࡋࡉࡀ ࡄࡀࡃࡕࡉࡀ ࡍࡉࡋࡁࡀࡔ ࡅࡍࡉࡁࡉࡀ ࡓࡀࡄࡌࡉࡀ ࡔࡉࡕࡉࡍ ࡉࡅࡌࡉࡀ ࡀࡊࡅࡀࡕ ࡀࡔࡅࡀࡋࡉࡀ ࡖࡌࡍ ࡊࡅࡋࡄࡅࡍ ࡏࡁࡃࡀࡕࡀ ࡋࡀࡕࡀࡂࡆࡀࡓ ࡋࡁࡀࡓ ࡌࡍ ࡓࡀࡁࡅࡕࡀ ࡅࡏࡃࡇ ࡏࡋ ࡀࡔࡅࡀࡋࡀࡍࡉࡀ ࡋࡀࡍࡀࡎࡉࡌ ࡅࡍࡉࡕࡉࡀ ࡁࡀࡋࡌࡀࡍ ࡃࡉࡋࡀࡍ ࡍࡉࡃࡀࡓ࡞ ࡄࡀࡉࡆࡀࡊ ࡖࡏࡍࡂࡀࡓࡕࡀ ࡀࡍࡔࡀ ࡅࡌࡉࡀ ࡖࡁࡅࡕࡀ ࡕࡁࡀࡓ ࡀࡕࡀࡋࡇ ࡒࡀࡋࡀ ࡌࡍ ࡅࡏࡉࡋ ࡅࡏࡑࡈࡅࡍࡅࡍ ࡍࡉࡕࡄࡀࡌࡁࡀࡋ ࡅࡍࡉࡐࡎࡉࡒ ࡅࡍࡉࡑࡈࡁࡀ ࡁࡏࡅࡑࡈࡋࡉࡀ ࡄࡀࡃࡕࡉࡀ ࡄࡀࡌࡔࡀ ࡕࡀࡓࡌࡉࡃࡉࡀ ࡖࡏࡍࡂࡀࡓࡕࡀ ࡋࡅࡀࡕ ࡌࡀࡋࡊࡀ ࡊࡓࡀࡁ ࡏࡅ ࡋࡀࡉࡉࡕ ࡖࡍࡉࡑࡉࡁࡇ ࡔࡅࡁࡀ ࡕࡀࡓࡌࡉࡃࡉࡀ ࡅࡍࡉࡁࡉࡀ ࡓࡀࡄࡌࡉࡀ ࡀࡓࡁࡉࡍ ࡅࡄࡀࡀࡌࡔࡀ ࡉࡅࡌࡉࡀ ࡌࡍ ࡊࡅࡋࡄࡅࡍ ࡏࡁࡉࡃࡀࡕࡀ ࡋࡀࡕࡀࡂࡆࡀࡓ ࡋࡁࡀࡓ ࡌࡍ ࡓࡀࡁࡅࡕࡀ ࡅࡏࡃࡇ ࡏࡋ ࡀࡔࡅࡀࡋࡀࡍࡉࡀ ࡁࡅࡊࡓࡇ ࡋࡀࡍࡉࡎ{{ࡀࡁ}}^ࡌ^࡞ ࡄࡀࡋࡉࡍ ࡖࡆࡀࡅࡀࡉࡅࡍ ࡁࡃࡀࡔࡕࡀࡍࡀ ࡉࡀࡕࡁࡀࡕ ࡏࡅ ࡁࡀࡔࡅࡀࡋࡉࡀ {{ࡄࡅࡓࡉࡍࡉࡀ}} ࡁࡅࡊࡓࡀ ࡄࡅ ࡍࡉࡍࡈࡀࡓ ࡍࡀࡐࡔࡉࡇ ࡌࡍ ࡓࡀࡁࡅࡕࡀ ࡅࡏࡅ ࡄࡀࡍࡀࡕࡅࡍ ࡀࡔࡅࡀࡋࡉࡀࡍࡉࡀ ࡄࡅࡓࡉࡍࡉࡀ ࡌࡉࡍࡃࡀࡌ ࡌࡍ ࡂࡉࡍࡆࡉࡀ ࡋࡀࡍࡉࡁࡑࡀࡓ ࡀࡌࡉࡍࡈࡅࡋ ࡖࡁࡒࡀࡃࡀࡄࡀ ࡓࡁࡀ ࡖࡕࡅࡔࡁࡉࡄࡀࡍ ࡀࡌࡓࡉࡕ ࡋࡔࡅࡕࡀࡐࡀ ࡓࡁࡀ ࡖࡌࡄࡀࡉࡌࡍࡉࡀ ࡀࡌࡉࡍࡈࡅࡋ ࡖࡆࡀࡅࡀ ࡔࡅࡕࡀࡐࡀ ࡓࡁࡀ ࡐࡀࡋࡂࡀ ࡌࡍࡀࡕࡀ ࡁࡀࡔࡅࡀࡋࡉࡀ ࡁࡅࡊࡓࡀ࡞ ࡄࡀࡉࡆࡀࡊ ࡌࡀࡋࡉࡋ ࡔ^ࡉࡔ^ࡋࡀࡌ ࡓࡁࡀ ࡅࡋࡌࡀࡓࡀ ࡖࡓࡀࡁࡅࡕࡀ ࡖࡍࡉࡌࡀࡓࡋࡇ ࡋࡄࡀࡋࡉࡍ ࡊࡅࡋࡄࡅࡍ ࡀࡐࡓࡉࡔࡋࡉࡀ ࡋࡄࡀࡋࡉࡍ ࡖࡀࡔࡅࡀࡋࡉࡅࡍ ࡁࡔࡅࡁࡀ ࡉࡅࡌࡉࡀ ࡖࡌࡍ ࡐࡀࡂࡓࡀࡉࡅࡍ ࡍࡐࡀࡒ ࡋࡄࡀࡋࡉࡍ ࡔࡊࡉࡍࡀࡕࡅࡍ ࡏࡕࡄࡀࡌࡁ{{ࡋ}}࡞^ࡋࡀࡕ^ ࡏࡉࡕ ࡍࡅࡓࡀ ࡌࡄࡀࡌࡁࡉࡋࡇ ࡅࡏࡉࡕ ࡆࡉࡒࡀ ࡍࡀࡔࡉࡌ ࡌࡄࡀࡌࡁࡉࡋࡇ ࡅࡏࡉࡕ ࡌࡉࡀ ࡌࡉࡕࡄࡀࡌࡁࡋࡇ ࡄࡀࡋࡉࡍ ࡋࡌࡀࡄࡅ ࡃࡀࡌࡉࡀࡍ ࡅࡂࡉࡍࡆࡀࡉࡄࡅࡍ ࡋࡌࡀࡄࡅ ࡃࡀࡌࡉࡀ࡞ ࡄࡀࡉࡆࡀࡊ ࡒࡓࡀ ࡁࡒࡉࡃࡉࡄࡕࡀ ࡀࡍࡃࡉ{{ࡃࡉ}}ࡍࡅࡍ ࡋࡀࡋࡌࡉࡀ ࡅࡃࡀࡓࡉࡀ ࡅࡒࡀࡃࡉࡄࡕࡀ ࡋࡅࡀࡕ ࡀࡁࡅࡉࡀ ࡎࡉࡋࡒࡀࡕ࡞ ࡄࡀࡉࡆࡀࡊ ࡔࡋࡉࡄࡇ ࡞ࡀࡕࡀࡋࡇ ࡌࡍ lࡏࡉࡋ ࡋࡅࡀࡕ ࡌࡀࡓࡀ ࡖࡓࡀࡁࡅࡕࡀ ࡌࡉࡑࡀࡉࡕࡀ ࡅࡀࡌࡀࡓࡋࡇ ࡄࡀࡆࡉࡍ ࡒࡀࡃࡉࡄࡕࡀ ࡖࡀࡊࡅࡀࡕ ࡀࡋࡌࡉࡀ ࡅࡃࡀࡓࡉࡀ ࡖࡌࡀࡋࡊࡀ ࡔࡀࡉࡉࡋ ࡏࡋࡇ࡞ ࡄࡀࡉࡆࡀࡊ ࡌࡀࡓࡀ ࡖࡓࡀࡁࡅࡕࡀ ࡋࡔࡋࡉࡄࡀ ࡖࡍࡉࡌࡀࡓࡋࡇ ࡅࡀࡌࡀࡓ ࡏࡋ ࡀࡔࡅࡀࡋࡉࡀ ࡖࡔࡀࡉࡉࡋ ࡔࡉࡔࡋࡀࡌ ࡓࡁࡀ ࡌࡍ ࡀࡁࡅࡉࡀ࡞ ࡄࡀࡉࡆࡀࡊ ࡀࡎࡉࡒ ࡌࡀࡋࡀࡋࡀ ࡖࡌࡀࡓࡀ ࡖࡓࡀࡁࡅࡕࡀ ࡏࡋ ࡓࡁࡀ ࡏࡋࡀࡉࡀ࡞ ࡄࡀࡉࡆࡀࡊ ࡔࡅࡉࡀࡋࡉࡀ ࡖࡔࡀࡉࡉࡋ ࡄࡀࡉࡆࡀࡊ ࡀࡕࡍࡀ ࡌࡀࡓࡀ ࡖࡓࡀࡁࡅࡕࡀ ࡅࡋࡔࡉࡔࡋࡀࡌ ࡓࡁࡀ ࡖ{{ࡍࡀ}}ࡍࡉࡌࡀࡓࡋࡇ ࡄࡀࡋࡉࡍ ࡖࡀࡔࡅࡀࡋࡉࡅࡍ ࡁࡔࡅࡁࡀ ࡉࡅࡌࡉࡀ ࡌࡍ ࡐࡀࡂࡓࡀࡉࡄࡅࡍ ࡍࡀࡐࡒࡉࡀ ࡌࡉࡍࡃࡀࡌ ࡌࡍ ࡔࡊࡉࡍࡕࡀ ࡋࡀࡍࡉࡄࡀࡌࡁࡉࡋ ࡍࡉࡕࡉࡀ ࡋࡀࡔࡅࡀࡋࡉࡀ ࡁࡅࡊࡓࡀ ࡅࡍࡀࡉࡕࡉࡀ ࡏࡅࡑࡈࡋࡉࡀ ࡄࡀࡃࡕࡉࡀ ࡅࡍࡀࡉࡕࡅࡍ ࡋࡄࡀࡍࡀࡕࡅࡍ ࡕࡀࡓࡌࡉࡃࡉࡀ ࡖࡄࡅࡍ ࡁࡕࡓࡀࡑࡀ ࡕࡀࡂࡀ ࡅࡍࡉࡕࡉࡀ ࡌࡍ ࡄࡀࡍࡀࡕࡅࡍ ࡕࡀࡂࡉࡀ ࡅࡍࡉࡕࡓࡀࡑ ࡕࡀࡂࡇ ࡅࡔࡅࡁࡀ ࡍࡀࡈࡋࡉࡀ ࡄࡀࡌࡓࡀ ࡍࡀࡔࡒࡅࡍࡇ ࡅࡍࡉࡄࡆࡉࡀ ࡅࡍࡉࡐࡅࡔ ࡊࡌࡀ ࡓࡀࡄࡌࡉࡀ ࡅࡍࡉࡎࡀࡉࡀࡊ ࡓࡀࡄࡌࡇ ࡅࡍࡉࡑࡉࡁࡇ ࡋࡓࡁࡇ ࡌࡉࡍࡃࡀࡌ ࡌࡍ ࡂࡉࡍࡆࡉࡀ ࡋࡀࡍࡉࡁࡑࡀࡓ ࡅࡋࡀࡍࡉࡁࡀࡓ ࡅࡋࡀࡍࡉࡔࡕࡀࡋࡀࡈ ࡋࡓࡀࡁࡅࡕࡀ ࡅࡏࡃࡀ ࡀࡔࡅࡀࡋࡉࡀ ࡋࡀࡍࡀࡎࡉࡌ࡞ ࡄࡀࡋࡉࡍ ࡖࡔࡊࡉࡍࡀࡕࡅࡍ {{ࡌࡉ}} ࡌࡉࡕࡄࡀࡌࡁࡋࡉࡀ ࡏࡅ ࡁࡀࡔࡅࡀࡋࡉࡀ ࡁࡅࡊࡓࡀ ࡖࡄࡅ ࡏࡋ ࡏࡁࡃࡀࡕࡀ ࡋࡀࡍࡉࡔࡕࡀࡋࡀࡈ ࡋࡁࡀࡓ ࡌࡍ ࡓࡀࡄࡌࡉࡀ ࡅࡀࡎࡀࡓࡉࡀ ࡅࡒࡌࡀࡄࡉࡀ ࡏࡅ ࡁࡀࡔࡅࡀࡋࡀࡍࡉࡀ ࡄࡅࡓࡉࡍࡉࡀ ࡌࡉࡍࡃࡀࡌ ࡌࡍ ࡂࡉࡍࡆࡉࡀ ࡋࡀࡍࡉࡁࡑࡀࡓ ࡋࡁࡀࡓ ࡓࡀࡁࡅࡕࡀ ࡅࡏࡃࡇ ࡏࡋ ࡀࡔࡅࡀࡋࡉࡀ ࡋࡀࡍࡀࡎࡉࡌ࡞ ࡄࡀࡉࡆࡀࡊ ࡏࡔ^ࡕࡀ^ࡈࡉࡀ ࡔࡉࡔࡋࡀࡌ ࡓࡁࡀ ࡒࡅࡃࡀࡌࡇ ࡖࡀࡁࡅࡉࡇ ࡅࡔࡉࡕࡉࡍ ࡆࡉࡁࡍࡉࡀ ࡀࡓࡒࡀ ࡍࡀࡔࡉࡒ ࡅࡒࡀࡌ ࡋࡋࡉࡂࡓࡉࡀ ࡅࡀࡌࡀࡓ ࡉࡀ ࡀࡁ ࡓࡁࡀࡉ ࡁࡀࡉࡉࡍࡀ ࡏࡔࡀࡉࡋࡀࡊ ࡕࡓࡉࡍ ࡖࡏࡍࡉࡔ ࡌࡀࡋࡊࡉࡀ ࡋࡀ ࡔࡀࡉࡉࡋ ^ࡏࡋࡇ^ ࡁࡀࡉࡉࡍࡀ ࡖࡕࡉࡌࡀࡓࡋࡇ ࡋࡄࡀࡋࡉࡍ ࡖࡏࡌࡀࡉࡄࡅࡍ ࡖࡀࡔࡅࡀࡋࡀࡍࡉࡀ ࡁࡃࡀࡔࡕࡀࡍࡀ ࡉࡀࡕࡁࡀ ࡅࡋࡄࡀࡋࡉࡍ ࡏࡌࡀࡉࡄࡅࡍ ࡋࡁࡀࡁࡉࡀ ࡕࡓࡉࡎࡀࡓ ࡎࡀࡂࡃࡇ ࡅࡋࡄࡀࡋࡉࡍ ࡖࡋࡅࡀࡕ ࡊࡀࡑࡅࡌࡉࡀ ࡅࡊࡀࡋࡃࡀࡉࡉࡀ ࡅࡏࡋ ࡄࡀࡍࡀࡕࡅࡍ ࡔࡅࡁࡀ ࡍࡀࡈࡋࡉࡀ ࡄࡀࡌࡓࡀ ࡅࡋࡄࡀࡍࡀࡕࡅࡍ ࡓࡀࡄࡌࡉࡀ ࡖࡔࡅࡁࡀ ࡉࡅࡌࡉࡀ ࡖࡀࡍࡀ ࡁࡉࡕࡉࡍࡅࡍ ࡌࡒࡀࡁࡋࡉࡍࡅࡍ {{ࡌࡀࡄࡅ}} ࡌࡀࡍ ࡄࡅ ࡅࡋࡄࡀࡍࡀࡕࡅࡍ ࡖࡆࡀࡅࡀࡉࡅࡍ ࡍࡀࡊࡋࡉࡀ ࡍࡉࡊࡋࡀ ࡏࡋࡀࡅࡀࡉࡅࡍ ࡅࡋࡄࡀࡍࡀࡕࡅࡍ ࡆࡀࡅࡀࡉࡅࡍ ࡌࡉࡕࡄࡀࡌࡁࡋࡇ ࡁࡀࡉࡉࡍࡀ ࡖࡕࡀࡐࡓࡉࡔࡋࡇ࡞ ࡄࡀࡉࡆࡀࡊ ࡌࡀࡋࡉࡋ ࡌࡀࡓࡀ ࡌࡀࡓࡀ ࡖࡓࡀࡁࡅࡕࡀ ࡅࡋࡔࡉࡔࡋࡀࡌ ࡓࡁࡀ ࡖࡍࡉࡌࡀࡓࡋࡇ ࡏࡕࡉࡁ ࡋࡊࡅࡓࡎࡉࡀࡊ ࡀࡌࡉࡍࡈࡅࡋ ࡖࡋࡀࡉࡉࡕ ࡖࡉࡀࡒࡉࡓ ࡋࡅࡀࡕࡀࡉ ࡌࡍ ࡌࡀࡋࡊࡉࡀ ࡗ ࡃࡉࡋࡀࡊ ࡄࡉࡍࡉࡋࡀ ࡀࡍࡀ ࡏࡉࡀࡐࡓࡉࡔࡀࡊ ࡋࡄࡀࡍࡀࡕࡅࡍ ࡀࡔࡅࡀࡋࡉࡀ ࡋࡁࡀࡓ ࡌࡍ ࡄࡀࡃ ࡔࡅࡀࡋࡀࡉ ࡖࡀࡉࡕࡁࡇ ࡁࡀࡋࡌࡀ ࡖࡄࡉࡁࡉࡋ ࡏࡅࡕࡓࡀ ࡖ ࡔࡅࡌࡇ ࡆࡓࡉࡇ ࡁࡎࡉࡐࡓࡇ ࡀࡋࡌࡀ ࡖࡏࡑࡈࡀࡓࡀࡓ ࡅࡌࡀࡋࡊࡅࡕࡀ ࡍࡀࡎࡉ{{ࡌ}}^ࡁ^ ࡅࡌࡎࡀࡃࡓࡀࡍࡀ ࡄࡀࡅࡉࡀ ࡁࡀࡋࡌࡀ ࡖࡍࡄࡅࡓࡀ ࡄࡔࡅࡊࡀ࡞ ࡄࡀࡉࡆࡀࡊ ࡀࡌࡀࡓࡋࡇ ࡋࡄࡀࡍࡀࡕࡅࡍ ࡖࡀࡆࡋࡉࡍ ࡋࡅࡀࡕ ࡊࡀࡑࡅࡌࡉࡀ ࡅࡊࡀࡋࡃࡀࡉ^ࡉ^ࡀ ࡍࡉࡕࡄࡀࡌࡁࡀࡋ ࡏࡅࡑࡈࡅࡍࡅࡍ ࡅࡕࡀࡂࡀࡉࡅࡍ ࡀࡊࡅࡌ ࡀࡍࡀࡕࡅࡍ ࡏࡁࡃࡀࡕࡀ ^ࡀࡁࡉࡄࡃࡀࡉࡅࡍ ࡋࡀࡕࡉࡁࡃࡅࡍ ࡅࡋࡀࡕࡉࡑࡉࡁࡉࡀ ࡁࡌࡀࡑࡁࡅࡕࡀࡉࡊࡅࡍ ࡗ ࡍࡀࡐࡒࡉࡀ ࡌࡍ ࡐࡀࡂࡓࡀࡉࡄࡅࡍ ࡋࡀࡕࡉࡕࡋࡀࡉࡐࡉࡀ ࡁࡏࡃࡀࡉࡊࡅࡍ࡞ ࡄࡀࡋࡉࡍ ࡖࡆࡀࡅࡀࡉࡄࡅࡍ ࡌࡉࡕࡄࡀࡌࡁࡋࡀ ࡌࡉࡍࡃࡀࡌ ࡌࡍ ࡂࡉࡍࡆࡀࡉࡄࡅࡍ ࡋࡀࡍࡉࡁࡑࡀࡓ^ ࡌࡍ ࡐࡀࡂࡓࡀࡉࡄࡅࡍ ࡋࡀࡕࡉࡕࡋࡅࡐࡉࡀ ࡁࡏࡃࡀࡉࡊࡅࡍ࡞ ࡄࡀࡋࡉࡍ ࡖࡆࡀࡅࡀࡉࡅࡍ ࡌࡉࡕࡄࡀࡌࡁࡋࡀ ࡌࡉࡍࡃࡀࡌ ࡌࡍ ࡂࡉࡍࡆࡀࡉࡄࡅࡍ ࡋࡀࡍࡉࡁࡑࡀࡓ ࡄࡏ ࡑࡀࡓࡀࡓࡕࡀ ࡏࡕࡄࡀࡌࡁࡋࡀࡕ࡞ ࡄࡅ ࡌࡀࡍࡃࡀ ࡖࡄࡉࡉࡀ ࡋࡀࡎࡄࡉࡃ࡞ ࡄࡀࡉࡆࡀࡊ ࡔࡅࡁࡀ ࡍࡀࡈࡋࡉࡀ ࡄࡀࡌࡓࡀ {{ࡁࡀࡃࡌࡅ}} ࡁࡆࡉࡃࡒࡀ ࡁࡓࡉࡊࡀ ࡍࡉࡄࡅࡉࡀ ࡀࡌࡉࡍࡈࡅࡋ ࡖࡔࡅࡁࡀ ࡍࡀࡈࡋࡉࡀ ࡄࡀࡌࡓࡀ ࡁࡀࡃࡌࡅ ࡔࡅࡁࡀ ࡉࡅࡌࡉࡀ ࡄࡉࡍࡅࡍ࡞ ࡄࡀࡉࡆࡀࡊ ࡌࡀࡋࡉࡋ ࡔࡉࡔࡋࡀࡌ ࡓࡁࡀ ࡅࡋࡀࡁࡅࡉࡀ ࡖࡄࡅ ࡓࡁࡀ ࡌࡀࡋࡊࡀ ࡖࡌࡍ ࡍࡀࡐࡔࡉࡀ ࡐࡓࡀࡔ ࡅࡀࡌࡀࡓࡋࡇ ࡁࡀࡉࡉࡍࡀ ࡌࡉࡍࡀࡊ ࡉࡀࡁ ࡓࡁࡀࡉ ࡉࡀࡌࡀࡃࡉࡄࡕࡀࡉ ࡅࡕࡀࡂࡀ ࡖࡁࡓࡉࡔࡀࡉ ࡅࡁࡓࡉࡔࡀࡉࡄࡅࡍ ࡖࡊࡅࡋࡄࡅࡍ ࡌࡀࡋࡊࡉࡀ ࡏࡔࡉࡋࡀࡊ ࡋࡔࡅࡀࡋࡉࡀ ࡄࡅࡓࡉࡍࡉࡀ ࡖࡀࡍࡀ ࡌࡉࡍࡀࡊ ࡐࡉࡓࡔࡀࡕ࡞ ࡁࡎࡉࡐࡓࡉࡀ ࡖࡁࡉࡕ ࡂࡉࡍࡆࡉࡀ ࡔࡊࡉࡍࡉࡀ ࡖࡀࡍࡀ ࡄࡆࡉࡕ ࡅࡀࡌࡓࡉࡕ ࡁࡎࡉࡐࡓࡉ^ࡀ^ࡕ ࡖࡄࡀࡅࡉࡍ ࡁࡌࡔࡅࡍࡉࡀ ࡊࡅࡔࡈࡀ ࡒࡉࡍࡀ ࡃࡉࡋࡊࡅࡍ ࡁࡂࡀࡅࡇ ࡌࡉࡕࡓࡀࡁࡉࡀ ࡅࡀ^ࡁࡀ^ࡕࡀࡓ ࡌࡔࡅࡍࡉࡀ ࡊࡅࡔࡈࡀ ࡄࡀࡅࡉࡀ ࡀࡓࡒࡀ ࡖࡕࡉࡁࡉࡋ ࡖࡕࡀࡓࡕࡉࡍࡅࡍ ࡅࡌࡀࡋࡊࡀࡅࡀࡕࡀ ࡁࡂࡀࡅࡇ ࡄࡀࡅࡉࡍ ࡖࡁࡄࡉࡓࡉࡀ ࡆࡉࡃࡒࡀ ࡁࡂࡀࡅࡇ ࡌࡉࡕࡓࡀࡁࡉࡍ ࡏࡅ ࡏࡍࡉࡔ ࡋࡀࡄࡀࡅࡉࡀ ࡖࡌࡀࡎࡁࡀࡓࡋࡅࡍ ࡊࡅࡋࡄࡅࡍ ࡄࡔࡅࡊࡀ ࡔࡀࡐࡋࡉࡍ ࡄࡀࡎࡋࡀ ࡋࡆࡉࡓࡀࡍ ࡅࡈࡅࡄࡌࡀࡍ ࡋࡄࡔࡅࡊࡀ ࡔࡀࡐࡉࡋࡇ ࡁࡀࡉࡉࡍࡀ ࡖࡕࡀࡐࡓࡉࡔࡋࡇ ࡖࡀࡍࡀ ࡉࡀࡃࡉࡍࡀࡋࡇ ࡀࡌࡉࡍࡈࡅࡋ ࡖࡊࡅࡋ ࡉࡀࡍࡒࡀ ࡖࡎࡀࡁࡀࡓ ࡄࡅࡊࡅࡌࡕࡀ ࡋࡃࡀࡓࡃࡀࡓࡉࡀ ࡌࡍ ࡋࡉࡁࡇ ࡋࡀࡌࡉࡔࡕࡓࡉࡀ ࡏࡅ ࡊࡀࡁࡀࡓ ࡏࡋࡀࡊ ࡍࡉࡕࡉࡀ ࡀࡍࡀ ࡋࡀࡏࡔࡀࡉࡋࡀࡊ࡞ ࡄࡀࡉࡆࡀࡊ ࡌࡀࡋࡉࡋ ࡌࡀࡓࡀ ࡖࡓࡀࡁࡅࡕࡀ ࡅࡋࡔࡉࡕࡋࡇ ࡔࡉࡔࡋࡀࡌ ࡓࡁࡀ ࡖࡍࡉࡌࡀࡓࡋࡇ ࡖࡔࡀࡐࡉࡓ ࡌࡀࡉࡍࡃࡀࡌ ࡖࡀࡌࡀࡓࡕ ࡅࡍࡀࡉࡀ ࡔࡀࡐࡉࡓࡀ ࡌࡀࡋࡀࡋࡉࡀ ࡖࡍࡀࡐࡒࡉࡀ ࡌࡍ ࡐࡅࡌࡀࡊ ࡀࡍࡀࡕ ࡁࡓࡀࡉ ࡃࡉࡋࡉࡀ ࡅࡁࡓࡀࡉࡅࡍ ࡖࡁࡓࡉࡀ ࡍࡀࡐࡋࡉࡀ ࡄࡀࡋࡉࡍ ࡊࡅࡋࡄࡅࡍ ࡔࡅࡉࡀࡋࡀ ࡖࡁࡀࡉࡉࡕ {{ࡌࡔࡉࡋࡉࡕ}} ࡌࡔࡀࡉࡅࡋࡉࡀ ࡀࡍࡀ ࡉࡀࡃࡉࡍࡀࡋࡅࡍ ࡀࡍࡀ ࡏࡔࡀࡉࡋࡇ ࡏࡅ ࡀࡁ ࡌࡀࡋࡉࡋ ࡌࡀࡄࡅ ࡖࡁࡀࡉࡉࡕ࡞ ࡄࡀࡉࡆࡀࡊ ࡌࡀࡋࡉࡋ {{ࡌࡀࡓࡀ}} {{ࡖࡓࡀࡁࡅࡕࡀ ࡔࡉࡋࡀ}} ࡔࡉࡔࡋࡀࡌ ࡓࡁࡀ ^ࡅࡀࡌࡀࡓ^ ࡖࡁࡀࡉࡉࡍࡀ ࡕࡀࡐࡓࡉࡔࡋࡉࡀ ࡋࡀࡔࡅࡀࡋࡉࡀ ࡁࡅࡊࡓࡀ ࡌࡀࡄࡅ ࡄࡅ ࡅࡕࡉࡍࡉࡀࡍࡀ ࡌࡀࡄࡅ ࡅࡕࡋࡉࡕࡀࡉࡀ ࡌࡀࡄࡅ ࡅࡋࡓࡀࡄࡌࡉࡀ ࡖࡀࡃࡉࡍࡒࡉࡀ ࡕࡀࡂࡀ ࡌࡀࡄࡅ ࡄࡅ ࡅࡔ ࡅࡓࡀࡄࡌࡉࡀ ࡖࡔࡀࡁࡀ ࡔࡀࡉࡉࡀ ࡌࡀࡄࡅ ࡄࡅ ࡖࡏࡋ ࡐࡀࡉࡍࡀ ࡌࡀࡄࡅ ࡄࡅ ^ࡅࡓࡀࡄࡌࡉࡀ^ ࡖࡔࡉࡕࡀ ࡉࡅࡌࡉࡀ ࡌࡀࡄࡅ ^ࡄࡅ^ {{ࡄࡀࡋࡉࡍ}} ࡄࡉࡍࡅࡍ ^ࡄࡀࡋࡉࡍ^ ࡔࡅࡁࡀ ࡌࡀࡋkࡏ ࡖࡕࡀࡂࡀ ࡕࡓࡀࡑࡋࡉࡀ ࡌࡀࡄࡅ ࡄࡉࡍࡅࡍ ࡔࡅࡁࡀ ࡊࡀࡎࡉࡀ ࡖࡄࡀࡌࡓࡀ ࡌࡀࡄࡅ ࡄࡉࡍࡅࡍ ࡅࡔࡅࡁࡀ ࡏࡍࡉࡀࡍࡉࡀ ࡖࡏࡋࡀࡅࡀࡉ ࡒࡓࡉࡕ ࡌࡀࡄࡅ ࡄࡉࡍࡅࡍ ࡔࡅࡁࡀ ࡋࡁࡅࡔࡉࡀ ࡖࡏࡋࡀࡅࡀࡉ ࡌࡀࡄࡅ ࡄࡉࡍࡅࡍ ࡅࡓࡀࡄࡌࡉࡀ ࡖࡔࡉࡕࡉࡍ ࡉࡅࡌࡉࡀ ࡌࡀࡄࡅ ࡄࡉࡍࡅࡍ ࡌࡀࡍ ࡌࡒࡀࡁࡋࡀࡍࡀࡅࡍ ࡅࡋࡄࡆࡉࡕࡀ ࡖࡄࡀࡆࡉࡀ ࡔࡅࡀࡋࡉࡀ ࡌࡀࡄࡅ ࡄࡅࡎࡓࡀࡍࡀ ࡄࡀࡅࡉࡀ ࡌࡉࡍࡇ ࡅࡏࡋ ࡗ ࡀࡆࡀࡋ ࡁࡄࡉࡓࡀ ࡃࡀࡊࡉࡀ ࡖࡒࡓࡉࡕ ࡏࡋࡀࡉ ࡀࡃࡉࡍࡒࡉࡀ ࡕࡀࡂࡀ ࡌࡀࡄࡅ ࡌࡑࡀࡓࡀࡓࡀ ࡌࡍ ࡀࡔࡅࡀࡋࡉࡀ ࡅࡋࡊࡋࡉࡋࡀ ࡅࡕࡀࡂࡀ ࡖࡁࡓࡉࡔࡀࡉ ࡌࡀࡄࡅ ࡄࡉࡍࡅࡍ ࡅࡋࡌࡀࡑࡁࡅࡕࡀ ࡁࡅࡊࡀࡓࡕࡀ ࡌࡀࡄࡅ ࡄࡏ ࡅࡋࡌ ࡅࡋࡌࡀࡑࡁࡅࡕࡀ ࡕࡉࡍࡉࡀࡍࡕࡉࡀ {{ࡌࡀࡄࡅ ࡄࡉࡍࡅࡍ}} ^ࡖࡑࡀࡁࡉࡋࡇ ࡀࡔࡅࡀࡋࡉࡀ ࡌࡀࡄࡅ ࡄࡏ {{ࡅࡋࡐࡀࡈࡉࡓࡀ ࡖࡋࡀࡉࡉࡐ ࡀࡔࡅࡀࡋࡉࡀ ࡌࡀࡄࡅ ࡄࡉࡍࡅࡍ^ ࡖࡏࡋ ࡌࡀࡎࡉࡒࡕࡀ ࡖࡒࡀࡓࡉࡀ ࡅࡋࡐࡀࡈࡉࡓࡀ}} ࡖࡋࡀࡉࡉࡐ ࡀࡔࡅࡀࡋࡉࡀ ࡌࡀࡄࡅ ࡄࡉࡍࡅࡍ ࡌࡀࡄࡅ ࡄࡏ ࡅࡋࡌࡀࡑࡁࡅࡕࡀ {{ࡖࡑࡀࡁࡋࡇ}} ࡖࡑࡀࡁࡉࡋࡇ ࡋࡓࡁࡇ ࡀࡁࡀࡕࡀࡓ ࡌࡀࡎࡉࡒࡕࡀ ࡌࡀࡄࡅ ࡄࡏ ࡅlࡏࡋ ࡌࡀࡄࡅ ^ࡖ^ࡀࡍࡀ ࡏࡔࡀࡉࡋࡀࡊ ࡏࡋࡀࡅࡀࡉࡄࡅࡍ ࡅࡃࡋࡀ ࡏࡔࡀࡉࡋࡀࡊ ࡏࡋࡀࡅࡀࡉࡄࡅࡍ ࡁࡀࡉࡉࡍࡀ ࡖࡕࡀࡐࡓࡉࡔࡋࡉࡀ ࡖࡀࡍࡀ ࡉࡀࡃࡀࡍࡀࡋࡇ ࡅࡌࡉࡎࡌࡉࡊ ࡏࡋ ࡋࡉࡁࡀࡉ ࡋࡎࡀࡌࡊࡉࡀ ࡞ ࡄࡀࡉࡆࡀࡊ ࡌࡀࡋࡉࡋ ࡌࡀࡓࡀ ࡖࡓࡀࡁࡅࡕࡀ ࡅࡔࡉࡔࡋࡀࡌ ࡓࡁࡀ ࡖࡍࡉࡌࡀࡓࡋࡇ ࡄࡀࡋࡉࡍ ࡔࡉࡋࡉࡍ ࡏࡋࡀࡅࡀࡉࡄࡅࡍ ࡄࡅ ࡌࡀࡍࡀ ࡓࡁࡀ ࡊࡀࡁࡉࡓࡀ ࡏࡋ ࡖࡄࡅࡀࡕ ࡅࡏࡋ ࡖࡄࡀࡅࡉࡀ ࡄࡉࡍࡉࡋࡀ ࡉࡀࡔࡉࡕࡋࡀࡉ ࡈࡀࡁࡀ ࡕࡉࡃࡀ ࡖࡋࡀࡉࡉࡕ ࡖࡓࡄࡉࡌ ࡀࡊࡅࡀࡕ ࡀࡄࡉࡀ ࡓࡄࡉࡌࡉࡀ ࡅࡋࡀࡉࡉࡕ ࡒࡀࡔࡉࡔ ࡌࡉࡍࡀࡉࡄࡅࡍ ࡄࡉࡍࡉࡋࡀ ࡁࡍࡉࡀ ࡄࡀࡃࡕࡀࡀ ࡋࡉࡁࡀ ࡄࡉࡍࡅࡍ ࡑࡀࡅࡕࡀ ࡖࡀࡁࡀࡄࡀࡕࡀ ࡄࡉࡍࡅࡍ ࡉࡀࡔࡉࡕࡋࡀࡉ ࡈࡀࡁࡀ ࡖࡋࡁࡀࡓ ࡌࡍ ࡃࡉࡋࡀࡊ ࡋࡅࡀࡕࡀࡉ ࡋࡅࡀࡕ ࡀࡍࡀࡍࡀ ࡏࡌࡀࡊ ࡀࡋࡅࡀࡕ ࡖࡀࡁ ࡋࡁࡀࡓ ࡌࡍ ࡃࡉࡋࡀࡊ ࡋࡀࡉࡉࡕ ࡉࡀࡒࡉࡓ ࡓࡄࡉࡌ ࡄࡉࡍࡉࡋࡀ ࡌࡍ ࡒࡅࡃࡀࡌࡀࡉ ࡖࡀࡍࡀࡕ ࡕࡉࡔࡀࡉࡉࡋ ࡀࡁ ࡌࡀࡋࡊࡀ ࡏࡋࡀࡉࡀ ࡖࡏࡍࡉࡔ ࡃࡌࡅࡕࡇ ࡋࡀࡄࡆࡀ ࡄࡅ ࡁࡍࡀࡐࡔࡉࡀ ࡊࡉࡕࡁࡇ ࡅࡑࡀࡓࡀࡓࡇ ࡅࡕࡀࡒࡍࡀ ࡁࡊࡅࡋࡇ ࡄࡅࡊࡅࡌࡕࡀ ࡁࡄࡉࡋࡁࡅࡍࡇ ࡖࡍࡀࡐࡔࡉࡇ ࡄࡅࡀ ࡉࡀࡕࡉࡁ ࡔࡅࡌࡄࡀࡕࡀ {{ࡄࡅࡓࡉࡍࡀ}} ࡀࡎࡉࡒࡋࡉࡀ ࡅࡀࡌࡀࡓ ࡔࡅࡌࡇ ࡔࡓࡀࡂࡀࡀ ࡖࡏࡅࡑࡓࡉࡀ ࡄࡅ ࡔࡓࡀࡂࡀ ࡖࡌࡀࡍࡄࡀࡓ ࡋࡉࡋࡁࡉࡀ ࡄࡀࡔࡊࡉࡀ ࡔࡅࡌࡄࡀࡕࡀ ࡄࡅࡓࡉࡍࡉࡀࡕࡀ ࡌࡀࡋࡊࡅࡕࡀ ࡏࡋࡀࡉࡕࡀ ࡖࡄࡅ ࡌࡀࡋࡊࡀ ࡏࡋࡀࡉࡀ ࡑࡀࡓࡀࡓࡇ࡞ ࡁࡀࡋࡌࡀ ࡓࡉࡔࡀࡉ^ࡉ^ࡀ ^ࡖ^ࡄࡅ ࡓࡉࡔࡀࡉࡄࡅࡍ ࡖࡌࡉࡌࡓࡉࡀ ࡄࡅ ࡄࡅ ࡑࡀࡓࡀࡓࡕࡀ ࡖࡓࡀࡆࡉࡀ ࡖࡑࡀࡓࡀࡓࡉࡍࡅࡍ ࡋࡓࡀࡆࡉࡀ ࡒࡅࡃࡀࡌࡀࡉ ࡃࡉࡋࡉࡀ࡞ ࡄࡀࡉࡆࡀࡊ ࡌࡀࡋࡉࡋ ࡅࡀࡌࡀࡓ ࡌࡀࡋࡊࡀ ࡏࡋࡀࡉࡀ ࡊࡅࡋ ࡂࡀࡁࡓࡀ ࡂࡀࡍࡆࡉࡁࡓࡀ ࡖࡕࡀࡓࡉࡑ ࡕࡀࡂࡀ ࡏࡋ ^ࡀ^ࡔࡅࡀࡋࡀࡍࡉࡀ ࡌࡉࡕࡉࡒࡓࡉࡀ ࡌࡀࡋࡊࡀ ࡁࡀࡍࡄࡅࡓࡀ ࡅࡋࡀࡉࡉࡕ ࡁࡂࡉࡍࡆࡉࡀ ࡄࡀࡆࡉࡍ ࡔࡓࡀࡂࡀ ࡖࡏࡅࡑࡓࡉࡀ ࡖࡄࡏ ࡌࡀࡋࡊࡅࡕࡀ ࡏࡋࡀࡉࡕࡀ {{ࡌࡉࡕࡉࡒ^ࡉ^ࡓࡉࡀ}} ࡌࡉࡕࡒࡉࡓࡉࡀ ࡌࡉࡍࡃࡀࡌ ࡖࡋࡀࡅ ࡌࡉࡍࡃࡀࡌ ࡀࡁࡀࡃ ࡅࡋࡀࡍࡉࡌࡀࡓ ࡖࡂࡀࡍࡆࡉࡁࡓࡀ ࡀࡍࡀ ^ࡖ^ࡕࡀࡓࡉࡑ ࡕࡀࡂࡀ ࡏࡋ ࡀࡔࡅࡀࡋࡀࡍࡉࡀ ࡀࡌࡉࡍࡈࡅࡋ ࡖࡂࡀࡍࡆࡉࡁࡓࡀ ࡂࡉࡍࡆࡉࡀ ࡔࡅࡌࡇ ࡁࡀࡃࡌࡅ ࡃࡉࡋࡉࡀ ࡔࡀࡅࡉࡕࡀ࡞ ࡄࡀࡉࡆࡀࡊ ࡀࡕࡍࡀ ࡅࡀࡌࡀࡓ ࡌࡀࡓࡀ ࡖ ࡓࡀࡁࡅࡕࡀ ࡅࡀࡌࡀࡓ ࡀࡔࡅࡀࡋࡉࡀ ࡁࡅࡊࡓࡀ ࡁࡀࡃࡌࡅ ࡃࡉࡋࡀࡊ ࡄࡅ ࡊࡅࡋ ࡌࡀࡄࡅ ࡖࡓࡀࡁࡅࡕࡀ ࡖࡔࡀࡉࡉࡋࡕ ࡌࡉࡕࡄࡀࡁࡋࡀࡊ ࡅࡊࡅࡋࡄࡅࡍ ࡀࡄࡇ ࡀࡓࡒࡀ ࡁࡉࡂࡀࡓ ࡃࡉࡋࡇ ࡄࡉࡍࡅࡍ ࡊࡅࡋ ࡌࡀࡍ ࡖࡍࡉࡐࡀࡊ ࡌࡀࡋࡀࡋࡇ ࡀࡍࡉࡍ ࡋࡅࡀࡕࡀࡍ ࡋࡀࡍࡉࡒࡓࡇ࡞ ࡅࡕࡉࡀࡍࡉࡀࡍࡀ ࡁࡀࡃࡌࡅ ࡀࡉࡀࡓ ࡃࡀࡊࡉࡀ ࡄࡅ ࡌࡎࡀࡃࡀࡓ ࡎࡉࡃࡓࡉࡀ ࡒࡅࡃࡀࡌࡇ࡞ ࡅࡕࡋࡉࡕࡀࡉࡉࡀ ࡀࡊࡅࡀࡕ ࡁࡀࡍࡀࡉࡀ ࡖ ࡖࡁࡀࡍࡉࡀ ࡁࡉࡍࡕࡀ ࡋࡃࡉࡋࡅࡍ࡞ ࡄࡉࡍࡅࡍ ࡀࡔࡅࡀࡋࡉࡀ ࡅࡕࡀࡂࡇ ࡅࡊࡋࡉࡋࡇ ࡄࡉࡍࡅࡍ ࡖࡌࡍ ࡄࡃࡀࡃࡉࡀ ࡋࡀࡌࡉࡕࡓࡀࡄࡒࡉࡀ ࡄࡀࡍࡀࡕࡇ ࡓࡀࡄࡌࡉࡀ ࡀࡃࡉࡍࡒࡉࡀ ࡕࡀࡂࡀ ࡓࡀࡄࡌࡉࡀ ࡖࡃࡌࡀ ࡄࡉࡍࡅࡍ ^ࡖ^ࡄࡏ ࡀࡉࡍࡀ ࡎࡉࡍࡃࡉࡓࡊࡀ ࡄࡉࡍࡅࡍ ࡀࡌࡉࡍࡈࡅࡋ ࡖࡀࡉࡍࡀ ࡏࡌࡀ ࡄࡏ ࡅࡎࡉࡍࡃࡉࡓࡊࡀ ࡀࡁࡀ ࡄࡅ ࡖࡄࡏ ࡁࡀࡕ ࡓࡀࡄࡌࡉࡀ ࡁࡉࡕ {{ࡁࡔࡀࡁࡀ ࡔࡀࡉࡉࡀ}} ^ࡀࡃࡉࡍࡒࡉࡀ ࡕࡀࡂࡀ ࡀࡌࡉࡍࡈࡅࡋ ࡖ{{ࡌࡀ࡞ࡆࡉ}}ࡌࡀࡍࡆࡉࡀ ࡋࡀࡄࡅࡀ^ ࡌࡉࡍࡃࡀࡌ ࡁࡂࡀࡅࡇ ࡄࡀࡓࡂࡀࡋࡇ ࡀࡋࡌࡀ ࡖࡀࡍࡀ ࡓࡀࡄࡌࡉࡀ ࡅࡁࡉࡕ ࡁࡔࡀࡁࡀ ࡔࡀࡉࡉࡀ ࡅࡔࡅࡋࡕࡀ ࡔࡀࡋࡉࡕ ࡅࡊࡅࡋ ࡌࡀࡄࡅ ࡖࡁࡉࡕ ࡀࡔࡊࡉࡕ࡞ ࡅࡌࡍ ࡔࡉࡓࡉࡀࡍࡉࡀ ࡖࡎࡉࡍࡃࡉࡓࡊࡀ ࡂࡃࡅࡋࡇ ࡂࡃࡀ ࡋࡕࡀ ࡋࡌࡀࡍࡆࡉࡀ ࡄࡅ ࡕࡀࡂࡀ ࡔࡀࡅࡉࡀࡕ ࡅࡋࡊࡅࡋࡄࡅࡍ ࡀࡍࡀࡍࡉࡀ ࡌࡀࡍࡆࡉࡀ ࡋࡉࡕࡋࡉࡍ ࡎࡍࡉࡀࡉࡉࡍ ࡃࡌࡅࡕࡀࡉࡅࡍ ࡋࡅࡀࡕ ࡊࡅࡋ ࡏࡍࡉࡔ࡞ ࡓࡀࡄࡌࡉࡀ ࡖࡔࡀࡁࡀ ࡔࡀࡉࡉࡀ ࡋࡃࡉࡋࡉࡀ ࡄࡅ ࡅࡓࡀࡄࡌࡉࡀ ࡖࡋࡐࡀࡉࡍࡀ ࡌࡀࡓࡀ ࡖࡓࡀࡁࡅࡕࡀ ࡄࡅ ࡌࡍࡀࡈࡓࡀࡍࡅࡍ ࡄࡀࡁࡔࡀࡁࡀ ࡅࡉࡀࡅࡀࡓ ࡓࡁࡀ ࡅࡓࡀࡄࡌࡉࡀ ࡖࡐࡉࡓࡔࡀ ࡌࡀࡍࡀ ࡓࡁࡀ ࡊࡀࡁࡉࡓࡀ ࡄࡅ ࡅࡓࡀࡄࡌࡉࡀ ࡖࡔࡀࡁࡀ ࡔࡀࡉࡉࡀ ࡖࡀࡁࡀ ࡓࡁࡀ ࡖࡏࡒࡀࡓࡀ ࡅࡓࡀࡄࡌࡉࡀ ࡖࡋࡐࡀࡉࡍࡀ ࡀࡁࡀࡕࡅࡓ ࡓࡀࡌࡀ ࡄࡅ ࡌࡍࡀࡈࡓࡀࡍࡅࡍ ࡄࡉࡁࡉࡋ ࡔࡉࡕࡉࡋ ࡅࡀࡍࡅࡔ࡞ ࡅࡓࡀࡄࡌࡉࡀ ࡔࡅࡁࡀࡉࡀ ࡖࡉࡀࡅࡀࡓ ࡓࡁࡀ ࡅࡓࡀࡄࡌࡉࡀ ࡖࡔࡀࡁࡀ ࡔࡀࡉࡉࡀ ^ࡖ^ࡉࡅࡔࡀࡌࡉࡍ ࡃࡀࡊࡉࡀ ࡅࡓࡀࡄࡌࡉࡀ ࡖࡐࡀࡉࡍࡀ ࡖࡀࡉࡀࡓ ࡃࡀࡊࡉࡀ ࡌࡎࡀࡃࡓࡀࡍࡀ ࡖࡊࡅࡋࡄࡅࡍ ࡀࡋࡌࡉࡀ ࡄࡅ࡞ ࡅࡌࡍࡀࡈࡓࡀࡍࡅࡍ ࡉࡅࡐࡉࡍ ࡉࡅࡐࡀࡐࡉࡍ ࡅࡎࡀࡌ ࡌࡀࡍࡀ ࡎࡌࡉࡓࡀ࡞ ࡅࡓࡀࡄࡌࡉࡀ ࡖࡐࡉࡓࡔࡀ ࡖࡀࡓࡁࡀ ࡉࡅࡌࡉࡀ ࡉࡅࡊࡀࡅࡀࡓ ࡓࡁࡀ ࡄࡅ ࡅࡔࡀࡁࡀ ࡔࡀࡉࡉࡀ ࡖࡁࡉࡄࡓࡀࡌ ࡓࡁࡀ ࡄࡅ ࡅࡓࡀࡄࡌࡉࡀ ࡖࡐࡀࡉࡍࡀ ࡖࡍࡑࡀࡁ ࡓࡁࡀ ࡄࡅ࡞ ࡌࡍࡀࡈࡓࡀࡍࡅࡍ ࡁࡉࡄࡉࡓ ࡁࡉࡄࡓࡅࡍ ࡅࡀࡍࡀࡍ ࡖࡍࡑࡀࡁ࡞ ࡅࡓࡀࡄࡌࡉࡀ ࡖ ࡄࡀࡌࡔࡀ ࡉࡅࡌࡉࡀ ࡓࡀࡄࡌࡉࡀ ࡒࡀࡃࡌࡀࡉࡀ ࡖࡎࡄࡀࡒ ࡓࡁࡀ ࡄࡅ࡞ ࡅࡃࡔࡀࡁࡀ ࡔࡀࡉࡉࡀ ࡖࡁࡉࡄࡓࡅࡍ ࡓࡁࡀ ࡄࡅ࡞ ࡅࡃࡋࡐࡀࡉࡍࡀ ࡖࡍࡀࡈࡀࡓ ࡂࡀࡍࡆiࡏࡉࡋ ࡄࡅ࡞ ࡌࡍࡀࡈࡓࡀࡍࡅࡍ ࡀ ࡕࡀࡓ ࡅࡕࡀࡓࡅࡀࡍ ࡅࡊࡀࡍࡐiࡏࡉࡋ࡞ ࡅࡓࡀࡄࡌࡉࡀ ࡖࡔࡉࡕࡀ ࡉࡅࡌࡉࡀ ࡓࡀࡄࡌࡉࡀ ࡖࡐࡉࡓࡔࡀ ࡖࡉࡀࡅࡀࡓ ࡆࡉࡅࡀ ࡄࡀࡊࡀ࡞ ࡅࡓࡀࡄࡌࡉࡀ ࡖࡔࡀࡁࡀ ࡔࡀࡉࡉࡀ ࡖࡌࡀࡍࡃࡀ ࡖࡄࡉࡉࡀ ࡓࡁࡀ ࡖࡀࡍࡉࡍ ࡁࡄࡀࡉࡋࡇ ࡓࡀࡅࡆࡉࡍࡉࡍ ࡅࡓࡀࡄࡌࡉࡀ ࡖࡋࡐࡀࡉࡍࡀ ࡖࡀࡃࡀࡕࡀࡍ ࡅࡉࡀࡃࡀࡕࡀࡍ ࡄࡅ ࡄࡅ ࡁࡉࡍࡉࡀ ࡂࡁࡉࡍࡉࡀ ࡔࡀࡓࡉࡀ࡞ ࡀ^ࡌࡉࡍࡈࡅࡋ ^ࡖࡄࡅ^ ࡍࡀࡎࡉࡁࡋࡇ ࡋࡃࡅࡊࡉࡀ {{ࡅࡌࡐࡀ}} {{ࡋࡉࡂࡁࡉࡀ}} ࡅࡌࡐࡀࡋࡂࡋࡇ ࡁࡏࡑࡈࡅࡍࡀ࡞ ࡅࡌࡍࡀࡈࡓࡀࡍࡅࡍ ࡏࡅࡓࡐiࡏࡉࡋ ࡅࡌࡀࡓࡐiࡏࡉࡋ ࡅࡉࡀࡅࡀࡓ ࡕࡀࡕࡀࡂࡌࡅࡓ࡞ ࡅࡓࡀࡄࡌࡉࡀ ࡖࡔࡀࡁࡀ {{ࡔࡀࡉࡉࡀ}} ࡉࡅࡌࡉࡀ ࡖࡁࡓࡉࡊ ࡁࡊࡅࡋࡄࡅࡍ ࡁࡉࡓࡉࡊࡕࡀ ࡖࡀࡍࡀ ࡁࡓࡀࡊࡕࡉࡍࡅࡍ ࡌࡍ ࡁࡓࡉࡊࡕࡀࡉ࡞ ࡓࡀࡄࡌࡉࡀ ࡖࡐࡉࡓࡔࡀ ࡓࡀࡄࡌࡉࡀ ࡖࡍࡉࡔࡉࡌࡕࡀ ࡀࡌࡉࡍࡈࡅࡋ ࡖࡁࡔࡅࡁࡀ ࡉࡀࡄࡓࡉࡀ ࡍࡉࡔࡉࡌࡕࡀ ࡅࡓࡀࡄࡌࡉࡀ ࡁࡀࡉࡉࡀ ࡅࡁࡉࡀࡍࡒࡀ ࡀࡉࡋࡇ ࡗ ࡀࡉࡀࡓ ࡋࡒࡅࡃࡀࡌࡇ ࡒࡀࡉࡉࡌ ࡖࡄࡅ ࡓࡁࡇ ࡅࡀࡄࡅࡉࡀ ࡖࡀࡌࡀࡓࡕ ࡒࡅࡌ ࡒࡅࡌ ࡁࡄࡉࡓࡉࡀ ࡆࡉࡃࡒࡀ ࡀࡌࡉࡍࡈࡅࡋ ࡖࡄࡀࡍࡀࡕࡅࡍ ࡀࡓࡁࡀ ࡓࡀࡆࡉࡀ ࡖࡁࡉࡍࡉࡅࡉࡀ ࡋࡌࡅࡒࡓࡀ ࡄࡅࡀ ࡔࡊࡉࡁࡉࡀ ࡅࡋࡀࡉࡉࡕ ࡌࡀࡕࡓࡀࡅࡍࡍࡀ ࡖࡌࡀࡕࡓࡀࡋࡅࡍ ࡗ ࡀࡓࡄࡀ ࡁࡓࡉࡄࡀ ࡖࡍࡉࡔࡉࡌࡕࡀ ࡅࡏࡕࡓࡀࡍࡃࡉࡃࡅࡍ ࡌࡍ ࡔࡊࡉࡍࡀࡕࡅࡍ ࡅࡌࡍ ࡔࡉࡍࡕࡅࡍ ࡒࡀࡌ ࡅࡓࡅࡂࡆࡀ ࡋࡍࡉࡔࡉࡌࡕࡀ ࡔࡅࡀࡒ ࡅࡁࡅࡍ ࡋࡍࡉࡄࡀࡌࡁࡋࡀ ࡀࡋࡌࡀ ࡖ ࡀࡉࡀࡓ ࡏࡔࡕࡀࡈࡉࡀ ࡒࡅࡃࡀࡌࡀࡉࡄࡅࡍ ࡅࡀࡌࡀࡓ ࡏࡅ ࡄࡉࡍࡉࡀࡋࡊࡅࡍ ࡓࡁࡉࡀ ࡏࡅ ࡄࡉࡍࡉࡀࡋࡊࡅࡍ ࡓࡅࡓࡁࡉࡀ ࡀࡉࡀࡓ ࡊࡅࡋࡇ ࡕࡉࡕࡁࡉࡃ ࡕࡉࡕࡁࡉࡃ ࡀࡉࡀࡓ ࡊࡅࡋࡇ ࡀࡉࡀࡓ ࡆࡉࡅࡀ ࡁࡂࡀࡅࡇ ࡏࡑࡈࡀࡓࡀࡓ ࡀࡌࡉࡍࡈࡅࡋ ࡌࡍ ࡓࡅࡂࡆࡀࡉࡄࡅࡍ ࡊࡀࡍ ࡀࡋࡌࡀ ࡖࡊࡅࡔࡈࡀ ࡍࡀࡈࡀࡓࡕࡀ ࡖࡄࡉࡍࡅࡍ ࡊࡅࡔࡈࡀ ࡋࡀࡉࡀࡓ ࡐࡔࡀࡈ ࡅࡀࡌࡀࡓࡋࡇ ࡊࡅࡔࡈࡀ ࡐࡔࡀࡈࡋࡀࡊ ࡓࡁࡉࡀ ࡀࡁࡓࡉࡀ ࡐࡀࡅࡓࡀ ࡌࡍ ࡏࡅࡑࡓࡀࡊ ࡏࡅࡑࡓࡀࡊ ࡁࡃࡉࡋࡉࡍ ࡍࡉࡕࡉࡌࡋࡉࡀ ࡅࡋࡁࡅࡔࡀࡍ ࡅࡋࡁࡅࡔࡀࡊ ࡍࡉࡄࡅࡉࡀ ࡄࡃࡀ ࡞ ࡀࡌࡉࡍࡈࡅࡋ ࡖࡐࡅࡓࡀ ࡄࡀࡍࡀࡕࡇ ࡒࡉࡍࡀ ࡖࡄࡅࡀ ࡁࡋࡉࡁࡀ ࡖࡀࡉࡀࡓ ࡏࡋࡀࡅࡀࡉࡄࡅࡍ ࡗ ࡓࡂࡀࡆࡉࡅࡍ ࡏࡋࡇ ࡋࡍࡉࡔࡉࡌࡕࡀ࡞ ^ࡖ^ࡄࡅ ࡀࡔࡅࡀࡋࡉࡀ ࡅࡋࡀࡁࡅࡉࡀ ࡖࡏࡋ ࡔࡊࡉࡍࡕࡀ nࡏࡉࡀࡋ ࡖࡄࡅ ࡓࡉࡔࡀ ࡄࡅ ࡓࡀࡄࡌࡉࡀ ࡖࡔࡀࡁࡀ ࡔࡀࡉࡉࡀ ࡖࡀࡃࡀࡕࡀࡍ ࡅࡉࡀࡃࡀࡕࡀࡍ ࡅࡓࡀࡄࡌࡉࡀ ࡖࡋࡐࡀࡉࡍࡀ ࡖࡉࡀࡃࡀࡕࡀࡍ ࡀࡌࡉࡍࡈࡅࡋ ࡖࡎࡀࡄࡃࡉࡀ ࡄࡉࡍࡅࡍ ࡄࡉࡍࡅࡍ ࡏࡅࡃࡍࡉࡀ ࡖࡌࡀࡄࡅ ࡅࡑࡀࡉࡕࡉࡀ ࡋࡍࡉࡔࡉࡌࡕࡀ ࡀࡌࡓࡉࡀ ࡀࡌࡉࡍࡈࡅࡋ ^ࡖ^ࡊࡅࡋ ࡂࡀࡁࡓࡀ ࡂࡀࡍࡆࡉࡁࡓࡀ ࡖࡉࡅࡌࡀ ࡌࡎࡀࡉࡉࡊ ࡎࡓࡉࡍ ࡅࡄࡃࡀ ࡓࡀࡄࡌࡉࡀ ࡅࡁࡀࡉࡉࡀ ࡖࡍࡀࡅࡒࡀࡓ ࡕࡀࡂࡇ ࡅࡎࡀࡄࡃࡉࡀ ࡋࡀࡍࡉࡄࡅࡉࡀ ࡊࡅࡋ ࡌࡉࡍࡃࡀࡌ ࡖࡀࡁࡀࡃ ࡌࡉࡕࡄࡀࡌࡁࡀࡋ ࡅࡀࡉࡀࡊ ࡁࡓ ࡀࡍࡀࡔࡀ ࡖࡏࡅࡃࡍࡀ ࡋࡉࡕࡋࡇ ࡅࡋࡀ ࡔࡀࡌࡀ ࡅࡗ ࡏࡎࡕࡀࡃࡀࡓࡉࡅࡍ ࡎࡓࡉࡍ ࡄࡃࡀ ࡓࡀ ࡄࡌࡉࡀ ࡅࡌࡉࡑࡈࡉࡁࡀ ࡀࡕࡅࡕࡉࡀ ࡃࡓࡀࡁࡔࡀ ࡖࡆࡉࡃࡒࡀ ࡁࡓࡉࡊࡀ ࡌࡎࡀࡊࡉࡋࡇ ࡋࡓࡀࡄࡌࡉࡀ ࡖࡔࡉࡕࡉࡍ ࡉࡅࡌࡉࡀ ࡄࡉࡍࡅࡍ ࡌࡀ ࡅࡕࡌࡀࡍࡀࡍ ࡓࡀࡄࡌࡉࡀ ࡄࡉࡍࡅࡍ ࡖࡁࡀࡉࡉࡀ ࡌࡉࡁࡉࡍࡅࡍ ࡀࡔࡅࡀࡋࡉࡀ ࡖࡍࡉࡔࡓࡉࡀ ࡌࡀࡎࡉࡒࡕࡀ ࡏࡋ ࡓࡁࡇ ࡀࡌࡉࡍࡈࡅࡋ ࡖࡀࡔࡅࡀࡋࡉࡀ ࡁࡀࡍࡀࡉࡀ ࡖࡁࡀࡍࡉࡀ ࡄࡉࡊࡋࡀ ࡔࡀࡐࡉࡓࡀ ࡏࡅ ࡄࡀࡃ ࡋࡉࡁࡍࡀ ࡁࡃࡅࡊࡕࡇ ࡋࡀࡔࡀࡓࡉࡀ ࡊࡅࡋ ࡌࡀࡄࡅ ࡖࡁࡀࡍࡉࡀ ࡌࡉࡕࡄࡀࡌࡁࡀࡋ ࡏࡅ ࡌࡀࡎࡉࡒࡕࡀ ࡋࡓࡁࡇ ࡋࡀࡍࡉࡒࡓࡉࡀ ࡄࡀࡍࡀࡕࡇ ࡁࡅࡍࡀ ࡄࡉࡊࡋࡀ ࡋࡀࡔࡀࡐࡉࡓ࡞ ࡀࡌࡉࡍࡈࡅࡋ ࡖࡌࡀࡎࡉࡒࡕࡀ ࡈࡋࡀࡋࡀ ࡖࡄࡉࡊࡋࡀ ࡄࡏ ࡅࡊࡅࡋࡄࡅࡍ ࡓࡀࡄࡌࡉࡀ ࡄࡀࡌࡋࡉࡍ ࡁࡉࡄࡃࡀࡃࡉࡀ ࡋࡁࡅࡔࡀ ࡖࡍࡉࡎࡉࡁࡋࡅࡍ ࡀࡉࡀࡓ ࡃࡀࡊࡉࡀ ࡋࡅࡀࡕࡇ ࡖࡌࡀࡋࡊࡀ ࡏࡋࡀࡉࡀ ࡍࡉࡎࡒࡅࡍ ࡄࡅ ࡋࡅࡀࡕࡇ ࡍࡀࡈࡀࡓࡋࡅࡍ ࡎࡀ ࡎࡀ ࡄࡀࡆࡉࡍ ࡕࡓࡀࡑ ࡖࡕࡀࡂࡀ ࡖࡔࡉࡔࡋࡀࡌ ࡓࡁࡀ ࡄࡅ ࡀࡍࡎࡉࡕ ࡀࡍࡀ ࡀࡍࡉࡀ ࡅࡃࡀࡍࡉࡀ ࡅࡌࡉࡀࡍࡒࡀ ࡆࡅࡈࡀ ࡖࡀࡄࡀࡉ ࡕࡀࡓࡌࡉࡃࡉࡀ ࡊࡅࡋࡄࡅࡍ ࡅࡀࡒࡀࡐࡓࡀ ࡃࡀࡕࡅࡕࡉࡀ ࡋࡉࡂࡓࡀࡉࡄࡅࡍ ࡖࡂࡀࡍࡆࡉࡁࡓࡇ ࡖࡀࡍࡀ ࡁࡉࡄࡓࡀࡌ ࡎࡀࡌ ࡁࡓ ࡓࡁࡀࡉ ࡉࡀࡄࡉࡀ ࡉࡅࡄࡀࡍࡀ ࡁࡓ ࡓࡁࡀࡉ ^ࡆࡉࡄࡓࡅࡍ^ ࡀࡃࡀࡌ ࡁࡓ ࡆࡉࡄࡓࡅࡍ ࡁࡓ ࡁࡓ ࡃࡉࡎࡐࡅࡋࡉࡀ ࡁࡓ ࡔࡅࡂࡓࡉࡀ ࡁࡓ ࡍࡀࡑࡉࡓ ࡁࡓ ࡆࡀࡊࡓࡉࡀ ࡌࡍ ࡁࡍࡉࡀ ࡃࡉࡄࡃࡀࡓࡉࡀ ࡊࡉࡍࡉࡀࡍࡇ ࡎࡀࡁࡅࡓ ࡖࡀࡍࡎࡉࡕ ࡋࡄࡀࡃ ࡔࡀࡋࡌࡀࡍࡀ ࡅࡌࡄࡀࡉࡌࡀࡍ ࡖࡎࡄࡀࡃ ࡋࡉࡁࡇ ࡁࡄࡉࡉࡀ ࡌࡀࡍࡃࡀ ࡖࡄࡉࡉࡀ ࡖࡀࡄࡀࡁ ࡆࡉࡃࡒࡀ ࡁࡀࡄࡀࡉ ࡓࡁࡀࡉ ࡆࡉࡄࡓࡅࡍ ࡁࡓ ࡓࡁࡀࡉ ࡉࡀࡄࡉࡀ ࡉࡅࡄࡀࡍࡀ ࡊࡉࡍࡉࡀࡍࡇ ࡎࡀࡁࡅࡓ ࡀࡄࡀࡉ ࡔࡀࡃࡉࡓ ࡌࡍ ࡃࡉࡎࡐࡅࡋ ࡊࡉࡃࡁࡉࡕ ࡄࡀࡆࡉࡍ ࡃࡉࡅࡀࡍ ࡖࡌࡀࡋࡊࡅࡕࡀ ࡏࡋࡀࡉࡕࡀ ࡖࡄࡅࡀࡅࡉࡋࡇ ࡃࡅࡊࡓࡀࡍࡀ ࡁࡕࡉࡁࡉࡋ ࡅࡄࡀ^ࡕࡀ^ࡌ ࡁࡀࡋࡌࡉࡀ ࡓࡅࡓࡁࡉࡀ ࡏࡋࡀࡉࡉࡀ ࡖࡍࡄࡅࡓࡀ ࡖࡄࡅ ࡌࡀࡁࡀࡓࡀࡊ ࡔࡅࡌࡇ ࡁࡓ ࡍࡀࡅࡓࡅࡆ ࡁࡓ ࡏࡀࡁࡓࡉࡀ ࡁࡓ ࡂࡀࡍࡅࡌ ࡁࡓ ࡐࡀࡓࡀࡔ ࡊࡉࡍࡉࡀࡍࡇ ࡎࡀࡁࡅࡓ ࡖࡀࡍࡎࡉࡕ ࡏࡋࡇ ࡌࡍ ࡊࡃࡀࡁࡀ ࡖࡏࡃࡀ ࡖࡀࡁ ࡃࡉࡋࡀࡉ ࡖࡄࡅ ࡓࡁࡀࡉ ࡓࡁࡀࡉ ࡉࡀࡄࡉࡀ ࡉࡅࡄࡀࡍࡀ ࡁࡓ ࡓࡁࡀࡉ ࡀࡃࡀࡌ ࡆࡉࡄࡓࡅࡍ ࡁࡓ ࡆࡉࡄࡓࡅࡍ ࡁࡓ ࡃࡉࡎࡐࡅࡋࡉࡀ ࡁࡓ ࡔࡅࡂࡓࡉࡀ ࡁࡓ ࡍࡀࡑࡉࡓ ࡁࡓ ࡆࡀࡊࡓࡉࡀ ࡌࡍ ࡁࡍࡉࡀ ࡃࡉࡄࡃࡀࡓࡉࡀ ࡊࡉࡍࡉࡀࡍࡇ ࡎࡀࡁࡅࡓ ࡖࡀࡍࡎࡀ ࡌࡍ ࡊࡃࡀࡁࡀ ࡖࡏࡃࡀ ࡓࡁࡀࡉ ࡆࡉࡄࡓࡅࡍ ࡁࡓ ࡓࡁࡀࡉ ࡉࡀࡄࡉࡀ ࡌࡄࡀࡕࡀࡌ ࡁࡓ ࡀࡃࡀࡌ ࡁࡓ ࡀࡃࡀࡌ ࡉࡅࡄࡀࡍࡀ ࡁࡓ ࡁࡉࡄࡓࡀࡌ ࡁࡓ ࡔࡀࡌࡎ ࡁࡓ ࡉࡀࡄࡉࡀ ࡁࡓ ࡀࡃࡀࡌ ࡞ ࡁࡓ ࡀࡍࡅࡔ ࡁࡓ ࡁࡉࡄࡃࡀࡃ عࡀࡆࡉࡆ ࡖࡀࡍࡎࡀ ࡌࡍ ࡃࡉࡅࡀࡍ ࡖࡀࡄࡇ ࡉࡅࡄࡀࡍࡀ ࡁࡓ ࡁࡀࡊࡕࡉࡀࡓ ࡁࡓ ࡀࡃࡀࡌ ࡉࡅࡄࡀࡍࡀ ࡁࡓ ࡃࡅࡁࡀࡉࡎ ࡊࡉࡍࡉࡀࡍࡇ ࡌࡍ ࡁࡍࡉࡀ ࡎࡀࡌ ࡎࡀࡊࡀࡓࡀ ࡊࡉࡍࡉࡀࡍࡇ ࡏࡊࡅࡌࡀ ࡅࡍࡉࡕࡋࡉࡐ ࡁࡋࡅࡐࡀ ࡖࡔࡉࡔࡋࡀࡌ ࡓࡁࡀ ࡅࡌࡀࡍࡃࡀ ࡖࡄࡉࡉࡀ ࡍࡉࡄࡅࡉࡋࡉࡀ ࡎࡉࡌࡀࡊࡀ ࡅࡀࡍࡎࡀ ࡋࡄࡀࡆࡉࡍ ࡃࡉࡅࡀࡍ ࡉࡀࡒࡉࡓࡀ ࡅࡍࡀࡄࡉࡓࡀ ࡖࡏࡅࡑࡓࡇ ࡖࡄࡅ ࡌࡀࡋࡊࡅࡕࡀ ࡏࡋࡀࡉࡕࡀ ࡔࡅࡌࡇ ࡖࡍࡉࡄࡅࡉࡋࡇ ࡃࡅࡊࡓࡀࡍࡀ ࡁࡕࡉࡁࡉࡋ ࡅࡎࡉࡌࡀࡊࡀ ࡁࡀࡋࡌࡉࡀ ࡖࡍࡄࡅࡓࡀ ࡌࡍ ࡃࡉࡅࡀࡍ ࡖࡀࡍࡎࡀ ࡋࡍࡀࡐࡔࡉࡀ ࡓࡁࡀࡉ ࡉࡀࡄࡉࡀ ࡁࡓ ࡀࡅࡁ ࡓࡁࡀࡉ ࡉࡀࡄࡉࡀ ࡎࡀࡌ ࡁࡓ ࡏࡒࡀࡉࡀࡌ ࡁࡉࡄࡃࡀࡃ ࡁࡓ ࡁࡀࡉࡀࡍ ࡔࡅࡐࡀࡓࡕࡀࡉࡉࡀ ࡖࡀࡍࡎࡀ ࡌࡍ ࡃࡉࡅࡀࡍ ࡖࡄࡅࡀ ࡍࡈࡉࡓ ࡁࡂࡉࡍࡆࡀ ࡖࡓࡁࡀࡉ ࡀࡃࡀࡌ ࡁࡓ ࡓࡁࡀࡉ ࡎࡀࡓࡅࡀࡍ ࡁࡀࡆ ࡌࡍ ࡃࡀࡅࡀࡍ ࡖࡀࡄࡇ ࡓࡁࡀࡉ ࡓࡅࡆࡁࡇ ࡀࡍࡎࡀ ࡌࡍ ࡃࡉࡅࡀࡍ ࡖࡓࡁࡀࡉ ࡁࡉࡄࡓࡀࡌ ࡓࡁࡀࡉ ࡁࡉࡄࡓࡀࡌ ࡀࡍࡎࡀ ࡌࡍ ࡃࡉࡅࡀࡍ ࡖࡓࡁࡀࡉ ࡉࡀࡄࡉࡀ ࡁࡉࡄࡓࡀࡍ ࡁࡓ ࡎࡀࡌ ࡌࡅࡓࡀࡍࡉࡀ ࡅࡓࡁࡀࡉ ࡉࡀࡄࡉࡀ ࡀࡍࡎࡀ ࡌࡍ ࡃࡉࡅࡀࡍ ࡖࡌࡀࡋࡊࡀࡍ ࡅࡓࡉࡔ ࡀࡌࡀࡍ ࡅࡓࡉࡔ ࡃࡀࡓࡀࡍ ࡓࡁࡀࡉࡀࡍ ࡓࡁࡀࡉ ࡀࡃࡀࡌ ࡀࡁࡅࡋ ࡐࡀࡓࡀࡆ ࡁࡓ ࡁࡉ ࡄࡓࡀࡌ ࡔࡉࡕࡉࡋ ࡁࡀࡓࡅࡁࡀࡉ ࡖࡀࡍࡎࡀࡋࡇ ࡓࡁࡀࡉ ࡁࡉࡄࡓࡀࡌ ࡆࡀࡊࡉࡀ ࡁࡓ ࡁࡀࡉࡀࡍ ࡔࡅࡐࡀࡓࡕࡀࡉࡉࡀ ࡅࡓࡁࡀࡉ ࡁࡉࡄࡓࡀࡌ ࡆࡀࡊࡉࡀ ࡁࡓ ࡁࡀࡉࡀࡍ ࡔࡅࡐࡀࡓࡕࡀࡉࡉࡀ ࡌࡍ ࡃࡉࡅࡀࡍ ࡖࡓࡁࡀ ࡓࡀࡌࡀ ࡅࡉࡀࡒࡉࡓࡀ ࡀࡃࡀࡌ ࡀࡁࡅࡋ ࡐࡀࡓࡀࡆ ࡁࡓ ࡁࡉࡄࡓࡀࡌ ࡔࡉࡕࡉࡋ ࡀࡌࡉࡍࡈࡅࡋ ࡖࡀࡍࡎࡀ ࡁࡔࡅࡌࡇ ࡆࡉࡁࡍࡀ ࡕࡉࡍࡉࡀࡍࡀ ࡓࡁࡀࡉ ࡀࡃࡀࡌ ࡁࡅࡋ ࡐࡀࡓࡀࡆ ࡀࡍࡎࡀ ࡌࡍ ࡃࡉࡅࡀࡍ ࡖࡓࡉࡔ ࡀࡌࡀ ࡅࡓࡉࡔ ࡃࡀࡓࡀ ࡉࡀࡄࡉࡀ ࡀࡃࡀࡌ ࡁࡓ ࡎࡀࡌ ࡎࡀࡉࡅࡉࡀ ࡅࡉࡀࡄࡉࡀ ࡀࡃࡀࡌ ࡁࡓ ࡎࡀࡌ ࡎࡉࡅࡉࡀ ࡀࡍࡎࡀ ࡌࡍ ࡃࡉࡅࡀࡍ ࡖࡓࡀࡌࡅࡉࡀ ࡁࡓ ࡏࡒࡀࡉࡌࡀࡕ ࡅࡓࡀࡌࡅࡉࡀ ࡁࡓ ࡏࡒࡀࡉࡌࡀࡕ ࡀࡍࡎࡀ ࡌࡍ ࡃࡉࡅࡀࡍ ࡖࡀࡔࡂࡀࡍࡃࡀ ࡁࡓ ࡉࡀࡎࡌࡉࡍ ࡅࡔࡂࡀࡍࡃࡀ ࡁࡓ ࡉࡀࡎࡌࡉࡍ ࡀࡍࡎࡀ ࡌࡍ ࡃࡉࡅࡀࡍ ࡖࡆࡀࡆࡀࡉ ࡖࡂࡀࡅࡀࡆࡕࡀ ࡅࡆࡀࡆࡀࡉ ࡂࡀࡆࡕࡀ ࡀࡍࡎࡀ ࡌࡍ ࡃࡉࡅࡀࡍ ࡖࡄࡉࡉࡀ ࡒࡀࡃࡌࡀࡉࡉࡀ ࡋࡄࡀࡊࡀ ࡔࡀࡃࡀࡓ ࡅࡄࡉࡉࡀ ࡆࡀkࡏࡉࡍ ࡎࡀ ࡕࡅࡌ ࡏࡎࡕࡀࡃࡓࡀࡕ ࡅࡎࡋࡉࡒ ࡋࡓࡉࡔࡉ ࡄࡀࡆࡉࡍ ࡃࡉࡅࡀࡍ {{ࡖࡓࡀࡌࡅࡉࡀ ࡁࡓ ࡏࡒࡀࡉࡌࡀࡕ}} ࡖࡉࡀࡒࡉࡓࡀ ࡋࡔࡅࡌ ࡄࡉࡉࡀ ࡒࡀࡃࡌࡀࡉࡉࡀ ࡅࡋࡓࡅࡔࡅࡌ ࡌࡀࡍࡃࡀ ࡖࡄࡉࡉࡀ ࡅࡋࡔࡅࡌࡀࡉࡄࡅࡍ ࡖࡄࡉࡁࡉࡋ ࡅࡔࡉࡕࡉࡋ ࡅࡀࡍࡅࡔ ࡌࡔࡀࡁࡀ ࡔࡅࡌࡀࡉࡄࡅࡍ ࡁࡀࡕࡀࡓ ࡍࡄࡅࡓ ࡉࡅࡌࡀ {{ࡖࡔࡀࡐࡕࡀ}} ࡖࡀࡓࡁࡀ ࡄࡀࡁࡔࡀࡁࡀ ࡏࡕࡔ ࡁࡉࡀࡄࡓࡀ ࡖࡀࡊࡉࡋ ࡎࡉࡕࡅࡀ ࡖࡄࡅ {{ࡏࡌࡓࡀ}} ࡖࡏࡌࡁࡓࡀ ࡍࡉࡎࡀࡍ ࡏࡋ {{ࡍࡀ࡞}} ࡔࡍࡀࡕ ࡏࡌࡀࡕࡉࡍ ࡀࡓࡁࡀ ࡔࡍࡉࡀ ࡀࡁࡀࡕࡀࡓ ࡀࡋࡐࡀ ࡖࡒࡀࡁࡉࡋࡉࡅࡍ ࡀࡓࡁࡀࡉࡉࡀ ࡃࡀࡓ ࡀࡓࡀࡁ ࡏࡋࡀࡅࡀࡉࡄࡅࡍ ࡁࡀࡈࡋࡇ ࡌࡀࡍࡃࡀ ࡖࡄࡉࡉࡀ ࡓࡅࡂࡆࡀࡉࡄࡅࡍ ࡌࡍ ࡊࡀࡍࡀ ࡓࡁࡀ ࡖࡍࡉࡔࡌࡀࡕࡀ ࡅࡋࡉࡁࡀࡉ ࡎࡌࡉࡊ ࡁࡄࡉࡉࡀ ࡌࡀࡍࡃࡀ ࡖࡄࡉࡉࡀ ࡄࡉࡁࡉࡋ ࡔࡉࡕࡉࡋ ࡅࡀࡍࡅࡔ ࡌࡔࡀࡁࡀ ࡔࡅࡌࡀࡉࡄࡅࡍ ࡁࡀࡕࡓࡀ ࡎࡀࡂࡉࡀ ࡌࡆࡀࡄࡉࡓࡋࡅࡍ ࡋࡊࡀࡍࡀ ࡖࡍࡉࡔ^ࡌࡀ^ࡕࡀ ࡖࡀ{{ࡓࡉ}}^ࡊࡉ^ࡓ ࡃࡀࡓࡀ ࡄࡉࡉࡀ ࡄࡃࡅࡍ ࡋࡀࡋࡀࡌ ࡀࡋࡌࡉࡀ ࡅࡄࡉࡉࡀ ࡆࡀࡊࡉࡍ ࡄࡉࡉࡀ ࡉࡀࡃࡉࡍ ࡄࡉࡉࡀ ࡎࡀࡁࡓࡉࡀ ࡄࡉࡉࡀ ࡋࡂࡅࡁࡓࡉࡀ ࡔࡀࡋࡌࡀࡍࡉࡀ ࡅࡏࡍࡔࡉࡇ ࡖࡔࡀࡋࡀࡌࡉࡀࡕࡀ ࡄࡀࡅࡉࡋࡅࡍ ࡎࡉࡌࡀࡊࡀ ࡁࡀࡋࡌࡉࡀ ࡖࡍࡄࡅࡓࡀ ࡅࡁࡃࡀࡅࡓࡀ ࡕࡀࡒࡍࡀ ࡌࡔࡀࡁࡉࡍ ࡄࡉࡉࡀ ࡎࡀ